大股一條線，買牛熊證好過買輪？
貿易協議未傾好，息又未減，業績期又未到，港股日日一條線。
幾隻大股好似騰訊(0700)、平安(2318)同友邦(1299)，每日只係窄幅上落，其場內期權引伸波幅，已經跌到落年內低位。如果股價橫行持續，加上近期大市成交咁少，大家都冇乜部署意欲，需求減低，自然令引伸波幅再受壓，輪價將受負面影響。
引伸波幅下跌對輪價不利，轉買牛熊證是一個可考慮嘅策略。
下面幅圖話你知，橫行市部署牛熊證嘅4大好處！
相關帖文:
[
幾時適合買窩輪？幾時適合買牛熊證？點揀先明智啲呢? ]
[
你又要，我又要！需求增加，引伸波幅會上升!]
...
正股除息，買Put買熊必勝？
嚟到6月，內銀股建行(0939)同工行(1398)等緊除息。咦？如果喺股份除息前買入Put輪或熊證，除息之後股價低咗，啲淡倉咪贏硬？呢個仲唔係必勝策略？
其實，股份除息大部份情況下唔會令到輪證價格有升跌。就算派息同市場預期唔同，對輪證嘅影響都會喺宣布派息時反映咗，唔會遲一排，到除息日先調整。
咁股份除息，又係咪無嘢要注意？咁又唔係。
如果拎住牛證，就要留意除完息之後，正股股價低咗，會同牛證收回價近咗，收回風險亦增加咗。如果唔好彩除完息後，直頭差少少就被收回，隻牛證個價都可能會跌好多；再差啲，股份除息之後，股價直情低過收回價，隻牛證係會被收回架!
睇吓下圖例子:
除息後，正股股價低過隻牛證嘅收回價，隻牛證即刻要同大家講拜拜……所以，除息之前，要留意牛牛嘅收回價會唔會太近啦！
相關帖文:
[
派息派早咗？ 對Call輪係負面消息？點解嘅？]
[
派息加咗，唔係好消息咩？點解Call輪價格會因此下跌？]
...
兌換比率唔同，牛熊證槓桿真係冇變？
大市急跌，博反彈梗係揀遠價牛熊證減收回風險啦！
嫌遠價證貴？揀大兌換比率(又稱換股比率)，好似500兌1，除細佢咪得囉！咪住，唔係大兌換比率，隻牛熊證既槓桿會低啲咩？你聽邊個講架？錯錯錯！
其實當其他條款相同，單單兌換比率改變，槓桿係唔．會．變！大兌換比率嘅牛熊證，有相同嘅槓桿之餘，價格仲相對平啲!
睇吓呢個例子, 了解吓牛熊證兌換比率同槓桿嘅關係就會明白。
一包1公斤嘅麵粉，可以做到2公斤嘅麵包，即係一比二嘅「倍數關係」，麵包店可以選擇做:
(A): 每個麵包係100克，做20個，每個賣6蚊；或者
(B): 份量細一半，每個麵包係50克，做40個，每個賣3蚊。
留意無論點做，用1公斤麵粉做2公斤麵包嘅「倍數關係」始終無變；50克嘅麵包價錢平左，個包係細啲，但味道同100克嘅一模一樣。
套返入牛熊證度，麵粉就好似正股，麵包就似牛熊證，無論係100兌1定500兌1嘅牛熊證，用兌換比率除細之後，影響嘅只有面值，槓桿倍數比率並無改變。
相關帖文:
[
500兌1同100兌1嘅牛熊證比，邊類更吸引？]
...
500兌1 同 100兌1嘅牛熊證比，邊類更吸引？
新增「兌換比率」500兌1 嘅騰訊(0700)同港交所(0388) 牛熊證登場之後，時不時收到投資者查詢，問兌換比率 (又稱換股比率) 大咗，槓桿會唔會低咗？
其實，如果其他條款相同，單單兌換比率改變，槓桿係唔．會．變！
有咗新增嘅500兌1 牛熊證，喺牛熊證部署上，仲為投資者帶來更多嘅彈性同好處添。有咩好處？ 下面一圖話你知！
相關帖文:
[
全新「兌換比率窩輪」登場！點樣影響到揀輪？ ]
...
全新「兌換比率窩輪」登場！點樣影響到揀輪？
5兌1同50兌1嘅全新兌換比率窩輪，3月8日正式登場！不過「兌換比率」究竟係乜？又點樣影響到揀輪？
舉個例子嚟解釋「兌換比率」：
一個蛋糕，成個買晒盛惠100蚊；如果將佢切開5件，每件賣20蚊。成件事係，最後你都買晒個蛋糕，只係唔同切法，每件蛋糕面值就唔同。
套返落窩輪度：
條款相同嘅窩輪 (即係掛鈎資產、行使價、年期、引伸波幅相同)，1兌1、5兌1 只會影響每份窩輪嘅面值，就同蛋糕嘅唔同切法一樣。 但，實際槓桿其實係一樣！
咁對投資者有咩影響呢？最重要係方便輪商出到條款更「靚仔」嘅窩輪。以前好似中人壽(2628)、A股ETF同金屬股嘅Call輪……一係10兌1超長期低槓桿、一係1兌1短期高槓桿但輪價貴。
有咗5兌1、50兌1之後，就可以多咗選擇：
例如價外10%以上、年期半年嘅中人壽(2628) Call；又或者價外10%、但輪價唔駛7、8毫子嘅港交所(0388) Call。
多咗產品揀，就方便大家更靈活做部署啦！
...
更多
大市狂Chok，增加收回風險。不如用遠價牛熊證，減低風險同時捕捉走勢。
2019年開始咗啱啱兩個星期，港股已經好似坐過山車咁大上大落，真係不宜跟車太貼。
跌市諗住買近牛博反彈，但買完就跌穿兩萬五，收回咗，結果之後大市六連升。與其追升追跌，不如眼光放遠啲，用遠收回牛熊證捕捉中期走勢。
方法係，假設你睇好呢季大市，揀隻收回價距離千零點嘅牛證，減低短期波動帶嚟嘅收回風險；而其實呢類證嘅槓桿都有十幾倍，無咁大上大落，就無咁容易做錯決定。只要您最終方向無錯，其實一樣有水位。
呢個策略唔知幫唔幫到手呢？
...
更多
股價波動大，買窩輪值博過牛熊證？原來並唔一定架！
坊間有傳，如果某隻股份好波動，買牛熊證嘅收回風險大， 反而應該買窩輪，值博率高啲，但係咪一定啱嘅呢？
其實，仲要睇埋輪嘅引伸波幅！如果引伸波幅較高嘅話，反而揀一成以上收回距離嘅牛熊證，有機會槓桿高過輪、入場費平過輪，而收回風險又唔算太高， 仲唔受時間值影響。
就以賭業股銀河娛樂(0027)為例子，中期輕微價外、條款適中嘅Call輪，實際槓桿大約6倍。收回價距離現水平逾一成嘅牛證，實際槓桿就有大約7至8倍。
俾個指標大家，當窩輪嘅引伸波幅高過30%，較有機會見到遠收回嘅牛熊證，條款吸引過窩輪。銀娛同舜宇(2382)，都係好好嘅例子！
...
更多
大市波動，邊啲牛熊跳得慢啲？到大市窄幅，又有邊啲牛熊跳得快啲？
近期大市一係就好波動，一係就郁都唔郁，買牛買熊難度都高咗。
波動果日郁得快，就驚買咗會好快輸好多個價位；但唔郁嘅日子，個市得百零點波幅，如果隻牛熊證得幾格上落，買中咗都好難食糊。
你知唔知道唔同換股比率嘅牛熊證，跳動敏感度都唔同？波動市驚郁得太快嘅，就可以揀隻跳得慢啲嘅部署；窄幅市唔多郁嘅，可以換隻跳動快啲嘅?咁即係點？睇吓下面張圖教你點揀！
...
更多
市跌有熊證走錢，即代表散戶唔再睇淡後市？事情並唔係咁簡單！
2018年9月5日，恒指收市報27243.85點，跌729點，恒指熊證流出1.02億元。
當你睇到呢個數字，你得出咩結論？
「個市跌成700幾點，啲散戶睇淡買咗熊證嘅，贏少少錢就急住走左?」
呢個真係事實嘅全部？當然冇咁簡單，下面幅圖係當日嘅牛熊證街貨分佈圖，收回價由27,988點以上嗰400點，全．部．都．有．增．倉！減倉嘅只係拉遠咗距離嘅熊證。真相大白，有資金流出，原來係有醒目散戶沽出遠價熊證鎖定利潤，再買返近價熊證繼續博跌，做咗個向下換馬嘅部署，並非唔再睇淡！
所以唔好只係睇資金流辨牛熊呀！睇牛熊證資金部署要睇埋街貨分佈圖呀！
即睇：
恒指牛熊街貨分佈圖恒指牛熊資金流
...
係咩驅使你買輪買貴咗？係街貨呀！咁係咪即係買輪要避開高街貨？
大市由高位跌咗咁多，買Call輪博反彈嘅吸引力增加咗，但大家有無諗過一不小心，可能買咗貴輪？
每隻輪其實都有一個理論價，如果你買入嘅價位高過理論價，就係買貴咗！正常情況下，輪商會以理論價賣隻窩輪俾你；但當街貨量去到太高，甚至100%嘅時候，買貴咗嘅機會就會增加。
每隻輪都有一個固定發行量，當輪商賣晒所有已發行嘅份數俾投資者，隻輪嘅街貨量就會升到100%，輪商手上面無晒呢隻輪， 只可以用理論價開買盤接貨， 無貨再可以賣俾你。之不過輪商無貨啫，但市場上之前買落嘅其他投資者有，仲可能會用高過理論價掛沽。如果你就咁睇報價App，直接以沽出價買貨，就有機會用咗貴價，接咗其他投資者嘅貨。
唔想買貴貨？最穩陣當然係搵部報價機，睇清楚輪商開緊咩買盤同賣盤；但如果平時係靠報價App睇價，落盤前就記得留意吓隻輪有冇下面講嘅3大特徵啦！
相關帖文:
[
騰訊1仙輪係咪跌無可跌？買入1仙輪係咪必勝策略？]
...
