04月16日 下午 01:54
復藥、國藥A股同創52周高,展示「南北連動」!
今日「南北連動」出現左兩隻熟口熟面既股份,分別係復星醫藥(600196)同國藥股份(600511),兩股都創左52周高位,按落去復星醫藥(600196),就即刻睇到佢對應既H股係復星醫藥(2196),而中段佢就曾經同A股一齊衝高。另一隻國藥股份(600511),雖然個名同國藥控股(1099)相似,同一集團,但留意番兩家公司既業務不同,A股有做藥物研究,而H股就只係銷售,但特別之處係國藥股份(600511)44.01%既權益係由國藥控股(1099)持有,所以都可以話「母憑子貴」。##

復星醫藥(2196)早兩日小編都提過係受惠呼吸機需求大增,而國藥股份(600511)就因為公佈開展新冠疫苗臨床試驗獲批,呢幾日已經響內地A股市場急升。兩隻股仲會唔會再升,小編都好難俾意見,不過「南北連動」呢頁,就真係可以幫大家即市發掘到呢啲異動,同埋投資機會,大家不妨多啲留意。

相關輪證選擇
復藥認購證19899,行使價28.28元,20年09月到期,實際槓桿約3.95倍。
國藥認購證24101,行使價22.28元,20年11月到期,實際槓桿約3.35倍。

...       
更多
08月11日 下午 03:18
業績後有望恢復回購?騰訊300蚊係危定係機?

騰訊(0700)近日回落到300蚊邊,南非大股東早前講明逐步減持,但公司出業績前冇得回購「自救」。嚟緊騰訊就嚟放榜 (8月17號),份成績表雖然重要,但憧憬可以恢復回購或者更加重要!回落到300蚊附近,績前部署有咩要留意? 

 

 

騰訊季績市場觀點:

- 預期次季淨利潤將按年錄倒退

- 疫情封控對廣告收入影響持續

- 績後重啟回購或可抵銷減持沽盤

 

預期績後反彈:

100兌1 高槓桿進取Call 21931

行使價 350.97元 ,22年10月底到期

 

500兌1 長期保守Call 15169

行使價 350.20元 ,23年12月到期

 

 

預期績後受壓: 

100兌1 價外Put 21393

行使價250.80元 ,23年1月底到期

 

助您績前、績後 做好部署 :瑞信業績期專頁


...       
更多
54分鐘前 今日 上午 10:54
靜市中搵焦點,個別板塊都有郁動!

港股今朝繼續淡靜,恒指高位重上過20,200點,但低位又曾跌逾百點到兩萬點樓下。雖然好淡爭持,但個別板塊都有啲消息同郁動,話唔定都有捕捉波幅嘅機會,不如好快咁幫大家做個速報?#gif_2#

 

多間央企計劃由美國退市

上星期五收市後,中石油(0857)、中石化(0386)、中人壽(2628)同中國鋁業(2600)等,宣布將主動將ADR由美國退市,原因大致係立交易量低、行政成本高,不過分析普遍覺得真正原因係同審計問題有關。#gif_4#

 

呢幾隻股份今朝都普遍受壓,但跌幅又唔算相當大,加上大市都再度回軟,暫時唔多覺市場對呢個消息有咩特別負面反應。今朝呢幾隻退市股,相關輪證亦唔見到有明顯資金流,只有小注資金覺得油價近期回落,或者可以考慮趁跌部署石油股好倉。#gif_7#

 

中油認購證20429,行使價3.88元,23年01月到期,實際槓桿約7.8倍。

中化認購證18422,行使價4.01元,22年12月到期,實際槓桿約11.4倍。

中壽認購證14561,行使價13.4元,23年05月到期,實際槓桿約6.8倍。

中鋁認購證20435,行使價3.69元,24年06月到期,實際槓桿約2.1倍。

 

波羅的海乾貨指數跌逾半成

航運股今朝普遍急跌,有分析話同波羅的海乾貨指數跌逾半成有關,而點解跌得咁急,市場卻翻炒Old News,好似歐盟對俄煤炭進口禁令持續,以及印尼禁出口煤炭等。#gif_6#

 

東方海外(0316)曾重挫逾15%,低見225蚊以下。中遠海控(1919)亦曾跌逾半成,暫守11蚊;不過主力做油品運送同航運服務嘅中遠海能(1138),卻曾逆市升逾6%,逐步逼近6蚊。由於呢幾隻股,得遠海有牛證選擇,而大家又驚板塊郁得驚,要承擔多咗引伸風險,所以趁跌部署航運股嘅,主力都將資金押注喺遠海牛證上。#gif_8#

 

東海認購證17339,行使價288.88元,22年11月到期,實際槓桿約4.1倍。

遠海認購證16082,行使價13.7元,22年10月到期,實際槓桿約7.2倍。

遠海牛證69011,收回價10.38元,行使價9.88元,槓桿比率約7.7倍。

遠能認購證22424,行使價7.18元,23年04月到期,實際槓桿約2.5倍。


...       
更多
08月12日 上午 10:40
中移動績後向好,派息多咗有咩要注意?

近期明顯走強嘅中移動(0941),尋日收市後交出一份好過預期嘅中期業績,兼且增加派息至2.2元。中移動績後向好,高位曾升逾2%至53蚊,係接近四個月高位。#gif_3#

 

心水清嘅朋友,或者都可能留意到,雖然今朝啲中移動Call同牛證都有得升,但梗係覺得好似升少咗少少。無錯,其實呢個都係增加派息嘅影響。中移動舊年中期派息1.63元,今年增加至2.2元,即係加咗0.57元,股份將會喺9月頭除息。當企業派息較預期多,由於股份除息後股價會低咗,如果Call輪同牛證到期日遲過9月頭,產品價格將會受到負面影響,並即刻反映出嚟;但由於今朝股價升幅夠大,所以抵銷完股息因素後,啲好倉產品仲有得升。(詳情睇《派息對窩輪影響》)#gif_1#

 

部署完業績之後,今朝中移動好倉難免有唔少資金獲利,但消化完獲利盤,股價都仲有得升,又重新吸引返啲好友部署中距離牛證。業績之後,短線中移動走勢會唔會繼續強,或者就要視乎北水買盤有幾大啦。#gif_4#

 

中移動輪證選擇

 

中移牛證64962,收回價50.18元,行使價49.58元,槓桿比率約22.9倍。

中移牛證52028,收回價48元,行使價47.4元,槓桿比率約13.5倍。

 

中移認購證15849,行使價55.05元,22年11月到期,實際槓桿約13.3倍。

中移認購證19048,行使價51.88元,22年12月到期,實際槓桿約10.6倍。


...       
更多
08月11日 上午 11:05
科技股回穩,邊隻走勢較落後?

港股三連跌後,今朝重拾升勢,科技股普遍亦都回穩,好似阿里(9988),高位已經上返90蚊樓上;騰訊(0700)亦曾重返300蚊;不過唔係隻隻科技股都有得升,大型科技股中,京東(9618)近日走弱,低位更曾跌逾1%至216蚊,係少數逆市要偏軟嘅大型科技股。#gif_10#

 

而家距離京東公布業績仲有少少時間,但除咗成個板塊走弱呢個因素外,似乎見唔到有咩針對呢隻股份嘅特別利淡因素;所以股價逆市偏軟,都吸引咗啲好友趁跌入場,主要考慮中距離牛證,免除引伸影響。#gif_2#

 

至於其他科技股中,以騰訊較多資金留意,股價今日上返300蚊附近爭持,好淡友都見有加注部署。嚟緊騰訊下星期放榜,驚引伸喺績後或者會回落,近日開倉資金,多返留意牛熊證,而揀Call嘅,就寧願揀返價外幅度細啲嘅產品,減低持倉風險。#gif_4#

 

科技股輪證選擇

 

京東認購證17385,行使價245元,22年11月到期,實際槓桿約5.6倍。

京東牛證62829,收回價200元,行使價197元,槓桿比率約9.3倍。

 

騰訊認購證21931,行使價350.97元,22年10月到期,實際槓桿約11.6倍。

騰訊認沽證21393,行使價250.8元,23年01月到期,實際槓桿約5.3倍。

騰訊牛證60369,收回價285.88元,行使價282.88元,槓桿比率約15.4倍。

騰訊熊證63371,收回價315元,行使價318元,槓桿比率約15.4倍。


...       
更多
08月10日 上午 10:45
比亞迪跌穿橫行區底部?車股急跌關Tesla事?

港股今朝繼續受壓,而且越跌越多,恒指低位仲落到去19,600點邊緣。新能源車股雖然成日話有國策支持,但今朝反而係跌得最急嘅板塊之一。比亞迪(1211)曾急跌逾半成,下試275蚊關口。中概車股三寶跌幅顯著,蔚來(9866)曾跌逾7%,失守咗150蚊。小鵬(9868)跌近7%,暫守85蚊,但係跌到逾兩個月低位。理想(2015)亦曾挫近7%,低見118蚊水平。#gif_6#

 

車股跌得多,有人話其中一個原因,係喺港股開市前,Tesla創辦人Elon Musk減持咗Tesla持股,套現逾68億。雖然消息理論上同比亞迪或者「蔚小理」應該無咩關係,但始終對大市以及板塊氣氛,都構成咗負面影響。#gif_4#

 

至於幾隻新能源車股,以產品最多嘅比亞迪較多人趁跌注意。近期比亞迪徘徊喺280蚊至300蚊之間上上落落,但今朝受壓之後,已經跌穿咗280蚊嘅橫行區底部,技術走勢其實唔多好;所以資金都唔係剩係趁跌入場博反彈,收回價喺300蚊阻力位附近嘅熊,都見有淡友考慮,或者反映弱市下,缸友都睇得唔太樂觀。#gif_10#

 

新能源車股輪證選擇

 

比迪牛證60048,收回價261元,行使價257元,槓桿比率約12.0倍。

比迪熊證60332,收回價300元,行使價304元,槓桿比率約9.9倍。

比迪認購證17282,行使價329.49元,22年11月到期,實際槓桿約7.4倍。

比迪認沽證18866,行使價221.01元,22年11月到期,實際槓桿約5.4倍。

 

蔚來認購證22410,行使價212.88元,23年02月到期,實際槓桿約3.2倍。

小鵬認購證15855,行使價118.98元,22年11月到期,實際槓桿約4.7倍。

理想牛證64482,收回價114元,行使價110元,槓桿比率約8.2倍。


...       
更多
08月09日 上午 10:50
阿里終回穩!京東卻急跌……

近日成為大市焦點嘅阿里(9988),業績後持續回軟,尋日仲進一步失守咗90蚊。阿里啱啱宣布,聯交所已經確認收到佢喺香港雙重主要上市嘅申請,股價今朝亦有少少起色,雖然90蚊都係得而復失,但總算逆市靠穩。#gif_1#

 

呢邊阿里終於回穩,但同屬電商股嘅京東(9618),今朝卻突然跌逾3%,低位仲失守埋230蚊水平。其實阿里想改為兩地主要上市,市場估其中一個原因,係睇吓有冇機會從此可以容許北水買賣,不過而家發展係點仲未知。京東情況亦相似,同屬可兩地換股嘅第二上市中概股,如果阿里咁做成功,或者其他中概股都會效法,但現階段呢,卻相信會維持觀望多。#gif_2#

 

京東急沽,雖然未見明顯資金流向,不過好倉都見有好友小注考慮,主要留意行使價約300蚊嘅Call。中距離牛都有資金吸納,作免除引伸影響嘅操作。#gif_4#

 

電商股輪證選擇

 

京東認購證20612,行使價300.2元,22年12月到期,實際槓桿約5.9倍。

京東牛證55699,收回價213元,行使價210元,槓桿比率約10.7倍。

京東熊證58151,收回價268元,行使價271元,槓桿比率約5.7倍。

 

阿里認購證22335,行使價95.05元,22年11月到期,實際槓桿約5.3倍。

阿里認沽證18090,行使價85.73元,23年03月到期,實際槓桿約2.6倍。

阿里牛證58906,收回價82.88元,行使價80.88元,槓桿比率約9.4倍。

阿里熊證63387,收回價99元,行使價101元,槓桿比率約7.5倍。


...       
更多
08月08日 上午 11:53
弱市搵返保守股?中移動50蚊靠穩!

大市再度走弱,徘徊喺兩萬點附近無方向,資金近期開倉意欲明顯降低,唔少投資者就算揀,都傾向揀返舊經濟股;不過金融股又驚外圍經濟情況,內險股又驚內房債務問題,揀無可揀之下,保守資金竟然將焦點,放咗去電訊股身上。#gif_1#

 

中移動(0941)近期走勢明顯轉強,上返50蚊樓上之後,仍然企穩喺呢個水平以上。北水近期持續吸納中移動,可能係支撐股價嘅因素。嚟緊呢個星期四中移動亦會放榜,雖然市場普遍預期電訊股業績,唔會出現好大驚喜或者意外,不過派息水平如果有變,都有可能對股價帶嚟影響。#gif_4#

 

既然講到業績,雖然唔預期股價會有大變動,但始終驚績後引伸會回落,就算跌少少,由於中移動輪本身窩低,引伸波幅敏感度高,都可能會對輪價構成幾大幅度嘅影響。既然係咁,績前如果睇好,不妨考慮以中距離牛證做部署,除咗免除引伸影響,槓桿同輪比亦唔見得輸蝕。#gif_5#

 

中移動輪證選擇

 

中移牛證52028,收回價48元,行使價47.4元,槓桿比率約17.0倍。

中移牛證63126,收回價44.55元,行使價43.95元,槓桿比率約8.0倍。

 

中移認購證19048,行使價51.88元,22年12月到期,實際槓桿約10.4倍。

中移認購證15849,行使價55.05元,22年11月到期,實際槓桿約12.3倍。


...       
更多
08月05日 上午 10:47
油價捱沽?石油股跟跌……

雖然市場似乎將焦點放晒喺阿里(9988)份業績上,但績後股價倒跌,績後入場嘅資金唔多。睇返外圍焦點,尋晚油價其實跌咗好多,紐約期油失守咗每桶90蚊美金,已經重返二月俄烏戰爭前嘅水平。油股跟隨油價下跌,中海油(0883)曾跌逾3%,暫守9.3元;中石油(0857)低位同樣跌逾3%,受制於3.5元水平。#gif_10#

 

油價跌得急,主要同市場憂慮經濟情況唔好,將會打擊原油需求。尋晚英倫銀行加息半厘,但對經濟前景睇得比較悲觀,仲警告可能會出現經濟衰退。美國早前公布嘅GDP數字唔好,內地又受疫情反覆影響,市場預期經濟情況會令原油需求減低,亦屬無可厚非。#gif_2#

 

三桶油中,以對油價敏感度最高嘅中海油,吸引到較多資金作部署,不過唔係趁跌博反彈,反而係追沽較多,可能係覺得油價有機會繼續跌。市況轉弱,藍籌股波幅收窄,可能係驚油股輪引伸都有回套壓力,揀熊證追沽係淡友嘅主流選擇。#gif_4#

 

石油股輪證選擇

 

海油認購證14069,行使價11.212元,23年01月到期,實際槓桿約7.6倍。

海油認沽證14067,行使價8.662元,22年09月到期,實際槓桿約8.5倍。

中油認購證20429,行使價3.88元,23年01月到期,實際槓桿約7.5倍。

 

海油牛證50728,收回價8.635元,行使價8.363元,槓桿比率約9.7倍。

海油熊證55243,收回價10.88元,行使價11.18元,槓桿比率約4.5倍。


...       
更多
08月04日 上午 10:38
比亞迪賣車賣得好!蔚來輪首登場!

嚟到8月初,又係車企每個月公布銷量嘅日子。比亞迪公布,上月汽車銷量達到16萬架以上,按年增長逾1.8倍。由於賣車賣得好,比亞迪今朝又再向上衝,高位曾升逾3%至298蚊以上,但始終同300蚊關口,保持住「這麼近、那麼遠」嘅距離。#gif_2#

 

睇返呢個星期嘅走勢,比亞迪其實每日都衝過上290蚊樓上,但偏偏每日都升穿唔到300蚊大關。近期投資者可能都發現呢個大位有神秘阻力,每次上試295蚊後,都吸引資金反手開淡倉,揀返收回價喺300蚊樓上嘅熊。今朝情況都唔例外,資金繼續反手開熊多。#gif_4#

 

至於同屬新能源汽車股嘅「蔚小理」,今朝就個別發展。小鵬(9868)最弱,曾跌逾3%至88.5元,跌至超過兩個月低位。理想(2015)變動唔大,保持喺130蚊以上。蔚來(9866)大致靠穩,重上160蚊,一度升逾2%。蔚來窩輪今日首次登陸港股輪場,為大家提供槓桿選擇,對佢有興趣嘅好友,不妨留意呢隻新上市蔚來Call 22410。#gif_1#

 

電動車股輪證選擇

 

比迪認購證17810,行使價381.88元,22年12月到期,實際槓桿約6.4倍。

比迪認沽證18866,行使價221.01元,22年11月到期,實際槓桿約5.4倍。

比迪牛證62305,收回價278元,行使價274元,槓桿比率約11.6倍。

比迪熊證60896,收回價313元,行使價317元,槓桿比率約13.1倍。

 

蔚來認購證22410,行使價212.88元,23年02月到期,實際槓桿約3.1倍。

小鵬認購證15855,行使價118.98元,22年11月到期,實際槓桿約4.2倍。

理想認購證28411,行使價150.09元,22年09月到期,實際槓桿約5.2倍。


...       
更多
    輪證小知識
    輪證小知識相關帖文