04月27日 上午 10:29
率先發掘昆能異動,即市異動股與市場資金流點幫到手?
上星五小編下晝等緊收工,都依然好努力幫大家搵下市場焦點,就提過隻昆能(0135),點解無端端會提起,事緣即市資金流見到「好日唔發市」既認購證成交大增,而且且唔係短炒,而係持倉過市既。同時,響「即市異動股專頁」度,亦都睇到佢上榜,響靜市出左技術突破訊號,加埋同系股上升,所以就提大家可以留意一下。##今朝隻昆能暫時就急升近7%,仲曾經上過5蚊樓上。

簡單講,如果有隻股既即市輪證資金流有異動,而正股又技術突破,市場又係買緊某個板塊,就比較值得大家留意。##

咁邊度有即市輪證資金流睇? 答案係無既##,大家唯有多啲上嚟輪證動態到睇,一有異動小編儘快分享。真係miss 左既,睇番每晚十點鐘更新既「市場資金流向」,都可以睇到呢啲資金異動,遲少少知好過唔知,第二日見隻股響即市異動股上榜,又破位既,都仲可以部署下。

所以話,我地新網頁唔單止係幫大家搵產品,仲快人一步幫大家發掘市場焦點!

昆能輪證選擇
昆能認購證23697,行使價6.35元,20年09月到期,實際槓桿約4.61倍。

...       
更多
02月03日 上午 10:51
突然跌四舊?有咩消息咁唔利好?

自從北水回歸之後,港股今個星期5個交易日,結果有4日都要跌,今朝失驚無神突然跌成400幾點,低位失守埋21,500點水平。明明聯儲局議息之後,市場預期加息步伐減慢,點解無咩負面消息之下,大市突然受壓,仲跌穿埋農曆新年前嘅水平?#gif_6#

 

今朝跌得多嘅,主要係金融股。匯豐(0005)跌逾3%,低位暫守55蚊水平。平安(2318)跌幅更曾達4%以上,低位失守58蚊水平。美減慢加息步伐同放鴿,市場共識普遍認為係預期之內,但金融股反而跌得急?正因如此,今朝好友趁跌加注好倉,但部署上較保守,主要考慮輕微價外認購證,觀望到價機會。#gif_2#

 

至於近日強勢嘅比亞迪(1211),原來巴菲特喺農曆新年之後再度減持,雖然經過幾次減持之後,市場理應接受咗,但大市捱沽,佢嘅跌幅亦逐步擴大至逾3%,暫守250蚊水平。好友近日上移至行使價300蚊以上嘅Call輪,而淡倉就繼續傾向揀中距離熊證,策略上未見大變。#gif_4#

 

藍籌股輪證選擇

 

滙豐認購證20364,行使價60.05元,23年04月到期,實際槓桿約15.9倍。

平安認購證26798,行使價60.93元,23年03月到期,實際槓桿約9.8倍。

 

比迪認購證19436,行使價319.08元,23年12月到期,實際槓桿約3.6倍。

比迪熊證67064,收回價278元,行使價282元,槓桿比率約8.7倍。


...       
更多
02月02日 上午 11:04
Tesla減價效應?比亞迪一月銷量按年升、按月跌……

近期走勢相當強勁嘅汽車股,逐步公布一月份嘅交付量,但喺Tesla減價嘅影響下,結果令市場有少少吃驚。比亞迪公布,上月電動車銷量突破15萬架,按年增長58%,但按月呢,原來跌咗35%。比亞迪今朝曾破位升逾3%至268蚊,但之後升幅逐步收窄,落返260蚊附近。#gif_4#

 

比亞迪近期升咗咁多,尋日成功收復埋上年八月底、股神巴菲特減持而出現嘅下跌裂口後,技術走勢理應好轉,所以即使銷售數據唔夠好,今朝依然有得升,亦吸引資金繼續加注淡倉,主要考慮中距離熊證。至於追貨嘅,好友原來已經上移至行使價300蚊以上嘅Call輪。#gif_2#

 

至於其他車股,表現比比亞迪更差。吉利(0175)旗下電動車品牌極氪,交付量按月跌成73%。理想汽車(2015)1月銷量按年升23%,但按月都要跌29%。至於小鵬(9868),按月跌幅更達54%。比亞迪就話有龍頭效應,其他實際銷售數同佢爭咁遠嘅電動車股,經過近期咁急升後,或者都要諗諗係咪咁值博。#gif_7#

 

車股輪證選擇

 

比迪認購證19436,行使價319.08元,23年12月到期,實際槓桿約3.5倍。

比迪熊證67064,收回價278元,行使價282元,槓桿比率約13.5倍。

比迪熊證66866,收回價285元,行使價289元,槓桿比率約10.1倍。

 

吉利認購證15859,行使價13.52元,23年03月到期,實際槓桿約7.6倍。

吉利熊證69832,收回價14.5元,行使價15元,槓桿比率約6.5倍。

 

小鵬認購證26298,行使價59.55元,23年11月到期,實際槓桿約2.1倍。

理想認購證26123,行使價108.98元,23年03月到期,實際槓桿約4.8倍。


...       
更多
02月01日 下午 06:45
睇片:雷神、Ivan對談《兔年股輪防「被套」攻略》

瑞信Ivan聯同Tasty Money「小炒王」梁心欣,仲有對輪證甚有研究嘅達人「雷神」,於周二晚(31號) 舉行網上講座,論盡2023新一年新開始哪些板塊要留意,焦點板塊如何佈局。  

 

市場憧憬中國復常刺激消費,經濟活動持續復甦 ; 另一方面期盼美國加息步伐會放慢,雷神、心欣點睇 (@43:48) ?  對科技股又有乜影響? 要用輪證做部署,Ivan建議點揀條款?  而想入市博反彈要點部署? 聽Ivan用港交所  (0388) 即席講解 (@1:00:58)!

 

為新一年新開始做足準備,立即重溫精彩內容!

 

 

探討方向

1. 美息及宏觀資金流走勢

2.內地重啟經濟能否重拾動力?

3. 焦點板塊部署

 

日期:  2023年 1月31日(二)

Time:  晚上8 時正 至 晚上9 時正    

主持:  心欣、雷神

嘉賓:  何啟聰 Ivan 瑞信香港認股證及牛熊證銷售主管

 

想緊貼我地嘅網上講座同教學,就記得Like埋我地嘅Youtube Channel 啦!去「輪證頻道」留意最新update都得!


...       
更多
02月01日 上午 11:18
飄移境界!比亞迪帶領車股又破位!

出完盈喜嘅比亞迪(1211),以為尋日逆市向好已經踩行油,點知今日走勢繼續強勁,高位再升逾半成,升至259蚊以上嘅逾5個月高位!農曆新年之後,除咗今個星期一倒跌之外,5個交易日暫時有4日都有得升,唔通真係進入咗飄移境界?#gif_3#

 

拉返比亞迪張圖出嚟睇,股價喺舊年下半年嘅跌勢,係由股神巴菲特減持開始,喺消息公布後,8月31日單日急跌至242蚊附近收市,喺日線圖形成大型下跌裂口,但原來近日比亞迪逐步反彈,今朝高位已經掂到當日下跌裂口頂部259.4元。如果成功收復,技術走勢進一步好轉,或者唔排除有再上試高位嘅機會。#gif_4#

 

不過資金流當然係趁彈,繼續反手開淡倉,尋日單日再流入逾430萬,當中超過300萬都係揀熊證,原因呢幾日都講過,活躍價外Put一係太短期,長少少嘅槓桿又唔夠中距離熊證高,加上熊證免除引伸影響,都係令資金傾向開熊嘅原因。#gif_1#

 

除咗比亞迪,其他車股今日一樣受捧。吉利(0175)高見13蚊樓上,小鵬汽車(9868)曾急升逾7%,理想汽車(2015)更加突破埋百元大關,做返紅底股:不過呢啲車股喺輪場選擇上相對較少,資金基本上都係揀比亞迪同吉利開倉多。#gif_8#

 

車股輪證選擇

 

比迪認購證19436,行使價319.08元,23年12月到期,實際槓桿約3.5倍。

比迪熊證67962,收回價268元,行使價272元,槓桿比率約18.5倍。

比迪熊證67064,收回價278元,行使價282元,槓桿比率約10.8倍。

 

吉利認購證15859,行使價13.52元,23年03月到期,實際槓桿約7.5倍。

吉利熊證69832,收回價14.5元,行使價15元,槓桿比率約6.4倍。

 

小鵬認購證26298,行使價59.55元,23年11月到期,實際槓桿約2.2倍。

理想認購證26123,行使價108.98元,23年03月到期,實際槓桿約4.8倍。


...       
更多
01月31日 上午 10:17
比亞迪盈喜!250蚊見頂未?

尋日破位之後倒跌嘅比亞迪(1211),今日迎嚟好消息。比亞迪出咗盈喜,話預期舊年淨利潤介乎160億至170億元人民幣,按年增長最多4.58倍。受消息刺激,比亞迪今朝高位曾升逾3%,高見248蚊以上,但始終突破唔到250蚊關口。#gif_2#

 

其實比亞迪唔係冇見過250蚊樓上,尋日高位就一度破位升至250.6元,不過一見呢個位,就有唔少獲利盤出現,加上尋日市況唔配合,最終比亞迪要倒跌至240蚊樓下;好彩有盈喜刺激返,令股價喺今朝重拾升勢。#gif_3#

 

睇返比亞迪份公告,話業績好,主要係新能源汽車銷量按年強勁增長,更加勇奪全球新能源汽車銷量第一,緩解上游原材料價格上漲帶來嘅成本壓力;不過就講明手機部件及組裝業務盈利承受壓力。由於比亞迪近期升得多,資金今朝主要考慮淡倉。由於比亞迪中距離熊的槓桿,明顯比活躍價外比亞迪Put嘅實際槓桿吸引,因此淡友較傾向選擇熊證作部署。#gif_4#

 

電動車相關股輪證選擇

 

比迪認購證23873,行使價269.08元,24年03月到期,實際槓桿約3.0倍。

比迪熊證68152,收回價258元,行使價262元,槓桿比率約16.0倍。

比迪熊證67962,收回價268元,行使價272元,槓桿比率約9.9倍。

 

小鵬認購證26833,行使價44.93元,23年06月到期,實際槓桿約2.7倍。

理想認購證26123,行使價108.98元,23年03月到期,實際槓桿約5.2倍。

贛鋒認購證28492,行使價76.05元,23年05月到期,實際槓桿約5.0倍。


...       
更多
01月30日 上午 10:58
同屬國策股,車股、芯片股好淡分明……

內地放完新年假,北水今日正式回歸,A股表現向好,不過港股就……表現麻麻啦,恒指曾跌逾200點,落到22,500點樓下,跨長假嘅三連升暫時告終。#gif_10#

 

北水回歸,大家或者都會諗吓有咩國策股可以考慮,不過即使同屬國策股,強弱分野亦可以好明顯。車股近日表現強勢,自從Tesla公布理想季績後,比亞迪(1211)連日抽升,今朝高位仲一度突破250蚊關口,升到約5個月高位。吉利(0175)今朝亦曾升逾3%,升至13.44元嘅逾4個月高位。雖然車股近日強勢,資金都係反手開淡多,但連跌市都能夠逆市靠穩,有冇少少心動想小注開好倉?#gif_2#

 

芯片股係另一個國策板塊,不過今朝表現相對失色。中芯(0981)今朝曾跌逾4%至17.5元,落返農曆新年前嘅位置。華虹半導體(1347)低位仲跌逾6%,暫守30蚊關口。上星期已經有報道話,美日荷三國達成共識,同意限制部分先進芯片製造機械出口到中國。負面消息雖然有待消化,但會唔會有危先有機,趁跌可以考慮部署好倉?#gif_4#

 

國策股輪證選擇

 

比迪認購證24624,行使價268.88元,23年02月到期,實際槓桿約12.7倍。

比迪熊證67962,收回價268元,行使價272元,槓桿比率約9.1倍。

 

吉利認購證15859,行使價13.52元,23年03月到期,實際槓桿約7.3倍。

吉利認沽證19144,行使價13.31元,23年03月到期,實際槓桿約4.7倍。

吉利熊證69832,收回價14.5元,行使價15元,槓桿比率約6.8倍。

 

中芯認購證24992,行使價19.9元,23年03月到期,實際槓桿約9.1倍。

華虹認購證14426,行使價35.88元,23年09月到期,實際槓桿約3.3倍。


...       
更多
01月27日 上午 10:36
強者越強?小米比亞迪繼續升!

港股今朝喺高位有少少抖氣,雖然恒指高位都見過22,700點,但亦一度回落至22,500點以下,而市場焦點繼續落喺強勢股身上,似乎有強者越強之勢。#gif_3#

 

尋日因為憧憬造車有進展嘅小米(1810),單日爆升逾12%之後,今朝曾再升逾3%,再升至13.78元嘅逾半年高位。雖然升得急,尋日資金難免流出好倉獲利,但都見有追貨資金向上換馬,揀到行使價喺14蚊以上Call。趁小米今日仲有得升,順勢追貨有冇得諗?#gif_4#

 

尋日強勢嘅車股,今朝焦點放喺比亞迪(1211)身上,雖然低位輕輕跌穿過240蚊,但高位亦曾升逾2%至245蚊樓上。Tesla業績好,可能係帶動比亞迪股價走勢嘅原因,不過資金流同小米有啲似,急升股都係好倉沽貨獲利、淡友入場博回套。若果想跟住資金流揀淡倉,中距離熊或者比Put輪更吸引,雖然500兌1熊同100兌1價外Put,喺面值上分別冇之前咁大,但槓桿卻明顯以熊證較吸引,而且免除引伸影響,大家持倉或者可以考慮少樣嘢。

 

小米及比亞迪輪證選擇

 

小米認購證22761,行使價14.62元,23年06月到期,實際槓桿約5.5倍。

小米熊證57166,收回價14.88元,行使價15.28元,槓桿比率約7.5倍。

 

比迪認購證23873,行使價269.08元,24年03月到期,實際槓桿約3.2倍。

比迪熊證68152,收回價258元,行使價262元,槓桿比率約10.7倍。

比迪熊證67962,收回價268元,行使價272元,槓桿比率約8.8倍。


...       
更多
01月26日 上午 10:38
紅盤高開!無北水港股先發威?

以為過年前突破兩萬點已經好勁?結果兔年返嚟,港股升勢持續,恒指今朝高位曾急升逾400點,爭50點左右就觸及22,500點關口。#gif_3#

 

過年前終結十連跌嘅美團(3690),今朝成功重上170蚊關口。內地復常後,市場憧憬居民出生可能利好美團,或者係刺激股價回穩嘅原因。騰訊(0700)成功突破400蚊,亦係另一個升市動力;不過要講升得多,ATMX要睇隻小米(1810),高位急升逾8%至12.88元,係逾半年高位。有報道披露咗小米汽車嘅設計稿,公司已澄清係早期招標設計稿,並唔係最終文件,但股價反而好似有少少因禍得福,唔知係咪因為有實物揸手,反而令大家覺得造車真係有進展?#gif_4#

 

至於舊經濟股,就要睇隻滙豐(0005),今朝破位高見58蚊,而對上一次見58蚊,原來已經係3年前。滙豐呢類股份,每日升幅雖然唔大,但原來每日升少少,已經一啲都唔落後。由於佢好少一日急升,如果想追好倉,即使揀輕微價外Call,實際槓桿都唔低,等到價先再向上換馬,亦可較好咁控制風險。#gif_1#

 

兔年大吉,祝各位投資者新一年心想事成,龍馬精神!#jpg_3#

 

藍籌股輪證選擇

 

美團認購證28048,行使價188.98元,23年04月到期,實際槓桿約6.5倍。

美團認沽證28984,行使價147.9元,23年04月到期,實際槓桿約5.5倍。

美團牛證63464,收回價151.88元,行使價148.88元,槓桿比率約7.0倍。

美團熊證57972,收回價200元,行使價203元,槓桿比率約5.3倍。

 

騰訊認購證16261,行使價438.138元,23年06月到期,實際槓桿約7.0倍。

騰訊認沽證22107,行使價403.655元,24年03月到期,實際槓桿約1.6倍。

 

小米認購證22761,行使價14.62元,23年06月到期,實際槓桿約5.9倍。

小米熊證57166,收回價14.88元,行使價15.28元,槓桿比率約5.7倍。

 

滙豐認購證19049,行使價62.93元,23年03月到期,實際槓桿約20.8倍。


...       
更多
01月20日 上午 10:23
收爐有得升!連美團都終結十連跌?

嚟到虎年最後一個交易日,外圍雖然要捱沽,不過港股喺歲晚收爐反而有得升,恒指今朝高位曾升逾250點,重上21,900點水平,但始終同兩萬二關口都係爭少少。假期前成交例牌減少,仲要冇埋北水,可能要寄望兔年先可以挑戰兩萬二。#gif_1#

 

科技股普遍有得升,新遊戲早幾日獲批版號嘅騰訊(0700),高位曾觸及390蚊,表現固然搶眼,但睇實已經十連跌嘅美團(3690),今日亦都重拾升勢,高位升逾4%至167蚊以上。美團自從被騰訊派股之後連日捱沽,唔通沽壓已經開始消散?#gif_4#

 

至於即市令人較失望嘅藍籌股,就要數隻港交所(0388)。滬深交易所出咗份意見,話想擴大滬深港通股份嘅準則,不過市場暫時未見憧憬,港交所今朝維持喺360蚊反反覆覆。港交所近日由380蚊以上嘅高位,回落到近日360蚊水平以下,好友近日都分注吸納好倉,或者係觀望兔年回勇機會。#gif_5#

 

歲晚收爐,祝各位投資者新一年萬事如意,得心應手!#gif_3#

 

藍籌股輪證選擇

 

騰訊認購證16261,行使價438.138元,23年06月到期,實際槓桿約7.7倍。

 

美團認購證28048,行使價188.98元,23年04月到期,實際槓桿約6.5倍。

美團認沽證28984,行使價147.9元,23年04月到期,實際槓桿約5.3倍。

美團牛證63464,收回價151.88元,行使價148.88元,槓桿比率約9.0倍。

 

港交認購證22756,行使價425.2元,23年03月到期,實際槓桿約13.0倍。

港交認沽證22938,行使價305.68元,23年03月到期,實際槓桿約12.0倍。

港交熊證57631,收回價388元,行使價390元,槓桿比率約11.8倍。


...       
更多
    輪證小知識
    輪證小知識相關帖文