03月13日 下午 02:56
恒指牛熊證被收回後, 仲有機會有錢收返?
恒指牛熊證被收回後,唔一定無錢收返,有定無取決於被收回之後,恒指走勢係點!

以一隻睇好既牛證為例,如果恒指下跌,觸及咗收回價,隻牛證就會即時停止買賣, 但收回之後,恒指無喺包括收回內嘅兩個交易時段,進一步跌至隻牛證嘅行使價,就會有少少剩餘價值收返。

想知剩餘價值係點計?買咗又可以收返幾多錢?小編之後再話你知。

小編已經出左post講解剩餘價值點計喇! 好簡單, 一條公式搞掂晒! 快啲click入去呢度睇下啦!!

相關帖文:
[想知牛證「剩餘價值」點計?好簡單,一條公式搞掂晒!]
...       
更多
15小時前 昨日 下午 01:42
議息前挾完淡先平倉?半日資金流係點?

恒指今日無受美股低走影響,早市仲一度挾番上24487點,多隻上日跌幅大既股都反彈,仲有中移動一枝獨秀,淡友既過市淡倉係聯儲局議息會議結束前被挾,尋日下晝追沽,買左貼熊既錢急急平倉同換馬,而博反彈既好友都唔少「先食為敬」。#jpg_3#

 

半日資金流就顯示好友平倉,淡倉就有過千萬錢加倉。想半日睇到呢個數據,唔使等收市既話,即刻按呢度下載我地既手機應用程式,即市訊息入面就睇到,有更多資訊參考!#jpg_5#

 

策略方面,議息會議前如果睇之後市場會「行一邊」,今日可以考慮下貼價牛熊既策略,即係話收市前部署一些較貼價,內在價值較少的恒指牛熊證,如果大市聽日返嚟「爆邊」,咁就贏一邊輸一邊,靠另一邊突破既幅度夠大去抵銷損失。當然,呢類部署都有盲點既,一旦市場議息後唔郁,都有可能兩邊都輸啲,所以一定要控制注碼。#jpg_1#

 

唔想咁博,可以揀遠少少收回價既牛熊證,又或者聽日先入場。

 

瑞信輪證選擇

 

恒指認購證29658,行使價27,900點,22年06月到期,實際槓桿約15.49倍

恒指認沽證19109,行使價21,300點,22年06月到期,實際槓桿約9.54倍

 

恒指牛證54317,收回價24,000點,行使價23,900點,槓桿比率約86.47倍,兌換比率10,000

恒指牛證51795,收回價23,950點,行使價23,850點,槓桿比率約74.73倍,兌換比率12,000

 

恒指熊證54762,收回價24,600點,行使價24,700點,槓桿比率約46.56倍,兌換比率10,000

恒指熊證54764,收回價24,750點,行使價24,850點,槓桿比率約35.40倍,兌換比率12,000


...       
更多
18小時前 昨日 上午 10:33
金融股反彈,資金又反手?

天氣不似預期,股市更難估,所以近期資金喺輪場做部署,唔少都做得好短,就算只係微利,都傾向「有得食就食咗先」。尋日急跌嘅金融股,今朝出現反彈,資金就隨即出現呢個情況。#gif_4#

 

尋日平安(2318)、友邦(1299)同匯豐(0005)三大金融股都捱沽,當中內險股平安跌幅更高達半成收市,隨即見到資金入場開好倉,睇返資金流,平安、匯豐同友邦好倉,都位列於十大資金流入相關資產之內,分別排第3、第7同第10,反映唔少投資者都趁跌博反彈。#gif_1#

 

到今朝呢三隻股份都出現反彈,尋日開咗好倉嘅資金,唔少選擇即刻食糊,到冇咩耐性坐多彈睇吓會唔會再升多啲,但同一時間,平安同匯豐淡倉,又吸引返些少資金反手部署。或者年尾嘅部署新常態係,唔需要對中線方向好有睇法,總之升就反手買跌、跌就反手買升,睇啱食糊、睇錯止蝕;不過做得咁短,可能就好考投資者嘅身手,如果遇到好似周一、周二咁連跌兩日,呢個反手部署嘅策略就未必行得通啦。#gif_2#

 

金融股窩輪選擇

 

平安認沽證22135,行使價47.95元,22年07月到期,實際槓桿約5.6倍。

友邦認沽證21957,行使價69.95元,22年06月到期,實際槓桿約8.4倍。

滙豐認沽證21844,行使價44.83元,22年05月到期,實際槓桿約9.8倍。

 

平安認購證18506,行使價72.93元,22年04月到期,實際槓桿約9.1倍。

友邦認購證13720,行使價102.1元,22年05月到期,實際槓桿約11.3倍。

滙豐認購證21563,行使價60.05元,22年07月到期,實際槓桿約9.5倍。


...       
更多
01月25日 上午 10:40
中概股捱沽,資金博反彈?

港股今朝繼續跌,恒指低位仲跌成500幾點。科技股捱沽,當中以喺美國有第二上市嘅中概股,跌幅比較深。京東(9618)今朝曾跌逾4%,一度失守280蚊。百度(9888)跌幅更一度高達半成以上,低位失守145蚊。嗶哩嗶哩(9626)再創本港上市新低,低位曾跌逾4%至270蚊以下。#gif_6#

 

由於中概科技股跌得深,都會吸引到資金入場博反彈,但當然注碼唔算好大,似乎取態上保守為主。如果有牛熊證選擇嘅,好似京東咁,好友寧願揀中距離牛證,以免除引伸波幅變動風險;至於百度或者嗶哩呢啲冇牛熊證選擇嘅,揀Call亦寧願揀冇咁價外,減低返持輪風險。#gif_10#

 

除咗中概科技股,中概汽車股亦見受壓。小鵬汽車(9868)低位曾跌逾6%,低見153.6元嘅逾三個月低位;理想汽車(2015)曾跌近4%至105.8元,同樣係逾三個月低位。不過車股近期確實走弱,敢博反彈嘅資金,相對較博科技股嘅少。#gif_8#

 

中概股輪證選擇

 

京東牛證69248,收回價261元,行使價258元,槓桿比率約10.8倍。

京東熊證51682,收回價315元,行使價318元,槓桿比率約7.1倍。

 

百度認購證15092,行使價158.1元,22年05月到期,實際槓桿約5.8倍。

百度認沽證22389,行使價128.78元,22年09月到期,實際槓桿約2.5倍。

嗶哩認購證22504,行使價336.46元,23年04月到期,實際槓桿約2.0倍。

 

小鵬認購證12696,行使價201.88元,22年05月到期,實際槓桿約4.3倍。

理想認購證21206,行使價130.09元,22年07月到期,實際槓桿約3.3倍。


...       
更多
01月24日 上午 10:41
車股繼續跌,負面消息幾時先剎停?

港股三連升後回軟,新能源汽車股喺近期大市升浪之中,不單止冇點升,到今日大市捱沽,成個板塊跌得仲急。究竟有咩負面因素,令到車股表現咁差?#gif_6#

 

新能源車股面臨原材料價格上升,同埋補貼可能減少,已經唔係新事,連龍頭比亞迪(1211)都要對部分車款上調官方指導價格,就知道車企都諗緊方法解決難題。比亞迪今朝低位曾跌逾4%,連250蚊關口都失守埋,好友雖然繼續博反彈,但都已經再下移到再遠價少少嘅牛證。#gif_10#

 

至於長城汽車(2333)公布,舊年列帳盈利按年增長26%,不過單計第四季,列帳盈利卻按年減少34%,市場關注盈利跌會唔會成為未來趨勢,股價今朝曾急跌逾9%至22.7元,係大約7個月低位。跌得咁急,意味窩輪引伸上升嘅機會好大,如果驚入完場之後引伸會回落,或者考慮跟風今朝資金揀長汽牛證,免除返引伸影響。#gif_2#

 

汽車股輪證選擇

 

比迪牛證56655,收回價230元,行使價226元,槓桿比率約9.5倍。

比迪熊證53737,收回價269元,行使價273元,槓桿比率約10.4倍。

長汽牛證61470,收回價20.38元,行使價19.58元,槓桿比率約5.8倍。

長汽熊證53759,收回價26.88元,行使價27.68元,槓桿比率約4.7倍。

 

比迪認購證20371,行使價295.2元,22年06月到期,實際槓桿約5.3倍。

比迪認沽證19908,行使價207.8元,22年06月到期,實際槓桿約3.8倍。

長汽認購證21039,行使價28.38元,22年06月到期,實際槓桿約4.4倍。

長汽認沽證21628,行使價20.28元,22年07月到期,實際槓桿約2.9倍。


...       
更多
01月21日 上午 10:40
衝高後整固,仲有咩相對落後股?

大市尋日急升逾800點,科技股同金融股升勢全面,不過投資者係好矛盾嘅,當個市唔郁,就肯博吓好倉等升,但當真係大升,又驚升得太急會跌,於是唔敢追,仲有唔少資金反手開淡添。#gif_2#

 

如果對大市依然睇法樂觀,但又驚部分升得太急嘅股份要抖氣,可能唔少投資者都會轉投一啲尋日有得升,但又唔算升好多,整體走勢仍然算落後嘅股份,睇吓有冇追落後機會,當中港交所(0388)就係其中一隻。#gif_4#

 

港交所尋日升近4%,今朝高位曾升近2%,成功突破480蚊,但中線依然受制於500蚊大關。北水尋日流入港股市場嘅金額增加返,大家憧憬緊會唔會係北水重燃對港股嘅興趣,所以都見到有好友覺得佢有啲勢但未算升得好勁時流入好倉。#gif_1#

 

至於真係落後嘅,就有新能源汽車股板塊,比亞迪(1211)尋日只係升逾1%,今日徘徊喺260蚊反覆。比亞迪牛證見有小注資金追落後,睇吓有冇機會睇齊返同大市尋日嘅升幅。#gif_7#

 

港交所及比亞迪輪證選擇

 

港交認購證28885,行使價530.5元,22年03月到期,實際槓桿約12.9倍。

港交認沽證29651,行使價428.68元,22年03月到期,實際槓桿約13.8倍。

港交牛證53145,收回價450.88元,行使價448.88元,槓桿比率約14.8倍。

港交熊證56194,收回價498元,行使價500元,槓桿比率約24.7倍。

 

比迪認購證28890,行使價300.2元,22年03月到期,實際槓桿約8.8倍。

比迪認沽證17986,行使價229.8元,22年05月到期,實際槓桿約4.4倍。

比迪牛證69187,收回價245元,行使價241元,槓桿比率約11.6倍。

比迪熊證66894,收回價278元,行使價282元,槓桿比率約12.1倍。


...       
更多
01月20日 下午 02:27
大市挾淡,想知半日恒指牛熊證資金流?

恒指今日受到媒體指內地或放寬內房使用預售資金的消息刺激,半日升破24500點兼越升越多。逢大升/大跌市,自然有資金想摸轉角位,恒指牛熊證資金流往往成為市場參考數據。

 

淨睇牛熊比例,就覺得牛既比例仍高,但係呢啲資金可能都好耐之前入場,而且即市都可能走左。好似今日咁,瑞信半日恒指熊證資金淨流入有成4053萬,而牛證半日就淨買入1571萬,睇到既野係咪比起睇隔晚資金流唔同左?

 

想更加緊貼恒指牛熊證既即市資金流方向,可以下載返我地既Apps「瑞信輪證分析」,每日中午食飯時間會收到短訊提示,即刻睇到數據!

 

點下載?您可以去您既Apps store 打「瑞信輪證分析」,又或者按呢度掃碼下載!  


...       
更多
01月20日 上午 10:58
匯豐抖氣,到友邦平安接力發威?

金融股由年初至今,走勢都算相對強勁,特別隻滙豐(0005)由年初大約47蚊,到近期高位一度突破55蚊,半個月間升幅高達17%。到近呢兩日,滙豐終於要抖抖氣,但舊經濟股依然有其他股份接力,支持大市繼續向上衝。#gif_3#

 

友邦保險(1299)今朝顯著突破,高位升逾4%至87.6元,係接近兩個月高位。內險股平安(2318)高位曾升逾3%,高見63.6元水平,更加係接近三個月高位,似乎大家都寄望緊有冇機會挑戰65蚊阻力。#gif_1#

 

不過同匯豐情況相若,當股價升得急,資金未必好敢追貨,反而趁機會做反手淡倉部署嘅資金更多,當中平安同友邦,都見有資金即市考慮熊證同Put輪。滙豐淡倉之前越買越升,到呢幾日先回返少少,唔知今次開平安同友邦淡倉嘅投資者,眼光會唔會準啲呢?#gif_4#

 

友邦及平安輪證選擇

 

友邦認沽證21957,行使價69.95元,22年06月到期,實際槓桿約9.0倍。

友邦熊證64787,收回價93.88元,行使價94.48元,槓桿比率約11.3倍。

平安認沽證19782,行使價53.48元,22年03月到期,實際槓桿約11.3倍。

平安熊證69233,收回價66.38元,行使價66.98元,槓桿比率約13.5倍。

 

友邦認購證13720,行使價102.1元,22年05月到期,實際槓桿約11.6倍。

友邦牛證51732,收回價80元,行使價79.4元,槓桿比率約11.2倍。

平安認購證18506,行使價72.93元,22年04月到期,實際槓桿約9.9倍。

平安牛證53742,收回價60.28元,行使價59.68元,槓桿比率約16.7倍。


...       
更多
01月19日 上午 10:51
騰訊除淨,窩輪牛熊證會點搞?

騰訊(0700)實物派發京東(9618)股份將會係今日除淨,由於金額唔細,以京東現價除以21計,除淨金額達到10幾蚊,所以今朝都開始收到投資者嘅查詢,除淨之後啲窩輪同牛熊證會點搞。當中佢哋最擔心嘅,係話如果買咗牛證,收回價距離現價咁啱係10幾蚊,如果聽日除淨咗10幾蚊落嚟,隻牛證係咪會即時收回?咁係咪要趁今日提早沽咗佢呢?#gif_6#

 

鎮定啲!留意返今次騰訊除淨,相關窩輪同牛熊證嘅條款,係會按除淨金額按比例調整嘅,換句話講,除淨之後,騰訊股價會低咗,窩輪嘅行使價會按比例下調、牛熊證嘅收回價同行使價亦會按比例下調、輪證嘅兌換比率亦會按比例調整,務求令到窩輪嘅價外價內幅度,以及牛熊證收回價與現價嘅距離百分比,理論上唔會因為除淨而改變,亦盡量令相關產品價格,理論上唔會因為除淨呢個企業行動而有變化。#gif_1#

 

答返最初嘅問題,今次除淨由於會做條款調整,所以牛證唔會因為除淨而被收回,當然如果聽日返嚟騰訊股價要跌,除淨後股價觸及調整後嘅牛證收回價,隻產品依然會被收回,但呢樣就係市場因素所致,而同除淨無關。#gif_4#

 

事實上,呢類調整喺以往已經做過好多次,情況同派特別息除息相似,只不過今次派嘅唔係現金而係實物,將實物價值反映返落去做調整,方法其實類同。如果想知多啲,可以去《派息對窩輪影響》詳細了解。#gif_5#

 

騰訊輪證選擇

 

騰訊認購證11837,行使價540.5元,22年03月到期,實際槓桿約12.6倍。

騰訊認沽證13046,行使價384.8元,22年05月到期,實際槓桿約7.1倍。

騰訊牛證50051,收回價438.88元,行使價436.08元,槓桿比率約19.4倍。

騰訊熊證53187,收回價473元,行使價475.8元,槓桿比率約19.8倍。


...       
更多
01月18日 上午 10:33
中芯突抽升,終於睇返國策股?

由月初至今,市場焦點唔係科技股弱勢,就係舊經濟股強勢,其他板塊冇咩邊個可以吸引到投資者嘅眼球,本來大家憧憬年初會唔會追捧吓國策受惠股,估唔到去到今日,先至有資金留意。芯片股中芯國際(0981)今朝異動,曾經急升逾半成至19.66元,係超過一個月高位。#gif_3#

 

走勢上,中芯由12月中急跌之後,表現一直落後,徘徊咗喺18.5元附近一段時間,到今日終於一舉突破橫行區阻力19蚊,短線或者留意20蚊關口有冇機會順勢升穿。由於中芯落後,今朝急升,資金暫時都係追貨為主,雖然金額未見好大,但都反映投資者對國策股睇法依然樂觀。中芯牛證槓桿較活躍Call輪高,追貨好友普遍揀牛證。#gif_4#

 

除咗中芯,同屬芯片股嘅華虹半導體(1347),今朝曾升逾3%,逼近42蚊。同手機軟件相關嘅中軟國際(0354),更加曾急升逾6%,突破9蚊。呢兩隻股份嘅好倉,都見有資金小注追入。#gif_5#

 

芯片股及軟件股選擇

 

中芯認購證20600,行使價22.27元,22年06月到期,實際槓桿約4.8倍。

中芯認沽證20593,行使價15.55元,22年08月到期,實際槓桿約2.3倍。

中芯牛證58177,收回價17.88元,行使價16.88元,槓桿比率約6.8倍。

中芯熊證58792,收回價21.88元,行使價22.88元,槓桿比率約5.4倍。

 

華虹認購證26342,行使價50.88元,22年05月到期,實際槓桿約4.1倍。

中軟認購證20023,行使價10.88元,22年06月到期,實際槓桿約3.4倍。


...       
更多
    輪證小知識
    輪證小知識相關帖文