09月24日 下午 03:56
市跌有熊證走錢,即代表散戶唔再睇淡後市?事情並唔係咁簡單!
2018年9月5日,恒指收市報27243.85點,跌729點,恒指熊證流出1.02億元。

當你睇到呢個數字,你得出咩結論?

「個市跌成700幾點,啲散戶睇淡買咗熊證嘅,贏少少錢就急住走左?」

呢個真係事實嘅全部?當然冇咁簡單,下面幅圖係當日嘅牛熊證街貨分佈圖,收回價由27,988點以上嗰400點,全.部.都.有.增.倉!減倉嘅只係拉遠咗距離嘅熊證。真相大白,有資金流出,原來係有醒目散戶沽出遠價熊證鎖定利潤,再買返近價熊證繼續博跌,做咗個向下換馬嘅部署,並非唔再睇淡!

所以唔好只係睇資金流辨牛熊呀!睇牛熊證資金部署要睇埋街貨分佈圖呀!

即睇:
恒指牛熊街貨分佈圖
恒指牛熊資金流

...       
更多
21小時前 昨日 上午 11:20
業績期尾聲,仲有咩股份可以諗?

去到3月尾,又到咗業績期尾聲,大型股份啲成績表幾乎已經派晒,市場好似冇咩方向。去到最後兩日,仲有咩業績股有值博率?#gif_4#

 

資金似乎今朝聚焦喺派咗業績嘅股份上,好似隻快手(1024),上季虧損收窄,今朝高位曾急升逾一成,逼近62蚊,其後保持喺60蚊附近靠穩。容許小編先行認叻,早兩日喺《科技股躺平?仲有邊隻未放榜?》,已經預期市場對快手業績冇期望下,如果業績符合預期,可能有機會有炒作,如果今日預期成真。#gif_3#

 

不過去到60蚊樓上,好友似乎都係獲利多,仲有資金小注試吓開淡倉,揀返行使價喺50蚊附近嘅Put。睇返啲公布完業績嘅科技股,除咗騰訊(0700)之外,好多時都只係炒一日就玩完,跟隨市場資金流試開淡倉,或者可以睇吓有冇機會,回返落58蚊或以下水平。#gif_8#

 

個別股份放完榜急跌,中軟國際(0354)舊年純利按年倒退33%,今朝曾急跌逾12%,低見5.15元,吸引資金小注考慮好倉。中海油(0883)舊年盈利倍翻,但派末期息0.75元可能令市場有少少失望,結果今朝都要跌逾2%至11.5元樓下,亦見有好友小注考慮。#gif_10#

 

業績股輪證選擇

 

快手認購證26433,行使價68.05元,23年08月到期,實際槓桿約4.2倍。

快手認沽證14333,行使價50.33元,23年09月到期,實際槓桿約2.8倍。

快手牛證63422,收回價48元,行使價45元,槓桿比率約3.8倍。

 

中軟認購證14966,行使價6.29元,23年07月到期,實際槓桿約4.3倍。

海油認購證14544,行使價12.9元,24年06月到期,實際槓桿約4.2倍。

海油牛證55227,收回價10.55元,行使價10.3元,槓桿比率約12.8倍。


...       
更多
03月29日 上午 10:51
回國新搞作!阿里改組顯著抽升!

阿里(9988)創辦人馬雲係咪「愛回家」,早兩日左右住大市走勢。回國幾日,尋晚阿里終於宣布新搞作!阿里會進行改組,分成6大主要業務集團,包括最重要嘅淘寶天貓商業,同埋阿里雲智能等,而呢6個集團,會各自設立董事會,未來可以獨立融資,仲可以分拆上市。#gif_1#

 

市場對阿里重組呢個計劃明顯好受落,尋晚美股ADR急漲後,港股呢邊今朝同樣有得升,早段曾急升逾16%至98蚊,係超過一個月高位,及後維持喺95蚊以上靠穩。同系阿里健康(0241)亦見向上,高位升逾9%,高見6.55元水平。#gif_3#

 

雖然改組之後,要等佢分拆上市可能仲有好長嘅路要走,但市場憧憬先行,憧憬可以釋放業務價值,阿里今朝急升之後,雖然之前較多資金部署,行使價喺90蚊附近嘅Call,唔少持倉者選擇沽貨鎖定利潤,但同時行使價100蚊樓上嘅Call,亦見資金向上換馬。留意阿里宣布改組後,由於股價波幅急增,今朝阿里輪嘅引伸波幅升咗唔少,普遍都起碼升左2%至3%以上,即係代表而家入場,要俾多少少成本,同埋要留意當股價走勢轉趨穩定後,引伸到時若果回落,或者會對輪價構成負面影響。#gif_4#

 

除咗阿里,同屬電商股嘅京東(9618),今朝都有異動,高位曾升逾7%至168蚊,之後保持喺160蚊以上靠穩。雖然阿里改組,唔係好關京東事,但年前京東都曾經嘗試改組科技金融業務京東數科,但最終撤回上市申請。阿里呢次改組,會唔會有少少觸發到市場憧憬呢?#gif_1#

 

阿里系及電商股輪證選擇

 

阿里認購證13913,行使價106.98元,23年10月到期,實際槓桿約4.1倍。

阿里認購證22606,行使價103.98元,23年05月到期,實際槓桿約9.3倍。

里康認購證14537,行使價7.28元,23年06月到期,實際槓桿約4.5倍。

 

京東認購證14965,行使價180.1元,23年06月到期,實際槓桿約6.4倍。

京東牛證54658,收回價140元,行使價137元,槓桿比率約6.3倍。


...       
更多
03月28日 上午 11:04
科技股躺平?仲有邊隻未放榜?

騰訊(0700)同美團(3690)兩隻大型科技股嘅業績,近日左右住大市走勢,騰訊績後急升、美團績後捱沽,但兩份業績都同市場預期差唔多,所以有時做業績部署,都未必只係睇份業績好壞,反而要視乎股價係業績之前,係咪已經率先受追捧。#gif_4#

 

ATMX已經輪流放完榜,大家或者覺得科技股業績期已經落幕,但其實唔係!大型科技股嚟講,仲有隻視頻股快手(1024)等住派成績表,聽日先放榜。市場本身對快手業績無期望,覺得第四季都係會繼續蝕錢,不過快手近季開始做多咗電商直播,會唔會喺無期望之下,反而交到一份唔錯嘅成績表呢?#gif_1#

 

最緊要一點係,騰訊同美團業績話俾大家知,績前有冇「炒定先」,或者先係業績值唔值得追捧嘅元素。快手績前變動唔大,近呢幾日都係徘徊喺55蚊附近,符合「仲未炒」嘅條牛。近期券商預測嘅科技股業績,都算估得幾準,如果最終快手業績符合預期,話唔定有機會帶動股價走勢。#gif_5#

 

即市見到小注資金部署快手好倉,由於業績係短期消息,好友主要考慮短身Call作短期部署。如果驚績後窩輪引伸有回落機會,收回價喺50蚊樓下嘅牛證,亦具有一定吸引力。#gif_3#

 

快手輪證選擇

 

快手認購證26919,行使價62.93元,23年05月到期,實際槓桿約6.7倍。

快手認沽證14333,行使價50.33元,23年09月到期,實際槓桿約2.6倍。

快手牛證63422,收回價48元,行使價45元,槓桿比率約4.8倍。


...       
更多
03月27日 上午 11:49
中石化急跌?資源股突受壓!

港股兩連跌,今朝恒指再跌逾300點,落到19,500點附近。資源股係今日跌市重災區,特別係業績令市場有反應嘅股份,好似隻中石化(0386)咁,今朝低位曾跌逾7%,低位暫守4.3元水平。莫非份業績真係好差?#gif_6#

 

中石化公布,按國際會計準則,舊年純利按年跌8%,不過末期息按年跌約37%,得返0.195元人仔,同時宣布向母公司發行A股,集資最多120億人仔。派息少咗,股權又溝淡,會唔會先係股價捱沽嘅元凶?#gif_2#

 

由於中石化派息嘅跌幅,比盈利嘅跌幅大,可能唔少輪商計咗入輪價入面嘅股息,比而家實際派發嘅多,呢樣嘢理論上利好輪價,所以今朝部分較長期、預計包埋除息嘅Call,實際上跌少咗,因為派息少咗理論上利好窩輪價格 (詳情睇《派息對窩輪影響》)。資金見佢跌得多,亦見小注部署好倉,觀望出現技術反彈嘅機會。#gif_4#

 

資源股今朝亦見受壓,跌得急嘅有水泥股,特別係隻中國建材(3323),出咗一份盈利倒退嘅業績,但實際上,佢個盈利倒退幅度,同佢之前出嘅盈警幾乎一樣,但股價低位照跌逾一成,吸引資金趁跌吸納。華潤水泥(1313)仲要上星期已經放咗榜,但股價照跌,低位同樣跌逾一成,落到4蚊樓下,或者可能考慮有冇博反彈機會。#gif_8#

 

資金股窩輪選擇

 

中化認購證14543,行使價4.89元,23年11月到期,實際槓桿約5.9倍。

中油認購證14539,行使價4.99元,23年09月到期,實際槓桿約8.0倍。

海油認購證14544,行使價12.9元,24年06月到期,實際槓桿約4.9倍。

 

國材認購證27811,行使價6.51元,23年12月到期,實際槓桿約3.5倍。

華泥認購證24991,行使價5.76元,23年12月到期,實際槓桿約3.6倍。


...       
更多
03月24日 上午 11:22
分拆派息?中移動末期息減、全年息增!

近日由高位回落嘅中移動(0941),業績前已事先張揚計劃提高派息比率,引起市場憧憬。尋日公布舊年業績,全年合共派息4.41元,派息率增至67%,但純粹計末期息,只係派2.21元,較舊年派嘅2.43元少。#gif_4#

 

末期息減咗?但全日派息率增加咗?究竟係咩意思?意思好明顯,就係中移動整體派息都真係多咗,但可能公司想啲股息派得平均啲,所以中期息增加嘅幅度大好多,而末期息反而就減少咗。記得中移動舊年8月公布中期息時,小編都曾經寫過《中移動績後向好,派息多咗有咩要注意?》,話俾大家知佢中期息由對上一年嘅1.63元,增至最新2.2元嘅影響,只係可能大家原本估末期息都會按年增加,未必估到佢係將全年加咗嘅股息咁樣分拆。#gif_2#

 

中移動績後回軟,低位曾跌逾2%至62蚊樓下,心水清嘅朋友,可能會發現今朝部署中移動Call同牛,跌得比理論跌幅少,當然唔係少好多,可能只係兩三格,原因就係因為有啲輪商,可能會預咗中移動末期息都會增加,諗唔到佢張加咗嘅派息,放晒喺中期息度。當派息較預期少,就會利好到期日包括咗除息日嘅Call輪或牛證價格,想知多啲,可以睇《派息對窩輪影響》。#gif_7#

 

至於業績後,資金趁跌繼續加注中移動牛證,但就揀遠少少到60蚊樓下嘅牛證。或者係覺得後市走勢仍然唔明朗,依然想揀返走勢較穩定嘅電訊股作保守部署。#gif_10#

 

電訊股輪證選擇

 

中移認購證14676,行使價75元,23年09月到期,實際槓桿約9.2倍。

中移牛證54835,收回價58.5元,行使價57.9元,槓桿比率約16.8倍。

中移牛證53805,收回價56.5元,行使價55.9元,槓桿比率約11.5倍。

 

中聯認購證14297,行使價5.96元,23年12月到期,實際槓桿約4.0倍。

國信認購證14839,行使價5.19元,23年08月到期,實際槓桿約5.8倍。


...       
更多
03月23日 上午 10:57
騰訊績後急升!積弱美團有冇機?

聯儲局表明今年唔會減息,外圍股市急跌,但港股今朝竟然有得升?全靠之隻騰訊(0700)撐住,業績後高位曾升逾半成,高見366蚊以上。如果睇數,騰訊上季好多數字只係符合市場預期,點解市場睇得咁利好?#gif_3#

 

睇返騰訊份業績,上季收入約1449億元人仔,按年增1%,符合市場預期;經調整淨利297億元,按年增19%,低過預期少少,都叫做符合預期嘅。遊戲業務收入跌少少,但網絡廣告業務重錄增長,而末期息亦增至2.4元。市場睇法係,遊戲業務大致Keep到,而廣告仲有復甦跡象,加埋業績前股價表現麻麻,所以交出份成績表唔係太差,隨即吸引資金追正股;不過輪場方面,騰訊升到上嚟360蚊之後,今朝好倉獲利為主,資金反手開淡倉,主要考慮行使價喺300蚊附近嘅Put,做返啲反手部署。#gif_4#

 

至於聽日出業績嘅美團,今朝都有得升少少,但同130蚊關口距離唔遠。市場驚騰訊年初實物嘅分派嘅美團股份,聽日就到手,但大戶究竟係會到手先沽,定係一早借貨沽咗,大家都係靠估。美團績前弱勢,徘徊130蚊附近嘅低位,話唔定有機會複製騰訊表現,只要業績唔太差,市況又唔係太負面下,績後或者都有上升機會。#gif_1#

 

科技股輪證選擇

 

騰訊認購證13773,行使價430.2元,23年07月到期,實際槓桿約9.0倍。

騰訊認沽證13917,行使價303.68元,23年07月到期,實際槓桿約7.0倍。

 

美團認購證14832,行使價140.1元,23年06月到期,實際槓桿約5.8倍。

美團認沽證15057,行使價122.78元,23年07月到期,實際槓桿約4.4倍。

美團牛證56286,收回價116.88元,行使價113.88元,槓桿比率約6.6倍。


...       
更多
03月22日 上午 10:55
科技股反彈!美團繼續無影?

大市重拾升勢,市場睇實聯儲局加息幅度有幾多,而港股投資者望實啲業績股。騰訊(0700)今日就會放榜,績前本來無咩人有期望,結果股價落到330蚊邊,但呢兩日突然受追捧,重上350蚊關口。#gif_3#

 

原本騰訊徘徊330蚊低位時,資金比較踴躍開好倉,可能係覺得只要份業績唔太差,而且股價已經喺低位,或者有機會績後反底;但績前衝上350蚊後,潛在上升空間好似細咗,再肯開好倉資金追貨嘅投資者,明顯比之前少,即市更有資金反手開淡,揀緊行使價喺300蚊附近嘅Put。#gif_4#

 

科技股雖然普遍有得升,不過美團(3690)似乎未見受惠,今朝高位逼近過133蚊,但之後落設130蚊附近反覆偏軟。美團今個星期五會出業績,市場比較關注嘅,係騰訊年初實物嘅分派美團股份,會喺今個星期五到手。雖然大戶可能喺除淨之後,之前已經借貨沽咗先,但實物到手後會唔會帶嚟更大沽壓,或者都有待觀察,可能係令股價升唔起嘅原因。#gif_2#

 

始終係逆市向下,而且已經徘徊喺低位,資金都有低吸美團好倉,但揀輪明顯保守咗,好似係行使價喺140蚊附近嘅輕微價外Call,又或者中距離牛證,去免除績後可能下跌嘅引伸影響。#gif_7#

 

科技股輪證選擇

 

騰訊認購證13773,行使價430.2元,23年07月到期,實際槓桿約9.1倍。

騰訊認購證14550,行使價388.5元,23年06月到期,實際槓桿約8.6倍。

騰訊認沽證13917,行使價303.68元,23年07月到期,實際槓桿約6.6倍。

 

美團認購證14832,行使價140.1元,23年06月到期,實際槓桿約6.0倍。

美團認沽證15057,行使價122.78元,23年07月到期,實際槓桿約4.4倍。

美團牛證56286,收回價116.88元,行使價113.88元,槓桿比率約7.4倍。


...       
更多
03月21日 下午 04:40
加息預期改變,影響恒指牛熊證價格?

又到聯儲局議息,市場原本預期會加半厘,但因應近日歐美銀行業嘅憂慮之後,唔少券商已經改為預期加0.25厘,甚至暫時唔加住。

 

 

舊年美國多次大幅加息,當時講過,恒指牛證價格會因為加息預期而上升,熊證就會跌,所以短期牛包嘅息少啲、長期熊包嘅息多啲,產品價格會平少少;不過加咗咁多次之後,市場開始預期息口未必會再加得咁狠,若果息口預期有變,對牛熊證價格有咩影響呢? 

 

 

如果想知得再深入啲,即刻Click入《達人深造 利率的變化》了解更多。

  

 

延伸閱讀:[加息會影響入場成本?點買恒指牛熊可以平啲?]  

 


...       
更多
03月21日 上午 11:00
遊戲版號獲批!騰訊績前冇方向?

近日大市表現唔好,科技股當然難以交出表現。尋日先講過,ATM中以騰訊(0700)負面消息較少,起碼唔似電商股同外賣股咁,要面對不斷加劇嘅競爭同補貼問題。咁啱今日騰訊即刻有好消息,旗下遊戲成功獲批版號,不過股價表現就麻麻,低位曾跌逾1%,暫守330蚊,及後跌幅逐步收窄。#gif_4#

 

騰訊近期跟隨大市走弱,但落到300蚊邊,股價似乎初步得到支持,即使阿里(9988)同美團(3690)再尋底,騰訊暫時喺呢個位置都企得穩。遊戲版號連續n個月獲批,當變成習慣之後,市場似乎對呢個消息反應唔大,嚟緊騰訊就會出業績,或者相對會較吸引投資者注意?#gif_2#

 

有別於美團同阿里,好友揀Call通常越揀越貼價,某程度反映大市對呢兩隻股睇法較淡,但對於騰訊,好友依然揀緊行使價400蚊以上嘅價外Call,貪佢面值平、槓桿夠高。當然如果保守好友,亦有行使價400蚊樓下嘅冇咁價外Call揀,減低價外幅度。#gif_1#

 

除咗騰訊,嗶哩嗶哩(9626)都有遊戲獲批版號,今朝高位曾急升逾9%,逼近185蚊,但之後又落返180蚊樓下。好友小注考慮價外Call,觀望股價順勢突破阻力位嘅機會。#gif_3#

 

網遊股窩輪選擇

 

騰訊認購證13773,行使價430.2元,23年07月到期,實際槓桿約9.6倍。

騰訊認購證14550,行使價388.5元,23年06月到期,實際槓桿約9.2倍。

騰訊認沽證13917,行使價303.68元,23年07月到期,實際槓桿約5.9倍。

 

嗶哩認購證26910,行使價264.2元,23年09月到期,實際槓桿約3.3倍。


...       
更多
    輪證小知識
    輪證小知識相關帖文