12月17日 下午 03:54
股價波動大,買窩輪值博過牛熊證?原來並唔一定架!
坊間有傳,如果某隻股份好波動,買牛熊證嘅收回風險大, 反而應該買窩輪,值博率高啲,但係咪一定啱嘅呢?

其實,仲要睇埋輪嘅引伸波幅!如果引伸波幅較高嘅話,反而揀一成以上收回距離嘅牛熊證,有機會槓桿高過輪、入場費平過輪,而收回風險又唔算太高, 仲唔受時間值影響。

就以賭業股銀河娛樂(0027)為例子,中期輕微價外、條款適中嘅Call輪,實際槓桿大約6倍。收回價距離現水平逾一成嘅牛證,實際槓桿就有大約7至8倍。

俾個指標大家,當窩輪嘅引伸波幅高過30%,較有機會見到遠收回嘅牛熊證,條款吸引過窩輪。銀娛同舜宇(2382),都係好好嘅例子!

...       
更多
05月20日 下午 05:50
低無可低?阿里業績後能否重生?

科技股陸續放榜,由於市場對科企業績期望唔大,符合到市場低預期嘅科技股,績後話唔定有反彈機會?咁啱內地官方近期仲話要支持平台經濟健康發展同數字企業上市,龍頭阿里(9988)長時間弱勢後,有冇機會重生?

 

阿里即將公布截至三月底嘅全年業績,券商睇法麻麻,趁佢仲被視為Underdog,唔知有冇部署機會?

 

阿里業績券商觀點:

 

- 預期全年淨利潤將錄倒退

- 交付受疫情影響、拖低核心商業業務

- 疫情影響,生活服務及菜鳥等難見起色

 

 

憧憬內地放鬆封控,預期績後反彈

 

保守:

貼價Call 11890

行使價 90.88元  22年12月到期

 

中距離低面值牛 63391

收回價77元 兌換比率 500兌1

 

進取:

價外Call 14802

行使價 115.10元  22年10月到期

 

憂弱勢未改:

中距離熊 51173

收回價93元 兌換比率 100兌1 


...       
更多
19小時前 昨日 上午 11:15
傳統藍籌抬頭?匯控破位中移動跟升?

唔知係咪見啲科技股弱到無眼睇,資金開始轉泊傳統藍籌股,幾經挑戰下,滙豐(0005)今朝終於成功突破50蚊關口,高位曾升近4%至51蚊以上。#gif_3#

 

近期市場開始對國際金融股多咗憧憬,特別係有美國嘅大銀行,之前上調咗今年息差收入預測,令大市對佢哋都多咗憧憬,加上悶市下,匯豐都持續有回購,都可能係推動股價破位嘅原因;不過今朝突破50蚊之後,再博升多啲嘅好友唔多,反而有淡友出手博回套,或者都要睇定佢係咪企得穩50蚊,好友先會考慮再度入場。#gif_4#

 

除咗滙豐,另一隻傳統藍籌股中移動(0941),今朝除息之後都破位,高位升近4%,一度重上52蚊水平。相對滙豐,中移動一向北水粉絲多,衝咗上去之後,今朝都仲見到有好友追貨,或者係覺得除完息之後都仲企得穩50蚊,可能仲有值博空間。#gif_1#

 

滙豐中移動輪證選擇

 

滙豐認購證29040,行使價55.93元,22年08月到期,實際槓桿約11.5倍。

滙豐認沽證15942,行使價40.83元,22年09月到期,實際槓桿約8.5倍。

滙豐牛證50151,收回價46.18元,行使價45.18元,槓桿比率約8.5倍。

滙豐熊證50594,收回價55.88元,行使價56.88元,槓桿比率約8.1倍。

 

中移認購證21468,行使價58.05元,22年09月到期,實際槓桿約11.3倍。

中移牛證54052,收回價48.88元,行使價47.88元,槓桿比率約13.9倍。


...       
更多
05月24日 上午 11:18
買車減稅,但唔係隻隻車股向上衝……

尋晚國務院常務會議,推出咗一堆措施刺激經濟,包括減徵部分乘用車購買稅600億人仔等。有券商即刻估計,或者有望拉動100萬至200萬部乘用車嘅新增需求。近期強勢嘅車股,今朝唔單止有得升,而且有部分升幅仲好顯著!#gif_3#

 

吉利(0175)今朝高位急升逾一成,一度突破15蚊,但之後大市跌多咗,佢嘅升幅亦收窄至逾半成。長城汽車(2333)高位曾急升逾13%,雖然之後守唔住13蚊,但依然保持約7%至8%嘅升幅。廣汽(2238)縮水幅度比較大,高位曾升逾一成,但未能成功逼近7.8元,之後升幅收窄至約1%,守得住7蚊。#gif_1#

 

反觀近日不斷破位嘅新能源汽車股比亞迪(1211),今朝反而要跌逾半成,失守260蚊。同屬新能源汽車股嘅小鵬汽車(9868),低位仲跌近一成……#gif_6#

 

不過睇資金流,都反映大市對後市前唔樂觀,好似吉利急升破位,吸引到嘅竟然係淡倉資金,反手開熊開Put,而佢升幅真係收窄咗,或者都反映淡友暫時先贏一仗。至於近日係車股焦點嘅比亞迪,反而有資金趁佢回套追牛,睇嚟大家喺部署上,仍然堅持強者越強嘅硬道理。#gif_4#

 

汽車股輪證選擇

 

吉利認購證28719,行使價15.02元,22年10月到期,實際槓桿約4.1倍。

吉利認沽證11516,行使價9.99元,22年09月到期,實際槓桿約4.6倍。

吉利牛證53927,收回價12.5元,行使價12元,槓桿比率約5.8倍。

吉利熊證68687,收回價16元,行使價16.5元,槓桿比率約6.0倍。

 

長汽認購證11901,行使價14.7元,22年11月到期,實際槓桿約3.2倍。

廣汽認購證14666,行使價7.81元,23年01月到期,實際槓桿約3.3倍。

 

比迪認購證19436,行使價319.08元,23年12月到期,實際槓桿約2.2倍。

比迪認沽證17062,行使價199.9元,22年09月到期,實際槓桿約3.7倍。

比迪牛證53939,收回價241元,行使價237元,槓桿比率約11.4倍。

比迪熊證66894,收回價278元,行使價282元,槓桿比率約9.9倍。

小鵬認購證15855,行使價118.98元,22年11月到期,實際槓桿約3.1倍。


...       
更多
05月24日 上午 10:30
中移動除息:快談高息股除息對輪證影響!

中移動將於星期三(5月24日)開市時除息,是次除息金額為2.43港元,以周一收市價52.5元計算,正股除息後,股價將向下調整約4.63%。有投資者擔心除息會令認購證及牛證的價格大幅下跌,查詢該如何處理持倉。#gif_2#

 

事實上,該派息金額在三月份公司公布業績時已公布,派息預期一早已反映在輪證價格上,故除息當日輪證的價格,並不會因為正股除息而受影響。換句話說,Call 及牛證不會因而急跌;Put及熊證也不會因而急升。所有輪證產品當日的升跌幅,僅反映正股在除息以外的升跌幅。#gif_5#

 

持有貼價牛證者宜換馬

不過,持有牛證的投資者,仍需留意牛證的收回價不會因為正股除息而向下調整。因此,正股除息後,投資者持有牛證的收回價,與正股股價的距離將拉近,而原來極近收回價的牛證,更有機會因除息因素而被強制收回。#gif_10#

 

所以,投資者或需考慮在除息前,將極接近被收回的牛證,在周二換馬至收回價較遠的牛證上。舉例,假如中移動周二收市價為53元,除息後正股股價將變成50.57元。如您持有收回價在此價格上、或極近此價的牛證,便應考慮先行換馬,例如下列的中距離牛證。除中移動外,六七月尚有不少高息股除息,例如內銀股,情況也是相若。#gif_8#

 

特別息除息情況或例外

不過,另一隻高息股中海油(0883)的情況則略有不同。早前中海油因A股上市而延後派息,並以特別股息方式派息。根據條例,由於派發金額超過宣布日正股價的2%,所有輪證產品的收回價及行使價皆會向下調整,以反映特別股息的除息因素。因此,持有海油牛證的投資者,毋須擔心在特別息除息時股價向下調整,令原來較近收回距離的牛證,在除息日被強制收回。#gif_4#

 

中移動牛證選擇

 

中移牛證54052,收回價48.88元,行使價47.88元,槓桿比率約17.6倍。

中移牛證51165,收回價45.88元,行使價45.28元,槓桿比率約10.0倍。

中移牛證55143,收回價44元,行使價43.4元,槓桿比率約6.6倍。


...       
更多
05月23日 上午 10:48
排隊放榜!科技股業績呢幾日有咩睇?

就嚟到月底,科技股繼續放榜。最受大家關注嘅當然係阿里巴巴(9988),嚟緊會公布業績,不過今朝表現麻麻,低位曾跌近4%,回落至85蚊樓下。市場普遍對今次科企業績冇咩特別期望,所以大家關注嘅焦點,在於究竟佢係會比低預期更低 (好似騰訊咁),之後再受壓;定係會比低預期理想 (近期例子有小米),績後結果有得升。#gif_2#

 

講當然容易,但你知我知單眼佬都知,估邊有咁易,所以好淡友近期開倉,都會先諗咗點樣減低持倉風險。如果開好倉,好友傾向揀中距離500兌1牛,一來面值低,二來可以免除引伸影響;至於揀輪,就會揀貼價Call為主,雖然實際槓桿冇咁高,但部署弱勢股以保守行先,寧願真係睇中方向,等到價先再考慮向上換馬。#gif_4#

 

除咗阿里,快手(1024)星期二出季績,今朝低位曾跌逾6%,一度失守67蚊。急跌之下,都有好友入場撈Call撈牛,趁跌做業績前部署。網易(9999)同百度(9888)就分別會喺星期二同星期四放榜,今朝都輕微偏軟,但資金流相對淡靜,未見到有明顯資金開倉部署。#gif_8#

 

焦點業績科技股輪證選擇

 

阿里認購證11890,行使價90.88元,22年12月到期,實際槓桿約3.2倍。

阿里認沽證12938,行使價68元,22年09月到期,實際槓桿約3.6倍。

阿里牛證63391,收回價77元,行使價75元,槓桿比率約7.7倍。

阿里熊證51173,收回價93元,行使價95元,槓桿比率約7.6倍。

 

快手認購證16922,行使價85.05元,22年09月到期,實際槓桿約4.2倍。

快手牛證51732,收回價57元,行使價54元,槓桿比率約4.8倍。

 

網易認購證28471,行使價178.98元,22年09月到期,實際槓桿約4.6倍。

百度認購證20596,行使價158.98元,22年09月到期,實際槓桿約4.8倍。


...       
更多
05月20日 上午 10:41
習慣低預期?小米績後曾反彈逾6%!

尋日先講騰訊(0700)份業績本來市場都冇咩期望,結果出嚟比市場嘅低預期更低,拖累股價急跌。小米(1810)尋晚亦派咗成績表,首季經調整溢利按年跌逾53%,睇落雖然賺少咗成一半錢,但由於市場原本都係低預期,結果小米符合到市場嘅低預期,尋日股價已經沽定先,今朝跟隨大市曾急彈逾6%,高位更逼近11.8元水平。#gif_4#

 

近期科技股業績難玩之處,在於市場預期嘅差業績,最終放榜會唔會比預期更差。睇返呢個星期3隻大科技股出業績,京東(9618)同騰訊績後都要捱沽,小米就有得升;嚟緊下星期到阿里(9988)放榜,券商預期當然唔太好,大家或者都要掙扎吓,究竟真實情況會係比低預期更低,定係最終符合到市場嘅低預期。#gif_1#

 

講返小米,今朝有近期開咗淡倉嘅資金沽貨投降,但追貨好唔算太多,都係小注揀中距離牛證為主。至於就放榜嘅阿里,雖然今朝高位都一定反彈近半成,但大家對佢取態持續保守,好友傾向揀輕微價外Call,睇佢有冇可能到價;又或者500兌1中距離牛證,小注部署繼續回穩嘅機會。#gif_5#

 

焦點業績科技股輪證選擇

 

小米認購證15430,行使價12.82元,22年12月到期,實際槓桿約4.3倍。

小米認沽證16013,行使價9.9元,22年11月到期,實際槓桿約3.7倍。

小米牛證55865,收回價10.18元,行使價9.78元,槓桿比率約5.6倍。

小米熊證51519,收回價14元,行使價14.4元,槓桿比率約4.0倍。

 

阿里認購證11890,行使價90.88元,22年12月到期,實際槓桿約3.1倍。

阿里認沽證12938,行使價68元,22年09月到期,實際槓桿約3.0倍。

阿里牛證63391,收回價77元,行使價75元,槓桿比率約6.9倍。

阿里熊證51173,收回價93元,行使價95元,槓桿比率約8.9倍。


...       
更多
05月19日 上午 10:45
比悲傷更悲傷的故事:比低預期更低的騰訊季績……

本來以為市場已經冇期望,但結果低預期,都可以有比預期更低嘅業績,講緊嘅係騰訊(0700) 啱啱公布嘅季績,經調整純利按年倒退約23%,收入接近零增長。網絡廣告業務收入跌係預期中事,但估唔到連本土市場遊戲收入都要跌少少。騰訊今朝顯著受壓,低位曾跌逾8%,低見334蚊。#gif_6#

 

騰訊業績遜色,對寄望科技股反彈嘅投資者,可以話係「比悲傷更悲傷的故事」,亦都將內地官方定調支持平台經濟健康發長、數字企業境內外上市嘅憧憬,幾乎沖淡晒。即市雖然有資金趁騰訊急跌撈好倉,但金額唔算特別大,揀產品亦比較保守。#gif_10#

 

揀輪方面,投資者為咗減低注碼,更傾向考慮低行使價、長年期嘅大兌換比率騰訊Call,只係夠膽用低輪價部署。由於績後騰訊郁得勁,窩輪引伸波幅今朝亦見上漲,3個月左右嘅中短期輪,引伸大約升咗2%至3%。如果驚跌勢喘定後,引伸或者會回落,中距離牛都見有捧場客,可以免除引伸影響,而收回價揀到幾遠,就視乎究竟你有幾保守啦。#gif_2#

 

騰訊輪證選擇

 

騰訊認購證21210,行使價427.184元,23年01月到期,實際槓桿約5.1倍。

騰訊認沽證12418,行使價280元,22年09月到期,實際槓桿約4.4倍。

 

騰訊牛證59564,收回價321.88元,行使價318.88元,槓桿比率約17.7倍。

騰訊牛證54458,收回價308.88元,行使價305.88元,槓桿比率約10.3倍。

騰訊熊證53439,收回價360元,行使價363元,槓桿比率約11.2倍。


...       
更多
05月18日 上午 10:39
加息加到斷氣為止?加息陰霾、大市倒跌……

國務院副總理劉鶴尋日話,支持平台經濟健康發展,同埋支持數字企業在國內外上市,本來利好一眾中概股向好;不過聯儲局主席鮑威爾又再打開口牌,話會毫不猶豫繼續加息,直至通脹以令人信服嘅方式下降,即刻利淡返市場氣氛。鮑威爾化身包龍星,講明要加息「加到斷氣為止」,恒指今朝由升轉跌,低位曾跌逾200點,一度失守過20,400點水平。#gif_2#

 

即市睇,投資者普遍都比較觀望,市場焦點喺騰訊(0700)業績身上,雖然大家對科技股業績未必有期望,但由於京東(9618)業績唔太理想,騰訊今朝亦由升轉跌,低位跌近3%至360蚊樓下。即市睇亦見有資金利用中距離熊證追沽,莫非真係睇得咁淡?#gif_6#

 

至於另一個焦點就係尋日急升嘅汽車股,憧憬汽車下鄉即將出台,就算今日大市回軟,比亞迪(1211)依然逆市高企,高位更見過260蚊樓上;不過可能有投資者覺得佢向上衝得太快,今朝亦見有資金趁高反手開淡,而中距離熊嘅槓桿高、面值低,同埋免除引伸影響,令淡友傾向揀熊證開淡。#gif_4#

 

焦點股輪證選擇

 

騰訊認購證21210,行使價427.184元,23年01月到期,實際槓桿約4.7倍。

騰訊認沽證12418,行使價280元,22年09月到期,實際槓桿約4.9倍。

騰訊牛證51118,收回價338.88元,行使價335.88元,槓桿比率約15.0倍。

騰訊熊證50334,收回價377元,行使價380元,槓桿比率約14.4倍。

 

比迪認購證14794,行使價289.08元,22年08月到期,實際槓桿約5.2倍。

比迪認沽證27578,行使價187.77元,22年08月到期,實際槓桿約4.8倍。

比迪牛證52933,收回價231元,行使價227元,槓桿比率約7.5倍。

比迪熊證66894,收回價278元,行使價282元,槓桿比率約10.1倍。


...       
更多
05月17日 上午 10:46
上海復市在即?車股未出發先興奮?

受新冠疫情衝擊,內地行業數據公布,上海上月汽車銷售,係跌到落低無再低嘅零,而今年首4個月就賣出11.8萬架,按年下跌逾47%;不過市場關注上海復市在即,尋日餐飲股已經率先反彈,由於汽車銷量基數低,開始有人寄望復市後,累積咗嘅需求會令銷售大幅反彈,車股今朝未出發先興奮,普遍明顯向好!#gif_3#

 

比亞迪(1211)今朝高位曾急彈逾半成,一度重上250蚊關口。長城汽車(2333)曾急彈逾7%,之後大致保持喺12蚊樓上向好。走勢一向較波動嘅中概車股都有反彈,小鵬汽車(9868)高位曾升逾4%,成功重上90蚊關口;理想汽車(2015)亦曾升逾半成,爭少少就掂到90蚊。#gif_1#

 

車股受捧,當中比亞迪有資金追貨,考慮到500兌1中距離牛證面值較低,而且免除引伸影響,對追貨好友或者係較吸引嘅選擇。睇返250蚊原來已經係比亞迪約3個月高位,技術上或者要睇吓有冇機會順勢突破200天線約255蚊,若果持續受制於呢個水平,就要睇吓係咪時候考慮反手開淡;今朝比亞迪重上250蚊,都見有資金小注流入中距離熊證。#gif_4#

 

汽車股輪證選擇

 

比迪牛證51710,收回價226元,行使價222元,槓桿比率約7.9倍。

比迪熊證65953,收回價274元,行使價278元,槓桿比率約8.5倍。

 

長汽認購證11901,行使價14.7元,22年11月到期,實際槓桿約3.3倍。

長汽牛證59576,收回價8.5元,行使價7.7元,槓桿比率約2.4倍。

小鵬認購證15855,行使價118.98元,22年11月到期,實際槓桿約2.8倍。

理想認購證15531,行使價112.22元,22年11月到期,實際槓桿約2.8倍。


...       
更多
    輪證小知識
    輪證小知識相關帖文