03月18日 下午 04:30
500兌1 同 100兌1嘅牛熊證比,邊類更吸引?
新增「兌換比率」500兌1 嘅騰訊(0700)同港交所(0388) 牛熊證登場之後,時不時收到投資者查詢,問兌換比率 (又稱換股比率) 大咗,槓桿會唔會低咗?

其實,如果其他條款相同,單單兌換比率改變,槓桿係唔.會.變!

有咗新增嘅500兌1 牛熊證,喺牛熊證部署上,仲為投資者帶來更多嘅彈性同好處添。有咩好處? 下面一圖話你知!

相關帖文:
[ 全新「兌換比率窩輪」登場!點樣影響到揀輪? ]

...       
更多
12月03日 上午 10:47
驚中概股退市?阿里京東網易顯著受壓……

近期市況唔好,多隻無點科技股已經由高位回咗唔少,不過尋晚中概股再現風暴,進一步震散投資者信心。美團證交會剛剛通過修正案,意味《外國公司問責法案》正式實施。滴滴今朝率先宣布啟動美國退市,再計劃赴港掛牌,令市場對更多中概股退市嘅憂慮增加,多隻中概股今朝跌幅顯著。#gif_6#

 

阿里巴巴(9988)再創新低,低位急跌約4%,創出117.7元嘅本港上市新低。強勢兼藍籌新貴京東(9618)亦都頂唔住,低位曾急跌逾6%,失守320蚊關口。網易(9999)低位更急跌逾8%,回落至164蚊以下。同樣強勢嘅新能源汽車股,兩隻屬於中概股嘅理想汽車(2015)同小鵬汽車(9868),今朝跌勢更急。理想曾跌逾9%,險守130蚊;小鵬低位更跌逾一成至188蚊以下。#gif_2#

 

當然退市與否,而家難有定案,不過大市走勢唔好,投資者成為驚弓之鳥,有咩風吹草動,相關股份亦即刻沽返落嚟。中概股急跌,阿里循例都有資金加注中距離牛;若果真係想趁跌撈貨,早前較強勢嘅京東、理想或小鵬,唔知反彈能力會唔會較強呢?#gif_4#

 

中概股輪證選擇

 

阿里牛證55877,收回價103元,行使價101元,槓桿比率約6.0倍。

阿里熊證54910,收回價132元,行使價134元,槓桿比率約7.0倍。

京東牛證51167,收回價308元,行使價305元,槓桿比率約16.5倍。

京東熊證55956,收回價348元,行使價351元,槓桿比率約10.2倍。

網易牛證50821,收回價152.88元,行使價150.88元,槓桿比率約11.0倍。

網易熊證54497,收回價187.88元,行使價189.88元,槓桿比率約6.2倍。

 

理想認購證15492,行使價160.09元,22年06月到期,實際槓桿約2.9倍。

小鵬認購證15485,行使價265.88元,22年05月到期,實際槓桿約3.4倍。


...       
更多
12月02日 上午 12:13
理想倒升破頂,小鵬急跌點部署?

大市窄幅靠穩,新能源汽車股繼續係逆市奇葩。比亞迪(1211)近期維持喺300蚊附近整固,郁動開始細咗,市場焦點轉為近期發力破頂嘅理想汽車(2015)同小鵬汽車(9868)。#gif_1#

 

理想同小鵬尋日都創過本港上市新高,兩隻車股剛剛都公布咗11月交付量。理想汽車話,11月理想ONE交付量按年升1.9倍,但今朝唔知點解,低位曾跌逾4%,但好快就倒升返,仲再創145蚊嘅上市新高。強到咁,都見有好友趁佢今朝跌入場買Call,似乎對車股走勢繼續樂觀。#gif_3#

 

見到理想識倒升,小鵬會唔會有機會追返上去呢?小鵬話, 11月智能電動汽車交付量按年增長2.7倍,不過今朝曾急跌逾7%,好彩守得住200蚊關口,之後跌幅收窄,但都仲成4%至半成左右。作為電動車孖寶,理想成功收復失地,趁小鵬扭沽,會唔會係部署機會呢?#gif_4#

 

新能源汽車股輪證選擇

 

理想認購證15492,行使價160.09元,22年06月到期,實際槓桿約3.0倍。

 

小鵬認購證15485,行使價265.88元,22年05月到期,實際槓桿約3.5倍。

小鵬認沽證14776,行使價152.78元,22年04月到期,實際槓桿約3.1倍。


...       
更多
12月01日 上午 10:47
反彈出現,重磅股竟見資金反手…….

期待已久嘅反彈終於都出現,恒指今朝反彈成300點有多,高位曾重上23,800點水平;不過大家可能都被近期大市嘅走勢嚇怕,加上新冠變種病毒嘅影響仲未知有幾大,趁今日有得彈,好倉都係先行沽貨獲利多,反而淡倉方面,就有資金入場反手部署,莫非真係睇得咁淡?#gif_10#

 

淡倉方面,見兩隻重磅科技股騰訊(0700)同美團(3690),都有投資者部署,特別係中距離熊證,見到有資金逐步加注,或者係覺得科企季績普遍麻麻,加上仲有監管陰霾,趁反彈都先行沽出好倉鎖定利潤,再反手開淡博佢回套。#gif_4#

 

港交所(0388)尋日低位突破殺落430蚊樓下,尋日大市成交增至逾2,000億,但好大可能都係指數換馬所帶動,見佢今朝股價高位重上440蚊,但之後回返落430蚊附近,尋日開好倉嘅資金都決定走先,仲有淡友入場反手部署。12月成交通常都比較淡靜,會唔會真係對港交所有負面影響呢?#gif_2#

 

重磅股輪證選擇

 

騰訊認購證26453,行使價550.5元,22年02月到期,實際槓桿約9.7倍。

騰訊認沽證28470,行使價379.8元,22年03月到期,實際槓桿約7.3倍。

騰訊牛證57172,收回價447.8元,行使價445元,槓桿比率約16.8倍。

騰訊熊證53739,收回價492元,行使價494.8元,槓桿比率約17.1倍。

 

美團認購證28154,行使價285.2元,22年02月到期,實際槓桿約6.3倍。

美團認沽證28466,行使價223.03元,22年03月到期,實際槓桿約4.3倍。

美團牛證57185,收回價228.88元,行使價225.88元,槓桿比率約10.5倍。

美團熊證54908,收回價265.4元,行使價268.4元,槓桿比率約10.3倍。

 

港交認購證11567,行使價504.38元,22年02月到期,實際槓桿約13.1倍。

港交認沽證18420,行使價399.8元,22年03月到期,實際槓桿約8.6倍。

港交牛證53731,收回價418元,行使價416元,槓桿比率約19.7倍。

港交熊證54891,收回價458元,行使價460元,槓桿比率約14.5倍。


...       
更多
11月30日 上午 10:35
大市破底,連強勢股京東都頂唔住……

港股跌勢未止,恒指今朝曾再跌逾300點,連今年低位23,681點都失守埋。被視為最後兩隻強勢股之一嘅京東(9618),今朝都頂唔住,低位曾跌逾3%至340蚊以下。#gif_6#

 

電商股自雙11開始,股價節節上升,季績同染藍之後,更帶動股價高位一度升至365蚊,但今朝低見337蚊之後,由高到低已回落返近8%。始終係強勢股,京東破位上升,好友反而唔係好敢追,到今日由高位回軟,反而有資金部署中距離牛證,睇佢中線有冇回勇機會。#gif_2#

 

京東之外,最後兩隻強勢股嘅另外一隻,係邊隻?就係新能源汽車股比亞迪(1211),呢幾日幾乎冇跌過,今朝仲守得住300蚊靠穩。中距離牛繼續有資金加注,睇佢有冇重返320蚊高位附近。#gif_5#

 

京東、比亞迪輪證選擇

 

京東認購證29480,行使價400.2元,22年04月到期,實際槓桿約6.0倍。

京東認沽證29293,行使價278元,22年04月到期,實際槓桿約4.4倍。

京東牛證51166,收回價318元,行使價315元,槓桿比率約14.0倍。

京東熊證51757,收回價368元,行使價371元,槓桿比率約9.0倍。

 

比迪認購證29298,行使價369.08元,22年02月到期,實際槓桿約7.0倍。

比迪認沽證29537,行使價274.8元,22年02月到期,實際槓桿約5.0倍。

比迪牛證67713,收回價285元,行使價281元,槓桿比率約11.1倍。

比迪熊證68684,收回價323元,行使價327元,槓桿比率約13.0倍。


...       
更多
11月29日 下午 01:35
又現新變種病毒?賭股急跌、資金唔敢博……

新冠疫情再受衝擊,新變種病毒株Omicron憂慮擴大,驚通關又要延期;再加上太陽城集團主席周焯華被補,呢兩單消息今日對賭股帶嚟明顯沽壓。銀河娛樂(0027)今朝曾跌逾8%,低位暫守42蚊;金沙中國(1928)低位更跌逾11%;永利澳門(1128)曾急跌近14%,澳博(0880)跌幅亦一度場超過9%。#gif_6#

 

賭股急跌,通常遇到咁大幅度跌幅嘅板塊,都會吸引資金入撈好倉,不過賭股嘅負面消息,可能擔心唔係幾日就可以消散,夠膽入場撈貨嘅好友唔多,就算真係撈,都只係敢揀兩隻藍籌賭股銀娛同金沙。#gif_8#

 

部署上,若果只係做短期部署,博佢今日急跌之後,一兩日內會反彈返幾個%,見有好友揀價外Call;但如果趁跌想部署埋潛在通關機會,由於賭股急跌下,窩輪引伸波幅難免升咗,若果喘定跌勢後,引伸及後回落,可能會對輪價構成負面影響,因此有好友考慮中距離銀河牛證,免引伸同時間值損耗影響。#gif_9#

 

賭股輪證選擇

 

銀河認購證26911,行使價45.88元,22年06月到期,實際槓桿約4.0倍。

銀河認沽證23684,行使價38.88元,22年02月到期,實際槓桿約5.6倍。

銀河牛證50241,收回價40.38元,行使價39.58元,槓桿比率約11.6倍。

銀河熊證51817,收回價51.88元,行使價52.68元,槓桿比率約4.2倍。

 

金沙認購證26921,行使價20元,22年03月到期,實際槓桿約4.6倍。

金沙認沽證29286,行使價14.88元,22年04月到期,實際槓桿約4.1倍。

永利認購證26925,行使價7.38元,22年03月到期,實際槓桿約3.8倍。

澳博認購證26926,行使價6.18元,22年03月到期,實際槓桿約3.5倍。


...       
更多
11月26日 上午 11:02
美團季績前受壓?好倉趁跌入場!

去到最後一隻大型科技股出季績,美團(3690)今朝跟隨大市受壓,低位跌逾3%至263蚊,係超過一個月低位。睇圖嚟講,美團走勢麻麻,失守埋50天線約266.4元後,而家只係睇會唔會回補埋10月上旬嘅上升裂口約258.2元。#gif_2#

 

講起科技股業績,相信大家近期都畀佢哋嚇怕。事關大部分科企放榜之後,都係急跌嘅較多,能夠升嘅只屬少數,但正因為美團喺放榜前已先行尋底,反而有投資者覺得已經反映咗負面預期,若果業績稍為有啲正面因素,話唔定有機會帶動股價見底回穩,亦因此吸引資金趁跌入場撈好倉。#gif_4#

 

又長氣講多次,近期入場開倉嘅資金,揀美團牛熊證嘅明顯多咗,特別係今日股價捱沽,窩輪引伸升咗,意味投資者成本略為增加。根據過往情況,業績後引伸循例都會跌啲,而且當股價喘定跌勢,波幅收窄下引伸回落並唔出奇,揀牛熊證將可免除引伸變動嘅影響。#gif_7#

 

美團輪證選擇

 

美團認購證21695,行使價313.2元,22年01月到期,實際槓桿約8.2倍。

美團認沽證28918,行使價238.68元,22年01月到期,實際槓桿約5.6倍。

 

美團牛證53016,收回價250.88元,行使價247.88元,槓桿比率約13.6倍。

美團牛證58730,收回價241.88元,行使價238.88元,槓桿比率約9.5倍。

美團熊證53023,收回價285元,行使價288元,槓桿比率約10.6倍。


...       
更多
11月25日 上午 11:03
市場已麻木?騰訊無懼App整改倒升?!

接二連三嘅監管重拳,係咪令市場都開始麻木,唔識再俾反應呢?尋日收市後有報道話,工信部對騰訊(0700)採取過渡性行政指導措施,暫停騰訊推出新手機App同更新,要等待檢測合格後先再上架,不過可能呢類消息已經見得多,今朝騰訊股價唔係幾見受影響,高位仲曾經升逾2%至482蚊以上,暫時結束五連跌。#gif_1#

 

其實睇真啲單消息,似乎市場亦普遍覺得唔係太負面,而且騰訊亦表明會配合監管部門進行正常合規檢測,所以股價對消息無反應,亦唔係太出奇。走勢上,騰訊上返50天線附近,資金仍普遍較觀望,好友小注觀望上試100天線約485蚊以上嘅機會。#gif_4#

 

除咗騰訊,美團(3690)亦係科技股焦點,嚟緊聽日會壓軸公布季績,但股價今朝表現麻麻,維持喺270蚊反覆。好倉有加注中距離牛,揀牛證原因相信大家都了解,係想避免業績前後引伸較波動嘅影響。#gif_2#

 

科技股輪證選擇

 

騰訊認購證11099,行使價586.35元,22年03月到期,實際槓桿約9.7倍。

騰訊認沽證28723,行使價399.8元,22年03月到期,實際槓桿約7.3倍。

騰訊牛證50275,收回價461.8元,行使價459元,槓桿比率約19.1倍。

騰訊熊證53395,收回價498元,行使價500.8元,槓桿比率約18.8倍。

 

美團認購證21695,行使價313.2元,22年01月到期,實際槓桿約8.2倍。

美團認沽證28918,行使價238.68元,22年01月到期,實際槓桿約5.9倍。

美團牛證60383,收回價254元,行使價251元,槓桿比率約12.9倍。

美團熊證53023,收回價285元,行使價288元,槓桿比率約13.9倍。


...       
更多
11月24日 上午 12:23
快手急升唔敢博?小米捱沽反入場?

尋日同大家提過嘅快手(1024)同小米(1810),終於出咗季度業績。快手季度虧損擴大,但依然較市場預期理想,今朝曾急漲近15%,唔單止重上百元大關,仲高見108蚊以上。反觀小米季度經調整純利雖然按年升逾25%,但股價卻曾急跌逾8%,唔單止跌穿20蚊,仲尋底尋到落19蚊邊,先叫略為喘定跌勢。#gif_6#

 

睇返兩隻業績股今朝表現咁極端,輪場資金部署方向亦幾唔同。同屬視頻股嘅嗶哩嗶哩(9626)早前公布季績後急跌,市場本來對快手業績都唔敢睇得太正面,但最終虧損較預期少,股價亦隨即急升;但升得咁急,大家似乎唔係好夠膽追,一來覺得今日可能只係挾淡倉,二來虧損始終係擴大咗;快手好倉趁彈獲利多,反而中距離熊證有資金反手部署。#gif_4#

 

至於小米,季度經調整純利其實有得升,但整體季度純利按年跌逾八成,主要係受投資公允值錄得虧損所拖累,不過投資者對佢本身業務前景有興趣多啲,好倉見唔少資金趁急跌入場,似乎反手部署係兩隻季績股嘅主流策略。留意股價急跌,小米輪引伸今朝升咗,揀牛熊證可以免除及後引伸可能回落嘅影響。#gif_7#

 

季績科技股輪證選擇

 

快手認購證26204,行使價122.9元,22年04月到期,實際槓桿約3.7倍。

快手認沽證23075,行使價85.88元,22年02月到期,實際槓桿約4.5倍。

快手牛證53009,收回價98元,行使價95元,槓桿比率約13.7倍。

快手熊證51049,收回價114元,行使價117元,槓桿比率約6.1倍。

 

小米認購證12300,行使價23.05元,22年04月到期,實際槓桿約6.8倍。

小米認沽證27053,行使價18.18元,22年03月到期,實際槓桿約5.8倍。

小米牛證53195,收回價17.78元,行使價17.38元,槓桿比率約9.4倍。

小米熊證67260,收回價22.28元,行使價22.68元,槓桿比率約5.6倍。


...       
更多
11月23日 上午 10:43
又有科技股業績,今日係小米、快手!

雖然已經去到11月底,但科技股仲未出完業績。小米(1810)今日會放榜,股價今朝算硬淨,暫時徘徊喺21蚊附近,未見跟隨大市捱沽。視頻股快手(1024)亦會喺今日公布業績,但表現就相對失色,低位曾跌逾3%,回落至90蚊邊緣。#gif_2#

 

近期公布業績嘅科技股,除咗京東(9618)之外,大部分出完業績後都出現大小不一嘅跌幅,確實嚇怕咗唔少投資者,不過由於板塊普遍已累積一定跌幅,落到現水平,反而有好友開始覺得吸引。即市睇,小米資金流相對淡靜,快手喺90蚊邊就見到有好友吸納中距離牛。#gif_4#

 

又長氣重覆多次,業績前資金愛牛熊,主要都係驚窩輪引伸喺業績後通常都會跌,而牛熊證就可以免除波幅考慮;不過近期科技股郁動大,好友亦要留意裂口風險,所以寧願犧牲少少槓桿,揀返距離有返咁上下嘅牛熊,或者可以稍為控制吓收回風險。#gif_8#

 

業績科技股輪證選擇

 

小米認購證12300,行使價23.05元,22年04月到期,實際槓桿約6.4倍。

小米認沽證27053,行使價18.18元,22年03月到期,實際槓桿約6.5倍。

小米牛證59550,收回價19.18元,行使價18.78元,槓桿比率約9.0倍。

小米熊證67260,收回價22.28元,行使價22.68元,槓桿比率約10.7倍。

 

快手認購證25973,行使價115.1元,22年03月到期,實際槓桿約4.3倍。

快手認沽證23847,行使價73.88元,22年02月到期,實際槓桿約4.5倍。

快手牛證63007,收回價82元,行使價79元,槓桿比率約6.8倍。

快手熊證67253,收回價104元,行使價107元,槓桿比率約5.4倍。


...       
更多
    輪證小知識
    輪證小知識相關帖文