輪證動態專頁

03月24日 下午 05:54
點解股升call輪跌? 點解反彈升唔足?
小編日日都提大家呢期引伸波幅升得好急,一旦大市反彈,有機會隨時跌番轉頭,好似上星期就出過一個post - 《引伸高企,轉揀牛熊證避引伸回落風險?》。提過大家好多次,就算真係想買輪博反彈,都要儘量揀貼價同長年期輪,因為長年期期權引伸無升咁多,掉頭回既幅度亦細啲。

如果有朋友唔聽,之前買左或者「溝左」價外短期「仙輪」,應該就會覺得隻輪升少左好多,又或者如果您隻股升得2-3%,而隻輪係好價外,同行使價差好遠既,個價甚至會倒跌##!

點解會咁呢?

其實同期權既供求關係有關! 當大市跌,好多人恐慌,個個買期權對沖,推高左唔同行使價期權既引伸波幅,到大市反彈,少左人有對沖既需求,大家會睇番隻輪到期時有無機會被行使到。望一望隻輪,個零月到期,仲價外緊兩三成以上,大家就一齊趁反彈沽售,個價就會一日跌好多##。

好似今日唔少股份如果係升少過3%,唔少佢既Call輪下晝都係倒跌,而越價外既Call輪,跌幅就越勁。所以雖然小編唔想大市急跌情況再發生,但都再次提醒大家,遇到大跌市,博反彈如果用窩輪,緊記係要揀受引伸下跌影響較少既輪,或者用中遠距離牛證!##

...       
更多
19小時前 昨日 上午 11:12
美團績後急升,資金反手開淡……
月底壓軸放榜嘅美團點評(3690),尋日收市後出咗份唔錯嘅業績,舊年全年首次錄得盈利,賺成22億人仔;美團今朝曾大幅抽逾一成,高位曾逼近97蚊;之後雖然升少咗,但都企得穩95蚊。##

輪場資金睇法都幾分歧,好友屬於膽大、進取嘅一批,博美團短線有冇機會掂吓100蚊,主要考慮較價外、高槓桿嘅Call輪做短線部署。開淡倉嘅投資者,就睇實美團話明第一季會有經營虧損,覺得股價急升後會有技術回套出現,主要考慮行使價喺85蚊或以下嘅Put。留意美團業績後引伸波幅開始受壓,大家亦不妨考慮牛熊證免除引伸考慮。##

美團輪證選擇

美團認購證23128,行使價118.1元,20年09月到期,實際槓桿約5.5倍。
美團認沽證22230,行使價82.95元,20年10月到期,實際槓桿約3.3倍。
美團牛證65739,收回價77元,行使價74元,槓桿比率約4.0倍。
美團熊證51566,收回價104.88元,行使價107.88元,槓桿比率約4.1倍。
...       
更多
03月30日 下午 01:39
歐央行開到口,滙豐8厘息存暗湧?
新型肺炎疫情席捲全球,當經濟活動因為疫情而陷入停頓,大家都好關注銀行嘅壞帳會唔會大幅提升。歐洲央行上星期五突然開口,呼籲區內銀行唔好喺今年10月1日前,派發舊年同今年嘅股息,以加強銀行吸收壞帳嘅能力。雖然概念上,滙豐(0005)係受英倫銀行監管,不過一向以高同穩定派息率見稱嘅滙豐,有冇機會聽歐洲央行嘅建議,跟隨其他歐洲銀行暫停派息呢?##

滙豐今朝股價低位跌過2%,失守45蚊,不過大市都跌,跌幅亦唔憬爭太遠,似乎反映市場對滙豐能夠維持穩定派息政策具信心,而留意跟隨往年滙豐嘅派息紀錄,10月1日前會分別喺5月同8月各派一次息,每次派息分別係1毫子美金,折合約7毫8子港元。##

咁派息對窩輪價格有咩影響?大家不妨參考吓《認股證教室:派息對窩輪影響》,企業如果派少咗息,原來利好包咗除息嘅Call輪;但諗深一層,若果滙豐真係改變派息政策,對正股價格會帶嚟咩程度嘅負面影響?潛在跌幅又係咪輪價因唔派息而受惠嘅幅度可以比較?或者大家都要密切關注,滙豐CFO喺今年2月話會維持穩定派息政策嘅講法,喺短期內會唔會有變。##

滙豐輪證選擇

滙豐認購證23597,行使價52元,20年09月到期,實際槓桿約9.7倍。
滙豐認沽證24020,行使價42.28元,20年10月到期,實際槓桿約3.9倍。
滙豐牛證54467,收回價41.88元,行使價40.88元,槓桿比率約10.7倍。
滙豐熊證55389,收回價48.88元,行使價49.88元,槓桿比率約7.1倍。
...       
更多
03月27日 上午 10:40
美團小米將放榜,資金點揀?
嚟到3月底,大家好關注嘅兩隻新經濟股:美團點評(3690)同小米集團(1810),將會壓軸公布業績。##

星期一放榜嘅美團,短短一星期由70蚊左右嘅低位,彈返上去90蚊以上,彈力相當驚人。券商對佢舊年終於可以全年錄得盈利,應該無咩懸念;不過就比較關注受疫情影響,今年第一季會唔會因免佣同增加補貼而再錄虧損,所以好友資金開Call都唔敢太進取,主要揀行使價100蚊以下嘅輕微價外Call。##

至於星期二派成績表嘅小米,呢兩日企得返喺10蚊樓上,但連日上試10.5元都似乎唔係太成功,似乎阻力都唔細。好友部署亦唔介意保守啲,揀返行使價11蚊以下嘅輕微價外Call,或者係想睇定啲,等到價先再向上換馬至更價外產品。##

美團小米輪證選擇

美團認購證11977,行使價98.85元,20年06月到期,實際槓桿約7.4倍。
美團認沽證22230,行使價82.95元,20年10月到期,實際槓桿約3.0倍。
美團熊證55404,收回價95.88元,行使價98.88元,槓桿比率約8.5倍。

小米認購證24464,行使價10.88元,20年12月到期,實際槓桿約3.3倍。
小米認沽證14534,行使價9.08元,20年09月到期,實際槓桿約3.4倍。
小米牛證63973,收回價8.78元,行使價8.38元,槓桿比率約5.0倍。
小米熊證55398,收回價11.88元,行使價12.28元,槓桿比率約4.8倍。
...       
更多
03月26日 上午 11:10
返屋企打邊爐?頤海Call有錢追!
環球抗疫,大家都唔係好敢出街食飯,驚會加速疫情擴散。飲食股當然係疫情重災區,好似隻邊爐股海底撈(6862),公布咗舊年及利按年增逾42%至逾23億人仔,但隨即被券商唱淡同下調盈利預測,以反映疫情對佢嘅影響,今朝低位跌逾4%,仲失守過30蚊。##

有疫情嘅日子雖然難過,但邊爐都仲係要打嘅,只係由喺出面打,轉戰到返屋企打,亦因此海底撈嘅湯底供應商頤海國際(1579),走勢完全唔同。頤海同樣出咗舊年業績,按年多賺39%至逾7億人仔,股價今朝逆市有得升,高位重上54蚊。##

唔知大家都覺得返屋企打邊爐嘅概念有得諗,尋日頤海國際Call輪有大手資金掃貨,單日流入咗約570萬,係緊次於騰訊Put、第二多資金流入嘅股價輪;大手主要買價內輪為主,但呢類產品嘅輪價比較貴、亦有一定嘅買賣差價。衡量近日大市波動嘅風險,大家不妨考慮吓輕微價外嘅中期頤海Call。##

海底撈系選擇

海撈認購證17106,行使價35.18元,20年06月到期,實際槓桿約4.8倍。
頤海認購證11723,行使價58.88元,20年07月到期,實際槓桿約3.3倍。
...       
更多
03月25日 下午 04:20
新經濟股、醫藥股月底壓軸放榜!
嚟到3月底,兩大新經濟股美團點評(3690)同小米(1810),將會壓軸放榜!疫情對新經濟股影響係咪較少?好多投資者都好關注;仲有憧憬喺疫情下有望受惠嘅多隻醫藥醫療股,亦會喺月底派成績表。績前績後應該點部署?當然係睇實《瑞信業績期專頁》啦!
...       
更多
03月25日 上午 10:31
淡友即市食糊暫未加倉,留意恒指回吐壓力
大市跟外圍反彈,一度衝高至23500點左右,其後升幅略為收窄,部份升幅較大股份見資金即市獲利,畢竟兩日來恒指反彈幅度不少,博反彈資金有一定水位。不過,淡友今朝就比較傾向即市食糊,高位落番200零資金就食糊,可能要稍後確認大市遇阻,資金先敢加淡倉過市##。

睇番今朝資金集中流入番二三線股,權重股反而有獲利情況,或限制大市短期反彈幅度,如大市未能企穩開市位23255點,可考慮留意恒指熊證,部署大市短線回試22800點支持。相反,如大市守於開市位之上,可留意高敏感度恒指牛證作即市部署##。

恒指輪證選擇
恒指牛證59841,收回價22850點,行使價22750點,槓桿比率約20.72倍,兌換比率10000。
恒指牛證59851,收回價22450點,行使價22150點,槓桿比率約17.56倍,兌換比率12000。

恒指熊證55862,收回價23600點,行使價23700點,槓桿比率約26.07倍,兌換比率10000。
恒指熊證56565,收回價23700點,行使價23800點,槓桿比率約20.15倍,兌換比率12000。

...       
更多
03月24日 上午 11:04
日日上落成千點,引伸波幅都急升急回……
疫情發展至今,港股日內成千點嘅波幅,似乎已經成為咗新常態,好似恒指尋日跌成千點,今朝響聯儲局出手下,又差唔多彈返晒。疫情同央行干預對市場嘅影響,令到期權同窩輪嘅引伸波幅急升急回。##

我知,引伸波幅好悶好難理解,但係由於引伸近期對窩輪價格影響極大,所以點悶都要去試吓明白。用例子嚟解釋或者會好啲:

新經濟股阿里巴巴(9988)月初高位喺200蚊以上,尋日收市跌到落170蚊,跌幅超過15%。

一隻行使價約200蚊、槓桿約7倍、3至4個月到期嘅窩輪,喺阿里大約200蚊時,輪價係0.15元左右;但去到今日,輪價仲有6、7仙 (0.06-0.07元);跌幅大約53%至60%左右;但計返理論跌幅,15% x 7倍 = 105%,隻輪應該一早變零唔值錢,咁點解宜家會跌少咗?

原因就係引伸波幅期內大幅抽升!##

阿里輪嘅引伸,由3月初至今,累積升幅大部分都升咗10%有多,原因係股價波動幅度大咗,以及市場恐慌情勢增加返。尋日大家驚軟銀可能會沽阿里,正股急跌7%,啲引伸即刻抽上嚟,啲輪跌少咗;但係到今日正股反彈1-2%,升得仲少過大市,啲引伸即刻回返成4個波幅點落嚟,亦令部分阿里輪出現「股升輪跌」嘅情況。

或者喺未來一段時間,大家都要接受因為大市波幅增加,令引伸上落對輪價帶嚟嘅變化更加明顯。若果想避開引伸影響,或者可以轉投牛熊證懷抱,或者儘量只揀最貼價,同埋長年期既輪;不過牛熊證價格亦同樣因為大市波幅增而提升咗溢價。咁樣樣,可以點揀產品,想知多啲?可以睇返《裂口多,牛證賣貴哂,邊類牛證無咁易縮溢價?》

阿里輪證選擇
阿里認購證18304,行使價203.88元,20年07月到期,實際槓桿約7.7倍。
阿里認沽證24019,行使價170.88元,20年09月到期,實際槓桿約3.1倍
阿里牛證55405,收回價160.88元,行使價158.88元,槓桿比率約8.7倍。
阿里熊證56841,收回價185.88元,行使價187.88元,槓桿比率約9.8倍。

...       
更多
03月23日 上午 11:55
大市又裂口,牛熊兩邊都有錢入
外圍疫情未止,本地外來輸入個案大增,恒指就又裂口低開。今朝投資者響呢個氣氛下都幾淡,低開後依然見日內收窄跌幅就開熊證,「比較貼」既一批22905-23200收回價既熊證,雖然毫半子以上,都不乏資金追捧##。

另一方面,大市跌到21500附近又守住,都吸引左有投資者博即市反彈。上星期提過300點收回價同行使價差另既牛證,溢價可能會穩定少少,今日新上既「300點牛」,好似隻56581,就有唔少捧場客,開市價0.071,即市最高0.102,即市表現同其他12000兌1 ,100點收回價既牛證去比,價格就跟得比較貼。點解會咁,可以追番上星期五小編既Post##。

恒指輪證選擇
恒指牛證56581,收回價21400點,行使價21100點,槓桿比率約18.17倍,兌換比率12000。

恒指熊證55879,收回價22905點,行使價23005點,槓桿比率約16.32倍,兌換比率10000。
恒指熊證56555,收回價23168點,行使價23318點,槓桿比率約9.18倍,兌換比率20000。

...       
更多
03月20日 下午 03:31
裂口多,牛證賣貴哂,邊類牛證無咁易縮溢價?
呢排外圍市晚晚熔斷,港股呢邊都成日裂口,牛證一開市就跌穿行使價既機會唔單止大增,穿既幅度仲唔細。如果大家有留意開牛熊證,就唔難發覺近日好多恒指牛證既價都遠遠高過內在值。就算隻牛證同收回價只差百幾二百點,一隻10000兌1牛證都仲賣緊四五仙##。

點解牛證賣貴左,原因係恒指出現下跌裂口既次數多左,幅度亦大左,發行商對沖呢啲裂口既成本都高左好多,而呢個成本就會反映左響牛證既財務費用上面。記住,牛熊證財務費用並唔只係利息咁簡單,佢仲包含埋對沖成本既##。

但係值得留意既係,當恒指裂口幅度細番,期權引伸波幅跌左, 個對沖成本就會細番,而呢個財務費用稍後就可能會跌。換句話說,即係話牛證既溢價會跌。咁如果投資者買牛博反彈,就會面對好似認購證一樣「跌Vol」。

咁有無產品唔會好似輪咁縮Vol,亦都唔會好似現時市場上既牛證咁,個溢價可能隨時跌呢?其實都有既,就係下星期新上市既一批收回價同行使價係300點,而唔係100點既牛熊證##。

呢類牛熊證因為收回價同行使價距離遠啲,發行商響大市出現裂口時虧損幅度會細啲,所以對沖成本低啲,溢價亦因此會相對穩定好多##。我地下星期就有幾隻呢類產品上市,大家可以留意下!

周一上市收回行使間距300點恒指牛證選擇
恒指牛證56577,收回價22600點,行使價22300點,兌換比率12000。
恒指牛證56579,收回價22300點,行使價22000點,兌換比率12000。
恒指牛證56580,收回價21800點,行使價21500點,兌換比率12000。
恒指牛證56581,收回價21400點,行使價21100點,兌換比率12000。

...       
更多
    輪證小知識
    輪證小知識相關帖文