輪證動態專頁

09月09日 下午 09:00
【睇片】由零開始成為輪證專家《輪證錦囊案內所II》終章第十集

一連十集(逢星期三) 嘅《輪證錦囊案內所》嚟到終章 —— 第十集!  繼續有瑞信Ivan、財經主持Season,以及前交易員Gary (小兵)! 今次三位會番去Raga嘅直播室做呢個單元嘅終章。

 

 

最後呢集除咗會繼續回答大家嘅問題,亦都教各位初學嘅朋友如何由零開始;而一直有買賣輪證嘅朋友又可以點樣透過平日嘅一啲練習,去提升自己嘅技巧,同埋發掘一啲值博率較大嘅入市機會。

 

 

呢個單元最後嘅一集,我地一齊回歸基本,三位講吓一啲初學者買輪證嘅常見問題,又睇吓你、你、同你會唔會都係咁,總括一下大家輸錢嘅成因,同總結今季十集嘅重點。大家有輪證難題嘅話,記得重溫番呢個單元十集嘅詳細內容!

 

 

下星期五(18號) 仲有《輪證錦囊案內所-仝人BBQ大結局》,到時一定更加精彩,記住留意直播時間!

 

 

輪證錦囊案內所II  第十集 9月9日星期三  晚上9點正 

 

第一節:三個初學者需學懂的輪證投資原則

1. 辨趨勢

2. 定策略

3. 計值博

 

第二節: 輪證投資大忌探討

1. 答網友問題

2. 學習輪證買賣的方法

3. 止賺原則與執行方式

4. 輪證投資者的大忌

 

 

重溫《輪證錦囊案內所》第二季

第一集  你揀嘅輪行使價如何,你的命運也必如何!請按此收看。

第二集  揀輪唔好睇溢價,咁其實睇咩野先啱?+大量案例  請按此收看。

第三集  街貨量多嘅輪係咪一定唔好沾手?莊家盤同買賣差價點睇?請按此收看。

第四集  技術分析加輪證又得唔得? 請按此收看。

第五集  發行商講果套輪證策略係咪最好? 請按此收看。

第六集  「沈大師」現身同Ivan用騰訊業績教部署! 請按此收看。

第七集  ISG救倉行動! 睇錯市睇錯業績,輪證有貨點算好? 請按此收看。

第八集  秒秒鐘幾XX上落,輪證唔投機得唔得?請按此收看。

第九集  買牛熊驚個市Chok,買輪又怕縮Vol?有無準則決定揀邊樣好?請按此收看。

 

重溫 《輪證錦囊案內所》 第一季
第一集 買窩輪牛熊證要咁樣先可以提高勝算? 請按此收看。
第二集 恒指牛熊街貨重貨區係咪大戶殺倉位? 請按此收看。
第四集 業績期炒季績,等政策公佈點解「中邊」都會中伏?點樣做先精明? 請按此收看。

第五集 又黑天鵝又灰犀牛,輪證買賣點樣應對好? 請按此收看。

第六集 輪證買賣心法,出入位、止賺止蝕點訂好?請按此收看。


...       
更多
7小時前 今日 下午 01:39
升完又縮返?有隻藍籌破位仲有好友追……

港股今朝先跌後回穩,恒指高位一度升約350點,高見29,300點以上,不過晏晝返嚟,大市已經升少咗,得返百幾點升幅,暫時仍企得穩喺兩萬九以上。#gif_2#

 

科技股升幅縮水,係大市升少咗嘅主因。今朝高位上過300蚊以上嘅美團(3690),午後升幅收窄至唔夠1%。騰訊(0700)亦一度高見640蚊以上,下午變成幾乎冇變動。大市仲有得升,全靠隻港交所(0388)頂住,高位曾升近4%,逼近485蚊,午後亦大致喺480蚊附近靠穩。#gif_3#

 

科技股由高位回落唔少,近期投資者對呢個板塊嘅部署意欲降低咗唔少,反觀港交所今日破位,可能見佢橫行得耐,吸引到好友繼續追貨。港交所對上一次見500蚊以上,已經係今年3月,憧憬更多中概股來港上市,短線或者可以觀望下星期出季績嘅港交所,有冇機會挑戰返500蚊關口。#gif_4#

 

港交所輪證選擇

 

港交認購證29088,行使價530.88元,21年07月到期,實際槓桿約10.9倍。

港交認沽證29247,行使價400元,21年07月到期,實際槓桿約12.2倍。

港交牛證67472,收回價460元,行使價458元,槓桿比率約19.3倍。

港交熊證59130,收回價500元,行使價502元,槓桿比率約19.6倍。


...       
更多
04月15日 下午 01:28
科網股輪住跌,今日輪到快手創新低……

內地對平台經濟股嘅監管憂慮繼續發酵,今日輪到隻視頻股快手(1024)捱沽,低位跌幅曾經達到9%,一度創出235蚊嘅上市新低,午後跌勢未見明顯改善,仍然上唔返240蚊水平。#gif_6#

 

內地近期要求科網企業同平台經濟股,簽署《依法合規經營承諾》,快手同其他大型科企都係簽署者之一,不過唔知惟獨快手跌得特別多。另外有報道話,快手嘅勁敵字節跳動已經啟動來港上市程序,但暫時亦理解唔到同快手急跌有咩關連。#gif_10#

 

Any肥,快手創新低後,可以話已經冇晒技術支持位,但由於跌得太急,吸引到好友入場博反彈。進取好友仲考慮緊行使價喺300蚊以上嘅價外100兌1 Call做部署;保守啲嘅揀返行使價喺300蚊以下嘅500兌1中期Call,降低返輪價面值同入場成本,而以股價現時破底嘅技術走勢嚟睇,或者都要保守返些少控制風險。#gif_2#

 

快手窩輪選擇

 

快手認購證13276,行使價325元,21年08月到期,實際槓桿約5.5倍。

快手認購證24093,行使價288.2元,21年10月到期,實際槓桿約3.9倍。

快手認沽證24070,行使價235.15元,21年08月到期,實際槓桿約2.8倍。


...       
更多
04月14日 上午 10:39
澄清傳聞信唔信?美團曾重上290蚊!

近期飽受監管陰霾影響嘅平台經濟股美團(3690),尋日爆出一單股東轉倉疑雲,觸發市場好多猜測,股價尋日亦急跌逾7%至280蚊樓下收市。經過一日嘅發酵,美團向內地傳媒作出回應,仲直接否認市場傳聞不實。#gif_1#

 

根據內地傳媒嘅報道,美團話,交易所持股紀錄嘅變動,只係股東轉移股權同更換托管行嘅一種常見操作,呢種情況亦經常喺其他股票上發生,仲直接指市場猜測並不屬實。美團今朝曾經反彈逾半成,一度高見290蚊以上,不過之後升幅收窄咗,未能企穩290蚊。#gif_4#

 

見唔少市場討論,都講緊美團嘅澄清信唔信得過,特別係上司公司管理層,或者都未必知道其他股東的動作或意向。輪場資金似乎對公司澄清反應正面,尋日急跌美團好倉錄得逾3,000萬錢流入,屬於正常博反彈部署;不過今日升返,早段都仲見到資金買美團Call,就反映有投資者覺得佢仲有反彈空間。保守啲嘅,可以揀住價外幅度10%以內Call,等到價再考慮向上換馬。#jpg_4#

 

美團輪證選擇

 

美團認購證18970,行使價310.2元,21年06月到期,實際槓桿約6.4倍。

美團認購證25276,行使價356.08元,21年07月到期,實際槓桿約.0倍。

美團認沽證28687,行使價252.68元,21年07月到期,實際槓桿約5.4倍。

 

美團牛證56986,收回價270元,行使價267元,槓桿比率約12.3倍。

美團熊證64540,收回價320元,行使價323元,槓桿比率約7.7倍。


...       
更多
04月13日 下午 05:45
睇片: 《科技股及中概股分析》網上講座重溫

三月港股高位調整,科技股跌左唔少,月底又出現中概股平倉風波,

業績期後嘅四月,會係趁底吸納,定係最後離場機會?輪證策略要點部署?

今次黃師傅會探討內地反壟斷法對科技巨頭嘅影響; 及因應全球缺芯片,從而分析芯片公司同車企產業鏈後向。Ivan 仲教大家用瑞信網站內嘅專業工具「恒指波幅牛熊選證攻略」(於「恒指牛熊證選證攻略」專頁內可找到) ,用日內波幅數據揀牛熊證收回價 (@5:40)。

 

立即睇片重溫精彩內容!

 

網上講座內容: 

-權重科技股跌入熊區,尚有吸納價值?

-中概股回歸操作及分析

-業績期後板塊及焦點股分析

 

日期:2021年4月12日 (星期一)
時間:晚上 8時45分至晚上 9時30分

講者:
黃瑋傑 – 新城財經台節目主持
何啟聰 – 瑞信香港認股證及牛熊證銷售主管

 

 

想緊貼我地嘅網上講座同教學,就記得Like埋我地嘅Youtube Channel 啦!去「輪證頻道」留意最新update都得!


...       
更多
04月13日 下午 01:56
美團午後急跌,驚股東有動作?

近期表現唔好嘅美團(3690),食完午飯返嚟,跌勢突然加深咗,低位曾急跌逾6%,低見280蚊。單由上星期四收市計,唔夠3個交易日嘅跌幅已經達到13%。#gif_6#

 

點解突然午後會跌多咗?有報道發現,根據港交所中央結算系統嘅持股紀錄,發現某券商嘅美團持股,喺一日之間突然激增逾3億股,相當總股本約5.8%,用尋日收市價計,批股份市值接近900億。報道仲引述分析指,搶心股份轉倉可能同潛在嘅一啲股權變動有關,相關憂慮可能係令美團午後跌深咗嘅原因。#gif_10#

 

自從阿里(9988)因壟斷行為而收到天價罰單之後,大家對平台經濟股都多咗戒心,始終唔知幾時會被調查,監管風險大咗,加上整單轉倉消息,美團跌得咁深,好倉都只係錄得小注部署,驚風險大嘅,可以向下換馬到低啲行使價嘅Call,甚至可能小注試吓考慮價外Put。#gif_2#

 

美團輪證選擇

 

美團認購證25276,行使價356.08元,21年07月到期,實際槓桿約7.2倍。

美團認購證18970,行使價310.2元,21年06月到期,實際槓桿約6.5倍。

美團認沽證28687,行使價252.68元,21年07月到期,實際槓桿約5.0倍。

 

美團牛證56986,收回價270元,行使價267元,槓桿比率約17.5倍。

美團熊證63111,收回價330元,行使價333元,槓桿比率約5.0倍。


...       
更多
04月13日 上午 10:38
連整改方案都出埋,阿里仲有冇憧憬?

說時遲那時快,啱啱先公布完巨額罰款,話咁快阿里巴巴(9988)仲公布埋期待以久嘅金融科技業務整改方案。方案冇咩驚喜,一如市場預期所料,阿里旗下嘅螞蟻集團,需要申設為金融控股公司,納入監管。市場繼續憧憬不明朗因素消除,阿里今朝高位曾升逾4%,一度高見240蚊以上,係超過一個月嘅高位。#gif_3#

 

反壟斷罰款又公布咗,整改方案又公布埋,阿里係咪從此擺脫之前拖累股價嘅不利消息,可以追落後呢?不過股價過去兩日,已經由低位升咗成20蚊上嚟,可能已經追咗部分落後,而市場有時點解讀,都要睇埋市況旺唔旺。不爭嘅事實係,阿里已經錯過咗第一季科技股最旺場嘅時刻,而剩低嘅憧憬,只有螞蟻集團幾時重啟上市,但金融公司估值始終比唔上科技公司,大家可能仲要再等等,先知有冇進一步公布。#gif_4#

 

阿里好淡倉尋日都係錄得資金流出,好倉獲利、淡倉止蝕,似乎大家唔太敢持倉住。今朝阿里破位,好倉有小注留意價外高槓桿Call。螞蟻上年11月上市觸礁,當時個下跌裂口大約位於258蚊,好友或者可以參考呢個位作短線上望目標。#gif_8#

 

阿里巴巴輪證選擇

 

阿里認購證19953,行使價275.2元,21年06月到期,實際槓桿約10.5倍。

阿里認購證15726,行使價250.2元,21年06月到期,實際槓桿約9.1倍。

阿里認沽證27146,行使價204.68元,21年07月到期,實際槓桿約7.7倍。

 

阿里牛證61342,收回價215元,行使價213元,槓桿比率約8.4倍。

阿里熊證59167,收回價258.88元,行使價260.88元,槓桿比率約9.9倍。


...       
更多
04月12日 下午 01:28
被罰嘅係阿里,但急跌嘅竟然係美團?

喺啱啱嘅周末,內地公布阿里巴巴(9988)因為違反《反壟斷法》,而被重罰182億人仔。市場本來預期重罰之下,本身已經好落後嘅阿里,可能要再承受沽壓,點知,阿里今朝大幅反彈,高位更曾急升逾8%,逼近238蚊,跌嘅反而係其他大型科技股,點解會咁架?#gif_6#

 

無嘅,市場好多時就係咁出人意表,例如上星期被南非股東配售嘅騰訊(0700),都冇咩點跌一樣。有分析指,阿里被重罰後,代表調查可能都差唔多完,而罰款金額雖然大,但阿里絕對比得起,反而消除咗不明朗因素;當然阿里嚟緊仲要面對金融科技業務整改,整改結果係點,可能係另一個之後影響阿里股價嘅重要因素。#gif_2#

 

阿里被罰之後,市場突然關心其他從事平台經濟嘅科技股,將會相繼接受反壟斷調查,話唔定亦有機會面臨巨額罰款,多隻科技股今朝應聲向下。美團(3690)係跌得最甘嘅一隻, 低位曾跌近7%,失守咗300蚊關口;騰訊(0700)低位險守600蚊,亦曾跌近3%。即市見有資金開騰訊好倉,反而跌得更急嘅美團,博反彈資金並唔多,可能係覺得佢會較受反壟斷調整影響啩。#gif_7#

 

科技股窩輪選擇

 

阿里認購證15726,行使價250.2元,21年06月到期,實際槓桿約9.6倍。

阿里認沽證27146,行使價204.68元,21年07月到期,實際槓桿約7.4倍。

 

美團認購證25276,行使價356.08元,21年07月到期,實際槓桿約6.5倍。

美團認沽證28687,行使價252.68元,21年07月到期,實際槓桿約5.3倍。

 

騰訊認購證21285,行使價700.5元,21年09月到期,實際槓桿約7.1倍。

騰訊認沽證18088,行使價505.38元,21年07月到期,實際槓桿約9.5倍。


...       
更多
04月09日 下午 01:55
阿里淡倉見資金異動要留意?

阿里巴巴(9988)一向就比較少人造淡,對上一次見資金大手造淡,要數返去舊年螞蟻就上市前。之但係呢兩日突然又見到多左資金開阿里既淡倉。尋日熊證同認沽證就夾埋有千五萬錢入,而今日下晝就有資金再加碼。呢個金額同舊年比都仲係較少,但係突然有資金大手加淡倉,就值得大家注意。#jpg_8#

 

究竟係咩野原因令資金突然睇淡呢?小編就都唔清楚,係咪跟資金流就自行決定啦!

 

 

阿里輪證選擇

阿里認購證15726,行使價250.2元,21年06月到期,實際槓桿約11.24倍。

阿里認購證21308,行使價227.08元,21年06月到期,實際槓桿約8.71倍。

阿里認沽證27146,行使價204.68元,21年07月到期,實際槓桿約6.87倍。

 

阿里牛證62409,收回價195.88元,行使價193.88元,槓桿比率約8.39倍。

阿里熊證58714,收回價235.88元,行使價237.88元,槓桿比率約9.48倍。


...       
更多
04月01日 上午 10:47
成立新交易所無有怕?港交所倒升!

尋日臨近尾市,外電突然報道中國計劃成立一間新交易所,吸引海外公司上市。擔心有競爭出現,港交所尋日尾市倒跌,失守460蚊。港交所今朝再試底,低位跌近2%至450蚊樓下,但一跌穿呢個位,開始有買盤入場,之後更倒升重上460蚊!#gif_3#

 

如果講到要成立交易所咁大件事,就算係真,雖然嘅時間並唔少,喺有新交易所面世「搶生意」前,港交所依然能夠維持獨市生意嘅地位。近期大市成交雖然縮減,不過中概股又繼續接力來港上市,呢啲相關都係利好因素之一。同一日,港交所就擴闊第二上市制度進行諮詢,容許經營傳統行業而無採用不同投票權架構嘅海外上市大中華公司,來港申請上市。呢樣嘢若果成事,又會為港交所帶嚟幾多生意,或者都要拭目以待。#gif_1#

 

港交所尋日倒跌,由於臨近收市,加上咩具體資料都冇,資金唔係幾夠膽博;到今朝再低開時,開始有好友入場撈Call,而喺長假期前,驚窩輪在期內有較大時間值損耗,亦可以考慮中距離牛證。#gif_4#

 

港交所輪證選擇

 

港交認購證29088,行使價530.88元,21年07月到期,實際槓桿約9.4倍。

港交認沽證29247,行使價400元,21年07月到期,實際槓桿約9.9倍。

港交牛證57001,收回價440元,行使價438元,槓桿比率約18.4倍。

港交熊證53821,收回價475元,行使價477元,槓桿比率約24.2倍。


...       
更多
    輪證小知識
    輪證小知識相關帖文