輪證動態專頁

01月22日 下午 05:52
輪商專登收埋即市牛熊街貨資訊?

牛熊證街貨係咪能夠預示市場走勢,輪商收埋有用既數據? 最近又成為左一個熱門既議題。#jpg_4#

 

呢個題目已經存在多年,大概係唔少分析覺得場內一定有大戶,而大戶就一定係以散戶為目標。呢啲想法通常會用大升市時,大量熊證被收回,或者係大跌市時,大量牛證被收回作為印證。不過,大家試想想背後概念的漏洞。

 

首先,牛熊街貨重貨區的張數是反映上日數據,開市後很多倉位都可能變動左,即市可以有資金平牛買熊,又或者平熊買牛,所以升市當日用熊證重倉多去解釋殺倉,而忽視阻當日曾經有資金追牛證,其實係數據上既對號入座。

 

為什麼沒有即市牛熊街貨變化數據?

那麼您可能說,我有沒有方法可以得知即市的牛熊街貨變化呢?是否輪商刻意不公佈呢?答呢條問題之先,先解釋一下牛熊證街貨數據是如果編制的。

牛熊證街貨分佈圖,是發行商將市場上所有牛熊證產品每日收市後喺港交所公佈既街貨量數據,按每隻牛熊證既兌換比率,折算番做所需對沖既期指張數。點解要折算呢?係因為12000兌1既牛熊證,沽出後發行商要買賣既期指少過10000兌1;情況好似50兌1同500兌1既個股牛熊證產品一樣。

 

發行商作為流通量提供者,的確可以知道自家發行的牛熊證即時的街貨量變化,想兌番佢做期指好,對番做客戶咩野價入市都可以。問題出喺呢個數,輪商之間不可能在收市前互相通報,所以發行商技術上不能提供一個100%準確度既即市牛熊街貨分佈圖。

 

100%準確度的即市街貨根本不可能

有朋友睇到呢度,可能會話,由於發行商係用指定經紀編號提供流通量,那麼只要用系統紀錄哪些交易是和發行商交易,哪些是其他投資者的交易,不是可以即時計算到嗎?

 

這涉及投資者對交易系統的認知。要知道,投資者理論上無法得知每個發行商的每檔掛牌數量數目,發行商每一檔的買或賣盤,可以是不規則的數目,也有時候是當沽售或買入了一定數量後,發行商不會設定為自動填補交易盤量。因此,當發行商與投資者在同一檔次掛單,除了發行商及當下掛牌的投資者,理論上無人可以得知掛單的數量。如是,技術上靠認流通量提供者的編號去估算,不會得出完全準確的數據。而發行商不可,亦不會公佈一些可能有誤/不準確的數據,更談何將數據予投資者作睇好/淡的根據吧。

 

好了,宜家大家應該明白唔係輪商唔俾,而係輪商無法,亦睇唔到有一個有效方法,可以準確無誤咁提供到即市牛熊證街貨量變化俾投資者,所以長年以來都唔會有呢個數提供。

 

牛熊街貨真的有奇效嗎?

既然即市既數不可靠,咁我地又講番究竟牛熊證街貨有無大家一直以為既「神奇效果」。神奇效果另種錯覺,源於媒體通常很側重去講有幾多隻牛/熊,大概幾多街貨被收回,但少有量化仍舊坐倉,而睇中市既人,累積賺左幾多。然後,坊間又會對號入座咁話,「您睇下?大戶又殺散戶了!」#jpg_6#

 

此外,有糊食左先,輸錢揸住先,基本上係好多人既投資慣性。所以當大市走單邊走勢,好多資金揸熊證過夜,又或者響果一段時間見到多左資金入熊,其實係好正常,但係唔代表響行呢一個單邊前,無投資者早著先機買中方向,但呢個數據從來也被忽視,大概是市場傾向相信陰謀論,而毋視整個升浪中,牛證比例一直維持在六成以上的高水平。

 

產品選擇短時間不足造成數據傾斜

尚有另一點,逢單邊市出現後,以往發行商需要五日時間才可以提供更貼價產品俾投資者(現時縮短至三日)但始終牛證與熊證的面值相差一大截(因為較遠收回距離的牛/熊證的面值,可以是幾倍的比例,產品對散戶的吸引力降低,散戶有機會改為自行買賣期貨也說不定。換句話說,當牛熊證兩邊的產品選擇條款不對等,作出比較本身就會有機會出現偏頗。

 

牛熊證對沖活動佔市場比例大嗎?

撇開其他的雜訊,回歸基本步,究竟收回這些牛熊證,等同發行商要平多少倉,而這平倉對市場的影響情度有多大,才是合理的討論。觀乎每個牛熊證重貨區的對沖合約張數僅約千張,佔大市每日期指的成交比例甚低,說大戶依據這倉位下注,又是否忽視了市場之規模以及參與者之數目呢?

 

為什麼發行商要提供街貨數據?

那麼,既然您說牛熊街貨重貨區對後市升跌無必然關係,為什麼發行商仍要提供這個數據給投資者呢?第一是因為我們希望維持資訊的透明度;第二是這些數據還是側面反映了逆勢資金的積極程度,而投資者可以透過資訊防備風險。

 

試想想,假設投資者不是思想分裂,那麼買熊證的投資者,大概都沽售了不少手上的持貨。但大市依然上衝,正好反映市場買盤動力較大,那看淡者就要較為警覺。可是,這與立即反手是兩回事,因為牛熊證倉位的數據,本身已有著時差、產品選擇不平衡及只佔市場交易一小部份的缺陷。

 

因此,我們選擇了將市場的當日升跌,結合恒指牛熊證倉位,在「恒指牛熊證倉位分析」專頁內,以牛熊證數據配合投資者睇中/錯提示投資者風險,而不鼓勵投資者盲目跟隨街貨走勢主動作反手部署,僅希望投資者善用有關免費數據。#jpg_1#


...       
更多
01月27日 上午 10:36
強者越強?小米比亞迪繼續升!

港股今朝喺高位有少少抖氣,雖然恒指高位都見過22,700點,但亦一度回落至22,500點以下,而市場焦點繼續落喺強勢股身上,似乎有強者越強之勢。#gif_3#

 

尋日因為憧憬造車有進展嘅小米(1810),單日爆升逾12%之後,今朝曾再升逾3%,再升至13.78元嘅逾半年高位。雖然升得急,尋日資金難免流出好倉獲利,但都見有追貨資金向上換馬,揀到行使價喺14蚊以上Call。趁小米今日仲有得升,順勢追貨有冇得諗?#gif_4#

 

尋日強勢嘅車股,今朝焦點放喺比亞迪(1211)身上,雖然低位輕輕跌穿過240蚊,但高位亦曾升逾2%至245蚊樓上。Tesla業績好,可能係帶動比亞迪股價走勢嘅原因,不過資金流同小米有啲似,急升股都係好倉沽貨獲利、淡友入場博回套。若果想跟住資金流揀淡倉,中距離熊或者比Put輪更吸引,雖然500兌1熊同100兌1價外Put,喺面值上分別冇之前咁大,但槓桿卻明顯以熊證較吸引,而且免除引伸影響,大家持倉或者可以考慮少樣嘢。

 

小米及比亞迪輪證選擇

 

小米認購證22761,行使價14.62元,23年06月到期,實際槓桿約5.5倍。

小米熊證57166,收回價14.88元,行使價15.28元,槓桿比率約7.5倍。

 

比迪認購證23873,行使價269.08元,24年03月到期,實際槓桿約3.2倍。

比迪熊證68152,收回價258元,行使價262元,槓桿比率約10.7倍。

比迪熊證67962,收回價268元,行使價272元,槓桿比率約8.8倍。


...       
更多
01月26日 上午 10:38
紅盤高開!無北水港股先發威?

以為過年前突破兩萬點已經好勁?結果兔年返嚟,港股升勢持續,恒指今朝高位曾急升逾400點,爭50點左右就觸及22,500點關口。#gif_3#

 

過年前終結十連跌嘅美團(3690),今朝成功重上170蚊關口。內地復常後,市場憧憬居民出生可能利好美團,或者係刺激股價回穩嘅原因。騰訊(0700)成功突破400蚊,亦係另一個升市動力;不過要講升得多,ATMX要睇隻小米(1810),高位急升逾8%至12.88元,係逾半年高位。有報道披露咗小米汽車嘅設計稿,公司已澄清係早期招標設計稿,並唔係最終文件,但股價反而好似有少少因禍得福,唔知係咪因為有實物揸手,反而令大家覺得造車真係有進展?#gif_4#

 

至於舊經濟股,就要睇隻滙豐(0005),今朝破位高見58蚊,而對上一次見58蚊,原來已經係3年前。滙豐呢類股份,每日升幅雖然唔大,但原來每日升少少,已經一啲都唔落後。由於佢好少一日急升,如果想追好倉,即使揀輕微價外Call,實際槓桿都唔低,等到價先再向上換馬,亦可較好咁控制風險。#gif_1#

 

兔年大吉,祝各位投資者新一年心想事成,龍馬精神!#jpg_3#

 

藍籌股輪證選擇

 

美團認購證28048,行使價188.98元,23年04月到期,實際槓桿約6.5倍。

美團認沽證28984,行使價147.9元,23年04月到期,實際槓桿約5.5倍。

美團牛證63464,收回價151.88元,行使價148.88元,槓桿比率約7.0倍。

美團熊證57972,收回價200元,行使價203元,槓桿比率約5.3倍。

 

騰訊認購證16261,行使價438.138元,23年06月到期,實際槓桿約7.0倍。

騰訊認沽證22107,行使價403.655元,24年03月到期,實際槓桿約1.6倍。

 

小米認購證22761,行使價14.62元,23年06月到期,實際槓桿約5.9倍。

小米熊證57166,收回價14.88元,行使價15.28元,槓桿比率約5.7倍。

 

滙豐認購證19049,行使價62.93元,23年03月到期,實際槓桿約20.8倍。


...       
更多
01月20日 上午 10:23
收爐有得升!連美團都終結十連跌?

嚟到虎年最後一個交易日,外圍雖然要捱沽,不過港股喺歲晚收爐反而有得升,恒指今朝高位曾升逾250點,重上21,900點水平,但始終同兩萬二關口都係爭少少。假期前成交例牌減少,仲要冇埋北水,可能要寄望兔年先可以挑戰兩萬二。#gif_1#

 

科技股普遍有得升,新遊戲早幾日獲批版號嘅騰訊(0700),高位曾觸及390蚊,表現固然搶眼,但睇實已經十連跌嘅美團(3690),今日亦都重拾升勢,高位升逾4%至167蚊以上。美團自從被騰訊派股之後連日捱沽,唔通沽壓已經開始消散?#gif_4#

 

至於即市令人較失望嘅藍籌股,就要數隻港交所(0388)。滬深交易所出咗份意見,話想擴大滬深港通股份嘅準則,不過市場暫時未見憧憬,港交所今朝維持喺360蚊反反覆覆。港交所近日由380蚊以上嘅高位,回落到近日360蚊水平以下,好友近日都分注吸納好倉,或者係觀望兔年回勇機會。#gif_5#

 

歲晚收爐,祝各位投資者新一年萬事如意,得心應手!#gif_3#

 

藍籌股輪證選擇

 

騰訊認購證16261,行使價438.138元,23年06月到期,實際槓桿約7.7倍。

 

美團認購證28048,行使價188.98元,23年04月到期,實際槓桿約6.5倍。

美團認沽證28984,行使價147.9元,23年04月到期,實際槓桿約5.3倍。

美團牛證63464,收回價151.88元,行使價148.88元,槓桿比率約9.0倍。

 

港交認購證22756,行使價425.2元,23年03月到期,實際槓桿約13.0倍。

港交認沽證22938,行使價305.68元,23年03月到期,實際槓桿約12.0倍。

港交熊證57631,收回價388元,行使價390元,槓桿比率約11.8倍。


...       
更多
01月18日 上午 10:59
新Game賀新歲!騰訊網易遊戲獲批版號!

科技股近日雖然高位整固,不過手遊股又有新消息。內地公布咗今年首份國產遊戲獲批版號名單,騰訊(0700)同網易(9999)都有遊戲成功獲批。騰訊今朝高見380蚊水平,升至逾半年高位,表現已經叫相對含蓄。網易升勢更凌厲,今朝一度急升逾7%,高見143蚊以上嘅逾4個月高位,之後仍維持喺140蚊附近靠穩。#gif_3#

 

由於近期騰訊已經反彈唔少,即使好友繼續睇好,近期或者先傾向揀貼價Call,等到價之後先考慮再向上換馬。至於網易,除咗有新手遊獲批,本來只係桌面限定嘅王牌大型多人上線RPG《逆水寒》,亦最新註冊咗手遊版,呢個可能係點解網易今朝跑贏嘅原因之一;不過可能升得急,資金雖然有小注追貨,但似乎反手揀淡倉資金更多,主要考慮中距離熊證以免除引伸影響。#gif_2#

 

唔講唔覺,原來一向被視為視頻股嘅嗶哩嗶哩(9626),都有新手遊《艾塔紀元》獲批,不過今朝表現麻麻,低位曾跌逾3%至205蚊樓下,其後徘徊喺210蚊以下偏軟。資金流亦傾向淡靜,但會唔會反而係部署機會呢?#gif_4#

 

網遊股輪證選擇

 

騰訊認購證24904,行使價384.805元,23年03月到期,實際槓桿約10.6倍。

騰訊認購證16261,行使價438.138元,23年06月到期,實際槓桿約6.8倍。

 

網易認購證23464,行使價168.1元,23年05月到期,實際槓桿約5.4倍。

網易熊證63131,收回價168元,行使價170元,槓桿比率約4.9倍。

 

嗶哩認購證26910,行使價264.2元,23年09月到期,實際槓桿約2.2倍。


...       
更多
01月16日 上午 11:07
七連跌!美團到底發生過甚麼事?

港股扶搖直上,不過美團(3690)近期表現認真差,低位仲跌逾3%至165蚊,暫連跌7個交易日。個幾星期之內,美團由接近200蚊嘅高位,回落至165蚊附近嘅低位,呢段時間,美團到底發生過甚麼事?#gif_6#

 

其實發生過嘅,只有一件事,就係騰訊(0700)派美團股份除淨咗。雖然騰訊派美團股份,要到成3月先收到貨,但除淨咗意味股東肯定會貨收,話唔定有啲騰訊借貨沽咗先,到時真係收到貨再還返都唔定。美團呢段時間嘅沽壓,騰訊除淨因素或者係原因之一。#gif_10#

 

內地取消隔離政策之後,做外賣仔生意嘅美團理應受惠,所以呢段時間接連受壓,都開始吸引到啲好友入場,但隨著越撈越跌,好友都開始向下換馬,由行使價200蚊以上嘅Call,下移至行使價喺190蚊以下嘅Call,減低價外幅度。驚引伸跌嘅,就下移至收回價喺150蚊附近嘅牛,拉遠與現水平嘅距離。#gif_2#

 

美團輪證選擇

 

美團認購證25225,行使價205.2元,23年03月到期,實際槓桿約8.4倍。

美團認購證28048,行使價188.98元,23年04月到期,實際槓桿約6.1倍。

美團認沽證28984,行使價147.9元,23年04月到期,實際槓桿約4.7倍。

美團牛證63464,收回價151.88元,行使價148.88元,槓桿比率約8.5倍。


...       
更多
01月13日 上午 10:35
通脹真回落?滙豐破位支撐大市!

美國舊年連番加息下,尋晚最新公布嘅通脹,增幅終於回落,上月美國CPI按年升6.5%,較11月嘅7.1%增幅低,符合市場預期,而按月計,更錄得0.1%跌幅,係超過兩年半以嚟首次。美股尋晚有得升,港股今朝就窄幅靠穩,恒指徘徊喺21,500點附近。#gif_1#

 

尋日話備戰通脹提過嘅兩個板塊,今日真係有得升。滙豐(0005)再破位向上,早段升逾2%至55蚊樓上,係超過10個月高位。科技股開始高位回軟,可能都要金融股接一接力,睇好滙豐嘅資金,都見進一步向上換馬到行使價喺60蚊以上嘅Call輪。#gif_3#

 

至於憧憬環球經濟復甦會帶動原油需求,紐約期油升勢持續,油股亦跟隨受惠。中海油(0883)今朝高位升逾2%,成功重上10.5元水平。中石油(0857)升幅同樣超過2%,突破咗3.8元水平。油股追落後,開始吸引資金小注追入。#gif_4#

 

銀行及石油股輪證選擇

 

滙豐認購證20364,行使價60.05元,23年04月到期,實際槓桿約14.3倍。

滙豐牛證63421,收回價44.88元,行使價43.88元,槓桿比率約5.4倍。

 

海油認購證25168,行使價10.759元,23年06月到期,實際槓桿約8.8倍。

海油認沽證23866,行使價8.47元,23年05月到期,實際槓桿約8.5倍。

海油牛證57501,收回價9.3元,行使價9.05元,槓桿比率約8.1倍。

海油熊證69210,收回價11.646元,行使價11.917元,槓桿比率約7.5倍。

中油認購證28533,行使價4.29元,23年07月到期,實際槓桿約7.2倍。


...       
更多
01月12日 上午 10:40
備戰通脹數據?有咩板塊要留意?

大家好關注嘅美國通脹數據,喺本港時間星期四晚,即係今晚,就會公布,市場普遍預期CPI會由上月嘅7.1%,進一步回落至6.5%。雖然同聯儲局2%嘅目標仲距離好遠,但起碼見到有回落嘅趨勢;而市場亦都普遍估計,美國雖然會繼續加息,但加息幅度可能未必會好似上年咁大,加息步伐亦有望減慢。#gif_4#

 

加息步伐若果減慢,理論上當然利好大市,而板塊方面,大家第一時間可能會聯想到銀行股。滙豐(0005)近期走勢唔錯,雖然每日升幅唔係話好大,但今朝高見53.95元,係逾8個月高位,話唔定滙豐喺新年前,都會維持住慢牛向上嘅格局。#gif_1#

 

加息減慢,加埋內地取消隔離政策後,市場憧憬環球經濟復蘇,或會利好原油需求,石油股今朝追落後。啱啱公布咗產量目標,以及未來兩年派息政策嘅中海油(0883),今朝曾升近3%,高見10.4元的逾一個月高位,CPI公布前或者可以考慮搭順風車。中石油(0857)高位更曾升近半成,逼近3.8元水平,短線或留意上試4蚊關口嘅機會。#gif_3#

 

銀行及石油股輪證選擇

 

滙豐認購證20364,行使價60.05元,23年04月到期,實際槓桿約14.2倍。

滙豐牛證63421,收回價44.88元,行使價43.88元,槓桿比率約6.0倍。

 

海油認購證25168,行使價10.759元,23年06月到期,實際槓桿約7.2倍。

海油認沽證23866,行使價8.47元,23年05月到期,實際槓桿約7.5倍。

海油牛證57501,收回價9.3元,行使價9.05元,槓桿比率約8.4倍。

海油熊證69210,收回價11.646元,行使價11.917元,槓桿比率約6.6倍。

中油認購證28533,行使價4.29元,23年07月到期,實際槓桿約6.9倍。


...       
更多
01月11日 上午 10:55
長城銷量大減,對車企有冇啟示?

留意開汽車股板塊嘅,都知車股通常每月都會公布銷售數據,俾投資者更好掌握營運情況。長城汽車(2333) 啱啱公布,舊年12月嘅汽車銷售係7.7萬架,按年跌逾52%,產量亦按年跌逾45%。銷量跌一半?市場或多或少俾呢個數據有少少嚇親,長汽低位跌逾4%,險守10蚊關口。#gif_6#

 

記得舊年年底,內地疫情轉趨嚴峻時,當時已經有報道話影響到車企生產,所以上月車企生產如果減少,或者都可以話係預期之內,不過連銷量都大減,就令人聯想到,呢個究竟係長汽自己問題,抑或成個行業都一樣要跌,不過從已公布嘅數據同股價表現睇,或者已經提供咗答案。#gif_4#

 

乘聯會最新嘅數據話,舊年12月乘用車零售銷量接近217萬架,按年微升約3%,即係話,成個市場嘅數據係有所增加,長汽明顯跑輸同業。睇埋其他行家已公布嘅數據,吉利汽車(0175)都係跑輸同業,12月汽車銷量係14.6萬架,按年跌約8%,但無長汽跌一半咁多。比亞迪(1211)就最厲害,月初出嘅銷量快報,話上月銷量按年增約1.37倍,或者係佢嘅一枝獨秀,拉混返整個市場嘅平均值。#gif_1#

 

正因為咁,即使比亞迪再被「股神」巴菲特減持,尋日依然倒升,今朝表現亦唔差,曾經重上210蚊水平,尋日亦見有資金追入好倉。吉利今朝曾跌逾2%至12蚊邊,雖然之後一度倒升,資金開淡多,可能始終係覺得佢銷量按年下跌,睇得較淡。至於勢弱嘅長汽,即市仲見到好倉止蝕,睇嚟市場睇完佢嘅產銷數據後,確實增加咗戒心。#gif_2#

 

車股輪證選擇

 

長汽認購證26297,行使價11.69元,23年06月到期,實際槓桿約3.5倍。

 

吉利認購證15859,行使價13.52元,23年03月到期,實際槓桿約6.2倍。

吉利認沽證28047,行使價8.57元,23年05月到期,實際槓桿約5.3倍。

吉利牛證64336,收回價9.9元,行使價9.4元,槓桿比率約4.2倍。

吉利熊證69832,收回價14.5元,行使價15元,槓桿比率約4.8倍。

 

比迪認購證26125,行使價230.2元,23年03月到期,實際槓桿約9.4倍。

比迪認沽證24513,行使價167.78元,23年05月到期,實際槓桿約4.8倍。

比迪牛證64339,收回價177元,行使價173元,槓桿比率約5.1倍。

比迪熊證69629,收回價228元,行使價232元,槓桿比率約8.5倍。


...       
更多
01月10日 下午 05:58
睇片《2023年股輪策略展望》黃師傅xIvan

地放寬防疫措施,市場一方面認為全球步入正常化,另一方面擔心內地疫情規模超出預期。2023年港股重納正軌,定係繼續動盪? 

 

今年國策有無受惠板塊可予憧憬? 平台經濟股會否再次成為港股動力火車頭? 就要聽黃師傅從技術分析詳細講解(@14:16) 。 配合現市況,輪證中線部署又要點做 (@24:10)

 

網上講座內容:

1./ 恒指能重見250天線嗎?

2./ 受惠國策及放寬防疫板塊分析

3./ 輪證中線部署策略

 

邊啲板塊強可以追?邊啲板塊弱可以博反彈?立即上板塊移動專頁: https://warrants-hk.credit-suisse.com/tc/tool/sector

 

日期:2023年1月9號 星期一

時間:晚上 8時45分至晚上 9時30分

 

講者:

黃瑋傑 – 新城財經台節目主持 

何啟聰 – 瑞信香港認股證及牛熊證銷售主管

 

 

想緊貼我地嘅網上講座同教學,就記得Like埋我地嘅Youtube Channel 啦!去「輪證頻道」留意最新update都得!


...       
更多
    輪證小知識
    輪證小知識相關帖文