輪證動態專頁

01月22日 下午 05:52
輪商專登收埋即市牛熊街貨資訊?

牛熊證街貨係咪能夠預示市場走勢,輪商收埋有用既數據? 最近又成為左一個熱門既議題。#jpg_4#

 

呢個題目已經存在多年,大概係唔少分析覺得場內一定有大戶,而大戶就一定係以散戶為目標。呢啲想法通常會用大升市時,大量熊證被收回,或者係大跌市時,大量牛證被收回作為印證。不過,大家試想想背後概念的漏洞。

 

首先,牛熊街貨重貨區的張數是反映上日數據,開市後很多倉位都可能變動左,即市可以有資金平牛買熊,又或者平熊買牛,所以升市當日用熊證重倉多去解釋殺倉,而忽視阻當日曾經有資金追牛證,其實係數據上既對號入座。

 

為什麼沒有即市牛熊街貨變化數據?

那麼您可能說,我有沒有方法可以得知即市的牛熊街貨變化呢?是否輪商刻意不公佈呢?答呢條問題之先,先解釋一下牛熊證街貨數據是如果編制的。

牛熊證街貨分佈圖,是發行商將市場上所有牛熊證產品每日收市後喺港交所公佈既街貨量數據,按每隻牛熊證既兌換比率,折算番做所需對沖既期指張數。點解要折算呢?係因為12000兌1既牛熊證,沽出後發行商要買賣既期指少過10000兌1;情況好似50兌1同500兌1既個股牛熊證產品一樣。

 

發行商作為流通量提供者,的確可以知道自家發行的牛熊證即時的街貨量變化,想兌番佢做期指好,對番做客戶咩野價入市都可以。問題出喺呢個數,輪商之間不可能在收市前互相通報,所以發行商技術上不能提供一個100%準確度既即市牛熊街貨分佈圖。

 

100%準確度的即市街貨根本不可能

有朋友睇到呢度,可能會話,由於發行商係用指定經紀編號提供流通量,那麼只要用系統紀錄哪些交易是和發行商交易,哪些是其他投資者的交易,不是可以即時計算到嗎?

 

這涉及投資者對交易系統的認知。要知道,投資者理論上無法得知每個發行商的每檔掛牌數量數目,發行商每一檔的買或賣盤,可以是不規則的數目,也有時候是當沽售或買入了一定數量後,發行商不會設定為自動填補交易盤量。因此,當發行商與投資者在同一檔次掛單,除了發行商及當下掛牌的投資者,理論上無人可以得知掛單的數量。如是,技術上靠認流通量提供者的編號去估算,不會得出完全準確的數據。而發行商不可,亦不會公佈一些可能有誤/不準確的數據,更談何將數據予投資者作睇好/淡的根據吧。

 

好了,宜家大家應該明白唔係輪商唔俾,而係輪商無法,亦睇唔到有一個有效方法,可以準確無誤咁提供到即市牛熊證街貨量變化俾投資者,所以長年以來都唔會有呢個數提供。

 

牛熊街貨真的有奇效嗎?

既然即市既數不可靠,咁我地又講番究竟牛熊證街貨有無大家一直以為既「神奇效果」。神奇效果另種錯覺,源於媒體通常很側重去講有幾多隻牛/熊,大概幾多街貨被收回,但少有量化仍舊坐倉,而睇中市既人,累積賺左幾多。然後,坊間又會對號入座咁話,「您睇下?大戶又殺散戶了!」#jpg_6#

 

此外,有糊食左先,輸錢揸住先,基本上係好多人既投資慣性。所以當大市走單邊走勢,好多資金揸熊證過夜,又或者響果一段時間見到多左資金入熊,其實係好正常,但係唔代表響行呢一個單邊前,無投資者早著先機買中方向,但呢個數據從來也被忽視,大概是市場傾向相信陰謀論,而毋視整個升浪中,牛證比例一直維持在六成以上的高水平。

 

產品選擇短時間不足造成數據傾斜

尚有另一點,逢單邊市出現後,以往發行商需要五日時間才可以提供更貼價產品俾投資者(現時縮短至三日)但始終牛證與熊證的面值相差一大截(因為較遠收回距離的牛/熊證的面值,可以是幾倍的比例,產品對散戶的吸引力降低,散戶有機會改為自行買賣期貨也說不定。換句話說,當牛熊證兩邊的產品選擇條款不對等,作出比較本身就會有機會出現偏頗。

 

牛熊證對沖活動佔市場比例大嗎?

撇開其他的雜訊,回歸基本步,究竟收回這些牛熊證,等同發行商要平多少倉,而這平倉對市場的影響情度有多大,才是合理的討論。觀乎每個牛熊證重貨區的對沖合約張數僅約千張,佔大市每日期指的成交比例甚低,說大戶依據這倉位下注,又是否忽視了市場之規模以及參與者之數目呢?

 

為什麼發行商要提供街貨數據?

那麼,既然您說牛熊街貨重貨區對後市升跌無必然關係,為什麼發行商仍要提供這個數據給投資者呢?第一是因為我們希望維持資訊的透明度;第二是這些數據還是側面反映了逆勢資金的積極程度,而投資者可以透過資訊防備風險。

 

試想想,假設投資者不是思想分裂,那麼買熊證的投資者,大概都沽售了不少手上的持貨。但大市依然上衝,正好反映市場買盤動力較大,那看淡者就要較為警覺。可是,這與立即反手是兩回事,因為牛熊證倉位的數據,本身已有著時差、產品選擇不平衡及只佔市場交易一小部份的缺陷。

 

因此,我們選擇了將市場的當日升跌,結合恒指牛熊證倉位,在「恒指牛熊證倉位分析」專頁內,以牛熊證數據配合投資者睇中/錯提示投資者風險,而不鼓勵投資者盲目跟隨街貨走勢主動作反手部署,僅希望投資者善用有關免費數據。#jpg_1#


...       
更多
11小時前 昨日 上午 12:23
思摩爾又崩盤!輪槓桿太低?仲有牛證揀!

經常受政策左右嘅電子煙股思摩爾國際(6969),今朝又再崩盤,低位又再跌逾10%,一度失守40蚊水平。唔講唔覺,原來以除息後計,思摩爾今日已經跌穿咗3月下旬單日急跌逾27%當日嘅低位,技術走勢算係幾唔理想。

 

思摩爾急跌,自然吸引好友博反彈,不過而家最近價嘅思摩爾Call,價外幅度已經去到25%,但實際槓桿呢?活躍輪卻普遍只普遍只得2至4倍。如果想趁急跌捕捉短線技術性反彈,槓桿確實唔太吸引。近期介紹過嘅《窩輪牛熊轉換器》,又再次大派用場。

 

即刻去頁面,揀思摩爾呢隻股份,就算揀到收回價喺35蚊以下、距離達12%嘅思摩牛51793,槓桿依然有4倍以上,比活躍輪實際槓桿高。如果進取好友想揀返近啲,用加減掣調交返收回價,仲有槓桿5至7倍嘅思摩牛揀。提提大家,始終隻正股近期走勢唔太好,博反彈記得控制風險,唔好近太近價啦。

 

留意返收回價距離啦。

 

思摩爾輪證選擇

 

思摩認購證14683,行使價50.05元,22年03月到期,實際槓桿約2.3倍。

 

思摩牛證53856,收回價38.88元,行使價34.88元,槓桿比率約6.9倍。

思摩牛證50976,收回價36.88元,行使價32.88元,槓桿比率約5.3倍。

思摩牛證51793,收回價34.88元,行使價30.88元,槓桿比率約4.1倍。


...       
更多
06月18日 下午 01:22
解讀資金點解仲追港交騰訊好倉

大市今朝一度升近28800點,呢兩日低位買左貨既資金都傾向獲利,惟獨有兩隻權重股今朝就見到資金仲追好倉,分別係港交所(0388)同騰訊(0700)。#jpg_5#

 

睇番港交所(0388)股價今朝表現唔錯,一直都企係日中高位附近,就算大市較朝早高位回返啲,港交所股價都相對「硬淨」,而今朝場內亦都見資金出嚟追短期價外既港交所call,似乎資金就睇好大市調整告一段落,望股市氣氛轉旺番。畢竟大市都靜左幾長時間,聯儲局議息後,反而先跌後升,就吸引番資金入場望轉勢。#gif_1#

 

除左港交所(0388),騰訊(0700)今早一樣有資金開好倉,騰訊係指數權重股,個解讀就可能直接啲,資金覺得指數可以喺騰訊帶動下再彈高啲。睇番外圍既科技股尋晚普遍反彈,騰訊今日又未見大幅高開,所以資金覺得佢有追落後機會都未定。#jpg_4#

 

跟唔跟呢啲資金追貨,投資者就自行決定番,小編都好緊張,想睇下呢啲大手資金係咪獨具慧眼。#jpg_2#

 

相關輪證選擇

騰訊認購證12742,行使價690.5元,21年09月到期,實際槓桿約11.20倍。

騰訊認沽證22184,行使價515.38元,21年09月到期,實際槓桿約12.55倍。

騰訊牛證64963,收回價588元,行使價585.2元,槓桿比率約26.82倍。

騰訊熊證68896,收回價630元,行使價632.8元,槓桿比率約19.77倍。

 

港交認購證25459,行使價525.5元,21年08月到期,實際槓桿約13.83倍。

港交牛證69634,收回價452元,行使價450元,槓桿比率約19.2倍。

港交熊證59130,收回價500元,行使價502元,槓桿比率約14.30倍。


...       
更多
06月18日 上午 11:04
訂單憧憬,舜宇破頂、瑞聲高企!

手機設備股近期回勇,憧憬訂單理想,舜宇光學(2382)今朝高位曾急升逾8%,高見231.6元,係大約4個月嘅高位。尋日急升嘅瑞聲科技(2018),今朝高位亦一度升逾1%至57.6元,但突破10個月高位後有獲利盤出現,股價曾倒跌逾2%,但總算維持喺高位整固。#gif_1#

 

尋日瑞聲急升,好友即刻入場追貨,瑞聲好倉單日流入逾240萬錢,到今日舜宇接力向好,到舜宇好倉有資金追貨。點揀好?近期介紹過嘅《窩輪牛熊轉換器》又大派用場。#gif_4#

 

由於舜宇升得急,大家或者都會心急想搵較貼價牛證做部署,即刻去頁面揀舜宇光學呢隻股份,近價牛51786即刻顯示出嚟,收回價喺190蚊,雖然同現水平220蚊以上有啲差距,但由於股價升得急,已經係市場上較高收回價嘅牛證選擇。槓桿大約5倍,對比活躍舜宇Call都係5倍左右實際槓桿,好似冇咩優勢,但考慮到股價急升引伸實郁,免除引伸考慮嘅牛證,可以令大家煩少樣嘢。唔知咁樣揀產品,有冇方便到大家?#gif_5#

 

手機設備股輪證選擇

 

舜光認購證11773,行使價268.88元,21年09月到期,實際槓桿約5.5倍。

舜光認沽證24854,行使價208.88元,21年07月到期,實際槓桿約8.9倍。

舜光牛證51786,收回價190元,行使價186元,槓桿比率約5.0倍。

舜光熊證69965,收回價250元,行使價254元,槓桿比率約8.0倍。

 

瑞聲認購證14512,行使價62.88元,21年12月到期,實際槓桿約5.1倍。

瑞聲認沽證14824,行使價48.88元,21年12月到期,實際槓桿約4.0倍。


...       
更多
06月17日 上午 10:53
比亞迪急彈!轉身射個3分波!

尋日由高位急跌嘅比亞迪(1211),今日隨即出現大反彈,高位曾升逾6%,爭少少就觸及220蚊。比亞迪股東大會通過,分拆子公司比亞迪半導體公司到深圳創業板上市,雖然未能夠完全收復尋日8%跌幅嘅失地,但總算成功轉身射個3分波,咁快已經止跌兼回升埋。#gif_3#

 

尋日比亞迪大跌,當然吸引唔少好友趁跌入少,好倉單日流入逾1,300萬錢,淡倉就有錢獲利沽貨。到今朝大幅反彈,好倉難免有獲利,即市亦見淡友即刻入場買Put買熊博回套。喺呢度都講過幾次,中距離比亞迪牛熊嘅槓桿,普遍都較活躍窩輪嘅實際槓桿高,所以部署比亞迪牛熊嘅投資者都唔少。唔信?又用返近期介紹過嘅《窩輪牛熊轉換器》睇睇。#gif_1#

 

當揀隻價外10%以內嘅比迪Call 20154,實際槓桿約5.5倍,將呢個號碼輸入轉換器,大約5.5倍槓桿嘅比迪牛68097即刻出現咗,收回價係185蚊,即係同現價差成30蚊。#gif_4#

 

如果大家都未必需要揀到咁遠價產品,當揀返距離現水平20蚊已經足夠嘅,Click落個牛熊證號碼隔離嘅加減掣,可以搵到收回價距離現價20蚊左右嘅比迪牛50353,槓桿有成7倍幾,亦引證咗中距離牛嘅槓桿,真係高過活躍Call。如果大家想好似呢兩日嘅資金流咁,趁跌開好倉、趁升開淡倉,較高槓桿嘅牛熊證,或者對短線部署嘅投資者更吸引。#gif_5#

 

比亞迪輪證選擇

 

比迪牛證50353,收回價195元,行使價191元,槓桿比率約7.6倍。

比迪牛證68097,收回價185元,行使價181元,槓桿比率約5.7倍。

比迪熊證69949,收回價228元,行使價232元,槓桿比率約11.4倍。

 

比迪認購證20154,行使價234.08元,21年09月到期,實際槓桿約5.5倍。

比迪認沽證14900,行使價172.78元,21年11月到期,實際槓桿約3.9倍。


...       
更多
06月16日 下午 05:37
睇片《後疫情行業佈局及貨幣政策下的股輪策略》

Ivan聯手黃瑋傑(黃師傅)分析後疫情對各行業帶來嘅機遇以及展望下半年經濟; 邊一類舊經濟股最受惠經濟復甦最值博?

 

Ivan 即席用阿里巴巴 (9988) 運用瑞信網站「個股牛熊證佈陣」示範點揀牛熊證收回距離 (@12:57); 响近期正股窄幅上落嘅市況下,面對高引伸波幅而實際槓桿比較低嘅窩輪,不如考慮轉用牛熊證! 等Ivan用瑞信網站全新專業工具「窩輪牛熊轉換器」,教您輕鬆搵出相應牛熊證,專頁仲會詳細比較時間值、槓桿、打和點等等 (@30:46)。

 

市傳消息小米(1810) 、 比亞迪(1211) 將兩強拍住上一齊造車,黃師傅點睇(@25:49) ? 兩位亦聚焦疫情下備受追捧嘅生物醫藥股,前景係點 (@43:49)? 黃師傅點評龍頭股之外,仲分享有望成黑馬嘅醫藥股。

 

立即睇黃師傅、Ivan同您備戰後疫情股輪策略!
 

 

想緊貼我地嘅網上講座同教學,就記得Like埋我地嘅Youtube Channel 啦!去「輪證頻道」留意最新update都得!



 瑞信網站全新3大業內專業工具: 

最貼價牛熊證」: 新增「最貼價個股牛熊證」結集相關資產嘅成交同技術走勢異動訊號,亦顯示最貼牛/熊證資料,方便投資者可即時搵到當刻瑞信最貼價個股牛熊證部署。

窩輪牛熊轉換器」: 預期正股窄幅上落,可以考慮牛熊證! 免除引伸波幅考慮、對沖值高,槓桿高低任您選擇! 只需輸入心儀窩輪編號,轉換成槓桿相約牛熊證比較。 

個股牛熊證佈陣」: 新增個股牛熊證收回價範圍篩選,同時列出收回價範圍內牛熊證嘅特點! 助您在轉角、牛皮及趨勢市下,根據收回距離制訂個股牛熊證策略。 

 

 

網上講座內容:

-科技股已見底還是繼續尋底?

-擔心滯脹?還是健康的通脹重臨?

-疫下醫藥發展一日千里,探討醫藥股

-哪類舊經濟股最受惠經濟復甦?
 

 

日期: 2021年 6 月15日  (星期二)

時間: 下午 6時30分至晚上7時45分

主持: 黃瑋傑(黃師傅) 輝立證券董事

嘉賓: 何啟聰 Ivan 瑞信香港認股證及牛熊證銷售主管


...       
更多
06月16日 上午 11:05
油價強勢,中海油重上9蚊!

市場繼續憧憬疫後復蘇,油價近期持續強勢,紐約期油重上72蚊美金。中海油(883)亦受帶動,高位曾升逾2%,一度高見9.12元水平。#gif_3#

 

唔講唔知,喺近期油價逐步向上攀升嘅呢段時間,中海油中距離牛證其實累積咗唔少街貪,原因係有大手資金流入呢批牛儲貨,Click入《個股牛熊證街貨分佈圖》,就可以見到收回價喺8蚊樓下嘅兩個區域,牛證累積街貨嘅相對對沖股份數目,分別有超過1,700萬股同1,400萬股,而收回價喺8.2元以上嘅牛,都見有街貨增加嘅情況。#gif_4#

 

可能你會話,我不嬲只係玩開輪,唔係好識牛證,點樣揀好呢?新嘢《窩輪牛熊轉換器》或者可以幫到你。當你揀咗隻輪先啦,例如保守少少,行使價10蚊樓下、喺9.76元嘅海油Call 23901,今年11月到期,實際槓桿大概6倍左右。若果想搵返槓桿都係6倍左右嘅牛證,將呢個窩輪編號輸入轉換器,一隻大約都係槓桿6倍左右嘅海油牛 69657,就即刻轉換咗俾大家。#gif_5#

 

若果覺得收回價喺8蚊樓下有啲遠,仲可以因應風險,用加減掣上調或下調收回價,以獲得更高或更低嘅槓桿。操作咁簡單,對牛熊證有興趣嘅大家記得試試!#gif_1#

 

中海油輪證選擇

 

海油認購證23901,行使價9.76元,21年11月到期,實際槓桿約6.0倍。

海油認沽證15116,行使價8.67元,21年10月到期,實際槓桿約4.8倍。

 

海油牛證69655,收回價8.6元,行使價8.3元,槓桿比率約11.7倍。

海油牛證69657,收回價7.95元,行使價7.65元,槓桿比率約5.8倍。

海油熊證69047,收回價10元,行使價10.3元,槓桿比率約6.4倍。


...       
更多
06月15日 下午 01:47
又有新野幫大家搵機會,今日搵到佢?

今日雖然係跌市,但係都有股份係抗地心吸力既,好似比亞迪(1211),一早跑贏哂個指數,9:35分就出現突破訊號。#jpg_5#

 

一見股份突破,唔少投資者都想即刻搵番啲最貼價牛熊證追「爆邊」,因為貼價牛熊證既槓桿一般比窩輪高,中邊既話,爆發力會高啲,但搵得嚟,隻股可能都郁左好多。#jpg_9#

 

有見及此,我地又有新野俾大家,喺原本最貼價恒指牛熊證度,我地新增最貼價既個股牛熊證資料,而呢頁亦易名為「最貼價牛熊證」。呢度會結集相關資產既成交同技術走勢異動訊號,以發出訊號時間排序,可以揀好/淡,即時顯示埋最貼牛/熊證資料,咁投資者可即時搵到當刻瑞信最貼價個股牛熊證部署啦。#jpg_1#

 

如果我地果隻牛熊證剛好係全市場最貼價或者係最高槓桿既選擇,我地仲會用有粒星星提示番,係咪好貼心呢?#gif_3#


...       
更多
06月15日 下午 01:37
強強聯手?比亞迪與小米洽談造車!

小米(1810)宣布進軍汽車業務已經唔係新鮮事,有報道話,小米開放招聘信息,包括多個與自動駕駛汽車,如工程師等有關嘅職位;不過更爆嘅係,內地傳媒引述比亞迪董事長王傳福話,正同小米洽談造車合作,仲話佢哋不嬲喺代工小米手機上合作得好好,所以比亞迪會支持將來喺汽車領域嘅發展。#gif_1#

 

比亞迪聯手小米合作造車消息公布後,近日已經好強勢嘅比亞迪仲有得升,高位曾升逾半成至226蚊以上,再升至逾3個月嘅高位;反觀大家可能已經習慣咗小米嘅造車消息,今朝股價先升後回,一度跌逾2%至27.5元。#gif_2#

 

比亞迪連日破位,資金繼續反手開淡,當中以價外Put同中距離熊較受歡迎。如果驚正股抽升令引伸波幅,熊證相對可免除引伸影響。小米資金流就相對淡靜,始終30蚊關口嘅阻力頗大,好友近日都下移到行使價喺30蚊阻力附近嘅Call,等重新反彈、逼近返阻力位先考慮向上換馬。#gif_4#

 

比亞迪、小米輪證選擇

 

比迪認購證20154,行使價234.08元,21年09月到期,實際槓桿約4.9倍。

比迪認沽證14900,行使價172.78元,21年11月到期,實際槓桿約4.1倍。

比迪牛證69942,收回價200元,行使價196元,槓桿比率約6.6倍。

比迪熊證57325,收回價238.88元,行使價242.88元,槓桿比率約11.6倍。

 

小米認購證23245,行使價30.88元,21年09月到期,實際槓桿約8.2倍。

小米認沽證13142,行使價25.45元,21年11月到期,實際槓桿約4.4倍。

小米牛證64294,收回價27元,行使價26.6元,槓桿比率約17.1倍。

小米熊證69666,收回價29.29元,行使價29.69元,槓桿比率約15.6倍。


...       
更多
06月11日 上午 10:30
大市唔郁,輪場焦點喺兩隻股身上?

美債息回落,科技股回穩,以為大市終於有望突破整固格局啦,點知仍然受制於兩萬九。大市唔郁,好似大家都冇咩署意欲,恒指牛熊證嘅資金流極淡靜,只有兩隻股份,聚焦都輪場投資者嘅目光。#gif_4#

 

究竟邊兩隻股咁威?第一隻相信大家都估到,就係隻新能源汽車股比亞迪(1211),近期連日破位下,尋日仲成功突破咗210蚊,升到成3個月高位,不過今朝高位有回套,暫守200蚊關口。尋日破位,好倉難免有錢獲利,但淡倉單日流入逾940萬,排名淡倉流入榜第一位。#gif_8#

 

小編喺呢度都講過幾次,由於比亞迪窩輪嘅引伸較高,比亞迪中距離牛熊證嘅槓桿,普遍比活躍比亞迪窩輪嘅實際槓桿高,因此無論係開淡倉定向上換馬好倉,如果想做短線部署,都傾向開比亞迪牛熊證為主。如果驚收回風險,就要自己拉遠返個收回價同現價距離。#gif_1#

 

至於第二隻焦點係咩?登登登凳!係石油股中海油(0883)。中海油好倉尋日單日流入約580萬,唔算多亦唔算少,但輪場有大手資金,近期分注吸中海油中距離牛證。紐約期油徘徊喺70蚊美金,帶動對油價最敏感嘅中海油,近日亦突破9蚊。資金開海油好倉,或者者覺得環境經濟疫後復蘇,或有利原油需求,可能係想對油價投下信心一票。#gif_5#

 

比亞迪、中海油輪證選擇

 

比迪認購證20154,行使價234.08元,21年09月到期,實際槓桿約5.3倍。

比迪認沽證14055,行使價170.88元,21年09月到期,實際槓桿約5.4倍。

比迪牛證69947,收回價190元,行使價186元,槓桿比率約7.4倍。

比迪熊證69949,收回價228元,行使價232元,槓桿比率約8.4倍。

 

海油認購證23901,行使價9.76元,21年11月到期,實際槓桿約6.1倍。

海油認沽證22152,行使價7.7元,21年12月到期,實際槓桿約4.7倍。

海油牛證68117,收回價8.4元,行使價8.1元,槓桿比率約9.2倍。

海油熊證69047,收回價10元,行使價10.3元,槓桿比率約7.1倍。


...       
更多
    輪證小知識
    輪證小知識相關帖文