輪證動態專頁

04月01日 上午 10:47
成立新交易所無有怕?港交所倒升!

尋日臨近尾市,外電突然報道中國計劃成立一間新交易所,吸引海外公司上市。擔心有競爭出現,港交所尋日尾市倒跌,失守460蚊。港交所今朝再試底,低位跌近2%至450蚊樓下,但一跌穿呢個位,開始有買盤入場,之後更倒升重上460蚊!#gif_3#

 

如果講到要成立交易所咁大件事,就算係真,雖然嘅時間並唔少,喺有新交易所面世「搶生意」前,港交所依然能夠維持獨市生意嘅地位。近期大市成交雖然縮減,不過中概股又繼續接力來港上市,呢啲相關都係利好因素之一。同一日,港交所就擴闊第二上市制度進行諮詢,容許經營傳統行業而無採用不同投票權架構嘅海外上市大中華公司,來港申請上市。呢樣嘢若果成事,又會為港交所帶嚟幾多生意,或者都要拭目以待。#gif_1#

 

港交所尋日倒跌,由於臨近收市,加上咩具體資料都冇,資金唔係幾夠膽博;到今朝再低開時,開始有好友入場撈Call,而喺長假期前,驚窩輪在期內有較大時間值損耗,亦可以考慮中距離牛證。#gif_4#

 

港交所輪證選擇

 

港交認購證29088,行使價530.88元,21年07月到期,實際槓桿約9.4倍。

港交認沽證29247,行使價400元,21年07月到期,實際槓桿約9.9倍。

港交牛證57001,收回價440元,行使價438元,槓桿比率約18.4倍。

港交熊證53821,收回價475元,行使價477元,槓桿比率約24.2倍。


...       
更多
13小時前 昨日 上午 10:56
開倒車!長汽轉賺卻曾急跌逾14%.......

唔少中資股陸續公布季績,長城汽車(2333)公布,今年首季淨利潤達16億人仔以上,扭轉舊年同期約6.5億人仔嘅虧損,不過呢個利潤金額,依然比市場預期低,兼且有券商唱淡;長汽扭虧為盈後,股價依然要顯著受壓,低位更曾急跌逾14%,險守20蚊關口,之後都要維持約一成跌幅。唔單止長汽,連其他車股亦要受壓,好似隻吉利汽車(0175),低位亦曾跌逾半成至22蚊以下。#gif_6#

 

早幾日先講上海車展,各大車廠發功推新車款,令汽車股板板塊曾經受捧,估唔到幾日已經跌返晒落嚟。跌得急,自然吸引好友入場博反彈,但要留返當一隻股份以10%以上的幅度「車」落去,窩輪引伸波幅水平肯定會變得波動,若果之後波幅收窄,引伸或者會面臨下跌壓力。#gif_2#

 

其實長汽同吉利,喺市場上都有牛證俾大家揀,可以免除引伸波幅影響。當然牛熊證會有收回風險,特別係當股價郁動大咗,會令收回機會都增加,所以大家揀產品時,都要因應返自己承擔風險能力,調節返揀咩收回距離先至合適。#gif_4#

 

汽車股輪證選擇

 

長汽認購證21029,行使價26.28元,21年10月到期,實際槓桿約3.3倍。

長汽牛證58682,收回價20元,行使價19.2元,槓桿比率約6.6倍。

長汽牛證68953,收回價17.5元,行使價16.7元,槓桿比率約3.8倍。

 

吉利認購證21057,行使價24.05元,21年09月到期,實際槓桿約4.8倍。

吉利認沽證28465,行使價18.88元,21年09月到期,實際槓桿4.0倍。

吉利牛證68887,收回價20.5元,行使價20元,槓桿比率約10.2倍。

吉利熊證53816,收回價25元,行使價25.5元,槓桿比率約5.4倍。


...       
更多
04月21日 上午 12:02
監管又驚過?阿里京東跌得最急……

港股今朝突然急跌,低位仲大跌成600點有多,科技股又跌過,事關呢個板塊對收緊監管嘅憂慮又再出現,今次輪到工信部出招,有報道話已經展開咗對互聯網行業嘅專項整治行動。ATMX等大型科技股,今朝可以話係無一倖免咁跌。#gif_6#

 

咁多類科技股中,跌得較急嘅有電商股,阿里巴巴(9988)今朝低位曾跌逾3%,叫做險守220蚊關口。京東(9618)跌幅更加一度超過4%,低見284蚊,上一次見呢個位,已經係舊年9月底,亦即係今朝已經跌到超過半年低位。#gif_10#

 

跌得急,當然有好友博反彈,特別係阿里,唔少分析都覺得佢因反壟斷被重罰,以及螞蟻進行整改後,要面對嘅監管風險將會降低,不過好友對科技股戒心依然強,已經再下移到行使價喺250蚊以下Call。京東都見有錢開好倉,價外20%以下嘅Call,以及中距離牛,都見有好友小注博反彈。#gif_2#

 

電商股輪證選擇

 

阿里認購證18076,行使價243.08元,21年07月到期,實際槓桿約9.2倍。

阿里認沽證27146,行使價204.68元,21年07月到期,實際槓桿約7.0倍。

阿里牛證62407,收回價203.88元,行使價201.88元,槓桿比率約10.5倍。

阿里熊證65239,收回價240元,行使價242元,槓桿比率約9.6倍。

 

京東認購證21302,行使價339.08元,21年09月到期,實際槓桿約6.5倍。

京東認沽證14025,行使價275.88元,21年09月到期,實際槓桿約4.4倍。

京東牛證56088,收回價270.88元,行使價267.88元,槓桿比率約13.6倍。

京東熊證65312,收回價325元,行使價328元,槓桿比率約6.4倍。


...       
更多
04月20日 下午 01:27
小米三闖27關,今次又得唔得?

小米(1810)呢排有公司繼續回購,一直都企到響25蚊樓上,今日大市先跌後升,升升下去到日中高位,雖然仍然受制27蚊呢個位,但就無好似前幾次咁出現長陰燭,即市高開跌落嚟,反而係股價日內拾級而上,相對買盤動力較強。#jpg_1#

 

不足之處,係今日成交金額較細,半日成交量不及上日全日成交金額一半,要突破,一係大市下畫再升帶動資金追貨,一唔係就要突然有資金追。但畢竟今次算係小米三月以來第三次衝27蚊呢個大阻力位,技術上既量度升幅就大概係30蚊呢個整數關,所以,一旦技術突破都可能有資金短線部署。好友就不妨留意住先,一旦成交同市場氣氛配合,到時可以留意下相關輪證。#jpg_5#

 

如果大市升唔上既,咁就不妨睇定少少先,唔使太心急住。#jpg_8#

 

 

小米輪證選擇

小米認購證23351,行使價28.55元,21年06月到期,實際槓桿約7.29倍。

小米認購證25295,行使價28.93元,21年08月到期,實際槓桿約5.33倍。

小米認沽證20155,行使價23.83元,21年08月到期,實際槓桿約5.24倍。

 

小米牛證67478,收回價25.5元,行使價25.1元,槓桿比率約12.48倍。

小米熊證56466,收回價29.29元,行使價29.69元,槓桿比率約8.69倍。


...       
更多
04月20日 上午 10:48
配股又有咩好怕喎?美團股價幾乎唔郁!

美團(3690)尋日收市後突然公布配股加發債嘅集資計劃,到今朝正式搞掂,最終能夠以接近配股價範圍嘅上限273.8元,成功完成配股行動。今朝股價似乎無點受到配股影響,低位跌唔夠2%,高位更曾倒升逾2%至295蚊以上。#gif_4#

 

傳統智慧話,當企業大規模抽水,仲要以折讓配股,股價通常都會有短暫沽壓出現,不過兩個星期前嘅南非大股東配售騰訊(0700),以及今次美團配股,兩次對股價影響都唔大,令人都不禁懷疑人生,傳統智慧喺今時今日嘅市況,係咪唔一定啱用。#gif_7#

 

美團話,集資所得將用於科技創新、包括無人車同無人機配送等技術研發,而市場對呢個領域有信心,或者係能夠支持美團走勢嘅原因。美團今朝變動唔大,輪場資金亦都比較淡靜,好友傾向開行使價330蚊附近嘅Call,博佢短線上返300蚊以上;若300蚊關口繼續有阻力,淡友亦可趁股價反彈時反手博回套。#gif_1#

 

美團輪證選擇

 

美團認購證18098,行使價330.2元,21年06月到期,實際槓桿約7.3倍。

美團認沽證28687,行使價252.68元,21年07月到期,實際槓桿約6.0倍。

美團牛證67496,收回價275元,行使價272元,槓桿比率約12.7倍。

美團熊證65301,收回價310元,行使價313元,槓桿比率約12.4倍。


...       
更多
04月19日 下午 01:39
升完又縮返?有隻藍籌破位仲有好友追……

港股今朝先跌後回穩,恒指高位一度升約350點,高見29,300點以上,不過晏晝返嚟,大市已經升少咗,得返百幾點升幅,暫時仍企得穩喺兩萬九以上。#gif_2#

 

科技股升幅縮水,係大市升少咗嘅主因。今朝高位上過300蚊以上嘅美團(3690),午後升幅收窄至唔夠1%。騰訊(0700)亦一度高見640蚊以上,下午變成幾乎冇變動。大市仲有得升,全靠隻港交所(0388)頂住,高位曾升近4%,逼近485蚊,午後亦大致喺480蚊附近靠穩。#gif_3#

 

科技股由高位回落唔少,近期投資者對呢個板塊嘅部署意欲降低咗唔少,反觀港交所今日破位,可能見佢橫行得耐,吸引到好友繼續追貨。港交所對上一次見500蚊以上,已經係今年3月,憧憬更多中概股來港上市,短線或者可以觀望下星期出季績嘅港交所,有冇機會挑戰返500蚊關口。#gif_4#

 

港交所輪證選擇

 

港交認購證29088,行使價530.88元,21年07月到期,實際槓桿約10.9倍。

港交認沽證29247,行使價400元,21年07月到期,實際槓桿約12.2倍。

港交牛證67472,收回價460元,行使價458元,槓桿比率約19.3倍。

港交熊證59130,收回價500元,行使價502元,槓桿比率約19.6倍。


...       
更多
04月15日 下午 01:28
科網股輪住跌,今日輪到快手創新低……

內地對平台經濟股嘅監管憂慮繼續發酵,今日輪到隻視頻股快手(1024)捱沽,低位跌幅曾經達到9%,一度創出235蚊嘅上市新低,午後跌勢未見明顯改善,仍然上唔返240蚊水平。#gif_6#

 

內地近期要求科網企業同平台經濟股,簽署《依法合規經營承諾》,快手同其他大型科企都係簽署者之一,不過唔知惟獨快手跌得特別多。另外有報道話,快手嘅勁敵字節跳動已經啟動來港上市程序,但暫時亦理解唔到同快手急跌有咩關連。#gif_10#

 

Any肥,快手創新低後,可以話已經冇晒技術支持位,但由於跌得太急,吸引到好友入場博反彈。進取好友仲考慮緊行使價喺300蚊以上嘅價外100兌1 Call做部署;保守啲嘅揀返行使價喺300蚊以下嘅500兌1中期Call,降低返輪價面值同入場成本,而以股價現時破底嘅技術走勢嚟睇,或者都要保守返些少控制風險。#gif_2#

 

快手窩輪選擇

 

快手認購證13276,行使價325元,21年08月到期,實際槓桿約5.5倍。

快手認購證24093,行使價288.2元,21年10月到期,實際槓桿約3.9倍。

快手認沽證24070,行使價235.15元,21年08月到期,實際槓桿約2.8倍。


...       
更多
04月14日 上午 10:39
澄清傳聞信唔信?美團曾重上290蚊!

近期飽受監管陰霾影響嘅平台經濟股美團(3690),尋日爆出一單股東轉倉疑雲,觸發市場好多猜測,股價尋日亦急跌逾7%至280蚊樓下收市。經過一日嘅發酵,美團向內地傳媒作出回應,仲直接否認市場傳聞不實。#gif_1#

 

根據內地傳媒嘅報道,美團話,交易所持股紀錄嘅變動,只係股東轉移股權同更換托管行嘅一種常見操作,呢種情況亦經常喺其他股票上發生,仲直接指市場猜測並不屬實。美團今朝曾經反彈逾半成,一度高見290蚊以上,不過之後升幅收窄咗,未能企穩290蚊。#gif_4#

 

見唔少市場討論,都講緊美團嘅澄清信唔信得過,特別係上司公司管理層,或者都未必知道其他股東的動作或意向。輪場資金似乎對公司澄清反應正面,尋日急跌美團好倉錄得逾3,000萬錢流入,屬於正常博反彈部署;不過今日升返,早段都仲見到資金買美團Call,就反映有投資者覺得佢仲有反彈空間。保守啲嘅,可以揀住價外幅度10%以內Call,等到價再考慮向上換馬。#jpg_4#

 

美團輪證選擇

 

美團認購證18970,行使價310.2元,21年06月到期,實際槓桿約6.4倍。

美團認購證25276,行使價356.08元,21年07月到期,實際槓桿約.0倍。

美團認沽證28687,行使價252.68元,21年07月到期,實際槓桿約5.4倍。

 

美團牛證56986,收回價270元,行使價267元,槓桿比率約12.3倍。

美團熊證64540,收回價320元,行使價323元,槓桿比率約7.7倍。


...       
更多
04月13日 下午 05:45
睇片: 《科技股及中概股分析》網上講座重溫

三月港股高位調整,科技股跌左唔少,月底又出現中概股平倉風波,

業績期後嘅四月,會係趁底吸納,定係最後離場機會?輪證策略要點部署?

今次黃師傅會探討內地反壟斷法對科技巨頭嘅影響; 及因應全球缺芯片,從而分析芯片公司同車企產業鏈後向。Ivan 仲教大家用瑞信網站內嘅專業工具「恒指波幅牛熊選證攻略」(於「恒指牛熊證選證攻略」專頁內可找到) ,用日內波幅數據揀牛熊證收回價 (@5:40)。

 

立即睇片重溫精彩內容!

 

網上講座內容: 

-權重科技股跌入熊區,尚有吸納價值?

-中概股回歸操作及分析

-業績期後板塊及焦點股分析

 

日期:2021年4月12日 (星期一)
時間:晚上 8時45分至晚上 9時30分

講者:
黃瑋傑 – 新城財經台節目主持
何啟聰 – 瑞信香港認股證及牛熊證銷售主管

 

 

想緊貼我地嘅網上講座同教學,就記得Like埋我地嘅Youtube Channel 啦!去「輪證頻道」留意最新update都得!


...       
更多
04月13日 下午 01:56
美團午後急跌,驚股東有動作?

近期表現唔好嘅美團(3690),食完午飯返嚟,跌勢突然加深咗,低位曾急跌逾6%,低見280蚊。單由上星期四收市計,唔夠3個交易日嘅跌幅已經達到13%。#gif_6#

 

點解突然午後會跌多咗?有報道發現,根據港交所中央結算系統嘅持股紀錄,發現某券商嘅美團持股,喺一日之間突然激增逾3億股,相當總股本約5.8%,用尋日收市價計,批股份市值接近900億。報道仲引述分析指,搶心股份轉倉可能同潛在嘅一啲股權變動有關,相關憂慮可能係令美團午後跌深咗嘅原因。#gif_10#

 

自從阿里(9988)因壟斷行為而收到天價罰單之後,大家對平台經濟股都多咗戒心,始終唔知幾時會被調查,監管風險大咗,加上整單轉倉消息,美團跌得咁深,好倉都只係錄得小注部署,驚風險大嘅,可以向下換馬到低啲行使價嘅Call,甚至可能小注試吓考慮價外Put。#gif_2#

 

美團輪證選擇

 

美團認購證25276,行使價356.08元,21年07月到期,實際槓桿約7.2倍。

美團認購證18970,行使價310.2元,21年06月到期,實際槓桿約6.5倍。

美團認沽證28687,行使價252.68元,21年07月到期,實際槓桿約5.0倍。

 

美團牛證56986,收回價270元,行使價267元,槓桿比率約17.5倍。

美團熊證63111,收回價330元,行使價333元,槓桿比率約5.0倍。


...       
更多
    輪證小知識
    輪證小知識相關帖文