輪證動態專頁

04月14日 上午 10:39
澄清傳聞信唔信?美團曾重上290蚊!

近期飽受監管陰霾影響嘅平台經濟股美團(3690),尋日爆出一單股東轉倉疑雲,觸發市場好多猜測,股價尋日亦急跌逾7%至280蚊樓下收市。經過一日嘅發酵,美團向內地傳媒作出回應,仲直接否認市場傳聞不實。#gif_1#

 

根據內地傳媒嘅報道,美團話,交易所持股紀錄嘅變動,只係股東轉移股權同更換托管行嘅一種常見操作,呢種情況亦經常喺其他股票上發生,仲直接指市場猜測並不屬實。美團今朝曾經反彈逾半成,一度高見290蚊以上,不過之後升幅收窄咗,未能企穩290蚊。#gif_4#

 

見唔少市場討論,都講緊美團嘅澄清信唔信得過,特別係上司公司管理層,或者都未必知道其他股東的動作或意向。輪場資金似乎對公司澄清反應正面,尋日急跌美團好倉錄得逾3,000萬錢流入,屬於正常博反彈部署;不過今日升返,早段都仲見到資金買美團Call,就反映有投資者覺得佢仲有反彈空間。保守啲嘅,可以揀住價外幅度10%以內Call,等到價再考慮向上換馬。#jpg_4#

 

美團輪證選擇

 

美團認購證18970,行使價310.2元,21年06月到期,實際槓桿約6.4倍。

美團認購證25276,行使價356.08元,21年07月到期,實際槓桿約.0倍。

美團認沽證28687,行使價252.68元,21年07月到期,實際槓桿約5.4倍。

 

美團牛證56986,收回價270元,行使價267元,槓桿比率約12.3倍。

美團熊證64540,收回價320元,行使價323元,槓桿比率約7.7倍。


...       
更多
10月22日 上午 12:20
睇片《奇兵出擊信心輪證》網上講座 第四擊

Ivan 聯同袁嘉麟Trader K以及紅磡索螺絲於昨晚(21號) 舉行網上講座,全場九十分鐘,展開第四季反擊戰!

 

 

立即睇片重溫精彩內容!

 

 

網上講座內容

- 第四季港股焦點股份

- 個股牛熊證與窩輪比較

- 奇兵們的反擊戰策略分享

 

日期:2021年10月21日 (星期四) 

時間:晚上 8時30分至10時正 

主持:朱子昭 及 朱明亮 

講者:何啟聰 Ivan瑞信香港認股證及牛熊證銷售主管 

          袁嘉麟 Trader K 新城電台《散戶奇兵》節目主持 

          紅磡索螺絲 新城電台《散戶奇兵》節目主持

 

相關帖文:

[《奇兵出擊信心輪證》網上講座 第三擊 ]

 

 

想緊貼我地嘅網上講座同教學,就記得Like埋我地嘅YouTube Channel 啦!去「輪證頻道」留意最新update都得!

 

 

瑞信網站全新3大業內專業工具: 

最貼價牛熊證 窩輪牛熊轉換器  |  個股牛熊證佈陣


...       
更多
10月22日 上午 10:37
匯豐季績,有冇機會延續強勢?

港股今朝變動唔係好大,嚟到月尾,唔少股份都公布緊季度業績。近期由低位反彈唔少嘅匯豐(0005),就係其中一隻,將於周一放榜。匯豐升浪由9月底已經開始,當時股價低位去到38蚊邊,但之後接連向上,重上多條移動平均線,尋日高位曾升穿47蚊,由低至高累計已經升返兩成以上。#gif_3#

 

雖然由低位升返咁多上嚟,再追貨資金唔多,不過業績有冇機會撐佢延續升勢呢?業績前見好友都有小注揀返行使價喺50蚊附近嘅Call,主要作短線部署,但即時睇資金唔算太多。#gif_4#

 

匯豐輪引伸波幅近期冇因為臨近業績而點升,不過唔升唔代表業績後唔會跌,如果驚業績後,窩輪引伸波幅都會循例跌啲,或者可以轉投免除引伸影響嘅牛熊證,雖然對比窩輪冇咩槓桿優勢,但勝在唔駛諗引伸問題。#gif_1#

 

匯豐輪證選擇

 

滙豐認購證16999,行使價50.05元,21年12月到期,實際槓桿約16.9倍。

滙豐認沽證28469,行使價37.45元,22年03月到期,實際槓桿約8.7倍。

 

滙豐牛證62239,收回價45.28元,行使價44.28元,槓桿比率約20.2倍。

滙豐牛證58622,收回價43.28元,行使價42.28元,槓桿比率約11.9倍。

滙豐熊證50882,收回價48.88元,行使價49.88元,槓桿比率約12.2倍。


...       
更多
10月21日 上午 10:39
科技股升完,到舊經濟股接力?

大市四連升後,今朝喺兩萬六以上靠穩,暫時冇咩方向。尋日力撐大市突破兩萬六嘅科技股,暫時變動唔大,反而部分大隻舊經濟股出現破位,唔通到佢哋接力撐大市?#gif_5#

 

恒大系復牌,加上副總理劉鶴話房地產市場風險可控,內險股中國平安(2318)今朝成功突破60蚊,高位急升逾半成至61蚊以上,係超過一個月高位。匯豐(0005)又再升多少少,高位曾升逾1%至47蚊以上,係約4個月高位。至於電訊股中移動(0941)公布首三季純利按年升約6.9%後,今朝亦曾升逾1%至49蚊以上,亦突破咗一個月高位。#gif_3#

 

平安已經衝高成半成,即市唔見有太多資金仲敢追貨,反而匯豐同中移動好倉,都見到有資金小注考慮,特別係匯豐下星期出季績,似乎有好友憧憬有望帶動股價再衝高;中移動正股見到即市有唔少北水買盤,都見到有好友考慮中距離牛證。#gif_4#

 

舊經濟股輪證選擇

 

平安認購證28727,行使價71.93元,22年02月到期,實際槓桿約7.1倍。

平安認沽證25550,行使價48.88元,22年03月到期,實際槓桿約5.4倍。

平安牛證62208,收回價55.88元,行使價55.28元,槓桿比率約9.3倍。

平安熊證60671,收回價65元,行使價65.6元,槓桿比率約14.7倍。

 

滙豐認購證16999,行使價50.05元,21年12月到期,實際槓桿約15.4倍。

滙豐認沽證28469,行使價37.45元,22年03月到期,實際槓桿約8.8倍。

滙豐牛證62239,收回價45.28元,行使價44.28元,槓桿比率約18.0倍。

滙豐熊證50882,收回價48.88元,行使價49.88元,槓桿比率約14.2倍。

 

中移認購證27434,行使價52.55元,22年02月到期,實際槓桿約10.0倍。

中移牛證60300,收回價47.38元,行使價46.38元,槓桿比率約14.5倍。

中移熊證63545,收回價50.88元,行使價51.88元,槓桿比率約15.9倍。


...       
更多
10月20日 上午 10:44
阿里急升!關造芯定馬雲外遊事?

弱勢咗好耐嘅阿里巴巴(9988),近日終於起錨,股價今朝曾急升逾7%,高見177蚊嘅超過3個月高位,暫時連升4個交易日。#gif_3#

 

究竟咩事令阿里突然急升?有報道話,早前嚟咗香港嘅阿里創辨人馬雲,轉咗去西班牙度假,順便做埋歐洲考察,市場憧憬係咪中央對阿里系嘅監管,開始有鬆綁嘅先兆?好消息又點止一個,阿里啱啱發布咗自家研發嘅伺服器晶片,雖然係用於伺服器,但市場亦關注係咪阿里造芯嘅第一步。#gif_5#

 

阿里急升,之前坐落嘅好多好倉,今朝都傾向先行獲利,畢竟阿里由月初132蚊嘅上市低位,反彈到今朝高位177蚊,由低至高已累積升逾三成,增加好友鎖定利潤嘅誘因。與此同時,阿里淡倉反而有資金反手部署。技術上,100天線約183.5元或者係關鍵位,如果順勢升穿,或者可以重新關注好倉追貨;若果升唔穿,或者反映本輪反彈開始見頂,到時可以考慮候高吼位開淡倉。#gif_4#

 

阿里巴巴輪證選擇

 

阿里認購證24684,行使價186.1元,22年01月到期,實際槓桿約6.5倍。

阿里認購證24690,行使價200.2元,22年03月到期,實際槓桿約5.7倍。

阿里認沽證25205,行使價135元,22年02月到期,實際槓桿約5.3倍。

 

阿里牛證61965,收回價157元,行使價155元,槓桿比率約7.5倍。

阿里熊證51065,收回價194元,行使價196元,槓桿比率約8.0倍。


...       
更多
10月19日 上午 12:22
股東增持,對弱勢中遠有幾大刺激?

講起航運股,近期大家都只有一片嘆息聲。油價喺過去一段時間升咗唔少,但市場又驚冬季運費會跌,唔少航運股之前由高位急跌,中遠海控(1919)亦由9月中16蚊以上嘅高位,近日低位一度跌穿10蚊。#gif_6#

 

不過喺股價走弱之際,中遠海控宣布,獲控股股東中國遠洋海運集團,計劃用最多20億元人民幣增持A股同H股,仲話對公司未來發展前景有信心,增持係對公司投資價值嘅認可。消息公布後,遠海今朝高位增升逾7%,高位逼近11.4元,仲收復埋10天線。#gif_3#

 

不過興奮過後,可能要諗諗,20億人仔嘅增持,金額唔算係好巨額,當短期刺激之後,市場焦點會唔會落返高油價、運費跌得基本因素上。遠海Call今朝係見到有大手資金增持,不過留意遠海輪嘅引伸波幅一向高企,如果想做中線部署,不妨考慮免除引伸影響嘅中距離遠海牛,50兌1嘅牛證面值,亦普遍較活躍輪低。#gif_4#

 

中遠海控輪證選擇

 

遠海認購證23073,行使價13.18元,22年02月到期,實際槓桿約3.6倍。

遠海認沽證27739,行使價10.28元,22年04月到期,實際槓桿約1.4倍。

遠海牛證53842,收回價9.5元,行使價9元,槓桿比率約4.3倍。


...       
更多
10月18日 上午 10:48
車股返晒嚟!新能源車股追唔追?

對比起有監管風險嘅科技股,又或者較落後嘅金融股,新能源汽車股一直被視為國策受惠股,不過因為芯片唔夠,驚會影響生產同交付量,呢類股份早前亦由高位回套唔少。#gif_2#

 

問題雖然仍未解決,不過上星期喺廣交會,國務院總理李克強去咗比亞迪(1211)個攤位,仲由比亞迪董事長王傳福親自介紹刀片電池等新技術後,比亞迪上星期五已經單日急升逾7%,今朝繼續高位整固喺275蚊以上。市場憧憬新能源汽車板塊獲得祝福,小鵬汽車(9868)今朝曾升近半成,至166蚊嘅約兩個月高位;理想汽車(2015)亦突破一個月高位,曾升上118蚊以上。#jpg_2#

 

比亞迪上星期五出現突破,資金唔係側埋一邊反手開淡,好倉留入資金仲多過淡倉。之前都講過N次,比亞迪中距離牛證槓桿,普遍較活躍Call高,亦免除引伸影響,所以吸引唔少好友加注。小鵬同理想冇牛熊證揀,想趁近期由低位反彈順勢部署,暫時只能考慮輕微價外Call。#jpg_3#

 

新能源汽車股輪證選擇

 

比迪認購證26585,行使價305.2元,21年12月到期,實際槓桿約5.9倍。

比迪認沽證23334,行使價228元,22年02月到期,實際槓桿約4.4倍。

比迪牛證61043,收回價257元,行使價253元,槓桿比率約12.0倍。

比迪熊證56405,收回價288元,行使價292元,槓桿比率約14.5倍。

 

小鵬認購證17073,行使價189.99元,22年01月到期,實際槓桿約4.8倍。

理想認購證24324,行使價135.88元,22年03月到期,實際槓桿約3.1倍。


...       
更多
10月12日 下午 05:14
睇片:十月會否現股災?心慌慌策略點做?

大市連升三日,過去3日累升逾1300點,科技股成升市火車頭; 「十月股災月」陰霾是否已被擊退?

立即聽吓身為大淡友嘅紅磡索螺絲同瑞信 Ivan 對十月嘅策略分享!

 

01:00 大市

07:00 阿里巴巴(9988)

12:00 美團(3690)

17:05 匯豐(0005)

22:00 港交所(0388)

24:20 瑞聲(2018)

27:20 中人壽(2628)

30:00 中遠海控(1919)

35:40 中海油(0883);中石油(0857)

39:50 匯豐(0005)

43:10 十月股災月?要留意十年美債債息… 

48:30 聯想(0992)

53:20 李寧(2331)

58:20 澳賭股- 銀娛(0027)

 

AASTOCKS 收市有偈: 《十月會否現股災?心慌慌策略點做?》訪談

節目日期:2021年10月11日(星期一) 

時間:下午4時正至下午4時45分

講者: 紅磡索螺絲 

嘉賓: 何啟聰先生 (Ivan)  瑞信香港認股證及牛熊證銷售主管


...       
更多
10月12日 上午 10:53
中央要查金融機構,點解阿里都中箭?

又有嘢查?外電報道,內地下令中紀委,調查包括銀行、保險同證券業入面嘅主要金融機構,睇吓佢哋監管方面有冇疏漏,以及同大型民企嘅關係。照道理,監管嘅係金融業,理應銀行、金融等板塊會受壓,但係唔係喎,今日受呢單消息拖累嘅,竟然係……阿里巴巴(9988)?#gif_2#

 

原來報道話,中紀委要調查嘅,係金融機構同一啲民企有冇過從甚密,當中包括負債累累嘅恒大(3333),到咗美國上市引起風波嘅滴滴,同埋阿里旗下嘅金融公司螞蟻集團。恒大停咗牌,滴滴喺美國上市,結果呢個消息帶嚟沽壓,去晒阿里巴巴身上。#gif_6#

 

阿里今朝低位曾跌逾半成,曾經失守過160蚊,不過連彈4日,仲要每日都升得咁急,借消息略作調整亦屬正常。近日急升唔敢部署嘅好倉,終於重新入場,但都係小注為主,一來近期升勢比較急,都驚會唔會再有技術回套;二來如果聽日打風停市,過埋重陽假隨時要坐幾日,所以寧願控制注碼,以慎防裂口風險嘅影響。#gif_8#

 

阿里輪證選擇

 

阿里認購證24684,行使價186.1元,22年01月到期,實際槓桿約6.7倍。

阿里認沽證25205,行使價135元,22年02月到期,實際槓桿約4.1倍。

阿里牛證58737,收回價144元,行使價142元,槓桿比率約7.3倍。

阿里熊證58350,收回價180元,行使價182元,槓桿比率約6.9倍。


...       
更多
10月11日 上午 10:44
走先啦,係咁先啦,科技股反手開淡啦…….

港股今朝顯著反彈,恒指高位急升超過500點,科技股升幅顯著,不過衝得咁勁,幾隻大型科技股都難免有資金選擇喺好倉先行獲利,好友趕住唱返句「走先啦,係咁先啦」,等高位有返少少調整,先決定「下次再玩啦」。#gif_4#

 

不過與此同時,投資者都唔係放軟手腳,今朝三大科技股ATM嘅淡倉,都見有資金反手流入淡倉,睇佢有冇出現技術性回套。騰訊(0700)高位唔能夠順勢突破500蚊,淡倉加注期間,股價已經落返490蚊附近。阿里(9988)升得更急,高位升近8%,逼近168蚊水平,同樣見資金反手開淡。計淡倉資金最活躍嘅,就唔可以唔講隻美團(3690),餐飲平台「二選一」嘅罰款落實,但市場反而視之為好消息,高位急升逾8%至278蚊,淡友即刻衝晒入Put輪同熊證,博佢升唔穿280蚊。#gif_2#

 

由於科技股近期急跌後急彈,驚股價太波動令引伸郁得勁,淡友都較傾向開淡倉部署;而且ATM 3隻科技股都有500兌1熊證,產品面值更低,但槓桿唔會受兌換比率影響,對於短線部署嘅投資者嚟講,或者更具吸引力。#gif_5#

 

科技股輪證選擇

 

騰訊認沽證26203,行使價400.2元,22年01月到期,實際槓桿約6.3倍。

騰訊熊證52431,收回價508元,行使價510.8元,槓桿比率約22.9倍。

阿里認沽證25205,行使價135元,22年02月到期,實際槓桿約4.2倍。

阿里熊證58350,收回價180元,行使價182元,槓桿比率約9.3倍。

美團認沽證26338,行使價216.88元,21年12月到期,實際槓桿約5.0倍。

美團熊證66224,收回價292元,行使價295元,槓桿比率約11.4倍。

 

騰訊認購證21681,行使價580.5元,22年01月到期,實際槓桿約7.7倍。

阿里認購證24684,行使價186.1元,22年01月到期,實際槓桿約6.3倍。

美團認購證21694,行使價330.2元,22年01月到期,實際槓桿約5.6倍。


...       
更多
    輪證小知識
    輪證小知識相關帖文