輪證動態專頁

08月27日 下午 01:35
睇片:《港股中期業績檢討及股輪策略》

大市缺乏方向,業績期未能為港股沖喜,大市氣氛持續偏淡,不如聽 Ivan 、華盛Joe、同郭sir 解讀港股佈局及中期業績期表現。  

 

面對內地加強反壟斷及監管科網股大數據收集,小米 (1810) 業績好過市場預期,但依然無助小米股價回勇。郭sir 點睇小米前景同佢嘅新能源電動車業務 (@8:32)?  點用輪證尋找突破機會? 聽Ivan 用小米做例子,教你輪證策略部署 (@15:57) 。

 

 

講座內容: 

-科技股業績交唔交到功課?

-國策股邊類股盈利進入高增長期?

-恒指中期走勢已轉弱嗎?

 

 

瑞信x華盛証券 x郭思治工作室 網上講座

節目日期:2021年8月26日(星期四)  下午4時30分至5時30分 

主持:郭思冶先生   李元玄小姐

嘉賓:鍾俊鏘先生 (Joe)  華盛証券業務副總監 | 何啟聰先生 (Ivan)  瑞信香港認股證及牛熊證銷售主管

 

 

想緊貼我地嘅網上講座同教學,就記得Like埋我地嘅 YouTube Channel 啦!去「輪證頻道」留意最新update都得!

 

 

瑞信網站全新3大業內專業工具: 

最貼價牛熊證  |  窩輪牛熊轉換器 個股牛熊證佈陣


...       
更多
46分鐘前 今日 上午 10:57
阿里終反彈?跌勢告終未?

連跌5個交易日、仲創埋歷史新低嘅阿里巴巴(9988),今日終於出現報復式反彈,高位曾急升逾6%,一度重上150蚊水平,叫做收復返大半呢幾日嘅跌幅。#gif_3#

 

有報道話,阿里旗下多個App,終於接入咗騰訊(0700)旗下嘅微信支付,而且仲有多個App嚟緊都會有類似舉措。雖然呢個喺反壟斷法下、要求彼此開放服務嘅要求,已經醞釀咗一段時間,不過到真正實行,似乎都對股價帶嚟正面刺激作用。技術上,短線或者要寄望能唔能夠穩守150蚊,作為判斷近期調整係咪已經告終嘅指標。#gif_2#

 

不過,之前有報道話,阿里喺託管行的持倉量改變,觸發市場對股東係咪有機會配股嘅憂慮,仲未證實同消化到,呢個亦可能係阿里有冇得繼續反彈嘅隱憂。好友保持戒心,都係揀行使價170蚊附近輕微價外Call,淡倉部署上更活躍,趁反彈部署中距離熊證為主。#gif_4#

 

阿里輪證選擇

 

阿里認購證25022,行使價172.88元,22年02月到期,實際槓桿約5.5倍。

阿里認沽證27131,行使價124.9元,22年03月到期,實際槓桿約4.1倍。

阿里牛證59559,收回價136元,行使價134元,槓桿比率約8.3倍。

阿里熊證64484,收回價160元,行使價162元,槓桿比率約11.5倍。


...       
更多
09月27日 上午 11:08
競爭加劇?小米低位險守20蚊……

喺過去嘅周末,華為副董事長孟晚舟同美國司法部達成延後起訴協議,可以話係最受關注嘅國際新聞。消息出咗之後,今朝喺港股市場帶來最大影響嘅,似乎係隻手機股小米(1810)。#gif_4#

 

市場憂慮小米同華為手機嘅競爭加劇,小米低位曾跌近6%,一度失守埋21蚊,險守20蚊關口。事實上,喺未有呢單消息出嚟之前,小米已經由高位調整咗唔少,9月初仲喺25蚊樓上,到今日低位只能夠暫守20蚊;亦因此吸引咗資金開好倉博反彈,但已經再向下換馬到低啲行使價嘅Call,又或者收回價去到20蚊關口以下嘅牛。#gif_2#

 

相對一啲晶片股,由於被視為華為概念股,今朝走勢理想,特別係隻中芯(0981),高位急升逾4%,逼近23蚊水平。即市亦見有好友追貨,主要開牛為主,或者係覺得牛證槓桿高啲、價位又平啲啦。#gif_5#

 

小米、中芯輪證選擇

 

小米認購證25554,行使價25.05元,22年02月到期,實際槓桿約6.1倍。

小米牛證60881,收回價20元,行使價19.6元,槓桿比率約9.7倍。

小米熊證56309,收回價24.28元,行使價24.68元,槓桿比率約7.0倍。

 

中芯認購證27059,行使價27.43元,22年02月到期,實際槓桿約4.7倍。

中芯牛證50396,收回價21.28元,行使價20.28元,槓桿比率約8.9倍。

中芯熊證58345,收回價24.88元,行使價25.88元,槓桿比率約6.3倍。


...       
更多
09月24日 下午 01:09
睇片:《秋分轉勢?第四季輪證翻身攻略》

想知Ivan 、華盛Joe、同郭sir 三位點睇恒大危機、內房股同科技股幾時走出低谷? 立即睇片重溫精彩內容!

 

講座內容: 

1. 新能源還可受惠國策?

2. 科技股幾時走出低谷?

3. 點睇商品價同資源股走勢?

 

00:40 大市 

06:38 恒大(3333) 

10:42 電力股 

21:03 IPO 譚仔國際 (02217) 

28:23 中國鐵塔 (00788.HK) 

30:11 ATMX 39:02 大市 

40:07 比亞迪股份 (01211.HK)+汽車股 

45:38 吉利汽車 (00175.HK) 

49:52 江西銅業股份 (00358.HK) 

51:19 中國奧園 (03883.HK)+內房 

56:01 開拓藥業-B (09939.HK)

 

瑞信x華盛証券 x郭思治工作室 網上講座

節目日期:        2021年9月23日(星期四) 

時間:              下午4時30分至5時30分 

主持:                 郭思冶先生   李元玄小姐

嘉賓:                 鍾俊鏘先生 (Joe)  華盛証券業務副總監

                         何啟聰先生 (Ivan)  瑞信香港認股證及牛熊證銷售主管

 

 

想緊貼我地嘅網上講座同教學,就記得Like埋我地嘅 YouTube Channel 啦!去「輪證頻道」留意最新update都得!

 

 

瑞信網站全新3大業內專業工具: 

最貼價牛熊證 窩輪牛熊轉換器  |  個股牛熊證佈陣


...       
更多
09月24日 上午 11:03
唔夠晶片點算好?車股博反彈吼短線?

內地乘聯會之前警告,唔夠晶片嘅情況或者會持續,令到新能源汽車股近期都捱咗唔少價。車股去到今朝終於有反彈,比亞迪股份(1211)低見240蚊以下後倒升,一度重上248蚊;吉利(0175)曾反彈逾3%以上至24蚊;尋日低位曾急跌逾8%嘅長城汽車(2333),高位更一度升逾7%至31蚊以上。#gif_5#

 

不過,車股缺晶片嘅情況,唔會喺短時間內改變,如果未來幾個月嘅車企銷量都係跌,車股前景似乎會繼續唔明朗。咁當然唔會日日都係跌,但如果做部署,可以就要吼短線,博吓好似今日呢類嘅短期升幅。#gif_4#

 

短線部署點做好?比亞迪、吉利同長汽都有中距離牛證揀,由於車股引伸唔低,限制咗窩輪嘅實際槓桿,中距離牛熊證嘅槓桿普遍都比活躍輪嘅實際槓桿高。仲有一點,車股引伸因為缺晶而高企,若果之後憂慮緩和、引伸回落,情況就好似內險股同賭股近期引伸跌返咁,對輪價帶嚟負面影響。牛熊證就提供咗一個免除引伸影響嘅選擇,但都要通過揀收回價同現水平嘅距離,嚟控制返收回風險。#gif_2#

 

車股牛熊證選擇

 

比迪牛證56655,收回價230元,行使價226元,槓桿比率約10.6倍。

比迪熊證53994,收回價268元,行使價272元,槓桿比率約8.7倍。

 

吉利牛證52889,收回價22元,行使價21.5元,槓桿比率約10.0倍。

吉利熊證68440,收回價25.88元,行使價26.38元,槓桿比率約7.9倍。

 

長汽牛證65263,收回價26.28元,行使價25.48元,槓桿比率約6.7倍。

長汽熊證51011,收回價35.88元,行使價36.68元,槓桿比率約4.1倍。


...       
更多
09月23日 上午 10:39
平安繼續彈,貼價牛熊兩手準備?

陷入財困嘅內房股恒大(3333),驚險地如期支付債息。雖然內險股中國平安(2318)多次重申喺恒大股權或債權都無敞口,不過市場對內房股嘅債務危機略減,平安今朝亦顯著反彈,高位曾升逾6%,一度重上55蚊關口,之後大致保持逾3%嘅升幅。#gif_3#

 

平安其實喺假期前已經轉跌為升,不過星期二當日,資金未算好敢追貨,好倉單日流入逾250萬,而且大部分都係星期二早段仲係跌時買,到午後倒升,所以繼續持貨觀望假期後再升多啲,結果今日亦如願以償。到平安今日再升,終於亦見有多少少錢入場追Call,當然見佢企唔穩55蚊,亦見有資金反手開淡。#gif_2#

 

由於平安之前由60蚊以上,喺短時間內急跌至50蚊以下,市場恐慌情緒蔓延,平安輪嘅引伸波幅喺短時間內,大幅抽升至40%以上。當市況穩定返之後,引伸回落似乎係預期之內。如果想避開引伸回落可能對輪價帶嚟嘅負面影響,不妨轉投牛熊證。我哋今日有平安牛67811平安熊67890,都係市場上最近價嘅平安牛熊證,咁無論做邊一個方向選擇,都有啱價產品啦。#gif_4#

 

平安輪證選擇

 

平安牛證67811,收回價52.88元,行使價52.28元,槓桿比率約24.7倍。

平安牛證67812,收回價50元,行使價49.4元,槓桿比率約11.3倍。

平安熊證67890,收回價57.88元,行使價58.48元,槓桿比率約11.6倍。

 

平安認購證25547,行使價68元,22年03月到期,實際槓桿約6.5倍。

平安認沽證25550,行使價48.88元,22年03月到期,實際槓桿約3.6倍。


...       
更多
09月21日 上午 10:47
又輪到科技股跌,阿里創新低……

近日接連捱沽嘅內險股、賭業股及本地地產股,今朝都止跌回穩,不過大市始終無得點升,原來又到科技股跌返落嚟。阿里巴巴(9988)今朝創新低,低位曾跌近4%至145.5元。美團(3690)跌幅亦一度超過4%,回落至225蚊以下。騰訊(0700)算跌得少,跌逾1%,再度失守450蚊水平。#gif_2#

 

港股近日走勢有幾負面,相信都唔駛多講,不過之前比較擔心加強監管嘅科技股,可能呢幾日焦點放晒喺其他板塊上,反而科技股嘅監管消息好似少咗,投資者都關注本輪調整係咪差唔尾聲,所以今朝再跌,都吸引咗啲資金入場撈好倉。#gif_4#

 

不過都係果句,大市風高浪急,近期開Call好友寧願要低啲槓桿,都希望揀返貼價少少產品。趁今日中秋佳節,小編希望大市見底,祝大家中秋節快上啦!#gif_1#

 

科技股輪證選擇

 

阿里認購證25022,行使價172.88元,22年02月到期,實際槓桿約5.6倍。

阿里認沽證25205,行使價135元,22年02月到期,實際槓桿約3.7倍。

阿里牛證59208,收回價131元,行使價129元,槓桿比率約6.7倍。

阿里熊證64484,收回價160元,行使價162元,槓桿比率約8.7倍。

 

美團認購證22868,行使價275.2元,22年01月到期,實際槓桿約5.3倍。

美團認沽證22867,行使價198.78元,21年12月到期,實際槓桿約4.5倍。

騰訊認購證17502,行使價500.55元,22年10月到期,實際槓桿約3.6倍。

騰訊認沽證22240,行使價382.88元,22年01月到期,實際槓桿約5.6倍。


...       
更多
09月20日 下午 01:39
兩萬四曾失守,仲敢唔敢博反彈?

港股又急跌,仲要係全方位、各板塊都大幅度咁急跌!繼科技股、內房股同賭股之後,本地地產股今日崩盤,唔少板塊內股份跌幅都達到一成!內房債務危機繼續發酵,內險股、內銀股顯著受壓。連憧憬受惠國策嘅新能源汽車股,都因為驚晶片短缺問題而急跌……#gif_6#

 

跌得咁深,自然會吸引資金入場博反彈,但係當全方位都跌,好似邊個板塊都胥隨時有再跌深啲嘅機會。既然如此,今朝多咗資金入場撈恒指牛證,或者係見咁難揀,索性唔揀、揀咩都包晒嘅指數算。至於揀咩位?進取好友參考23,800點為支持,揀呢個位附近嘅牛證;保守啲就睇實23,500點有冇支持,揀到落收回價喺呢個位以上嘅牛證。#gif_2#

 

仲有,如果真係博個別股份反彈,有得揀嘅,唔少好友近期都轉投個股牛,原因係當大市恐慌情況出現,輪場引伸波幅跟住抽升,即係而家入場買輪,預咗要俾貴少少成本,但之後引伸回落,輪價係有機會受累,到時就要睇個反彈幅度幾大,先可以抵銷到跌窩嘅影響。既然係咁,好友轉揀免除引伸影響嘅牛證,雖然尬都要俾貴少少溢價,但起碼唔駛諗窩,算係煩少一樣啦。#gif_10#

 

恒指牛熊證選擇

 

恒指牛證51620,收回價23801點,行使價23701點,槓桿比率約57.4倍,兌換比率10000。

恒指牛證51647,收回價23500點,行使價23400點,槓桿比率約36.5倍,兌換比率12000。

恒指熊證64560,收回價25034點,行使價25134點,槓桿比率約22.3倍,兌換比率10000。

恒指熊證64579,收回價25150點,行使價25250點,槓桿比率約19.1倍,兌換比率12000。


...       
更多
09月17日 上午 10:43
科技股反彈,輪到舊經濟股跌……

港股四連跌之後,科技股今朝終於都回穩,ATMX全線向好,但點解大市反彈幅度只係得百幾點、始終升唔返上去?原來科技股雖然反彈,但卻輪到舊經濟股受壓……#gif_6#

 

內險股中國平安(2318)今朝低位曾跌逾4%至55蚊以下,跌穿52周低位,係為大市帶嚟最多負面點數影響嘅股份。匯豐(0005)再失40蚊,低見39.2元嘅約7個月低位。友邦保險(1299)尋日急跌完,今朝亦再穿底,低位回落至86蚊附近,係超過一個月低位。#gif_10#

 

舊經濟股點解要跌?有人話同內房股嘅債務危機有關,特別係保險公司嘅資產組合,可能拎住唔少呢啲企業債;亦有人話當科技股跌到咁殘,可能吸引資金輪換博反彈。舊經濟股跌得急,自然吸引好友入場博反彈,當中以跌得較深嘅平安較受注意,但近期市況比較反覆,或者大家揀產品時,可以留意條款保守啲嘅控制風險。#gif_2#

 

舊經濟股輪證選擇

 

平安認購證25547,行使價68元,22年03月到期,實際槓桿約7.4倍。

平安認沽證25550,行使價48.88元,22年03月到期,實際槓桿約4.5倍。

平安牛證62907,收回價53元,行使價52.4元,槓桿比率約20.2倍。

平安熊證58924,收回價60元,行使價60.6元,槓桿比率約7.3倍。

 

滙豐認購證19883,行使價44.93元,22年01月到期,實際槓桿約12.6倍。

滙豐認沽證22622,行使價37.32元,21年11月到期,實際槓桿約10.3倍。

友邦認購證15223,行使價100.1元,22年03月到期,實際槓桿約7.6倍。

友邦認沽證21769,行使價80.83元,21年12月到期,實際槓桿約9.1倍。


...       
更多
09月15日 上午 11:04
趁低撈賭股?最緊要知道自己買緊乜!

澳門賭業股今朝因為政策風險而急跌,講緊嘅急跌,唔係幾個%嘅急跌,而係10%以上、甚至20%、30%以上嘅急跌!行業不確定性增加,令成個板塊顯著受挫。以兩大藍籌賭業股為例,銀河娛樂(0027)跌幅曾經超過18%,低位觸及40蚊;金沙中國(1928)跌幅更一度接近28%,低位落到18蚊。永利澳門(1128)跌幅更一度高達33%!

 

賭股「倒水」,當然吸引到資金趁急跌「撈底」博反彈,但買之前,可能要停一停、諗一諗,清楚自己買緊乜。由於行業不確定性太大,今朝賭業股窩輪嘅引伸波幅普遍急升,係10%以上嘅急升,亦因此市場上嘅賭股Call,大部分都比理論跌幅跌少咗好多。如果而家入場撈Call,要有心理準備當消息消化或者跌勢喘定後,引伸一定會回落返,將會對輪價構成負面影響。好友要博嘅,係大幅顯著嘅反彈,先有機會見到輪價回升;如果賭股之後只係幾個%咁反彈,到時引伸回落隨時已蠶食咗輪價升幅。

 

其次就係條款問題,當板塊股價咁跌法,市場上已經冇咩價外幅度喺20%以內嘅Call,就算有,選擇都好少,好友被逼揀價外幅度高嘅產品,代表持輪風險亦會較大;而且價外Call嘅對沖值低,意味輪價跳動敏感度亦會較低,呢啲都係好友入場前需要考慮嘅因素。

 

賭業股輪證選擇

 

銀河認購證25220,行使價52.55元,22年01月到期,實際槓桿約5.4倍。

銀河認沽證23684,行使價38.88元,22年02月到期,實際槓桿約3.5倍。

澳博認購證23305,行使價7.88元,22年04月到期,實際槓桿約3.2倍。


...       
更多
    輪證小知識
    輪證小知識相關帖文