輪證動態專頁

05月18日 上午 11:10
騰訊績後跌 VS 阿里績前急升!

呢兩日嘅市場焦點,幾乎都喺晒騰訊(0700)同阿里(9988)兩隻業績科技股身上。兩隻股份今朝表現都有幾大差別,騰訊績後急跌,低位曾跌近4%至330蚊樓下;相對阿里就顯著向好,季績公布前曾升逾4%至89蚊,似乎正朝住90蚊關口嘅目標進發。#gif_3#

 

騰訊尋日收市後公布季績,收入增幅勝預期、經調整利潤增幅就同市場預期差唔多,不過網絡廣告收入就按季下跌。簡單嚟講,就係冇咩特別驚喜同驚嚇。小編幾日前喺《騰訊績前已受捧?資金追貨定反手?》已經講過,如果騰訊股價績前已見追捧,可能有份業績好有驚喜,先有機會再現突破,否則就要諗清楚係咪值得追,估唔到不幸言中。#gif_6#

 

至於阿里,近期由80蚊以下嘅低位回升,呢段時間已經累積咗唔少升幅,由於績前受捧嘅情況同騰訊相若,大家可能亦都要留意仲有冇上望水位。當然,阿里過去一段時間累跌幅度較大,走勢相對其他科技股落後,如果真係覺得有望再作突破,或者可以先考慮輕微價外Call,等睇中方向,到價先再向上換馬,就算萬一真係睇錯,風險都相對可控。#gif_4#

 

科技股窩輪選擇

 

騰訊認購證14094,行使價409.08元,23年07月到期,實際槓桿約11.5倍。

騰訊認沽證13917,行使價303.68元,23年07月到期,實際槓桿約10.0倍。

 

阿里認購證25484,行使價95.05元,23年09月到期,實際槓桿約5.3倍。

阿里認購證14780,行使價92.93元,23年12月到期,實際槓桿約3.9倍。


...       
更多
09月15日 上午 10:46
那年盛夏,油股綻放如花……

港股悶市,都已經悶咗一段時間,即使人行突然降準,恒指最多都係反彈200幾點,擺脫唔到萬八點附近嘅橫行區。科技股、金融股一樣冇咩波幅,不過原來都有板塊,喺悶市中不單能夠跑贏大市,而且仲強勢綻放,破埋52周高位,講緊嘅就係石油石化股。#gif_3#

 

石油股有幾強?中海油(0883)今朝又突破52周高位,曾升逾3%至14.28元,其後亦大致企穩14蚊關口,日線圖已經出現咗明顯上升軌。中石油(0857)今朝曾破位突破6蚊關口,亦係升穿咗52周高位。中石化(0386)叫做落後少少,今朝都曾升逾1%,逼近4.4元水平。#gif_1#

 

近期利好油價走勢嘅原因,離唔開沙特阿拉伯延長減產到年底,市場擔心供應問題,紐約期油尋日突破90蚊美金大關;不過由於真係升得比較急,近日「三桶油」只係得同油價關連性較高嘅中海油,同埋落後嘅中石化有資金追好倉,但5日合計都各自唔夠100萬,或者大家都觀望緊綻放之後,仲有冇向上突破嘅水位。#gif_4#

 

順帶睇埋金礦股,近期走勢都唔錯架。山東黃金(1787)曾升逾2%至16.3元,突破一個月高位;不過金礦股嘅輪證產品選擇比油股更少,部署資金亦有限。#gif_4#

 

油金股窩輪選擇

 

海油認購證14544,行使價12.9元,24年06月到期,實際槓桿約4.2倍。

中化認購證14543,行使價4.89元,23年11月到期,實際槓桿約13.0倍。

東金認購證14301,行使價15.88元,23年12月到期,實際槓桿約4.4倍。


...       
更多
08月30日 上午 11:06
比亞迪全速前進!業績期尾聲尋寶?

嚟到8月尾兼期指結算,業績期亦步入尾聲。過去幾日港股走勢好轉,恒指今朝更曾升至18,700點水平。除咗市場最留意嘅港交所(0388)同科技股外,個別業績股今日都交出好表現,車股比亞迪(1211)就係其中一隻跑贏大市嘅股份。#gif_3#

 

比亞迪早前公布半年純利升約2倍後,尋日收市已經升逾半成,今朝高位再升逾4%,逐步逼近250蚊阻力。雖然升得急,資金都係反手多,尋日比亞迪淡倉單日流入逾230萬,不過好倉都唔係剩係獲利,尋日都見有近90萬錢追貨,若果之後真係破位升穿250蚊阻力,股份轉勢獲確認,股價有冇機會進一步向上突破呢?#gif_1#

 

至於其他業績股,呢兩日放榜嘅多數唔係大股,但當中都有啲股份先行或者放榜之後出現異動。運油股中遠海能(1138)績前受捧,高位曾升逾3%至8.4元,成功突破50天線,短線或者可以留意有冇追貨機會。至於生物科技股康方生物(9926),半年扭虧為盈,但今朝低位竟然曾跌逾半成,失守35蚊,資金或者可以留意趁跌作小注博反彈機會。#gif_4#

 

想喺最後兩日,捉緊業績股部署機會?去《瑞信業績期專頁》,就知道仲有咩股份未放榜啦!#gif_5#

 

業績股窩輪選擇

 

比迪認購證23873,行使價269.08元,24年03月到期,實際槓桿約4.9倍。

遠能認購證14091,行使價8.89元,23年12月到期,實際槓桿約3.6倍。

康方認購證28102,行使價35.88元,23年12月到期,實際槓桿約2.6倍。


...       
更多
08月28日 上午 10:41
內地減「士擔」,港交所有冇憧憬?

喺啱啱過去嘅周末,內地推出咗多個措施提振股市,而最受市場關注嘅,非減半證券印花稅莫屬,仲要今日就即刻生效。受消息刺激,A股港股今朝都向好,恒指高位曾升逾600點至18,500點以上,可惜之後越升越少,保持喺18,200點以上。#gif_1#

 

內地減「士擔」,最受惠嘅當然係一眾券商股,市場同時亦憧憬,內地減得股票印花稅,香港會唔會都有機會跟呢?事實上,近期港股市場都持續要求緊港府考慮減「士擔」,既然A股已經出咗手,港股會唔會有憧憬呢?港交所(0388)今朝高位曾升約8%至310蚊以上,但其後跟隨大市升幅收窄,落返300蚊附近整固。#gif_2#

 

見到港交所升幅收窄,或者大家都知道,減股票印花稅能唔能夠由憧憬變成事實,都真係「唔係咁易㗎,葉師傅」。就算真係減,如果市況始終唔好,港股吸引力減低,大市成交亦未必能夠帶動。即市睇亦未見有明顯資金流入港交所好倉,就算係揀,都小注考慮中距離牛證,以免當市場憧憬減退,股份波幅收窄,引伸回落或不利輪價走勢。#gif_8#

 

港交所牛證選擇

 

港交牛證63092,收回價271.88元,行使價269.88元,槓桿比率約10.1倍。

港交牛證61981,收回價261.88元,行使價259.88元,槓桿比率約7.6倍。


...       
更多
08月23日 上午 10:42
市弱留意悶股?中移動中海油跑出?

港股經過七連跌之後,呢兩日走勢叫穩定返少少,恒指低位企穩17,500點,但上返17,800點附近,又重回好淡爭持格局。市況疲弱下,大家唔想入場,絕對明白,就算手痕想玩,都傾向揀返悶少少嘅傳統藍籌,保守為上。#gif_2#

 

中移動(0941)係近期跑贏大市嘅代表,大市早前由萬九點落到17,500點邊緣,中移動幾乎冇郁過,保持喺63蚊至66蚊之間橫行。北水近期亦對佢特別關注,尋日大市止跌,都依然有成6.5億錢通過滬深兩市入場買中移動。好友傾向揀貼價Call ,或者中距離牛證;無計,市況唔好,部署上變得保守亦可以理解。#gif_4#

 

中海油(0883)近日走勢都比較平穩,今朝高位重上12.9元,喺大市急跌期間雖然失守咗13蚊,但跌幅絕對唔大。北水近日同樣密吸中海油,尋日單日滬市流入約2.4億元。月初沙特阿拉伯話會將石油減產延至9月底,呢樣嘢唔多唔少對油價,以及油股或者都帶嚟支持。#gif_1#

 

傳統藍籌輪證選擇

 

中移認購證13857,行使價66.03元,23年09月到期,實際槓桿約21.0倍。

中移牛證54835,收回價58.5元,行使價57.9元,槓桿比率約10.6倍。

 

海油認購證14544,行使價12.9元,24年06月到期,實際槓桿約4.9倍。


...       
更多
08月18日 上午 11:04
騰訊增長有憂慮?330元有冇支持?

騰訊(0700)出完業績之後,股價其實都幾反覆,尋日低位曾跌到落320蚊邊,但估唔到最終拗腰回穩,上返330蚊以上收市,但反彈勢頭似乎維持唔到,騰訊今朝徘徊喺330蚊反覆,冇咩特別方向。#gif_4#

 

市場對騰訊業績嘅睇法,其實有些少分歧,次季經調整利潤按年增長33%,好過市場預期,但公司嘅命脈 --- 內地遊戲收入,次季卻只得318億人仔,遜於市場預期。騰訊話係由於上季發布較少高度商業化內容。王牌手遊《王者榮耀》繼續吸金,但市場對佢係咪再有增長,似乎唔係有咁大信心。#gif_2#

 

騰訊徘徊330蚊反覆,資金雖然冇業績前部署得咁踴躍,但並無話隨即大手沽貨,尋日騰訊好淡倉都見有少少錢繼續買,今朝亦同樣有錢低吸好倉,或者係覺得330蚊叫做初步有支持,再尋底空間相對細啲。部署上都係以輕微價外Call為主,市況轉淡下,取態相對保守。#gif_7#

 

騰訊窩輪選擇

 

騰訊認購證19999,行使價356.201元,24年03月到期,實際槓桿約6.0倍。

騰訊認購證20436,行使價380.893元,24年06月到期,實際槓桿約5.2倍。


...       
更多
08月14日 上午 10:43
炒車?比亞迪曾急跌逾8%

受內房債務憂慮影響,港股今朝急跌,恒指曾挫逾470點,低位仲失守埋18,600點水平。內房股急跌係意料中事,同佢有關嘅內銀同內險同樣受壓,亦屬預期之內,但唔關事嘅車股,今朝竟然顯著受壓,就唔多唔少都令大家覺得意外。#gif_4#

 

比亞迪(1211)今朝跌得急,早段曾挫逾8%,低位守得住230蚊關口。小鵬汽車(9868)低位曾跌逾7%,回落至60蚊邊約,由7月底96蚊以上嘅高位,到今朝61蚊嘅低位,短短半個月,由高到低足足跌咗36%!理想汽車(2015)同蔚來(9866)同樣跌幅顯著。#gif_6#

 

有人將汽車股急跌,歸咎於Tesla原來又減價,Model Y最低價減至30萬人仔樓下,自然令市場擔心會唔會不利其他車股嘅銷售。跌得急亦自然有勇者入場撈,揀嘅都主要係最大隻嘅比亞迪好倉,或者貪佢平時穩定性比其他電動車股高,同埋佢不嬲都有銷量實績支持,好友或者預期佢會彈得較快啩?!#gif_2#

 

汽車股窩輪選擇

 

比迪認購證23873,行使價269.08元,24年03月到期,實際槓桿約4.6倍。

 

小鵬認購證25807,行使價68.73元,23年12月到期,實際槓桿約2.6倍。

小鵬認購證26298,行使價59.55元,23年11月到期,實際槓桿約2.5倍。


...       
更多
08月11日 上午 10:45
阿里中移動績優受捧!仲有冇水位追?

港股走勢冇咩方向,不過唔代表個別股份冇消息。藍籌股陸續公布業績,尋日收市後有兩隻「大嘢」放榜,分別係阿里巴巴(9988)同中移動(0941),結果都交出好過預期嘅成績表。雖然港股未見受刺激,不過兩度業績股今朝都有捧場客。#gif_3#

 

阿里公布,首季經調整利潤按年增48%達449億元人仔以上,好過市場預期,今朝股價曾破位升近4%,逼近98蚊水平。由於阿里績前走勢一般,市場幾乎無炒過,到今日交出一份有驚喜嘅成績表,股價自然受捧。#gif_1#

 

不過輪場資金其實亦一早入咗場,尋日阿里好倉單日流入近4,200萬元,係單日最多錢流入嘅相關資產。阿里今朝上試98蚊,唔少資金先行沽貨獲利,再向上換馬追貨嘅,普遍揀緊行使價喺110蚊以下嘅Call輪,以價外幅度計唔算進取。#gif_4#

 

至於中移動,上半年按年多賺逾8%,略勝市場預期,派息亦有所增加。中移動今朝曾破位升約2%至66蚊以上,係約3個月高位。可能覺得市淡,會吸引返資金揀走勢較穩定嘅中移動,好倉亦見有人追貨,觀望上試68蚊阻力位嘅機會。#gif_5#

 

業績股輪證選擇

 

阿里認購證13913,行使價106.98元,23年10月到期,實際槓桿約7.4倍。

阿里認購證14535,行使價99.93元,23年12月到期,實際槓桿約5.0倍。

 

中移認購證13857,行使價66.03元,23年09月到期,實際槓桿約16.1倍。

中移牛證54835,收回價58.5元,行使價57.9元,槓桿比率約9.3倍。


...       
更多
08月07日 上午 10:58
反貪腐?醫藥生科板塊急跌!

港股今朝唔係幾郁,徘徊喺19,500點附近整固,不過有個板塊卻跌得相當急,講緊嘅就係醫藥股同生物科技股。有報道話,內地近期針對醫藥行業進行反貪腐行動,嚴打透過學術會議贊助費及培訓貴等方式行賄,多醫學會議宣布取消,相關板塊亦見受壓。#gif_6#

 

藍籌藥股藥明生物(2269)低位曾跌近半成,曾經失守43蚊,已經算係跌得較少嘅一隻。復星醫藥(2196)都唔算跌得多,最多跌逾3%,曾經失守20蚊水平。康方生物(9926)低位曾跌逾9%,低見33蚊;同埋信達生物(1801)跌幅曾超過9%,低位失守30蚊,就可以見到板塊跌幅有幾誇張。#gif_10#

 

藥股同生物科技股急跌,由於跌幅夠大,自然有資金趁跌考慮好倉,但整體上好友都係對大隻啲、有藍籌身份嘅藥明較感興趣,雖然佢嘅跌幅冇其他生科股咁大,但可能大家對於弱勢板塊較具戒心,所以都係寧願揀大股博反彈較多。#gif_4#

 

醫藥及生科股窩輪選擇

 

藥明認購證27754,行使價46.05元,23年12月到期,實際槓桿約3.8倍。

復藥認購證24751,行使價22.05元,24年12月到期,實際槓桿約2.4倍。

康方認購證28102,行使價35.88元,23年12月到期,實際槓桿約2.5倍。

信藥認購證25497,行使價33.88元,23年12月到期,實際槓桿約3.3倍。


...       
更多
08月03日 上午 10:47
友邦破底?金融股憂美評級降?

評級機構惠譽突下調美國信貸評級,尋日港股已經跌咗先,今朝返嚟未見好似如尋晚美股跌咁多,不過呢單消息令到環球股、匯、債,甚至商品價格都變得波動,而喺港股市場上,金融股就係其中一個表現較失免嘅板塊。#gif_6#

 

好耐冇點提過嘅友邦保險(1299),今朝曾跌逾2%至73.55元,原來已經跌到落今年以來低位。滙豐(0005)出完業績之後,雖然有埋新回購計劃,但股價走勢都麻麻,今朝更低見63元水平;恒生銀行(0011)走勢更差,今朝再跌逾1%,再度失守110元水平。#gif_10#

 

美評級被下調,美債息率尋晚即刻升,未必唔利好拎住唔少債券資產嘅保險股,但市場對會唔會引起債務危機有憂慮,可能係短線利淡友邦嘅原因。落到今年低位後,見有資金趁跌部署好倉,但保守好友都係揀貼價至輕微價外Call為主。至於滙豐,由於跌幅唔算大,呢幾日好倉都有資金分注吸納,相對跌得更多嘅恒生,可能產品選擇較少,又或者大家對佢睇法唔夠樂觀,暫時就未見有幾多資金出手。#gif_4#

 

金融股窩輪選擇

 

友邦認購證26537,行使價74.05元,23年12月到期,實際槓桿約6.6倍。

滙豐認購證14011,行使價67.82元,23年09月到期,實際槓桿約21.5倍。

恒生認購證27812,行使價133.43元,23年12月到期,實際槓桿約13.4倍。


...       
更多
    輪證小知識
    輪證小知識相關帖文