轮证动态专页

大股一条线，买牛熊证好过买轮？

贸易协议未倾好，息又未减，业绩期又未到，港股日日一条线。

几只大股好似腾讯(0700)、平安(2318)同友邦(1299)，每日只系窄幅上落，其场内期权引伸波幅，已经跌到落年内低位。如果股价横行持续，加上近期大市成交少，大家都乜部署意欲，需求减低，自然令引伸波幅再受压，轮价将受负面影响。

引伸波幅下跌对轮价不利，转买牛熊证是一个可考虑策略。

下面幅图话你知，横行市部署牛熊证4大好处！

相关帖文:
[几时适合买窝轮？几时适合买牛熊证？点拣先明智呢? ]
[你又要，我又要！需求增加，引伸波幅会上升!]
...       

正股除息，买Put买熊必胜？

到6月，内银股建行(0939)同工行(1398)等紧除息。咦？如果股份除息前买入Put轮或熊证，除息之後股价低，淡仓咪赢硬？呢个仲唔系必胜策略？

其实，股份除息大部份情况下唔会令到轮证价格有升跌。就算派息同市场预期唔同，对轮证影响都会宣布派息时反映，唔会迟一排，到除息日先调整。

股份除息，又系咪无要注意？又唔系。
如果拎住牛证，就要留意除完息之後，正股股价低，会同牛证收回价近，收回风险亦增加。如果唔好彩除完息後，直头差少少就被收回，只牛证个价都可能会跌好多；再差，股份除息之後，股价直情低过收回价，只牛证系会被收回架!

睇下图例子:
除息後，正股股价低过只牛证收回价，只牛证即刻要同大家讲拜拜……所以，除息之前，要留意牛牛收回价会唔会太近啦！


相关帖文:
[派息派早？ 对Call轮系负面消息？点解？]
[派息加，唔系好消息咩？点解Call轮价格会因此下跌？]

...       

兑换比率唔同，牛熊证杠杆真系变？

大市急跌，博反弹梗系拣远价牛熊证减收回风险啦！
嫌远价证贵？拣大兑换比率(又称换股比率)，好似500兑1，除细咪得罗！咪住，唔系大兑换比率，只牛熊证既杠杆会低咩？你听边个讲架？错错错！

其实当其他条款相同，单单兑换比率改变，杠杆系唔．会．变！大兑换比率牛熊证，有相同杠杆之馀，价格仲相对平!

睇呢个例子, 了解牛熊证兑换比率同杠杆关系就会明白。
一包1公斤面粉，可以做到2公斤面包，即系一比二「倍数关系」，面包店可以选择做:
(A): 每个面包系100克，做20个，每个卖6蚊；或者
(B): 份量细一半，每个面包系50克，做40个，每个卖3蚊。

留意无论点做，用1公斤面粉做2公斤面包「倍数关系」始终无变；50克面包价钱平左，个包系细，但味道同100克一模一样。

套返入牛熊证度，面粉就好似正股，面包就似牛熊证，无论系100兑1定500兑1牛熊证，用兑换比率除细之後，影响只有面值，杠杆倍数比率并无改变。

相关帖文:
[500兑1同100兑1牛熊证比，边类更吸引？]
...       

500兑1 同 100兑1牛熊证比，边类更吸引？

新增「兑换比率」500兑1 腾讯(0700)同港交所(0388) 牛熊证登场之後，时不时收到投资者查询，问兑换比率 (又称换股比率) 大，杠杆会唔会低？

其实，如果其他条款相同，单单兑换比率改变，杠杆系唔．会．变！

有新增500兑1 牛熊证，牛熊证部署上，仲为投资者带来更多弹性同好处添。有咩好处？ 下面一图话你知！

相关帖文:
[ 全新「兑换比率窝轮」登场！点样影响到拣轮？ ]

...       

全新「兑换比率窝轮」登场！点样影响到拣轮？

5兑1同50兑1全新兑换比率窝轮，3月8日正式登场！不过「兑换比率」究竟系乜？又点样影响到拣轮？

举个例子解释「兑换比率」：
一个蛋糕，成个买晒盛惠100蚊；如果将切开5件，每件卖20蚊。成件事系，最後你都买晒个蛋糕，只系唔同切法，每件蛋糕面值就唔同。

套返落窝轮度：
条款相同窝轮 (即系挂资产、行使价、年期、引伸波幅相同)，1兑1、5兑1 只会影响每份窝轮面值，就同蛋糕唔同切法一样。 但，实际杠杆其实系一样！

对投资者有咩影响呢？最重要系方便轮商出到条款更「靓仔」窝轮。以前好似中人寿(2628)、A股ETF同金属股Call轮……一系10兑1超长期低杠杆、一系1兑1短期高杠杆但轮价贵。

有5兑1、50兑1之後，就可以多选择：
例如价外10%以上、年期半年中人寿(2628) Call；又或者价外10%、但轮价唔驶7、8毫子港交所(0388) Call。

多产品拣，就方便大家更灵活做部署啦！
...       

大市狂Chok，增加收回风险。不如用远价牛熊证，减低风险同时捕捉走势。

2019年开始两个星期，港股已经好似坐过山车大上大落，真系不宜跟车太贴。

跌市谂住买近牛博反弹，但买完就跌穿两万五，收回，结果之後大市六连升。与其追升追跌，不如眼光放远，用远收回牛熊证捕捉中期走势。

方法系，假设你睇好呢季大市，拣只收回价距离千零点牛证，减低短期波动带收回风险；而其实呢类证杠杆都有十几倍，无大上大落，就无容易做错决定。只要您最终方向无错，其实一样有水位。

呢个策略唔知帮唔帮到手呢？
...       

股价波动大，买窝轮值博过牛熊证？原来并唔一定架！

坊间有传，如果某只股份好波动，买牛熊证收回风险大， 反而应该买窝轮，值博率高，但系咪一定呢？

其实，仲要睇埋轮引伸波幅！如果引伸波幅较高话，反而拣一成以上收回距离牛熊证，有机会杠杆高过轮、入场费平过轮，而收回风险又唔算太高， 仲唔受时间值影响。

就以赌业股银河娱乐(0027)为例子，中期轻微价外、条款适中Call轮，实际杠杆大约6倍。收回价距离现水平逾一成牛证，实际杠杆就有大约7至8倍。

俾个指标大家，当窝轮引伸波幅高过30%，较有机会见到远收回牛熊证，条款吸引过窝轮。银娱同舜宇(2382)，都系好好例子！

...       

大市波动，边牛熊跳得慢？到大市窄幅，又有边牛熊跳得快？

近期大市一系就好波动，一系就郁都唔郁，买牛买熊难度都高。

波动果日郁得快，就惊买会好快输好多个价位；但唔郁日子，个市得百零点波幅，如果只牛熊证得几格上落，买中都好难食糊。

你知唔知道唔同换股比率牛熊证，跳动敏感度都唔同？波动市惊郁得太快，就可以拣只跳得慢部署；窄幅市唔多郁，可以换只跳动快?即系点？睇下面张图教你点拣！

...       

市跌有熊证走钱，即代表散户唔再睇淡後市？事情并唔系简单！

2018年9月5日，恒指收市报27243.85点，跌729点，恒指熊证流出1.02亿元。

当你睇到呢个数字，你得出咩结论？

「个市跌成700几点，散户睇淡买熊证，赢少少钱就急住走左?」

呢个真系事实全部？当然简单，下面幅图系当日牛熊证街货分布图，收回价由27,988点以上400点，全．部．都．有．增．仓！减仓只系拉远距离熊证。真相大白，有资金流出，原来系有醒目散户沽出远价熊证锁定利润，再买返近价熊证继续博跌，做个向下换马部署，并非唔再睇淡！

所以唔好只系睇资金流辨牛熊呀！睇牛熊证资金部署要睇埋街货分布图呀！

即睇：
恒指牛熊街货分布图
恒指牛熊资金流

...       

系咩驱使你买轮买贵？系街货呀！系咪即系买轮要避开高街货？

大市由高位跌多，买Call轮博反弹吸引力增加，但大家有无谂过一不小心，可能买贵轮？

每只轮其实都有一个理论价，如果你买入价位高过理论价，就系买贵！正常情况下，轮商会以理论价卖只窝轮俾你；但当街货量去到太高，甚至100%时候，买贵机会就会增加。

每只轮都有一个固定发行量，当轮商卖晒所有已发行份数俾投资者，只轮街货量就会升到100%，轮商手上面无晒呢只轮， 只可以用理论价开买盘接货， 无货再可以卖俾你。之不过轮商无货，但市场上之前买落其他投资者有，仲可能会用高过理论价挂沽。如果你就睇报价App，直接以沽出价买货，就有机会用贵价，接其他投资者货。

唔想买贵货？最稳阵当然系部报价机，睇清楚轮商开紧咩买盘同卖盘；但如果平时系靠报价App睇价，落盘前就记得留意只轮有下面讲3大特徵啦！


相关帖文:
[腾讯1仙轮系咪跌无可跌？买入1仙轮系咪必胜策略？]

...