瑞信Ivan联同Raga Finance 既 小兵 (Gary)、财经节目主持黄合秀(Season) 一连六集深入浅出讲解轮证策略，以散户、交易员同发行商角度，解答投资者常问问题，助您快人一步拣股，做部署！(首播日期为2020年4月28日)

瑞信Ivan再同前交易员Gary(小兵)及财经主持Season，继续同大家探讨轮证热门话题，究竟恒指牛熊证重货区系咪大户杀仓位？坊间唔少人觉得牛多杀牛、熊多杀熊，呢个睇法系迷信定有根有据？(首播日期为2020年5月5日)

呢集就讲解下轮证资金流系咪「春江鸭」部署?亦都会讲资金流既概念起源，过去十几年既准确度，讲下2007年H股回A股点样令当时香港轮证资金流激增，而近年市况变化後，资金流应用上应该点样改变同埋点并合唔同资金流分析。(首播日期为2020年5月12日)

今集就解构业绩期时，点解好多人成日买中业绩好坏方向，但系轮证买卖都要损手。就好似上个礼拜买腾讯(700)牛证既大手资金，最终损手离场？究竟点解呢？Ivan分析当中所犯既几个重要错误！所以大户无策略都唔一定赢！(首播日期为2020年5月19日)

到第五集，一齐同大家用实例讨论换马同拣轮证响呢种市况中既重要性;要追番损失，点做先比较合适。三位亦解答点解次次反弹，引伸波幅就好多时会跌，同对边类条款既轮影响最大。而一旦出现灰犀牛，轮证买卖心态、持仓时间既拿捏，又同一般市况有何不一样? 想知? 就要听几位既分析啦。(首播日期为2020年5月26日)

过去五集当中，三位分享好多平日少发行商节目听到，但其实好重要既轮证知识，希望帮到大家。 呢个终章Ivan 就拣轮证心法做主题，因为大家响过去几集学识基本既轮证知识後，当实战应用时，心理质素同样非常重要，往往系赢输既关键。Ivan 同Gary就一齐分享地既交易经验同心得。(首播日期为2020年6月2日)

第一辑《轮证锦囊案内所》有观众话想听多关於轮证基础知识，特别系用实例做例子，令大家可以投资轮证时叻。呢要求Ivan 都收到哂，今季 (第二季) 十集，瑞信Ivan继续同前交易员Gary (小兵) 及财经主持Season会用更多实例讲解点去因应市况买合适条款轮证。(首播日期为2020年7月8日)

响第二集，三位探讨坊间好多投资者比较窝轮时选择用准则。好似溢价，面值同同实际杠杆。而系现实情况下，好多轮价格系会受到引伸波幅变化同时间值损耗因素影响，导致轮价同实际杠杆计出数值有偏差，今集就教大家点样可以: 一) 避开引伸波幅跌; 二) 捕捉到引伸波幅升; 三) 拣到受引伸波幅同时间值损耗影响较细轮; 四) 仲有轮价会唔会受兑换比率影响呢? 都响今集做左比较！(首播日期为2020年7月15日)

今集解构轮证买卖差价点订，咩野系庄家买卖价，街货量高低对轮价既影响，教大家做个精明既消费者！Ivan用一只中芯轮11148做例子，教大家高街货轮点解会好容易令大家买错贵货。仲即席示范如果要隔晚挂定轮证买卖算，点样用模拟计数机帮自己计价，分析埋呢种方式有咩利弊。(首播日期为2020年7月22日)

三位今次用实例教大家响唔同技术同图表走势下轮证选择; 同埋点样配合图表去订出市、入市位去提升值博率策略。另外，Ivan 同 Season 亦分享用移动平均线造轮证部署要点，因为好多投资者都用呢个指标判断短期走势，但有时都唔知应该跟咩线做，拣轮证亦未必配合到正股走势。(首播日期为2020年7月29日)

好多初哥听完坊间「轮证高手」策略，又好似同发行商教有分别，令到好多投资初哥都唔知听边个讲好，所以Ivan决定今集直接比较下唔同大师轮证策略利弊，等大家好好了解每个策略特点先决定用边套同几时用。(首播日期为2020年8月5日)

唔少投资者成日响坊间听到好多「即市高沽低」轮证投资策略，但系实行就知易行难，有时高追，有时就错边唔肯止蚀，结果由短炒变成要问发行人剩馀价值。Ivan分享认为投资者如果用轮证做即市或者好短期部署，有边市场讯息要注意，订定即市止蚀同止赚位，又同平时几日仓位有乜野唔同。(首播日期为2020年8月12日)

今集同大家讲轮证投资失手时，可以点样「救仓」；分析三个投资者常用救仓方法，讲解当中利弊，同埋用呢方法技巧! 仲分享止蚀位要点定、值博率点计，以及轮证条款之间变换系点做。播出日期:2020年8月19日

有无谂过，轮证除短线买卖，其实都可以用作为资产组合一部份？每当股份公布完业绩，又或者出现横行走势，有时其实都系中长线部署时机。除帮投资组合响市况畅旺时加大收益, 当响市况唔好; 又或者去到较重要阻力位时，担心个市回，其实投资者都可以用指数熊证对冲投资组合。市场内每日有唔少投资者做类似操作，Ivan到时会分享身边一些「大户」操作方式，以及分享一坊间「错哂」对冲方法。(首播日期为2020年8月26日)

成日都有网友问究竟买轮好定买牛熊好？你知啦，世事就系，你一买牛熊证个市就变得好Chok；你改买轮？又唔郁，坐多几日又惊缩vol，完全系一枝「蛊惑的枪」！究竟有无一个准则去决定果个市况拣边样野比较好呢？Ivan 呢集就会分享睇法同埋俾实例大家睇。(首播日期为2020年9月2日)

呢个单元最後一集，我地一齐回归基本，三位讲一初学者买轮证常见问题，亦都教各位初学朋友如何由零开始；而一直有买卖轮证朋友又可以点样透过平日一练习，去提升自己技巧，同埋发掘一值博率较大入市机会及总结今季十集重点。(首播日期为2020年9月9日)