輪證動態專頁

4小時前 今日 上午 10:37
傳統藥股重獲注意!石藥中生製藥破位!

市場近日關注網上診症股同醫療設備股,好似將啲傳統醫藥股放埋咗一邊,不過今日大市回套,呢啲傳統股份反而吸引返資金注意。藍籌藥股石藥集團(1093)今朝先跌後回穩,高位曾升逾4%,逼近15.8元水平,係4個月以嚟嘅高位。中國生物製藥(1177)亦曾抽升逾4%,高見15.6元以上,創歷史新高。#jpg_3#

 

睇返石藥同中生製藥幅圖,兩隻藥股喺過去一段時間唔係無升,但升幅相對其他有科網概念嘅醫療股,好似平安好醫生(1833),又或者醫療設備股,好似微創醫療(0853),似乎爭咗一大段。可能有市場資金睇緊有冇追返其他醫療相關股升幅嘅機會,令呢兩隻傳統藥股突然吸引資金注意#gif_1#;不過近期有科網概念嘅股份,始終係市場焦點,若擔心傳統藥股嘅升勢只係虛火,亦可考慮反手留意淡倉產品。#jpg_4#

 

醫藥股輪證選擇

 

石藥認購證26598,行使價17.275元,20年12月到期,實際槓桿約4.4倍。

石藥認沽證25997,行使價11.567元,20年10月到期,實際槓桿約4.7倍。

石藥牛證65515,收回價11.817元,行使價11.233元,槓桿比率約3.3倍。

 

中藥認購證15080,行使價17.78元,20年12月到期,實際槓桿約5.1倍。

中藥認沽證15253,行使價13.88元,20年12月到期,實際槓桿約3.1倍。


...       
更多
07月09日 上午 11:22
憧憬分拆阿里追升,平安京東有無空間?

外電報導話阿里就可能將螞蟻金服響香港上市,阿里(9988)響美國既ADR就急升,香港開市阿里就備受追捧,一度升近8%,即市資金就唔係好敢再追貨,但之前買左阿里Call既資金亦唔急於沽貨離場。唔追阿里,但有資金就諗下其他有類似概念既股,好似之前市場一路憧憬有分析可能既中國平安(2318),近日就有資金一直吸納行使價90-100之間既認購證,而今朝呢個情況都持續。不過,相關消息就年初都有投資者憧憬過,但一直都無後續消息。#jpg_4#

 

至於同業另一電商股京東(9618),今朝都有資金追落後,特別係近日美國科技股急升,京東就連續幾日響香港都開唔番美國既ADR價,反而令資金追落後,有啲比較價外既認購證,好似300蚊樓上行使價,比較高實際槓桿既50兌1認購證,都有資金開倉,睇好既朋友不妨留意下正股有無突破機會再部署。#jpg_1#

 

相關輪證選擇

阿里認購證22996,行使價288.2元,21年02月到期,實際槓桿約5.47倍。

 

平安認購證17896,行使價100.1元,21年03月到期,實際槓桿約7.64倍。

平安認沽證23792,行使價72.88元,20年09月到期,實際槓桿約11.59倍。

 

京東認購證15158,行使價280.88元,20年12月到期,實際槓桿約4.48倍。

京東認購證14575,行使價288.88元,20年12月到期,實際槓桿約5.34倍。

京東認購證14579,行使價308.88元,20年12月到期,實際槓桿約5.07倍。


...       
更多
07月09日 上午 11:00
阿里創新高,京東追住破頂!

新經濟股繼續受市場追捧,外電突然報道,阿里巴巴(9988)計劃分拆旗下金融科技業務螞蟻金服上市,最快今年落實,雖然外電及後引述螞蟻科技嘅回應話,關於IPO計劃嘅信息不實,不過股價依然急升,高位升約8%至257蚊,再創上市新高!#gif_3#

 

阿里破頂,同屬電商股嘅京東(9618),當然唔想俾阿里威晒,今朝高位亦曾抽升約4%,亦創出257蚊以上嘅歷史新高。#jpg_3#

 

兩隻電商股都破頂,難免會吸引之前開咗倉嘅好友先食糊,不過新經濟股近來升勢太凌厲,食糊之際,都吸引都好友再向上換馬,無論係阿里同京東,今朝都見有資金開到行使價喺280蚊或者以上嘅Call,睇吓升勢仲有冇持續嘅機會。#gif_4#

 

電商股輪證選擇

 

阿里認購證22996,行使價288.2元,21年02月到期,實際槓桿約5.5倍。

阿里牛證52792,收回價215元,行使價213元,槓桿比率約8.8倍。

 

京東認購證15158,行使價280.88元,20年12月到期,實際槓桿約4.4倍。

京東認購證14575,行使價288.88元,20年12月到期,實際槓桿約4.9倍。


...       
更多
07月08日 下午 09:00
【睇片】「您揀嘅輪行使價如何,您的命運也必如何!」《輪證錦囊案內所II》第一集

第一輯嘅《輪證錦囊案內所》有觀眾話想聽多啲關於輪證嘅基礎知識,特別係用實例做嘅例子,令大家可以投資輪證時叻啲。呢啲要求Ivan 都收到哂,今季 (第二季) 嘅十集,瑞信Ivan繼續同前交易員Gary (小兵) 及財經主持Season會用更多實例講解點去因應市況買合適條款嘅輪證。每集三位會預留十五分鐘回答實戰操作問題,將基礎知識融入實例,教大家活學活用!

 

輪證錦囊案內所II  第一集  7月8日星期三  晚上9點正 

 

本集精彩內容:

第一節:

- 認股證(窩輪價格兩大因素:行使價同到期日?)

- 同樣行使價,相近到期日,唔同相關資產,點解輪價可以差咁遠?(恒生銀行輪vs平安好醫生輪)

- 點解兩隻輪,一隻升得唔錯,一隻唔升仲要跌?

- 揸左隻輪個幾星期,點解股價去番同一個位但輪價唔見左兩成?(阿里輪22997 vs 15725)

 

第二節 :

- 引伸波幅係咩?高低引伸點定出嚟? 

- 搞咁多野?買期權又係咪一定好?

- 點解低引伸嘅輪唔一定係最好?

- 揀輪點樣為之配合市況揀條款?

- 又話仙輪好危險,點解佢今日升幅好勁?近期市況反而可取?

- 又話換馬好?點解換行使價高啲嘅輪反而輪價又貴啲,升幅又細啲?

- 即時比較阿里輪,解釋邊隻條款最適合現時市況。

 

今季嘅內容繼續豐富實用,不容錯過,想捕捉大市突破機會,立即學好輪證基礎,提升實戰技巧!逢星期三,晚上九點至十點,即場直播接受提問,互動教學!

 

 

重溫 《輪證錦囊案內所》 第一季

第一集 買窩輪牛熊證要咁樣先可以提高勝算?  請按此收看。

第二集 恒指牛熊街貨重貨區係咪大戶殺倉位?  請按此收看。

第三集 騰訊業績前有過億資金部署! 資金流係咪一定係「春江鴨」?  請按此收看。

第四集 業績期炒季績,等政策公佈點解「中邊」都會中伏? 點樣做先精明?  請按此收看。

第五集 又黑天鵝又灰犀牛?輪證策略點應對先有機會追番?   請按此收看。

第六集 輪證買賣心法,出入位、止賺止蝕點訂好?   請按此收看。


...       
更多
07月08日 下午 02:48
新經濟股回氣後再突破,資金再換馬

上兩日新經濟股回氣,舊經濟股接力,但今日又輪番到新經濟股,騰訊(700)、美團(3690)又創新高,騰訊(0700)仲要係開市後升30蚊,並唔係裂口高開既,可以話即市買盤動力都幾強。資金輪動,破頂股其實都比較難頂技術阻力位,無入場既,只可以繼續用十天線作參考,當股價「抖氣」,挨近十天線時,再考慮係咪跟進番。而已經有貨既,就係將止賺位推高又或者繼續換馬去價外輪到。#gif_3#

 

今日騰訊(0700)升,資金就無好似前一兩日咁係咁入好倉,而係食糊為主,另外就係由貼價Call換上去600蚊樓上行使價既Call度。總括而言,策略上可以考慮到價換馬,十天線附近建倉,跌穿止蝕既策略,咁樣做法,股價一路升一路減少場內既注碼,但又維持番一定既槓桿,後市急升急跌,都唔會太大壓力嘛?#jpg_2#

 

相關輪證選擇

騰訊認購證15463,行使價590.88元,21年01月到期,實際槓桿約6.17倍。

騰訊認購證15570,行使價638.88元,21年01月到期,實際槓桿約6.74倍。

騰訊認沽證15334,行使價431.88元,20年12月到期,實際槓桿約6.49倍。

 

 

美團認購證13585,行使價202.88元,20年12月到期,實際槓桿約5.02倍。

美團認購證15078,行使價233.88元,20年12月到期,實際槓桿約4.94倍。

美團認沽證14777,行使價165.88元,20年12月到期,實際槓桿約4.09倍。


...       
更多
07月08日 上午 11:10
疫情再受關注,平安好醫生創新高!

新型肺炎嘅疫情繼續受關注,市場資金又再追捧醫療相關股份。網上診症股今朝強勢,平安好醫生(1833)高位曾抽升近6%,創出128蚊以上嘅歷史新高;阿里健康(0241)高位亦曾升近半成至24蚊,爭少少就挑戰到歷史高位24.5元水平。#gif_3#

 

兩隻診症股,今朝就以平安好醫生較多捧場客,不過可能已經喺高位,資金主要都係揀緊行使價喺135蚊以下嘅輕微價外Call,等到價先再向上換馬;而兌換比率係100兌1嘅產品,輪價面值上亦更低。#gif_1#

 

除咗平安好醫生同阿里健康,醫療設備股表現都相當唔錯,微創醫療又破頂,高位抽升一成,再創38蚊以上嘅歷史高位;威高股份(1066)亦曾升逾半成,高見18.5元水平。市場上仍然價外嘅微創同威高Call選擇唔多,而我哋瑞信都有產品,大家不妨留意吓。#jpg_5#

 

醫療相關股窩輪選擇

 

平醫認購證26987,行使價133.38元,20年12月到期,實際槓桿約3.6倍。

平醫認購證26788,行使價145.88元,20年10月到期,實際槓桿約4.9倍。

里康認購證26854,行使價25.88元,20年10月到期,實際槓桿約3.7倍。

里康認購證15634,行使價31.88元,21年1月到期,實際槓桿約3.3倍。

 

微醫認購證15793,行使價40.88元,21年1月到期,實際槓桿約2.6倍。

威高認購證14395,行使價19.38元,20年12月到期,實際槓桿約3.4倍。


...       
更多
07月07日 下午 03:25
大市高位回,資金比較肯低吸邊啲?

大市今朝高開後,升幅就一路縮,內地股市響高位都升幅收窄,未現「狂牛」,雖然令港股降溫,但大市稍作整固,對近日累升幅度甚大的中港股市而言,或更健康。#jpg_1#

 

下晝大市升幅縮,但有啲股升幅細左就開始有資金入場買Call,而選擇既股份就以近日才開始追落後既股為主,好似阿里巴巴(9988)以及中國平安(2318),升幅細左之後就有錢肯買番少少Call#jpg_1#。咁大概理解,其一係阿里巴巴之前受大股東可能減持既陰霾影響,一直比較同業走勢落後,而中國平安(2318)就可能係因為投資者覺得A股行情未終結,對內險股既投資收益有利,所以回番少少就入場。

 

技術上,阿里破頂,短期首技術支持位約230蚊整數關,其次為前頂位大概227元水平,今天資金大舉平短期貼價call好倉,換馬去中期價外證上。另一方面,資金就揀90蚊左右既平安Call 開倉,而平安短期技術支持位則約為85蚊整數關,突破90蚊則有機會有資金再入場。#jpg_5#

 

相關輪證選擇

阿里認購證11508,行使價255.2元,20年10月到期,實際槓桿約7.86倍。

阿里認沽證14394,行使價216.97元,20年09月到期,實際槓桿約7.98倍。

 

平安認購證20614,行使價91.88元,21年02月到期,實際槓桿約6.65倍。

平安認購證17896,行使價100.1元,21年03月到期,實際槓桿約7.57倍。

平安認沽證23792,行使價72.88元,20年09月到期,實際槓桿約11.26倍。


...       
更多
07月07日 下午 03:03
【睇片】港股七翻身 「黃師傅」黃偉傑同瑞信Ivan 教你升浪當中如何應對!

踏入七月,港股氣勢如虹,成交大增突破二千億。資金推動下,內地經濟復甦憧憬帶動升勢,加上科創板憧憬,呢啲因素會唔會繼續撐起七月港股? Ivan仲教用專業工具搵落後股份及受資金追捧嘅板塊 (片段 30:28) ,教你升浪當中如何應對。

 

精彩內容,立即重溫。


...       
更多
07月07日 下午 01:30
電商齊破頂,阿里京東追落後!

港股高企,之前強勢嘅新經濟股,好似騰訊(0700)同美團(3690),呢一兩日都開始要抖氣,輪到比較落後嘅電商股接力。喺今日,阿里巴巴(9988)同京東(9618)都齊齊創新高!#gif_3#

 

阿里巴巴今朝曾經急升逾6%,高見239蚊,雖然之後升勢放緩返些少,但都仍然保持到成半成升幅,唔少投資者都睇實股價有冇機會突破240蚊,而恒指服務公司將於8月14日公布季檢結果,阿里能唔能夠染藍,或者係對股價帶嚟刺激嘅因素之一#jpg_1#。京東尋日突破240蚊之後,今朝高位亦曾經升逾1%至248.6元,但就係差少少,始終突破唔到250蚊,之後股價就維持窄幅整固。#gif_4#

 

比較阿里同京東,資金就較多追捧阿里,並且上移咗去行使價喺250蚊以上嘅認購證,而京東亦有小注資金開好倉。兩隻股份,分別喺240蚊同250蚊都遇到阻力,唔知邊隻有望突破阻力先呢?#jpg_4#

 

電商股輪證選擇

 

阿里認購證11508,行使價255.2元,20年10月到期,實際槓桿約7.8倍。

阿里認沽證14394,行使價216.97元,20年09月到期,實際槓桿約8.3倍。

阿里牛證52792,收回價215元,行使價213元,槓桿比率約9.1倍。

阿里熊證52693,收回價248.88元,行使價250.88元,槓桿比率約13.2倍。

 

京東認購證14575,行使價288.88元,20年12月到期,實際槓桿約5.1倍。

京東認購證15158,行使價280.88元,20年12月到期,實際槓桿約4.6倍。


...       
更多
07月06日 下午 02:04
回A股升不停,吉利開快車!

港股回歸A股科創板掛牌嘅消息停不了,中芯國際(0981)嘅A股發行價雖然只有27.46元人民幣,折合只有約30蚊港紙,比港股價格相差唔少,不過市場唔當呢個係負面消息,憧憬回A後股價或會大爆發,港股今日再狂飆,高位抽升逾15%,再創出38蚊以上嘅歷史新高。

 

小編上星期喺《憧憬回A定價有水位?今日輪到吉利受捧!》已經提過,回A股份值得關注,市場資金似乎都抱住呢個心態,令已經宣布會回A嘅吉利汽車(0175),今日再受追捧,高位曾抽升逾一成,高見15.7元嘅逾5個月高位,而資金亦都見有追買行使價16蚊左右嘅Call,睇佢短期內有冇機會到價。

 

不過同上次一樣,已經宣布回A,但升勢相對含蓄嘅,今日只係升約4%嘅醫藥股石藥集團(1093),會唔會更值得留意呢?

 

回A股輪證選擇

 

吉利認購證22992,行使價15.9元,20年11月到期,實際槓桿約4.6倍。

吉利認沽證22048,行使價11.08元,20年09月到期,實際槓桿約6.7倍。

吉利牛證52793,收回價12.68元,行使價12.18元,槓桿比率約4.3倍。

吉利熊證50666,收回價16.28元,行使價16.78元,槓桿比率約10.7倍。

 

石藥認購證26598,行使價17.275元,20年12月到期,實際槓桿約4.3倍。

石藥認沽證25997,行使價11.567元,20年10月到期,實際槓桿約4.6倍。


...       
更多
    輪證小知識
    輪證小知識相關帖文