輪證動態專頁

3小時前 今日 上午 12:38
大市升轉跌,資金棄大買細
恒指今朝高開後就無以為繼,24000守唔住引黎獲利回吐盤,暫時大市半日勉強仲有升幅,但唔少權重股就無哂升幅甚至倒跌。睇番圖24032及24117之間既下跌裂口今朝補唒,但係企唔穩,結果就回番一截,權重股連升幾日後,可能要再整固下先##。

資金雖然由權重股獲利,但係睇番中價細價權其實都升得唔錯,內地A股十一點幾仲挾過去全日高位。咁似乎資金可能由大股轉緊去中細價權追落後##。又睇番「板塊移動」,今朝好幾個板塊,好似基建、水泥、內需、汽車都急升,「綠色」跑贏大市既板塊都比紅色跑輸既多,正正就反映左資金轉戰中細價股。內地逐步復工,市場焦點慢慢放番落兩會,大家不妨當啲去呢度睇下唔同板塊走勢。




...       
更多
5小時前 今日 上午 10:57
當Stay Home成為常態,有咩股份受惠?
港股連升第二日,恒指高位重上兩萬四關口。市場憧憬環球疫情有望改善,不過抗疫戰似乎仍然未能鬆懈,各國政府都繼續呼籲民眾減少不必要嘅外出,Stay Home保平安。當大家都習慣咗Stay Home,消費模式都有機會出現改變,有咩股份有機會受惠於呢個新常態呢?##

唔出街食飯,改為留喺屋企打邊爐,湯底股頤海國際(1579)似乎係潛在受惠股之一,今朝高位升逾半成,曾經重上56元水平。居家叫外賣亦係唔少人嘅選擇,美團點評(3690)上星期重上返90蚊之後,今朝高位升逾3%至97蚊樓上。##

至於留喺屋企多,使用到物業管理股提供嘅服務機會亦增加,雅生活(3319)係少數跑贏大市嘅股份,今朝大致靠穩,同歷史高位距離唔遠;碧桂園服務(6098)今朝升逾1%,徘徊喺30蚊附近靠穩。##

有病想睇醫生?大家都可能改用網上診症。平安好醫生(1833)尋日創新高,不過今朝有些少高位回套;另一隻醫療科技股阿里健康,今朝就徘徊喺15蚊附近,或者等緊重建支持。以上咁多隻股份,有冇邊隻係你心水?##

Stay Home潛在受惠股窩輪選擇

頤海認購證11723,行使價58.88元,20年07月到期,實際槓桿約3.6倍。
美團認購證24091,行使價113.98元,20年08月到期,實際槓桿約6.7倍。

雅生認購證22518,行使價45.08元,20年08月到期,實際槓桿約4.2倍。
碧服認購證19923,行使價34.38元,20年07月到期,實際槓桿約4.7倍。

平醫認購證22318,行使價87.28元,21年02月到期,實際槓桿約2.5倍。
里康認購證22322,行使價17.18元,20年08月到期,實際槓桿約3.0倍。
...       
更多
04月06日 上午 11:49
大市成功消化獲利盤,23500淡倉開倉增
恒指今朝受內地周五收市後定向降準消息刺激高開,不過升幅好快收窄,一度回番落23300左右,中午前升幅再度擴大,似乎大市叫做消化到一啲獲利盤。如果大家有繼續留意「板塊移動」都會睇到有啲板塊,好似電訊同手機設備股升得唔錯。呢類高波幅股份升,都反映市場雖然希獲利盤,但氣氛係尚算穩定##,技術上恒指如果企穩23500收市,投資者如果揸住淡倉,可能要考慮走一走位,以防大市反彈進一步挾上23800-24000區。

相反,如果下晝大市無以為繼,咁朝早開既淡倉如果已有利潤,可考慮食糊或推高止賺位。暫時今朝睇到淡倉響23400-23500區開倉為主,收回價選擇係23800-24000左右##。

恒指輪證選擇
恒指牛證64673,收回價23050點,行使價22750點,槓桿比率約27.59倍,兌換比率12000。
恒指牛證60919,收回價22700點,行使價22550點,槓桿比率約20.61倍,兌換比率20000。
恒指認購證24239,行使價24,500點,20年09月到期,實際槓桿約8.04倍。

恒指熊證62599,收回價23888點,行使價24038點,槓桿比率約27.97倍,兌換比率20000。
恒指熊證56265,收回價23950點,行使價24250點,槓桿比率約26.11倍,兌換比率12000。
恒指認沽證24466,行使價21,200點,20年10月到期,實際槓桿約5.31倍。

...       
更多
04月03日 上午 10:47
收息股逐隻捉,今日輪到電訊股?
滙豐控股(0005)宣布唔派息之後,股價連日捱沽,資金換馬到其他有穩定派息嘅股份。繼尋日兩間宣布無意改變派息政策嘅本地銀行股 ---- 恒生(0011)同中銀香港(2388)受追捧後,今日資金輪到留意中資電訊股。##

龍頭電訊股中移動(0941)今朝升逾2%,重上60蚊關口。中移動派息一向冇大驚喜,但現金夠多,呢幾年都一直都保持住穩定嘅派息比率,以金額計,近年每年都有超過3蚊股息。中聯通(0762)今朝升幅更曾經超過6%,重上4.8元以上。雖然聯通派息紀錄冇中移動咁穩定,3年前試過唔派末期息,但近兩年都保持住唔錯嘅股息,可能係吸引資金轉倉嘅原因。##

當然,除咗派息之外,市場都睇實5G對電訊股嘅正面影響,而今朝亦見有資金小注部署中資電訊股好倉,唔知又係咪你嘅心水呢?##

中資電訊股輪證選擇

中移認購證23538,行使價68.68元,20年09月到期,實際槓桿約8.1倍。
中移認沽證25587,行使價52.47元,21年01月到期,實際槓桿約3.6倍。
中移牛證64059,收回價52.28元,行使價51.28元,槓桿比率約6.6倍。

中聯認購證24099,行使價6.5元,20年09月到期,實際槓桿約5.6倍。
...       
更多
04月02日 下午 01:53
又話市跌?點解仲有股份急升?
今朝大市就跟外圍低開,不過就守得住上升裂口支持區,即市收窄跌幅,原因係亞洲交易時段油價反彈左4%,大家對今晚美股既睇法又唔同左。不過大市收窄跌幅後,權重股就唔係好郁,資金轉去炒個別板塊,好似油股、物管股,以及網上醫療股,就成為左資金追捧焦點##。

嗱,我都估大家會「柴」我台,話升哂先講╴算點?其實如果大家有用我地既「板塊移動」專頁,我地一早已經顯示左俾大家睇呢啲板塊跑贏大市,有異動,唔信?即刻上去「板塊移動」睇睇就知。嚟緊個市唔上唔落既話,炒個股同行業政策就正正係好好用既工具!

下晝油股同網上醫療股仲企響日內高位,睇好可以留意下呢啲選擇##!

相關輪證選擇
里康認購證21428,行使價14.08元,20年08月到期,實際槓桿約2.94倍。
平醫認購證21182,行使價83.88元,20年09月到期,實際槓桿約3.29倍。

海油認購證24015,行使價9.75元,20年09月到期,實際槓桿約3.76倍。
海油認沽證24106,行使價7.77元,20年09月到期,實際槓桿約2.36倍。
中油認購證23782,行使價3.24元,20年08月到期,實際槓桿約5.08倍。
中化認購證22459,行使價4.48元,20年08月到期,實際槓桿約6.47倍。
中化認沽證24108,行使價3.35元,20年09月到期,實際槓桿約3.16倍。

...       
更多
04月02日 上午 11:06
滙豐食息不再,資金轉吼同業?
滙豐控股(0005)尋日突然宣布今年唔派息,引起市場震盪!滙豐今朝仲跌緊,低位曾重挫逾半成,回落到38蚊以下;不過有部分強調無計劃改變派息政策嘅本地銀行股,今朝逆市有得升,莫非有食息一族轉倉?##

同滙豐同系嘅恒生銀行(0011),尋日已經表明無意改變派息政策,今朝股價逆市曾升逾1%,高位逼近130蚊關口;至於同樣表明無計劃更改派息政策的中銀香港(2388),高位仲曾升約3%,重上22蚊。雖然輪場資金仲係以部署滙豐居多,博佢出現技術性反彈;不過趁資金轉倉,恒生或者中銀香港嘅Call輪,會唔會都有小注部署嘅值博率呢?大家不妨考慮吓。##

銀行股輪證選擇

恒生認購證23593,行使價160.88元,20年09月到期,實際槓桿約8.0倍。
中銀認購證23594,行使價26.88元,20年11月到期,實際槓桿約6.9倍。

滙豐認購證24240,行使價49.88元,20年09月到期,實際槓桿約8.6倍。
滙豐熊證55389,收回價48.88元,行使價49.88元,槓桿比率約3.2倍。
...       
更多
04月01日 下午 02:38
匯豐唔派息的幾個考慮
1. 好多人問會唔會「除返轉頭淨」但其實對輪證買賣係唔重要既,講過好多次股份除淨係唔會影響輪證價,輪證價格響公司公佈派唔派息,派幾多息既下一時段已經反映。所以上一篇已講今日Call同牛跌少左,Put同熊升少左。而更重要既係,機制上亦無除返轉頭呢樣野##。

2. 「唔派息?等我沽哂去再Put爆佢! 」網友如是說。係咪咁做,方向性問題小編好難答您,但如果要睇淡,策略上留意40蚊位,企唔穩先考慮追唔追沽好似值博率高少少,畢竟原本股息約9厘,今日一日已跌突左。而如果要Put,因為Put既引伸呢排升唔少,輪價貴槓桿低,似乎用熊證化算少少,亦都免除引伸波動風險##。

3. 收息股逐一失去「光環」,它日選擇候低吸納對象時,有沒有更好選擇呢##?

滙豐輪證選擇
滙豐認購證24240,行使價49.88元,20年09月到期,實際槓桿約7.4倍。
滙豐認沽證24020,行使價42.28元,20年10月到期,實際槓桿約3.7倍。

滙豐牛證55887,收回價38.88元,行使價37.88元,槓桿比率約11.4倍。
滙豐熊證55389,收回價48.88元,行使價49.88元,槓桿比率約3.5倍。


...       
更多
04月01日 上午 11:21
滙豐唔派息,輪證有咩影響?
食息一族嘅噩耗呀!一向以派息穩定見稱嘅滙豐(0005),宣布應監管機構嘅要求,取消2019年第4季嘅派息,而今年年底前都唔會再派息同回購。受消息拖累,滙豐今朝股價曾急跌近一成,低位失守過40蚊大關,之後跌幅先收窄至6%至7%。##

其實早幾日,小編已經喺呢度預警過《歐央行開到口,滙豐8厘息存暗湧?》,估唔到咁快成真。對窩輪投資者嚟講,由於輪商一早已經將股息計咗入輪價,而家突然宣布唔派息,即係正股喺到期前唔駛除息,對Call輪同牛證理論上係利好,而對Put輪理論上係利淡;所以今朝即使滙豐急跌,唔少Call輪亦比理論跌幅跌少咗,至於Put輪就難免會較理論升幅升少咗,以反映冇息派嘅因素。至於影響幅度有幾多,就要視乎隻產品到期前包咗幾多次除息,越長期、包得越多次,影響越大,詳情可以睇返《認股證教室:派息對窩輪影響》。##

至於今朝滙豐急跌下,好淡倉都有資金揀,好倉開始向下換馬到行使價喺50蚊樓下嘅Call輪;至於淡倉方面,由於仍然價外嘅滙豐Put選擇唔多,而且輪價亦比較高,淡友傾向揀收回價喺50蚊以下嘅熊證開倉。##

滙豐輪證選擇

滙豐認購證24240,行使價49.88元,20年09月到期,實際槓桿約7.1倍。
滙豐認沽證24020,行使價42.28元,20年10月到期,實際槓桿約3.7倍。
滙豐牛證55887,收回價38.88元,行使價37.88元,槓桿比率約8.5倍。
滙豐熊證55389,收回價48.88元,行使價49.88元,槓桿比率約3.8倍。
...       
更多
03月31日 上午 11:12
美團績後急升,資金反手開淡……
月底壓軸放榜嘅美團點評(3690),尋日收市後出咗份唔錯嘅業績,舊年全年首次錄得盈利,賺成22億人仔;美團今朝曾大幅抽逾一成,高位曾逼近97蚊;之後雖然升少咗,但都企得穩95蚊。##

輪場資金睇法都幾分歧,好友屬於膽大、進取嘅一批,博美團短線有冇機會掂吓100蚊,主要考慮較價外、高槓桿嘅Call輪做短線部署。開淡倉嘅投資者,就睇實美團話明第一季會有經營虧損,覺得股價急升後會有技術回套出現,主要考慮行使價喺85蚊或以下嘅Put。留意美團業績後引伸波幅開始受壓,大家亦不妨考慮牛熊證免除引伸考慮。##

美團輪證選擇

美團認購證23128,行使價118.1元,20年09月到期,實際槓桿約5.5倍。
美團認沽證22230,行使價82.95元,20年10月到期,實際槓桿約3.3倍。
美團牛證65739,收回價77元,行使價74元,槓桿比率約4.0倍。
美團熊證51566,收回價104.88元,行使價107.88元,槓桿比率約4.1倍。
...       
更多
03月30日 下午 01:39
歐央行開到口,滙豐8厘息存暗湧?
新型肺炎疫情席捲全球,當經濟活動因為疫情而陷入停頓,大家都好關注銀行嘅壞帳會唔會大幅提升。歐洲央行上星期五突然開口,呼籲區內銀行唔好喺今年10月1日前,派發舊年同今年嘅股息,以加強銀行吸收壞帳嘅能力。雖然概念上,滙豐(0005)係受英倫銀行監管,不過一向以高同穩定派息率見稱嘅滙豐,有冇機會聽歐洲央行嘅建議,跟隨其他歐洲銀行暫停派息呢?##

滙豐今朝股價低位跌過2%,失守45蚊,不過大市都跌,跌幅亦唔係爭太遠,似乎反映市場對滙豐能夠維持穩定派息政策具信心,而留意跟隨往年滙豐嘅派息紀錄,10月1日前會分別喺5月同8月各派一次息,每次派息分別係1毫子美金,折合約7毫8子港元。##

咁派息對窩輪價格有咩影響?大家不妨參考吓《認股證教室:派息對窩輪影響》,企業如果派少咗息,原來利好包咗除息嘅Call輪;但諗深一層,若果滙豐真係改變派息政策,對正股價格會帶嚟咩程度嘅負面影響?潛在跌幅又係咪輪價因唔派息而受惠嘅幅度可以比較?或者大家都要密切關注,滙豐CFO喺今年2月話會維持穩定派息政策嘅講法,喺短期內會唔會有變。##

滙豐輪證選擇

滙豐認購證23597,行使價52元,20年09月到期,實際槓桿約9.7倍。
滙豐認沽證24020,行使價42.28元,20年10月到期,實際槓桿約3.9倍。
滙豐牛證54467,收回價41.88元,行使價40.88元,槓桿比率約10.7倍。
滙豐熊證55389,收回價48.88元,行使價49.88元,槓桿比率約7.1倍。
...       
更多
    輪證小知識
    輪證小知識相關帖文