輪證動態專頁

04月07日 下午 04:27
北水三月跌市買左咩?即刻睇下眼光?
北水響近日港股下跌期間加速流入港股,日日幾十億,買到大家都開始再關注番呢啲資金對港股同個別股份既影響力。雖然北水流入未必等於個股表現一定優異,但係我地都不妨統計一下在近周最多資金流入的權重股,睇睇邊啲股份較受北水垂青。##

我地嘅港股通資金流專頁,除咗顯示每日首十位最多資金流入同流出嘅港股通股份,仲會參考港交所「北水」持倉數據,獨有顯示埋過去五日以及過去二十日嘅累積資金流。

透過這個資料庫,大家可以去追縱過去一段時間北水既主要流入股份。只要去到專頁頁面,按五日累積/二十日累積,再按更多,就可以睇到所有港股通股份累積獲北水(滬及深)流入既資金流##。

北水以內銀股為重心
按更多後,大家可以睇到過去二十日最多資金流入股份首十位係以內銀股為重心,按次序分別係建行(0939)-第一位、工行(1398)-第三位、農行(1288)-第五位、中行(3988)-第八位。當中截至3月31日,建行(0939)有成282億錢流入,而四隻內銀中較少錢既中行(3988),就有24億左右。

兩大科網股跌市見資金承接
而科網股中,就有騰訊(0700)-第二位同美團點評(3690)-第六位上榜。響三月份大市下跌時,騰訊同美團反彈得都好快,似乎就要歸功於北水既買盤。

資源股暴跌少量撈底
如果再睇埋十一到二十位既股份,就會見到近期曾經急跌既資源股,包括油股中石化(0386)同中海油(0883),但係累積資金流入額度,每隻都係十零億左右,呢度仲未見唔到中石油(0857)既身影添。

中小盤股獲資金流或有異動
至於再數落去二十一到三十位,就開始會有一啲比較特別既股份,好似有「打邊爐股」海底撈(6862)同同系既頤海國際(1579),由本來受疫情所累,變成成功出售打邊爐湯包既頤海國際(1579),真係唔係北水買,本地投資者就比較少機會留意到,隻股就逆市破頂。仲有建材股中國建材(3323)同微創醫療(0853)。呢啲股上榜,其實都印證唔少內地資金近日入場「掃起」左隻股,特別係呢類股既市值同流量股數比較少。

因應呢個資金流 , 您可以睇到響大市回落時,可能有部份H股既承接力會比較好,就可以考慮用一些中距離既牛證做部署,而如果要搵異動既中型股,就不妨留意二十位以後獲資金流入既股。

咁二十日既資金流對搵短炒機會既朋友嚟講,可能會話參考價值較低,唔緊要,我地仲有獨有既數據,睇五日既北水資金流,呢個資金流可以反映到短線資金流向,好似近日急升後回調既中國飛鶴 (6186),就明顯見到北水入市吸納。

最後提多句,我地瑞信都覆蓋左大部份熱門既港股通股份,如果睇完資金流後想用輪證部署,可以即刻睇埋我地既焦點推介。

呢個港股通資金流,每個交易日六點會更新一次,而累積資金流就留意番右邊顯示既「數據日期」。##
...       
更多
19分鐘前 今日 下午 01:14
恒指企穩25000,淡友再失守?

今朝恒指初段企唔穩25000,淡友即時再出手,以為今次又即日回吐,點知今次恒指好快轉升,更曾經上衝25100。淡友即市的確有啲措手不及,近熊有資金止蝕,亦都有資金換倉去挨近25500收回既產品#jpg_9#上。

 

淡友連續兩日被挾,而金管局今朝又接錢沽港元,資金流比較正面,留意番好友會否承勢挾上25200樓上。咁除左熊證換馬,其實今朝都開始有少少資金轉邊,入貼牛。宜家上市周期短左,都有貼啲既牛俾投資者揀,好似我地都有隻24700收回既牛證。不過,大市兩日低位反彈近800點,追好倉既話,注碼都最好控制番#jpg_1#。

 

恒指相關輪證選擇

恒指牛證60063,收回價24700點,行使價24600點,槓桿比率約61.04倍,兌換比率10000。

恒指牛證60066,收回價24550點,行使價24450點,槓桿比率約48.50倍,兌換比率12000。

 

恒指熊證68312,收回價25350點,行使價25450點,槓桿比率約48.50倍,兌換比率12000。

恒指熊證66917,收回價25450點,行使價25550點,槓桿比率約41.03倍,兌換比率10000。


...       
更多
21分鐘前 今日 下午 01:12
港交所差四毫見388,資金肯追貨

港交所(0388)靜市起動,股價早市中段急升,尚差4毫子就升到388蚊呢個充滿象徵意義既水平。之前港交所橫行上落,資金流就好靜,唔少投資者見港交所股價升左咁多都想等佢回深啲先加好倉,但今日再破位,終於都見到資金急不及待咁追貨,亦都開始追四百蚊以上行使價既Call#jpg_5#。

 

睇番大市呢幾日因為科技股強勢而升番,仲有大型科技股排隊申請上市,呢個暫時都令到投資者比較樂觀。技術上,唔少人可能望住388蚊呢個數,如果能夠突破,未追貨可以考慮係咪追好#jpg_1#倉。但一旦真係剛剛升唔穿就觸發回吐,短線就可以考慮下行使價比較高既認沽證,或者係400蚊樓上收回既熊證。#gif_6#

 

港交相關輪證選擇

港交認購證18860,行使價458.88元,21年01月到期,實際槓桿約5.73倍。

港交認沽證18815,行使價348.88元,21年01月到期,實際槓桿約4.88倍。

 

港交牛證68375,收回價350.88元,行使價348.88元,槓桿比率約10.39倍。

港交熊證54115,收回價418.88元,行使價420.88元,槓桿比率約9.50倍。


...       
更多
2小時前 今日 上午 11:24
免稅!中芯業績前高見33蚊!

為咗扶持國產晶片,政策可以有幾支持?國務院宣布,28納米以下嘅集成電路、且經營達15年以上嘅企業,免徵所得稅十年!有券商即刻發表報告,話政策有利行業長期發展,加速半導體國產化,隨即刺激一眾晶片股今朝急升。#gif_3#

 

龍頭股中芯國際(0981)今朝高位曾急升逾8%,高見33蚊水平!華虹半導體(1347)升幅亦曾經達到8%以上,高位突破38蚊。除咗政策利好,晶片股亦都有業績憧憬,中芯將會喺星期四放榜,而華虹亦會喺下星期二公布業績,市場都關注佢哋可以有幾受惠於國產晶片需求上升。#gif_5#

 

想特別講吓隻中芯,之前成功回歸A股後,股價曾出現跳水式下跌,但近日已逐步回穩,重上返30蚊水平以上。由於業績臨近,尋日中芯好倉錄得逾1,300萬錢流入,當中買牛證多過買Call輪,原因係可能中芯窩輪引伸依然高企,唔少都達到100%以上,以反映佢咁波動嘅股價走勢。若果憂慮高引伸會逐步回落,可能係吸引資金部署牛證嘅原因。大家不妨留意業績究竟能唔能夠帶動股價走勢啦。#gif_1#

 

半導體股窩輪選擇

 

中芯認購證18213,行使價36.88元,21年01月到期,實際槓桿約2.5倍。

中芯認沽證15462,行使價23.28元,21年01月到期,實際槓桿約1.9倍。

中芯牛證60115,收回價29.28元,行使價28.28元,槓桿比率約6.7倍。

中芯熊證56672,收回價36.88元,行使價37.88元,槓桿比率約4.4倍。

 

華虹認購證17697,行使價41.88元,21年07月到期,實際槓桿約2.0倍。

華虹認購證15973,行使價38.88元,21年01月到期,實際槓桿約3.1倍。


...       
更多
2小時前 今日 上午 10:40
「大師級輪證策略準唔準?」今晚《輪證錦囊案內所II》第五集 睇直播 即時發問

今晚(8月5日) 晚上9點正準時上《瑞信輪證動態專頁》睇直播

 

發行商講果套輪證策略係咪最好? 點解聽啲咩野大師(絕對唔係話沈大師)嘅操作同建議,有時又好唔同,咁究竟聽邊個講好? 

 

一連十集(逢星期三) 嘅《輪證錦囊案內所》到今個星期第五集,繼續有瑞信Ivan、前交易員Gary(小兵)及財經主持Season用實例教大家技巧去因應市況買合適條款嘅輪證。

 

Ivan今集準備一個打十個,同Gary 加Season一齊講吓唔同「大師」嘅操作方式利弊,大家不如估吓會唔會有啲部署方式其實係好錯嘅呢 ( O殊!) ? 有啲方法其實好好但又一直無人知呢?呢集仲會重點講業績期輪證部署嘅策略同平時有咩唔同添!嚟緊想部署科網股業績期嘅朋友就更加要注意啦!

 

上集大家有睇嘅,都知道第四集好有實戰味道,完全唔係齋吹,大講關於阿里巴巴(9988)嘅輪證操作,希望都幫到大家!未睇就要按此重溫啦!

 

聽日(5號)夜晚九點至十點《輪證錦囊案內所II》- 大師級輪證策略準唔準?利弊即時講,誠邀各位分享睇法同經歷,一齊進步!

 

輪證錦囊案內所II  第五集 8月5日星期三  晚上9點正 準時睇直播! 

 

 

重溫《輪證錦囊案內所》第二季

第一集  您揀嘅輪行使價如何,您的命運也必如何!請按此收看。

第二集  揀輪唔好睇溢價,咁其實睇咩野先啱?+大量案例  請按此收看。

第三集  街貨量多嘅輪係咪一定唔好沾手?莊家盤同買賣差價點睇?請按此收看。

第四集  技術分析加輪證又得唔得? 請按此收看。


...       
更多
08月04日 上午 12:07
阿里突破了,資金仲追唔追?

阿里(9988)形成左敏感三角形既技術走勢一段時間,今日就終於突破,仲要係同投資者預期既方向一樣,就好難得。呢幾日,特別係尋日,唔少資金見佢無跟市跌,就加好倉博反彈,上日就有成四千幾萬「醒目錢」響正股唔郁既情況下開好倉睇好,今朝一開正股就突破250蚊而且升幅一路擴大,小編都要讚下投資者尋日好眼光。咁突破左技術阻力位後,下一個技術阻力位就響260蚊,破埋既話,咁科技股似乎響業績期前都繼續有資金留意。

 

即市輪證資金流方面,尋日買阿里call 既資金就獲利進行中,不過同時都有新錢追高槓桿既call。我地今日剛好都有全場最貼價既阿里牛證59531上市#jpg_2#,如果下畫一直唔回,睇好既朋友可以參考下呢隻牛證。

 

阿里相關輪證產品

阿里認購證17149,行使價295.88元,21年01月到期,實際槓桿約6.64倍。

阿里認購證18845,行使價309.08元,21年01月到期,實際槓桿約6.52倍。

阿里認沽證17115,行使價234.88元,21年01月到期,實際槓桿約4.84倍。

 

阿里牛證59531,收回價248.38元,行使價246.38元,槓桿比率約26.72倍。

阿里熊證54984,收回價278.88元,行使價280.88元,槓桿比率約8.06倍。


...       
更多
08月04日 上午 12:04
淡友貼熊總動員,新舊經濟交戰

恒指尋日跌穿左24500呢個支持位,主要因為匯豐業績唔好,但上日小編都提過大市下畫如果匯豐(0005)業績唔好都無再穿即市低位既話,要留意會唔會先出現反彈。今朝大市承接外圍股市上升,好快就重上24500。可能唔少投資者成個星期「彈高熊」,即市都有水位,所以早段好多資金追淡倉,貼價熊更加係資金主力。#gif_8#

 

不過,大市升幅稍為收窄後即刻回穩,仲上番日中高位,因為今日科技股升勢抵銷左匯豐既弱勢。所以,今次反彈會唔會再彈高少少,就望實下畫科網股會唔會繼續輪流發力先。如果科網股繼續升,咁淡友可能要考慮退守番上24900既阻力位度,開左貼熊既投資者可能要考慮換馬到25000樓上收回既熊證度啦。#jpg_4#

 

恒指相關輪證選擇

 

恒指牛證69736,收回價24250點,行使價24150點,槓桿比率約58.71倍,兌換比率10000。

恒指牛證53334,收回價24200點,行使價24100點,槓桿比率約48.93倍,兌換比率12000。

 

恒指熊證56515,收回價25028點,行使價25128點,槓桿比率約42.51倍,兌換比率10000。

恒指熊證63549,收回價25250點,行使價25350點,槓桿比率約30.45倍,兌換比率10000。


...       
更多
08月04日 上午 10:44
染藍憧憬?阿里美團跑贏騰訊!

同樣係新經濟股,點解阿里(9988)、美團(3690)發力向上,但係騰訊(0700)唔多郁?點解?#jpg_4#

 

踏入8月,除咗係業績期之外,對同股不同權嘅新經濟股嚟講,亦有多一重憧憬。恒指公司將於8月14日公布季檢結果,而今次季檢,將有機會納入呢批W股,而市場嘅兩大染藍大熱預測,就係阿里同美團。騰訊一早已經係恒指重磅股,當然未有受惠呢個憧憬。#gif_4#

 

阿里今朝重上250蚊,升幅曾經接近3%;至於美團仲威威,尋日已經逆市重上200蚊,今朝高位曾升近6%,高見212蚊以上,之後維持喺210蚊以上靠穩。以近期資金流嚟講,阿里好倉亦係最受歡迎,可能係見美團已經率先受捧,所以將焦點放喺啱啱先開始行嘅阿里身上。#gif_3#

 

咁小米(1810)呢?都係同股不同權股份,都被市場視為有機會染藍股份,但係又唔郁嘅?小米今朝亦都已經重上15蚊,但計市場就冇阿里同美團咁大。趁佢唔係好郁,如果憧憬季檢會一次過納入晒三隻,小米亦可考慮作為冷敲之選。#gif_8#

 

憧憬染藍股份窩輪選擇

 

阿里認購證17149,行使價295.88元,21年01月到期,實際槓桿約6.8倍。

美團認購證16133,行使價255.88元,21年01月到期,實際槓桿約4.9倍。

小米認購證16675,行使價16元,21年01月到期,實際槓桿約4.9倍。

 

阿里認沽證16856,行使價219.9元,20年12月到期,實際槓桿約6.1倍。

美團認沽證16116,行使價180.88元,21年01月到期,實際槓桿約4.0倍

小米認沽證16204,行使價13.51元,21年01月到期,實際槓桿約4.2倍。


...       
更多
08月03日 下午 01:41
滙豐績後,跌幅擴大至逾4%......

重磅股滙豐(0005) 啱啱喺中午公布半年業績,成績表當然麻麻,期內列賬基準除稅前利潤下跌65%,降至大約43億美元;不過最令市場震驚嘅,係佢預期喺疫情同地緣政局等因素影響下,今年嘅信貸損失準備,可能介乎80億至130億美元。放榜之後,滙豐繼續試底,跌幅曾經擴大至逾4%,低見33.3元水平。#gif_6#

 

滙豐積弱,其實都唔係今日先知,而集團近日捲入同華為相關嘅政治風波,更加令股價進一步受壓。通常急跌股份,都總會有啲好友博反彈,而上星期確實有成800幾萬錢,喺5日內累積流入滙豐好倉,但淡倉同期流入嘅錢更多,累積流入逾1,500萬錢,追沽資金仲多過博反彈資金。#gif_2#

 

當然跌到落33蚊邊,亦即係N年前嘅「流淚價」,唔多唔少總有少少買盤支持,但若果呢個重要支持位守唔住,下一個支持位或者要下移至供股價28蚊。業績之後,滙豐好倉有少量資金博反彈,但揀輪嘅行使價已下移至38蚊以下嘅認購證;追沽嘅就揀行使價30蚊左右,同樣都係向下換馬。#gif_10#

 

滙豐輪證選擇

 

滙豐認購證12367,行使價37.88元,20年11月到期,實際槓桿約8.7倍。

滙豐認沽證12373,行使價29.95元,20年11月到期,實際槓桿約7.2倍。

滙豐牛證66487,收回價30元,行使價29元,槓桿比率約6.5倍。

滙豐熊證55312,收回價36.88元,行使價37.88元,槓桿比率約6.7倍。


...       
更多
08月03日 上午 11:32
匯豐業績前恒指弱勢,失守24500淡友再加倉

匯豐(0005)今日會出業績,投資者就比較睇淡,業績未出匯豐銀行已「先跌為敬」,唔能夠上返35蚊樓上。匯豐日日跌都拖住個指數,恒指今朝毋視美股造好,低開後失守近期低位,曾經低見25250點。#jpg_9#

 

技術上恒指失左24500呢個支持位,再配合埋呢幾日高開低走格局,表現就比較弱,係咪可以扭轉弱勢,下晝匯豐業績後自有分曉,如果業績差過預期或者績後再跌,咁就要小心會落埋下一 支持位23800。#gif_8#

 

牛熊證資金流呢幾日係淡友主導,今朝我地一開隻貼價熊出嚟,好快就有好多資金追,連續幾日散戶資金都追熊,有時都唔好成日覺得散戶一定錯邊。 大市就落番24300邊先開始有人博下反彈,即市好友留意住今朝低位24250,再失就似乎要考慮計一計數先。#jpg_1#

 

相關輪證選擇

 

恒指牛證58361,收回價24000點,行使價23900點,槓桿比率約59.42倍,兌換比率10000。

恒指牛證57090,收回價23800點,行使價23700點,槓桿比率約42.76倍,兌換比率10000。

 

恒指熊證56389,收回價24773點,行使價24873點,槓桿比率約37.48倍,兌換比率10000。

恒指熊證55802,收回價24950點,行使價25050點,槓桿比率約29.00倍,兌換比率12000。

 


...       
更多
    輪證小知識
    輪證小知識相關帖文