輪證動態專頁

06月02日 下午 08:30
【睇片】輪證買賣心法,出入位、止賺止蝕點訂好?《輪證錦囊案內所》第六集

快樂既時光過得特別快,唔經唔覺就去到《輪證錦囊案內所》既最後一集,多謝大家支持。 過去五集當中,瑞信Ivan、前交易員Gary(小兵)及財經主持Season,分享好多平日少喺發行商節目聽到,但其實好重要既輪證知識,希望幫到大家。 呢個終章Ivan 就揀咗輪證心法做主題,因為大家響過去幾集學識咗基本既輪證知識後,當實戰應用時,心理質素同樣非常重要,往往係贏輸既關鍵。Ivan 同Gary就一齊分享咗佢地既交易經驗同心得。

 

《輪證錦囊案內所》第六集  6月2日 晚上八點半

本集焦點:

1. 點解設定輪證交易藍圖咁重要?

2. 設定交易時間同產品選擇有咩關係?

3. 點樣決定止蝕同推高止賺位既方法

4. 技術分析既盲點係咩?點樣配合市場情況操作?

5. 何謂值博率,點揀勝率較大的交易機會?

6. 根據值博率以及預期走勢分配注碼,點樣會越贏越無壓力?

7. 倍升輪可預不可求,揀仙輪同短輪注意點

 

重溫 《輪證錦囊案內所》  

第一集 買窩輪牛熊證要咁樣先可以提高勝算?  請按此收看。

第二集 恒指牛熊街貨重貨區係咪大戶殺倉位?  請按此收看。

第三集 騰訊業績前有過億資金部署! 資金流係咪一定係「春江鴨」?  請按此收看。

第四集 業績期炒季績,等政策公佈點解「中邊」都會中伏?點樣做先精明?  請按此收看。

第五集 又黑天鵝又灰犀牛?輪證策略點應對先有機會追番?   請按此收看。


...       
更多
1小時前 今日 上午 10:17
比亞迪盈喜!250蚊見頂未?

尋日破位之後倒跌嘅比亞迪(1211),今日迎嚟好消息。比亞迪出咗盈喜,話預期舊年淨利潤介乎160億至170億元人民幣,按年增長最多4.58倍。受消息刺激,比亞迪今朝高位曾升逾3%,高見248蚊以上,但始終突破唔到250蚊關口。#gif_2#

 

其實比亞迪唔係冇見過250蚊樓上,尋日高位就一度破位升至250.6元,不過一見呢個位,就有唔少獲利盤出現,加上尋日市況唔配合,最終比亞迪要倒跌至240蚊樓下;好彩有盈喜刺激返,令股價喺今朝重拾升勢。#gif_3#

 

睇返比亞迪份公告,話業績好,主要係新能源汽車銷量按年強勁增長,更加勇奪全球新能源汽車銷量第一,緩解上游原材料價格上漲帶來嘅成本壓力;不過就講明手機部件及組裝業務盈利承受壓力。由於比亞迪近期升得多,資金今朝主要考慮淡倉。由於比亞迪中距離熊的槓桿,明顯比活躍價外比亞迪Put嘅實際槓桿吸引,因此淡友較傾向選擇熊證作部署。#gif_4#

 

電動車相關股輪證選擇

 

比迪認購證23873,行使價269.08元,24年03月到期,實際槓桿約3.0倍。

比迪熊證68152,收回價258元,行使價262元,槓桿比率約16.0倍。

比迪熊證67962,收回價268元,行使價272元,槓桿比率約9.9倍。

 

小鵬認購證26833,行使價44.93元,23年06月到期,實際槓桿約2.7倍。

理想認購證26123,行使價108.98元,23年03月到期,實際槓桿約5.2倍。

贛鋒認購證28492,行使價76.05元,23年05月到期,實際槓桿約5.0倍。


...       
更多
01月30日 上午 10:58
同屬國策股,車股、芯片股好淡分明……

內地放完新年假,北水今日正式回歸,A股表現向好,不過港股就……表現麻麻啦,恒指曾跌逾200點,落到22,500點樓下,跨長假嘅三連升暫時告終。#gif_10#

 

北水回歸,大家或者都會諗吓有咩國策股可以考慮,不過即使同屬國策股,強弱分野亦可以好明顯。車股近日表現強勢,自從Tesla公布理想季績後,比亞迪(1211)連日抽升,今朝高位仲一度突破250蚊關口,升到約5個月高位。吉利(0175)今朝亦曾升逾3%,升至13.44元嘅逾4個月高位。雖然車股近日強勢,資金都係反手開淡多,但連跌市都能夠逆市靠穩,有冇少少心動想小注開好倉?#gif_2#

 

芯片股係另一個國策板塊,不過今朝表現相對失色。中芯(0981)今朝曾跌逾4%至17.5元,落返農曆新年前嘅位置。華虹半導體(1347)低位仲跌逾6%,暫守30蚊關口。上星期已經有報道話,美日荷三國達成共識,同意限制部分先進芯片製造機械出口到中國。負面消息雖然有待消化,但會唔會有危先有機,趁跌可以考慮部署好倉?#gif_4#

 

國策股輪證選擇

 

比迪認購證24624,行使價268.88元,23年02月到期,實際槓桿約12.7倍。

比迪熊證67962,收回價268元,行使價272元,槓桿比率約9.1倍。

 

吉利認購證15859,行使價13.52元,23年03月到期,實際槓桿約7.3倍。

吉利認沽證19144,行使價13.31元,23年03月到期,實際槓桿約4.7倍。

吉利熊證69832,收回價14.5元,行使價15元,槓桿比率約6.8倍。

 

中芯認購證24992,行使價19.9元,23年03月到期,實際槓桿約9.1倍。

華虹認購證14426,行使價35.88元,23年09月到期,實際槓桿約3.3倍。


...       
更多
01月27日 上午 10:36
強者越強?小米比亞迪繼續升!

港股今朝喺高位有少少抖氣,雖然恒指高位都見過22,700點,但亦一度回落至22,500點以下,而市場焦點繼續落喺強勢股身上,似乎有強者越強之勢。#gif_3#

 

尋日因為憧憬造車有進展嘅小米(1810),單日爆升逾12%之後,今朝曾再升逾3%,再升至13.78元嘅逾半年高位。雖然升得急,尋日資金難免流出好倉獲利,但都見有追貨資金向上換馬,揀到行使價喺14蚊以上Call。趁小米今日仲有得升,順勢追貨有冇得諗?#gif_4#

 

尋日強勢嘅車股,今朝焦點放喺比亞迪(1211)身上,雖然低位輕輕跌穿過240蚊,但高位亦曾升逾2%至245蚊樓上。Tesla業績好,可能係帶動比亞迪股價走勢嘅原因,不過資金流同小米有啲似,急升股都係好倉沽貨獲利、淡友入場博回套。若果想跟住資金流揀淡倉,中距離熊或者比Put輪更吸引,雖然500兌1熊同100兌1價外Put,喺面值上分別冇之前咁大,但槓桿卻明顯以熊證較吸引,而且免除引伸影響,大家持倉或者可以考慮少樣嘢。

 

小米及比亞迪輪證選擇

 

小米認購證22761,行使價14.62元,23年06月到期,實際槓桿約5.5倍。

小米熊證57166,收回價14.88元,行使價15.28元,槓桿比率約7.5倍。

 

比迪認購證23873,行使價269.08元,24年03月到期,實際槓桿約3.2倍。

比迪熊證68152,收回價258元,行使價262元,槓桿比率約10.7倍。

比迪熊證67962,收回價268元,行使價272元,槓桿比率約8.8倍。


...       
更多
01月26日 上午 10:38
紅盤高開!無北水港股先發威?

以為過年前突破兩萬點已經好勁?結果兔年返嚟,港股升勢持續,恒指今朝高位曾急升逾400點,爭50點左右就觸及22,500點關口。#gif_3#

 

過年前終結十連跌嘅美團(3690),今朝成功重上170蚊關口。內地復常後,市場憧憬居民出生可能利好美團,或者係刺激股價回穩嘅原因。騰訊(0700)成功突破400蚊,亦係另一個升市動力;不過要講升得多,ATMX要睇隻小米(1810),高位急升逾8%至12.88元,係逾半年高位。有報道披露咗小米汽車嘅設計稿,公司已澄清係早期招標設計稿,並唔係最終文件,但股價反而好似有少少因禍得福,唔知係咪因為有實物揸手,反而令大家覺得造車真係有進展?#gif_4#

 

至於舊經濟股,就要睇隻滙豐(0005),今朝破位高見58蚊,而對上一次見58蚊,原來已經係3年前。滙豐呢類股份,每日升幅雖然唔大,但原來每日升少少,已經一啲都唔落後。由於佢好少一日急升,如果想追好倉,即使揀輕微價外Call,實際槓桿都唔低,等到價先再向上換馬,亦可較好咁控制風險。#gif_1#

 

兔年大吉,祝各位投資者新一年心想事成,龍馬精神!#jpg_3#

 

藍籌股輪證選擇

 

美團認購證28048,行使價188.98元,23年04月到期,實際槓桿約6.5倍。

美團認沽證28984,行使價147.9元,23年04月到期,實際槓桿約5.5倍。

美團牛證63464,收回價151.88元,行使價148.88元,槓桿比率約7.0倍。

美團熊證57972,收回價200元,行使價203元,槓桿比率約5.3倍。

 

騰訊認購證16261,行使價438.138元,23年06月到期,實際槓桿約7.0倍。

騰訊認沽證22107,行使價403.655元,24年03月到期,實際槓桿約1.6倍。

 

小米認購證22761,行使價14.62元,23年06月到期,實際槓桿約5.9倍。

小米熊證57166,收回價14.88元,行使價15.28元,槓桿比率約5.7倍。

 

滙豐認購證19049,行使價62.93元,23年03月到期,實際槓桿約20.8倍。


...       
更多
01月20日 上午 10:23
收爐有得升!連美團都終結十連跌?

嚟到虎年最後一個交易日,外圍雖然要捱沽,不過港股喺歲晚收爐反而有得升,恒指今朝高位曾升逾250點,重上21,900點水平,但始終同兩萬二關口都係爭少少。假期前成交例牌減少,仲要冇埋北水,可能要寄望兔年先可以挑戰兩萬二。#gif_1#

 

科技股普遍有得升,新遊戲早幾日獲批版號嘅騰訊(0700),高位曾觸及390蚊,表現固然搶眼,但睇實已經十連跌嘅美團(3690),今日亦都重拾升勢,高位升逾4%至167蚊以上。美團自從被騰訊派股之後連日捱沽,唔通沽壓已經開始消散?#gif_4#

 

至於即市令人較失望嘅藍籌股,就要數隻港交所(0388)。滬深交易所出咗份意見,話想擴大滬深港通股份嘅準則,不過市場暫時未見憧憬,港交所今朝維持喺360蚊反反覆覆。港交所近日由380蚊以上嘅高位,回落到近日360蚊水平以下,好友近日都分注吸納好倉,或者係觀望兔年回勇機會。#gif_5#

 

歲晚收爐,祝各位投資者新一年萬事如意,得心應手!#gif_3#

 

藍籌股輪證選擇

 

騰訊認購證16261,行使價438.138元,23年06月到期,實際槓桿約7.7倍。

 

美團認購證28048,行使價188.98元,23年04月到期,實際槓桿約6.5倍。

美團認沽證28984,行使價147.9元,23年04月到期,實際槓桿約5.3倍。

美團牛證63464,收回價151.88元,行使價148.88元,槓桿比率約9.0倍。

 

港交認購證22756,行使價425.2元,23年03月到期,實際槓桿約13.0倍。

港交認沽證22938,行使價305.68元,23年03月到期,實際槓桿約12.0倍。

港交熊證57631,收回價388元,行使價390元,槓桿比率約11.8倍。


...       
更多
01月18日 上午 10:59
新Game賀新歲!騰訊網易遊戲獲批版號!

科技股近日雖然高位整固,不過手遊股又有新消息。內地公布咗今年首份國產遊戲獲批版號名單,騰訊(0700)同網易(9999)都有遊戲成功獲批。騰訊今朝高見380蚊水平,升至逾半年高位,表現已經叫相對含蓄。網易升勢更凌厲,今朝一度急升逾7%,高見143蚊以上嘅逾4個月高位,之後仍維持喺140蚊附近靠穩。#gif_3#

 

由於近期騰訊已經反彈唔少,即使好友繼續睇好,近期或者先傾向揀貼價Call,等到價之後先考慮再向上換馬。至於網易,除咗有新手遊獲批,本來只係桌面限定嘅王牌大型多人上線RPG《逆水寒》,亦最新註冊咗手遊版,呢個可能係點解網易今朝跑贏嘅原因之一;不過可能升得急,資金雖然有小注追貨,但似乎反手揀淡倉資金更多,主要考慮中距離熊證以免除引伸影響。#gif_2#

 

唔講唔覺,原來一向被視為視頻股嘅嗶哩嗶哩(9626),都有新手遊《艾塔紀元》獲批,不過今朝表現麻麻,低位曾跌逾3%至205蚊樓下,其後徘徊喺210蚊以下偏軟。資金流亦傾向淡靜,但會唔會反而係部署機會呢?#gif_4#

 

網遊股輪證選擇

 

騰訊認購證24904,行使價384.805元,23年03月到期,實際槓桿約10.6倍。

騰訊認購證16261,行使價438.138元,23年06月到期,實際槓桿約6.8倍。

 

網易認購證23464,行使價168.1元,23年05月到期,實際槓桿約5.4倍。

網易熊證63131,收回價168元,行使價170元,槓桿比率約4.9倍。

 

嗶哩認購證26910,行使價264.2元,23年09月到期,實際槓桿約2.2倍。


...       
更多
01月16日 上午 11:07
七連跌!美團到底發生過甚麼事?

港股扶搖直上,不過美團(3690)近期表現認真差,低位仲跌逾3%至165蚊,暫連跌7個交易日。個幾星期之內,美團由接近200蚊嘅高位,回落至165蚊附近嘅低位,呢段時間,美團到底發生過甚麼事?#gif_6#

 

其實發生過嘅,只有一件事,就係騰訊(0700)派美團股份除淨咗。雖然騰訊派美團股份,要到成3月先收到貨,但除淨咗意味股東肯定會貨收,話唔定有啲騰訊借貨沽咗先,到時真係收到貨再還返都唔定。美團呢段時間嘅沽壓,騰訊除淨因素或者係原因之一。#gif_10#

 

內地取消隔離政策之後,做外賣仔生意嘅美團理應受惠,所以呢段時間接連受壓,都開始吸引到啲好友入場,但隨著越撈越跌,好友都開始向下換馬,由行使價200蚊以上嘅Call,下移至行使價喺190蚊以下嘅Call,減低價外幅度。驚引伸跌嘅,就下移至收回價喺150蚊附近嘅牛,拉遠與現水平嘅距離。#gif_2#

 

美團輪證選擇

 

美團認購證25225,行使價205.2元,23年03月到期,實際槓桿約8.4倍。

美團認購證28048,行使價188.98元,23年04月到期,實際槓桿約6.1倍。

美團認沽證28984,行使價147.9元,23年04月到期,實際槓桿約4.7倍。

美團牛證63464,收回價151.88元,行使價148.88元,槓桿比率約8.5倍。


...       
更多
01月13日 上午 10:35
通脹真回落?滙豐破位支撐大市!

美國舊年連番加息下,尋晚最新公布嘅通脹,增幅終於回落,上月美國CPI按年升6.5%,較11月嘅7.1%增幅低,符合市場預期,而按月計,更錄得0.1%跌幅,係超過兩年半以嚟首次。美股尋晚有得升,港股今朝就窄幅靠穩,恒指徘徊喺21,500點附近。#gif_1#

 

尋日話備戰通脹提過嘅兩個板塊,今日真係有得升。滙豐(0005)再破位向上,早段升逾2%至55蚊樓上,係超過10個月高位。科技股開始高位回軟,可能都要金融股接一接力,睇好滙豐嘅資金,都見進一步向上換馬到行使價喺60蚊以上嘅Call輪。#gif_3#

 

至於憧憬環球經濟復甦會帶動原油需求,紐約期油升勢持續,油股亦跟隨受惠。中海油(0883)今朝高位升逾2%,成功重上10.5元水平。中石油(0857)升幅同樣超過2%,突破咗3.8元水平。油股追落後,開始吸引資金小注追入。#gif_4#

 

銀行及石油股輪證選擇

 

滙豐認購證20364,行使價60.05元,23年04月到期,實際槓桿約14.3倍。

滙豐牛證63421,收回價44.88元,行使價43.88元,槓桿比率約5.4倍。

 

海油認購證25168,行使價10.759元,23年06月到期,實際槓桿約8.8倍。

海油認沽證23866,行使價8.47元,23年05月到期,實際槓桿約8.5倍。

海油牛證57501,收回價9.3元,行使價9.05元,槓桿比率約8.1倍。

海油熊證69210,收回價11.646元,行使價11.917元,槓桿比率約7.5倍。

中油認購證28533,行使價4.29元,23年07月到期,實際槓桿約7.2倍。


...       
更多
01月12日 上午 10:40
備戰通脹數據?有咩板塊要留意?

大家好關注嘅美國通脹數據,喺本港時間星期四晚,即係今晚,就會公布,市場普遍預期CPI會由上月嘅7.1%,進一步回落至6.5%。雖然同聯儲局2%嘅目標仲距離好遠,但起碼見到有回落嘅趨勢;而市場亦都普遍估計,美國雖然會繼續加息,但加息幅度可能未必會好似上年咁大,加息步伐亦有望減慢。#gif_4#

 

加息步伐若果減慢,理論上當然利好大市,而板塊方面,大家第一時間可能會聯想到銀行股。滙豐(0005)近期走勢唔錯,雖然每日升幅唔係話好大,但今朝高見53.95元,係逾8個月高位,話唔定滙豐喺新年前,都會維持住慢牛向上嘅格局。#gif_1#

 

加息減慢,加埋內地取消隔離政策後,市場憧憬環球經濟復蘇,或會利好原油需求,石油股今朝追落後。啱啱公布咗產量目標,以及未來兩年派息政策嘅中海油(0883),今朝曾升近3%,高見10.4元的逾一個月高位,CPI公布前或者可以考慮搭順風車。中石油(0857)高位更曾升近半成,逼近3.8元水平,短線或留意上試4蚊關口嘅機會。#gif_3#

 

銀行及石油股輪證選擇

 

滙豐認購證20364,行使價60.05元,23年04月到期,實際槓桿約14.2倍。

滙豐牛證63421,收回價44.88元,行使價43.88元,槓桿比率約6.0倍。

 

海油認購證25168,行使價10.759元,23年06月到期,實際槓桿約7.2倍。

海油認沽證23866,行使價8.47元,23年05月到期,實際槓桿約7.5倍。

海油牛證57501,收回價9.3元,行使價9.05元,槓桿比率約8.4倍。

海油熊證69210,收回價11.646元,行使價11.917元,槓桿比率約6.6倍。

中油認購證28533,行使價4.29元,23年07月到期,實際槓桿約6.9倍。


...       
更多
    輪證小知識
    輪證小知識相關帖文