輪證動態專頁

06月02日 下午 08:30
【睇片】輪證買賣心法,出入位、止賺止蝕點訂好?《輪證錦囊案內所》第六集

快樂既時光過得特別快,唔經唔覺就去到《輪證錦囊案內所》既最後一集,多謝大家支持。 過去五集當中,瑞信Ivan、前交易員Gary(小兵)及財經主持Season,分享好多平日少喺發行商節目聽到,但其實好重要既輪證知識,希望幫到大家。 呢個終章Ivan 就揀咗輪證心法做主題,因為大家響過去幾集學識咗基本既輪證知識後,當實戰應用時,心理質素同樣非常重要,往往係贏輸既關鍵。Ivan 同Gary就一齊分享咗佢地既交易經驗同心得。

 

《輪證錦囊案內所》第六集  6月2日 晚上八點半

本集焦點:

1. 點解設定輪證交易藍圖咁重要?

2. 設定交易時間同產品選擇有咩關係?

3. 點樣決定止蝕同推高止賺位既方法

4. 技術分析既盲點係咩?點樣配合市場情況操作?

5. 何謂值博率,點揀勝率較大的交易機會?

6. 根據值博率以及預期走勢分配注碼,點樣會越贏越無壓力?

7. 倍升輪可預不可求,揀仙輪同短輪注意點

 

重溫 《輪證錦囊案內所》  

第一集 買窩輪牛熊證要咁樣先可以提高勝算?  請按此收看。

第二集 恒指牛熊街貨重貨區係咪大戶殺倉位?  請按此收看。

第三集 騰訊業績前有過億資金部署! 資金流係咪一定係「春江鴨」?  請按此收看。

第四集 業績期炒季績,等政策公佈點解「中邊」都會中伏?點樣做先精明?  請按此收看。

第五集 又黑天鵝又灰犀牛?輪證策略點應對先有機會追番?   請按此收看。


...       
更多
2小時前 今日 下午 02:21
恒指先高後低,今日到好友出手?

今朝恒指受惠番騰訊業績後高開,但係逼近25500點之後就好快回,騰訊破唔到十天同二十天線後就即刻見獲利回吐湧現,沽盤沽到上晝倒跌,下晝初步響510蚊回穩,拖番大市落25200。今朝大市衝高,早段資金買熊證,落番25300上日高位時,即市資金就一直加牛證,到25200點都無變過。#jpg_9#

 

騰訊(0700)份業績出完後,暫時下一份「萬眾期待」既業績就要去到8月19日號阿里(9988),可能大市就靜一靜,等埋中美周末既視像會議先睇下點行。#jpg_5#

 

技術上,如果收穿番25200,聽日或者順勢再試一試25000大關,如果舊經濟股接唔到力,25500點呢個位暫時似乎未有動力突破到住。捕捉區間波幅既話,用住大概500點以上收回距離既恒指牛熊證先。

 

 

恒指相關輪證選擇

 

恒指牛證69462,收回價24650點,行使價24550點,槓桿比率約51.21倍,兌換比率12000。

恒指牛證69560,收回價24500點,行使價24400點,槓桿比率約41.99倍,兌換比率10000。

 

恒指熊證68333,收回價25500點,行使價25600點,槓桿比率約51.42倍,兌換比率10000。

恒指熊證66922,收回價25600點,行使價25700點,槓桿比率約41.31倍,兌換比率10000。

 


...       
更多
5小時前 今日 上午 11:32
【睇片】「沈大師」現身同Ivan用騰訊業績教部署!

一連十集(逢星期三) 嘅《輪證錦囊案內所》到今個星期第六集,繼續有瑞信Ivan、前交易員Gary(小兵)及財經主持Season大講輪證實用話題。

 

唔少投資者成日響坊間聽到好多「即市高沽低揸」嘅輪證投資策略,但係實行就知易行難,有時高追咗,有時就錯邊唔肯止蝕,結果由短炒變成要問發行人剩餘價值。

 

Ivan呢集會分享佢認為投資者如果用輪證做即市或者好短期嘅部署,有邊啲市場訊息要注意,訂定即市嘅止蝕同止賺位,又同平時揸幾日嘅倉位有乜野唔同。

 

仲有業績期剛剛開始,就迎來投資者最關心嘅騰訊嘅業績,「沈大師」沈振盈仲驚喜現身分析騰訊業績, 即席同Ivan一齊用騰訊做案例教即市同短期部署策略(影片1:00:39開始)。

 

 

內容豐富實用,不容錯過,想捕捉大市突破機會,立即學好輪證基礎,提升實戰技巧!逢星期三,晚上九點正至十點正,即場直播接受提問,互動教學!

 

 

 

輪證錦囊案內所II  第六集 8月12日星期三  晚上9點正 準時睇直播! 

 

第一節:恒指牛熊證即市操作要點,三個值得留意既資訊!

-何謂即市部署嘅Top Down Approach?

-如果從不同時區嘅圖表中找出技術支持及阻力位?

-即市止賺/止蝕位如何訂定?

-恒指牛熊證重貨區會影響即市波幅?

-怎樣查找投資者是否逆勢而作相反策略部署?

 

第二節: 騰訊績後翌日部署及不同案例(沈大師+Ivan)

-沈大師騰訊業績分析

-騰訊績後翌日的短期輪證部署策略

-舊經濟股一旦反彈的技術操作及選證策略

-業績表現未如預期的止蝕或換馬策略(鐵塔)

-吉利汽車走勢及輪證操作案例

-觀眾答問Q&A

 

重溫《輪證錦囊案內所》第二季

第一集  您揀嘅輪行使價如何,您的命運也必如何!請按此收看。

第二集  揀輪唔好睇溢價,咁其實睇咩野先啱?+大量案例  請按此收看。

第三集  街貨量多嘅輪係咪一定唔好沾手?莊家盤同買賣差價點睇?請按此收看。

第四集  技術分析加輪證又得唔得? 請按此收看。

第五集  發行商講果套輪證策略係咪最好? 請按此收看。


...       
更多
5小時前 今日 上午 11:04
舊經濟股翻身,聯通抽升帶旺中移動!

資金輪動,尋日資金追捧大落後嘅滙豐(0005),今日輪到電訊股受捧。聯通(0762)公布,半年純利按年升逾一成至超過75億人仔,好過市場預期。聯通績後顯著抽升,高位急升逾21%,高見5.5元以上。當然升得咁急,敢追貨嘅都係勇者,都係以小注為主。#gif_3#

 

可能眼見聯通已經升咗上嚟,資金即刻搜尋同板塊、但又抽上去嘅其他電訊股,中移動(0941)走勢亦受帶旺,升幅曾經擴大至逾半成,高位更加突破60蚊關口。順帶一提,中移動中午會公布中期業績,券商預期變動唔大。由於市場原先對佢冇咩特別憧憬,若果盈利有些少驚喜,又或者派息有得加,股價話唔定有機會受惠。#gif_7#

 

同場加映,電訊設備股中通服(0552)今朝亦重上5蚊,升幅一度接近3%。近期有資金小注吸納佢嘅好倉,唔知一向走勢平穩嘅佢,有冇追落後機會?#gif_2#

 

電訊相關股窩輪選擇

 

中聯認購證18041,行使價5.38元,21年01月到期,實際槓桿約4.2倍。

中移認購證16352,行使價65.05元,20年11月到期,實際槓桿約8.8倍。

中移認沽證25587,行使價52.47元,21年01月到期,實際槓桿約6.6倍。

中通認購證14400,行使價5.55元,21年01月到期,實際槓桿約3.0倍。


...       
更多
08月12日 下午 01:55
疫苗除咗係病毒殺手,仲係黃金殺手?

俄羅斯突然宣布,已經成功研發出對抗新冠病毒嘅疫苗,大家雖然仲觀望緊究竟有冇效,不過市場嘅避險情緒顯著降溫,金價繼尋晚急跌之後,喺亞洲交易時段仲跌穿埋每盎司1,900美元水平。睇嚟疫苗能唔能夠殺死病毒,仍然有待觀察,但已好明顯咁「殺死」咗金價。#gif_2#

 

金價急跌,金礦股亦難免受壓。山東黃金(1787)低位曾跌逾一成,曾經失守過20蚊關口。紫金礦業(2899)低位曾跌逾12%,下試4.3元水平。至於招金礦業(1818)曾經跌逾8%,險守8.3元水平。#gif_6#

 

跌得咁急,資金難免會試吓開金礦股好倉博反彈,但已下移至價外幅度低些少嘅產品。疫情之外,仲有咩潛在消息有機會令避險情緒反彈返?大家或者要留意住中美關係會唔會再惡化。#gif_4#

 

金礦股窩輪選擇

 

東金認購證11333,行使價23.129元,20年11月到期,實際槓桿約4.7倍。

招金認購證20201,行使價10.88元,21年04月到期,實際槓桿約3.2倍。

 

紫金認購證20480,行使價5.38元,21年10月到期,實際槓桿約2.4倍。

紫金認購證18002,行使價5.08元,21年01月到期,實際槓桿約3.7倍。


...       
更多
08月12日 下午 01:30
匯豐急彈3%,挾淡定轉勢?

匯豐(0005)出完業績後,股價一度跌穿埋33蚊,不過今朝表現就「威威」,彈返成3%,仲上番35蚊樓上。要搵原因都有兩個既,第一就係外圍既舊經濟股呢幾日表現係好返,資金由新經濟股去返舊經濟股度;第二就係俄羅斯尋晚公佈左話整到疫苗,雖然暫時披露既訊息唔多,成效大家都未研究到,但市場就樂觀返啲,覺得最壞情況可能過左,就開始買返銀行股。挾淡定轉勢,就睇投資者點解讀呢啲資訊。#gif_8#

 

其實呢幾日唔止匯豐有買盤,外圍既銀行股都一樣升。不過,輪證市場既資金流對匯豐走勢就未有共識住,Call輪有人走亦有人入貨;而當正股上番35蚊樓上,就見到有投資者加put 。#jpg_5#

 

技術上,匯豐如果收市企穩35蚊,造淡既不妨等等,寧願睇佢會唔會再彈上去上次高位約37.5左右先考慮博回吐,一係就股價落番35蚊樓下,確認左短期阻力先,因為當環球資金入番銀行股,睇淡都寧願等值博率提高先出手。#jpg_1#

 

至於今朝入場買Call既,可能就覺得當坊間一面倒睇淡,往往係建好倉之時,佢地主要揀輕微價外Call,大概36-38蚊呢類證,望稍後入價,條款上都合理。

 

匯豐相關輪證選擇

滙豐認購證12367,行使價37.88元,20年11月到期,實際槓桿約8.65倍。

滙豐認購證19823,行使價38.08元,21年01月到期,實際槓桿約6.52倍。

 

滙豐認沽證12373,行使價29.95元,20年11月到期,實際槓桿約8.21倍。


...       
更多
08月12日 上午 11:14
鬥業績後跌得多?閱文挫一成、華虹曾跌逾17%......

企業陸續公布業績,但就未必份份成績表都表現理想。騰訊系嘅閱文集團(0772)公布,上半年收入雖然有增長,但由於有巨額商譽減值,半年盈轉虧要蝕近33億人仔。績後股價曾急跌逾13%,低位回落至44蚊以下。#gif_6#

 

事實上,閱文早喺7月中已經發出盈警,當時已預期商譽減值會達到37億至47億元人仔,可以話俾晒心理準備市場,而股價由上星期五起,計埋今日已經四連跌。內地上半年受疫情影響,拍戲拍劇延期係預期之內,不過閱文話在線閱讀業務面臨挑戰,免費閱讀業務未能達到預期,就唔多唔少令市場添多一層憂慮。閱文急跌下,吸引小注資金博反彈,但部署上都以行使價喺50蚊附近嘅Call輪為主,而50兌1嘅產品面值較低。#gif_7#

 

如果計績後跌得急嘅,晶片股代表華虹半導體(1347)跌得更急,低位急跌逾17%,落到28蚊樓下,計埋今日同樣係4連跌。晶片業雖然受到國家扶持,但華虹中期溢利卻按年跌近六成,而管理層嘅第三季指引,預期毛利率約22至24%,亦比第二季嘅約26%低。#gif_10#

 

華虹捱沽,但博反彈嘅資金唔算多;反而同屬晶片股嘅龍頭股中芯國際(0981),今日低位跌近7%,反而吸引好友喺股價徘徊26蚊邊緣時開好倉,或者反映投資者覺得中芯比華虹更值博?#gif_4#

 

科網及晶片股輪證選擇

 

閱文認購證11164,行使價52.88元,21年09月到期,實際槓桿約2.2倍。

閱文認購證27275,行使價46.88元,20年11月到期,實際槓桿約4.0倍。

 

華虹認購證15973,行使價38.88元,21年01月到期,實際槓桿約3.4倍。

華虹認購證15337,行使價28.28元,20年12月到期,實際槓桿約2.6倍。

 

中芯認購證18207,行使價30.88元,21年01月到期,實際槓桿約2.7倍。

中芯認沽證15462,行使價23.28元,21年01月到期,實際槓桿約1.7倍。

中芯牛證62206,收回價22.28元,行使價21.68元,槓桿比率約4.7倍。

中芯熊證69793,收回價31.88元,行使價32.88元,槓桿比率約3.4倍。


...       
更多
08月12日 上午 11:11
騰訊阿里走勢麻麻,績前部署要注意啲咩?

騰訊(0700)同阿里(9988)今朝表現都比較弱,騰訊績前無咩資金部署,又或者咁講,要部署既,唔少響呢一兩日騰訊跌到510-520之間已經入左場,呢一刻唔少投資者就比較觀望。撇開美國對微信既禁令,睇返外圍科技股,呢幾日都有啲回吐,資金有啲回流番去舊經濟股度,都令到騰訊無前一排咁強#jpg_8#。

 

睇埋阿里,今朝低開後慢慢跌多左,失守埋240蚊,今日上唔番240蚊樓上既話,都要留意技術走勢係咪轉弱緊#gif_6#。

 

騰訊今日收市後公佈業績;阿里就要去到8月19號。要扭轉當前偏弱走勢,就要睇番業績說唔說服到市場。呢個情況之下,如下覺得業績出左後股價會回升,最好都係揀貼價少少既Call,因為趨勢轉弱,您要坐住等,就要諗下點樣降低番持倉既每日時間值損耗,響逆風下著重番防守#jpg_4#。

 

如果睇淡,不妨下晝睇下有無資金業績前買番騰訊,候高再部署。股價去到500蚊邊既大位,守住反彈定八守「插水」,兩邊幅度都可能唔細。

 

相關輪證選擇

騰訊認購證15570,行使價638.88元,21年01月到期,實際槓桿約6.88倍。

騰訊認購證15463,行使價590.88元,21年01月到期,實際槓桿約6.62倍。

騰訊認沽證15334,行使價431.88元,20年12月到期,實際槓桿約6.18倍。

 

阿里認購證18230,行使價272.88元,21年01月到期,實際槓桿約5.98倍。

阿里認沽證17115,行使價234.88元,21年01月到期,實際槓桿約4.25倍。


...       
更多
08月11日 下午 01:35
舊經濟發力大市又試二萬五,淡友堅定加倉

尋日大市升到24500遇阻,淡友淨倉位都加左唔少,今日大市受資金回流舊經濟股帶動,下晝再升近25000,其實大市升到24900左右,淡友已經開始加倉,之後大市回左僅僅幾十點就一直橫行,下晝再發力,突破左今朝高位。淡友似乎又唔係太擔心會再被挾倉,食完飯返嚟一直加淡倉,仲要係幾進取咁揀25100附近收回既熊證。#jpg_5#

 

即市見大市企唔穩25000,但係澳門博彩股,電訊股等等仲係企響日中高位,如果宜家開熊,就記得緊守止蝕紀律,一旦大市明確收復25000,到時就貼熊要考慮係咪換馬。未企穩既,就暫時可以用熊證捕捉住幾十點波幅先。#jpg_1#

 

恒指相關輪證選擇

 

恒指牛證53633,收回價24150點,行使價24050點,槓桿比率約33.74倍,兌換比率10000。

恒指牛證57000,收回價24100點,行使價24000點,槓桿比率約31.61倍,兌換比率10000。

 

恒指熊證68312,收回價25350點,行使價25450點,槓桿比率約42.47倍,兌換比率12000。

恒指熊證63574,收回價25550點,行使價25650點,槓桿比率約31.53倍,兌換比率12000。


...       
更多
08月11日 上午 11:10
騰訊網易京東連環放榜,三份業績有咩值得留意?

騰訊(0700)、網易(9999)同京東(9618)三隻科網股,分別由聽日起,連續3日公布業績。科網股經過近期嘅調整之後,今日個別發展,騰訊急跌後反彈;網易就維持喺145元附近徘徊;至於京東就企穩240蚊以上。三隻股份嘅業績,究竟有咩值得留意?#gif_1#

 

騰訊近日因為美國針對微信嘅禁令而受拖累急跌,業績或唔定係股價轉勢嘅契機,點解咁講?券商普遍預期騰訊第二季業績唔差,因為抗疫在家後,手遊收入預期會錄得唔錯嘅增長,不過暗湧係廣告收入會唔會因為商戶推遲宣傳而下跌,同埋管理層會唔會就美國禁令有更多解說。#gif_2#

 

網易同騰訊同屬網遊股,一樣憧憬會受惠於抗疫留家令手遊收入上升,而且佢仲有網上教學務,都係疫情潛在受惠股,所以券商對業績亦睇得比較正面。至於京東,作為電商網購股,由於疫情令消費者習慣咗網購,加埋期內有618電商銷售節,能唔能夠帶動盈利增長?大家不妨拭目以待。#gif_8#

 

業績科網股窩輪選擇

 

騰訊認購證15570,行使價638.88元,21年01月到期,實際槓桿約6.9倍。

騰訊認沽證15334,行使價431.88元,20年12月到期,實際槓桿約6.4倍。

 

網易認購證18511,行使價173.98元,21年01月到期,實際槓桿約5.5倍。

網易認沽證16859,行使價125.88元,21年01月到期,實際槓桿約4.2倍。

 

京東認購證15158,行使價280.88元,20年12月到期,實際槓桿約5.4倍。

京東認沽證17590,行使價227.88元,21年01月到期,實際槓桿約3.8倍。


...       
更多
    輪證小知識
    輪證小知識相關帖文