輪證動態專頁

07月08日 下午 09:00
【睇片】「您揀嘅輪行使價如何,您的命運也必如何!」《輪證錦囊案內所II》第一集

第一輯嘅《輪證錦囊案內所》有觀眾話想聽多啲關於輪證嘅基礎知識,特別係用實例做嘅例子,令大家可以投資輪證時叻啲。呢啲要求Ivan 都收到哂,今季 (第二季) 嘅十集,瑞信Ivan繼續同前交易員Gary (小兵) 及財經主持Season會用更多實例講解點去因應市況買合適條款嘅輪證。每集三位會預留十五分鐘回答實戰操作問題,將基礎知識融入實例,教大家活學活用!

 

輪證錦囊案內所II  第一集  7月8日星期三  晚上9點正 

 

本集精彩內容:

第一節:

- 認股證(窩輪價格兩大因素:行使價同到期日?)

- 同樣行使價,相近到期日,唔同相關資產,點解輪價可以差咁遠?(恒生銀行輪vs平安好醫生輪)

- 點解兩隻輪,一隻升得唔錯,一隻唔升仲要跌?

- 揸左隻輪個幾星期,點解股價去番同一個位但輪價唔見左兩成?(阿里輪22997 vs 15725)

 

第二節 :

- 引伸波幅係咩?高低引伸點定出嚟? 

- 搞咁多野?買期權又係咪一定好?

- 點解低引伸嘅輪唔一定係最好?

- 揀輪點樣為之配合市況揀條款?

- 又話仙輪好危險,點解佢今日升幅好勁?近期市況反而可取?

- 又話換馬好?點解換行使價高啲嘅輪反而輪價又貴啲,升幅又細啲?

- 即時比較阿里輪,解釋邊隻條款最適合現時市況。

 

今季嘅內容繼續豐富實用,不容錯過,想捕捉大市突破機會,立即學好輪證基礎,提升實戰技巧!逢星期三,晚上九點至十點,即場直播接受提問,互動教學!

 

重溫《輪證錦囊案內所》第二季

第一集  您揀嘅輪行使價如何,您的命運也必如何!請按此收看。

第二集  揀輪唔好睇溢價,咁其實睇咩野先啱?+大量案例  請按此收看。

第三集  街貨量多嘅輪係咪一定唔好沾手?莊家盤同買賣差價點睇?請按此收看。

第四集  技術分析加輪證又得唔得? 請按此收看。

第五集  發行商講果套輪證策略係咪最好? 請按此收看。

第六集  「沈大師」現身同Ivan用騰訊業績教部署! 請按此收看。

第七集  ISG救倉行動! 睇錯市睇錯業績,輪證有貨點算好? 請按此收看。

 

重溫《輪證錦囊案內所》 第一季

第一集 買窩輪牛熊證要咁樣先可以提高勝算?  請按此收看。

第二集 恒指牛熊街貨重貨區係咪大戶殺倉位?  請按此收看。

第三集 騰訊業績前有過億資金部署! 資金流係咪一定係「春江鴨」?  請按此收看。

第四集 業績期炒季績,等政策公佈點解「中邊」都會中伏? 點樣做先精明?  請按此收看。

第五集 又黑天鵝又灰犀牛?輪證策略點應對先有機會追番?   請按此收看。

第六集 輪證買賣心法,出入位、止賺止蝕點訂好?   請按此收看。


...       
更多
20小時前 昨日 上午 12:15
點解美團升,大部分Call輪都要跌?

美團(3690)季績好過預期,不過對股價似乎冇咩影響,大致保持喺290蚊附近徘徊。不過細心嘅投資者可能留意到,點解市場上大部分嘅美團Call,輪價都係要跌,莫非業績後引伸波幅下跌,即係俗稱嘅「縮窩」,縮得咁厲害?#gif_4#

 

不,雖然美團業績公布後,引伸波幅確實有跌,不過今次嘅主因唔係咁。唔知大家有冇留意,尋日係MSCI指數調整比重嘅日子?由於呢個因素,令到包括美團在內嘅唔少股份,競價前同競價後都有比較大嘅分別。以美團為例,尋日4點價格係294.8元,但到4點2正式收市,價格係290蚊,即係收低近5蚊。#gif_2#

 

不過,窩輪同牛熊證並無競價,即係輪證嘅前收市價反映嘅,係美團下午4點嘅價格:因此,即使今日正股高過290蚊、但低過295蚊,從輪證角度睇,反映嘅正股價格依然係向下,亦解釋咗點解今日啲美團Call輪價格要跌,因為佢計嘅正股價格確實係下跌。#gif_7#

 

至於績後美團唔多郁,有好友覺得業績理應對股價帶嚟刺激,即市見Call輪有資金流入,但已經下移返到行使價350蚊樓下嘅Call輪,減低價外幅度。#gif_1#

 

美團輪證選擇

 

美團認購證25552,行使價340.88元,21年03月到期,實際槓桿約5.9倍。

美團認沽證25375,行使價250元,21年02月到期,實際槓桿約5.9倍。

美團牛證54323,收回價277.77元,行使價274.77元,槓桿比率約15.2倍。

美團熊證57259,收回價318.88元,行使價321.88元,槓桿比率約8.2倍。


...       
更多
21小時前 昨日 上午 11:04
藥石無靈?中生製藥曾急跌近14%.....

內地帶量採購對藥股影響有幾大?睇吓中國生物製藥(1177)份業績就知道。第三季純利按年跌約18%,兼且被券商下調目標價。中生製藥今朝低位曾急跌近14%,低位暫守6.7元,雖然之後跌幅略收窄,仲係跌超過一成,暫時未上得返7蚊。#gif_6#

 

中生製藥急跌,有人即刻諗到帶量採購對其他藥股一樣有影響,另一隻藍籌藥股石藥集團(1093)低位曾跌約3%,不過跌勢比中生製藥含蓄。由於藥股板塊捱沽,持貨風險依然唔細,若果想博反彈,可能都要下移到低啲行使價嘅Call,減低價外幅度。#gif_8#

 

至於早前同樣因為帶量採購而急跌嘅醫療設備股,近日好似搵到個底,開始有反彈。愛康醫療(1789)今朝高位反彈約6%,重上13蚊水平,暫時已經3連升。微創醫療(0853)高位亦曾升逾4%至35蚊,大家不妨留意醫療設備股係咪已經消化晒不利消息嘅影響。#gif_2#

 

藥股、醫療設備股輪證選擇

 

中藥認購證18978,行使價8.08元,21年07月到期,實際槓桿約3.8倍。

石藥認購證18958,行使價8.18元,21年05月到期,實際槓桿約4.5倍。

石藥牛證51741,收回價6.88元,行使價6.48元,槓桿比率約6.8倍。

 

愛康認購證19117,行使價13.88元,21年05月到期,實際槓桿約2.9倍。

微創認購證18388,行使價37.88元,21年12月到期,實際槓桿約1.9倍。


...       
更多
11月30日 下午 02:00
又見制裁?中海油曾急跌逾11%!

繼續有關於美國制裁嘅消息,外電報道,美國考慮將石油股中海油(0883)同芯片股中芯國際(0981),列入國防部黑名單,或者會限制佢哋得到美國嘅投資。受消息影響,中海油今顯著急跌,低位仲跌成11%,失守埋8.4元水平。#gif_6#

 

其實侵侵制裁中國企業,都唔係新鮮事。冇幾耐之前,已經簽署行政命令,禁止美國人或企業投資31間中資公司。雖然今次官方仲未證實,但中海油已經跌定先。相對中芯雖然都要跌,但表現算相對比較「硬淨」,今日低位跌逾3%,暫守21.5元水平。#gif_7#

 

中海油急跌,自然吸引資金部署好倉,但無論開Call定Put,要留意中海油窩輪嘅引伸波幅,因為呢單消息而升咗,若果之後股價無咁波動,引伸回落返,無論係Call定Put都會受到負面影響。市場上中海油嘅牛熊證,收回價雖然同現水平有啲距離,但始終有負面消息出現,揀遠些少,或者變相幫你減低返部署風險。#gif_8#

 

中海油、中芯輪證選擇

 

海油認購證26757,行使價8.99元,21年03月到期,實際槓桿約6.6倍。

海油認沽證17563,行使價7.68元,21年05月到期,實際槓桿約3.6倍。

海油牛證51706,收回價6.88元,行使價6.58元,槓桿比率約4.7倍。

海油熊證65301,收回價10元,行使價10.3元,槓桿比率約4.0倍。

 

中芯認購證27036,行使價23.08元,21年03月到期,實際槓桿約3.8倍。

中芯認沽證12911,行使價18.88元,21年04月到期,實際槓桿約2.3倍。

中芯牛證54145,收回價20元,行使價19元,槓桿比率約6.7倍。

中芯熊證55567,收回價25.28元,行使價26.28元,槓桿比率約4.1倍。


...       
更多
11月27日 上午 10:41
11月底都仲有業績?美團壓軸放榜!

嚟到11月底,個市都已經Holiday Mood,窄幅整固等放假。咪住!睇埋業績先好放假。咩話?仲有公司未公布業績?係呀,仲要係市值過萬億嘅準藍籌,講緊嘅係尋日重上返300蚊嘅美團(3690)。#gif_1#

 

內地年初受疫情侵襲,美團業務亦曾經受到了負面影響,但隨著疫情逐步受控,美團第二季已經有返錢賺,仲交出一份好過預期嘅季績。嚟到第三季,市場當然寄望盈利表現更加理想。資金尋日已開始部署定業績,單日抽升近半成收市,今朝亦能夠逆市徘徊喺310蚊附近靠穩。#gif_4#

 

不過近期對新經濟股信心比較弱,尋日美團回勇,資金反而反手開淡倉多,單日流入逾950萬錢,而好倉就有資金流出獲利。到今日美團似乎企穩返喺300蚊以上,都見有好友考慮行使價喺360蚊以上嘅Call。大家不妨期待吓呢份壓軸公布嘅業績。#gif_5#

 

美團輪證選擇

 

美團認購證26568,行使價366.66元,21年03月到期,實際槓桿約5.5倍。

美團認沽證25375,行使價250元,21年02月到期,實際槓桿約5.7倍。

美團牛證55087,收回價285.88元,行使價282.88元,槓桿比率約10.3倍。

美團熊證68513,收回價338.88元,行使價341.88元,槓桿比率約8.5倍。


...       
更多
11月26日 下午 02:38
內險午後乍現突破,大市挑戰阻力靠佢?

A股市場保險板塊下晝全線上升,帶動香港上市既多隻內險股都乍現技術突破,好似隻平安,尋日收唔到90蚊樓上,今朝都響90蚊邊上落,下晝就開始升幅擴大,慢慢拋離90蚊。另外,內地資金一直比較睇好既太保(2601)同新保(1336),下晝走勢都強,而太保A股響內地既升幅就比較大。大市係咪可以響期結後再衝27000,都要留意下呢個權重高既板塊。#jpg_1#

 

講番原因,內地有媒體報導日前內地取消財務性股權投資行業限制,優化權益投資上限等多項險資運用政策相繼出台,對內險帶來政策支持。不過,大市今日成交就偏低,所以資金流暫時都唔算太顯著。策略上,即市就可以考慮候低部署為主,但開倉就要有持倉部署既打算,因為日內波幅響期指結算前都可能比較窄。#jpg_4#

 

相關輪證選擇

平安認購證21536,行使價98.93元,21年01月到期,實際槓桿約17.77倍。

平安認購證12945,行使價100.09元,21年02月到期,實際槓桿約12.36倍。

 

平安認沽證18390,行使價77.77元,21年05月到期,實際槓桿約9.68倍。

 

平安牛證58255,收回價86.18元,行使價85.58元,槓桿比率約16.21倍。

平安熊證54360,收回價94.88元,行使價95.48元,槓桿比率約17.7倍。

 


...       
更多
11月26日 上午 11:01
車股調整,博反彈先睇龍頭股?

近日狂飆咗好一大段嘅汽車股,今日出現調整。可能承接住好幾隻電動車中概股尋晚喺美股方面嘅跌勢,比亞迪(1211)今朝先升後回,低位跌約半成,之後喺185蚊附近偏軟。吉利汽車(0175)兩連跌,低位曾跌逾4%至22蚊樓下。#gif_2#

 

早前車股急升時,小編都講過,由於比亞迪同吉利波幅大,窩輪引伸波幅高企,相對牛熊證無論喺價位同槓桿方面,都比窩輪吸引;所以呢一兩日車股回軟,見到好友都係揀呢兩隻股份嘅牛熊證為主。博反彈方面,可能大家對龍頭股較有信心,揀股方面都依然係睇比亞迪同吉利為主。#gif_4#

 

車股回氣,會唔會趁呢個時間留意吓經銷商股?畢竟國策傾向擴大汽車消費,賣邊個牌子嘅車都好,經銷商理論上生意都受惠。永達汽車(3669)宣布增持兩間保時捷4S店股權後,今朝曾急升逾11%,創出13.48元嘅歷史新高,之後回返落13蚊樓下,我哋有度獨家永達Call 13794,大家不妨留意吓。#gif_5#

 

汽車相關股輪證選擇

 

吉利認購證17038,行使價26.88元,21年05月到期,實際槓桿約4.2倍。

吉利認沽證17040,行使價19.88元,21年05月到期,實際槓桿約3.1倍。

吉利牛證56807,收回價20.5元,行使價20元,槓桿比率約9.6倍。

吉利熊證55479,收回價24.88元,行使價25.38元,槓桿比率約6.1倍。

 

比迪認購證17043,行使價238.88元,21年05月到期,實際槓桿約3.2倍。

比迪認沽證16085,行使價152.88元,21年05月到期,實際槓桿約2.3倍。

比迪牛證59869,收回價175.88元,行使價171.88元,槓桿比率約10.4倍。

比迪熊證62148,收回價219.88元,行使價223.88元,槓桿比率約4.5倍。

 

永達認購證13794,行使價14.08元,21年04月到期,實際槓桿約3.0倍。


...       
更多
11月25日 下午 02:03
期望落空個市回番,好友不手軟加貼牛?

恒指今早響施政報告開讀前就一度抽升上27000樓上,之後因為部份尋日既憧憬落空左,好似第二上市股並無好似上日多個媒體報導咁被納入港股通,就觸發呢啲股回吐,加埋港交所都回唔少,拖番個市落去。下晝大市回番去26700左右,資金就大手入牛證,最貼價牛證,以及中距離牛證都一樣有換馬資金入場。可能投資者見到大市橫行左一大段時間後終於上左26700樓上,覺得向上突破既機會大,就比較肯入場買牛博破頂。#jpg_5#

 

不過,大市響施政報告後一直升幅收窄,科技股同舊經濟股呈兩極表現, 要再向上突破,經濟數據配唔配合都係關鍵。睇到舊經濟同新經濟股既兩極表現,投資者又不妨考慮下先以科指熊證建倉,另一邊以恒指牛證對沖,咁當然如果科指升恒指跌就會兩頭輸,但係有信心做呢個pair trade 既話,宜家都有工具俾大家!#jpg_1#

 

恒指輪證選擇

恒指牛證58217,收回價26400點,行使價26300點,槓桿比率約72.09倍,兌換比率10000。

恒指牛證56809,收回價26300點,行使價26200點,槓桿比率約59.27倍,兌換比率10000。

 

恒指熊證55113,收回價27150點,行使價27250點,槓桿比率約48.32倍,兌換比率12000。

恒指熊證54277,收回價27250點,行使價27350點,槓桿比率約37.05倍,兌換比率12000。

 

恒科牛證58168,收回價7700點,行使價7600點,槓桿比率約17.99倍,兌換比率10000。

恒科熊證58229,收回價8200點,行使價8300點,槓桿比率約16.48倍,兌換比率10000。

 


...       
更多
11月25日 下午 01:33
北水夢碎!阿里京東、港交所倒跌……

尋日唔少報道都話,《施政報告》會宣布擴大互聯互通,容許第二上市股份同未有盈利嘅生物科技股,納入滬深港通內;不過報道所講嘅只係啱咗一半 ----- 未有盈利嘅生物科技股,遲啲北水確實可以買,但第二上市嘅中概股呢?卻隻字未提。#gif_6#

 

北水夢碎,幾隻第二上市股份隨即倒跌。阿里巴巴(9988)今朝高見275蚊之後,午後曾跌逾1%,回落至265蚊邊緣。京東(9618)就算有分拆業務幫助,都要倒跌逾2%,險守340蚊。網易(9999)亦破位後回軟,失守150蚊。#gif_7#

 

唔單止中概股,港交所(0388)本來憧憬中概股嘅北水買盤會刺激成交,今朝仲一度創過398.4元嘅歷史新高,但午後亦倒跌連2%,暫守380蚊關口。#gif_8#

 

中概股連同港交所一齊倒跌,都仲會吸引些資金博反彈,當中又以阿里同京東好倉多人留意啲。如果尋日或今朝追咗貨中伏,或者都要考慮需唔需要因應股價回套而向下換馬。#gif_10#

 

中概股、港交所輪證選擇

 

阿里認購證23107,行使價289.08元,21年01月到期,實際槓桿約10.1倍。

京東認購證26562,行使價431.88元,21年03月到期,實際槓桿約6.6倍。

網易認購證28459,行使價160.98元,21年03月到期,實際槓桿約6.5倍。 

港交認購證26215,行使價444.64元,21年03月到期,實際槓桿約7.6倍。

 

阿里認沽證25757,行使價252.88元,21年03月到期,實際槓桿約5.9倍。

京東認沽證26564,行使價300元,21年03月到期,實際槓桿約5.0倍。

網易認沽證25371,行使價139.9元,21年03月到期,實際槓桿約6.3倍。

港交認沽證18815,行使價348.88元,21年01月到期,實際槓桿約12.1倍。


...       
更多
11月25日 上午 11:11
滙豐破位,就嚟重返唔派息前水平!

「獅王」滙豐(0005)今日強勢破位,喺資金輪換返到舊經濟股帶動下,成功升穿40蚊關口,今朝高位更曾抽升逾8%,爭少少就掂到43蚊。#gif_3#

 

滙豐粉絲永遠記得呢個日子 ------ 2020年4月1日,喺滙豐宣布今年唔再派息嘅日子。滙豐當日急跌逾9%,失守40蚊關口,之後股價幾乎未好過;不過經過7個月之後,滙豐今日終於都回勇,爭少少就回補返4月1日所造成嘅下跌裂口。#gif_4#

 

爭幾多?睇返日線圖,滙豐今朝高位係42.95元,當日下跌裂口係位於43.95元,所以呢個距離係1蚊。究竟滙豐有冇機會回補返呢個下跌裂口呢?資金流似乎冇咩啟示,因為好淡倉都有投資者留意,好友揀緊行使價45蚊以上嘅Call,部署上較樂觀,但淡友都上移至行使價約35蚊嘅Put,反手作睇淡部署。「獅王」有冇機會再進一步?或者呢刻大家都等緊答案。#gif_8#

 

滙豐輪證選擇

 

滙豐認購證12136,行使價45.23元,21年01月到期,實際槓桿約10.5倍。

滙豐認沽證17572,行使價34.38元,21年05月到期,實際槓桿約6.1倍。

滙豐牛證55560,收回價37.38元,行使價36.38元,槓桿比率約7.2倍。

滙豐熊證55094,收回價44.88元,行使價45.88元,槓桿比率約10.4倍。


...       
更多
    輪證小知識
    輪證小知識相關帖文