輪證動態專頁

07月08日 下午 09:00
【睇片】「您揀嘅輪行使價如何,您的命運也必如何!」《輪證錦囊案內所II》第一集

第一輯嘅《輪證錦囊案內所》有觀眾話想聽多啲關於輪證嘅基礎知識,特別係用實例做嘅例子,令大家可以投資輪證時叻啲。呢啲要求Ivan 都收到哂,今季 (第二季) 嘅十集,瑞信Ivan繼續同前交易員Gary (小兵) 及財經主持Season會用更多實例講解點去因應市況買合適條款嘅輪證。每集三位會預留十五分鐘回答實戰操作問題,將基礎知識融入實例,教大家活學活用!

 

輪證錦囊案內所II  第一集  7月8日星期三  晚上9點正 

 

本集精彩內容:

第一節:

- 認股證(窩輪價格兩大因素:行使價同到期日?)

- 同樣行使價,相近到期日,唔同相關資產,點解輪價可以差咁遠?(恒生銀行輪vs平安好醫生輪)

- 點解兩隻輪,一隻升得唔錯,一隻唔升仲要跌?

- 揸左隻輪個幾星期,點解股價去番同一個位但輪價唔見左兩成?(阿里輪22997 vs 15725)

 

第二節 :

- 引伸波幅係咩?高低引伸點定出嚟? 

- 搞咁多野?買期權又係咪一定好?

- 點解低引伸嘅輪唔一定係最好?

- 揀輪點樣為之配合市況揀條款?

- 又話仙輪好危險,點解佢今日升幅好勁?近期市況反而可取?

- 又話換馬好?點解換行使價高啲嘅輪反而輪價又貴啲,升幅又細啲?

- 即時比較阿里輪,解釋邊隻條款最適合現時市況。

 

今季嘅內容繼續豐富實用,不容錯過,想捕捉大市突破機會,立即學好輪證基礎,提升實戰技巧!逢星期三,晚上九點至十點,即場直播接受提問,互動教學!

 

重溫《輪證錦囊案內所》第二季

第一集  您揀嘅輪行使價如何,您的命運也必如何!請按此收看。

第二集  揀輪唔好睇溢價,咁其實睇咩野先啱?+大量案例  請按此收看。

第三集  街貨量多嘅輪係咪一定唔好沾手?莊家盤同買賣差價點睇?請按此收看。

第四集  技術分析加輪證又得唔得? 請按此收看。

第五集  發行商講果套輪證策略係咪最好? 請按此收看。

第六集  「沈大師」現身同Ivan用騰訊業績教部署! 請按此收看。

第七集  ISG救倉行動! 睇錯市睇錯業績,輪證有貨點算好? 請按此收看。

 

重溫《輪證錦囊案內所》 第一季

第一集 買窩輪牛熊證要咁樣先可以提高勝算?  請按此收看。

第二集 恒指牛熊街貨重貨區係咪大戶殺倉位?  請按此收看。

第三集 騰訊業績前有過億資金部署! 資金流係咪一定係「春江鴨」?  請按此收看。

第四集 業績期炒季績,等政策公佈點解「中邊」都會中伏? 點樣做先精明?  請按此收看。

第五集 又黑天鵝又灰犀牛?輪證策略點應對先有機會追番?   請按此收看。

第六集 輪證買賣心法,出入位、止賺止蝕點訂好?   請按此收看。


...       
更多
1小時前 今日 下午 01:52
恒指國指新貴,輪場邊隻最多人留意?

最新嘅恒指國指科指季檢結果又出爐,藍籌股數目又再加,最新染藍嘅,分別有科技醫療股阿里健康(0241)、內房股龍湖集團(0960),以及餐飲股海底撈(6862);至於國指新貴就有飲品股農夫山泉(9633)同物管股碧桂園服務(6098)。呢幾隻股份今朝都出現唔同程度嘅升幅,當日邊隻即市吸引最多資金注意呢?#gif_1#

 

曾經急升逾11%嘅阿里健康,即市睇似乎有較多資金留意,不過唔係追貨開Call,而係反手開Put,莫非大家覺得今日嘅急升只係虛火?海底撈、農夫山泉兩隻內需股,則有小注資金開Call,但金額未算非常明顯。#gif_4#

 

咁科指呢?科指都有新成員喎!不過兩隻科指新貴:海爾智家(6690)同萬國數據(9698),直至呢刻都未喺可以發行窩輪嘅名單上,由於暫時未有產品,或者只可以留意返已經有輪嘅幾隻恒指國指新貴。#gif_7#

 

恒指國指新貴輪證選擇

 

里康認購證19379,行使價29.88元,21年06月到期,實際槓桿約4.7倍。

里康認沽證21084,行使價21.88元,21年06月到期,實際槓桿約4.3倍。

里康牛證69998,收回價24.88元,行使價24.28元,槓桿比率約6.7倍。

里康熊證59507,收回價32元,行使價32.6元,槓桿比率約5.5倍。

 

海撈認購證23189,行使價80元,21年10月到期,實際槓桿約3.1倍。

農泉認購證11608,行使價67.88元,21年08月到期,實際槓桿約3.3倍。

碧務認購證29944,行使價68.88元,21年12月到期,實際槓桿約2.8倍。


...       
更多
4小時前 今日 上午 11:01
新舊經濟股又輪換?匯豐中海油急跌……

港股經過上星期嘅急跌後,今朝終於出現反彈,恒指重上兩萬九,不過大市升勢並唔全面,新經濟股有反彈,但近期獲得資金輪換嘅舊經濟股卻逆市受壓,匯豐(0005)曾跌逾4%,險守45蚊水平;中海油(0883)失守9蚊關口,低位跌幅亦曾超過4%。#gif_2#

 

早前債息抽升,被視為不利新經濟股估值,多隻大型科技股重挫;反觀在疫苗憧憬下,舊經濟股重新獲得資金追捧。匯豐憧憬派息,亦被視為利好因素;而石油股就受惠於原油價格回升;不過呢輪憧憬似乎比較短暫,今朝資金輪換下,再度令部分舊經濟股向下。#gif_6#

 

舊經濟股捱沽,自然吸引好友博反彈,不過近期大市升跌嘅幅度都幾大,好友驚引伸波幅升完又跌,今朝見匯豐同中海油牛證都見有資金留意,若果驚收回風險,可以揀返遠些少。#gif_4#

 

舊經濟股輪證選擇

 

滙豐認購證19772,行使價52.93元,21年06月到期,實際槓桿約106倍。

滙豐認沽證23283,行使價39.34元,21年05月到期,實際槓桿約9.0倍。

滙豐牛證63362,收回價44.5元,行使價43.5元,槓桿比率約21.7倍。

滙豐熊證55203,收回價48.88元,行使價49.88元,槓桿比率約8.1倍。

 

海油認購證23901,行使價9.76元,21年11月到期,實際槓桿約3.8倍。

海油認沽證14742,行使價8.5元,21年08月到期,實際槓桿約3.5倍。

海油牛證69823,收回價8.1元,行使價7.8元,槓桿比率約7.5倍。

海油熊證65195,收回價10.88元,行使價11.18元,槓桿比率約3.5倍。


...       
更多
02月26日 下午 04:08
睇片: 新城財經台x瑞信 《奇兵出擊信心輪證》講座

瑞信首度同散戶奇兵聯手 教你輪證基本知識! 散戶買窩輪牛熊要注意D咩?

 

啲科技股入場費越來越貴?  

散戶得一注資金點先可以更有效運用?  

加大槓桿,點揀輪證先可以平衡風險同回報?  

業績期邊啲股份受惠?

 

瑞信Ivan、一分鐘投資筆記作者徐風同袁嘉麟Trader K 首度聯手! 

三位分析新手常犯嘅幾個重要錯誤同解構點去利用輪證作為資產組合嘅一部份。兩位奇兵仲分享當初作為輪證新手嘅投資憾事!

 

立即睇片重溫!

 

講座內容包括:
-業績期股份及焦點科技股分析

-當下市況輪證部署及輪證疑問

-輪證實戰與理論有何分別

-兩位散戶奇兵本少利大輪證策略

 

日期:2021年2月25日 (星期四)

時間:晚上 8時30分至10時正

主持:朱子昭 及 朱明亮

 

講者:

何啟聰 Ivan瑞信香港認股證及牛熊證銷售主管

袁嘉麟 Trader K  新城電台《散戶奇兵》節目主持

徐風 新城電台《散戶奇兵》節目主持


...       
更多
02月25日 下午 01:46
平安發力,其他內險股有無資金追落後?

平安(2318)呢排股價就好強勢,出左一月保費收入後,市場似乎收貨,公司業務結構性轉型當中,就睇下市場肯唔肯重估公司價值。#jpg_4#

 

技術上平安股價就逼近98.5元既阻力位,如果可以突破,就不妨留意下價外call/貼價牛證。如果唔想高追,可以留意下走勢比較落後既內險股,好似新華保險(1336)同中壽(2628),暫時就只係升約1%。咁當然,大家業務結構唔同,同平安未必可以直接比較,即市資金流就見到中壽相對多啲錢追落後。#jpg_1#

 

相關輪證選擇

平安認購證28583,行使價112.98元,21年05月到期,實際槓桿約11.95倍。

平安認沽證19673,行使價84.88元,21年06月到期,實際槓桿約12.42倍。

平安牛證68939,收回價94.28元,行使價93.68元,槓桿比率約22.34倍。

 

中壽認購證16080,行使價18.02元,21年04月到期,實際槓桿約12.02倍。

中壽牛證54328,收回價16元,行使價15.6元,槓桿比率約12.07倍。

中壽熊證64181,收回價18.88元,行使價19.28元,槓桿比率約6.15倍。

 

新保認購證13262,行使價33.93元,21年07月到期,實際槓桿約5.19倍。


...       
更多
02月25日 上午 11:10
北水淨流出?有冇邊啲股份,北水仲買緊?

計劃加股票印花稅的消息公布後,尋日港股急跌,連北水都錄得破紀錄嘅淨流出,當中沽得最勁嘅,係擔心最受加印花稅影響嘅港交所(0388),同埋新經濟股騰訊(0700)、美團(3690)同小米(1810)等。大家可能會問,有冇邊啲股份,喺北水大數有整體流出下,依然吸引到北水入場繼續買?又可能喺邊度知道呢啲資料?#gif_2#

 

好簡單,去《港股通資金流》專頁就知道。我哋根據交易所公布嘅對上一個交易日嘅北水成交數據,再計出十大北水成交活躍股份中,邊啲係買、邊啲係沽。#gif_5#

 

喺尋日北水嘅大流出日,滬港通依然有兩隻股份有北水買,佢哋分別係醫藥股中國生物製藥(1177),同埋汽車股長城汽車(2333)。中國生物製藥係疫苗商科興嘅股東之一,計埋今日已經連升3日,尋日滬港通單日流入逾2.6億。長汽雖然尋日跌成半成,但今朝已經收復唔少失地,重上23蚊。#gif_1#

 

至於深港通方面,近日強勢嘅中移動(0941),一枝獨秀流入逾7億北水,計返水滬港通流出嘅2億幾,兩市合計依然流入逾5億,股價今朝亦曾經重上55元。中芯國際(0981)同北水一向嘅愛股思摩爾國際(6969),尋日喺深港通都分別有唔夠1億嘅北水買貨,大家或者可以留意呢啲股份,之後有冇機會跑贏大市。#gif_4#

 

周三滬港通錄北水流入股份輪證選擇

 

中藥認購證28221,行使價9.78元,21年04月到期,實際槓桿約6.7倍。

長汽認購證27557,行使價30元,21年06月到期,實際槓桿約3.9倍。

長汽牛證69250,收回價21元,行使價20.2元,槓桿比率約7.5倍。

 

周三深港通錄北水流入股份輪證選擇

 

中移認購證21124,行使價63.38元,21年07月到期,實際槓桿約6.1倍。

中移牛證68936,收回價52.28元,行使價51.28元,槓桿比率約13.7倍。

中移熊證57358,收回價58.88元,行使價59.88元,槓桿比率約8.4倍。

 

中芯認購證13075,行使價30.93元,21年05月到期,實際槓桿約4.4倍。

中芯認沽證15692,行使價21.88元,21年05月到期,實際槓桿約3.8倍。

中芯牛證53648,收回價24.28元,行使價23.28元,槓桿比率約7.0倍。

中芯熊證50380,收回價30元,行使價31元,槓桿比率約5.2倍。

 

思摩認購證11597,行使價81.08元,21年11月到期,實際槓桿約2.3倍。

思摩牛證51373,收回價65.88元,行使價61.88元,槓桿比率約6.8倍。


...       
更多
02月24日 下午 01:53
加「士擔」?港交所曾低位升返20蚊!

財爺新一份財政預算案,意外宣布調升股票「士擔」,印花稅由0.1%上調至0.13%。消息喺上午已經傳出,當時港交所曾經低見507蚊,臨近午市跌幅收窄,點知中午正式宣布落實,港交所午後亦曾經重挫,低位曾急跌逾12%,一度跌穿490蚊,不過急跌下有買盤入場,之後跌幅逐步收窄至約8%,由490蚊以下嘅低位,反彈返成20蚊到510蚊以上。#gif_2#

 

港交所急跌,吸引好友入場部署,但已經大為向下馬到行使價喺600蚊以下嘅Call輪,減低價外幅度。留意港交所突然出現咁大波幅,窩輪引伸波幅抽升在所難免,亦即係今日入場「撈貨」,成本要預咗增加先,至於之後引伸會唔會跌返,就要視乎港交所之後,係咪都繼續維持住咁波動。#gif_2#

 

當然,揀牛證免除引伸影響,都係選擇之一,490蚊以上收回價嘅牛證全部殺晒,好友暫時參考住收回價喺480蚊或以下嘅牛證,觀望反彈機會。#gif_4#

 

港交所輪證選擇

 

港交認購證13031,行使價569.38元,21年07月到期,實際槓桿約6.1倍。

港交認沽證29247,行使價400元,21年07月到期,實際槓桿約7.5倍。

港交牛證65556,收回價478元,行使價476元,槓桿比率約13.3倍。

港交熊證57663,收回價588元,行使價590元,槓桿比率約5.9倍。


...       
更多
02月24日 上午 11:11
急升後急跌,快手嚟緊留意呢一日……

快手(1024),上市初期升得快手,農曆新年後嘅回落速度亦相當快手。快手由上星期四喺400蚊以上開始回軟,計埋今日,已經連跌5個交易日,由417蚊高位,跌至今朝327元嘅低位,由高到低,跌咗超過兩成。#gif_6#

 

早前市場憧憬快手納入國指同科指,或有望帶動股價走勢,不過今個星期一納入指數生效之後,快手仲越跌越多,不過只係將焦點集中晒喺快手係唔公平嘅,畢業美債息升,不利高估值新經濟股,除咗快手,其他科技股同期跌幅一樣顯著。#gif_10#

 

嚟緊,快手將會喺3月1日納入MSCI旗下指數,亦即係今個星期五2月26日收市,可能又有啲被動基金買盤出現。可能你會話,車,又係納入指數,今個星期一都唔見有咩特別啦,不過相對國指科指,MSCI指數一向有較多被動資金追蹤,大家或者留意快手五連跌後,有冇機會翻身?#gif_8#

 

可能曾經有過好表現,呢幾日快手急回,尋日好倉單日錄得逾4,700萬錢流入,不過今日快手不似預期再跌,不過好友真係想開倉,或者都要小心風險,下移返到低返少少、行使價400蚊左右或以下嘅Call,雖然輪價會比價外Call貴,但睇返實際槓桿都係3倍幾,差別唔係太大。風高浪急之際,若再揀價外Call,萬一再跌多一跌,就會變得極價外,到時風險就再大啲啦。

 

快手窩輪選擇

 

快手認購證12973,行使價350元,21年08月到期,實際槓桿約2.9倍。

快手認購證12978,行使價400元,21年08月到期,實際槓桿約3.4倍。

快手認購證12979,行使價440元,21年08月到期,實際槓桿約3.6倍。


...       
更多
02月23日 下午 01:48
終於派息了!滙豐績後輪證的幾點觀察……

股息,真係好掛住你呀!冇派一年,滙豐(0005)終於一如預期,喺出業績時同時宣布恢復派息,每股派息0.15美元,雖然同疫情前無得比,但已經算係市場預期嘅派息上限。業績公布前,滙豐今朝已率先重上48蚊,放完榜之後,股價更曾急升逾6%,高見49.5元嘅接近一年高位,不過之後有啲獲利盤出現,升幅曾經收窄到唔夠1%。#gif_2#

 

業績公布之後,匯滙豐股價先高後低,喺輪證市場上,都有幾點值得同大家分享吓:

 

1. 滙豐派返息雖然係預期之內,但派幾多,公布前睇法都比較分歧,所以輪商將幾多股息計咗入輪證價格度,實在比較難講。滙豐最後派咗個市場預期上限嘅股息,由於派息比唔少輪商嘅預期多,午後計返呢個因素入輪證價格上,或者會對Call輪同牛證價格帶嚟負面影響,比大家嘅感覺,可能係升少咗,但其實係股息影響。詳情可以睇《達人深造:派息對窩輪影響》。#gif_4#

 

2. 玩開窩輪嘅投資者,都估到業績公布後,窩輪引伸波幅循例都要跌吓,原因係未知嘅因素出咗,減低前景的不明朗預期。滙豐績後活躍Call引伸,大約跌咗1%至2%。若果趁佢喺48蚊附近整固,想喺業績後部署,以引伸計,而家入場成本比業績前低。#gif_8#

 

3. 驚引伸跌?唔少投資者一早已轉為考慮免除引伸影響嘅牛熊證,好友主要揀緊收回價45蚊或以下嘅牛,淡友就因為午後衝上49蚊,已經揀到50蚊以上熊證。#gif_1#

 

4. 最後一點,咁做唔做部署好?無可否認,滙豐Call今日係有資金獲利,但牛證就見有資金向上換馬,而淡倉亦見有資金反手部署,所以計返條數,暫時都未知邊面多捧場客。睇好嘅話,或者可以先考慮行使價50蚊嘅輕微價外Call,等到價先再向上換馬,控制返持輪風險。淡友即市睇就繼續留意行使價40蚊左右嘅Put。#gif_5#

 

滙豐輪證選擇

 

滙豐認購證19121,行使價50.13元,21年06月到期,實際槓桿約7.2倍。

滙豐認購證19772,行使價52.93元,21年06月到期,實際槓桿約9.2倍。

滙豐認沽證23283,行使價39.34元,21年05月到期,實際槓桿約8.0倍。

 

滙豐牛證63362,收回價44.5元,行使價43.5元,槓桿比率約13.2倍。

滙豐熊證67185,收回價50.88元,行使價51.88元,槓桿比率約8.8倍。


...       
更多
02月22日 上午 11:06
舊資源股憧憬復蘇增需求,仲有呢隻好落後……

市場近日氣氛樂觀,投資者憧憬疫後經濟復蘇,唔單止新經濟股繼續高企,連一啲舊經濟股,特別係資源類股份,都突然受到追捧,多隻股份都出現明顯升勢。#gif_3#

 

有煤企公布,一月份嘅商品煤產量同銷量都按年急升,龍頭煤股中國神華(1088)急升,高位曾升逾4%至15.6元。睇返輪場上,價外幅度10%以上嘅神華Call,都係得返幾隻,而年期約3個月嘅,更加得19245一隻,實際槓桿相對較高,好友或者可以考慮作中短期部署。#gif_1#

 

不過對比金屬股,煤股嘅升幅只係「小巫見大巫」。銅價急升,一度升至2011年以嚟嘅高位,江西銅(0358)今朝急升逾15%,無獨有偶,亦同樣升至11年以嚟嘅高位,一度逼近22蚊。江西銅嘅價外Call更得返2隻,當中價外幅度100%嘅,有隻15663,好友不妨留意吓。另外,有銅業務嘅紫金礦業(2899),今朝曾升約12%,創出15.68元嘅歷史新高。洛陽鉬業(3993)升幅同樣達12%,高位升至7.46元,都係歷史新高。

 

最被投資者忽略嘅,仲有隻中信集團(0267),唔講唔覺,佢不單有煤炭業務,仲有海外銅礦同磁鐵礦業務,今朝股價曾升逾7%至6.8元以上,係舊年9月以嚟嘅高位,或者係計幅度相對落後,過去5個交易日,突然有逾450萬錢衝入中信Call,或者係覺得舊資源股急升,話唔定中信都有機會追落後。

 

資源股窩輪證選擇

 

神華認購證19245,行使價18.18元,21年05月到期,實際槓桿約7.0倍。

江銅認購證15663,行使價23.28元,21年08月到期,實際槓桿約3.4倍。

紫金認購證14768,行使價17.5元,21年09月到期,實際槓桿約2.5倍。

洛鉬認購證15669,行使價8.68元,21年10月到期,實際槓桿約2.6倍。

中信認購證14774,行使價8.28元,21年08月到期,實際槓桿約5.3倍。


...       
更多
    輪證小知識
    輪證小知識相關帖文