輪證動態專頁

07月31日 下午 02:28
金價試三頂阻力,金礦股又發力?

投資者消化完聯儲局議息聲明後,再買番黃金,美匯指數又跌過,現貨金今早再逼近1980美元,但暫時受阻。留意番,今次金價即市回吐幅度細左,如果今次金價能夠升穿1980美元,就形成左「三頂而破」既形態,以技術走勢去睇,後市可能仲有一段幅度。#jpg_5#

 

可能有投資者認為金價今次有力破位,所以今日金礦股表現明顯改善,扭轉過去兩日既弱 勢,即市資金亦都積極入場追番招金(1818)以及山東黃金(1787)既Call。睇番兩隻股,下畫表現都繼續跑贏大市。#jpg_1#

 

不過,呢個頂位唔破既話,又可能會觸發另一次既回吐,所以樂觀還樂觀,大家入場前都要預計埋自己可承受既風險。#gif_8#

 

相關輪證選擇

東金認購證19169,行使價27.88元,21年01月到期,實際槓桿約3.46倍。

紫金認購證17587,行使價6.18元,21年01月到期,實際槓桿約3.89倍。

招金認購證20201,行使價10.88元,21年04月到期,實際槓桿約2.95倍。


...       
更多
08月07日 下午 02:04
美行政禁令震埋阿里,換馬策略分析

頭先就提過特朗普出左行政命令,但細節大家就唔係好清楚,結果騰訊今朝就因為「榜上有名」,投資者多左憂慮而受壓。中午食飯時彭博資訊就出左個消息,引述美國官員話對騰訊既禁令係講緊微信,呢個都唔係官方既公告,但係似乎令市場穩定番啲,下晝騰訊股價上返530蚊,亦都令恒指上番24500點之上。#jpg_3#

 

其實個行政禁令除左對「榜上有名」公司帶嚟震盪,市場亦注意到美國提出可能會加強監管響美國上市既財務報告,響美國上市既阿里巴巴(9988)、京東(9618)同網易(9999)都急回,不過下晝跌幅都收窄左。#jpg_5#

 

阿里突然被連累,破壞左近期反覆上升既技術形態,反而就吸引左唔少資金入場博反彈,入場開既好倉既資金持續增加。小編就提提大家,宜家博呢類科網股彈,就可能要考慮下用貼價少少既Call,就算投資者睇好阿里,但近期政治風險上升,策略上可能要揀貼價少少既產品。

#jpg_1#

技術上,阿里就響260蚊受阻,下畫上番十天線247.8,有機會響10天至20天線間上落,之前揀近300蚊行使價call既投資者,可能要揀番行使價低少少既證。

 

科技股輪證選擇

阿里認購證18230,行使價272.88元,21年01月到期,實際槓桿約5.79倍。

騰訊認購證15463,行使價590.88元,21年01月到期,實際槓桿約6.17倍。

網易認購證18511,行使價173.98元,21年01月到期,實際槓桿約5.28倍。

京東認購證14573,行使價260.18元,20年12月到期,實際槓桿約5.10倍。

 

阿里認沽證17115,行使價234.88元,21年01月到期,實際槓桿約4.40倍。

騰訊認沽證15582,行使價452.88元,21年01月到期,實際槓桿約5.89倍。

網易認沽證16859,行使價125.88元,21年01月到期,實際槓桿約4.50倍。

京東認沽證17590,行使價227.88元,21年01月到期,實際槓桿約3.83倍。


...       
更多
08月07日 下午 01:28
盈利增N倍,點解中芯放榜後急跌?

明明話中美關係惡化,利好國產晶片需求;明明盈利急升,仲要季度盈利按年急升逾6倍,點解中芯國際(0981)出完業績後不升反跌,仲要最多跌成一成有多?#gif_6#

 

中芯尋晚公布嘅次季盈利,按年大升逾6.4倍至1.38億美元,不過集團公布嘅第三季指引,預測收入只會按季增長1%至3%,增速較之前兩季放緩,毛利率更預期跌至約19%至21%,可能係拖累股價急跌嘅原因。#gif_8#

 

不過跌穿咗30蚊之後,唔少資金都趁機會博反彈,業績前好友揀價外Call,業績之後或者要保守少少,或者可以考慮貼價Call做部署。績後中芯股價波幅依然夠大,引伸仍然維持高企。若果唔想用咁高窩做部署,亦可以轉為留意近日亦相當受歡迎嘅中芯牛熊證。#gif_2#

 

中芯輪證選擇

 

中芯認購證18207,行使價30.88元,21年01月到期,實際槓桿約2.5倍。

中芯認購證15459,行使價33.38元,21年01月到期,實際槓桿約3.2倍。

中芯認沽證15462,行使價23.28元,21年01月到期,實際槓桿約2.0倍。

 

中芯牛證56518,收回價27.28元,行使價26.28元,槓桿比率約6.5倍。

中芯熊證56672,收回價36.88元,行使價37.88元,槓桿比率約3.3倍。


...       
更多
08月07日 上午 11:57
特朗普忽出招,拉低騰訊震散大市!

特朗普簽行政命令,禁止美企同騰訊交易,以維護國家安全,市場暫未知細節,但擔心將影響美投資者日後能否投資於騰訊。而且,騰訊手持不少未上市科創企業,日後或較難在美國上市,或影響公司估值,有關憂慮導致今朝騰訊跌近4%,恒指高開後好快轉跌,失守24700#jpg_4#。

 

大市轉弱,投資者今朝反而係有少少逆勢而行,落到24500樓下突然加左一輪好倉,可能係睇到內地上月出口有成一成增長。無錯,內地經濟數據就見到經濟反彈,但市場似乎擔心中美「激戰」#gif_2#,如果大市今日上唔番24500樓上收,都要小心大市嚟緊會再試24250呢個近期低位。

 

反唔反彈,呢個就要睇稍後大家點消化條文細節,究竟係純粹唔俾騰訊再同美國企業交易,定係有更嚴格既限制,以及中國會唔會反制#gif_4#。

 

相關輪證選擇

恒指牛證58361,收回價24000點,行使價23900點,槓桿比率約57.97倍,兌換比率10000。

恒指牛證57212,收回價23900點,行使價23800點,槓桿比率約47.71923倍,兌換比率10000。

 

恒指熊證62710,收回價24950點,行使價25050點,槓桿比率約41.75倍,兌換比率12000。

恒指熊證62714,收回價25150點,行使價25250點,槓桿比率約29.65倍,兌換比率12000。

 

騰訊認購證18823,行使價659.38元,21年01月到期,實際槓桿約7.07倍。

騰訊認沽證15582,行使價452.88元,21年01月到期,實際槓桿約5.89倍。


...       
更多
08月07日 上午 11:11
長實減派息股價腳軟?跌近一成資金開Call

長和系尋日公佈業績,當中長實集團(1113)中期息跌三成半,可能之前唔少投資者見息率高買佢。不過,由於上半年地產同商業務都好難做,賺少左,公司都無辦法,要減派息。公司股價今朝就認真麻麻,試緊六月份低位40.5元。#jpg_9#

 

始終股價跌落嚟係因為業績弱加減派息,市場唔收貨,所以就算見到股價跌好多,想撈,都要留意住隻輪會唔會太過價外,以免股價唔彈時,風險可能會好高。#jpg_4#

 

長實相關輪證選擇

長實認購證12745,行使價45.88元,20年12月到期,實際槓桿約8.56倍。

長實認沽證12899,行使價35元,20年12月到期,實際槓桿約6.36倍。


...       
更多
08月06日 下午 03:30
新經濟股放榜!盈利支唔支持到高估值?

新經濟股輪流公布業績,重磅股騰訊(0700)近日先破完頂,究竟業績可唔可以支持高估值?仲有網易(9999)同京東(9618)兩隻中概股,亦即將公布回歸港股後嘅首份業績,好多人都望實究竟可唔可以維持高增長。

 

績前績後應該點部署?當然係睇實《瑞信業績期專頁》啦!


...       
更多
08月06日 下午 01:28
業績股旺場,中芯未放榜先興奮!

企業繼續公布業績,今日輪到過去幾個月走勢極波動嘅中芯國際(0981)。市場憧憬國產晶片嘅需求增加,會對中芯業績帶嚟幫助,再加埋尋日內地有集成電路企業免稅嘅消息 (詳見 《免稅!中芯業績前高見33蚊!》),中芯今朝先跌後回升,低位跌過近3%,但高位又反彈逾2%,上返接近32.8元嘅水平。#gif_3#

 

睇資金流,近日部署中芯好倉嘅資金唔少,尋日好倉再流入逾640萬錢。今朝見好友都把握放榜前嘅最後機會,繼續部署中芯好倉等業績公布。正如之前都提過,中芯窩輪引伸波幅比較高,如果驚引伸績後又回套風險,收回價喺30蚊邊附近嘅中芯牛證,近期都相當受歡迎。#gif_5#

 

除咗中芯,旺場嘅業績股仲有物管股。綠城服務(2869)同碧桂園服務(6098)都出咗個盈利預喜,兩隻物管股都話半年多賺最少五成,股價今朝雙雙創新高,分別高見11.78元同50.95元。以升幅計,綠城服務較顯著,最多升超過一成。作為強勢板塊之一,大家不妨留意盈喜支唔支持到板塊繼續突破。#gif_8#

 

業績股輪證選擇

 

中芯認購證18213,行使價36.88元,21年01月到期,實際槓桿約2.5倍。

中芯認沽證15462,行使價23.28元,21年01月到期,實際槓桿約2.0倍。

中芯牛證60997,收回價30.88元,行使價29.88元,槓桿比率約8.9倍。

中芯熊證56672,收回價36.88元,行使價37.88元,槓桿比率約5.0倍。

 

綠服認購證13835,行使價12.28元,20年12月到期,實際槓桿約3.9倍。

碧務認購證18500,行使價55.88元,21年1月到期,實際槓桿約3.9倍。


...       
更多
08月06日 下午 01:20
好飄忽! 恒指又回番400點,好淡點睇?

恒指今朝高開,不過25200呢個位又變成左大市「剋星」,一掂即回,仲要又再一次出現大陰燭。即市牛熊證資金流就兩邊都有資金睇。牛證收回價揀緊24400-24600,算好進取;熊證全場最貼都要去到25200以上#jpg_1#。

 

咁好友見去到24700就博即市反彈,始終呢個位係星期二急升前既起步位,即市可能會有啲技術支持。策略上,用番一百點造止蝕參考,望番即市收窄跌幅都可以理解#jpg_5#。

 

睇淡既,不妨考慮等即市反彈再部署,始終大市近日雖然波幅大,但都算係響大型區間內上落,去到技術支持位先追沽,就可能要睇A股會唔會拖恒指落去,否則又有機會被挾淡倉呢#jpg_4#。

 

恒指輪證選擇

 

恒指牛證57000,收回價24100點,行使價24000點,槓桿比率約40.53倍,兌換比率10000。

恒指牛證53334,收回價24200點,行使價24100點,槓桿比率約44.79倍,兌換比率12000。

 

 

恒指熊證63549,收回價25250點,行使價25350點,槓桿比率約33.87倍,兌換比率10000。

恒指熊證68312,收回價25350點,行使價25450點,槓桿比率約30.30倍,兌換比率12000。


...       
更多
08月06日 下午 01:19
微盟有輪上啦! 拆解條款同策略

 

微盟(2013)呢隻股就有唔少散戶留意,尋日隻股仲升成一成,成交仲過十億。成日都有投資者問微盟幾時有輪,今日終於都有啦,而我地發行呢隻輕微價外輪,亦係市場唯一一隻認購證#jpg_5#。

 

睇番隻輪既條款,行使價就係13.08元,出年二月到期,實際槓桿就大概兩倍。因為正股歷史波幅都成90%樓上,亦都未有期權對沖,所以隻輪既引伸波幅就比較高,要過百vol ,變相實際槓桿就唔算太高,所以呢類輪要炒波幅,就要靠正股既日內幅度,而且錯方向就要考慮番時間值損耗比較高#jpg_9#。技術上,微盟都出現左三角形走勢,11蚊就係比較關鍵既支持位,上面兩關阻力響12.5/13.36。

 

點都好,有隻新產品21593大家可以記住先,下次有心水時可以考慮下佢,入場成本係正股概大概三分一價錢。

 

微盟認股證選擇

微盟認購證21593,行使價13.08元,21年02月到期,實際槓桿約1.99倍。


...       
更多
08月06日 上午 10:58
驚染藍憧憬反映晒?破頂美團加淡倉……

越嚟越接近恒指公布季檢結果嘅日子,憧憬染藍嘅新經濟股,走勢亦持續凌厲。升得最急嘅係隻美團點評(3690),今朝再破頂,高位曾急升近半成,創出229.2嘅歷史新高,之後大市雖然倒跌逾400點,但美團仍然企穩220蚊,逆市維持到升勢。#gif_3#

 

不過可能美團升得太急,連好友都覺得染藍憧憬差唔多反映晒,當美團呢兩日再破頂之際,夠膽追貨嘅投資者唔多,相反仲有資金反手開淡倉,覺得佢有高位回落嘅機會,主要考慮行使價約180蚊嘅價外Put,當然亦有保守淡友揀緊行使價較接近200蚊嘅Put輪。#jpg_4#

 

至於另一隻染藍熱門阿里巴巴(9988),情況就相當唔同,或者係覺得佢過去一段時間嘅升勢,遠遠比唔上美團,近日重上250蚊之後,都仲見到有好友追貨。大家不妨參考住阿里263.8元嘅歷史高位,睇睇染藍憧憬有冇機會喺季檢結果公布前,帶動股價成功破頂。#gif_4#

 

染藍熱門股份窩輪選擇

 

美團認購證17141,行使價275.88元,21年01月到期,實際槓桿約4.9倍。

美團認沽證16116,行使價180.88元,21年01月到期,實際槓桿約4.2倍。

美團認沽證17119,行使價195.88元,21年01月到期,實際槓桿約3.7倍。

 

阿里認購證18845,行使價309.08元,21年01月到期,實際槓桿約6.6倍。

阿里認購證17149,行使價295.88元,21年01月到期,實際槓桿約6.5倍。

阿里認沽證17115,行使價234.88元,21年01月到期,實際槓桿約4.8倍。


...       
更多
    輪證小知識
    輪證小知識相關帖文