輪證動態專頁

08月05日 下午 09:00
【睇片】發行商講果套輪證策略係咪最好?《輪證錦囊案內所II》第五集

一連十集(逢星期三) 嘅《輪證錦囊案內所》,今個星期第五集,繼續有瑞信Ivan、前交易員Gary(小兵)及財經主持Season。

 

呢排市況又旺番,多咗散戶用輪證入市,但好多初哥聽完坊間「輪證高手」嘅策略,又好似同發行商教嘅有分別,令到好多投資初哥都唔知聽邊個講好,所以Ivan決定今集直接比較下唔同大師嘅輪證策略利弊,等大家好好了解每個策略嘅特點先決定用邊套同幾時用。

 

Ivan 、Gary 、Season探討各位大師,好似沈大師(沈振盈)、Eugene (羅尚沛)、潘家榮(Kevin)、唔開名嘅專買低溢價短輪嘅「大師」嘅策略,有乜野回報同風險、乜野時候用會提升到值博率同回報; 亦即席用實例答咗好多網友嘅提問, 例如好多網友問點樣用Double or Nothing 嘅操作部署騰訊業績,幾位都有詳盡講解。

 

最後,Ivan仲苦口婆心告誡大家,坊間有好多輪證課程同網上資訊,各位初學者一定要小心選擇,再仔細研究先好用呢啲策略吖。

 

 逢星期三晚九點至十點《輪證錦囊案內所II》,誠邀大家參與討論。錯過咗嘅朋友,立即重溫以上精彩直播內容!

 

輪證錦囊案內所II  第五集 8月5日星期三  晚上9點正 

第一節精彩內容:直接「挑機」,談大師及煎sir策略

- 分析沈大師Double or nothing 輪證操作利弊

- 分析大師長年期極價外輪鋪中線走勢策略利弊

- 談Eugene如何可改進輪證策略同賺更多

 

 

第二節精彩內容:趨勢型「大師」常用輪證策略分析

- 談Kevin (潘家榮) 趨勢式買賣的技巧置於輪證市場的時機

- 談行內大師買低溢價短輪博爆邊嘅利弊

- 談吉利、阿里、中芯等個股嘅輪證策略

- 談分注買或溝貨要注意的事項

瑞信業績期專頁 - 提供公司業績日程及績前績後表現分析,請按此

 

重溫《輪證錦囊案內所》第二季

第一集  你揀嘅輪行使價如何,你的命運也必如何!請按此收看。

第二集  揀輪唔好睇溢價,咁其實睇咩野先啱?+大量案例  請按此收看。

第三集  街貨量多嘅輪係咪一定唔好沾手?莊家盤同買賣差價點睇?請按此收看。

第四集  技術分析加輪證又得唔得? 請按此收看。

第六集  「沈大師」現身同Ivan用騰訊業績教部署! 請按此收看。

第七集  ISG救倉行動! 睇錯市睇錯業績,輪證有貨點算好? 請按此收看。

第八集  秒秒鐘幾XX上落,輪證唔投機得唔得?請按此收看。

第九集  買牛熊驚個市Chok,買輪又怕縮Vol?有無準則決定揀邊樣好?請按此收看。


...       
更多
9小時前 昨日 下午 05:52
輪商專登唔俾您知牛熊街貨資訊?

牛熊證街貨係咪能夠預示市場走勢,輪商收埋有用既數據? 最近又成為左一個熱門既議題。#jpg_4#

 

呢個題目已經存在多年,大概係唔少分析覺得場內一定有大戶,而大戶就一定係以散戶為目標。呢啲想法通常會用大升市時,大量熊證被收回,或者係大跌市時,大量牛證被收回作為印證。不過,大家試想想背後概念的漏洞。

 

首先,牛熊街貨重貨區的張數是反映上日數據,開市後很多倉位都可能變動左,即市可以有資金平牛買熊,又或者平熊買牛,所以升市當日用熊證重倉多去解釋殺倉,而忽視阻當日曾經有資金追牛證,其實係數據上既對號入座。

 

為什麼沒有即市牛熊街貨變化數據?

那麼您可能說,我有沒有方法可以得知即市的牛熊街貨變化呢?是否輪商刻意不公佈呢?答呢條問題之先,先解釋一下牛熊證街貨數據是如果編制的。

牛熊證街貨分佈圖,是發行商將市場上所有牛熊證產品每日收市後喺港交所公佈既街貨量數據,按每隻牛熊證既兌換比率,折算番做所需對沖既期指張數。點解要折算呢?係因為12000兌1既牛熊證,沽出後發行商要買賣既期指少過10000兌1;情況好似50兌1同500兌1既個股牛熊證產品一樣。

 

發行商作為流通量提供者,的確可以知道自家發行的牛熊證即時的街貨量變化,想兌番佢做期指好,對番做客戶咩野價入市都可以。問題出喺呢個數,輪商之間不可能在收市前互相通報,所以發行商技術上不能提供一個100%準確度既即市牛熊街貨分佈圖。

 

100%準確度的即市街貨根本不可能

有朋友睇到呢度,可能會話,由於發行商係用指定經紀編號提供流通量,那麼只要用系統紀錄哪些交易是和發行商交易,哪些是其他投資者的交易,不是可以即時計算到嗎?

 

這涉及投資者對交易系統的認知。要知道,投資者理論上無法得知每個發行商的每檔掛牌數量數目,發行商每一檔的買或賣盤,可以是不規則的數目,也有時候是當沽售或買入了一定數量後,發行商不會設定為自動填補交易盤量。因此,當發行商與投資者在同一檔次掛單,除了發行商及當下掛牌的投資者,理論上無人可以得知掛單的數量。如是,技術上靠認流通量提供者的編號去估算,不會得出完全準確的數據。而發行商不可,亦不會公佈一些可能有誤/不準確的數據,更談何將數據予投資者作睇好/淡的根據吧。

 

好了,宜家大家應該明白唔係輪商唔俾,而係輪商無法,亦睇唔到有一個有效方法,可以準確無誤咁提供到即市牛熊證街貨量變化俾投資者,所以長年以來都唔會有呢個數提供。

 

牛熊街貨真的有奇效嗎?

既然即市既數不可靠,咁我地又講番究竟牛熊證街貨有無大家一直以為既「神奇效果」。神奇效果另種錯覺,源於媒體通常很側重去講有幾多隻牛/熊,大概幾多街貨被收回,但少有量化仍舊坐倉,而睇中市既人,累積賺左幾多。然後,坊間又會對號入座咁話,「您睇下?大戶又殺散戶了!」#jpg_6#

 

此外,有糊食左先,輸錢揸住先,基本上係好多人既投資慣性。所以當大市走單邊走勢,好多資金揸熊證過夜,又或者響果一段時間見到多左資金入熊,其實係好正常,但係唔代表響行呢一個單邊前,無投資者早著先機買中方向,但呢個數據從來也被忽視,大概是市場傾向相信陰謀論,而毋視整個升浪中,牛證比例一直維持在六成以上的高水平。

 

產品選擇短時間不足造成數據傾斜

尚有另一點,逢單邊市出現後,以往發行商需要五日時間才可以提供更貼價產品俾投資者(現時縮短至三日)但始終牛證與熊證的面值相差一大截(因為較遠收回距離的牛/熊證的面值,可以是幾倍的比例,產品對散戶的吸引力降低,散戶有機會改為自行買賣期貨也說不定。換句話說,當牛熊證兩邊的產品選擇條款不對等,作出比較本身就會有機會出現偏頗。

 

牛熊證對沖活動佔市場比例大嗎?

撇開其他的雜訊,回歸基本步,究竟收回這些牛熊證,等同發行商要平多少倉,而這平倉對市場的影響情度有多大,才是合理的討論。觀乎每個牛熊證重貨區的對沖合約張數僅約千張,佔大市每日期指的成交比例甚低,說大戶依據這倉位下注,又是否忽視了市場之規模以及參與者之數目呢?

 

為什麼發行商要提供街貨數據?

那麼,既然您說牛熊街貨重貨區對後市升跌無必然關係,為什麼發行商仍要提供這個數據給投資者呢?第一是因為我們希望維持資訊的透明度;第二是這些數據還是側面反映了逆勢資金的積極程度,而投資者可以透過資訊防備風險。

 

試想想,假設投資者不是思想分裂,那麼買熊證的投資者,大概都沽售了不少手上的持貨。但大市依然上衝,正好反映市場買盤動力較大,那看淡者就要較為警覺。可是,這與立即反手是兩回事,因為牛熊證倉位的數據,本身已有著時差、產品選擇不平衡及只佔市場交易一小部份的缺陷。

 

因此,我們選擇了將市場的當日升跌,結合恒指牛熊證倉位,在「恒指牛熊證倉位分析」專頁內,以牛熊證數據配合投資者睇中/錯提示投資者風險,而不鼓勵投資者盲目跟隨街貨走勢主動作反手部署,僅希望投資者善用有關免費數據。#jpg_1#


...       
更多
16小時前 昨日 上午 10:46
馬雲現身效力消失?阿里再失250蚊……

阿里創始人馬雲喺星期三突然通過視像連線現身,帶動阿里巴巴(9988)股價當日急升逾8%,不過可能未有進一步消息,亦未見有任何鬆綁嘅初步跡象,阿里呢兩日已經打返晒落嚟,今朝低位更急跌逾4%至248蚊以下,已幾乎將星期三嘅升幅全數抵銷。#gif_6#

 

新經濟股近期強勢,只有阿里一隻大落後,所以當星期三阿里急彈,隨即吸引唔少資金追落後。到阿里星期四回套,由於佢始終同歷史高位差一大截,眼見騰訊(0700)同美團(3690)連日破頂,難免令好友加多兩錢肉緊,尋日阿累好倉單日再流入逾3,500萬錢。#gif_2#

 

不過阿里今朝再跌,好友似乎仍未認輸,繼續加好倉觀望反彈,不過揀產品方面,條款已由行使價喺300蚊以上嘅Call,下移到行使價約280蚊嘅Call。始終呢輪新經濟股嘅升浪,主要由北水帶動,阿里相對冇咁受北水注意,係咪反而可以考慮開Put追沽呢?#gif_7#

 

阿里輪證選擇

 

阿里認購證17840,行使價289.08元,21年04月到期,實際槓桿約7.6倍。

阿里認沽證18048,行使價222.88元,21年05月到期,實際槓桿約5.1倍。

阿里牛證50691,收回價234.88元,行使價232.88元,槓桿比率約12.4倍。

阿里熊證56413,收回價278.88元,行使價280.88元,槓桿比率約6.8倍。


...       
更多
01月21日 下午 04:16
北水Shopping停不了,愛股知多少?

北水每日過百億咁流入港股,帶動恒指高位終於再度衝上三萬點關口!騰訊(0700)、美團(3690)、港交所(0388)等,大家都知道係北水密吸嘅愛股,但除咗大藍籌外,有冇邊啲股份,北水密吸但未被發掘呢?

 

Click入瑞信《港股通資金流》專頁,我哋利用持倉量變化,獨家統計每隻港股通股份嘅北水累積流入金額。

 

想知自己嘅愛股北水愛唔愛?快啲入嚟睇吓北水Shopping List啦!


...       
更多
01月21日 下午 01:23
滙豐追落後,憧憬就嚟派返息?

港股突破三萬點,今日力撐大市嘅,係一個久違了嘅名字 ------ 滙豐(0005)。滙豐追落後,高位曾急升逾3%,高見44.8元水平,爭少少就成功挑戰50蚊關口。#gif_3#

 

外電報道,英倫銀行將對銀行業進行壓力測試,並研究恢復銀行派息至正常水平,市場憧憬上年停咗派息嘅滙豐,話唔定會喺嚟緊2月公布業績時,可能宣布恢復派息,或者係吸引資金追滙豐落後嘅原因。逼近45蚊,追貨好友都上移至行使價喺50蚊以上嘅Call,觀望擴大升幅嘅機會。#gif_1#

 

同場加映,同系嘅恒生銀行(0011)今日曾升逾2%,逼近148蚊,亦見有好友小注開Call。#gif_5#

 

銀行股輪證選擇

 

滙豐認購證19772,行使價52.93元,21年06月到期,實際槓桿約8.6倍。

滙豐認沽證19375,行使價37.88元,21年06月到期,實際槓桿約6.9倍。

滙豐牛證57808,收回價41.88元,行使價40.88元,槓桿比率約12.7倍。

滙豐熊證67152,收回價46.88元,行使價47.88元,槓桿比率約11.4倍。

 

恒生認購證19378,行使價170.98元,21年06月到期,實際槓桿約8.0倍。

恒生認購證20567,行使價158.18元,21年09月到期,實際槓桿約5.8倍。

恒生認沽證19160,行使價125.88元,21年05月到期,實際槓桿約8.9倍。


...       
更多
01月21日 上午 10:43
騰訊700,真的700了!

港股今朝成功突破三萬點關口,雖然講升幅講勢頭,未必及後上前兩日,但總算係成功破位,別向象徵意味。帶動港股破位嘅股份,當然唔可以唔提近期強到你唔信嘅重磅股騰訊(0700)!#gif_3#

 

騰訊股份編號係700,相信有玩開股票嘅你哋都知道。作為北水愛股,估唔到騰訊今朝終於都見到700,成功創出700蚊嘅歷史新高。#gif_5#

 

不過睇返由年初至今14個交易日內,騰訊由560蚊左右,今日升上700蚊關口,累積升幅已超過24%,當然資金市下,話唔定騰訊仲未升完,但輪場近期喺騰訊身上,確實以開淡倉為主,由行使價500蚊左右嘅Put,再逐步上移至行使價約550蚊嘅Put,減低價外幅度。騰訊觸及700蚊後有冇機會出現技術性回套?或者都要睇返今次升浪嘅話事人 ---- 北水,係咪仲繼續衝衝衝!#gif_8#

 

騰訊輪證選擇

 

騰訊認購證11841,行使價800.5元,21年04月到期,實際槓桿約7.7倍。

騰訊認沽證19921,行使價548.38元,21年04月到期,實際槓桿約8.3倍。

騰訊牛證57490,收回價656.88元,行使價654.08元,槓桿比率約15.4倍。

騰訊熊證53263,收回價718.88元,行使價721.68元,槓桿比率約22.0倍。


...       
更多
01月20日 下午 01:53
阿里終於起動,京東會否同步追?

大市今朝試衝過三萬關,無功而還下一度升幅收窄,不過下晝市場似乎又搵到另一個焦點,就係響騰訊同美團都創左新高後,股價依然係250元樓下既阿里巴巴(9988)。佢股價響下晝突然抽高急升,已升破260蚊。其實今朝已經有醒目資金開最貼既阿里牛證51846,響阿里突破後,資金樂於繼續搵落後股,另一尚未破頂既電商股京東(9618),下晝升幅都擴大左,輪證都見到多左資金部署。#jpg_5#

 

呢兩隻電商股會唔會係今日下晝既焦點呢?大家又不妨留意一下!#gif_1#

 

相關輪證選擇

 

京東認購證17008,行使價458.88元,21年05月到期,實際槓桿約5.84倍。

京東認沽證20428,行使價278.68元,21年05月到期,實際槓桿約5.11倍。

 

京東牛證61270,收回價338.88元,行使價335.88元,槓桿比率約10.49倍。

京東熊證55845,收回價400元,行使價403元,槓桿比率約9.17倍。

 

阿里認購證17840,行使價289.08元,21年04月到期,實際槓桿約6.88倍。

阿里認沽證18048,行使價222.88元,21年05月到期,實際槓桿約5.56倍。

 

阿里牛證51846,收回價241.18元,行使價239.18元,槓桿比率約8.92倍。

阿里熊證54314,收回價298.88元,行使價300.88元,槓桿比率約4.28倍。


...       
更多
01月20日 下午 01:43
馬雲驚世現身!阿里隨即爆上260蚊!

神隱咁耐,阿里巴巴創辦人馬雲終於現身。馬雲通過視像連線,向全國100名鄉村教師見面,仲發表埋講話。由於呢次係馬雲自螞蟻上市觸礁後嘅首次現身,暫時釋除咗市場嘅唔少疑慮,阿里巴巴(9988)午後股價突然爆上,唔單止重上260蚊,高位仲急升逾8%,逼近265蚊水平。#gif_3#

 

阿里近呢幾個月受負面消息連環夾擊,股價曾低見210蚊以下,近期大市急升,阿里唯一都有跟升,但只係重返240蚊附近,落後其他新經濟股一大截。趁今日驚世現身,阿里終於出現明顯升幅之際,午後見到唔少資金都跟追阿里好倉,唔知係咪覺得阿里系終於釋出被鬆綁嘅訊號,股價有望追落後?#gif_1#

 

阿里輪證選擇

 

阿里認購證18252,行使價307元,21年05月到期,實際槓桿約6.7倍。

阿里認購證17840,行使價289.08元,21年04月到期,實際槓桿約7.0倍。

阿里認沽證18048,行使價222.88元,21年05月到期,實際槓桿約5.5倍。

阿里牛證51846,收回價241.18元,行使價239.18元,槓桿比率約10.5倍。

阿里熊證56413,收回價278.88元,行使價280.88元,槓桿比率約11.0倍。


...       
更多
01月20日 上午 12:06
大市暢旺,想安坐家中正確了解輪證操作嗎?

大市成交達三千億,輪證價格倍升,唔少投資者都想了解一下買賣輪證既竅門,好似點揀輪,牛熊證又係咪好大風險,點解有倍升牛熊,但又有人被「打靶」?#jpg_4#


瑞信製作左共十六集既「輪證錦囊案內所」,同一般坊間教學片好唔同,裡面有齊哂您想知既內容,而且有大量實戰例子#jpg_5#,想學番兩招先「應戰」,事不宜遲立即無限次重溫!睇完後有咩野問題,都可以電郵俾我地問下㗎!

 

睇完片,想緊貼我地既網上講座同教學,就記得Like埋我地既Youtube Channel 啦!#gif_3#

 

上去輪證頻道留意最新update都得!


...       
更多
01月20日 上午 10:43
散戶對著幹?資金蜂擁開騰訊美團淡倉……

恒指今朝進一步突破29,900點,距離三萬點關口只係爭少少。新經濟股孖寶騰訊(0700)同美團(3690)繼續強勢,騰訊高位曾再度升至673蚊,接近尋日創出嘅歷史新高;美團就直情破埋頂,高位急升逾6%至364蚊!#gif_3#

 

帶動呢輪港股升勢嘅,市場普遍認為係北水,尋日北水破紀錄流入逾265蚊落港股,當中騰訊同美團都係北水愛股,騰訊尋日單日吸到成48億有多嘅北水,美團都得逾16億北水流入,我哋當然幫大家計晒數,Click入《港股通資金流》頁面,就可以即刻睇到北水買緊乜。#gif_1#

 

不過,輪場資金似乎要同北水對著幹,尋日騰訊同美團淡倉,分別錄得逾1,800億同逾1,400億嘅錢,或者係覺得尋日升得太急,想反手部署睇吓有冇出現技術性回套嘅機會。呢輪對戰,究竟係北水勁,定係輪場資金醒?且看下回分解。#gif_7#

 

騰訊、美團輪證選擇

 

騰訊認購證11841,行使價800.5元,21年04月到期,實際槓桿約7.7倍。

騰訊認沽證20423,行使價529.5元,21年04月到期,實際槓桿約8.8倍。

騰訊牛證51905,收回價644.88元,行使價642.08元,槓桿比率約20.9倍。

騰訊熊證54978,收回價678.88元,行使價681.68元,槓桿比率約37.2倍。

 

美團認購證17016,行使價431.88元,21年05月到期,實際槓桿約5.1倍。

美團認沽證17404,行使價300元,21年05月到期,實際槓桿約4.9倍。

美團牛證50542,收回價312.88元,行使價309.88元,槓桿比率約6.7倍。

美團熊證54872,收回價368.88元,行使價371.88元,槓桿比率約21.8倍。


...       
更多
    輪證小知識
    輪證小知識相關帖文