輪證動態專頁

08月05日 下午 09:00
【睇片】發行商講果套輪證策略係咪最好?《輪證錦囊案內所II》第五集

一連十集(逢星期三) 嘅《輪證錦囊案內所》,今個星期第五集,繼續有瑞信Ivan、前交易員Gary(小兵)及財經主持Season。

 

呢排市況又旺番,多咗散戶用輪證入市,但好多初哥聽完坊間「輪證高手」嘅策略,又好似同發行商教嘅有分別,令到好多投資初哥都唔知聽邊個講好,所以Ivan決定今集直接比較下唔同大師嘅輪證策略利弊,等大家好好了解每個策略嘅特點先決定用邊套同幾時用。

 

Ivan 、Gary 、Season探討各位大師,好似沈大師(沈振盈)、Eugene (羅尚沛)、潘家榮(Kevin)、唔開名嘅專買低溢價短輪嘅「大師」嘅策略,有乜野回報同風險、乜野時候用會提升到值博率同回報; 亦即席用實例答咗好多網友嘅提問, 例如好多網友問點樣用Double or Nothing 嘅操作部署騰訊業績,幾位都有詳盡講解。

 

最後,Ivan仲苦口婆心告誡大家,坊間有好多輪證課程同網上資訊,各位初學者一定要小心選擇,再仔細研究先好用呢啲策略吖。

 

 逢星期三晚九點至十點《輪證錦囊案內所II》,誠邀大家參與討論。錯過咗嘅朋友,立即重溫以上精彩直播內容!

 

輪證錦囊案內所II  第五集 8月5日星期三  晚上9點正 

第一節精彩內容:直接「挑機」,談大師及煎sir策略

- 分析沈大師Double or nothing 輪證操作利弊

- 分析大師長年期極價外輪鋪中線走勢策略利弊

- 談Eugene如何可改進輪證策略同賺更多

 

 

第二節精彩內容:趨勢型「大師」常用輪證策略分析

- 談Kevin (潘家榮) 趨勢式買賣的技巧置於輪證市場的時機

- 談行內大師買低溢價短輪博爆邊嘅利弊

- 談吉利、阿里、中芯等個股嘅輪證策略

- 談分注買或溝貨要注意的事項

瑞信業績期專頁 - 提供公司業績日程及績前績後表現分析,請按此

 

重溫《輪證錦囊案內所》第二季

第一集  你揀嘅輪行使價如何,你的命運也必如何!請按此收看。

第二集  揀輪唔好睇溢價,咁其實睇咩野先啱?+大量案例  請按此收看。

第三集  街貨量多嘅輪係咪一定唔好沾手?莊家盤同買賣差價點睇?請按此收看。

第四集  技術分析加輪證又得唔得? 請按此收看。

第六集  「沈大師」現身同Ivan用騰訊業績教部署! 請按此收看。

第七集  ISG救倉行動! 睇錯市睇錯業績,輪證有貨點算好? 請按此收看。

第八集  秒秒鐘幾XX上落,輪證唔投機得唔得?請按此收看。

第九集  買牛熊驚個市Chok,買輪又怕縮Vol?有無準則決定揀邊樣好?請按此收看。


...       
更多
11小時前 昨日 下午 01:53
滙豐僅彈一日,30蚊關口再現角力……

被平安(2318)增持嘅滙豐(0005),尋日急升逾9%,大幅反彈重上30蚊關口,但只係彈咗一日,滙豐今日又再回軟。滙豐今朝高位雖然曾升近2%,重上31蚊,但之後曾倒跌2%,暫守30蚊關口,維持好淡角力嘅格局。#gif_2#

 

外電報道,平保增持滙豐,可能並非出於政治考量,以係純粹出於財務考慮,覺得若果滙豐出年真係恢復派息,而家係一個非常吸引嘅水平。不過睇返輪場資金,尋日淡倉錄得逾1,200萬錢大舉流入,或反映市場唔少投資者都覺得,滙豐可能上返30蚊已初步反映平安增持嘅利好。#gif_7#

 

由28蚊整固,向上移一檔到30蚊整固,平安後續會唔會再增持,或者會係刺激滙豐及後表現嘅潛在因素。#gif_4#

 

滙豐輪證選擇

 

滙豐認購證20212,行使價35.28元,21年02月到期,實際槓桿約7.8倍。

滙豐認購證20234,行使價33元,21年02月到期,實際槓桿約7.6倍。

滙豐牛證61026,收回價26.28元,行使價25.28元,槓桿比率約6.4倍。

 

滙豐認沽證23926,行使價25.95元,21年02月到期,實際槓桿約6.7倍。

滙豐熊證51070,收回價31.5元,行使價32.5元,槓桿比率約12.6倍。

滙豐熊證68689,收回價33元,行使價34元,槓桿比率約6.9倍。


...       
更多
13小時前 昨日 上午 11:04
國慶中秋長假期,有咩股份值得憧憬?

又到期結,亦接近季結,再加埋今個星期有國慶中秋長假期,市況今朝比較淡靜,恒指徘徊喺23,500點附近窄幅上落,多隻藍籌股嘅艮現亦相當糾結,缺乏明顯方向。#gif_2#

 

往年長假期,大家都可能好開心計劃緊去邊度旅行,不過今年受疫情影響,都只能夠留港消費。北望神州,內地早前已經重啟跨省遊,唔少報道都話,內地好多高鐵飛同旅行團,已經一早訂滿爆滿。延伸思考,有咩股份可能憧憬受惠跨省遊呢?#gif_5#

 

美團點評(3690)除咗有外賣業務,仲有景點門票預訂等功能,或者係潛在受惠股之一。跨省遊離唔開交通,航空股國航(0753)同南航(1055)經歷行業低點後,話唔定都可以受惠內陸機需求增加而輕微反彈。至於旅遊離唔開飲飲食食,餐飲股海底撈(6862)同九毛九(9922)生意有冇機會受惠呢?大家不妨拭目以待。#gif_4#

 

跨省遊潛在受惠股窩輪選擇

 

美團認購證27023,行使價291.88元,21年03月到期,實際槓桿約4.2倍。

美團認沽證17119,行使價195.88元,21年01月到期,實際槓桿約4.6倍。

 

國航認購證26280,行使價5.86元,21年03月到期,實際槓桿約4.1倍。

南航認購證21932,行使價5.51元,21年04月到期,實際槓桿約4.4倍。

海撈認購證26210,行使價66.88元,21年10月到期,實際槓桿約2.5倍。

九毛認購證26585,行使價22.88元,21年03月到期,實際槓桿約3.0倍。


...       
更多
09月28日 下午 02:08
好淡對決!中芯急跌博反彈定追沽多?

中美繼續打技戰,啱啱周末又有關於芯片股中芯國際(0981)嘅消息。外電話,美國對中芯採取出口管制措施,美國企業要先得到許可,先准供貨俾中芯。雖然中芯再澄清,話未收到美國政府涉及出口限制嘅正式通知,不過股價今日已經先行捱沽,低位曾急跌近8%,險守17蚊。#gif_6#

 

以為中芯急跌,肯定有資金開好博反彈?無錯,進取嘅揀到行使價喺20幾蚊樓上嘅價外Call,又或下移至行使價喺20蚊樓下嘅輕微價外Call,都見有投資者博反彈;不過同一時間,亦見有唔少淡友出動開Put,莫非係覺得中芯處於中美角力嘅中心,有機會再受壓?#gif_2#

 

追沽中芯嘅淡友,其實選擇冇好倉咁多,因為仲價外嘅中芯Put唔多,而且中芯窩輪引伸波幅一向較高,價外一成以上嘅中期中芯Put,實際槓桿連2倍都冇。唔想「高窩」、轉投熊證?由於中芯跌得急,最近價嘅中芯熊證,收回價喺21蚊附近,槓桿亦得3倍幾,不過比價外Put略為高少少下,都見有淡友開熊追沽。#gif_10#

 

中芯輪證選擇

 

中芯認沽證26896,行使價15.5元,21年03月到期,實際槓桿約1.9倍。

中芯熊證65443,收回價21.88元,行使價22.88元,槓桿比率約3.0倍。

 

中芯認購證27037,行使價19.18元,21年03月到期,實際槓桿約2.9倍。

中芯認購證26888,行使價21.88元,22年02月到期,實際槓桿約1.7倍。

中芯牛證50924,收回價16.08元,行使價15.48元,槓桿比率約5.9倍。


...       
更多
09月28日 下午 01:31
匯豐帶動恒指終見反彈?淡友點睇?

周末美媒報道美國企業對中芯(0981)出口已開始受到限制,加深投資者對中美磨擦升溫的憂慮,唔少投資者預期大市將延續上星期弱勢,考驗二萬三關口,所以今朝早段大市高開少少,反而好早就有資金出嚟開淡倉博升轉跌。#jpg_8#

 

不過,淡友冷不提防匯豐(0005)中段發力,因為根據港交所資料,上星期匯豐跌至28蚊左右,中國平安(2318)就入場增持,市場唔單單睇有資金撈底,而係認為響呢個時候有內地險資大手增持,公司被納入不可靠實體清單的機會降低,股價即時獲資金追捧,重上三十蚊。#jpg_1#

 

上畫大市企響23400點附近,淡友一路加倉,而上星期恒指一度響23300-23500間出現急彈後又即時打回原形既走勢,反映呢個係大市短期比較大阻力既位置。從另一角度睇,如果恒指升番上23500點,揸熊可能要考慮換馬/計計數先,都繼續受制23500既話,就考慮番淡倉部署。#gif_1#

 

相關輪證選擇

恒指牛證59453,收回價23100點,行使價23000點,槓桿比率約54.37倍,兌換比率12000。

恒指牛證51585,收回價23000點,行使價22900點,槓桿比率約46.99倍,兌換比率10000。

 

恒指熊證57485,收回價23850點,行使價23950點,槓桿比率約40.78倍,兌換比率12000。

恒指熊證58730,收回價23900點,行使價24000點,槓桿比率約37.29倍,兌換比率10000。


...       
更多
09月28日 上午 11:58
平安加持,滙豐重上30蚊!

近日持續弱勢嘅滙豐(0005),今日終於出現大反彈。根據交易所嘅資料顯著,中國平安(2318)旗下嘅平安資產管理,喺上星期三增持超過1,000萬股,涉及資金唔算多,只係3億幾,不過喺平安加持下,滙豐表現隨即大翻身,升幅逐步擴大至逾8%,重上30蚊關口!#jpg_3#

 

市場對滙豐嘅憧憬,在於平安會唔會繼續增持,特別係滙豐股價低殘,而平安之前買落嘅滙豐,唔少都係貴貨嚟,而家趁佢股價大幅回落而趁低吸納「溝貨」,話唔定仲未買完。當然,呢啲都係市場預期嚟,究竟會唔會落實仲要觀望,但股價已率先受追捧而向好。#gif_5#

 

不過,輪場資金似乎唔受落,特別係重上30蚊再擴大升幅後,滙豐淡倉獲得淡友不斷加倉,包括行使價喺26蚊附近嘅Put,以及收回價喺33蚊附近嘅熊證。追貨好友似乎唔太多,輕微向上換馬至行使價約33元至35元嘅Call,睇佢有冇機會企穩30蚊。#gif_2#

 

滙豐輪證選擇

 

滙豐認沽證23926,行使價25.95元,21年02月到期,實際槓桿約6.3倍。

滙豐熊證51070,收回價31.5元,行使價32.5元,槓桿比率約12.2倍。

滙豐熊證68689,收回價33元,行使價34元,槓桿比率約7.3倍。

 

滙豐認購證20234,行使價33元,21年02月到期,實際槓桿約7.6倍。

滙豐認購證20212,行使價35.28元,21年02月到期,實際槓桿約8.3倍。

滙豐牛證61026,收回價26.28元,行使價25.28元,槓桿比率約10.8倍。


...       
更多
09月25日 下午 02:01
回A將「首發上會」,吉利暫守15蚊……

吉利汽車(0175)回歸A股科創板,將會喺下星期一9月28日「首發上會」,即係由監管機構審議通唔通過。有報道話,吉利計劃回A集資200億,當然,市場預期通過唔係重點,最後以咩估值上市先係重點。#gif_7#

 

吉利近期走勢唔係太好,股價由月初近18蚊嘅高位,到今日回落至15蚊邊緣,不過資金近期都關注回A或者會對股價帶嚟刺激,包括Call輪同牛證嘅吉利好倉,喺過去5個交易日流入近1,600萬。吉利回A嘅進展對股價有咩影響,大家不妨留意。#gif_2#

 

吉利輪證選擇

 

吉利認購證24373,行使價16.52元,21年01月到期,實際槓桿約5.0倍。

吉利認沽證16205,行使價14.18元,21年01月到期,實際槓桿約3.6倍。

吉利牛證60648,收回價14.38元,行使價13.88元,槓桿比率約10.1倍。

吉利熊證63536,收回價17.18元,行使價17.68元,槓桿比率約5.5倍。


...       
更多
09月24日 下午 01:59
咩野促使大手資金繼續換馬貼熊?

大市過去五日大跌超過一千點,首先當然係受匯豐拖累,搞到外圍升時我地跌,而宜家到美股跌,我地又跟跌啦。簡單講,近期港股「跟跌唔跟升」,傷盡唔少好友心。之前幾日大市跌,雖然都有唔少資金開牛證倉,今日落到23200邊就更多資金博反彈。#jpg_8#

 

話雖如此,其實淡友雖沽貨獲利,但牛熊比例呢幾日都係維持65:35,原因係淡友大戶係沽遠價熊證,換較貼既熊證,所以銀碼上走錢,以期指去計反而係加左少少倉,今日呢個情況都繼續。咁究竟咩野促使淡友咁做呢?睇番25000以上收回既熊證,槓桿跌到十倍頭,25000樓下有資金流既熊就有十五倍左右,所以資金可能仲係比較睇淡後市,但見之前買落既熊槓桿低左,就換馬,但就仲未有平倉既意圖。#jpg_4#

 

相關輪證選擇

恒指牛證50887,收回價22800點,行使價22700點,槓桿比率約41.65倍,兌換比率10000。

恒指牛證50888,收回價22650點,行使價22550點,槓桿比率約34.80倍,兌換比率10000。

恒指熊證54344,收回價23951點,行使價24051點,槓桿比率約28.80倍,兌換比率10000。

 

恒指認購證11995,行使價24,100點,20年11月到期,實際槓桿約14.41倍。

恒指認沽證14175,行使價22,900點,20年12月到期,實際槓桿約8.34倍。


...       
更多
09月24日 下午 01:36
小米捱沽!失守過20蚊關口……

大市晏晝曾急跌逾500點,險守23,200點水平,藍籌股普遍捱沽,連之前強勢嘅新經濟股都唔例外,當中跌得比較急嘅,要留意手機股小米集團(1810)。#gif_4#

 

小米今朝輕微低開之後,跌幅逐步擴大,頭先一度跌成半成多,連近日好似好有支持嘅20蚊關口,都曾經跌穿過。睇返小米過去一段時間嘅走勢,股價由8月中大約15蚊左右開始抽升,去到9月頭,創出26.95元嘅歷史新高之後,股價由高位逐步回落,去到今日更加失守過20蚊重要支持。#gif_6#

 

日線圖上嘅下降軌雖然明顯,不過見佢跌勢咁急,好友都趁機會入場開倉,主要揀緊行使價23蚊左右嘅Call,又或者收回價喺19蚊以下嘅牛證。大家可能都要睇實如果仲止唔到跌,或者都要再向下換馬控制風險。#gif_8#

 

小米輪證選擇

 

小米認購證26029,行使價23.88元,21年03月到期,實際槓桿約4.8倍。

小米認沽證25372,行使價17.88元,21年02月到期,實際槓桿約3.5倍。

小米牛證68521,收回價18.34元,行使價17.94元,槓桿比率約7.4倍。

小米熊證50335,收回價23.88元,行使價24.28元,槓桿比率約4.4倍。


...       
更多
09月23日 下午 02:06
匯豐超賣先彈定再跌?即睇下晝策略

匯豐(0005)今朝跌穿28蚊果下,都吸引左唔少投資者注意,始終十年後股價故地重遊,投資者都有份唏噓。匯豐股價失守28蚊後,即市一度有止蝕盤湧現,有啲尋日買牛同call 博匯豐反彈既好友,都急急腳平倉。不過,匯豐股價響止蝕盤被承接後,十一點左右開始回穩,半日上番28蚊樓上,氣氛亦即刻唔同左,有錢追番好倉,甚至係有新資金入場。#jpg_1#

 

策略上,即市穿28蚊心理位之後回穩,即市現「針底」走勢,但未能升破28.45元的開市價,下晝係咪可以順勢突破番開市價,就多少影響到後市能否出現技術反彈。#jpg_5#

 

如果返得上開市價樓上,或反映有新資金入場承接,短期可以睇下股價有無機會上試番30蚊。如果下晝反而再質番落28蚊之下收市,咁可能只係即市急跌後回穩,反彈動力仍然較弱。

 

好友如果想博反彈,就考慮用比較貼價既產品,畢竟中美角力下,市場對匯豐股價有風險折讓,而陰霾何時消退亦難以估計。至於淡友,今朝資金流比較多係獲利先,如果中線繼續睇淡,可以考慮係咪等技術反彈後再入場部署,始終短期累積跌幅已經較多。#jpg_8#

 

相關輪證選擇

滙豐認購證20234,行使價33元,21年02月到期,實際槓桿約8.23倍。

滙豐認沽證23926,行使價25.95元,21年02月到期,實際槓桿約5.36倍。

 

滙豐牛證61026,收回價26.28元,行使價25.28元,槓桿比率約8.86倍。

滙豐熊證51070,收回價31.5元,行使價32.5元,槓桿比率約5.79倍。


...       
更多
    輪證小知識
    輪證小知識相關帖文