輪證動態專頁

一連十集(逢星期三) 嘅《輪證錦囊案內所》，今個星期第五集，繼續有瑞信Ivan、前交易員Gary(小兵)及財經主持Season。

呢排市況又旺番，多咗散戶用輪證入市，但好多初哥聽完坊間「輪證高手」嘅策略，又好似同發行商教嘅有分別，令到好多投資初哥都唔知聽邊個講好，所以Ivan決定今集直接比較下唔同大師嘅輪證策略利弊，等大家好好了解每個策略嘅特點先決定用邊套同幾時用。

Ivan 、Gary 、Season探討各位大師，好似沈大師（沈振盈）、Eugene （羅尚沛）、潘家榮（Kevin）、唔開名嘅專買低溢價短輪嘅「大師」嘅策略，有乜野回報同風險、乜野時候用會提升到值博率同回報; 亦即席用實例答咗好多網友嘅提問, 例如好多網友問點樣用Double or Nothing 嘅操作部署騰訊業績，幾位都有詳盡講解。

最後，Ivan仲苦口婆心告誡大家，坊間有好多輪證課程同網上資訊，各位初學者一定要小心選擇，再仔細研究先好用呢啲策略吖。

 逢星期三晚九點至十點《輪證錦囊案內所II》，誠邀大家參與討論。錯過咗嘅朋友，立即重溫以上精彩直播內容！

輪證錦囊案內所II  第五集 8月5日星期三  晚上9點正 

第一節精彩內容：直接「挑機」，談大師及煎sir策略

- 分析沈大師Double or nothing 輪證操作利弊

- 分析大師長年期極價外輪鋪中線走勢策略利弊

- 談Eugene如何可改進輪證策略同賺更多

第二節精彩內容：趨勢型「大師」常用輪證策略分析

- 談Kevin (潘家榮) 趨勢式買賣的技巧置於輪證市場的時機

- 談行內大師買低溢價短輪博爆邊嘅利弊

- 談吉利、阿里、中芯等個股嘅輪證策略

- 談分注買或溝貨要注意的事項

瑞信業績期專頁 - 提供公司業績日程及績前績後表現分析，請按此。

重溫《輪證錦囊案內所》第二季

第一集  你揀嘅輪行使價如何，你的命運也必如何！請按此收看。

第二集  揀輪唔好睇溢價，咁其實睇咩野先啱？+大量案例  請按此收看。

第三集  街貨量多嘅輪係咪一定唔好沾手？莊家盤同買賣差價點睇？請按此收看。

第四集  技術分析加輪證又得唔得？ 請按此收看。

第六集  「沈大師」現身同Ivan用騰訊業績教部署！ 請按此收看。

第七集  ISG救倉行動! 睇錯市睇錯業績，輪證有貨點算好？ 請按此收看。

第八集  秒秒鐘幾XX上落，輪證唔投機得唔得？請按此收看。

第九集  買牛熊驚個市Chok，買輪又怕縮Vol?有無準則決定揀邊樣好？請按此收看。

市場氣氛繼續轉差，或多或少都同中美就汽球事件引起嘅外交風波所致。計埋今朝，港股已經三連跌，恒指低位曾跌逾500點，回落至21,200點樓下。#gif_6#

多隻科技股跌幅顯著，阿里(9988)低位幾乎落到100蚊邊，跌幅曾經超過4%。美團(3690)跌幅亦曾經達到4%以上，暫守165蚊水平。騰訊(0700)跌幅亦曾經達到4%以上，低位回落至370蚊樓下，不過之後能夠上得返呢個水平。其實科技股同外交風波，未必有好大關係，不過始終市場氣氛唔好，指數佔比較大嘅股份，無可避免會承受沽壓，亦因此見到唔少資金，都趁跌部署科技股好倉，但保守好友就會換馬落較近價嘅認購證。#gif_10#

至於金融股，上星期喺美議息後受壓嘅滙豐(0005)，今日逆市靠穩，喺市況轉弱下，呢類走勢較穩定嘅股份，總會有捧場客。睇埋隻港交所(0388)，特首出發到沙特，講明想沙特國營石油公司沙特阿美嚟香港上市，而有報道話，港交所會同沙特證交所簽合作備忘錄，不過似乎呢啲都係中線因素比較多，未必帶嚟短線刺激，港交所今朝曾跌逾4%至338蚊，下試逾一個月低位。#gif_2#

藍籌股輪證選擇

阿里認購證22613，行使價110.1元，23年05月到期，實際槓桿約5.8倍。

阿里熊證58524，收回價120元，行使價122元，槓桿比率約5.3倍。

騰訊認購證16261，行使價438.138元，23年06月到期，實際槓桿約7.4倍。

美團認購證28048，行使價188.98元，23年04月到期，實際槓桿約7.4倍。

美團認沽證26253，行使價142.4元，23年06月到期，實際槓桿約4.1倍。

滙豐認購證20364，行使價60.05元，23年04月到期，實際槓桿約16.0倍。

港交認購證24075，行使價400.2元，23年05月到期，實際槓桿約9.9倍。

港交熊證57631，收回價388元，行使價390元，槓桿比率約6.2倍。

自從北水回歸之後，港股今個星期5個交易日，結果有4日都要跌，今朝失驚無神突然跌成400幾點，低位失守埋21,500點水平。明明聯儲局議息之後，市場預期加息步伐減慢，點解無咩負面消息之下，大市突然受壓，仲跌穿埋農曆新年前嘅水平？#gif_6#

今朝跌得多嘅，主要係金融股。匯豐(0005)跌逾3%，低位暫守55蚊水平。平安(2318)跌幅更曾達4%以上，低位失守58蚊水平。美減慢加息步伐同放鴿，市場共識普遍認為係預期之內，但金融股反而跌得急？正因如此，今朝好友趁跌加注好倉，但部署上較保守，主要考慮輕微價外認購證，觀望到價機會。#gif_2#

至於近日強勢嘅比亞迪(1211)，原來巴菲特喺農曆新年之後再度減持，雖然經過幾次減持之後，市場理應接受咗，但大市捱沽，佢嘅跌幅亦逐步擴大至逾3%，暫守250蚊水平。好友近日上移至行使價300蚊以上嘅Call輪，而淡倉就繼續傾向揀中距離熊證，策略上未見大變。#gif_4#

藍籌股輪證選擇

滙豐認購證20364，行使價60.05元，23年04月到期，實際槓桿約15.9倍。

平安認購證26798，行使價60.93元，23年03月到期，實際槓桿約9.8倍。

比迪認購證19436，行使價319.08元，23年12月到期，實際槓桿約3.6倍。

比迪熊證67064，收回價278元，行使價282元，槓桿比率約8.7倍。

近期走勢相當強勁嘅汽車股，逐步公布一月份嘅交付量，但喺Tesla減價嘅影響下，結果令市場有少少吃驚。比亞迪公布，上月電動車銷量突破15萬架，按年增長58%，但按月呢，原來跌咗35%。比亞迪今朝曾破位升逾3%至268蚊，但之後升幅逐步收窄，落返260蚊附近。#gif_4#

比亞迪近期升咗咁多，尋日成功收復埋上年八月底、股神巴菲特減持而出現嘅下跌裂口後，技術走勢理應好轉，所以即使銷售數據唔夠好，今朝依然有得升，亦吸引資金繼續加注淡倉，主要考慮中距離熊證。至於追貨嘅，好友原來已經上移至行使價300蚊以上嘅Call輪。#gif_2#

至於其他車股，表現比比亞迪更差。吉利(0175)旗下電動車品牌極氪，交付量按月跌成73%。理想汽車(2015)1月銷量按年升23%，但按月都要跌29%。至於小鵬(9868)，按月跌幅更達54%。比亞迪就話有龍頭效應，其他實際銷售數同佢爭咁遠嘅電動車股，經過近期咁急升後，或者都要諗諗係咪咁值博。#gif_7#

車股輪證選擇

比迪認購證19436，行使價319.08元，23年12月到期，實際槓桿約3.5倍。

比迪熊證67064，收回價278元，行使價282元，槓桿比率約13.5倍。

比迪熊證66866，收回價285元，行使價289元，槓桿比率約10.1倍。

吉利認購證15859，行使價13.52元，23年03月到期，實際槓桿約7.6倍。

吉利熊證69832，收回價14.5元，行使價15元，槓桿比率約6.5倍。

小鵬認購證26298，行使價59.55元，23年11月到期，實際槓桿約2.1倍。

理想認購證26123，行使價108.98元，23年03月到期，實際槓桿約4.8倍。

瑞信Ivan聯同Tasty Money「小炒王」梁心欣，仲有對輪證甚有研究嘅達人「雷神」，於周二晚(31號) 舉行網上講座，論盡2023新一年新開始哪些板塊要留意，焦點板塊如何佈局。  

市場憧憬中國復常刺激消費，經濟活動持續復甦 ; 另一方面期盼美國加息步伐會放慢，雷神、心欣點睇 (@43:48) ?  對科技股又有乜影響? 要用輪證做部署，Ivan建議點揀條款?  而想入市博反彈要點部署? 聽Ivan用港交所  (0388) 即席講解 (@1:00:58)!

為新一年新開始做足準備，立即重溫精彩內容!

探討方向

1. 美息及宏觀資金流走勢

2.內地重啟經濟能否重拾動力?

3. 焦點板塊部署

日期:  2023年 1月31日（二）

Time:  晚上8 時正 至 晚上9 時正    

主持:  心欣、雷神

嘉賓:  何啟聰 Ivan 瑞信香港認股證及牛熊證銷售主管

想緊貼我地嘅網上講座同教學，就記得Like埋我地嘅Youtube Channel 啦！去「輪證頻道」留意最新update都得！

出完盈喜嘅比亞迪(1211)，以為尋日逆市向好已經踩行油，點知今日走勢繼續強勁，高位再升逾半成，升至259蚊以上嘅逾5個月高位！農曆新年之後，除咗今個星期一倒跌之外，5個交易日暫時有4日都有得升，唔通真係進入咗飄移境界？#gif_3#

拉返比亞迪張圖出嚟睇，股價喺舊年下半年嘅跌勢，係由股神巴菲特減持開始，喺消息公布後，8月31日單日急跌至242蚊附近收市，喺日線圖形成大型下跌裂口，但原來近日比亞迪逐步反彈，今朝高位已經掂到當日下跌裂口頂部259.4元。如果成功收復，技術走勢進一步好轉，或者唔排除有再上試高位嘅機會。#gif_4#

不過資金流當然係趁彈，繼續反手開淡倉，尋日單日再流入逾430萬，當中超過300萬都係揀熊證，原因呢幾日都講過，活躍價外Put一係太短期，長少少嘅槓桿又唔夠中距離熊證高，加上熊證免除引伸影響，都係令資金傾向開熊嘅原因。#gif_1#

除咗比亞迪，其他車股今日一樣受捧。吉利(0175)高見13蚊樓上，小鵬汽車(9868)曾急升逾7%，理想汽車(2015)更加突破埋百元大關，做返紅底股：不過呢啲車股喺輪場選擇上相對較少，資金基本上都係揀比亞迪同吉利開倉多。#gif_8#

車股輪證選擇

比迪認購證19436，行使價319.08元，23年12月到期，實際槓桿約3.5倍。

比迪熊證67962，收回價268元，行使價272元，槓桿比率約18.5倍。

比迪熊證67064，收回價278元，行使價282元，槓桿比率約10.8倍。

吉利認購證15859，行使價13.52元，23年03月到期，實際槓桿約7.5倍。

吉利熊證69832，收回價14.5元，行使價15元，槓桿比率約6.4倍。

小鵬認購證26298，行使價59.55元，23年11月到期，實際槓桿約2.2倍。

理想認購證26123，行使價108.98元，23年03月到期，實際槓桿約4.8倍。

尋日破位之後倒跌嘅比亞迪(1211)，今日迎嚟好消息。比亞迪出咗盈喜，話預期舊年淨利潤介乎160億至170億元人民幣，按年增長最多4.58倍。受消息刺激，比亞迪今朝高位曾升逾3%，高見248蚊以上，但始終突破唔到250蚊關口。#gif_2#

其實比亞迪唔係冇見過250蚊樓上，尋日高位就一度破位升至250.6元，不過一見呢個位，就有唔少獲利盤出現，加上尋日市況唔配合，最終比亞迪要倒跌至240蚊樓下；好彩有盈喜刺激返，令股價喺今朝重拾升勢。#gif_3#

睇返比亞迪份公告，話業績好，主要係新能源汽車銷量按年強勁增長，更加勇奪全球新能源汽車銷量第一，緩解上游原材料價格上漲帶來嘅成本壓力；不過就講明手機部件及組裝業務盈利承受壓力。由於比亞迪近期升得多，資金今朝主要考慮淡倉。由於比亞迪中距離熊的槓桿，明顯比活躍價外比亞迪Put嘅實際槓桿吸引，因此淡友較傾向選擇熊證作部署。#gif_4#

電動車相關股輪證選擇

比迪認購證23873，行使價269.08元，24年03月到期，實際槓桿約3.0倍。

比迪熊證68152，收回價258元，行使價262元，槓桿比率約16.0倍。

比迪熊證67962，收回價268元，行使價272元，槓桿比率約9.9倍。

小鵬認購證26833，行使價44.93元，23年06月到期，實際槓桿約2.7倍。

理想認購證26123，行使價108.98元，23年03月到期，實際槓桿約5.2倍。

贛鋒認購證28492，行使價76.05元，23年05月到期，實際槓桿約5.0倍。

內地放完新年假，北水今日正式回歸，A股表現向好，不過港股就……表現麻麻啦，恒指曾跌逾200點，落到22,500點樓下，跨長假嘅三連升暫時告終。#gif_10#

北水回歸，大家或者都會諗吓有咩國策股可以考慮，不過即使同屬國策股，強弱分野亦可以好明顯。車股近日表現強勢，自從Tesla公布理想季績後，比亞迪(1211)連日抽升，今朝高位仲一度突破250蚊關口，升到約5個月高位。吉利(0175)今朝亦曾升逾3%，升至13.44元嘅逾4個月高位。雖然車股近日強勢，資金都係反手開淡多，但連跌市都能夠逆市靠穩，有冇少少心動想小注開好倉？#gif_2#

芯片股係另一個國策板塊，不過今朝表現相對失色。中芯(0981)今朝曾跌逾4%至17.5元，落返農曆新年前嘅位置。華虹半導體(1347)低位仲跌逾6%，暫守30蚊關口。上星期已經有報道話，美日荷三國達成共識，同意限制部分先進芯片製造機械出口到中國。負面消息雖然有待消化，但會唔會有危先有機，趁跌可以考慮部署好倉？#gif_4#

國策股輪證選擇

比迪認購證24624，行使價268.88元，23年02月到期，實際槓桿約12.7倍。

比迪熊證67962，收回價268元，行使價272元，槓桿比率約9.1倍。

吉利認購證15859，行使價13.52元，23年03月到期，實際槓桿約7.3倍。

吉利認沽證19144，行使價13.31元，23年03月到期，實際槓桿約4.7倍。

吉利熊證69832，收回價14.5元，行使價15元，槓桿比率約6.8倍。

中芯認購證24992，行使價19.9元，23年03月到期，實際槓桿約9.1倍。

華虹認購證14426，行使價35.88元，23年09月到期，實際槓桿約3.3倍。

港股今朝喺高位有少少抖氣，雖然恒指高位都見過22,700點，但亦一度回落至22,500點以下，而市場焦點繼續落喺強勢股身上，似乎有強者越強之勢。#gif_3#

尋日因為憧憬造車有進展嘅小米(1810)，單日爆升逾12%之後，今朝曾再升逾3%，再升至13.78元嘅逾半年高位。雖然升得急，尋日資金難免流出好倉獲利，但都見有追貨資金向上換馬，揀到行使價喺14蚊以上Call。趁小米今日仲有得升，順勢追貨有冇得諗？#gif_4#

尋日強勢嘅車股，今朝焦點放喺比亞迪(1211)身上，雖然低位輕輕跌穿過240蚊，但高位亦曾升逾2%至245蚊樓上。Tesla業績好，可能係帶動比亞迪股價走勢嘅原因，不過資金流同小米有啲似，急升股都係好倉沽貨獲利、淡友入場博回套。若果想跟住資金流揀淡倉，中距離熊或者比Put輪更吸引，雖然500兌1熊同100兌1價外Put，喺面值上分別冇之前咁大，但槓桿卻明顯以熊證較吸引，而且免除引伸影響，大家持倉或者可以考慮少樣嘢。

小米及比亞迪輪證選擇

小米認購證22761，行使價14.62元，23年06月到期，實際槓桿約5.5倍。

小米熊證57166，收回價14.88元，行使價15.28元，槓桿比率約7.5倍。

比迪認購證23873，行使價269.08元，24年03月到期，實際槓桿約3.2倍。

比迪熊證68152，收回價258元，行使價262元，槓桿比率約10.7倍。

比迪熊證67962，收回價268元，行使價272元，槓桿比率約8.8倍。

以為過年前突破兩萬點已經好勁？結果兔年返嚟，港股升勢持續，恒指今朝高位曾急升逾400點，爭50點左右就觸及22,500點關口。#gif_3#

過年前終結十連跌嘅美團(3690)，今朝成功重上170蚊關口。內地復常後，市場憧憬居民出生可能利好美團，或者係刺激股價回穩嘅原因。騰訊(0700)成功突破400蚊，亦係另一個升市動力；不過要講升得多，ATMX要睇隻小米(1810)，高位急升逾8%至12.88元，係逾半年高位。有報道披露咗小米汽車嘅設計稿，公司已澄清係早期招標設計稿，並唔係最終文件，但股價反而好似有少少因禍得福，唔知係咪因為有實物揸手，反而令大家覺得造車真係有進展？#gif_4#

至於舊經濟股，就要睇隻滙豐(0005)，今朝破位高見58蚊，而對上一次見58蚊，原來已經係3年前。滙豐呢類股份，每日升幅雖然唔大，但原來每日升少少，已經一啲都唔落後。由於佢好少一日急升，如果想追好倉，即使揀輕微價外Call，實際槓桿都唔低，等到價先再向上換馬，亦可較好咁控制風險。#gif_1#

兔年大吉，祝各位投資者新一年心想事成，龍馬精神！#jpg_3#

藍籌股輪證選擇

美團認購證28048，行使價188.98元，23年04月到期，實際槓桿約6.5倍。

美團認沽證28984，行使價147.9元，23年04月到期，實際槓桿約5.5倍。

美團牛證63464，收回價151.88元，行使價148.88元，槓桿比率約7.0倍。

美團熊證57972，收回價200元，行使價203元，槓桿比率約5.3倍。

騰訊認購證16261，行使價438.138元，23年06月到期，實際槓桿約7.0倍。

騰訊認沽證22107，行使價403.655元，24年03月到期，實際槓桿約1.6倍。

小米認購證22761，行使價14.62元，23年06月到期，實際槓桿約5.9倍。

小米熊證57166，收回價14.88元，行使價15.28元，槓桿比率約5.7倍。

滙豐認購證19049，行使價62.93元，23年03月到期，實際槓桿約20.8倍。