輪證動態專頁

09月02日 下午 09:00
【睇片】買牛熊驚個市Chok,買輪又怕縮Vol?有無準則決定揀邊樣好?《輪證錦囊案內所II》第九集

一連十集(逢星期三) 嘅《輪證錦囊案內所》倒數2集,到第九集! 繼續有瑞信Ivan、財經主持Season,以及前交易員Gary (小兵),繼續講輪證投資技巧!

 

 

成日都有網友問究竟買輪好定買牛熊好?你知啦,世事就係咁,你一買牛熊證個市就變得好Chok;你改買輪?佢又唔郁,坐多幾日又驚縮vol,完全係一枝「蠱惑的槍」!咁究竟有無一個準則去決定果個市況揀邊樣野比較好嘅呢?Ivan 呢集就會分享睇法同埋俾實例大家睇。

 

 

另外,下半年新經濟股熾熱,好多新股份都有輪證,有啲更加係股輪同步。呢啲股嘅輪證引伸波幅都唔低,有啲甚至近百,睇落就好似唔係好抵買,但事實上又有好多大手資金流入,究竟點解會咁呢?炒呢啲三、四線新經濟股嘅高vol輪又有乜野竅門呢?Ivan繼續聯同Season同小兵一齊幫大家解難!

 

 

輪證錦囊案內所II  第九集 9月2日星期三  晚上9點正 

第一節: 引伸低係咪一定買得過?窩輪高vol就一定牛熊吸引嗎?

- 如何估算引伸波幅趨勢?

- 以平安(2318)及小米為例子,探討何謂引伸波幅高低

- 以小米(1810)實例,回顧近日股價突破時輪及牛熊證的相對表現

 

 

第二節:值博率高都要睇埋實際槓桿?牛熊證收回價睇實大位?

- 平安輪投資者輸引伸竟然輸得多過小米輪?

- 鐵塔輪引伸差異大唔合理?

- 值博率高都要睇埋實際槓桿?

- 以小米(1810)、舜宇(2382)、平安(2318)作例子,講解不同情況下用牛熊還是輪作部署,以及條款選擇

 

 

 

重溫《輪證錦囊案內所》第二季

第一集  你揀嘅輪行使價如何,你的命運也必如何!請按此收看。

第二集 揀輪唔好睇溢價,咁其實睇咩野先啱?+大量案例  請按此收看。

第三集  街貨量多嘅輪係咪一定唔好沾手?莊家盤同買賣差價點睇?請按此收看。

第四集  技術分析加輪證又得唔得? 請按此收看。

第五集  發行商講果套輪證策略係咪最好? 請按此收看。

第六集  「沈大師」現身同Ivan用騰訊業績教部署! 請按此收看。

第七集  ISG救倉行動! 睇錯市睇錯業績,輪證有貨點算好? 請按此收看。

第八集  秒秒鐘幾XX上落,輪證唔投機得唔得?請按此收看。


...       
更多
11月20日 下午 02:54
隻隻新經濟股都想買,真係有方法幫你一次買晒?

近期新經濟股由高位跌返唔少,買咗美團、京東嘅,可能都仲有錢賺;但買咗阿里呢,真係喊得一句句。趁佢回軟想買新經濟股,但又唔知揀邊隻好、甚至隻隻都想揀?就一於揀晒佢啦!

 

利用啱啱面世嘅瑞信恒生科技指數牛熊證,唔駛諗買邊隻,一次過捕捉晒科指成分股嘅升跌。想進取啲,揀近價牛熊又得;想保守啲,揀中距離牛熊亦得!得咗!

 

想知更多?即刻去《恒生科技指數表現分析》專頁啦!

 

恒生科技指數牛熊證

近價     恒科牛證57220,收回價7500點,行使價7400點,兌換比率10000兌1。

中距離 恒科牛證57228,收回價7000點,行使價6900點,兌換比率10000兌1。

近期     恒科熊證57202,收回價8400點,行使價8500點,兌換比率10000兌1。

中距離 恒科熊證57204,收回價8800點,行使價8900點,兌換比率10000兌1。


...       
更多
7小時前 今日 下午 02:03
期望落空個市回番,好友不手軟加貼牛?

恒指今早響施政報告開讀前就一度抽升上27000樓上,之後因為部份尋日既憧憬落空左,好似第二上市股並無好似上日多個媒體報導咁被納入港股通,就觸發呢啲股回吐,加埋港交所都回唔少,拖番個市落去。下晝大市回番去26700左右,資金就大手入牛證,最貼價牛證,以及中距離牛證都一樣有換馬資金入場。可能投資者見到大市橫行左一大段時間後終於上左26700樓上,覺得向上突破既機會大,就比較肯入場買牛博破頂。#jpg_5#

 

不過,大市響施政報告後一直升幅收窄,科技股同舊經濟股呈兩極表現, 要再向上突破,經濟數據配唔配合都係關鍵。睇到舊經濟同新經濟股既兩極表現,投資者又不妨考慮下先以科指熊證建倉,另一邊以恒指牛證對沖,咁當然如果科指升恒指跌就會兩頭輸,但係有信心做呢個pair trade 既話,宜家都有工具俾大家!#jpg_1#

 

恒指輪證選擇

恒指牛證58217,收回價26400點,行使價26300點,槓桿比率約72.09倍,兌換比率10000。

恒指牛證56809,收回價26300點,行使價26200點,槓桿比率約59.27倍,兌換比率10000。

 

恒指熊證55113,收回價27150點,行使價27250點,槓桿比率約48.32倍,兌換比率12000。

恒指熊證54277,收回價27250點,行使價27350點,槓桿比率約37.05倍,兌換比率12000。

 

恒科牛證58168,收回價7700點,行使價7600點,槓桿比率約17.99倍,兌換比率10000。

恒科熊證58229,收回價8200點,行使價8300點,槓桿比率約16.48倍,兌換比率10000。

 


...       
更多
8小時前 今日 下午 01:33
北水夢碎!阿里京東、港交所倒跌……

尋日唔少報道都話,《施政報告》會宣布擴大互聯互通,容許第二上市股份同未有盈利嘅生物科技股,納入滬深港通內;不過報道所講嘅只係啱咗一半 ----- 未有盈利嘅生物科技股,遲啲北水確實可以買,但第二上市嘅中概股呢?卻隻字未提。#gif_6#

 

北水夢碎,幾隻第二上市股份隨即倒跌。阿里巴巴(9988)今朝高見275蚊之後,午後曾跌逾1%,回落至265蚊邊緣。京東(9618)就算有分拆業務幫助,都要倒跌逾2%,險守340蚊。網易(9999)亦破位後回軟,失守150蚊。#gif_7#

 

唔單止中概股,港交所(0388)本來憧憬中概股嘅北水買盤會刺激成交,今朝仲一度創過398.4元嘅歷史新高,但午後亦倒跌連2%,暫守380蚊關口。#gif_8#

 

中概股連同港交所一齊倒跌,都仲會吸引些資金博反彈,當中又以阿里同京東好倉多人留意啲。如果尋日或今朝追咗貨中伏,或者都要考慮需唔需要因應股價回套而向下換馬。#gif_10#

 

中概股、港交所輪證選擇

 

阿里認購證23107,行使價289.08元,21年01月到期,實際槓桿約10.1倍。

京東認購證26562,行使價431.88元,21年03月到期,實際槓桿約6.6倍。

網易認購證28459,行使價160.98元,21年03月到期,實際槓桿約6.5倍。 

港交認購證26215,行使價444.64元,21年03月到期,實際槓桿約7.6倍。

 

阿里認沽證25757,行使價252.88元,21年03月到期,實際槓桿約5.9倍。

京東認沽證26564,行使價300元,21年03月到期,實際槓桿約5.0倍。

網易認沽證25371,行使價139.9元,21年03月到期,實際槓桿約6.3倍。

港交認沽證18815,行使價348.88元,21年01月到期,實際槓桿約12.1倍。


...       
更多
10小時前 今日 上午 11:11
滙豐破位,就嚟重返唔派息前水平!

「獅王」滙豐(0005)今日強勢破位,喺資金輪換返到舊經濟股帶動下,成功升穿40蚊關口,今朝高位更曾抽升逾8%,爭少少就掂到43蚊。#gif_3#

 

滙豐粉絲永遠記得呢個日子 ------ 2020年4月1日,喺滙豐宣布今年唔再派息嘅日子。滙豐當日急跌逾9%,失守40蚊關口,之後股價幾乎未好過;不過經過7個月之後,滙豐今日終於都回勇,爭少少就回補返4月1日所造成嘅下跌裂口。#gif_4#

 

爭幾多?睇返日線圖,滙豐今朝高位係42.95元,當日下跌裂口係位於43.95元,所以呢個距離係1蚊。究竟滙豐有冇機會回補返呢個下跌裂口呢?資金流似乎冇咩啟示,因為好淡倉都有投資者留意,好友揀緊行使價45蚊以上嘅Call,部署上較樂觀,但淡友都上移至行使價約35蚊嘅Put,反手作睇淡部署。「獅王」有冇機會再進一步?或者呢刻大家都等緊答案。#gif_8#

 

滙豐輪證選擇

 

滙豐認購證12136,行使價45.23元,21年01月到期,實際槓桿約10.5倍。

滙豐認沽證17572,行使價34.38元,21年05月到期,實際槓桿約6.1倍。

滙豐牛證55560,收回價37.38元,行使價36.38元,槓桿比率約7.2倍。

滙豐熊證55094,收回價44.88元,行使價45.88元,槓桿比率約10.4倍。


...       
更多
11月24日 下午 01:27
第二上市倘納港股通,港交所或成受惠者?

今早有多個媒體報道,指一些第二上市的中概股,或很快可以納入港股通。由於第一批在港上市既第二上市中概股,好似阿里(9988)、京東(9618)同網易(9999)都係內地既大型科企,市場就憧憬開通後可以吸引更多北水入場,間接增加港交所既收入。此外,近日大市亦升至年內較高水平,成交金額過千億已一段時間,氣氛改善亦令資金入場追落後。#jpg_1#

 

下晝大市升多左,港交所就升上全日高位,留意住下晝會否上試388元既心理關口,睇番佢半日成交都貼近上日全日成交,就的確有資金留意,資金流亦見到有投資者開牛證新倉。#jpg_5#

 

策略上,望住388蚊先,突破再上望下一阻力位400蚊,如果唔夠動力突破,就等回吐再考慮係咪用牛證做中線部署。

 

港交輪證選擇

港交認購證26215,行使價444.64元,21年03月到期,實際槓桿約7.83倍。

港交認沽證18815,行使價348.88元,21年01月到期,實際槓桿約11.22倍。

 

港交牛證65557,收回價362.88元,行使價360.88元,槓桿比率約21.24倍。

港交牛證67350,收回價355.88元,行使價353.88元,槓桿比率約10.92倍。

 

港交熊證54115,收回價418.88元,行使價420.88元,槓桿比率約8.22倍。


...       
更多
11月24日 上午 11:07
北水就嚟有得買?AJN隨即受捧!

有報道話,聽日公布嘅施政報告,可能會公布擴大「互聯互通」機制,將會容許北水南下,買賣喺香港第二上市嘅股份。一講起第二上市,個腦即刻浮現起3隻新經濟股。邊3隻?當然係AJN 阿里巴巴(9988)、京東(9618)同網易(9999)啦!#gif_3#

 

憧憬北水就嚟買得,阿里今朝曾升逾4%,高位逼近275蚊,暫錄三連升。京東除咗憧憬北水,佢分拆嘅健康業務,據報亦即將招股,更有報道話佢計劃出年分拆物流業務,股價亦一度升逾2%至354蚊。至於網易,自從出咗季績之後,股價連日追落後,今朝成功突破150蚊關口,曾升逾2%。#gif_1#

 

睇返呢3個新經濟股,市場揀產品嘅方針都有些少唔同。阿里同網易可能比較落後,輪場資金揀嘅,主要都係輕微價外Call,例如阿里揀行使價300蚊樓下、網易揀行使價喺160蚊附近;相對較強勢嘅京東,資金明顯取態較進取,主要考慮緊行使價喺400蚊樓上嘅Call,大家不妨參考吓對AJN 3隻股份嘅走勢有冇啟示。#gif_4#

 

第二上市股份窩輪選擇

 

阿里認購證23107,行使價289.08元,21年01月到期,實際槓桿約9.6倍。

京東認購證26562,行使價431.88元,21年03月到期,實際槓桿約6.2倍。

網易認購證28459,行使價160.98元,21年03月到期,實際槓桿約6.2倍。

 

阿里認沽證25757,行使價252.88元,21年03月到期,實際槓桿約6.0倍。

京東認沽證26564,行使價300元,21年03月到期,實際槓桿約5.1倍。

網易認沽證25371,行使價139.9元,21年03月到期,實際槓桿約5.7倍。


...       
更多
11月23日 下午 01:55
點解科指產品反應未如預期?應該點運用?

科指今日就有期貨上市,同日就有科指輪證一齊上,不過期貨既交投就不如預期,成個上晝暫時係二百幾張合約成交,輪證市場都一樣,未見太多資金入場住。#gif_6#

 

科指期貨成交少於預期影響輪證開價

小篇呢幾日無積極介紹科指輪證住,到今朝先講,因為想睇下第一日個期貨交投情況,定左策略先同大家分析。睇左半日,可以做下總結。#gif_1#

 

1. 科指期貨買賣差價較闊,半日大概維持5點以上間距,波動時間距達15-20點不等

2. 期貨市場深度較差,從總成交可見,參與者暫時不多,要以單一點數買入/沽出多張合約或較難,需要承擔一定買賣差價,或影響發行商補盤時間

 

亦都因為呢兩個原因,今朝好多發行商都未必可以提供到好窄既買賣差價住,因為發行商對沖既工具,就係成交左僅僅二百幾張既科指十二月到期既期指。

 

發行商開價受制於期貨流通量欠佳係一個因素,投資者未識得點樣揀科指牛熊證亦都係另一因素。

 

科指輪證槓桿「先天性」較低

投資者今日入場一望,應該會見留意到兩個問題,第一,要高槓桿既話,就要揀到差百幾二百點收回既牛熊證,而其實就算咁樣揀,個槓桿都係得廿幾三十倍,同恒指牛熊證既60幾70倍差一大截。#gif_10#

 

點解呢?因為科指點數基數細,恒指講緊您係俾200-300點內在值,就控制緊兩萬幾點既資產,但係科指得8000點,您就算揀最貼價,最高槓桿,其實都唔會及得上貼價恒指牛熊證既槓桿水平,而仲要,您揀科指揀到咁貼收回,因為科指波幅大過恒指,係比較容易收回既。

 

結論係,除非您覺得當日科指係出現突破走勢,否則當大市好窄幅時,即市炒波幅,恒指牛熊證既靈活性同收益比,似乎好過科指牛熊證。#jpg_5#

 

科指牛熊證運用方法

咁科指牛熊證又係咪無可取之處?其實又唔係既,當恒指好窄幅,而資金一窩蜂炒新經濟股時,科指牛熊證就會比較有用。

 

而一旦恒指同科指都唔太郁,但投資者睇好科指中線表現,小篇覺得呢個時候,其實可以考慮一啲中距離牛熊證,因為被收回風險相對較低,而中方向時,雖然產品槓桿低過恒指,但係科指波幅較高,可以用幅度去抵銷槓桿較低既因素,特別係如果有投資者係睇科指中線跑贏恒指既話,揀7000-7500點收回價既呢批牛熊證,其實都係可以考慮既選擇。#gif_1#

 

科指輪待明年一月期權上市後再考慮

咁科指輪入點呢?科指要出年一月先有期權,好多科指輪引伸波幅都45%或以上,引伸波幅響欠缺期權交易下,可能都幾唔穩定,而且實際槓桿幾低,時間值損耗都唔細。既然係咁,不如等出年一月出左期權後再睇,到時期權引伸波幅可能會穩定番啲!

 

科指相關牛熊證選擇

恒科牛證57209,收回價7976點,行使價7876點,槓桿比率約20.16倍,兌換比率10000。

恒科牛證57220,收回價7500點,行使價7400點,槓桿比率約9.72倍,兌換比率10000。

 

恒科熊證57204,收回價8800點,行使價8900點,槓桿比率約7.98倍,兌換比率10000。

恒科熊證57202,收回價8400點,行使價8500點,槓桿比率約12.60倍,兌換比率10000。

 


...       
更多
11月23日 下午 01:41
績前破頂,小米追、揸、沽?

近期有季績加持嘅新經濟股,表現好似格外醒晨。即將公布季度業績嘅小米(1810),今日逆市創新高,午後升幅曾擴大至逾6%,成功突破27蚊阻力。#gif_3#

 

小米其實已經強勢咗好幾日,通常急升股份,都仲會有資金反手開淡倉,小米唔係冇人開淡,但喺同一時間,亦有唔少錢繼續追貨,單喺上星期五,小米好倉已經流入逾680萬錢,今日破頂之際,都仲見有好友追貨。莫非真係咁睇好份季績?資金流內嘅啟示又值唔值得參考呢?#gif_1#

 

當然,唔單止小米,季績下急升嘅新經濟股,仲有隻大落後嘅網易(9999),今日曾升逾4%至147蚊以上,係接近兩個月嘅高位。數數吓,ATMXJN六大新經濟股,小米之後,得返美團(3690)未放榜,唔知佢份業績又值唔值得憧憬呢?#gif_4#

 

新經濟股窩輪選擇

 

小米認購證26334,行使價33.88元,21年03月到期,實際槓桿約4.7倍。

小米認沽證26205,行使價22.28元,21年03月到期,實際槓桿約5.5倍。

 

網易認購證28459,行使價160.98元,21年03月到期,實際槓桿約6.3倍。

網易認沽證25371,行使價139.9元,21年03月到期,實際槓桿約5.4倍。

 

美團認購證26520,行使價389.19元,21年02月到期,實際槓桿約6.0倍。

美團認沽證25375,行使價250元,21年02月到期,實際槓桿約5.5倍。


...       
更多
11月23日 上午 11:06
科指牛熊面世,槓桿較輪吸引!

講咗咁耐,有「港版納指」之稱嘅恒生科技指數,終於有槓桿產品面世!可能大家會問,如果我要揀新經濟股部署,自己揀ATMXJ等等就得啦,駛咩要揀科指產品?#gif_2#

 

咁當然,如果你對個別新經濟股有強烈睇法,確實可以直接揀嗰隻股份嘅輪證;但科指產品嘅優勢就在於你可以唔駛揀,因為佢全部都按比重揀晒!例如話上星期阿里(9988)反彈較慢,小米(1810)、騰訊(0700)反彈得較快,但你未必一定揀得中升得多嗰隻,而科指就免卻你要揀嘅煩惱,涵蓋晒一籃子嘅新經濟股。#gif_4#

 

科指牛熊同窩輪同步面世,但由於新上市輪最短年期都要6個月,而且跟返新經濟股嘅引伸波幅,普遍都45%至50%,令活躍輪嘅實際槓桿只有3、4倍;相對嚟講,科指牛熊嘅收回價,就算距離講緊4至5%(考慮指數波幅,4至5%或者唔算近),都俾到大約10倍槓桿,條款上較吸引,想部署科指又想要較高槓桿,不妨留意科指牛熊啦。#gif_5#

 

恒生科指牛熊證選擇

 

恒科牛證57209,收回價7976點,行使價7876點,槓桿比率約20.2倍,兌換比率10000。

恒科牛證57220,收回價7500點,行使價7400點,槓桿比率約9.4倍,兌換比率10000。

恒科熊證57202,收回價8400點,行使價8500點,槓桿比率約12.8倍,兌換比率10000。

恒科熊證57204,收回價8800點,行使價8900點,槓桿比率約7.9倍,兌換比率10000。


...       
更多
    輪證小知識
    輪證小知識相關帖文