輪證動態專頁

04月13日 下午 02:01
派息派早咗?對Call輪係負面消息?點解嘅?
當一隻股份比預期早左派息,Call輪價格有機會會因此下跌,Put輪上升。

舉個實際例子,由於平保(2318)上年喺7月頭先除息,所以今年6月底到期嘅平保call輪,無將預期除息因素計算咗入去。但係平保今年突然宣布提早喺6月頭除息1蚊人仔,咁樣搞一搞,隻call輪變咗喺到期前要面對平保除息,平保股價會因除息而冇咗1蚊人仔,所以輪價就會因此下跌喇!

話分兩頭,如果有隻6月底到期嘅平保Put輪,正股會喺窩輪到期前除息,平保股價因而低咗,咁Put輪自然就受惠啦!

仲有一點要留意,隻窩輪會喺宣布派息後嘅交易時段即刻反映出嚟, 唔會等到除息日先調整,如果唔係,人人都喺宣布派息後買定隻Put輪等賺錢啦!

相關帖文:
[派息加咗,唔係好消息咩?點解Call輪價格會因此下跌?]

...       
更多
21小時前 昨日 上午 10:46
爆冷!小米被列入黑名單後重創……

尋日先講阿里(9988)同騰訊(0700)逃出生天,冇被華府列入禁止投資黑名單,估唔到今日卻爆出個大冷。手機股小米集團(1810)突然被國防部納入黑名單,小米今朝重挫,低位曾跌逾11%,低見29蚊水平,其後跌幅雖然叫做收窄咗少少,但只能夠喺30蚊附近爭持。#gif_6#

 

小米受突發負面消息影響而急跌,自然吸引資金開Call博反彈,但情況同阿里12月底時急跌一樣,當一隻股份咁跌法,由於正股波動幅度急增,窩輪引伸波幅難免會急升,今朝望一望,活躍小米Call引伸普遍升咗6%至8%。如果係之前買咗Call嘅,可能會發現啲Call輪跌少咗,但如果而定先入場,就要俾高啲成本啦。#gif_7#

 

咁之後會發生咩事呢?若果小米波動幅隻繼續大,支持到引伸維持高位,可能影響唔大;但若之後小米唔彈,或者只係彈少少、又或慢慢彈,抽升咗嘅引伸可能有回落機會,將會對輪價構成負面影響。有醒目嘅輪證投資者可能會話,用牛證咪免除引伸影響囉,不過由於對沖難度增加,啲牛熊證溢價都提升咗,大家部署前可能要留意返成本問題啦。#gif_8#

 

小米輪證選擇

 

小米認購證26207,行使價31.38元,21年03月到期,實際槓桿約5.2倍。

小米認沽證21088,行使價26.68元,21年06月到期,實際槓桿約3.0倍。

小米牛證53467,收回價27.5元,行使價27.1元,槓桿比率約8.9倍。

小米熊證56931,收回價36元,行使價36.4元,槓桿比率約3.8倍。


...       
更多
01月14日 上午 10:36
轉軚!阿里騰訊或逃出美投資禁令?

上星期傳出話華府考慮緊阿里巴巴(9988)及騰訊(0700)納入禁止投資黑名單,估唔到只係一星期,事情又有180度轉變。有報道話,華府而家唔再尋求將佢哋列入黑名單啦。雖然來來去去件事都只係媒體報道,未有官方確認過,不過呢單媒體「轉軚」消息,已經令兩隻股份顯著上升。#gif_1#

 

阿里今朝高位曾升近4%,一度高見232元以上,之後亦保持喺230蚊以上靠穩。騰訊升幅更顯著,高位曾急升近半成,重上625蚊,係大約2個月嘅高位,同歷史高位633蚊,距離亦唔算遠。#gif_3#

 

咁樣急升法,阿里同騰訊嘅好倉,今朝難免有資金流出,取而代之嘅,係有資金反手部署淡倉,例如阿里就揀緊行使價約200蚊嘅Put、騰訊就揀緊行使價500蚊左右嘅Put。好倉亦有進取好友小注追貨,分別上移至行使價在270蚊、或約700蚊嘅Call,睇吓有冇機會再升多浸。#gif_4#

 

阿里騰訊輪證選擇

 

阿里認購證21775,行使價275.2元,21年05月到期,實際槓桿約7.1倍。

阿里認沽證27146,行使價204.68元,21年07月到期,實際槓桿約3.9倍。

阿里牛證65771,收回價218.88元,行使價216.88元,槓桿比率約13.1倍。

阿里熊證56854,收回價258.88元,行使價260.88元,槓桿比率約7.1倍。

 

騰訊認購證17882,行使價696.38元,21年03月到期,實際槓桿約9.4倍。

騰訊認沽證14728,行使價505.38元,21年03月到期,實際槓桿約9.9倍。

騰訊牛證65641,收回價590.88元,行使價588.08元,槓桿比率約16.7倍。

騰訊熊證54527,收回價638.88元,行使價641.68元,槓桿比率約23.8倍。


...       
更多
01月13日 下午 01:31
騰訊港交半日高收,有無追落後空間?

大市今朝高開後又回返少少,不過始終無大回,資金只係繼續流轉去唔同板塊到追落後,尋日下晝就係內險股,今日半日有兩隻權重股半日走勢較強,不妨留意一下午後資金會否再追落後。呢兩隻就係騰訊(0700)同港交所(0388)。#jpg_5#

 

騰訊(0700)方面,其實北水都連續買左好多日,今日午後股價逼近600蚊,一直都無跟大市縮升幅,繼續企響日中高位;至於港交所(0388),主題當然係中港股市成交日增,以及預期更多中概股回歸,佢股價亦都響450蚊邊橫行在幾日,今朝就有少量資金開好倉。#gif_1#

 

如果望呢兩隻股追落後,就分別睇實600蚊同460蚊,上破或可以追一段落後,但都要提防一旦資金唔追落後,就要定好止蝕位,始終大市連升多日,隨時都有機會出現短線調整。#jpg_9#

 

相關輪證選擇

騰訊認購證29519,行使價667.16元,21年03月到期,實際槓桿約8.79倍。

騰訊認沽證14728,行使價505.38元,21年03月到期,實際槓桿約9.32倍。

 

騰訊牛證64373,收回價572.88元,行使價570.08元,槓桿比率約19倍。

騰訊熊證54527,收回價638.88元,行使價641.68元,槓桿比率約12.6倍。

 

港交認購證28237,行使價500.5元,21年04月到期,實際槓桿約7.95倍。

港交牛證50209,收回價432.88元,行使價430.88元,槓桿比率約20.66倍。

港交熊證63292,收回價488.88元,行使價490.88元,槓桿比率約11.36倍。


...       
更多
01月13日 上午 10:42
紅底股!平安友邦為「紅底股」身份而戰!

資金近日有由新經濟股,回流舊經濟股之勢。友邦(1299)尋日強勢破百,晉身紅底股,更創出103蚊嘅歷史新高,雖然今朝高位有些少調整,但仍然保持住喺100蚊以上。內險股平安(2318)今朝高位亦曾升過近3%,突破100蚊關口,更一度高見102.6元水平,但「紅底股」身份只係做咗一陣,之後高位微調,又回返落100蚊樓下。#gif_2#

 

公道啲講,友邦同平安高位出現突破,有持貨者選擇沽貨獲利,亦屬正常,反而係究竟兩隻股份能唔能夠消化到獲利沽壓,再成功企穩喺100蚊以上。資金流就咁睇嘅,平安好倉尋日大額流入逾3,800萬錢,相對友邦好淡倉嘅流入流出金額都唔算明顯,唔知有冇啟示呢?#gif_4#

 

順帶一提,友邦價外Call、Put輪嘅輪價,都相當唔便宜,講緊10兌1嘅產品,普遍輪價都喺3、4毫子樓上。如果想減低入場成本,友邦牛熊證嘅換股比率都係100兌1,中距離產品嘅牛熊證面值,普遍都低過1毫,唔知會唔會增加大家部署嘅興趣呢?#gif_5#

 

平安、友邦輪證選擇

 

平安認購證19773,行使價119.88元,21年06月到期,實際槓桿約8.8倍。

平安認沽證19673,行使價84.88元,21年06月到期,實際槓桿約9.9倍。

平安牛證64482,收回價92.5元,行使價91.9元,槓桿比率約12.5倍。

平安熊證69421,收回價106.88元,行使價107.48元,槓桿比率約11.6倍。

 

友邦認購證28228,行使價116.88元,21年06月到期,實際槓桿約7.6倍。

友邦認沽證28263,行使價86.88元,21年06月到期,實際槓桿約6.5倍。

友邦牛證64383,收回價96.88元,行使價96.28元,槓桿比率約16.2倍。

友邦熊證63303,收回價105.88元,行使價106.48元,槓桿比率約19.6倍。


...       
更多
01月12日 下午 04:03
潮買美國科技股? 不如喺港股市場揀有槓桿嘅納指輪!

理論上,仲有唔夠10日,特朗普就要離開白宮,換上拜登做新主人。 近期侵侵把握緊最後機會,對科技股同中國不斷出招,20號前,會唔會係美國股市、甚至係環球股市最動盪嘅一星期呢?本身已經勁波動嘅美國科技股,會唔會更Chok?

 

與其隔山買牛,不如諗諗喺港股市場部署美國科技股,而且仲有槓桿,大家不妨考慮瑞信新推出嘅納指輪!

 

納指認購證10203

納指認購證10205

納指認沽證10202

納指認沽證10204


...       
更多
01月12日 下午 02:33
內券內險起動大市再V彈,邊隻追落後?

下晝大市先回後V彈,主要由內險股帶動,北水今日入場金額少過過去兩日,不過無阻大市繼續企響28000樓上。不過要大市再上,難以單靠近期已經升左唔少既股,始終升到呢度都有資金食糊,既然如此,資金開始搵落後板塊,下晝內險同內券一齊起動,升幅中段一直擴大。#jpg_2#

 

內險股中,一直較弱既中壽今日反彈幅度較大,下晝升近17.5元,而資金亦即市追牛證;同時,平安企穩95蚊亦升升勢加快,資金流入牛證同Call。#jpg_5#

 

睇埋內券,幾隻都升到日中高位,但都算首日起動,投資者可以考慮下會唔會有機會進一步向上突破呢?睇番基本面,呢兩個月A股兩市成交一直增加,外資亦同步流入A股市場,但內險同內券升幅較少,或者可以成為資金短線追落後既原因。

 

相關輪證選擇

 

平安認購證18751,行使價109.99元,21年05月到期,實際槓桿約10.88倍。

平安認購證20335,行使價105.1元,21年06月到期,實際槓桿約10.58倍。

 

平安牛證50248,收回價90.28元,行使價89.68元,槓桿比率約13.47倍。

平安熊證50244,收回價102.88元,行使價103.48元,槓桿比率約12.93倍。

 

中壽牛證65718,收回價16.5元,行使價16.1元,槓桿比率約10.34118倍。

 

海通認購證15985,行使價8.28元,21年05月到期,實際槓桿約4.5倍。

中証認購證11809,行使價22.05元,21年05月到期,實際槓桿約4.93倍。

銀証認購證18488,行使價5.88元,21年05月到期,實際槓桿約4.63倍。

中金認購證28979,行使價25.93元,21年05月到期,實際槓桿約4.74倍。

中投認購證20532,行使價14.08元,21年04月到期,實際槓桿約4.56倍。


...       
更多
01月12日 上午 11:02
電動車股抖抖,係為走更遠嘅路?

電動車板塊除咗喺港股市場好熾熱之外,喺美股情況亦相約,有喺美國掛牌嘅中國電動車中概股尋晚創新高,不過返到嚟港股,電動車孖寶卻由高位回落。

 

比亞迪(1211)低位曾急跌逾8%,低見235蚊,之後跌幅收窄至唔夠半成,上返245蚊附近。至於近日母公司計劃同百度合作開發電動車嘅吉利(0175),亦曾跌逾半成,低位暫守30蚊關口。

 

強勢股回套,當然吸引資金開好倉博反彈,即市睇似乎博比亞迪嘅好倉資金較多。介紹返,比亞迪同吉利牛證,近日嘅受熱捧程度較相關窩輪高,一來係兩隻股份嘅窩輪引伸波幅都比較高,輪價唔平;二來係輪嘅實際槓桿唔算吸引,就算價外Call都係得3、4倍。相對牛證,產品面值比較低,就算遠價牛,槓桿普遍都俾到5至8倍,或者呢個就係吸引好友轉投牛證嘅原因。

 

溫馨提示:電動車股走勢一向較波動,如果揀牛熊證,留意返收回價同現水平嘅距離,控制收回風險。

 

比亞迪、吉利輪證選擇

 

比迪牛證51995,收回價225.88元,行使價221.88元,槓桿比率約7.9倍。

比迪熊證50275,收回價268.88元,行使價272.88元,槓桿比率約8.5倍。

吉利牛證61241,收回價27元,行使價26.5元,槓桿比率約5.3倍。

 

比迪認購證18972,行使價271.28元,21年05月到期,實際槓桿約3.4倍。

比迪認沽證29248,行使價200元,21年07月到期,實際槓桿約2.1倍。

吉利認購證28970,行使價33.38元,21年07月到期,實際槓桿約3.4倍。

吉利認沽證28976,行使價24.88元,21年07月到期,實際槓桿約3.1倍。


...       
更多
01月11日 下午 01:56
騰訊領航,恒指升穿兩萬八!

港股踏入2021年之後,開局似乎都幾順利,恒指上星期合共5個交易日,只有星期四出現過調整,整體都維持住穩步上揚格局,到今朝更一舉突破兩萬八關口,高位升幅更曾經接近300點。#gif_3#

 

帶領大市衝高嘅升市火車頭,係之前曾經驚會被美國列入投資黑名單嘅騰訊(0700),高位曾急升逾半成,一度突破600蚊關口,走勢上跑贏晒ATMX其他成員;不過急升難免會有資金反手開淡,主要留意緊行使價約500蚊嘅Put輪。#gif_4#

 

至於大市方面,睇法就比較分歧,即市好倉有資金沽貨獲利,但亦都有好友上移到收回價喺27,500點以上嘅牛證;淡友就繼續反手加倉,但都上移到收回價喺28,400、28,500點嘅熊證,拉遠同現價距離,減低收回風險。#gif_7#

 

騰訊、恒指輪證選擇

 

騰訊認購證29519,行使價667.16元,21年03月到期,實際槓桿約8.5倍。

騰訊認沽證14728,行使價505.38元,21年03月到期,實際槓桿約9.2倍。

 

恒指牛證57031,收回價27692點,行使價27592點,槓桿比率約71.6倍,兌換比率10000。

恒指牛證52099,收回價27500點,行使價27400點,槓桿比率約58.2倍,兌換比率10000。

恒指熊證53400,收回價28400點,行使價28500點,槓桿比率約43.0倍,兌換比率10000。

恒指熊證53243,收回價28500點,行使價28600點,槓桿比率約37.7倍,兌換比率10000。

 

(本結構性產品並無抵押品)


...       
更多
01月08日 上午 11:03
飄移境界!吉利比亞迪急升破頂!

「頭搖又尾擺,飄移境界!」見到啲車股咁升法,真係忍唔住唱返兩咀!電動車近期成為市場熱門主題,有報道話,百度計劃夥拍吉利汽車(0175),出資成立電動車公司。吉利今朝顯著抽升,升幅逐步擴大至逾一成,仲創埋31蚊以上嘅歷史新高。#gif_3#

 

其實進佔電動車市場,一直都係唔少大型科企嘅計劃,咁啱喺百度同吉利合作嘅今日,亦有報道話蘋果公司同南韓現代汽車洽談研發自駕電動車。電動車龍頭當然要睇Tesla,尋晚喺美股再創新高後,內地代表比亞迪(1211)今朝都唔輸蝕,喺港股上市亦都破頂,高位升逾5%,創出248蚊嘅歷史新高。#gif_1#

 

吉利同比亞迪升得急,當然吸引好倉資金獲利,亦都有追貨好友上移到高啲行使價嘅Call。淡倉則有資金反手流入,不過兩隻車股咁強勢,淡友開倉時,或者都要喺產品條款或注碼上落啲心機,控制風險。#gif_4#

 

吉利、比亞迪輪證選擇

 

吉利認購證28970,行使價33.38元,21年07月到期,實際槓桿約3.4倍。

吉利認沽證28976,行使價24.88元,21年07月到期,實際槓桿約3.1倍。

吉利牛證67547,收回價25元,行使價24.5元,槓桿比率約4.2倍。

吉利熊證67584,收回價32.88元,行使價33.38元,槓桿比率約16.3倍。

 

比迪認購證18972,行使價271.28元,21年05月到期,實際槓桿約3.5倍。

比迪認沽證29248,行使價200元,21年07月到期,實際槓桿約2.0倍。

比迪牛證51995,收回價225.88元,行使價221.88元,槓桿比率約10.5倍。

比迪熊證50275,收回價268.88元,行使價272.88元,槓桿比率約7.0倍。


...       
更多
    輪證小知識
    輪證小知識相關帖文