輪證動態專頁

04月23日 下午 03:55
「窩」?咩嚟架?仲有究竟乜嘢係「跌窩」?
成日聽到有人講「窩」,唔知係咩嚟?即係引伸波幅呀!由英文Volatility嘅讀音演變出黎。

近期大市反覆,輪場可以話出現咗「窩災」!點解?因為唔少大藍籌嘅引伸波幅,由上月底開始顯著下跌!

有圖有真相,下面呢幅係騰訊(0700)由三月頭至四月中嘅場內期權引伸波幅圖,可以見到騰訊嘅窩,喺三月底高見30幾個巴仙,業績公布後持續下跌,而家得返20幾個巴仙左右,足足跌咗十幾個巴仙。

當引伸波幅下跌,無論對Call輪定Put輪,都會帶嚟負面影響。咁究竟窩係乜?點解窩會跌?小編下次再同大家解釋。

相關帖文:
[點解業績前窩輪引伸波幅會升?點解放榜後會跌?]
[大笨象唔郁係「原罪」?買輪前要理解引伸波幅高與低!]
...       
更多
09月25日 下午 02:01
回A將「首發上會」,吉利暫守15蚊……

吉利汽車(0175)回歸A股科創板,將會喺下星期一9月28日「首發上會」,即係由監管機構審議通唔通過。有報道話,吉利計劃回A集資200億,當然,市場預期通過唔係重點,最後以咩估值上市先係重點。#gif_7#

 

吉利近期走勢唔係太好,股價由月初近18蚊嘅高位,到今日回落至15蚊邊緣,不過資金近期都關注回A或者會對股價帶嚟刺激,包括Call輪同牛證嘅吉利好倉,喺過去5個交易日流入近1,600萬。吉利回A嘅進展對股價有咩影響,大家不妨留意。#gif_2#

 

吉利輪證選擇

 

吉利認購證24373,行使價16.52元,21年01月到期,實際槓桿約5.0倍。

吉利認沽證16205,行使價14.18元,21年01月到期,實際槓桿約3.6倍。

吉利牛證60648,收回價14.38元,行使價13.88元,槓桿比率約10.1倍。

吉利熊證63536,收回價17.18元,行使價17.68元,槓桿比率約5.5倍。


...       
更多
09月24日 下午 01:59
咩野促使大手資金繼續換馬貼熊?

大市過去五日大跌超過一千點,首先當然係受匯豐拖累,搞到外圍升時我地跌,而宜家到美股跌,我地又跟跌啦。簡單講,近期港股「跟跌唔跟升」,傷盡唔少好友心。之前幾日大市跌,雖然都有唔少資金開牛證倉,今日落到23200邊就更多資金博反彈。#jpg_8#

 

話雖如此,其實淡友雖沽貨獲利,但牛熊比例呢幾日都係維持65:35,原因係淡友大戶係沽遠價熊證,換較貼既熊證,所以銀碼上走錢,以期指去計反而係加左少少倉,今日呢個情況都繼續。咁究竟咩野促使淡友咁做呢?睇番25000以上收回既熊證,槓桿跌到十倍頭,25000樓下有資金流既熊就有十五倍左右,所以資金可能仲係比較睇淡後市,但見之前買落既熊槓桿低左,就換馬,但就仲未有平倉既意圖。#jpg_4#

 

相關輪證選擇

恒指牛證50887,收回價22800點,行使價22700點,槓桿比率約41.65倍,兌換比率10000。

恒指牛證50888,收回價22650點,行使價22550點,槓桿比率約34.80倍,兌換比率10000。

恒指熊證54344,收回價23951點,行使價24051點,槓桿比率約28.80倍,兌換比率10000。

 

恒指認購證11995,行使價24,100點,20年11月到期,實際槓桿約14.41倍。

恒指認沽證14175,行使價22,900點,20年12月到期,實際槓桿約8.34倍。


...       
更多
09月24日 下午 01:36
小米捱沽!失守過20蚊關口……

大市晏晝曾急跌逾500點,險守23,200點水平,藍籌股普遍捱沽,連之前強勢嘅新經濟股都唔例外,當中跌得比較急嘅,要留意手機股小米集團(1810)。#gif_4#

 

小米今朝輕微低開之後,跌幅逐步擴大,頭先一度跌成半成多,連近日好似好有支持嘅20蚊關口,都曾經跌穿過。睇返小米過去一段時間嘅走勢,股價由8月中大約15蚊左右開始抽升,去到9月頭,創出26.95元嘅歷史新高之後,股價由高位逐步回落,去到今日更加失守過20蚊重要支持。#gif_6#

 

日線圖上嘅下降軌雖然明顯,不過見佢跌勢咁急,好友都趁機會入場開倉,主要揀緊行使價23蚊左右嘅Call,又或者收回價喺19蚊以下嘅牛證。大家可能都要睇實如果仲止唔到跌,或者都要再向下換馬控制風險。#gif_8#

 

小米輪證選擇

 

小米認購證26029,行使價23.88元,21年03月到期,實際槓桿約4.8倍。

小米認沽證25372,行使價17.88元,21年02月到期,實際槓桿約3.5倍。

小米牛證68521,收回價18.34元,行使價17.94元,槓桿比率約7.4倍。

小米熊證50335,收回價23.88元,行使價24.28元,槓桿比率約4.4倍。


...       
更多
09月23日 下午 02:06
匯豐超賣先彈定再跌?即睇下晝策略

匯豐(0005)今朝跌穿28蚊果下,都吸引左唔少投資者注意,始終十年後股價故地重遊,投資者都有份唏噓。匯豐股價失守28蚊後,即市一度有止蝕盤湧現,有啲尋日買牛同call 博匯豐反彈既好友,都急急腳平倉。不過,匯豐股價響止蝕盤被承接後,十一點左右開始回穩,半日上番28蚊樓上,氣氛亦即刻唔同左,有錢追番好倉,甚至係有新資金入場。#jpg_1#

 

策略上,即市穿28蚊心理位之後回穩,即市現「針底」走勢,但未能升破28.45元的開市價,下晝係咪可以順勢突破番開市價,就多少影響到後市能否出現技術反彈。#jpg_5#

 

如果返得上開市價樓上,或反映有新資金入場承接,短期可以睇下股價有無機會上試番30蚊。如果下晝反而再質番落28蚊之下收市,咁可能只係即市急跌後回穩,反彈動力仍然較弱。

 

好友如果想博反彈,就考慮用比較貼價既產品,畢竟中美角力下,市場對匯豐股價有風險折讓,而陰霾何時消退亦難以估計。至於淡友,今朝資金流比較多係獲利先,如果中線繼續睇淡,可以考慮係咪等技術反彈後再入場部署,始終短期累積跌幅已經較多。#jpg_8#

 

相關輪證選擇

滙豐認購證20234,行使價33元,21年02月到期,實際槓桿約8.23倍。

滙豐認沽證23926,行使價25.95元,21年02月到期,實際槓桿約5.36倍。

 

滙豐牛證61026,收回價26.28元,行使價25.28元,槓桿比率約8.86倍。

滙豐熊證51070,收回價31.5元,行使價32.5元,槓桿比率約5.79倍。


...       
更多
09月23日 上午 10:39
頂唔住啦!滙豐終失28蚊心理關口……

掙扎!套用胡師傅嘅名言,拎住滙豐(0005)嘅各位,都好想為愛股「畀啲掙扎」,不過現實世界並唔係樣樣嘢都可以掙扎成功,滙豐喺低位掙扎咗幾日,今朝終於頂唔住,失守28蚊嘅重要心理關口,低位更跌逾4%,低見27.5元水平。#gif_6#

 

尋日都解釋過,28蚊係滙豐11年前世紀供股嘅供股價,一直都係唔少散戶嘅堅持同信念,不過受多個負面因素夾擊,滙豐終於守唔住28蚊,輪場資金方向亦略見改變。#gif_10#

 

滙豐星期一失守30蚊,當日資金流係好淡倉都有流入,但追沽多過博反彈;到尋日真係跌近28蚊,就吸引淡倉獲利,好友買Call博反彈;不過當今日真係失守28蚊,淡友再度出擊,特別是產品面值更低嘅滙豐熊證,持續吸引資金加注。都係嗰句,弱勢股無論做邊個方向,部署時都要衡量風險、控制注碼。#gif_2#

 

滙豐輪證選擇

 

滙豐認購證20234,行使價33元,21年02月到期,實際槓桿約8.3倍。

滙豐認沽證23926,行使價25.95元,21年02月到期,實際槓桿約5.4倍。

 

滙豐牛證61026,收回價26.28元,行使價25.28元,槓桿比率約9.9倍。

滙豐熊證51070,收回價31.5元,行使價32.5元,槓桿比率約5.1倍。


...       
更多
09月22日 下午 04:17
【睇片】《疫情下的政經新局勢》瑞信x策略王網上講座重溫

於昨日下午(21號) 舉行嘅網上講座,Ivan聯同策略王「社長」陳承龍、紅磡索螺絲,一齊探討港股,特別係於中美博奕及疫情下,邊啲板塊受惠或受累?  而昨日成為全城焦點嘅滙豐(0005),三位又點睇? 

 

立即重溫精彩內容!

 

內容包括: 

-中美博奕在疫情下的發展,哪些板塊受惠/累?

-新經濟股調整完結,還是反彈後再跌?

-中概股續回歸,輪證策略分析

 

日期: 2020年9 月21日 (星期一)

時間: 下午 5時30分 至  6時30分

主持: 策略王「社長」陳承龍、紅磡索螺絲

嘉賓: 何啟聰( Ivan) 瑞信香港認股證及牛熊證銷售主管


...       
更多
09月22日 下午 01:42
吉利比亞迪一跌一升,資金取態點解唔同?

吉利汽車(0175)上日逆市升,響大跌市下竟然唔使跌,上日就吸引左資金入場再睇好,升都有成千萬錢買佢既Call同牛證,投資者又真係睇得幾好。不過,今日吉利就追跌,跌穿左16蚊後全日keep住跌2-3%。資金見正股再回,又繼續加倉。如果淨睇輪證資金流,投資者對吉利回科創板呢樣野繼續樂觀。#jpg_2#

 

另一車股比亞迪(1211),近期焦點就係電動車業務,不過留意番Tesla既馬斯克(Elon Musk)就話新電池唔會咁快有得大規模生產,要到2022年。但係比亞迪股價今朝企穩100蚊支持後,就即刻見到資金入場撈,中段升幅一直擴大。但輪證資金流就以開Put為主,可能有投資者認為一旦Tesla 回吐,可能都會令比亞迪進一步調整#jpg_6#。

 

兩隻車股,輪證投資者都係逆勢部署中,投資者如果想跟,最好就揀貼價證應對。

 

相關輪證選擇

吉利認購證24373,行使價16.52元,21年01月到期,實際槓桿約4.90倍。

吉利認沽證16205,行使價14.18元,21年01月到期,實際槓桿約3.46倍。

吉利牛證56761,收回價13.68元,行使價13.18元,槓桿比率約6.2倍。

吉利熊證63536,收回價17.18元,行使價17.68元,槓桿比率約6.74倍。

 

 

比迪認購證17593,行使價112.88元,21年02月到期,實際槓桿約3.18倍。

比迪認沽證27492,行使價90.88元,21年05月到期,實際槓桿約1.82倍。


...       
更多
09月22日 上午 10:47
喜歡你讓我下沉...滙豐28蚊攻防戰…

「喜歡你讓我下沉,喜歡你讓我哭……」睇住滙豐(0005)一蚊一蚊向下沉,股東們或者真係喊出嚟。受多個負面因素困擾,包括有報道話,滙豐可能被中國列入《不可靠實體清單》,以及捲入多年前嘅洗錢醜聞;滙豐今朝再試低,低位曾跌逾3%,暫時險守住28蚊。#gif_6#

 

28蚊對滙豐嚟講,可以話係一個重要嘅心理關口,事關呢個係11年前,滙豐「世紀供股」嘅供股價。雖然供股後,再加埋多年嚟嘅派息除淨等因素,今日嘅28蚊,已經唔係當日嘅28蚊,但對於股東嚟講,心理關口就好似一道城牆,亦因此好淡友今朝亦繼續徘徊喺呢個位置角力。#gif_10#

 

急跌之下,有冇資金博反彈?答案係有嘅,尋日包括Call輪同牛證嘅滙豐好倉,單日流入逾700萬錢;但係同一日,滙豐淡倉亦流入逾840萬,即係喺輪場,追沽資金喺股價急跌下,仲多過博反彈資金!不過無論做好定做淡,滙豐近期始終消息多多,部署時記得控制注碼、衡量風險。

 

滙豐輪證選擇

 

滙豐認購證20234,行使價33元,21年02月到期,實際槓桿約7.8倍。

滙豐認沽證23926,行使價25.95元,21年02月到期,實際槓桿約5.4倍。

 

滙豐牛證61026,收回價26.28元,行使價25.28元,槓桿比率約8.2倍。

滙豐熊證51070,收回價31.5元,行使價32.5元,槓桿比率約5.8倍。


...       
更多
09月21日 下午 01:56
WeChat禁令生效,騰訊跌幅未算顯著……

美國對騰訊 (00700)旗下應用程式WeChat嘅禁令,周日正式生效,而新用戶唔可以再下載。雖然有外電報道,加州地方法院叫停咗呢個WeChat禁令,不過事態發展仍有待觀察。騰訊今日跟隨大市捱沽,但低位跌唔夠2%,暫時保得住515蚊水平。#gif_4#

 

當然,WeChat禁令並唔係新事件,經過一段時間嘅發酵,相關因素或多或少都已經反映咗喺股價上,所以今日向下,都見到有資金小注開好倉,睇吓有冇止跌回穩嘅機會,而且揀行使價喺600蚊以上嘅價外高槓桿Call,高槓桿為上。除咗WeChat禁令,上星期有報道話美國當局對騰訊旗下遊戲商進行安全審查,呢類有關科技角力上嘅爭拗,或者未來一段時間會繼續影響騰訊股價。#gif_7#

 

騰訊輪證選擇

 

騰訊認購證15964,行使價621.28元,21年01月到期,實際槓桿約8.6倍。

騰訊認沽證15582,行使價452.88元,21年01月到期,實際槓桿約8.1倍。

騰訊牛證69523,收回價497.38元,行使價494.58元,槓桿比率約20.3倍。

騰訊熊證59832,收回價550.88元,行使價553.68元,槓桿比率約12.4倍。


...       
更多
    輪證小知識
    輪證小知識相關帖文