輪證動態專頁

10月12日 下午 05:14
睇片:十月會否現股災?心慌慌策略點做?

大市連升三日,過去3日累升逾1300點,科技股成升市火車頭; 「十月股災月」陰霾是否已被擊退?

立即聽吓身為大淡友嘅紅磡索螺絲同瑞信 Ivan 對十月嘅策略分享!

 

01:00 大市

07:00 阿里巴巴(9988)

12:00 美團(3690)

17:05 匯豐(0005)

22:00 港交所(0388)

24:20 瑞聲(2018)

27:20 中人壽(2628)

30:00 中遠海控(1919)

35:40 中海油(0883);中石油(0857)

39:50 匯豐(0005)

43:10 十月股災月?要留意十年美債債息… 

48:30 聯想(0992)

53:20 李寧(2331)

58:20 澳賭股- 銀娛(0027)

 

AASTOCKS 收市有偈: 《十月會否現股災?心慌慌策略點做?》訪談

節目日期:2021年10月11日(星期一) 

時間:下午4時正至下午4時45分

講者: 紅磡索螺絲 

嘉賓: 何啟聰先生 (Ivan)  瑞信香港認股證及牛熊證銷售主管


...       
更多
21小時前 昨日 上午 10:48
車股返晒嚟!新能源車股追唔追?

對比起有監管風險嘅科技股,又或者較落後嘅金融股,新能源汽車股一直被視為國策受惠股,不過因為芯片唔夠,驚會影響生產同交付量,呢類股份早前亦由高位回套唔少。#gif_2#

 

問題雖然仍未解決,不過上星期喺廣交會,國務院總理李克強去咗比亞迪(1211)個攤位,仲由比亞迪董事長王傳福親自介紹刀片電池等新技術後,比亞迪上星期五已經單日急升逾7%,今朝繼續高位整固喺275蚊以上。市場憧憬新能源汽車板塊獲得祝福,小鵬汽車(9868)今朝曾升近半成,至166蚊嘅約兩個月高位;理想汽車(2015)亦突破一個月高位,曾升上118蚊以上。#jpg_2#

 

比亞迪上星期五出現突破,資金唔係側埋一邊反手開淡,好倉留入資金仲多過淡倉。之前都講過N次,比亞迪中距離牛證槓桿,普遍較活躍Call高,亦免除引伸影響,所以吸引唔少好友加注。小鵬同理想冇牛熊證揀,想趁近期由低位反彈順勢部署,暫時只能考慮輕微價外Call。#jpg_3#

 

新能源汽車股輪證選擇

 

比迪認購證26585,行使價305.2元,21年12月到期,實際槓桿約5.9倍。

比迪認沽證23334,行使價228元,22年02月到期,實際槓桿約4.4倍。

比迪牛證61043,收回價257元,行使價253元,槓桿比率約12.0倍。

比迪熊證56405,收回價288元,行使價292元,槓桿比率約14.5倍。

 

小鵬認購證17073,行使價189.99元,22年01月到期,實際槓桿約4.8倍。

理想認購證24324,行使價135.88元,22年03月到期,實際槓桿約3.1倍。


...       
更多
10月12日 上午 10:53
中央要查金融機構,點解阿里都中箭?

又有嘢查?外電報道,內地下令中紀委,調查包括銀行、保險同證券業入面嘅主要金融機構,睇吓佢哋監管方面有冇疏漏,以及同大型民企嘅關係。照道理,監管嘅係金融業,理應銀行、金融等板塊會受壓,但係唔係喎,今日受呢單消息拖累嘅,竟然係……阿里巴巴(9988)?#gif_2#

 

原來報道話,中紀委要調查嘅,係金融機構同一啲民企有冇過從甚密,當中包括負債累累嘅恒大(3333),到咗美國上市引起風波嘅滴滴,同埋阿里旗下嘅金融公司螞蟻集團。恒大停咗牌,滴滴喺美國上市,結果呢個消息帶嚟沽壓,去晒阿里巴巴身上。#gif_6#

 

阿里今朝低位曾跌逾半成,曾經失守過160蚊,不過連彈4日,仲要每日都升得咁急,借消息略作調整亦屬正常。近日急升唔敢部署嘅好倉,終於重新入場,但都係小注為主,一來近期升勢比較急,都驚會唔會再有技術回套;二來如果聽日打風停市,過埋重陽假隨時要坐幾日,所以寧願控制注碼,以慎防裂口風險嘅影響。#gif_8#

 

阿里輪證選擇

 

阿里認購證24684,行使價186.1元,22年01月到期,實際槓桿約6.7倍。

阿里認沽證25205,行使價135元,22年02月到期,實際槓桿約4.1倍。

阿里牛證58737,收回價144元,行使價142元,槓桿比率約7.3倍。

阿里熊證58350,收回價180元,行使價182元,槓桿比率約6.9倍。


...       
更多
10月11日 上午 10:44
走先啦,係咁先啦,科技股反手開淡啦…….

港股今朝顯著反彈,恒指高位急升超過500點,科技股升幅顯著,不過衝得咁勁,幾隻大型科技股都難免有資金選擇喺好倉先行獲利,好友趕住唱返句「走先啦,係咁先啦」,等高位有返少少調整,先決定「下次再玩啦」。#gif_4#

 

不過與此同時,投資者都唔係放軟手腳,今朝三大科技股ATM嘅淡倉,都見有資金反手流入淡倉,睇佢有冇出現技術性回套。騰訊(0700)高位唔能夠順勢突破500蚊,淡倉加注期間,股價已經落返490蚊附近。阿里(9988)升得更急,高位升近8%,逼近168蚊水平,同樣見資金反手開淡。計淡倉資金最活躍嘅,就唔可以唔講隻美團(3690),餐飲平台「二選一」嘅罰款落實,但市場反而視之為好消息,高位急升逾8%至278蚊,淡友即刻衝晒入Put輪同熊證,博佢升唔穿280蚊。#gif_2#

 

由於科技股近期急跌後急彈,驚股價太波動令引伸郁得勁,淡友都較傾向開淡倉部署;而且ATM 3隻科技股都有500兌1熊證,產品面值更低,但槓桿唔會受兌換比率影響,對於短線部署嘅投資者嚟講,或者更具吸引力。#gif_5#

 

科技股輪證選擇

 

騰訊認沽證26203,行使價400.2元,22年01月到期,實際槓桿約6.3倍。

騰訊熊證52431,收回價508元,行使價510.8元,槓桿比率約22.9倍。

阿里認沽證25205,行使價135元,22年02月到期,實際槓桿約4.2倍。

阿里熊證58350,收回價180元,行使價182元,槓桿比率約9.3倍。

美團認沽證26338,行使價216.88元,21年12月到期,實際槓桿約5.0倍。

美團熊證66224,收回價292元,行使價295元,槓桿比率約11.4倍。

 

騰訊認購證21681,行使價580.5元,22年01月到期,實際槓桿約7.7倍。

阿里認購證24684,行使價186.1元,22年01月到期,實際槓桿約6.3倍。

美團認購證21694,行使價330.2元,22年01月到期,實際槓桿約5.6倍。


...       
更多
10月08日 下午 01:36
睇片《奇兵出擊信心輪證》網上講座

大市頭三季反覆波動。 嚟到第四季,政策因素影響唔同行業板塊; 邊啲焦點股最受影響?點樣喺政策下揀啱正股部署輪證?

瑞信Ivan聯同兩位「散戶奇兵」:袁嘉麟Trader K同紅磡索羅斯,90分鐘兵分幾路,與你談投資論輪證!  

 

 

立即睇片重溫精彩內容!

 

網上講座內容

- 政策市下的輪證進攻與避險策略

- 個股牛熊證與窩輪比較

- 奇兵們的疫市策略分享

 

日期:2021年10月7 日 (星期四) 

時間:晚上 8時30分至10時正 

主持:朱子昭 及 朱明亮 

講者:何啟聰 Ivan瑞信香港認股證及牛熊證銷售主管 

          袁嘉麟 Trader K 新城電台《散戶奇兵》節目主持 

          紅磡索羅斯 新城電台《散戶奇兵》節目主持

 

 

瑞信網站全新3大業內專業工具: 最貼價牛熊證  |  窩輪牛熊轉換器  |  個股牛熊證佈陣

想緊貼我地嘅網上講座同教學,就記得Like埋我地嘅 YouTube Channel 啦!去「輪證頻道」留意最新update都得!

 


...       
更多
10月08日 上午 10:46
瑞聲盈警急跌,舜宇都受牽連?

手機設備股瑞聲科技 (2018)今朝嘅表現,真係嚇到人心都離一離,低位急跌逾14%,跌到落31.15元,係超過6年以來嘅低位。#gif_6#

 

瑞聲因乜事跌咁多?原來佢出咗個盈警,預告第三季淨利潤按年跌約51%至61%,得返1.66億至2.1億人仔。瑞聲話,盈利下跌主要係由於匯兌收益大減、成本上漲,以及同晶片短缺令新機型需求減弱引致。跌幅達到一成以上,當然都會吸引資金入場,而輪場上最低行使價嘅瑞聲Call ,就係呢隻28270,雖然價外幅度都有25%,但暫時無更低行使價產品下,喺行使價嚟講,已經係較保守嘅選擇,睇好瑞聲有機會反彈嘅不妨留意。#gif_10#

 

瑞聲盈警,連帶另一隻手機孖寶舜宇科技(2382),今朝都捱沽,低位曾跌逾4%至190蚊。其實舜宇呢段時間,已經錄得好明顯嘅跌幅,9月高位曾升至240蚊以上,但近日已回落到200蚊以下。可能有好友今朝見舜宇受瑞聲牽連而捱沽,但又驚瑞聲風險太大,所以轉投舜宇好倉作小注博反彈部署。#gif_2#

 

手機設備股輪證選擇

 

瑞聲認購證28270,行使價39.88元,22年04月到期,實際槓桿約4.6倍。

瑞聲認購證27058,行使價43.93元,22年10月到期,實際槓桿約3.2倍。

 

舜光認購證26220,行使價220.2元,21年12月到期,實際槓桿約6.3倍。

舜光牛證65773,收回價180元,行使價176元,槓桿比率約9.9倍。

舜光熊證55358,收回價218元,行使價222元,槓桿比率約6.6倍。


...       
更多
10月07日 上午 10:49
股神拍檔撈底?阿里博反彈要睇清楚……

阿里巴巴(9988)連日創新低,已經唔係咩新鮮事,不過股價繼尋日止跌後,今朝大幅抽升逾半成,高位重上145蚊,已經收復設上月月底嘅水平。當然,過去一段時間阿里跌咁多,而家依然算係保持喺低位。#gif_2#

 

有報道話,有「股神」之稱嘅著名投資者巴菲特,佢嘅拍檔芒格喺申報持股時,顯示佢喺9月份增持阿里美股,仲單季大增逾82%,增至持有逾30萬股阿里美股。聽落有著名投資者嘅明星效應,可能點都對阿里有啲刺激作用,但係咪真係利好得咁緊要呢?部署之前或者要諗清楚。#gif_4#

 

單季持股大增逾82%?聽落當然興奮,不過就算計9月底嘅持股,都只不過係值4,500萬美金左右,折合大約3.5億港紙,其實以呢類著名投資者嘅持倉嚟講,真係唔算係一個大金額,會唔會係見阿里跌咗咁多,平絕大部分國際大型科技股,先趁低買少少博反彈呢?或者真係要芒格本人先知道。#gif_8#

 

阿里今朝急升,資金更加唔敢博好倉,之前趁低買咗Call或者牛嘅投資者,唔少趁機會食糊先;但趁佢升唔穿150蚊而反手開淡嘅資金都唔算太多。始終呢隻股份令唔少投資者失望咗太耐,大家對佢有戒心絕對理解。 #gif_9#

 

阿里巴巴輪證選擇

 

阿里認購證26801,行使價160.1元,22年03月到期,實際槓桿約4.6倍。

阿里認沽證25205,行使價135元,22年02月到期,實際槓桿約3.1倍。

阿里牛證59208,收回價131元,行使價129元,槓桿比率約8.8倍。

阿里熊證64484,收回價160元,行使價162元,槓桿比率約7.8倍。


...       
更多
10月06日 上午 10:37
油價強勢,油股繼續升?

油組自早前會議話維持現有增產策略後,國際油價持續向好,連帶石油股都跟住升。中海油(0883)今朝重上9蚊,高位曾升2%至9.13元,係逾半年高位。中石油成功突破4蚊,仲曾升逾半成至4.2元水平。中石化(0386)升幅都曾經接近3%,同樣突破4蚊關口。#gif_3#

 

三桶油之中,特別想講吓中海油,因為公司早前宣布回A計劃之後,股價都曾經出現升浪,但當時高見9蚊就見頂,估唔到喺原油需求增加下,令中海油今朝輕鬆突破9蚊。嚟緊大家或者都睇實今個星期五、北水重臨嘅日子,事關一啲回A概念股,通常都會得到北水關注,呢幾日北水休息,中海油都能夠成功突破蚊;之後北水返嚟,會唔會係推動佢再升多啲嘅動力呢?#gif_1#

 

中海油今朝見到有好友追貨,主要都係揀中距離牛證為主,始終牛證槓桿較行使價喺10蚊以上嘅活躍海油Call實際槓桿略高,對於短線部署嘅投資者,高槓桿或較具吸引力。#gif_4#

 

石油股輪證選擇

 

海油認購證22009,行使價10.22元,22年03月到期,實際槓桿約5.2倍。

海油認沽證27654,行使價7.34元,22年09月到期,實際槓桿約2.7倍。

海油牛證54324,收回價8.7元,行使價8.4元,槓桿比率約11.9倍。

海油熊證50351,收回價9.5元,行使價9.8元,槓桿比率約11.8倍。

 

中油認購證26791,行使價4.38元,22年03月到期,實際槓桿約5.5倍。

中化認購證26706,行使價4.61元,22年02月到期,實際槓桿約7.7倍。


...       
更多
10月05日 上午 11:29
睇片:第四季港股走勢及輪證部署

九月大市繼續下試支持,科技股彈唔上,濠賭股又擔心續牌,究竟最後一季港股可唔可以否極泰來? 邊個板塊又最值得留意? 聽黃師傅、Ivan分享股輪策略!

 

 

網上講座內容:

1./ 科技股可重新關注嗎?

2./ 新能源股可延續第三季強勢嗎?

3./ 內房債務問題如何終局?

 

03:49 大市

14:38 ATMX 

16:28 美團3690 

17:12 美團 輪證部署 

18:34 阿里 9988 

25:40 小米1810 

29:28 內房板塊 

31:00 融創1918 

31:12 黃師傅: 內房股部署 

32:07 Ivan: 當下市況注碼控制 

36:00 龍源0916 

40:25 比亞迪1211 輪證部署 

42:28 吉利汽車0175 

44:20 藥明生物2269 

48:23 港交所0388 

49:30 紫金礦業2899

 

瑞信網站全新3大業內專業工具: 最貼價牛熊證  |  窩輪牛熊轉換器  |  個股牛熊證佈陣

想緊貼我地嘅網上講座同教學,就記得Like埋我地嘅YouTube Channel 啦!去「輪證頻道」留意最新update都得!

 

  

日期:2021年10月4日 (星期一) 

時間:晚上 8時45分至晚上 9時30分

 

講者:

黃瑋傑 – 新城財經台節目主持

何啟聰 – 瑞信香港認股證及牛熊證銷售主管


...       
更多
10月05日 上午 10:45
內房債驚爆,平安失50蚊……

有喺本港上市嘅內房股話,未能如期償還到期嘅優先票據,仲話流動性出現階段性緊張嘅情況。市場驚仲會唔會有其他內房股,有機會企業債到期都還唔到錢,多隻內房股急跌;不過除咗內房股外,連佢今日都顯著受壓,佢就係內險股中國平安(2318)啦。#gif_2#

 

平安今朝一開市已經落到50蚊邊,之後跌幅曾擴大至近半成,低位落到48.8元,不過守得住9月下旬嘅低位,但又未能重上50蚊以上。平安之前已經講過,為內房商華廈幸福嘅投資作撥備,但喺恒大(3333)方面無論股債都無任何風險承擔;不過內房債務危機嘅憂慮持續,平安喺其他內房股身上嘅投資,會唔會都有問題出現?呢個關注可能就係令佢再度失守50蚊嘅原因。#gif_6#

 

可能見平安上個月都見過呢啲低位,及後仲一度重返55蚊以上,今朝股價沽落嚟,都見到有好友入場博,但Call輪都下移至行使價喺60蚊附近,又或者再揀低啲收回價嘅牛證,拉遠同現水平嘅距離。#gif_10#

 

平安輪證選擇

 

平安認購證27055,行使價62.88元,22年03月到期,實際槓桿約5.9倍。

平安認購證26798,行使價60.93元,23年03月到期,實際槓桿約3.5倍。

 

平安牛證63522,收回價48元,行使價47.4元,槓桿比率約19.0倍。

平安牛證63523,收回價45.88元,行使價45.28元,槓桿比率約10.7倍。

平安熊證67890,收回價57.88元,行使價58.48元,槓桿比率約5.1倍。


...       
更多
    輪證小知識
    輪證小知識相關帖文