輪證動態專頁

11月11日 上午 11:38
睇片:《追電動車定撈科技股?》

港股近日缺乏方向,成交薄弱; 想知郭sir 點睇大市最新走勢? 又可以點制定投資策略同輪證部署? 就要立即睇片重溫啦~

 

講座內容:

- 電動車概念股仲有無空間?

- 科技股監管潮下的輪證策略

- 港股年底前的買賣策略

 

 

瑞信x華盛証券 x郭思治工作室

節目日期:       2021年11月9日(星期二)

時間:              下午4時30分至5時30分 

主持:                 郭思冶先生  李元玄小姐

嘉賓:                 鍾俊鏘先生 (Joe)  華盛証券業務總監

                        何啟聰先生 (Ivan)  瑞信香港認股證及牛熊證銷售主管

 

 

00:45 大市 

08:44 牛熊證街貨圖 

10:33 平安好醫生 (01833.HK) 

13:22 藥明生物 (02269.HK) 平安好醫生 (01833.HK) 

22:50 大市 

24:30 高追電動車定低撈科技股? 

30:44 比亞迪(01211) 

34:44 吉利(175) 

37:41 恒大汽車(00708) 

40:12 比亞迪(01211) 

47:30 科技股 

51:12 阿里巴巴(09988) 

55:33 柏能(01263)+元宇宙概念股 

56:44 港股年底前的買賣策略

 

 

想緊貼我地嘅網上講座同教學,就記得Like埋我地嘅 YouTube Channel 啦!去「輪證頻道」留意最新update都得!

 

 

瑞信網站全新3大業內專業工具: 

最貼價牛熊證 |  窩輪牛熊轉換器  |  個股牛熊證佈陣


...       
更多
11月26日 上午 11:02
美團季績前受壓?好倉趁跌入場!

去到最後一隻大型科技股出季績,美團(3690)今朝跟隨大市受壓,低位跌逾3%至263蚊,係超過一個月低位。睇圖嚟講,美團走勢麻麻,失守埋50天線約266.4元後,而家只係睇會唔會回補埋10月上旬嘅上升裂口約258.2元。#gif_2#

 

講起科技股業績,相信大家近期都畀佢哋嚇怕。事關大部分科企放榜之後,都係急跌嘅較多,能夠升嘅只屬少數,但正因為美團喺放榜前已先行尋底,反而有投資者覺得已經反映咗負面預期,若果業績稍為有啲正面因素,話唔定有機會帶動股價見底回穩,亦因此吸引資金趁跌入場撈好倉。#gif_4#

 

又長氣講多次,近期入場開倉嘅資金,揀美團牛熊證嘅明顯多咗,特別係今日股價捱沽,窩輪引伸升咗,意味投資者成本略為增加。根據過往情況,業績後引伸循例都會跌啲,而且當股價喘定跌勢,波幅收窄下引伸回落並唔出奇,揀牛熊證將可免除引伸變動嘅影響。#gif_7#

 

美團輪證選擇

 

美團認購證21695,行使價313.2元,22年01月到期,實際槓桿約8.2倍。

美團認沽證28918,行使價238.68元,22年01月到期,實際槓桿約5.6倍。

 

美團牛證53016,收回價250.88元,行使價247.88元,槓桿比率約13.6倍。

美團牛證58730,收回價241.88元,行使價238.88元,槓桿比率約9.5倍。

美團熊證53023,收回價285元,行使價288元,槓桿比率約10.6倍。


...       
更多
11月25日 上午 11:03
市場已麻木?騰訊無懼App整改倒升?!

接二連三嘅監管重拳,係咪令市場都開始麻木,唔識再俾反應呢?尋日收市後有報道話,工信部對騰訊(0700)採取過渡性行政指導措施,暫停騰訊推出新手機App同更新,要等待檢測合格後先再上架,不過可能呢類消息已經見得多,今朝騰訊股價唔係幾見受影響,高位仲曾經升逾2%至482蚊以上,暫時結束五連跌。#gif_1#

 

其實睇真啲單消息,似乎市場亦普遍覺得唔係太負面,而且騰訊亦表明會配合監管部門進行正常合規檢測,所以股價對消息無反應,亦唔係太出奇。走勢上,騰訊上返50天線附近,資金仍普遍較觀望,好友小注觀望上試100天線約485蚊以上嘅機會。#gif_4#

 

除咗騰訊,美團(3690)亦係科技股焦點,嚟緊聽日會壓軸公布季績,但股價今朝表現麻麻,維持喺270蚊反覆。好倉有加注中距離牛,揀牛證原因相信大家都了解,係想避免業績前後引伸較波動嘅影響。#gif_2#

 

科技股輪證選擇

 

騰訊認購證11099,行使價586.35元,22年03月到期,實際槓桿約9.7倍。

騰訊認沽證28723,行使價399.8元,22年03月到期,實際槓桿約7.3倍。

騰訊牛證50275,收回價461.8元,行使價459元,槓桿比率約19.1倍。

騰訊熊證53395,收回價498元,行使價500.8元,槓桿比率約18.8倍。

 

美團認購證21695,行使價313.2元,22年01月到期,實際槓桿約8.2倍。

美團認沽證28918,行使價238.68元,22年01月到期,實際槓桿約5.9倍。

美團牛證60383,收回價254元,行使價251元,槓桿比率約12.9倍。

美團熊證53023,收回價285元,行使價288元,槓桿比率約13.9倍。


...       
更多
11月24日 上午 12:23
快手急升唔敢博?小米捱沽反入場?

尋日同大家提過嘅快手(1024)同小米(1810),終於出咗季度業績。快手季度虧損擴大,但依然較市場預期理想,今朝曾急漲近15%,唔單止重上百元大關,仲高見108蚊以上。反觀小米季度經調整純利雖然按年升逾25%,但股價卻曾急跌逾8%,唔單止跌穿20蚊,仲尋底尋到落19蚊邊,先叫略為喘定跌勢。#gif_6#

 

睇返兩隻業績股今朝表現咁極端,輪場資金部署方向亦幾唔同。同屬視頻股嘅嗶哩嗶哩(9626)早前公布季績後急跌,市場本來對快手業績都唔敢睇得太正面,但最終虧損較預期少,股價亦隨即急升;但升得咁急,大家似乎唔係好夠膽追,一來覺得今日可能只係挾淡倉,二來虧損始終係擴大咗;快手好倉趁彈獲利多,反而中距離熊證有資金反手部署。#gif_4#

 

至於小米,季度經調整純利其實有得升,但整體季度純利按年跌逾八成,主要係受投資公允值錄得虧損所拖累,不過投資者對佢本身業務前景有興趣多啲,好倉見唔少資金趁急跌入場,似乎反手部署係兩隻季績股嘅主流策略。留意股價急跌,小米輪引伸今朝升咗,揀牛熊證可以免除及後引伸可能回落嘅影響。#gif_7#

 

季績科技股輪證選擇

 

快手認購證26204,行使價122.9元,22年04月到期,實際槓桿約3.7倍。

快手認沽證23075,行使價85.88元,22年02月到期,實際槓桿約4.5倍。

快手牛證53009,收回價98元,行使價95元,槓桿比率約13.7倍。

快手熊證51049,收回價114元,行使價117元,槓桿比率約6.1倍。

 

小米認購證12300,行使價23.05元,22年04月到期,實際槓桿約6.8倍。

小米認沽證27053,行使價18.18元,22年03月到期,實際槓桿約5.8倍。

小米牛證53195,收回價17.78元,行使價17.38元,槓桿比率約9.4倍。

小米熊證67260,收回價22.28元,行使價22.68元,槓桿比率約5.6倍。


...       
更多
11月23日 上午 10:43
又有科技股業績,今日係小米、快手!

雖然已經去到11月底,但科技股仲未出完業績。小米(1810)今日會放榜,股價今朝算硬淨,暫時徘徊喺21蚊附近,未見跟隨大市捱沽。視頻股快手(1024)亦會喺今日公布業績,但表現就相對失色,低位曾跌逾3%,回落至90蚊邊緣。#gif_2#

 

近期公布業績嘅科技股,除咗京東(9618)之外,大部分出完業績後都出現大小不一嘅跌幅,確實嚇怕咗唔少投資者,不過由於板塊普遍已累積一定跌幅,落到現水平,反而有好友開始覺得吸引。即市睇,小米資金流相對淡靜,快手喺90蚊邊就見到有好友吸納中距離牛。#gif_4#

 

又長氣重覆多次,業績前資金愛牛熊,主要都係驚窩輪引伸喺業績後通常都會跌,而牛熊證就可以免除波幅考慮;不過近期科技股郁動大,好友亦要留意裂口風險,所以寧願犧牲少少槓桿,揀返距離有返咁上下嘅牛熊,或者可以稍為控制吓收回風險。#gif_8#

 

業績科技股輪證選擇

 

小米認購證12300,行使價23.05元,22年04月到期,實際槓桿約6.4倍。

小米認沽證27053,行使價18.18元,22年03月到期,實際槓桿約6.5倍。

小米牛證59550,收回價19.18元,行使價18.78元,槓桿比率約9.0倍。

小米熊證67260,收回價22.28元,行使價22.68元,槓桿比率約10.7倍。

 

快手認購證25973,行使價115.1元,22年03月到期,實際槓桿約4.3倍。

快手認沽證23847,行使價73.88元,22年02月到期,實際槓桿約4.5倍。

快手牛證63007,收回價82元,行使價79元,槓桿比率約6.8倍。

快手熊證67253,收回價104元,行使價107元,槓桿比率約5.4倍。


...       
更多
11月22日 上午 11:02
京東網易大熱染藍,農夫山泉倒灶後急跌……

恒指季檢公布結果,京東(9618)同網易(9999)大熱染藍,兩隻股份今朝都有得升。近期季績後氣氛如虹嘅京東,今朝曾再升逾3%至365蚊,係超過8個月高位。網易高位亦升逾半成,逐步逼近190蚊,亦係超過5個月高位。#gif_3#

 

可能京東走勢實在太強,業績又出完,染藍又成功咗,驚利好消息已經反映晒,輪場資金獲利居多,中距離京東熊更見有唔少投資者反手作部署。網易資金流相對淡靜,或者係消化咗業績之後嘅一輪沽壓後,大家傾向觀望多。#gif_1#

 

反觀部署染藍黑馬未能晉身藍籌,今朝出現顯著跌幅。農夫山泉(9633)曾大跌逾11%,低位落到43蚊邊緣,幾乎將由月初至今,因染藍憧憬而帶嚟嘅升幅全面蒸發。京東健康(6618)曾跌逾6%,低位失守70蚊,落返去月初附近水平。小注資金都有趁股價急跌撈底,不過短暫憧憬消息,或者只可寄望會唔會有技術性反彈機會出現。#gif_2#

 

染藍相關股輪證選擇

 

京東認購證29480,行使價400.2元,22年04月到期,實際槓桿約5.5倍。

京東認沽證29293,行使價278元,22年04月到期,實際槓桿約4.4倍。

京東牛證51166,收回價318元,行使價315元,槓桿比率約7.2倍。

京東熊證63679,收回價378元,行使價381元,槓桿比率約15.0倍。

 

網易認購證21624,行使價196.98元,22年01月到期,實際槓桿約6.9倍。

網易認沽證13719,行使價149.9元,22年09月到期,實際槓桿約2.7倍。

網易牛證52168,收回價165.88元,行使價163.88元,槓桿比率約7.5倍。

 

農泉認購證13141,行使價50.93元,22年02月到期,實際槓桿約5.2倍。

京健認購證11824,行使價81.88元,22年05月到期,實際槓桿約3.6倍。


...       
更多
11月19日 上午 09:14
恒指季檢將揭盅!邊啲股份有染藍憧憬?

雖然科技股業績搶去市場唔少焦點,不過都唔好忘記,恒指季檢將會喺今日收市後公布結果。每逢季檢,都會吸引投資者睇吓邊啲股份有染藍概念,再率先部署睇吓有冇機會受帶動。雖然話而家恒指成分股增加咗,就算染藍都好似冇舊時咁矜貴,但若果結果有驚喜,可能都會有啲刺激作用。#gif_4#

 

有券商報告估,今次應該又會加多2至3隻藍籌。上次大熱倒灶嘅京東(9618),本輪季檢又成為大熱門,而佢尋日公布嘅季績符合預期,隔晚ADR有得升。京東過去一段時間反彈唔少,雖然尋日跟住大市捱沽,但都守得住320蚊,或者可以留意染藍憧憬加埋季績,有冇機會帶動股份更上一層樓。#gif_5#

 

除咗新經濟股,內需股農夫山泉(9633)同思摩爾(6969)亦係染藍黑馬,當中近期以農夫山泉表現較佳,尋日仲逆市企穩喺48蚊以上。如果覺得恒指公司會考慮行業獨特性,冷敲內需股亦係潛在選擇。至於醫藥相關股,包括京東健康(6618)同翰森制藥(3692),都有分析話有機會染藍,但比起上面嘅熱門科技股同黑馬內需股,如果想部署,可能就要考驗吓投資者嘅心臟夠唔夠強大啦。#gif_7#

 

潛在染藍股份輪證選擇

 

京東認購證29480,行使價400.2元,22年04月到期,實際槓桿約6.3倍。

京東認沽證29293,行使價278元,22年04月到期,實際槓桿約4.2倍。

京東牛證51166,收回價318元,行使價315元,槓桿比率約29.4倍。

京東熊證66228,收回價358元,行使價361元,槓桿比率約7.9倍。

 

農泉認購證13141,行使價50.93元,22年02月到期,實際槓桿約4.5倍。

思摩認購證14683,行使價50.05元,22年03月到期,實際槓桿約3.4倍。

思摩牛證69588,收回價32.38元,行使價28.38元,槓桿比率約3.3倍。

 

京健認購證24753,行使價83.88元,22年02月到期,實際槓桿約5.5倍。

瀚藥認購證25613,行使價22.28元,22年03月到期,實際槓桿約4.9倍。


...       
更多
11月18日 上午 10:43
百度嗶哩績後急跌,嚇窒埋其他業績科技股?

港股又再捱沽,今日市場氣氛唔好,主要係個別科技股業績後捱沽,百度(9888)績後低位曾跌逾8%,低位險守155蚊水平;視頻股嗶哩嗶哩(9626)季度虧損擴大,低位更急跌逾12%至620蚊以下。#gif_6#

 

嚟緊今日仲有阿里(9988)同京東(9618)公布業績,雖然電商股同百度及嗶哩嘅經濟環境唔同,但始終屬於科技股板塊,佢哋業績後急跌,都令唔少投資者驚一驚,怕業績後都難逃跌勢,今朝兩隻電商股亦跌定先。阿里低位跌逾半成,暫守155蚊水平;京東跌幅亦曾經超過4%,暫守320蚊。#gif_2#

 

阿里同京東跟跌,即市睇以阿里較多資金博好倉,或者係股價一直較落後,而家再跌深啲,令部分投資者覺得股價已跌到吸引水平;相對京東,由於過去跌段時間已經累積咗一定彈幅,而家仲算維持高位,再博好倉嘅資金唔算太多。急跌嘅嗶哩,亦見有資金小注考慮輕微價外Call。#gif_8#

 

業績科技股輪證選擇

阿里認購證24690,行使價200.2元,22年03月到期,實際槓桿約7.4倍。

阿里牛證58737,收回價144元,行使價142元,槓桿比率約9.0倍。

阿里熊證67281,收回價167元,行使價169元,槓桿比率約11.2倍。

 

京東認購證25665,行使價372.88元,22年03月到期,實際槓桿約7.0倍。

京東牛證51167,收回價308元,行使價305元,槓桿比率約14.1倍。

京東熊證60488,收回價350元,行使價353元,槓桿比率約10.4倍。

 

百度認購證24423,行使價185.1元,22年01月到期,實際槓桿約6.0倍。

百度認沽證22856,行使價132.88元,22年02月到期,實際槓桿約6.5倍。

嗶哩認購證23476,行使價688.88元,22年02月到期,實際槓桿約4.6倍。


...       
更多
11月17日 上午 10:29
版號復批傳聞都幫唔到手?騰訊爭持、網易急跌……

尋日有報道話,內地將恢復審批遊戲版號,雖然只係綜合業內人士嘅消息報道,但尋日已經帶動咗網遊股上去;不過消息刺激似乎幾短暫,尋日重上500蚊嘅騰訊(0700),都叫做維持到喺整數關上面爭持;但網易(9999)呢?出完季績之後,今朝低位卻要急跌逾半成。#gif_6#

 

當然唔可以將網易急跌,怪落復批版號相關消息上。網易公布,第三季純利約31.8億元人仔,按年逾增6%,但按季卻要倒退約一成。網易捱沽,早段都唔算有好多資金博反彈,普遍都係小注為主,反觀騰訊仲係高企,資金對佢興趣更大。#gif_4#

 

尋日資金流睇到,好倉趁騰訊反彈即時沽貨獲利,少量好友向上換馬。淡倉反而有資金趁股價突破反手部署,而呢個趨勢今朝都冇變,騰訊淡倉喺股價保持喺500蚊以上時,仍然較受歡迎。近期唔少開科技股嘅投資者都做得比較短,升時買跌,跌時買升,傾向作波幅部署。#gif_2#

 

網遊股輪證選擇

 

騰訊認購證26452,行使價600.5元,22年02月到期,實際槓桿約9.6倍。

騰訊認沽證21725,行使價425元,22年01月到期,實際槓桿約9.9倍。

騰訊牛證51148,收回價483.2元,行使價480.4元,槓桿比率約16.3倍。

騰訊熊證60948,收回價524元,行使價526.8元,槓桿比率約21.1倍。

 

網易認購證21624,行使價196.98元,22年01月到期,實際槓桿約7.3倍。

網易認沽證29165,行使價136.26元,22年03月到期,實際槓桿約4.8倍。

網易牛證50821,收回價152.88元,行使價150.88元,槓桿比率約6.3倍。


...       
更多
11月15日 上午 10:58
科技股業績,唔止得阿里、京東!

騰訊(0700)上星期公布完業績之後,今個星期仲有大批科技股公布業績。除咗近期雙11後成為焦點嘅兩大電商龍頭阿里(9988)同京東(9618),唔好忘記唔少大型科技股,都會喺嚟緊幾日派成績表。#gif_1#

 

去《瑞信業績期專頁睇睇,聽日會有網遊股網易(9999)公布業績。雖然騰訊業績冇驚喜,但亦不過不失,對同屬網遊股嘅網易或者都有正面影響。網易今朝強勢,早段曾升近3%至接近180蚊,升至約5個月高位。#gif_3#

 

去到星期三,就有百度(9888)同視頻股嗶哩嗶哩(9626)公布季績。百度近期由低位反彈返唔少,今朝高位逼近168蚊,短線或者睇吓有冇機會回補返10月下旬下跌裂口約168.5元水平。嗶哩今朝仲破埋位,高位升逾2%,爭少少就掂到180蚊,重上100天線,亦係逾兩個月高位,短線或者留意業績,可唔可以幫到佢回補9月下旬690.5元嘅下跌裂口。#gif_5#

 

將公布業績科技股輪證選擇

 

網易認購證21624,行使價196.98元,22年01月到期,實際槓桿約7.2倍。

網易認沽證29165,行使價136.26元,22年03月到期,實際槓桿約5.1倍。

百度認購證24423,行使價185.1元,22年01月到期,實際槓桿約7.6倍。

百度認沽證22856,行使價132.88元,22年02月到期,實際槓桿約6.6倍。

嗶哩認購證26458,行使價800.5元,22年02月到期,實際槓桿約4.7倍。


...       
更多
    輪證小知識
    輪證小知識相關帖文