輪證動態專頁

05月11日 下午 06:09
點解業績前窩輪引伸波幅會升?點解放榜後會跌?原來係……

上回提到,引伸波幅係市場對相關正股未來波動性嘅預測。如果預期股價走勢會波動咗,係咪代表引伸波幅有機會上升?

Bingo!理解正確!最常見嘅例子係企業公布業績。企業放榜前,無論睇好定睇淡,都係一個有機會影響股價走勢嘅潛在因素。由於預期未來股價有機會郁,窩輪引伸波幅喺業績前通常會升;但當業績公布後,無論為股價帶嚟咗正面定負面影響,由於短期會影響股價嘅因素已經出現咗,引伸波幅喺業績後有機會回落。

溫返書,之前咪講過引伸上升,輪價會升嘅?嚟緊騰訊(0700)會公布季度業績,投資者如果想做業績部署,就要留意睇中咗嘅輪,業績前有冇「升窩」令你買貴貨;到業績之後,隻輪有冇「跌窩」蠶食咗部分輪價啦!

相關帖文:
[大笨象唔郁係「原罪」?買輪前要理解引伸波幅高與低!]
[知唔知輪場近期出現咗「窩災」?究竟乜嘢係「跌窩」?]
 

想知業績期資訊? 立即上瑞信業績期專頁

 


...       
更多
15小時前 昨日 上午 11:36
睇片重溫《年底重整投資組合策略分析》網上講座

變種病毒出沒,通關事宜一波三折,澳門博彩股又大幅震盪,環球股市會否持續波動?  

 

美國證交會(SEC) 上星期五(3日) 敲定修訂《外國公司問責法》加強監管,憂慮中概股由美國退市機會增加,在本港上市的相關股份見沽壓,科技股成為重災區;但有危就有機,一齊聽下黃師傅同Ivan嘅分析!

 

網上講座內容:

1) 中概股退市憂慮,科技股急跌後如何分析?

2 )電動車概念股失守支持,強勢股終極一跌?

3) 年底投資組合及輪證策略分析

 

 

網上講座日期:2021年12月6日 (星期一) 

時間:晚上 8時45分至晚上 9時30分

 

講者:

黃瑋傑 – 新城財經台節目主持 

何啟聰 – 瑞信香港認股證及牛熊證銷售主管

 

 

想緊貼我地嘅網上講座同教學,就記得Like埋我地嘅 YouTube Channel 啦!去「輪證頻道」留意最新update都得!

 

瑞信網站全新3大業內專業工具: 最貼價牛熊證 |  窩輪牛熊轉換器 | 個股牛熊證佈陣


...       
更多
16小時前 昨日 上午 10:27
唔係隻隻中概股都識升?阿里急彈、京東受壓……

經過連日急跌後,中概股終於都識反彈,連日創新低嘅阿里(9988),高位急升逾9%至123蚊,之後仲企到喺120蚊水平樓上;不過唔係隻隻中概股都有得彈,同屬電商股、呢個星期先正式染藍嘅京東(9618),股價連跌3日,今朝低位曾再跌逾3%,回落至295蚊附近。#gif_10#

 

市場對中概股可能退市嘅憂慮略為降低,中概股回穩,但負面影響係,相關股份輪嘅引伸波幅,都可能會有回軟壓力,抵銷咗部分正股升幅帶嚟嘅輪價升幅。阿里今朝大彈,資金似乎都唔係睇得咁樂觀,好倉紛紛留出獲利,反手開淡倉嘅,就傾向揀中距離熊證,避開引伸影響。#gif_2#

 

至於京東,失守300蚊之後,吸引好友小注入場,但揀輪再下移至行使價喺350蚊以下嘅Call,減低價外幅度。如果驚窩會跌,揀中距離牛證博反彈,亦不失為可以考慮嘅選擇。#gif_4#

 

電商股輪證選擇

 

阿里認購證28271,行使價141.98元,22年04月到期,實際槓桿約4.7倍。

阿里認沽證14780,行使價109.9元,22年04月到期,實際槓桿約2.8倍。

阿里牛證54144,收回價108元,行使價106元,槓桿比率約6.8倍。

阿里熊證53745,收回價138元,行使價140元,槓桿比率約6.3倍。

 

京東認購證27429,行使價346.38元,22年02月到期,實際槓桿約6.7倍。

京東認沽證25552,行使價255元,22年03月到期,實際槓桿約4.9倍。

京東牛證58650,收回價278元,行使價275元,槓桿比率約11.1倍。

京東熊證55956,收回價348元,行使價351元,槓桿比率約5.6倍。


...       
更多
12月06日 下午 01:17
退市憂慮受惠股?港交所曾逼近470蚊!

中概股急跌,係由上星期五起嘅大市主題,憂慮佢哋由美國退市風險增加,多隻中概科技股同汽車股跌幅顯著,不過唔係所有股份都驚畀退市憂慮震散,好似隻港交所(0388),今日表現繼續一支獨秀,高位曾急升近4%,爭少少就見470蚊!#gif_3#

 

市場關注啲中概股如果真係退市,會唔會轉到港股市場掛牌,就好似滴滴咁,港交所將會成為受惠者;仲有,若果估計兩地上市股份退市,要換股嚟本港市場,將會再利好港股成交,呢啲都係市場對港交所嘅潛在利好憧憬。港交所升得急,雖然好倉有資金先行獲利,但亦見有好友再入場向上換馬,若果能夠企穩250天線約468.8元,或者有上試200天線475.3元嘅機會。#gif_1#

 

除咗港交所,憧憬中資券商可能生意都會多咗,券商股亦見受捧,而最關事口嗰兩隻,應該係主力做投資銀行業務嘅中金公司(3908)同中信建投(6066),今朝高位分別升逾半成同逾4%,不過現階段好倉都只係見有少量資金入場,受捧程度暫時追唔上港交所。#gif_2#

 

港交所及券商股輪證選擇

 

港交認購證11567,行使價504.38元,22年02月到期,實際槓桿約10.6倍。

港交認沽證18420,行使價399.8元,22年03月到期,實際槓桿約9.8倍。

港交牛證55339,收回價423.88元,行使價421.88元,槓桿比率約10.3倍。

港交熊證65944,收回價488元,行使價490元,槓桿比率約17.2倍。

 

中金認購證26260,行使價25.28元,22年03月到期,實際槓桿約6.7倍。

中投認購證23104,行使價10.38元,22年04月到期,實際槓桿約5.5倍。


...       
更多
12月03日 上午 10:47
驚中概股退市?阿里京東網易顯著受壓……

近期市況唔好,多隻無點科技股已經由高位回咗唔少,不過尋晚中概股再現風暴,進一步震散投資者信心。美團證交會剛剛通過修正案,意味《外國公司問責法案》正式實施。滴滴今朝率先宣布啟動美國退市,再計劃赴港掛牌,令市場對更多中概股退市嘅憂慮增加,多隻中概股今朝跌幅顯著。#gif_6#

 

阿里巴巴(9988)再創新低,低位急跌約4%,創出117.7元嘅本港上市新低。強勢兼藍籌新貴京東(9618)亦都頂唔住,低位曾急跌逾6%,失守320蚊關口。網易(9999)低位更急跌逾8%,回落至164蚊以下。同樣強勢嘅新能源汽車股,兩隻屬於中概股嘅理想汽車(2015)同小鵬汽車(9868),今朝跌勢更急。理想曾跌逾9%,險守130蚊;小鵬低位更跌逾一成至188蚊以下。#gif_2#

 

當然退市與否,而家難有定案,不過大市走勢唔好,投資者成為驚弓之鳥,有咩風吹草動,相關股份亦即刻沽返落嚟。中概股急跌,阿里循例都有資金加注中距離牛;若果真係想趁跌撈貨,早前較強勢嘅京東、理想或小鵬,唔知反彈能力會唔會較強呢?#gif_4#

 

中概股輪證選擇

 

阿里牛證55877,收回價103元,行使價101元,槓桿比率約6.0倍。

阿里熊證54910,收回價132元,行使價134元,槓桿比率約7.0倍。

京東牛證51167,收回價308元,行使價305元,槓桿比率約16.5倍。

京東熊證55956,收回價348元,行使價351元,槓桿比率約10.2倍。

網易牛證50821,收回價152.88元,行使價150.88元,槓桿比率約11.0倍。

網易熊證54497,收回價187.88元,行使價189.88元,槓桿比率約6.2倍。

 

理想認購證15492,行使價160.09元,22年06月到期,實際槓桿約2.9倍。

小鵬認購證15485,行使價265.88元,22年05月到期,實際槓桿約3.4倍。


...       
更多
12月02日 上午 12:13
理想倒升破頂,小鵬急跌點部署?

大市窄幅靠穩,新能源汽車股繼續係逆市奇葩。比亞迪(1211)近期維持喺300蚊附近整固,郁動開始細咗,市場焦點轉為近期發力破頂嘅理想汽車(2015)同小鵬汽車(9868)。#gif_1#

 

理想同小鵬尋日都創過本港上市新高,兩隻車股剛剛都公布咗11月交付量。理想汽車話,11月理想ONE交付量按年升1.9倍,但今朝唔知點解,低位曾跌逾4%,但好快就倒升返,仲再創145蚊嘅上市新高。強到咁,都見有好友趁佢今朝跌入場買Call,似乎對車股走勢繼續樂觀。#gif_3#

 

見到理想識倒升,小鵬會唔會有機會追返上去呢?小鵬話, 11月智能電動汽車交付量按年增長2.7倍,不過今朝曾急跌逾7%,好彩守得住200蚊關口,之後跌幅收窄,但都仲成4%至半成左右。作為電動車孖寶,理想成功收復失地,趁小鵬扭沽,會唔會係部署機會呢?#gif_4#

 

新能源汽車股輪證選擇

 

理想認購證15492,行使價160.09元,22年06月到期,實際槓桿約3.0倍。

 

小鵬認購證15485,行使價265.88元,22年05月到期,實際槓桿約3.5倍。

小鵬認沽證14776,行使價152.78元,22年04月到期,實際槓桿約3.1倍。


...       
更多
12月01日 上午 10:47
反彈出現,重磅股竟見資金反手…….

期待已久嘅反彈終於都出現,恒指今朝反彈成300點有多,高位曾重上23,800點水平;不過大家可能都被近期大市嘅走勢嚇怕,加上新冠變種病毒嘅影響仲未知有幾大,趁今日有得彈,好倉都係先行沽貨獲利多,反而淡倉方面,就有資金入場反手部署,莫非真係睇得咁淡?#gif_10#

 

淡倉方面,見兩隻重磅科技股騰訊(0700)同美團(3690),都有投資者部署,特別係中距離熊證,見到有資金逐步加注,或者係覺得科企季績普遍麻麻,加上仲有監管陰霾,趁反彈都先行沽出好倉鎖定利潤,再反手開淡博佢回套。#gif_4#

 

港交所(0388)尋日低位突破殺落430蚊樓下,尋日大市成交增至逾2,000億,但好大可能都係指數換馬所帶動,見佢今朝股價高位重上440蚊,但之後回返落430蚊附近,尋日開好倉嘅資金都決定走先,仲有淡友入場反手部署。12月成交通常都比較淡靜,會唔會真係對港交所有負面影響呢?#gif_2#

 

重磅股輪證選擇

 

騰訊認購證26453,行使價550.5元,22年02月到期,實際槓桿約9.7倍。

騰訊認沽證28470,行使價379.8元,22年03月到期,實際槓桿約7.3倍。

騰訊牛證57172,收回價447.8元,行使價445元,槓桿比率約16.8倍。

騰訊熊證53739,收回價492元,行使價494.8元,槓桿比率約17.1倍。

 

美團認購證28154,行使價285.2元,22年02月到期,實際槓桿約6.3倍。

美團認沽證28466,行使價223.03元,22年03月到期,實際槓桿約4.3倍。

美團牛證57185,收回價228.88元,行使價225.88元,槓桿比率約10.5倍。

美團熊證54908,收回價265.4元,行使價268.4元,槓桿比率約10.3倍。

 

港交認購證11567,行使價504.38元,22年02月到期,實際槓桿約13.1倍。

港交認沽證18420,行使價399.8元,22年03月到期,實際槓桿約8.6倍。

港交牛證53731,收回價418元,行使價416元,槓桿比率約19.7倍。

港交熊證54891,收回價458元,行使價460元,槓桿比率約14.5倍。


...       
更多
11月30日 上午 10:35
大市破底,連強勢股京東都頂唔住……

港股跌勢未止,恒指今朝曾再跌逾300點,連今年低位23,681點都失守埋。被視為最後兩隻強勢股之一嘅京東(9618),今朝都頂唔住,低位曾跌逾3%至340蚊以下。#gif_6#

 

電商股自雙11開始,股價節節上升,季績同染藍之後,更帶動股價高位一度升至365蚊,但今朝低見337蚊之後,由高到低已回落返近8%。始終係強勢股,京東破位上升,好友反而唔係好敢追,到今日由高位回軟,反而有資金部署中距離牛證,睇佢中線有冇回勇機會。#gif_2#

 

京東之外,最後兩隻強勢股嘅另外一隻,係邊隻?就係新能源汽車股比亞迪(1211),呢幾日幾乎冇跌過,今朝仲守得住300蚊靠穩。中距離牛繼續有資金加注,睇佢有冇重返320蚊高位附近。#gif_5#

 

京東、比亞迪輪證選擇

 

京東認購證29480,行使價400.2元,22年04月到期,實際槓桿約6.0倍。

京東認沽證29293,行使價278元,22年04月到期,實際槓桿約4.4倍。

京東牛證51166,收回價318元,行使價315元,槓桿比率約14.0倍。

京東熊證51757,收回價368元,行使價371元,槓桿比率約9.0倍。

 

比迪認購證29298,行使價369.08元,22年02月到期,實際槓桿約7.0倍。

比迪認沽證29537,行使價274.8元,22年02月到期,實際槓桿約5.0倍。

比迪牛證67713,收回價285元,行使價281元,槓桿比率約11.1倍。

比迪熊證68684,收回價323元,行使價327元,槓桿比率約13.0倍。


...       
更多
11月29日 下午 01:35
又現新變種病毒?賭股急跌、資金唔敢博……

新冠疫情再受衝擊,新變種病毒株Omicron憂慮擴大,驚通關又要延期;再加上太陽城集團主席周焯華被補,呢兩單消息今日對賭股帶嚟明顯沽壓。銀河娛樂(0027)今朝曾跌逾8%,低位暫守42蚊;金沙中國(1928)低位更跌逾11%;永利澳門(1128)曾急跌近14%,澳博(0880)跌幅亦一度場超過9%。#gif_6#

 

賭股急跌,通常遇到咁大幅度跌幅嘅板塊,都會吸引資金入撈好倉,不過賭股嘅負面消息,可能擔心唔係幾日就可以消散,夠膽入場撈貨嘅好友唔多,就算真係撈,都只係敢揀兩隻藍籌賭股銀娛同金沙。#gif_8#

 

部署上,若果只係做短期部署,博佢今日急跌之後,一兩日內會反彈返幾個%,見有好友揀價外Call;但如果趁跌想部署埋潛在通關機會,由於賭股急跌下,窩輪引伸波幅難免升咗,若果喘定跌勢後,引伸及後回落,可能會對輪價構成負面影響,因此有好友考慮中距離銀河牛證,免引伸同時間值損耗影響。#gif_9#

 

賭股輪證選擇

 

銀河認購證26911,行使價45.88元,22年06月到期,實際槓桿約4.0倍。

銀河認沽證23684,行使價38.88元,22年02月到期,實際槓桿約5.6倍。

銀河牛證50241,收回價40.38元,行使價39.58元,槓桿比率約11.6倍。

銀河熊證51817,收回價51.88元,行使價52.68元,槓桿比率約4.2倍。

 

金沙認購證26921,行使價20元,22年03月到期,實際槓桿約4.6倍。

金沙認沽證29286,行使價14.88元,22年04月到期,實際槓桿約4.1倍。

永利認購證26925,行使價7.38元,22年03月到期,實際槓桿約3.8倍。

澳博認購證26926,行使價6.18元,22年03月到期,實際槓桿約3.5倍。


...       
更多
11月26日 上午 11:02
美團季績前受壓?好倉趁跌入場!

去到最後一隻大型科技股出季績,美團(3690)今朝跟隨大市受壓,低位跌逾3%至263蚊,係超過一個月低位。睇圖嚟講,美團走勢麻麻,失守埋50天線約266.4元後,而家只係睇會唔會回補埋10月上旬嘅上升裂口約258.2元。#gif_2#

 

講起科技股業績,相信大家近期都畀佢哋嚇怕。事關大部分科企放榜之後,都係急跌嘅較多,能夠升嘅只屬少數,但正因為美團喺放榜前已先行尋底,反而有投資者覺得已經反映咗負面預期,若果業績稍為有啲正面因素,話唔定有機會帶動股價見底回穩,亦因此吸引資金趁跌入場撈好倉。#gif_4#

 

又長氣講多次,近期入場開倉嘅資金,揀美團牛熊證嘅明顯多咗,特別係今日股價捱沽,窩輪引伸升咗,意味投資者成本略為增加。根據過往情況,業績後引伸循例都會跌啲,而且當股價喘定跌勢,波幅收窄下引伸回落並唔出奇,揀牛熊證將可免除引伸變動嘅影響。#gif_7#

 

美團輪證選擇

 

美團認購證21695,行使價313.2元,22年01月到期,實際槓桿約8.2倍。

美團認沽證28918,行使價238.68元,22年01月到期,實際槓桿約5.6倍。

 

美團牛證53016,收回價250.88元,行使價247.88元,槓桿比率約13.6倍。

美團牛證58730,收回價241.88元,行使價238.88元,槓桿比率約9.5倍。

美團熊證53023,收回價285元,行使價288元,槓桿比率約10.6倍。


...       
更多
    輪證小知識
    輪證小知識相關帖文