輪證動態專頁

03月18日 下午 04:30
500兌1 同 100兌1嘅牛熊證比,邊類更吸引?
新增「兌換比率」500兌1 嘅騰訊(0700)同港交所(0388) 牛熊證登場之後,時不時收到投資者查詢,問兌換比率 (又稱換股比率) 大咗,槓桿會唔會低咗?

其實,如果其他條款相同,單單兌換比率改變,槓桿係唔.會.變!

有咗新增嘅500兌1 牛熊證,喺牛熊證部署上,仲為投資者帶來更多嘅彈性同好處添。有咩好處? 下面一圖話你知!

相關帖文:
[ 全新「兌換比率窩輪」登場!點樣影響到揀輪? ]

...       
更多
3小時前 今日 上午 10:37
騰訊美團倒跌,資金唔敢博?

港股今朝早段係威係勢,恒指早段曾重上20,100點以上,但估唔到一抽上去就有獲利盤出現,兩萬點關口亦得而復失。科技股倒跌,或者係限制住大市升唔到上去嘅原因。#gif_10#

 

騰訊(0700)今朝曾升逾2%,但重上360蚊後守唔穩,及後更曾倒跌逾1%至350蚊以下。騰訊嚟緊會公布季績,今朝倒跌之後,都見吸引好友重新考慮好倉。考慮到季績後窩輪引伸會唔會回落,資金轉投牛證,而500兌1產品嘅面值較低,方便好友控制注碼。就算揀輪,輪價面值較低嘅較大兌換比率嘅中期Call,都見有資金分注吸納,似乎面值都成為咗唔少投資者考慮嘅因素。#gif_2#

 

至於美團(3690),今朝高位曾升近3%,但重上170蚊之後企唔穩,及後曾倒跌逾4%至160蚊邊。美團波幅一向較大,因此資金較傾向考慮牛熊證作部署,避開引伸風險。#gif_4#

 

科技股輪證選擇

 

騰訊牛證51125,收回價331.88元,行使價328.88元,槓桿比率約14.9倍。

騰訊熊證69841,收回價369.6元,行使價372.6元,槓桿比率約14.0倍。

騰訊認購證21210,行使價427.184元,23年01月到期,實際槓桿約4.7倍。

騰訊認沽證12418,行使價280元,22年09月到期,實際槓桿約4.6倍。

 

美團牛證51137,收回價146.88元,行使價143.88元,槓桿比率約7.2倍。

美團熊證64129,收回價182.5元,行使價185.5元,槓桿比率約6.9倍。

美團認購證28125,行使價188.98元,22年08月到期,實際槓桿約4.4倍。

美團認沽證11899,行使價115.88元,22年11月到期,實際槓桿約2.4倍。


...       
更多
05月13日 上午 10:48
引擎開動!比亞領牽頭,車股向上飆!

港股今朝止跌回穩,恒指高位曾反彈逾400點至19,800點以上。近日消息多多嘅車股,今朝亦開動引擎,係表現較突出嘅板塊之一。#gif_3#

 

之前有報道話部分生產線要停產嘅比亞迪(1211),高位曾反彈逾半成,逐步逼近240蚊。吉利(0175)曾升逾6%至12.5元以上;長汽(2333)高位仲升逾一成,爭少少就挑戰到10蚊關口。中概汽車股雖然仍然有退市憂慮,不過今朝一樣有得彈,小鵬汽車(9868)高位曾反彈逾7%,逼近85蚊;理想汽車(2015)亦曾升逾6%,成功重上85蚊水平。#gif_1#

 

內地部分省市近日為咗刺激消費,陸續推出買車補貼活動,呢啲都可能係刺激汽車股走勢嘅原因之一,而即市睇,比亞迪同吉利好倉都有資金追貨,主要考慮中距離牛證以免除引伸影響,始終汽車股近期郁得勁,引伸波動大都帶嚟額外持倉風險;不過唔係隻隻汽車股都有牛證揀,好似中概汽車股咁,就只可以揀返窩輪嚟做部署。#gif_4#

 

汽車股輪證選擇

 

比迪牛證51132,收回價211元,行使價207元,槓桿比率約7.5倍。

比迪熊證54324,收回價259元,行使價263元,槓桿比率約7.8倍。

吉利牛證50252,收回價10.18元,行使價9.68元,槓桿比率約4.4倍。

吉利熊證55874,收回價13.88元,行使價14.38元,槓桿比率約5.8倍。

長汽牛證59576,收回價8.5元,行使價7.7元,槓桿比率約3.2倍。

 

小鵬認購證15855,行使價118.98元,22年11月到期,實際槓桿約2.9倍。

理想認購證15531,行使價112.22元,22年11月到期,實際槓桿約2.8倍。


...       
更多
05月12日 上午 10:39
美團騰訊已倒升?中概科技股明顯跑輸……

恒指今朝低位再下試19,500點邊緣,雖然守得住,跌幅之後仲收窄咗,但依然受制於兩萬點關口。睇返啲大隻嘅科技股,其實部分即市係有力倒升嘅,但如果係中概科技股,可能始終驚有退市風險,走勢明顯跑輸,今朝亦繼續受壓。#gif_6#

 

倒升嘅科技股,特別要睇吓隻美團(3690),低位曾跌逾3%,但之後一度倒升逾1%至163蚊以上。騰訊(0700)今朝低位曾跌逾2%至342蚊附近,但及後逐步回穩,重返350蚊以上。走勢呈弱嘅中概科技股,阿里(9988)今朝繼續跌,低位曾挫逾半成,即市跌勢見唔到有明顯改善。京東(9618)曾挫逾半成至198蚊樓下,之後大部分時間都受制於200蚊關口。#gif_10#

 

中概科技股同非中概科技股走勢明顯各異,雖然都有資金趁中概科技股落後而入場博反彈,但反彈力度較強嘅非中概科技股,似乎更啱投資者心水,始終少咗樣退市憂慮需要煩。近期科技股又大上大落,驚窩輪引伸郁得勁,或者可能考慮中距離牛熊證。#gif_4#

 

科技股牛熊證選擇

 

騰訊牛證60397,收回價328.88元,行使價325.88元,槓桿比率約13.5倍。

騰訊熊證69841,收回價369.6元,行使價372.6元,槓桿比率約13.7倍。

美團牛證50665,收回價151.88元,行使價148.88元,槓桿比率約8.6倍。

美團熊證65131,收回價177元,行使價180元,槓桿比率約9.1倍。

 

阿里牛證63391,收回價77元,行使價75元,槓桿比率約9.6倍。

京東牛證64665,收回價185元,行使價182元,槓桿比率約11.2倍。


...       
更多
05月12日 上午 10:28
睇片《「五窮月」大市尋底部署策略》

瑞信 Ivan, 聯同策略王唐牛、美華於星期二(10號)開講為大家拆解「五窮月」港股需要關注嘅要點。 

 

踏入五窮月,大市仍受制於俄烏戰事不明朗、中概股風波持續, 另加上美匯強勢,聯儲局加息,全球通脹飆升等因素夾擊, 三位對港股後市點睇?  輪證策略又有乜對策?  而想博反彈要點揀?  唐牛就覺得防守力先至係重點 (@36:30)。 Ivan 亦分享現市況揀輪要留意啲咩 (@40:00) 。

 

想有全盤準備渡過「五窮月」? 立即睇片重溫。

 

題目:「五窮月」大市尋底部署策略

- 恒指會否跌穿三月份低位?

- 內地疫情下板塊投資佈局

- 舊經濟股受通脹升溫影響怎選擇?

 

日期: 2022年 5月10日 (星期二)  時間: 中午12時15分 至 下午1時正 

主持: 唐牛,曾美華  嘉賓: 何啟聰 Ivan 瑞信香港認股證及牛熊證銷售主管

 

想緊貼我地嘅網上講座同教學,就記得Like埋我地嘅 YouTube Channel 啦!去「輪證頻道」留意最新update都得!

 

瑞信網站全新3大業內專業工具: 最貼價牛熊證  |  窩輪牛熊轉換器  |  個股牛熊證佈陣

 


...       
更多
05月11日 上午 10:37
逼近兩萬關?市場有咩好消息?

受惠於北水尋日夾埋流入超過60億,港股尋日急跌之後,收市跌幅收窄咗唔少。恒指今朝雖然再尋底,但之後好快重拾升勢,高位曾反彈近280點至19,900點以上,爭唔夠100點就重上兩萬點關口。究竟市場有咩好消息?#gif_1#

 

港股開市前,有美國傳媒報道,白宮正考慮取消部分對中國進口商品嘅關稅,以協助遏制通脹。至於疫情方面亦有消息,世衛總幹事譚德塞開到口,話病毒現在嘅情況同埋對未來嘅預期,認為中國抗擊新冠疫情嘅清零策略係不可持續。市場憧憬內地會唔會有機會改變抗疫策略,或者會令經濟帶嚟刺激,可能都係利好因素之一。#gif_3#

 

講起取消關稅,率先諗起出口股同航運股。出口股創科實業(0669)今朝曾重上100蚊關口,收復「紅底股」身份,近期仲有免除引伸影響嘅牛證登場;不過航運股中遠海控(1919)依然逆市偏軟,低位暫守12.2元水平。至於同抗疫有關嘅疫苗相當股,復星醫藥(2196)曾急升逾14%,逐步逼近35蚊,或者係憧憬無論抗疫政策會唔會變,疫苗需求只會有增無減,吸引資金追入疫苗相關股份。#gif_4#

 

市場焦點股輪證選擇

 

創科認購證14546,行使價115.88元,22年12月到期,實際槓桿約3.4倍。

創科牛證50340,收回價95.88元,行使價92.88元,槓桿比率約11.6倍。

 

遠海認購證16082,行使價13.7元,22年10月到期,實際槓桿約3.5倍。

遠海牛證55903,收回價11.28元,行使價10.78元,槓桿比率約8.8倍。

 

復藥認購證12410,行使價36.88元,22年09月到期,實際槓桿約3.7倍。

復藥認購證22963,行使價42.93元,22年11月到期,實際槓桿約3.4倍。


...       
更多
05月10日 上午 10:38
喜歡你讓我下沉……大跌市2.0可以點做?

放完假返嚟,港股繼續向下沉,外圍股市再急跌,恒指今朝低位再跌逾800點,一度失守19,200點水平,雖然之後跌少咗,但依然維持約500點跌幅,徘徊喺19,500點附近。#gif_6#

 

中概股退市憂慮,繼續係拖低大市嘅原因。美國上市會計監督委員會否認曾經派人到中國磋商審計部問題,仲話中美達成協議言之尚早,科技股受壓之餘,連舊經濟股都因為市場氣氛唔好而捱沽。#gif_7#

 

大市急跌下,好倉吸引資金入場,但好友已下移到收回價喺萬九點或以下嘅牛;遠價熊有資金沽貨獲利,最近價熊嘅收回價雖然距離現水平逾千點,但如果想追沽,冇選擇之下都只係得呢批熊證揀,惟有揀平價啲嘅12,000兌1產品,控制入場成本。#gif_10#

 

大藍籌之中,不妨留意吓隻港交所(0388),雖然大跌市下都要跟跌,低位雖然跌逾2%至320蚊,但之後跌幅顯著收窄,基本上冇咩點跌。如果市場真係咁驚中概股退市風險,憧憬回流又再次成為市場焦點下,港交所話唔定會受惠,今朝亦見有資金加注港交所好倉。#gif_4#

 

市場焦點輪證選擇

 

恒指牛證61189,收回價19000點,行使價18900點,槓桿比率約38.9倍,兌換比率10000。

恒指牛證64085,收回價18800點,行使價18700點,槓桿比率約29.5倍,兌換比率10000。

恒指熊證69889,收回價20841點,行使價20941點,槓桿比率約10.6倍,兌換比率12000。

 

港交認購證11524,行使價371.08元,22年09月到期,實際槓桿約8.1倍。

港交認沽證12430,行使價268.68元,22年10月到期,實際槓桿約5.3倍。

港交牛證50585,收回價301.88元,行使價299.88元,槓桿比率約10.9倍。

港交熊證51512,收回價358元,行使價360元,槓桿比率約8.9倍。


...       
更多
05月06日 上午 10:41
波動總要在周五?恒指急挫守兩萬關……

個市悶咗幾日,估唔到去到星期五,先出現大波動。外圍股市急跌,港股跟隨向下,恒指跌跌吓,跌幅仲擴大至逾600點,低位跌穿埋20,200點水平。記唔記得上星期五,恒指就係由20,200點附近,單日急升逾800點到兩萬一以上?一個星期,所有升幅全部蒸發,而且郁得多嘅呢一日,都係星期五!或者大家可能會問,點解波動總要在周五?#gif_6#

 

大市調整幅度深,吸引好友積極加好倉,但就好明顯冇之前咁進取,兩萬點唔知守唔守得住,好友已經順勢下移至收回價喺兩萬以下、甚至更遠價牛證,減低收回風險。淡倉當然沽貨獲利為主,而最近價嘅熊證收回價喺21,090點,雖然唔算好近價,但依然吸引追沽資金向下換馬。#gif_2#

 

至於藍籌股之中,就以騰訊(0700)同匯豐(0005)有較多資金趁跌博反彈,但已經下移返到低啲行使價嘅Call。特別想提吓隻創科實業(0669),今朝失落紅底股身份,曾跌逾8%至95蚊樓下,失守咗52周低位,都見到有資金入場撈Call。#gif_10#

 

市場焦點輪證選擇

 

恒指牛證60348,收回價19900點,行使價19800點,槓桿比率約54.6倍,兌換比率10000。

恒指牛證60356,收回價19750點,行使價19650點,槓桿比率約43.0倍,兌換比率10000。

恒指熊證68054,收回價21090點,行使價21190點,槓桿比率約16.2倍,兌換比率10000。

 

騰訊認購證29503,行使價460.2元,22年08月到期,實際槓桿約8.0倍。

滙豐認購證11406,行使價60.05元,22年10月到期,實際槓桿約9.2倍。

創科認購證14546,行使價115.88元,22年12月到期,實際槓桿約3.6倍。


...       
更多
05月05日 上午 10:47
無懸念加息!銀行股只係升少少……

美國聯儲局一如預期加息半厘,講得係「一如預期」,即係本身都無懸念,而且之前儲方官員打晒開口牌,加息早已喺市場消化;不過一向對加息睇法偏鷹嘅聯儲局主席鮑威爾,尋晚雖然話會繼續加息,但就話委員會無積極考慮加息0.75厘,言論立場未有之前咁進取,美股急升,港股今朝亦重拾升勢,恒指高位曾升逾400點,逼近21,300點水平。#gif_1#

 

銀行股今朝大致向好,不過升幅算唔上好大。滙豐(0005)三連升,高位曾升逾2%,但未能順勢突破52蚊關口。恒生銀行(0011)曾升逾1%,貼近145元水平。中銀香港(2388)曾高見30.6元嘅逾兩個月高位,但之後曾短暫倒跌。#gif_2#

 

雖然加息理應有利銀行股嘅淨利息收入,但可能今朝加息真係太無懸念,所以股價真係升得唔多,加上大市近期氣氛一般,都限制咗銀行股嘅表現。即市睇,較多投資者留意嘅滙豐,見有資金反手開淡倉,或者係覺得又要等多成個月,聯儲局先再議息,到時先有機會再憧憬過加息,短期除咗靠回購消息外都冇咩亮點,假期後先收復返嘅50蚊關口,短期或者有機會再失守。#gif_4#

 

銀行股輪證選擇

 

滙豐認購證11406,行使價60.05元,22年10月到期,實際槓桿約8.5倍。

滙豐認沽證21955,行使價44.95元,22年07月到期,實際槓桿約10.1倍。

滙豐牛證50151,收回價46.18元,行使價45.18元,槓桿比率約8.4倍。

滙豐熊證50594,收回價55.88元,行使價56.88元,槓桿比率約8.1倍。

 

恒生認購證21464,行使價178.88元,22年12月到期,實際槓桿約7.7倍。

中銀認購證22115,行使價34.93元,22年07月到期,實際槓桿約12.9倍。

中銀認沽證24378,行使價27.33元,22年07月到期,實際槓桿約8.5倍。


...       
更多
05月04日 上午 11:46
睇片《港股探底還是有力反彈?》

四月市況繼續弱,美元轉強加上內地疫情封城,資金流出股市,二萬關守唔守得住?邊個水平可以入場?黃師傅、Ivan同您跟進股輪策略。

 

大市近期成交偏淡,而且謠言滿天現充斥於市場,Ivan 提大家要小心控制注碼(@7:40) 。師傅就認為現階段可留意板塊 (@8:00) ,而科技股五月能否轉生機? 

 

加息在即,金融股係唔係一定受惠? 又有邊啲要留意? 黃師傅叫大家一定要先睇清美國短債同長債,聽吓佢嘅分析(@17:37) ,仲有資源股、油股、金股全分析 (@22:44)!

 

Ivan講解「瑞信輪證分析」App嘅獨有貼市數據: 半日恒指牛熊資金流速報 (@46:44) 。瑞信輪證分析App不只與瑞信網站資訊同步,用家更可每日於午飯時間透過推送通知功能或瀏覽「即市訊息」,睇到瑞信恒指牛熊半日資金流及比例數據,了解半日市場資金取向。

 

 

02:10 大市

10:48 美團3690 

13:05 騰訊0700 

16:50 美國聯儲局加息 

19:40 匯豐0500 

21:57 資源股 

22:44 紫金礦業2899 

26:32 兗礦能源1171、中海油0883 

27:22 美團3690 

31:12 中國神華1088 

32:38 贛鋒鋰業1772 

41:50 小米1810 

45:02 中國建材3323 

48:06 ASM PACIFIC 0522 

49:33 長和0001 

49:44 中國人壽2628 

50:58 中國平安2318 

51:32 東方電氣1072

 

 

 

立即睇片重溫。

 

 

網上講座內容:

1./ 金融股在加息憧憬中可受惠?

2./油金價格高企,資源股回吐後可否入場?

3./ 內地經濟受封城影響,經濟刺激政策可期?

 

 

新升級「瑞信輪證分析」手機應用程式  免費下載

 

瑞信網站全新3大業內專業工具: 最貼價牛熊證  |  窩輪牛熊轉換器個股牛熊證佈陣


想緊貼我地嘅網上講座同教學,就記得Like埋我地嘅YouTube Channel啦!去「輪證頻道」留意最新update都得!

 

 

日期:2022年 5月3號 (星期二)

時間:晚上 8時45分至晚上 9時30分

 

講者:

黃瑋傑 – 新城財經台節目主持

何啟聰 – 瑞信香港認股證及牛熊證銷售主管


...       
更多
    輪證小知識
    輪證小知識相關帖文