輪證動態專頁

05月08日 下午 02:00
兌換比率唔同,牛熊證槓桿真係冇變?
大市急跌,博反彈梗係揀遠價牛熊證減收回風險啦!
嫌遠價證貴?揀大兌換比率(又稱換股比率),好似500兌1,除細佢咪得囉!咪住,唔係大兌換比率,隻牛熊證既槓桿會低啲咩?你聽邊個講架?錯錯錯!

其實當其他條款相同,單單兌換比率改變,槓桿係唔.會.變!大兌換比率嘅牛熊證,有相同嘅槓桿之餘,價格仲相對平啲!

睇吓呢個例子, 了解吓牛熊證兌換比率同槓桿嘅關係就會明白。
一包1公斤嘅麵粉,可以做到2公斤嘅麵包,即係一比二嘅「倍數關係」,麵包店可以選擇做:
(A): 每個麵包係100克,做20個,每個賣6蚊;或者
(B): 份量細一半,每個麵包係50克,做40個,每個賣3蚊。

留意無論點做,用1公斤麵粉做2公斤麵包嘅「倍數關係」始終無變;50克嘅麵包價錢平左,個包係細啲,但味道同100克嘅一模一樣。

套返入牛熊證度,麵粉就好似正股,麵包就似牛熊證,無論係100兌1定500兌1嘅牛熊證,用兌換比率除細之後,影響嘅只有面值,槓桿倍數比率並無改變。

相關帖文:
[500兌1同100兌1嘅牛熊證比,邊類更吸引?]
...       
更多
05月22日 下午 03:07
跌成千幾點,績優股比較多人撈Call ?
大市下晝跌勢未止,越跌越多,好友撈牛,損手程度都幾高,有啲就寧願揀股唔估市,只係揀之前季績比較好既股去博反彈,好似騰訊(0700)、小米(1810),以及呢幾日回返唔少既中芯(0981) ,都有資金開Call。不過大家睇好佢地反彈力較強一回事,揀條`款都重要,之前幾日買緊比較價外Call,博績後向上突破既,面對市場逆風,就要考慮下轉去行使價低少少既認購證部署,一旦真係反彈,隻輪既敏感度較高##。

而另一個方向,就見到資金揀隻港交所(0388),因為市場估算中美關係惡化,中概股會大規模來港第二上市,港交所比較受惠。所以港交所雖然跟市跌,但暫時都守住260蚊樓上##。

風高浪急,要選股可以參考下市場思維,而選證就記緊唔好揀太價外產品啦!##

相關輪證選擇
騰訊認購證21268,行使價463.08元,20年08月到期,實際槓桿約10.34倍。
騰訊認沽證28739,行使價381.61元,20年08月到期,實際槓桿約7.49倍。
騰訊牛證66094,收回價395.88元,行使價393.08元,槓桿比率約15.09倍。
騰訊熊證68153,收回價439.88元,行使價442.68元,槓桿比率約14.04倍。

小米認購證20411,行使價13.68元,20年09月到期,實際槓桿約6.30倍。
小米認沽證28430,行使價11.16元,20年12月到期,實際槓桿約3.88倍。
小米牛證65343,收回價11.28元,行使價10.88元,槓桿比率約8.91倍。

中芯認購證23704,行使價19元,20年09月到期,實際槓桿約4.35倍。
中芯認沽證11148,行使價16.28元,20年11月到期,實際槓桿約2.04倍。
中芯牛證68250,收回價16.38元,行使價15.78元,槓桿比率約9.76倍。
中芯熊證68258,收回價19.88元,行使價20.48元,槓桿比率約4.37倍。


...       
更多
05月22日 上午 10:51
恒指重挫,好友開倉暫受困
恒指今朝裂口低開後,由港銀、本地地產股拖累大市,恒指失守23500仍未止跌。早段大市低開,已有不少好友急於進場守反彈,惜大市反彈乏力,恒指未見太大反彈動力,唔少好友即市開好倉受困,或貼牛已被即市收回##。

大市跌近3.5%,固然會吸引投資者博短期反彈,但本地情況未明,後市波幅擴大風險增加,如欲選牛證博反彈,可考慮一些收回價在23000點以下的牛證選擇。23500或為短期大市強弱分水嶺,如不欲博反彈,可考慮候高順勢揀熊部署。我地今日都有兩隻比較貼價既熊證上市,分別係最貼價熊證50540,以及另一熊證50542

相關輪證選擇
恒指牛證68265,收回價22868點,行使價22768點,槓桿比率約43.40倍,兌換比率10000。
恒指牛證56416,收回價22750點,行使價22650點,槓桿比率約37.80倍,兌換比率10000。

恒指熊證50540,收回價23798點,行使價23898點,槓桿比率約32.55倍,兌換比率10000。
恒指熊證50542,收回價23900點,行使價24000點,槓桿比率約26.75倍,兌換比率12000。


...       
更多
05月21日 下午 02:33
熱炒股下晝全線回落,僅港交所維持強勢?

近日市場資金焦點就係B類股份,但呢類股份下晝幾乎全線回落,升得多同急果批,單日掉頭回落,兼波幅駭人,似乎呢類熱門股短期調整機會增加。可能見呢類股份大幅調整,波幅大而累積升幅唔細既中芯國際(0981),下晝都出現獲利回吐,而且跌穿左17.78既升浪起點,一度低見17.36元。今日其實市場上有牛證亦有熊證供應,我地就正好有比較貼價既熊證68258上市,有資金一早就開呢隻熊證。#jpg_5#
 

不過,隻股跌得多,下晝買call同牛證既資金流係相對比較多。再買牛證既話,就要考慮番收回價低少少既一批產品,因為短期內波幅可能都唔細。#gif_2#
 

而下晝既調整市況當中,仍然維持都升幅既,暫時就見到有港交所,仲挨近日內高位274.6元,受惠中概股「回歸潮」。資金流今日獲利回吐既就多少少。不過逆市升,後市可能較有承接力,大市現調整既話,到時再考慮一下會唔會候低部署。#jpg_1#

 

相關牛熊證證部署

產品收回價行使價槓桿比率
中芯牛證6825016.38元15.78元7.64倍
中芯熊證6825819.88元20.48元5.31倍
港交牛證65342245.88元243.88元9.95倍
港交熊證66225284.88元286.88元10.69倍

 

相關窩輪部署

產品行使價到期月實際槓桿
中芯認購證2370419元20年9月4.14倍
港交認購證13629289.08元20年12月7.31倍

...       
更多
05月21日 上午 11:13
業績前先嚟跌,唔通連個天,都唔鍾意阿里份業績?
近日因為憧憬有望染藍,阿里巴巴(9988)走勢持續回勇,連續升咗4個交易日,由195蚊喺幾日內升到上210蚊以上,不過去到公布季績之前,阿里反而遇上沽壓,今朝低位曾急跌2%有多,曾經回落至206蚊以下。##

騰訊(0700)之前公布份季績理想,令市場都憧憬同屬新經濟股嘅阿里,季績都未必會差,加上預期有望染藍,股價重上200蚊之後,雖然有好倉資金趁機獲利,但亦有好友向上換馬到行使價更高嘅Call輪,觀望會唔會仲有得升。##

阿里今朝雖然回軟,但隨即吸引返好友入場,行使價240蚊嘅Call輪,係好友部署嘅焦點;而行使價約215蚊左右嘅輕微價外短身Call,亦有好友入場,睇吓季績後有冇機會到價。如果覺得200蚊係大支持位,又擔心窩輪引伸喺季績之後可能回落,收回價喺200蚊樓下嘅牛證,亦係阿里好友嘅心水。##

阿里輪證選擇

阿里認購證22994,行使價240.08元,20年08月到期,實際槓桿約9.4倍。
阿里認購證18309,行使價214.28元,20年07月到期,實際槓桿約9.0倍。
阿里牛證65432,收回價199.69元,行使價197.69元,槓桿比率約17.0倍。

阿里認沽證18302,行使價199.28元,20年09月到期,實際槓桿約6.0倍。
阿里熊證60661,收回價218.88元,行使價220.88元,槓桿比率約15.8倍。
...       
更多
05月21日 上午 10:59
生物科技B類暴漲,傳統藥股有無追落後空間?
呢幾日生物科技,「B股」急升,唔少人響場內找尋「明日之升」,反而冷落左唔少「舊」醫藥股,好似個名同樣有「生物」兩個字既中國生物製藥(1177),以及金斯瑞生物科技(1548),其實成個升浪都一直無咩資金留意。可能每隻藥股既新藥研究焦點唔同,所以投資者咁樣反應##。

不過,當市場睇番啲B股估值已經升左咁多,又會唔會番轉頭諗諗舊生物類股份有無可能追落後呢?大家不妨又睇實即市資金有無異動。中國生物製藥(1177),以及金斯瑞生物科技(1548)兩隻比較,暫時金斯瑞生物科技(1548)成交配合今早正股逆市上升既走勢,而我地既認購證,即市就開始有資金流入,望股份向上突破。技術走勢上,如果破到17.68元既跌浪頂阻力,就似乎扭轉3月以來既弱勢##。

相關輪證選擇
金斯認購證23179,行使價19.38元,20年09月到期,實際槓桿約3.38倍。
中藥認購證26787,行使價12.7元,21年02月到期,實際槓桿約3.54倍。
中藥認購證23784,行使價11.18元,20年09月到期,實際槓桿約3.72倍。

...       
更多
05月21日 上午 10:49
等咗咁多日,終於有得開中芯淡倉……
因為美團禁令,而憧憬受惠於國產芯片需求上升嘅中芯國際(0981),可以話係近半個月嘅市場焦點。中芯星期一高位曾經突破20蚊大關,再即日倒跌逾6%之際,令唔少投資者關注佢係咪已經見頂,紛紛查詢有冇Put輪同熊證選擇;不過當日早段急升時,已經令市場全部中芯熊證都收回晒,令唔少淡友都好失望。##

等咗3日,終於有新一批熊證上市,而呢幾日中芯股價上上落落,始終上唔返20蚊水平,話唔定呢個位真係有比較大嘅阻力。由於中芯股價波動幅度比較大,窩輪引伸波幅高企嘅60%以上,相對牛熊證免除引伸影響,而且係50兌1產品,面值低而且槓桿相對較高,無論係開好倉定淡倉,牛熊證或者都係部署「高窩」正股嘅唔錯選擇。##

如果覺得中芯20蚊阻力比較大,不妨考慮全場最貼價、收回價喺20蚊樓下嘅中芯熊68258,槓桿畀到6倍左右,已經見到今朝有淡倉資金追入呢隻熊;如果係保守些少,將收回價同現水平距離拉到約15%,亦有隻遠價中芯熊68263可以揀,槓桿都有約4倍,方便進取同保守淡友做唔同部署。##

中芯輪證選擇

中芯熊證68258,收回價19.88元,行使價20.48元,槓桿比率約5.8倍。
中芯熊證68263,收回價21.28元,行使價21.88元,槓桿比率約4.0倍。

中芯牛證68250,收回價16.38元,行使價15.78元,槓桿比率約6.7倍。
中芯認購證22166,行使價22.28元,20年08月到期,實際槓桿約5.2倍。
...       
更多
05月20日 上午 11:04
騰訊美團唔敢追,好倉聚焦小米阿里……

ATMX四大新經濟股,近期持續成為市場焦點,騰訊(0700)今朝回勇重上435蚊,下星期一出業績嘅美團(3690)亦再創新高,可能話係ATMX中最強勢嘅兩隻股;不過正因為咁強勢,投資者似乎唔係太敢追貨,反而反手開淡倉,特別係騰訊,今朝更加有大手資金流入淡倉。#jpg_4#

相對嚟講,阿里(9988)同今日放榜嘅小米(1810),雖然已經由低位回升咗唔少,但觀感上始終較落後,特別係隻小米,同當年嘅招股價仲有一段距離;阿里亦同歷史高位227.4元仲有10幾蚊水位,資金雖然都有趁近日回升而沽好倉獲利,但主要係先沽變得貼價Call,再向上換馬到價位低啲嘅價外Call,繼續睇好佢哋追落後。#jpg_1#

究竟高位開淡倉沽騰訊、美團,並部署阿里、小米好倉嘅資金流趨勢,值唔值得跟風呢?大家不妨去《市場資金流向》參考吓。#jpg_5#

ATMX窩輪選擇

騰訊認沽證28435,行使價399.8元,20年08月到期,實際槓桿約8.0倍。
騰訊認購證26639,行使價475.95元,20年09月到期,實際槓桿約8.9倍。

美團認沽證29604,行使價108.88元,20年11月到期,實際槓桿約4.4倍。
美團認購證20320,行使價151.88元,20年07月到期,實際槓桿約9.4倍。

阿里認購證22994,行使價240.08元,20年08月到期,實際槓桿約9.5倍。
阿里認沽證18302,行使價199.28元,20年09月到期,實際槓桿約6.0倍。

小米認購證20853,行使價14.38元,20年08月到期,實際槓桿約7.1倍。
小米認沽證28430,行使價11.16元,20年12月到期,實際槓桿約4.2倍。


...       
更多
05月19日 下午 08:31
【睇片】「業績期炒季績,等政策公佈點解「中邊」都會中伏?點樣做先精明?」《輪證錦囊案內所》第四集
一連六集(逢星期二)既《輪證錦囊案內所》到第四集,瑞信Ivan、前交易員Gary(小兵)及財經主持Season繼續剖析輪證熱門話題。

今集就解構業績期時點解好多人成日買中業績好壞方向,但係輪證買賣都要損手。就好似上個禮拜買騰訊(700)牛證既大手資金,最終損手離場?究竟點解呢?Ivan分析當中所犯既幾個重要錯誤!所以大戶無策略都唔一定贏!

幾位仲用即將公佈季績既美團(3690)、阿里巴巴(9988)同小米(1810)做例子,教大家點樣用指標去判辨業績前做部署既值博率係高定低,從而決定分配注碼同埋用咩野條款既輪證。而企業響季績前後,期權引伸波幅既變化通常係點?究竟邊啲情況下要用窩輪,邊啲情況下用牛熊證既勝算會高啲?

最後,Ivan 仲教大家點樣喺入場前評估不同窩輪條款於引伸波幅下跌既情況下,正股升幅夠唔夠抵銷引伸下跌既風險添!

呢集技術含量高,睇完可以幫大家提升業績期部署既技巧!不容錯過!

《輪證錦囊案內所》 第四集 5月19日星期二 晚上八點半
本集精彩內容:
1. 騰訊牛大戶中邊點解輸一大截離場?
2. 點解期權引伸波幅績後通常跌?引伸波幅有無路捉?
3. 炒業績點計算值博率高唔高,點分配注碼或者以股換輪鎖定利潤?
4. 業績後績優或者績弱部署有咩分別?點解績優股即市勝算可能較高?
5. 咁多市場中位數?點判斷業績好過定差過預期?
6. 入場部署點樣比較唔同窩輪既表現同引伸波幅變化既敏感度?


重溫 《輪證錦囊案內所》
第一集 買窩輪牛熊證要咁樣先可以提高勝算? 請按此收看。
第二集 恒指牛熊街貨重貨區係咪大戶殺倉位? 請按此收看。
第三集 騰訊業績前有過億資金部署! 資金流係咪一定係「春江鴨」? 請按此收看。
...       
更多
05月19日 下午 01:59
美團又破頂,阿里消除憂慮可否消化獲利盤?
大市高位升幅收窄,不過網購股仍強勢,下晝隻美團(3690)又破頂;有媒體披露軟銀就阿里巴巴(9988)的減持方案後,阿里即時連續第二日急升,今朝一度上過210蚊去番4月中高位後有獲利回吐壓力。整體而言,兩隻股散戶投資者響輪場入面,獲利回吐的比例暫時較多,畢竟唔少投資者係呢一兩個星期入場既,所以去到呢個位都應該有唔錯利潤##。

未入場既,阿里方面,就不妨先觀察下阿里響205蚊既承接力,消化到沽壓既,後市可能有進一步上升空間,到時可以考慮做下換馬部署,揀一些高槓桿價外認購證或者貼價牛證,鎖定部份利潤。至於美團,其實策略都似,現階段都係換馬為主,未有倉位或者中間焦入過場既,就只宜小注,畢竟升左咁多,一調整個幅度都可以幾深,今日隻平安好醫生(1833)就係例子##。

相關輪證策略
阿里認購證22994,行使價240.08元,20年08月到期,實際槓桿約9.46倍。
阿里最貼價牛證65432,收回價199.69元,行使價197.69元,槓桿比率約17.91倍。
阿里熊證60661,收回價218.88元,行使價220.88元,槓桿比率約14.53倍。

美團認購證20320,行使價151.88元,20年07月到期,實際槓桿約8.94倍。
美團認沽證14185,行使價100.91元,20年12月到期,實際槓桿約3.43倍。

...       
更多
    輪證小知識
    輪證小知識相關帖文