輪證動態專頁

05月08日 下午 02:00
兌換比率唔同,牛熊證槓桿真係冇變?
大市急跌,博反彈梗係揀遠價牛熊證減收回風險啦!
嫌遠價證貴?揀大兌換比率(又稱換股比率),好似500兌1,除細佢咪得囉!咪住,唔係大兌換比率,隻牛熊證既槓桿會低啲咩?你聽邊個講架?錯錯錯!

其實當其他條款相同,單單兌換比率改變,槓桿係唔.會.變!大兌換比率嘅牛熊證,有相同嘅槓桿之餘,價格仲相對平啲!

睇吓呢個例子, 了解吓牛熊證兌換比率同槓桿嘅關係就會明白。
一包1公斤嘅麵粉,可以做到2公斤嘅麵包,即係一比二嘅「倍數關係」,麵包店可以選擇做:
(A): 每個麵包係100克,做20個,每個賣6蚊;或者
(B): 份量細一半,每個麵包係50克,做40個,每個賣3蚊。

留意無論點做,用1公斤麵粉做2公斤麵包嘅「倍數關係」始終無變;50克嘅麵包價錢平左,個包係細啲,但味道同100克嘅一模一樣。

套返入牛熊證度,麵粉就好似正股,麵包就似牛熊證,無論係100兌1定500兌1嘅牛熊證,用兌換比率除細之後,影響嘅只有面值,槓桿倍數比率並無改變。

相關帖文:
[500兌1同100兌1嘅牛熊證比,邊類更吸引?]
...       
更多
1小時前 今日 上午 11:09
美團績優依然捱沽?

放完假返嚟,開市前見到美團(3690)份季度業績咁理想,加埋績前冇炒過,以為今次可以「搞掂,食碗麵」,點知驚喜欠奉,帶嚟嘅反而係驚嚇。美團季績後顯著受壓,低位曾重挫逾7%至116.3元,係超過7個月低位,之後受制於120蚊關口偏軟。#gif_6#

 

美團上季虧轉盈,錄得逾33億人民幣嘅純利,好過市場預期,而管理層預示唔同範疇嘅業務,疫後都出現復蘇情況,理論上都係對股價利好嘅消息。如果你話資金係趁好消息出貨,但季績前其實股價冇升過,似乎冇咩獲利空間。計落績後要咁樣急跌法,除咗係驚股東減持外,暫時都諗唔到再有其他原因。#gif_10#

 

美團今朝跌得急,資金都以博反彈為主,進取好友如果純粹博今日跌完、聽日有望出現技術性反彈,都唔介意揀行使價喺150蚊附近嘅價外Call,當然都有資金較保守,開始下移至行使價喺140蚊以下嘅相對貼價產品。至於追沽資金暫時唔太多,可能覺得已經落到逾7個月低位,再下跌嘅空間相對有限吧。#gif_2#

 

美團窩輪選擇

 

美團認購證14782,行使價150.1元,23年09月到期,實際槓桿約6.8倍。

美團認沽證14669,行使價112.7元,23年08月到期,實際槓桿約5.5倍。


...       
更多
05月24日 上午 10:42
績前未受捧,美團季績具值博率?

嚟到月尾,科技股業績期亦去到尾聲。嚟緊壓軸到美團(3690)公布季度業績。近期市況唔好,科技股業績部署亦相當難玩,績後急升嘅股份當然有,例子有京東(9618)同快手(1024),但績後捱沽嘅股份亦有唔少,包括阿里(9988)同騰訊(0700);所以去到美團,究竟績前落注,定等埋業績先出手,對投資者嚟講可能都係難題。#gif_4#

 

其實睇返放咗榜嘅呢幾份業績,共通點係成績表都唔差,好似快手咁終於錄盈利正數當然興奮,但最起碼都好似騰訊咁,業績符合市場預期。睇返媒體綜合券商預測,對美團季績睇法亦都算樂觀,普遍預期收入按年增、虧損按年收窄,符合已公布業績嘅科技股嘅步伐。#gif_5#

 

不過更關鍵嘅,或者係績前究竟隻科技股,係咪已經率先受捧。當然,若果最後份業績意外咁差過預期,就咩都唔駛再講;但若果業績符合預期、甚至好過預期,而股價在績前未見受追捧,績後就有機會被炒上;相反若果好似阿里同騰訊咁,績前已經先行受捧,績後出現獲利盤嘅機會亦有所增加。#gif_2#

 

美團績前方向未,徘徊喺130蚊附近整固。好友若果想部署,或者可以揀行使價150蚊或以下嘅相對無咁價外Call,又或中距離牛證,去免除績前績後嘅引伸變動影響。#gif_1#

 

美團輪證選擇

 

美團認購證14782,行使價150.1元,23年09月到期,實際槓桿約5.9倍。

美團認沽證14669,行使價112.7元,23年08月到期,實際槓桿約6.1倍。

美團牛證56286,收回價116.88元,行使價113.88元,槓桿比率約6.7倍。


...       
更多
05月22日 上午 11:21
美光被禁!國產芯片取代有望?

網信辦話,美晶片製造商美光嘅產品,未能通過當局嘅網絡安全審查,叫國內關鍵信息基礎設施嘅營運者,停止採購美光公司產品。美光被禁,市場隨即諗,國產晶片商會唔會取而代之,中芯國際(0981)今寓高位升逾3%,重上21蚊水平。華虹半導體(1347)高位逼近28蚊,升幅曾逾3%。#gif_3#

 

其實早喺4月初,當時內地對美光產品實施網路安全審查,中資芯片股已經順勢而起,中芯去到4月下旬,更一度升穿25蚊關口,只係之後反覆回軟,低位又落返20蚊樓下。現時審查結果落實之後,中芯升勢上暫時無上次咁誇張,但憧憬需求增加,都見有資金小注考慮好倉,揀嘅就係行使價喺早前高位約25蚊附近嘅Call。#gif_4#

 

至於華虹半導體,近日公布回A計劃之後,股價隨即受捧。上月中高位約37.6元暫時似乎太遠,或者短線可以睇睇有望挑戰30蚊關口嘅機會,成功收復就觀望上試100天線約31.6元嘅機會。#gif_1#

 

芯片股窩輪選擇

 

中芯認購證25212,行使價26.33元,23年12月到期,實際槓桿約3.9倍。

華虹認購證14426,行使價35.88元,23年09月到期,實際槓桿約5.4倍。


...       
更多
05月19日 上午 10:48
阿里打回原形….嚟緊仲有咩科技股業績?

績前急升嘅阿里(9988),交出一份唔差嘅季度成績表,仲公布埋分拆業務嘅計劃,但今朝股價命運同騰訊(0700)係一樣,都係績後出現明顯沽壓,低位曾跌逾半成至83蚊,落返一個星期前嘅位置。#gif_6#

 

其實尋日小編喺呢度都提醒過大家,如果績前無咩炒作,業績唔差,可能有機會喺績後受追捧,但如果績前已經受捧,就要睇吓仲有冇上望水位。阿里今朝捱沽,吸引返少少資金趁跌入場,尋日本來唔少好友揀返啲價外Call,但隨住股價急跌,今朝開倉嘅好友,又揀返啲相對貼價啲嘅產品。#gif_8#

 

嚟緊仲有咩科技股未放榜?快手(1024)嚟緊星期一會出季績,股價今朝曾急跌逾半成,失守50蚊關口,不過市場對佢都似乎冇咩憧憬,趁跌部署嘅資金暫屬少數。美團(3690)月底前都會出業績,今朝曾跌逾4%至128蚊樓下。美團過去一段時間一直浮浮沉沉,高位亦受制於140蚊水平,會唔會反而有業績值博空間?#gif_4#

 

科技股輪證選擇

 

阿里認購證14780,行使價92.93元,23年12月到期,實際槓桿約4.2倍。

阿里認購證26662,行使價86.93元,23年10月到期,實際槓桿約4.6倍。

 

快手認購證27068,行使價52.05元,23年06月到期,實際槓桿約8.8倍。

快手認沽證14333,行使價50.33元,23年09月到期,實際槓桿約3.1倍。

 

美團認購證14782,行使價150.1元,23年09月到期,實際槓桿約5.9倍。

美團認沽證14669,行使價112.7元,23年08月到期,實際槓桿約5.6倍。

美團牛證56286,收回價116.88元,行使價113.88元,槓桿比率約7.7倍。


...       
更多
05月18日 上午 11:10
騰訊績後跌 VS 阿里績前急升!

呢兩日嘅市場焦點,幾乎都喺晒騰訊(0700)同阿里(9988)兩隻業績科技股身上。兩隻股份今朝表現都有幾大差別,騰訊績後急跌,低位曾跌近4%至330蚊樓下;相對阿里就顯著向好,季績公布前曾升逾4%至89蚊,似乎正朝住90蚊關口嘅目標進發。#gif_3#

 

騰訊尋日收市後公布季績,收入增幅勝預期、經調整利潤增幅就同市場預期差唔多,不過網絡廣告收入就按季下跌。簡單嚟講,就係冇咩特別驚喜同驚嚇。小編幾日前喺《騰訊績前已受捧?資金追貨定反手?》已經講過,如果騰訊股價績前已見追捧,可能有份業績好有驚喜,先有機會再現突破,否則就要諗清楚係咪值得追,估唔到不幸言中。#gif_6#

 

至於阿里,近期由80蚊以下嘅低位回升,呢段時間已經累積咗唔少升幅,由於績前受捧嘅情況同騰訊相若,大家可能亦都要留意仲有冇上望水位。當然,阿里過去一段時間累跌幅度較大,走勢相對其他科技股落後,如果真係覺得有望再作突破,或者可以先考慮輕微價外Call,等睇中方向,到價先再向上換馬,就算萬一真係睇錯,風險都相對可控。#gif_4#

 

科技股窩輪選擇

 

騰訊認購證14094,行使價409.08元,23年07月到期,實際槓桿約11.5倍。

騰訊認沽證13917,行使價303.68元,23年07月到期,實際槓桿約10.0倍。

 

阿里認購證25484,行使價95.05元,23年09月到期,實際槓桿約5.3倍。

阿里認購證14780,行使價92.93元,23年12月到期,實際槓桿約3.9倍。


...       
更多
05月17日 上午 11:12
完了吧?「中特估」概念股打回原形……

由概念出現到相關股份受捧,再幾乎打回原形,「中特估」的存活時間極短,彷彿一星期已經歷完人生。無論是電訊股、石油股、內銀內險,近日都由高位回落不少,部分大股的A股跌幅,甚至比港股更大,早前入場追貨、或者是趁第一輪回調才入場的投資者,或者都要輕唱一句「完了吧!如無意外!」。#gif_6#

 

連日企穩65元的中移動(0941),今朝終於頂唔住,更曾跌逾3%至63.7元,跌至逾一個月低位。作為「中特估」概念第一個受追捧嘅板塊,中移動上試70蚊不果之後,而家落返嚟65蚊樓下,都見吸引資金小注去考慮相關好倉,特別係中距離牛證,面值較低、槓桿較高,亦可免除引伸同時間值影響。#gif_2#

 

中人壽(2628)A股今朝曾經跌穿40蚊人仔,H股呢邊亦受制於15蚊關口,跌幅相對較A股少。中人壽過去一直比較落後,呢排跟住「中特估」概念追落後,但向上隨即有唔少獲利盤出現。若果跌勢初步喘穩,或者都可以重新考慮入場。至於畀北水沽得最勁嘅內銀股建行(0939),今朝竟然有得升,莫非消化完北水沽盤之後,建行有望重新出發?#gif_4#

 

「中特估」股份輪證選擇

 

中移認購證14676,行使價75元,23年09月到期,實際槓桿約11.6倍。

中移牛證54835,收回價58.5元,行使價57.9元,槓桿比率約12.5倍。

 

中壽認購證14371,行使價16.9元,23年12月到期,實際槓桿約6.4倍。

建行認購證14672,行使價5.71元,23年11月到期,實際槓桿約9.2倍。

建行牛證55529,收回價4.8元,行使價4.7元,槓桿比率約14.1倍。


...       
更多
05月16日 上午 10:53
騰訊績前已受捧?資金追貨定反手?

繼續跟進科技股業績,尋日咪話騰訊(0700)嚟緊星期三業績,如果交出唔太差嘅成績表,話唔定有機會複製京東(9618)績後嘅表現,不過講完之後,騰訊尋日即日倒升,今朝高位更曾升逾2%,爭少少就去到350蚊關口。呢個時候,或者都要停一停,究竟騰訊業績仲有冇值博率?#gif_4#

 

如果單講業績,市場對騰訊份季績,整體上都係樂觀嘅,更加有券商預期,季度盈利增長可能會係21年次季、內地收緊科企監管以嚟最大增幅;不過問題係,如果績前冇炒作,或者可以「靜靜地贏」,但由於績前已經受捧,或者可能份業績,真係要俾到市場好大驚喜,先有機會幫手突破350蚊阻力。#gif_2#

 

睇返市場投資者嘅做法,騰訊好倉已經有成500萬錢,趁尋日高位升近半成就獲利,而同日淡倉就有成2,500萬錢反手開淡。如果本身已經有好倉貨底,特別係喺股價低企喺330蚊時就入咗場嘅,或者可以考慮持倉觀望,等睇績前有冇機會突破350蚊阻力;但未有貨嘅,就要諗清楚值唔值得追。#gif_8#

 

至於跟唔跟風反手?如果對業績信心唔大,或者都可以小注考慮,但一旦破位升穿350蚊,股價轉勢獲得確認,淡倉或者都要嚴守止蝕,慎防持倉風險再增加。#gif_10#

 

騰訊窩輪選擇

 

騰訊認購證14094,行使價409.08元,23年07月到期,實際槓桿約11.7倍。

騰訊認購證20436,行使價380.893元,24年06月到期,實際槓桿約3.9倍。

騰訊認沽證13917,行使價303.68元,23年07月到期,實際槓桿約9.7倍。

騰訊認沽證13683,行使價321.68元,23年07月到期,實際槓桿約8.6倍。


...       
更多
05月15日 上午 10:37
騰訊阿里放榜在即!可唔可以複製京東績後升勢?

去到5月中,科技股陸續放榜。京東(9618)上星期打頭陣之後,今個星期輪到騰訊(0700)同阿里(9988)。港股今朝方向未明,兩隻重磅科技股亦唔見影,騰訊低見325蚊後回穩,高位曾倒升逾2%至336蚊以上。阿里三連升後,今朝窄幅偏軟,受制於85蚊水平。#gif_4#

 

要做業績部署,好多時唔係單睇份業績好唔好,而係要睇埋市場氣氛。就科技股業績而言,市場近期唔見有好大憧憬,雖然市場預期疫後解封,對騰訊或阿里季績都有幫助,券商更預期騰訊季度盈利增長,可能會係21年次季、內地收緊科企監管以嚟最大增幅,但由於股價似乎冇點反映,所以若果最終業績有驚喜,就有機會好似京東(9618)咁,績後出現大爆發。#gif_1#

 

比較騰訊同阿里,好友依然對騰訊較有信心,資金仲繼續考慮高槓桿、低面值嘅價外中短期Call,以作業績短期部署。阿里三連升後整固,大家對佢戒心就大啲,好友挑戰輕微價外Call為主。提多一句,近期做業績部署都要講求速度,有得食就要快食。睇睇京東,上星期五抽升完,今日已經跌返唔少,所以近期做部署,真係要「唯快不破」。#gif_6#

 

科技股輪證選擇

 

騰訊認購證14094,行使價409.08元,23年07月到期,實際槓桿約11.7倍。

騰訊認沽證13917,行使價303.68元,23年07月到期,實際槓桿約9.1倍。

 

阿里認購證14780,行使價92.93元,23年12月到期,實際槓桿約4.0倍。

京東牛證55830,收回價118元,行使價115元,槓桿比率約5.2倍。


...       
更多
05月12日 上午 10:59
「中特估」退卻?內險內銀跌完到資源股?

早幾日市場突然熱捧「中特估」概念,但只係幾日,唔少急升嘅內銀內險股,已經由高位回落返唔少,接近打回原形。繼中資金融股之後,今日輪到資源股出現回套。中國鋁業(2600)曾跌逾6%至4.1元,跌至約一個月低位。洛陽鉬業(3993)亦曾跌逾半成,失守4.4元水平;紫金礦業(2899)低見11.5元的逾4個月低位,跌幅逾7%。#gif_6#

 

「中特估」概念,本來係講國企、央企比較多,但後來市場再引伸到一啲具特色嘅行業,包括金屬、軍工及其他資源股上,但令人惋惜嘅係,其實金屬股都未點受過追捧,但當「中特估」概念一去,呢批無升過嘅股份,一樣要受壓,亦都因此今朝吸引咗資金,小注考慮金屬股。#gif_2#

 

市場早前避險情緒升溫,金礦股早前受捧,但近期回落過後,紫金幾乎已返到落年初低位,亦因此較吸引好倉資金注意。至於中鋁同洛鉬,由於已經四連跌,亦逐步吸引投資者分注考慮輕微價外Call。#gif_4#

 

金屬股窩輪選擇

 

紫金認購證14479,行使價14.9元,23年08月到期,實際槓桿約7.9倍。

中鋁認購證14481,行使價4.73元,24年03月到期,實際槓桿約2.9倍。

洛鉬認購證21466,行使價4.48元,23年07月到期,實際槓桿約5.8倍。


...       
更多
    輪證小知識
    輪證小知識相關帖文