《輪證錦囊案內所》 第一集: 買窩輪牛熊證要咁樣先可以提高勝算?
瑞信Ivan聯同Raga Finance 既 小兵 (Gary)、財經節目主持黃合秀(Season) 一連六集深入淺出講解輪證策略,以散戶、交易員同發行商角度,解答投資者常問問題,助您快人一步揀啱股,做部署!(首播日期為2020年4月28日)
播放清單
《輪證錦囊案內所》 第一集: 買窩輪牛熊證要咁樣先可以提高勝算?

瑞信Ivan聯同Raga Finance 既 小兵 (Gary)、財經節目主持黃合秀(Season) 一連六集深入淺出講解輪證策略,以散戶、交易員同發行商角度,解答投資者常問問題,助您快人一步揀啱股,做部署!(首播日期為2020年4月28日)

《輪證錦囊案內所》 第二集 恒指牛熊街貨重貨區係咪大戶殺倉位?

瑞信Ivan再同前交易員Gary(小兵)及財經主持Season,繼續同大家探討輪證熱門話題,究竟恒指牛熊證重貨區係咪大戶殺倉位?坊間唔少人覺得牛多殺牛、熊多殺熊,呢個睇法係迷信定有根有據?(首播日期為2020年5月5日)

《輪證錦囊案內所》 第三集 資金流係咪一定「春江鴨」?成億錢買騰訊牛有咩原因?

呢集就講解下輪證資金流係咪「春江鴨」部署?亦都會講吓資金流既概念起源,過去十幾年既準確度,講下2007年H股回A股點樣令當時香港輪證資金流激增,而近年市況變化後,資金流應用上應該點樣改變同埋點併合唔同資金流分析。(首播日期為2020年5月12日)

《輪證錦囊案內所》 第四集 業績期炒季績,等政策公佈點解「中邊」都會中伏?點樣做先精明?

今集就解構業績期時,點解好多人成日買中業績好壞方向,但係輪證買賣都要損手。就好似上個禮拜買騰訊(700)牛證既大手資金,最終損手離場?究竟點解呢?Ivan分析當中所犯既幾個重要錯誤!所以大戶無策略都唔一定贏!(首播日期為2020年5月19日)

《輪證錦囊案內所》第五集 - 又黑天鵝又灰犀牛?輪證策略點應對先有機會追番?

嚟到第五集,一齊同大家用實例討論換馬同揀啱輪證響呢種市況中既重要性;要追番損失,點做先比較合適。三位亦解答點解次次反彈,引伸波幅就好多時會跌,同對邊類條款既輪影響最大。而一旦出現灰犀牛,輪證買賣心態、持倉時間既拿捏,又同一般市況有何不一樣? 想知? 就要聽幾位既分析啦。(首播日期為2020年5月26日)

《輪證錦囊案內所》 終章《輪證買賣心法,出入位、止賺止蝕點訂好?》

過去五集當中,三位分享好多平日少喺發行商節目聽到,但其實好重要既輪證知識,希望幫到大家。 呢個終章Ivan 就揀咗輪證心法做主題,因為大家響過去幾集學識咗基本既輪證知識後,當實戰應用時,心理質素同樣非常重要,往往係贏輸既關鍵。Ivan 同Gary就一齊分享咗佢地既交易經驗同心得。(首播日期為2020年6月2日)

《輪證錦囊案內所 II》 首集 您揀既輪行使價如何,您的命運也必如何!

第一輯嘅《輪證錦囊案內所》有觀眾話想聽多啲關於輪證嘅基礎知識,特別係用實例做嘅例子,令大家可以投資輪證時叻啲。呢啲要求Ivan 都收到哂,今季 (第二季) 嘅十集,瑞信Ivan繼續同前交易員Gary (小兵) 及財經主持Season會用更多實例講解點去因應市況買合適條款嘅輪證。(首播日期為2020年7月8日)

《輪證錦囊案內所 II》 第二集 揀輪唔好睇溢價,咁其實睇咩野先啱?+大量案例

響第二集,三位探討坊間好多投資者比較窩輪時選擇用嘅準則。好似溢價,面值同同實際槓桿。而係現實情況下,好多輪嘅價格係會受到引伸波幅變化同時間值損耗因素影響,導致輪價同實際槓桿計出嚟嘅數值有偏差,今集就教大家點樣可以: 一) 避開引伸波幅跌; 二) 捕捉到引伸波幅升; 三) 揀到受引伸波幅同時間值損耗影響較細嘅輪; 四) 仲有輪價會唔會受兌換比率影響呢? 都響今集做左比較!(首播日期為2020年7月15日)

《輪證錦囊案內所 II》 第三集 街貨量即係咩?咩野為之高街貨量?

今集解構輪證嘅買賣差價點訂,咩野係莊家買賣價,街貨量高低對輪價既影響,教大家做個精明既消費者!Ivan用咗一隻中芯輪11148做例子,教大家高街貨輪點解會好容易令大家買錯咗貴貨。仲即席示範咗如果要隔晚掛定輪證嘅買賣算,點樣用模擬計數機幫自己計價,分析埋呢種方式有咩利弊。(首播日期為2020年7月22日)

《輪證錦囊案內所 II》 第四集 : 技術分析加輪證又得唔得?

三位今次用實例教大家響唔同技術同圖表走勢下輪證嘅選擇; 同埋點樣配合圖表去訂出市、入市位去提升值博率策略。另外,Ivan 同 Season 亦分享用移動平均線造輪證部署嘅要點,因為好多投資者都用呢個指標判斷短期走勢,但有時都唔知應該跟咩嘢線做,揀嘅輪證亦未必配合到正股走勢。(首播日期為2020年7月29日)

《輪證錦囊案內所 II》 第五集 : 發行商講果套輪證策略係咪最好?

好多初哥聽完坊間「輪證高手」嘅策略,又好似同發行商教嘅有分別,令到好多投資初哥都唔知聽邊個講好,所以Ivan決定今集直接比較下唔同大師嘅輪證策略利弊,等大家好好了解每個策略嘅特點先決定用邊套同幾時用。(首播日期為2020年8月5日)

《輪證錦囊案內所 II》 第六集 : 輪證即市操作有咩竅門?沈大師突入同Ivan用騰訊業績教部署!

唔少投資者成日響坊間聽到好多「即市高沽低揸」嘅輪證投資策略,但係實行就知易行難,有時高追咗,有時就錯邊唔肯止蝕,結果由短炒變成要問發行人剩餘價值。Ivan分享佢認為投資者如果用輪證做即市或者好短期嘅部署,有邊啲市場訊息要注意,訂定即市嘅止蝕同止賺位,又同平時揸幾日嘅倉位有乜野唔同。(首播日期為2020年8月12日)

《輪證錦囊案內所 II》第七集 -《ISG 救倉行動》 睇錯市睇錯業績,輪證有貨點算好?

今集同大家講吓輪證投資失手時,可以點樣「救倉」;分析三個投資者常用嘅救倉方法,講解當中嘅利弊,同埋用呢啲方法嘅技巧! 仲分享止蝕位要點定、值博率點計,以及輪證條款之間嘅變換係點做。播出日期:2020年8月19日

《輪證錦囊案內所 II》 第八集 秒秒鐘幾XX上落,輪證唔投機得唔得?

有無諗過,輪證除咗短線買賣,其實都可以用嚟作為資產組合嘅一部份?每當股份公佈完業績,又或者出現橫行走勢,有時其實都係中長線部署嘅時機。除咗幫投資組合響市況暢旺時加大收益, 當響市況唔好; 又或者去到較重要嘅阻力位時,擔心個市回,其實投資者都可以用指數熊證對沖投資組合。市場內每日有唔少投資者做類似嘅操作,Ivan到時會分享身邊一些「大戶」嘅操作方式,以及分享一啲坊間「錯哂」嘅對沖方法。(首播日期為2020年8月26日)

《輪證錦囊案內所 II》 第九集 買牛熊驚個市Chok,買輪又怕縮Vol 有無準則決定揀邊樣好?

成日都有網友問究竟買輪好定買牛熊好?你知啦,世事就係咁,你一買牛熊證個市就變得好Chok;你改買輪?佢又唔郁,坐多幾日又驚縮vol,完全係一枝「蠱惑的槍」!咁究竟有無一個準則去決定果個市況揀邊樣野比較好嘅呢?Ivan 呢集就會分享睇法同埋俾實例大家睇。(首播日期為2020年9月2日)

《輪證錦囊案內所 II》 終章 一個鐘教您由零開始成為輪證專家

呢個單元最後嘅一集,我地一齊回歸基本,三位講吓一啲初學者買輪證嘅常見問題,亦都教各位初學嘅朋友如何由零開始;而一直有買賣輪證嘅朋友又可以點樣透過平日嘅一啲練習,去提升自己嘅技巧,同埋發掘一啲值博率較大嘅入市機會及總結今季十集嘅重點。(首播日期為2020年9月9日)

播放清單