瑞信Ivan聯同Raga Finance 既 小兵 (Gary)、財經節目主持黃合秀(Season) 一連六集深入淺出講解輪證策略，以散戶、交易員同發行商角度，解答投資者常問問題，助您快人一步揀啱股，做部署！(首播日期為2020年4月28日)

瑞信Ivan再同前交易員Gary(小兵)及財經主持Season，繼續同大家探討輪證熱門話題，究竟恒指牛熊證重貨區係咪大戶殺倉位？坊間唔少人覺得牛多殺牛、熊多殺熊，呢個睇法係迷信定有根有據？

呢集就講解下輪證資金流係咪「春江鴨」部署?亦都會講吓資金流既概念起源，過去十幾年既準確度，講下2007年H股回A股點樣令當時香港輪證資金流激增，而近年市況變化後，資金流應用上應該點樣改變同埋點併合唔同資金流分析。

今集就解構業績期時，點解好多人成日買中業績好壞方向，但係輪證買賣都要損手。就好似上個禮拜買騰訊(700)牛證既大手資金，最終損手離場？究竟點解呢？Ivan分析當中所犯既幾個重要錯誤！所以大戶無策略都唔一定贏！

嚟到第五集，一齊同大家用實例討論換馬同揀啱輪證響呢種市況中既重要性;要追番損失，點做先比較合適。三位亦解答點解次次反彈，引伸波幅就好多時會跌，同對邊類條款既輪影響最大。而一旦出現灰犀牛，輪證買賣心態、持倉時間既拿捏，又同一般市況有何不一樣? 想知? 就要聽幾位既分析

過去五集當中，三位分享好多平日少喺發行商節目聽到，但其實好重要既輪證知識，希望幫到大家。 呢個終章Ivan 就揀咗輪證心法做主題，因為大家響過去幾集學識咗基本既輪證知識後，當實戰應用時，心理質素同樣非常重要，往往係贏輸既關鍵。Ivan 同Gary就一齊分享咗佢地既交易經驗同心得。

第一輯嘅《輪證錦囊案內所》有觀眾話想聽多啲關於輪證嘅基礎知識，特別係用實例做嘅例子，令大家可以投資輪證時叻啲。呢啲要求Ivan 都收到哂，今季 (第二季) 嘅十集，瑞信Ivan繼續同前交易員Gary (小兵) 及財經主持Season會用更多實例講解點去因應市況買合適條款嘅輪證。(首播日期為2020年7月8日)

響第二集，三位探討坊間好多投資者比較窩輪時選擇用嘅準則。好似溢價，面值同同實際槓桿。而係現實情況下，好多輪嘅價格係會受到引伸波幅變化同時間值損耗因素影響，導致輪價同實際槓桿計出嚟嘅數值有偏差，今集就教大家點樣可以: 一) 避開引伸波幅跌; 二) 捕捉到引伸波幅升; 三) 揀到受引伸波幅同時間值損耗影響較細嘅輪; 四) 仲有輪價會唔會受兌換比率影響呢? 都響今集做左比較！

今集解構輪證嘅買賣差價點訂，咩野係莊家買賣價，街貨量高低對輪價既影響，教大家做個精明既消費者！Ivan用咗一隻中芯輪11148做例子，教大家高街貨輪點解會好容易令大家買錯咗貴貨。仲即席示範咗如果要隔晚掛定輪證嘅買賣算，點樣用模擬計數機幫自己計價，分析埋呢種方式有咩利弊。(首播日期為2020年7月22日)

三位今次用實例教大家響唔同技術同圖表走勢下輪證嘅選擇; 同埋點樣配合圖表去訂出市、入市位去提升值博率策略。另外，Ivan 同 Season 亦分享用移動平均線造輪證部署嘅要點，因為好多投資者都用呢個指標判斷短期走勢，但有時都唔知應該跟咩嘢線做，揀嘅輪證亦未必配合到正股走勢。

好多初哥聽完坊間「輪證高手」嘅策略，又好似同發行商教嘅有分別，令到好多投資初哥都唔知聽邊個講好，所以Ivan決定今集直接比較下唔同大師嘅輪證策略利弊，等大家好好了解每個策略嘅特點先決定用邊套同幾時用。

唔少投資者成日響坊間聽到好多「即市高沽低揸」嘅輪證投資策略，但係實行就知易行難，有時高追咗，有時就錯邊唔肯止蝕，結果由短炒變成要問發行人剩餘價值。Ivan分享佢認為投資者如果用輪證做即市或者好短期嘅部署，有邊啲市場訊息要注意，訂定即市嘅止蝕同止賺位，又同平時揸幾日嘅倉位有乜野唔同。

今集同大家講吓輪證投資失手時，可以點樣「救倉」；分析三個投資者常用嘅救倉方法，講解當中嘅利弊，同埋用呢啲方法嘅技巧! 仲分享止蝕位要點定、值博率點計，以及輪證條款之間嘅變換係點做。

有無諗過，輪證除咗短線買賣，其實都可以用嚟作為資產組合嘅一部份？每當股份公佈完業績，又或者出現橫行走勢，有時其實都係中長線部署嘅時機。除咗幫投資組合響市況暢旺時加大收益, 當響市況唔好; 又或者去到較重要嘅阻力位時，擔心個市回，其實投資者都可以用指數熊證對沖投資組合。市場內每日有唔少投資者做類似嘅操作，Ivan到時會分享身邊一些「大戶」嘅操作方式，以及分享一啲坊間「錯哂」嘅對沖方法。

成日都有網友問究竟買輪好定買牛熊好？你知啦，世事就係咁，你一買牛熊證個市就變得好Chok；你改買輪？佢又唔郁，坐多幾日又驚縮vol，完全係一枝「蠱惑的槍」！咁究竟有無一個準則去決定果個市況揀邊樣野比較好嘅呢？Ivan 呢集就會分享睇法同埋俾實例大家睇。

呢個單元最後嘅一集，我地一齊回歸基本，三位講吓一啲初學者買輪證嘅常見問題，亦都教各位初學嘅朋友如何由零開始；而一直有買賣輪證嘅朋友又可以點樣透過平日嘅一啲練習，去提升自己嘅技巧，同埋發掘一啲值博率較大嘅入市機會及總結今季十集嘅重點。

當前市況輪證部署要點 如何利用輪證提升投資組合表現 | 窩輪牛熊證轉換 | 注碼控制技巧 |「溝貨」及換馬策略 | 輪證實戰進階知識分享 | 瑞信何啟聰、黃師父黃瑋傑

瑞信何啟聰、黃師父黃瑋傑, 網上授課九十分鐘速成班, 教你喺又反覆又冇方向嘅大市, 搵港股、窩輪及牛熊證逆市勝券！

瑞信何啟聰、黃師父黃瑋傑, 網上授課九十分鐘速成班, 教你2022下半年反擊部署! 助你下半年揀「正」股，掌握窩輪及牛熊證策略，提升下半年獲利機會。