了解納指 6 大基礎知識!
  • “知少少唔好扮代表,好似係同科技股、新經濟股有關?原來仲有…”

    納指,全名為納斯達克綜合指數,係由喺美國納斯達克交易所上市嘅股份所組成。一直以來,較多科技企業及生物科技企業,都傾向選擇喺納斯達克市場上市,令呢個指數被視為係追蹤美國科技企業走勢嘅指標。

    為咗區分科技股同傳統金融股,指數公司再將納指劃分為:

    1. 納斯達克100指數; 及

    2. 納斯達克金融100指數

    納斯達克100指數從工業、科技,電訊、生物科技、醫療保健、運輸、媒體及服務業等行業中,選擇100隻較大型、較具代表性嘅公司成為成份股。市值大、規模大,增加納斯達克100指數嘅代表性,因此唔少投資產品都係圍繞住呢個指數嚟建構。

  • 佔納斯達克100指數比重最大嘅,唔少都係大家耳熟能詳嘅股份。

    現時最重磅嘅係蘋果公司,相信大家或者朋友間都總有用緊一兩部佢哋出產嘅手機、平板電腦。其次嘅係電商股阿馬遜、軟件生產商微軟,其他佔比頭十大嘅股份,仲有社交網站Facebook、Google母公司Alphabet、電動車生產商特斯拉(Tesla)、半導體生產商Nvida、軟件商Adobe同串流娛樂平台Netflix*,而頭10隻重磅股已佔指數約56.6%嘅比重。**

  • 當然唔係,喺港股市場上,其實亦有同納指掛鈎嘅投資產品,就算大家冇美股戶口,都可以捉緊美國新經濟股嘅投資機會。

    如果本金唔夠,大家可能都會諗吓有冇槓桿產品嚟以小博大,納指100期貨係選擇之一,但要額外開立期貨戶口;而喺本港上市,同納指100指數掛鈎嘅認股證,就係另一個槓桿產品嘅選擇,俾大家做到睇好或者睇淡部署。

  • 4. 期貨同認股證都係槓桿產品,但係佢哋有乜分別?

    期貨同認股證,都係部署未來資產價格走勢嘅工具。兩者嘅分別在於,期貨係一個責任,認股證就係一個權利。

    買賣期貨之前,首先要有期貨戶口,並且繳付若干保證金。假設有個投資者買入或者賣出納指100期貨後,納指100嘅走勢不似預期,當指數觸及某一維持按金水平之後,投資者有責任額外補倉,即係有機會「輸凸」,損失有機會多過最初投資金額。

    至於認股證,由於佢喺交易所上市,佢會有個股票編號,只要有港股戶口就可以進行買賣,唔需要特別開立其他戶口。假設買入納指輪後走勢不似預期,由於佢係一個行使權力,方向錯、即係代表行使唔到,唔需要額外補倉,最大損失僅為投入本金

    “期貨…… 投資者有責任額外補倉,即係有機會「輸凸」”

    “至於認股證…… 唔需要額外補倉,最大損失僅為投入本金”

  • 納期達克指數既然係美國指數,自然會有時差關係,即係港股開市時,納斯達克市場係休市嘅;不過有時差唔代表買賣唔到。電子交易嘅興起,令投資者可以喺非美股交易時段,買賣喺芝加哥交易所電子交易市場上市嘅納指100的期貨。

    既然納指100期貨可以喺亞洲時段交易,即係同佢掛鈎嘅納指認購證,喺港股時段都有跳動嘅依據啦,發行商通過期貨市場作對沖,自然可以為納指認股證提供報價,俾大家多一個可以買賣嘅選擇。

  • 當然唔會!雖然納斯達克100指數嘅成分股份係喺美國上市,但窩輪跟隨跳動嘅係相關期貨。由於新經濟股受捧程度增加,近年即使喺亞洲交易時段,如果出現影響環境股市嘅政經事件,又或者係同大型科企有關嘅消息公布,納指100期貨一樣會喺亞洲時段出現大幅波動,亦提供工具俾大家喺美股開市前作部署。

    既然會郁,咁點郁呢?如果想計納指認購證跳動敏感度,即係納指100期貨要跳幾多點,認股證先跳動到一個價位,可查看芝加哥交易所內納指100迷你期貨嘅報價,再將個數放入下面條公式:

    [(兌換比率 ÷ 對沖值)]÷ 美元兌港元匯價 x 窩輪最低上落差價

    舉個例子,某納指認購證的兌換比率為30000兌1,對沖值約0.32。假設港元兌美元的匯率為7.75,每個價位的買賣差價為0.001港元。

    變動一個價位納指100近月期貨約需變化的點數約為 = 30000 ÷ 0.32 ÷ 7.75 x 0.001 = 12點

    同樣地,某納指認沽證的兌換比率為25000兌1,對沖值約0.26。假設港元兌美元的匯率為7.75,每個價位的買賣差價為0.001港元。

    變動一個價位納指100近月期貨約需變化的點數約為 = 25000 ÷ 0.25 ÷ 7.75 x 0.001 = 12.9點

部署納指窩輪有乜要留意? 納指窩輪價格受哪些因素影響?到期點結算?