財經智珠網有限公司 、「香港交易所資訊服務有限公司、中國投資信息有限公司、其控股公司及/或該等控股公司的任何附屬公司」、及/或其他第三方資訊供應商均竭力確保所提供資訊的準確和可靠度,但不能保證其絕對準確和可靠,且亦不會承擔因任何不準確或遺漏而引起的任何損失或損害的責任(不管是否侵權法下的責任或合約責任又或其他責任)。
納指輪同其他窩輪一樣,會受到多個唔同因素影響,而喺《認股證教室.新手上路:影響窩輪價格的因素(一)》入面提及嘅5大因素,即係相關資產價格 (呢度係講係納指100期貨嘅變化)、引伸波幅、剩餘時間、利率同股息,都同樣會影響到納指輪價格走勢。
比其他掛鈎港股或本港指數嘅窩輪多一樣嘢,由於納指輪追蹤嘅,係以美元計價嘅資產,因此美元兌港元匯率嘅變化,亦會影響到隻納指輪嘅價格;不過美元同港元之間有聯繫匯率,因此呢個變化都只係屬於小幅度,不過都要留意番。
納指100指數涵蓋嘅,都係走勢極Chok嘅科技企業,由於波幅唔低,相關期權嘅引伸波幅水平亦唔會太低。
需要承受補倉風險嘅納指100期貨,槓桿約為14倍,認股證嘅槓桿低少少,實際槓桿一般約5至7倍。投資者亦需要留意實際槓桿只係參考值,窩輪價格會受到時間值損耗、引伸波幅變化及匯率等因素影響。
有聚有散,既然納指輪都係窩輪,因此都有個到期日,到期之後就會進行結算。
納指輪嘅結算參考價,係到期日嗰個月嘅期價合約的結算價格。用例子答:喺2021年3月19日到期嘅納指認股證,結算價會參考2021年3月19日(美國時間)到期嘅納指100指數期貨結算價。
同其他窩輪一樣,價內輪到期後將有現金價值,價外輪到期後嘅價值係0。窩輪結算公式如下:
舉個例子,某納指認購證嘅行使價為12,500點,兌換比率為25,000兌1,到期日係3月19日。到期當日,納指100期貨嘅結算價係13,000點,美元兌港元匯率為7.75元。
結算後的現金價值 = ( 13,000 – 12,500 ) ÷ 25,000 x 7.75 = 0.155元