輪證動態專頁

23小時前 昨日 上午 12:20
港股復活節假前夕,A股邊個板塊旺場?
港股今日收市後就到下星星期二先開市,假期間A股有市,我地就睇下今日A場炒緊咩野板塊。入去我地「南北連動」頁面睇,今日五大創52周新高既滬深港通股份,五隻有四隻係醫藥股,A場今日炒緊咩野板塊,大家都睇得到##。有朋友可能唔係好清楚每間A股公司係做咩野業務既,唔緊要,只要指一指落隻股到,就會顯示板塊同類似概念既H股選擇##。

言歸正傳,近日內地係既生物科技同醫療器械股係市場焦點,香港就比較少有輪證既生物科技股,沾得上邊既就只有藥明生物(2269)同金斯瑞(1548)。不過醫療器械股就相對比較多,好似威高股份(1066)同微創醫療(0853),今日中段都突然上升,呢啲股份其實都有輪,早少少留意到A股既行情,可能已經捕捉到今朝果段升勢呢##!

...       
更多
23小時前 昨日 上午 12:18
大市橫行板塊即起動,是日內需取代5G
美股因為民主黨左翼候選人退選彈升,恒指都受惠,今朝重上24000樓上,不過就破唔到7號高位24262住,之後大市趨於橫行,但板塊就相繼起動,又係時候同大家睇睇今日資金焦點響邊##。

一入去我地既「板塊移動」,唔同板塊已經按相對表現強弱排列,咁今日表現最好既就有博彩股,而另一焦點,「一片綠」既,就係內需股,內需入面,體育股、醫療設備股、食品股,全部都急升;反之之前既焦點5G同芯片今日就麻麻,係少數跑輸既皮板塊。想睇多少少就入去望望##。

市場似乎係憧憬內地開始解封城市,恢復經濟活動後,呢類股份可以反彈。睇嚟復活節長假期前,資金會Focus響呢個復甦概念上,不過長假期臨近,要持貨過市可能最好揀貼價同長年期少少既call部署##。

內需相關輪證選擇

威高認購證23543,行使價12.88元,20年09月到期,實際槓桿約3.69倍。
安踏認購證25593,行使價66.88元,21年02月到期,實際槓桿約2.73倍。

...       
更多
04月09日 上午 10:43
瑞聲盈警,好友趁急跌撈牛…
企業陸續公布新型肺炎疫情對營運嘅影響,尋日收市後有手機設備股瑞聲科技(2018)發盈警,預期首季溢利會按年減少85%至90%,又講明即使3月已經復產,不過今年餘下時間仍然有不確定性。受盈警消息拖累,瑞聲今朝低位跌逾7%,曾經失守39蚊。##

之前已經有唔少分析話,喺新型肺炎疫情之下,全球手機出貨同付運量都肯定會跌,作為手機設備股嘅瑞聲受到負面影響,都可以話係意料之中,不過溢利要倒退八九成,就似乎較市場預期影響大。##

瑞聲失守40蚊之後,吸引資金炒復甦開好倉,主要以撈牛證為主,或者係驚股價急跌令窩輪引伸波幅變得波動,以及長假期有時間值損耗,所以揀唔受引伸同時間值影響嘅牛證嚟博反彈。##

瑞聲輪證選擇

瑞聲牛證55379,收回價35.38元,行使價32.38元,槓桿比率約4.5倍。
瑞聲熊證56845,收回價45.88元,行使價48.88元,槓桿比率約4.2倍。
瑞聲認購證21983,行使價50.93元,20年09月到期,實際槓桿約5.0倍。
瑞聲認沽證25753,行使價31.38元,20年10月到期,實際槓桿約2.8倍。
...       
更多
04月08日 下午 01:59
宣布停派息一星期,滙豐終於有近價Call 上市!
唔講唔覺,原來滙豐(0005)宣布唔派息,今日啱啱一星期。滙豐近幾日亦開始擺脫之前連跌嘅連跌勢頭,尋日重上返40蚊關口,今日亦大部分時間喺40蚊附近整固。##

滙豐上星期突然因為唔派息而急跌,早幾日資金不斷撈Call,但奈何回落幅度太大,大部分Call輪都變成極價外;到今日終於有相對貼價、行使價42蚊左右嘅Call上市,好友如果想減低持輪嘅價外幅度,不妨考慮吓。收回價喺38蚊樓下嘅滙豐牛證,亦同步上市。##

至於睇淡嘅投資者,之前亦可能見輪場大部分Put輪已經到價、輪價好貴之下,轉為留意遠價熊證,但槓桿就相對較低;同樣喺今日,行使價喺35蚊左右嘅價外Put終於上市,而收回價喺42至43蚊附近嘅熊證亦同日上市,提供返高啲槓桿嘅淡倉產品俾大家選擇。##

滙豐輪證選擇

滙豐認購證25827,行使價42.88元,20年10月到期,實際槓桿約6.9倍。
滙豐認沽證25828,行使價34.88元,20年10月到期,實際槓桿約4.9倍。
滙豐牛證66483,收回價35.88元,行使價34.88元,槓桿比率約5.9倍。
滙豐熊證66493,收回價42.88元,行使價43.88元,槓桿比率約8.4倍。
...       
更多
04月08日 下午 01:59
雖然市跌,但都有板塊升幅唔細!
今日大市下晝就跌穿左24000,大部份板塊回落,不過仔細睇下,市場都有主題,講緊係電力股,可能今日武漢開始陸續恢復對外交通,市場資金就憧憬工廠恢復用電,電力股,好似華潤電力(0836)同華能電力(0902)都反彈唔少,下晝大市跌幅大左,呢兩隻股仲響日內高位##。

尋日教過大家用既「板塊移動」,如果大家有留意頁頂「領漲」板塊,就會一早睇到電力股呢個板塊係是日最強勢##,亦都顯示左資金可能準備為內地復工部署,咁之後可以繼續留意下相關既訊息搵資金焦點。提提大家,
華潤電力(0836)同華能電力(0902),我地都有認購證選擇俾大家參考!##
...       
更多
04月08日 下午 01:56
資金狂吸牛,再唔彈要留意調整
今日個市就延續唔到上日升勢,開市後無咩焦點,隻隻股跌少少,半日成交都跌左。不過,即市資金流就以睇好博反彈為主,特別係響開市位24191樓下,挨近24000左右係咁入牛證。即市牛熊比例係近呢個零兩個星期比較「牛」既一日。##

其實每日都有唔少投資者睇牛熊街貨分佈圖同埋打電話問我地即市牛熊資金流,不過,小編就想用「恒指牛熊證倉位分析」既數據,比多個角度大家睇牛熊證資金流可以點睇##。

運用資金取態配合升跌作提示
首先,大家睇最近三日數據,可以睇到熊證倉位響4月3日係升左,但以恒指當日收市位對比開市位計,大市係「收高」既,即係話雖然投資者「力沽」,但大市仍然向好,似乎市場買盤動力更大。所以4月6日開市前,就響「資金取態提示」度,提示大家大市或上試阻力,當時市場既技術阻力位響23500左右,結果大市一升穿就響下晝直上23800點。##

再睇4月6日收市既倉位,恒指當日收市位對比開市位計,又係「收高」既,而反常地,當日係見牛證加倉,即係資金毋懼大市已升,唔急住套利更一齊買上,甚具信心,呢個時候「資金取態提示」度,就提示大家,因為市場資金唔沽貨,仲買上,咁大市或者會向上突破,而4月7日,大市就突破了下跌裂口24117既阻力收市##。

提供呢個指標,係比大家多一倘角度去睇牛熊資金流,究竟資金流係輸錢挨打緊機會大?定係領先大市既熱錢呢? 呢個可能都好值得參考。

留意今日大市收市位
如果以今日既即市資金流去睇,一旦大市收低過開市位24191,而牛證倉位又真係大增,咁好友就要留意大市一旦失守24000,會唔會回試10天線23530左右水平,持有牛證可能要考慮換馬或者按紀律止蝕睇定少少;淡友就可以考慮換番貼少少既熊。

恒指輪證選擇
恒指牛證65478,收回價23400點,行使價23300點,槓桿比率約26.32倍,兌換比率10000。
恒指牛證66445,收回價23150點,行使價22850點,槓桿比率約21.58倍,兌換比率12000。

恒指熊證55387,收回價24270點,行使價24370點,槓桿比率約43.77倍,兌換比率10000。
恒指熊證55876,收回價24450點,行使價24550點,槓桿比率約23.49倍,兌換比率12000。

...       
更多
04月08日 上午 11:00
ATMX角力,美團跑贏、小米落後?
恒指近日重上兩萬四,備受關注嘅新經濟股ATMX,雖然都有跟住回穩,但走勢都有差別。兩隻大股阿里(9988)同騰訊(0700)變動唔大,而焦點落喺美團點評(3690)同小米(1810)身上。##

美團係ATMX中近日表現最強勢嘅股份,今朝高位曾觸及98蚊,短暫逆市上升過,而由三月底開始睇起,更短時間內由約85蚊嘅低位,反彈上98蚊嘅高位;但可能反彈速度太快,尋日吸引咗近600萬錢流出獲利,再有少量資金反手開淡倉,可能係覺得100蚊阻力比較大。##

至於小米,就成為咗ATMX中較落後嘅股份,尋日已經逆市偏軟,今朝低位仲跌過成3%。有報道話,內地視頻網站愛奇藝被沽空機構狙擊,作為股東之一嘅小米,可能係因為咁而受拖累;不過落後股反而有資金追捧好倉,尋日流入咗成1,100萬錢,今朝亦繼續開好倉博反彈。有投資者覺得小米嘅10蚊關口支持唔錯,部署收回價喺10蚊樓下嘅牛證,作免除引伸考慮嘅睇好部署。##

美團小米輪證選擇

美團認購證24091,行使價113.98元,20年08月到期,實際槓桿約6.8倍。
美團認沽證21934,行使價88.83元,20年09月到期,實際槓桿約4.2倍。
美團牛證56233,收回價83.88元,行使價80.88元,槓桿比率約5.2倍。
美團熊證51566,收回價104.88元,行使價107.88元,槓桿比率約7.7倍。

小米認購證18705,行使價11.58元,20年07月到期,實際槓桿約6.0倍。
小米認沽證14534,行使價9.08元,20年09月到期,實際槓桿約3.9倍。
小米牛證66247,收回價9.88元,行使價9.48元,槓桿比率約11.2倍。
...       
更多
04月07日 下午 04:27
北水三月跌市買左咩?即刻睇下眼光?
北水響近日港股下跌期間加速流入港股,日日幾十億,買到大家都開始再關注番呢啲資金對港股同個別股份既影響力。雖然北水流入未必等於個股表現一定優異,但係我地都不妨統計一下在近周最多資金流入的權重股,睇睇邊啲股份較受北水垂青。##

我地嘅港股通資金流專頁,除咗顯示每日首十位最多資金流入同流出嘅港股通股份,仲會參考港交所「北水」持倉數據,獨有顯示埋過去五日以及過去二十日嘅累積資金流。

透過這個資料庫,大家可以去追縱過去一段時間北水既主要流入股份。只要去到專頁頁面,按五日累積/二十日累積,再按更多,就可以睇到所有港股通股份累積獲北水(滬及深)流入既資金流##。

北水以內銀股為重心
按更多後,大家可以睇到過去二十日最多資金流入股份首十位係以內銀股為重心,按次序分別係建行(0939)-第一位、工行(1398)-第三位、農行(1288)-第五位、中行(3988)-第八位。當中截至3月31日,建行(0939)有成282億錢流入,而四隻內銀中較少錢既中行(3988),就有24億左右。

兩大科網股跌市見資金承接
而科網股中,就有騰訊(0700)-第二位同美團點評(3690)-第六位上榜。響三月份大市下跌時,騰訊同美團反彈得都好快,似乎就要歸功於北水既買盤。

資源股暴跌少量撈底
如果再睇埋十一到二十位既股份,就會見到近期曾經急跌既資源股,包括油股中石化(0386)同中海油(0883),但係累積資金流入額度,每隻都係十零億左右,呢度仲未見唔到中石油(0857)既身影添。

中小盤股獲資金流或有異動
至於再數落去二十一到三十位,就開始會有一啲比較特別既股份,好似有「打邊爐股」海底撈(6862)同同系既頤海國際(1579),由本來受疫情所累,變成成功出售打邊爐湯包既頤海國際(1579),真係唔係北水買,本地投資者就比較少機會留意到,隻股就逆市破頂。仲有建材股中國建材(3323)同微創醫療(0853)。呢啲股上榜,其實都印證唔少內地資金近日入場「掃起」左隻股,特別係呢類股既市值同流量股數比較少。

因應呢個資金流 , 您可以睇到響大市回落時,可能有部份H股既承接力會比較好,就可以考慮用一些中距離既牛證做部署,而如果要搵異動既中型股,就不妨留意二十位以後獲資金流入既股。

咁二十日既資金流對搵短炒機會既朋友嚟講,可能會話參考價值較低,唔緊要,我地仲有獨有既數據,睇五日既北水資金流,呢個資金流可以反映到短線資金流向,好似近日急升後回調既中國飛鶴 (6186),就明顯見到北水入市吸納。

最後提多句,我地瑞信都覆蓋左大部份熱門既港股通股份,如果睇完資金流後想用輪證部署,可以即刻睇埋我地既焦點推介。

呢個港股通資金流,每個交易日六點會更新一次,而累積資金流就留意番右邊顯示既「數據日期」。##
...       
更多
04月07日 上午 12:38
大市升轉跌,資金棄大買細
恒指今朝高開後就無以為繼,24000守唔住引黎獲利回吐盤,暫時大市半日勉強仲有升幅,但唔少權重股就無哂升幅甚至倒跌。睇番圖24032及24117之間既下跌裂口今朝補唒,但係企唔穩,結果就回番一截,權重股連升幾日後,可能要再整固下先##。

資金雖然由權重股獲利,但係睇番中價細價權其實都升得唔錯,內地A股十一點幾仲挾過去全日高位。咁似乎資金可能由大股轉緊去中細價權追落後##。又睇番「板塊移動」,今朝好幾個板塊,好似基建、水泥、內需、汽車都急升,「綠色」跑贏大市既板塊都比紅色跑輸既多,正正就反映左資金轉戰中細價股。內地逐步復工,市場焦點慢慢放番落兩會,大家不妨當啲去呢度睇下唔同板塊走勢。




...       
更多
04月07日 上午 10:57
當Stay Home成為常態,有咩股份受惠?
港股連升第二日,恒指高位重上兩萬四關口。市場憧憬環球疫情有望改善,不過抗疫戰似乎仍然未能鬆懈,各國政府都繼續呼籲民眾減少不必要嘅外出,Stay Home保平安。當大家都習慣咗Stay Home,消費模式都有機會出現改變,有咩股份有機會受惠於呢個新常態呢?##

唔出街食飯,改為留喺屋企打邊爐,湯底股頤海國際(1579)似乎係潛在受惠股之一,今朝高位升逾半成,曾經重上56元水平。居家叫外賣亦係唔少人嘅選擇,美團點評(3690)上星期重上返90蚊之後,今朝高位升逾3%至97蚊樓上。##

至於留喺屋企多,使用到物業管理股提供嘅服務機會亦增加,雅生活(3319)係少數跑贏大市嘅股份,今朝大致靠穩,同歷史高位距離唔遠;碧桂園服務(6098)今朝升逾1%,徘徊喺30蚊附近靠穩。##

有病想睇醫生?大家都可能改用網上診症。平安好醫生(1833)尋日創新高,不過今朝有些少高位回套;另一隻醫療科技股阿里健康,今朝就徘徊喺15蚊附近,或者等緊重建支持。以上咁多隻股份,有冇邊隻係你心水?##

Stay Home潛在受惠股窩輪選擇

頤海認購證11723,行使價58.88元,20年07月到期,實際槓桿約3.6倍。
美團認購證24091,行使價113.98元,20年08月到期,實際槓桿約6.7倍。

雅生認購證22518,行使價45.08元,20年08月到期,實際槓桿約4.2倍。
碧服認購證19923,行使價34.38元,20年07月到期,實際槓桿約4.7倍。

平醫認購證22318,行使價87.28元,21年02月到期,實際槓桿約2.5倍。
里康認購證22322,行使價17.18元,20年08月到期,實際槓桿約3.0倍。
...       
更多
    輪證小知識
    輪證小知識相關帖文