輪證動態專頁

港股上星期五嘅急升，雖然未能令恒指成功企穩喺萬九點以上收市，不過今朝再升多少少，恒指總算上返萬九點。美國債務上限問題暫時解決，連加息市場都估可能會暫停，市場避險情緒降溫，金價隨即回落，令到金礦股今朝都捱沽。#gif_6#

山東黃金(1787)今朝低位曾跌逾4%，回落到15.2元邊緣；不過市場避險情緒係咪真係降咗溫？始終環球經濟前景依然未明朗，雖然債務上限問題總算解決咗，不過短時間會唔會催生其他問題？呢個或者係點解有投資者趁今日金礦股回落，乘機加倉嘅原因。#gif_2#

除咗金價，睇埋同屬商品嘅油價走勢。產油國沙特阿拉伯話，7月起將每日產油量，再額外削減約100萬桶，不過期油短暫升過又回返，中海油(0883)未見受惠，低位落到12蚊邊緣。市場關注美國係咪真係暫停加息，以及對美元同商品價格影響，不過油價輪證未見明顯資金流，或者投資者取態依然觀望。#gif_4#

商品股輪證選擇

東金認購證14301，行使價15.88元，23年12月到期，實際槓桿約3.2倍。

海油認購證14544，行使價12.9元，24年06月到期，實際槓桿約4.8倍。

海油牛證55227，收回價10.55元，行使價10.3元，槓桿比率約10.9倍。

債務上限問題解決，加埋美國可能就嚟加完息，港股今朝顯著反彈，恒指升幅逐步擴大至逾600點，重上18,800點水平。科技股係升市火車頭，騰訊(0700)高位曾升近半成，重上330蚊；美團(3690)同樣升逾半成，高位爭少少就重上120蚊；阿里(9988)更成功突破80蚊關口阻力，升幅一度達到6%以上，一洗近期嘅頹風。#gif_3#

不過唔知係咪經過近期嘅頹勢後，大家對科技股走勢具戒心，近日趁跌部署嘅好倉，趁今日大市抽升紛紛出貨，再敢追貨嘅資金真係唔多。至於淡倉，就有資金趁跌部署，當中以騰訊同美團較多，莫非大家真係睇得咁淡？#gif_4#

大市成交不濟，始終係限制指數反彈嘅原因之一。如果覺得科技股仲有得升，但又怕短期波幅，或者可以先考慮相對貼價嘅好倉產品，短線以觀望到價為短期目標，到佢真係到價先向上換馬，咁嘅策略或者有助控制持倉風險。#gif_8#

科技股窩輪選擇

騰訊認購證19999，行使價356.201元，24年03月到期，實際槓桿約4.4倍。

騰訊認沽證13917，行使價303.68元，23年07月到期，實際槓桿約11.1倍。

美團認購證14782，行使價150.1元，23年09月到期，實際槓桿約6.6倍。

美團認沽證14669，行使價112.7元，23年08月到期，實際槓桿約5.2倍。

阿里認購證26662，行使價86.93元，23年10月到期，實際槓桿約5.1倍。

港股繼續尋底，恒指今朝再跌超過300點，低位失守18,200點，再跌至約半年低位。科技股再受壓，早幾日朝點集中晒喺績後急跌嘅美團(3690)身上，到今日開始有投資者留意返騰訊(0700)。#gif_2#

尋日低位落到308蚊樓下嘅騰訊，今朝亦再受壓，但跌幅似乎冇其他科技股咁大，低位徘徊喺310蚊附近，大家都觀望緊係咪已經到達本輪調整嘅底部。至於同屬網遊股嘅網易(9999)，今朝跌幅大得多，低位曾跌逾半成至132蚊以下，仍保持喺上星期低位128.1元以上。#gif_10#

尋日仲喺140蚊附近徘徊嘅網易，估唔到一跌就跌到落130蚊邊。近期市場對網易睇法其實唔差，近日更有券商發表報告，話未來兩個月，網易將最少發表5款遊戲，包括重點手遊《逆水寒》，同埋《哈利波特》國際版，話唔定對股價可能帶嚟刺激。#gif_4#

講開科技股，除咗阿里(9988)同百度(9888)嘅AI備受大家關注外，微盟(2013)日前發布咗AI應用產品「WAI」，主打寫文等文書工作。近日大市走弱，微盟一樣受壓，今朝亦再跌逾半成至逾半年低位，不妨留意有冇博反彈機會。#gif_8#

科技股窩輪選擇

騰訊認購證19999，行使價356.201元，24年03月到期，實際槓桿約4.6倍。

騰訊認沽證13917，行使價303.68元，23年07月到期，實際槓桿約8.7倍。

網易認購證27102，行使價120.1元，23年09月到期，實際槓桿約4.0倍。

微盟認購證27391，行使價4.15元，23年09月到期，實際槓桿約2.8倍。

放完假返嚟，開市前見到美團(3690)份季度業績咁理想，加埋績前冇炒過，以為今次可以「搞掂，食碗麵」，點知驚喜欠奉，帶嚟嘅反而係驚嚇。美團季績後顯著受壓，低位曾重挫逾7%至116.3元，係超過7個月低位，之後受制於120蚊關口偏軟。#gif_6#

美團上季虧轉盈，錄得逾33億人民幣嘅純利，好過市場預期，而管理層預示唔同範疇嘅業務，疫後都出現復蘇情況，理論上都係對股價利好嘅消息。如果你話資金係趁好消息出貨，但季績前其實股價冇升過，似乎冇咩獲利空間。計落績後要咁樣急跌法，除咗係驚股東減持外，暫時都諗唔到再有其他原因。#gif_10#

美團今朝跌得急，資金都以博反彈為主，進取好友如果純粹博今日跌完、聽日有望出現技術性反彈，都唔介意揀行使價喺150蚊附近嘅價外Call，當然都有資金較保守，開始下移至行使價喺140蚊以下嘅相對貼價產品。至於追沽資金暫時唔太多，可能覺得已經落到逾7個月低位，再下跌嘅空間相對有限吧。#gif_2#

美團窩輪選擇

美團認購證14782，行使價150.1元，23年09月到期，實際槓桿約6.8倍。

美團認沽證14669，行使價112.7元，23年08月到期，實際槓桿約5.5倍。

嚟到月尾，科技股業績期亦去到尾聲。嚟緊壓軸到美團(3690)公布季度業績。近期市況唔好，科技股業績部署亦相當難玩，績後急升嘅股份當然有，例子有京東(9618)同快手(1024)，但績後捱沽嘅股份亦有唔少，包括阿里(9988)同騰訊(0700)；所以去到美團，究竟績前落注，定等埋業績先出手，對投資者嚟講可能都係難題。#gif_4#

其實睇返放咗榜嘅呢幾份業績，共通點係成績表都唔差，好似快手咁終於錄盈利正數當然興奮，但最起碼都好似騰訊咁，業績符合市場預期。睇返媒體綜合券商預測，對美團季績睇法亦都算樂觀，普遍預期收入按年增、虧損按年收窄，符合已公布業績嘅科技股嘅步伐。#gif_5#

不過更關鍵嘅，或者係績前究竟隻科技股，係咪已經率先受捧。當然，若果最後份業績意外咁差過預期，就咩都唔駛再講；但若果業績符合預期、甚至好過預期，而股價在績前未見受追捧，績後就有機會被炒上；相反若果好似阿里同騰訊咁，績前已經先行受捧，績後出現獲利盤嘅機會亦有所增加。#gif_2#

美團績前方向未，徘徊喺130蚊附近整固。好友若果想部署，或者可以揀行使價150蚊或以下嘅相對無咁價外Call，又或中距離牛證，去免除績前績後嘅引伸變動影響。#gif_1#

美團輪證選擇

美團認購證14782，行使價150.1元，23年09月到期，實際槓桿約5.9倍。

美團認沽證14669，行使價112.7元，23年08月到期，實際槓桿約6.1倍。

美團牛證56286，收回價116.88元，行使價113.88元，槓桿比率約6.7倍。

網信辦話，美晶片製造商美光嘅產品，未能通過當局嘅網絡安全審查，叫國內關鍵信息基礎設施嘅營運者，停止採購美光公司產品。美光被禁，市場隨即諗，國產晶片商會唔會取而代之，中芯國際(0981)今寓高位升逾3%，重上21蚊水平。華虹半導體(1347)高位逼近28蚊，升幅曾逾3%。#gif_3#

其實早喺4月初，當時內地對美光產品實施網路安全審查，中資芯片股已經順勢而起，中芯去到4月下旬，更一度升穿25蚊關口，只係之後反覆回軟，低位又落返20蚊樓下。現時審查結果落實之後，中芯升勢上暫時無上次咁誇張，但憧憬需求增加，都見有資金小注考慮好倉，揀嘅就係行使價喺早前高位約25蚊附近嘅Call。#gif_4#

至於華虹半導體，近日公布回A計劃之後，股價隨即受捧。上月中高位約37.6元暫時似乎太遠，或者短線可以睇睇有望挑戰30蚊關口嘅機會，成功收復就觀望上試100天線約31.6元嘅機會。#gif_1#

芯片股窩輪選擇

中芯認購證25212，行使價26.33元，23年12月到期，實際槓桿約3.9倍。

華虹認購證14426，行使價35.88元，23年09月到期，實際槓桿約5.4倍。

績前急升嘅阿里(9988)，交出一份唔差嘅季度成績表，仲公布埋分拆業務嘅計劃，但今朝股價命運同騰訊(0700)係一樣，都係績後出現明顯沽壓，低位曾跌逾半成至83蚊，落返一個星期前嘅位置。#gif_6#

其實尋日小編喺呢度都提醒過大家，如果績前無咩炒作，業績唔差，可能有機會喺績後受追捧，但如果績前已經受捧，就要睇吓仲有冇上望水位。阿里今朝捱沽，吸引返少少資金趁跌入場，尋日本來唔少好友揀返啲價外Call，但隨住股價急跌，今朝開倉嘅好友，又揀返啲相對貼價啲嘅產品。#gif_8#

嚟緊仲有咩科技股未放榜？快手(1024)嚟緊星期一會出季績，股價今朝曾急跌逾半成，失守50蚊關口，不過市場對佢都似乎冇咩憧憬，趁跌部署嘅資金暫屬少數。美團(3690)月底前都會出業績，今朝曾跌逾4%至128蚊樓下。美團過去一段時間一直浮浮沉沉，高位亦受制於140蚊水平，會唔會反而有業績值博空間？#gif_4#

科技股輪證選擇

阿里認購證14780，行使價92.93元，23年12月到期，實際槓桿約4.2倍。

阿里認購證26662，行使價86.93元，23年10月到期，實際槓桿約4.6倍。

快手認購證27068，行使價52.05元，23年06月到期，實際槓桿約8.8倍。

快手認沽證14333，行使價50.33元，23年09月到期，實際槓桿約3.1倍。

美團認購證14782，行使價150.1元，23年09月到期，實際槓桿約5.9倍。

美團認沽證14669，行使價112.7元，23年08月到期，實際槓桿約5.6倍。

美團牛證56286，收回價116.88元，行使價113.88元，槓桿比率約7.7倍。

呢兩日嘅市場焦點，幾乎都喺晒騰訊(0700)同阿里(9988)兩隻業績科技股身上。兩隻股份今朝表現都有幾大差別，騰訊績後急跌，低位曾跌近4%至330蚊樓下；相對阿里就顯著向好，季績公布前曾升逾4%至89蚊，似乎正朝住90蚊關口嘅目標進發。#gif_3#

騰訊尋日收市後公布季績，收入增幅勝預期、經調整利潤增幅就同市場預期差唔多，不過網絡廣告收入就按季下跌。簡單嚟講，就係冇咩特別驚喜同驚嚇。小編幾日前喺《騰訊績前已受捧？資金追貨定反手？》已經講過，如果騰訊股價績前已見追捧，可能有份業績好有驚喜，先有機會再現突破，否則就要諗清楚係咪值得追，估唔到不幸言中。#gif_6#

至於阿里，近期由80蚊以下嘅低位回升，呢段時間已經累積咗唔少升幅，由於績前受捧嘅情況同騰訊相若，大家可能亦都要留意仲有冇上望水位。當然，阿里過去一段時間累跌幅度較大，走勢相對其他科技股落後，如果真係覺得有望再作突破，或者可以先考慮輕微價外Call，等睇中方向，到價先再向上換馬，就算萬一真係睇錯，風險都相對可控。#gif_4#

科技股窩輪選擇

騰訊認購證14094，行使價409.08元，23年07月到期，實際槓桿約11.5倍。

騰訊認沽證13917，行使價303.68元，23年07月到期，實際槓桿約10.0倍。

阿里認購證25484，行使價95.05元，23年09月到期，實際槓桿約5.3倍。

阿里認購證14780，行使價92.93元，23年12月到期，實際槓桿約3.9倍。

由概念出現到相關股份受捧，再幾乎打回原形，「中特估」的存活時間極短，彷彿一星期已經歷完人生。無論是電訊股、石油股、內銀內險，近日都由高位回落不少，部分大股的A股跌幅，甚至比港股更大，早前入場追貨、或者是趁第一輪回調才入場的投資者，或者都要輕唱一句「完了吧！如無意外！」。#gif_6#

連日企穩65元的中移動(0941)，今朝終於頂唔住，更曾跌逾3%至63.7元，跌至逾一個月低位。作為「中特估」概念第一個受追捧嘅板塊，中移動上試70蚊不果之後，而家落返嚟65蚊樓下，都見吸引資金小注去考慮相關好倉，特別係中距離牛證，面值較低、槓桿較高，亦可免除引伸同時間值影響。#gif_2#

中人壽(2628)A股今朝曾經跌穿40蚊人仔，H股呢邊亦受制於15蚊關口，跌幅相對較A股少。中人壽過去一直比較落後，呢排跟住「中特估」概念追落後，但向上隨即有唔少獲利盤出現。若果跌勢初步喘穩，或者都可以重新考慮入場。至於畀北水沽得最勁嘅內銀股建行(0939)，今朝竟然有得升，莫非消化完北水沽盤之後，建行有望重新出發？#gif_4#

「中特估」股份輪證選擇

中移認購證14676，行使價75元，23年09月到期，實際槓桿約11.6倍。

中移牛證54835，收回價58.5元，行使價57.9元，槓桿比率約12.5倍。

中壽認購證14371，行使價16.9元，23年12月到期，實際槓桿約6.4倍。

建行認購證14672，行使價5.71元，23年11月到期，實際槓桿約9.2倍。

建行牛證55529，收回價4.8元，行使價4.7元，槓桿比率約14.1倍。

繼續跟進科技股業績，尋日咪話騰訊(0700)嚟緊星期三業績，如果交出唔太差嘅成績表，話唔定有機會複製京東(9618)績後嘅表現，不過講完之後，騰訊尋日即日倒升，今朝高位更曾升逾2%，爭少少就去到350蚊關口。呢個時候，或者都要停一停，究竟騰訊業績仲有冇值博率？#gif_4#

如果單講業績，市場對騰訊份季績，整體上都係樂觀嘅，更加有券商預期，季度盈利增長可能會係21年次季、內地收緊科企監管以嚟最大增幅；不過問題係，如果績前冇炒作，或者可以「靜靜地贏」，但由於績前已經受捧，或者可能份業績，真係要俾到市場好大驚喜，先有機會幫手突破350蚊阻力。#gif_2#

睇返市場投資者嘅做法，騰訊好倉已經有成500萬錢，趁尋日高位升近半成就獲利，而同日淡倉就有成2,500萬錢反手開淡。如果本身已經有好倉貨底，特別係喺股價低企喺330蚊時就入咗場嘅，或者可以考慮持倉觀望，等睇績前有冇機會突破350蚊阻力；但未有貨嘅，就要諗清楚值唔值得追。#gif_8#

至於跟唔跟風反手？如果對業績信心唔大，或者都可以小注考慮，但一旦破位升穿350蚊，股價轉勢獲得確認，淡倉或者都要嚴守止蝕，慎防持倉風險再增加。#gif_10#

騰訊窩輪選擇

騰訊認購證14094，行使價409.08元，23年07月到期，實際槓桿約11.7倍。

騰訊認購證20436，行使價380.893元，24年06月到期，實際槓桿約3.9倍。

騰訊認沽證13917，行使價303.68元，23年07月到期，實際槓桿約9.7倍。

騰訊認沽證13683，行使價321.68元，23年07月到期，實際槓桿約8.6倍。