輪證動態專頁

04月13日 下午 02:01
派息派早咗?對Call輪係負面消息?點解嘅?
當一隻股份比預期早左派息,Call輪價格有機會會因此下跌,Put輪上升。

舉個實際例子,由於平保(2318)上年喺7月頭先除息,所以今年6月底到期嘅平保call輪,無將預期除息因素計算咗入去。但係平保今年突然宣布提早喺6月頭除息1蚊人仔,咁樣搞一搞,隻call輪變咗喺到期前要面對平保除息,平保股價會因除息而冇咗1蚊人仔,所以輪價就會因此下跌喇!

話分兩頭,如果有隻6月底到期嘅平保Put輪,正股會喺窩輪到期前除息,平保股價因而低咗,咁Put輪自然就受惠啦!

仲有一點要留意,隻窩輪會喺宣布派息後嘅交易時段即刻反映出嚟, 唔會等到除息日先調整,如果唔係,人人都喺宣布派息後買定隻Put輪等賺錢啦!

相關帖文:
[派息加咗,唔係好消息咩?點解Call輪價格會因此下跌?]

...       
更多
10小時前 今日 上午 12:25
點解股價急跌要換貼價證?即睇吉利例子!

之前我地響《輪證錦囊案內所》第五集都教過大家錯左邊,唔想止蝕既話,就最好要換馬,今日隻吉利(0175)跌左成一成,例牌見資金博反彈,我地又即刻睇下,如果買年期差唔多既輪,揸四日,一隻貼價、一隻價外,佢地既實際槓桿、時間值損耗,同引伸波幅數值既比較。

 

要比較,大家只要去認股證快速搜尋到揀吉利Call,剔選要比較既兩隻產品,再按比較,就會睇到#jpg_1#。

 

22992 VS 24819

 

首先,如果揀22992,行使價係15.9元,睇落實際槓桿幾高,成6.2倍,但係睇埋個每日時間值損耗,原來每日成1.35%。比起實際槓桿低2.2倍,但比較貼價既輪24819,每揸一日就要俾多0.86%時間值,所以假設正股只反彈1%,咁揸左22992三日後,因為時間值扣多啲,佢既表現已經會差過較貼價24819。

 

另外要比較既,係假設反彈時,兩隻輪既引伸波幅都跌1%,咁大家可以睇到,22992就會跌11.11%,而24819就只係跌4.2%。

 

結論係,如果用價外輪, 當正股反彈幅度細,實際槓桿既優勢會俾時間值同引伸波幅回落完全蠺食左,所以除非投資者志在今日買完聽日沽,正股又真係大幅反彈,否則用貼價輪,其實係比較合適同「跟啲」!

 

第日個股急跌時,想博反彈既話,入場前揀輪,可以用呢個方法比較下。


...       
更多
11小時前 今日 上午 11:39
中美關係緊張,北水加快流入係真唔真?

近日唔少報導話因為中美關係緊張,所以北水加快流入買港股,係咪真係呢個原因?我地不妨仔細睇下過去呢個月,北水入港股係買咩野。再提提大家,我地瑞信獨有既港股通累積資金流,入去「港股通資金流」入面,揀「二十日累積」,再一路按「更多」就睇到哂排序。

 

資金增源於北水買二三線增加

過去廿日,有好多以前少上榜既個股上榜,好似係熱炒既醫療板塊,先唔好講隻平安好醫生(1833)吸資46億 ;其實較細市值既微創醫療(0853)同威高股份(1066)都上左頭十五位;仲有榜首既中國飛鶴 (6186),以及另一熱炒股微盟集團(2013),加哂既話,資金流就有近142億。呢類股份,以往好少見會上榜,因為港股通一向以滬市流入資金量較大,而滬市資金大多選擇市值大的指數權重股,二三線、熱炒板塊股,都不是來自滬市資金那杯茶。

 

不過,近呢兩季,港股越來越炒股唔炒市,好多股升起上嚟,係連續幾日十幾十幾個%咁升。港股無停板機制,又有內地熱炒板塊股供應,港股通(深)市既資金流,其實係升左唔少,而深市投資者一向以出名鍾意買賣高波幅科技股,今年就自然一拍即合。

 

北水對中細股影響係點?

中、細市值港股通股份多左「北水」入,影響係急升急跌既情況多左。睇番唔少「北水」股,入場既日子可能會佔呢類股既單日成交金額一至兩成既比重,好多時會推動到當日既股價。掉番轉,北水一獲利,亦都佔呢類股既單日成交金額比重好大,所以一跌亦跌唔少。

 

作為投資者,如果見到呢類中細市值港股通股份有「北水」開始加倉,可以考慮下係咪搭「順風車」;掉轉見到每日十大成交有沽售情況出現,就要考慮係咪平一平倉計數先,因為逆勢既話,隨時會挨一段。

所以呢,最好睇哂港股通資金流入面「當天資金流「五日累積」、」「二十日累積,北水響呢類中細市值港股通股份上既資金流,就一目了然啦!

 

借位賣個廣告,樓上提過既股,除左無得出輪既微盟集團(2013),我地瑞信都有唔同行使價既輪證提供俾投資者,把握股價異動機會!


...       
更多
11小時前 今日 上午 11:13
MSCI調整比重將生效,美團升騰訊降!

MSCI中國指數換馬喺今日收市後就會生效,不過市場焦點似乎唔喺指數新貴或者被剔出嘅股份身上,而係放喺調整比重嘅大股上。ATMX中嘅美團點評(3690),喺本輪調整中會被上調比重,有券商估被動買盤可能達到百億以上,美團今朝雖然有創始人細額減持嘅消息,但股價繼續破頂,高位仲成功突破140蚊。#jpg_2#至於騰訊(0700)嘅比重將會下降,不過股價仍能先跌後回升,重返410蚊以上。#jpg_4#

 

以資金流睇,大家嘅部署方向似乎同比重調整嘅方向啱啱相反。上調比重兼破頂嘅美團,以開淡倉嘅錢較多,追貨好友只係小注部署;至於被下調比重嘅騰訊,可能由高位已經累積一定回落幅度,就以開好倉博回勇嘅資金較多。相反部署嘅策略,值唔值得參考呢?#jpg_7#

 

至於MSCI指數嘅新貴,乳業股中國飛鶴(6186)開市前有大額成交上板,今朝曾跌逾3%。物管股中海物業(2669)同紙巾股維達國際(3331),雙雙升約2%,而兩隻股份,我哋都有獨家Call輪中物購29153同維達購11511俾大家揀架!#jpg_5#

 

MSCI季檢股窩輪選擇

 

美團認購證20320,行使價151.88元,20年07月到期,實際槓桿約8.7倍。

美團認沽證11497,行使價122.88元,20年11月到期,實際槓桿約4.4倍。

騰訊認購證20410,行使價455.88元,20年08月到期,實際槓桿約10.6倍。

騰訊認沽證26577,行使價369.8元,20年08月到期,實際槓桿約8.9倍。

 

飛鶴認購證27914,行使價18.18元,20年11月到期,實際槓桿約3.1倍。

中物認購證29153,行使價11.18元,20年11月到期,實際槓桿約3.8倍。

維達認購證11511,行使價30.38元,20年11月到期,實際槓桿約3.9倍。


...       
更多
11小時前 今日 上午 10:55
吉利意外配股,跌穿配股價點算?

剛剛大家仲憧憬緊兩會期間會唔會有措施刺激內需,幫到汽車銷售,而上日公佈既乘用車協會數據本來都見到銷情改善。點知,吉利(0175)就公佈左配股集資64.5億,以增強資本,市場都有啲意外,一開市佢股價就跌穿埋10.8元既配股價,低見10.4元#jpg_9#。

 

跌咁多,總有人博反彈,不過留意番唔少吉利Call變得比較價外,要博短期反彈重上配股價既話,最好揀比較貼價既產品,最好唔好揀太價外既,因為價外輪敏感度低,即市吉利彈唔得多既話,難「轉身」,一坐貨就蝕比較多時間值。所以不妨留意番較貼價Call又或者牛證#jpg_1#。

 

吉利輪證選擇

吉利認購證24819,行使價11.88元,20年12月到期,實際槓桿約4.19倍。

吉利認沽證22048,行使價11.08元,20年09月到期,實際槓桿約3.30倍。

 

吉利牛證51062,收回價9.58元,行使價9.08元,槓桿比率約5.61倍。

吉利熊證54473,收回價14.28元,行使價14.78元,槓桿比率約3.50倍。


...       
更多
12小時前 今日 上午 10:38
Trump Trump  開記招,淡友唔等佢先食糊

特朗普事先張揚響香港時間今晚會開記招講中美關係同香港問題,美股尾市即刻倒跌;今朝港股都「驚驚」低開,不過好似上日咁,好快又收窄跌幅,但又維持住大概100點跌幅。個市低開落到22800,唔少呢幾日開淡倉既資金就唔等記招,食左先講,一早資金平淡倉為主,去到大市彈番上23000,先見到資金再補淡倉,或者換馬去今日新上比較貼既熊上面。#jpg_5#

 

由於大市現時又唔係跌太多,可能投資者覺得值博率又唔係太高,所以周末前流入牛證既資金暫時都唔算太多。大家都知TrumpTrump好多時都俾「驚喜」市場,所以如果大家想博反彈過周末,咁一係就揀遠少少收回距離牛,又或者考慮下比較貼價既中期認購證。#jpg_1#

 

恒指輪證選擇

恒指牛證50329,收回價22428點,行使價22328點,槓桿比率約31.46倍,兌換比率12000。

恒指牛證56393,收回價22291點,行使價22191點,槓桿比率約31.12倍,兌換比率10000。

 

恒指熊證50335,收回價23300點,行使價23400點,槓桿比率約41.12倍,兌換比率10000。

恒指熊證50336,收回價23450點,行使價23550點,槓桿比率約30.48倍,兌換比率12000。

 

恒指認購證24462,行使價23,600元,20年09月到期,實際槓桿約9.99倍。

恒指認購證24239,行使價24,500元,20年09月到期,實際槓桿約11.53倍。

恒指認沽證24467,行使價22,200元,20年09月到期,實際槓桿約7.39倍。

 


...       
更多
05月28日 下午 01:54
角力風眼!中興中芯顯著捱沽……

搞咗成年嘅華為孟晚舟案,尋晚加拿大卑詩省最高法院裁定,案件符合美國與加拿大的「雙重犯罪」標準,引渡聆訊將會繼續。#jpg_4#

 

近期中美緊張局勢持續升溫,電訊設備成為兩國角力嘅風眼。孟晚舟案嘅結果一出,電訊設備股同芯片股隨即受壓,中興通訊(0763)失守20蚊關口,低位曾急跌近6%。中芯國際(0981)低位更跌約7%,回落至16.2元以下。#jpg_10#

 

除咗同美國嘅角力,日本傳媒報道,日本政府將會修改採購通訊設備規定方針,擴大禁止使用包括華為同中興通訊等中國電訊設備商嘅產品;而早幾日亦報道話,英國計劃縮減中國電訊設備商華為喺當地嘅5G網絡建設參與度,直到3年後徹底退出。有咁多不利電訊設備股嘅報道,若果想睇淡,或者可以考慮中興Put、中芯熊證,以及輪場唯一一隻中芯Put 11148。#gif_7#

 

中興中芯輪證選擇

 

中興認沽證27513,行使價18.88元,20年11月到期,實際槓桿約2.1倍。

中興認購證27509,行使價22.88元,20年11月到期,實際槓桿約3.6倍。

 

中芯熊證51772,收回價18.28元,行使價18.88元,槓桿比率約5.4倍。

中芯認沽證11148,行使價16.28元,20年11月到期,實際槓桿約2.0倍。

中芯牛證50389,收回價14.88元,行使價14.28元,槓桿比率約6.4倍。

中芯認購證23704,行使價19元,20年09月到期,實際槓桿約4.5倍。


...       
更多
05月28日 下午 01:34
石藥重挫,科創板憧憬失效?

尋日下畫石藥(1093)出左季績之後急彈,季績撇除資產出售收益下其實唔算特別,但因為公司話想上科創板,上日就午後急升。不過過左一日之後,市場又關注番份業績,沽番轉頭,股價一度跌穿番15蚊,走勢就異常波動,科創板憧憬無好似上次中芯咁,今次第二日就失效。跌左咁多,都有啲資金入場博反彈既,但係咁既技術走勢,大家入場既話,儘量充揀比較貼價既Call,又或者考慮用中距離牛證。#jpg_1#

 

至於另一醫藥股中生製藥(1177),資金仲追沽,似乎就睇得幾淡。成個先前熱炒既生物科技同醫療器械股,全線下跌,資金獲利回吐,新舊醫藥股暫時無一倖免。博反彈既投資者,唔太適合用太價外或短期既產品,以色再跌既話,風險會倍增!#jpg_9#

 

相關輪證選擇

石藥認購證24614,行使價16.88元,20年09月到期,實際槓桿約5.10倍。

石藥認沽證25997,行使價13.88元,20年10月到期,實際槓桿約2.57倍。

 

石藥牛證65515,收回價14.18元,行使價13.48元,槓桿比率約7.59倍。

石藥牛證66766,收回價13.18元,行使價12.48元,新上市。

 

中藥認購證26787,行使價12.7元,21年02月到期,實際槓桿約3.85倍。

中藥認沽證23784,行使價11.18元,20年09月到期,實際槓桿約3.40倍。

 


...       
更多
05月28日 上午 10:51
真的睇淡了?港銀淡倉有錢追沽……

中美關係持續緊張,早前由高位回落嘅金融股、本地銀行股,雖然呢兩日變動唔係幾大,今朝仲有少部分向好,不過睇返輪證資金流,金融股同港銀淡倉,尋日都見有資金流入。#jpg_4#

 

從資金流睇,市場睇得較淡嘅係滙豐(0005),單日流入咗超過850萬到淡倉;友邦(1299)亦係淡友目標之一,尋日淡倉都流入咗超過250萬錢。滙豐同友邦今朝變動都唔大,冇咩特別方向。#jpg_10#

 

至於港銀方面,中銀香港(2388)喺市場上嘅Put輪,其實得四隻,但尋日都錄得逾120萬錢流入,當中仲係價外嘅Put,亦得返隻行使價喺20蚊以下嘅25910。至於恒生銀行(0011),就無論好淡倉嘅資金流向都唔大,而仍然價外嘅Put輪,市場上亦得返呢隻行使價喺112.88元嘅25908。睇淡嘅投資者不妨考慮吓。#gif_4#

 

金融股、港銀輪證選擇

 

滙豐熊證62774,收回價40.88元,行使價41.88元,槓桿比率約7.5倍。

友邦認沽證25068,行使價59.18元,20年09月到期,實際槓桿約6.3倍。

恒生認沽證25908,行使價112.88元,20年11月到期,實際槓桿約5.6倍。

中銀認沽證25910,行使價19.88元,20年10月到期,實際槓桿約5.7倍。

 

滙豐牛證67437,收回價33元,行使價32元,槓桿比率約5.9倍。

友邦認購證23917,行使價72.85元,21年01月到期,實際槓桿約7.4倍。

恒生認購證25829,行使價144.54元,20年10月到期,實際槓桿約9.9倍。

中銀認購證26452,行使價23.93元,20年09月到期,實際槓桿約10.9倍。


...       
更多
05月27日 下午 02:30
擔心中美關係緊張,本地銀行淡倉資金加倉
美國總統特朗普指可能最快在周末前實施一些措施,回應在港實施國安法,市場擔心港銀或受累,恒生(0011)、中銀香港(2388)早段已低開,股價一直反彈乏力。早段仍有升幅的匯控(0005),日內見較多資金流入熊證及認沽證追沽,而已先行下跌的中銀香港及恒生,其認沽證亦有少量資金追買##。

落到呢個位,追沽既投資者,睇市場會唔會有黑天鵝情況。不過,要追沽,現階段可能要考慮控制注碼;如果見呢排跌左咁多唔想再追沽,就可以考慮靠邊站觀望一下先。##

本地銀行淡倉選擇
恒生認沽證25908,行使價112.88元,20年11月到期,實際槓桿約5.05倍。
中銀認沽證25910,行使價19.88元,20年10月到期,實際槓桿約5.02倍。
滙豐認沽證25828,行使價34.88元,20年10月到期,實際槓桿約5.87倍。

滙豐熊證51723,收回價39.39元,行使價40.39元,槓桿比率約8.99倍。
滙豐熊證62774,收回價40.88元,行使價41.88元,槓桿比率約6.46倍。

...       
更多
    輪證小知識
    輪證小知識相關帖文