輪證動態專頁

05月11日 下午 06:09
點解業績前窩輪引伸波幅會升?點解放榜後會跌?原來係……

上回提到,引伸波幅係市場對相關正股未來波動性嘅預測。如果預期股價走勢會波動咗,係咪代表引伸波幅有機會上升?

Bingo!理解正確!最常見嘅例子係企業公布業績。企業放榜前,無論睇好定睇淡,都係一個有機會影響股價走勢嘅潛在因素。由於預期未來股價有機會郁,窩輪引伸波幅喺業績前通常會升;但當業績公布後,無論為股價帶嚟咗正面定負面影響,由於短期會影響股價嘅因素已經出現咗,引伸波幅喺業績後有機會回落。

溫返書,之前咪講過引伸上升,輪價會升嘅?嚟緊騰訊(0700)會公布季度業績,投資者如果想做業績部署,就要留意睇中咗嘅輪,業績前有冇「升窩」令你買貴貨;到業績之後,隻輪有冇「跌窩」蠶食咗部分輪價啦!

相關帖文:
[大笨象唔郁係「原罪」?買輪前要理解引伸波幅高與低!]
[知唔知輪場近期出現咗「窩災」?究竟乜嘢係「跌窩」?]
 

想知業績期資訊? 立即上瑞信業績期專頁

 


...       
更多
19小時前 昨日 上午 10:35
「南非頂」阻力大?騰訊今朝繼續跌……

南非大股東Naspers尋日宣布無上限減持騰訊(0700)之後,即日已經由升轉跌,今朝沽壓未止,低位曾跌逾半成至360蚊以下。騰訊捱沽影響市場氣氛,連帶ATM嘅其他科技股成員,今朝都跟隨大市回軟。#gif_6#

 

記得Naspers喺2018年首次減持騰訊,當年每股作價405蚊,從此呢個價位被市場視為「南非頂」;當然2020年年底王2021年初嘅科網股狂潮時,騰訊高見700蚊樓上,大家已經唔記得咗「南非頂」呢個Term,但及後股價輾轉回落返,又再度多返人講「南非頂」。尋日騰訊高位突破400蚊,本來市場都睇實有冇機會突破「南非頂」,但結果南非大股東喺騰訊逼近「南非頂」時,突然宣布沽貨行動,難免會令人覺得「南非頂」短期都會繼續帶嚟阻力。#gif_10#

 

尋日下午即市較多資金趁負面消息追沽,到今朝股價下試360蚊,呢啲淡倉唔少都選擇沽貨「食糊」,並重新開好倉博反彈,短線或者可以留意350蚊阻力至「南非頂」之間,有冇水位可以俾好倉作博反彈部署。#gif_4#

 

騰訊輪證選擇

 

騰訊認購證14932,行使價455.2元,22年09月到期,實際槓桿約9.0倍。

騰訊認沽證21209,行使價310.485元,22年09月到期,實際槓桿約6.9倍。

 

騰訊牛證69849,收回價345元,行使價342元,槓桿比率約17.6倍。

騰訊牛證61628,收回價338.88元,行使價335.88元,槓桿比率約13.3倍。

全場最貼價騰訊熊證55866,收回價375.88元,行使價378.88元,槓桿比率約17.1倍。

騰訊熊證52639,收回價405元,行使價408元,槓桿比率約7.7倍。


...       
更多
06月27日 下午 02:11
事先張揚!南非股東逐步沽騰訊?

三年之後又三年!估唔到未夠三年,一早承諾三年內唔會再沽騰訊(0700)持股嘅南非大股東Naspers,突然「反口」話要離場。Naspers宣布,將會無上限、長期、有序咁出售所持有嘅騰訊股份,以籌集資金用嚟回購股份。消息一出,本來朝早升得好地地嘅騰訊,午後隨即倒跌,今朝高位曾突破400蚊,但午後曾經跌逾2%。#gif_6#

 

Naspers話,每日出售嘅騰訊股份數目,只會佔騰訊每日平均成交量嘅一小部分,唔會超過騰訊每日平均成交量嘅3至5%,仲話騰訊對於佢哋收回「三年唔沽」嘅承諾言表達支持;不過市場似乎唔係咁睇,今朝騰訊向好,資金反手入場開淡倉,到午後壞消息一出,仲多咗資金追沽,可能係覺得大股東沽貨,會係一個中期利淡股價嘅因素。#gif_10#

 

至於之前騰訊以股息形式實物分派嘅京東(9618),Napsers話,由於唔係團核心戰略重點,已經喺市場上有序沽貨,並且上星期五已經沽晒。可能係覺得京東冇潛在沽售壓力,京東午後仲維持住逾半成升幅。#gif_4#

 

騰訊京東輪證選擇

 

騰訊認購證14932,行使價455.2元,22年09月到期,實際槓桿約8.8倍。

騰訊認沽證21209,行使價310.485元,22年09月到期,實際槓桿約7.2倍。

騰訊牛證54956,收回價362.88元,行使價359.88元,槓桿比率約16.2倍。

騰訊熊證52639,收回價405元,行使價408元,槓桿比率約13.8倍。

 

京東認購證16137,行使價322.461元,22年09月到期,實際槓桿約5.7倍。

京東認沽證20380,行使價214.648元,22年09月到期,實際槓桿約4.7倍。

京東牛證51110,收回價225元,行使價222元,槓桿比率約5.7倍。

京東熊證54965,收回價285元,行使價288元,槓桿比率約10.8倍。


...       
更多
06月27日 上午 10:52
港交所破位,北水密密吸?

近期如果講升得急嘅板塊,當然首推汽車股,得到國策同北水嘅支持下,多隻股份都成功破位。睇返截至上星期三嘅5個交易日,最多北水流入嘅5隻股份,有3隻都係汽車股。唔講唔覺,5大北水流入股份之中,原來都有隻大藍籌嘅身影,講緊嘅係今朝強勢破位嘅港交所(0388),5日內流入北水超過9億。#gif_1#

 

港交所今朝高位曾急升逾半成,高見395蚊嘅逾4個月高位,爭5蚊就觸及400蚊關口。消息面上,中證監宣布,將ETF正式納入互聯互通之內;而內地疫情放緩,利好大市氣氛,亦可能係利好港交所嘅原因。#gif_3#

 

上到嚟呢個位,再追貨有少少考驗投資者嘅膽量,所以即市睇,好倉資金普遍趁彈而沽貨獲利,追貨好友只敢小注作向上換馬部署;反而淡倉有較多投資者趁彈作反手部署,但技術上要睇實400蚊阻力能唔能夠成功升穿,如果成功突破,淡友或者要暫避其鋒;但如果始終唔能夠突破大阻力位,或者可以考慮市場資金流,候高加注作反手淡倉部署。#gif_2#

 

港交所輪證選擇

 

港交認購證28531,行使價418.2元,22年09月到期,實際槓桿約9.1倍。

港交認沽證18241,行使價366.46元,22年09月到期,實際槓桿約8.4倍。

港交牛證55466,收回價351.88元,行使價349.88元,槓桿比率約8.6倍。

港交熊證67069,收回價418元,行使價420元,槓桿比率約12.7倍。


...       
更多
06月24日 上午 10:40
狼來了三次,螞蟻消息開始有跟進?

美國國債息率回落,科技股隨即反彈,但唔係隻隻科技股嘅升幅,都有阿里巴巴(9988)今朝升咁多。阿里連續兩日大幅反彈,今朝高位曾升約6%,逼近115蚊水平,亦係ATMX中升幅最大嘅成員,即使之後T同M都曾經倒跌,阿里依然保持升勢,企穩喺110蚊樓上。#gif_3#

 

要睇阿里近期有咩消息,當然要關注喺過去一個月,多次「彈出彈入」嘅螞蟻相關消息。外電多次報道,螞蟻成立金融控股公司,已經獲人行受理,仲有報道講埋獲批之後就會重啟上市程序,不過來回兩次,最後消息都被內媒引述當局消息否認。事不過三,狼來了去到第三次,阿里連日受捧,莫非真係覺得「空穴來風,未必無因」,吸引到買盤跟進?#gif_4#

 

不過可能彈得太急,資金流尋日以反手開阿里淡倉較多,今朝情況都相若。好倉就以換馬為主,遠距離牛證開始有資金獲利,少量好友吸引到去向上換馬。新開倉資金以揀選牛熊證較多,以慎防螞蟻消息令阿里窩輪引伸郁得太勁,帶嚟額外持倉風險。#gif_2#

 

阿里輪證選擇

 

阿里認購證28157,行使價120.1元,22年09月到期,實際槓桿約4.7倍。

阿里認沽證17811,行使價91.83元,22年12月到期,實際槓桿約3.0倍。

阿里牛證55473,收回價105.7元,行使價103.7元,槓桿比率約10.4倍。

阿里熊證64070,收回價120元,行使價122元,槓桿比率約12.6倍。


...       
更多
06月22日 上午 11:05
第三方平台唔俾賣藥?咩股最受影響?

已經有一段時間冇聽聞嘅行業監管新規,今日又有板塊遭殃。有報道話,國家藥監局發布新嘅意見稿,建議新增第三方平台,唔可以直接參與藥品網路銷售活動。大家都知道,上網買藥同睇醫生,喺網購盛行嘅內地非常普及,新規會唔會對電商股構成影響呢?#gif_10#

 

多隻醫療科技股今朝捱沽,京東健康(6618)失守60蚊之後,低位曾急跌逾一成,一直跌到落56蚊邊。阿里健康(0241)失守5蚊關口,低位同樣急挫逾一成。平安好醫生(1833)低位亦跌逾半成,回落到21.5元附近。#gif_6#

 

由於呢類網上睇醫生平台,無論係醫生網上診完症,直接張藥單交俾電商平台執藥、送藥;定係醫生將藥單交俾病人後,再俾佢自由選擇去邊間電商平台配藥,都牽涉到第三平台賣藥,由於未知新規涵蓋幅度有幾大,股價難免受壓。行業前景未明朗下,即市博反彈嘅資金亦有限。#gif_2#

 

除咗醫療科技股,傳統電商都有賣非處方藥物。京東(9618)曾跌逾4%至245蚊;阿里(9988)亦曾跌近3%至103蚊以下。相對醫療科技股,可能由於京東同阿里有牛證揀,可以免除引伸影響,相對有多啲資金願意趁跌入場撈好倉。#gif_4#

 

醫療相關電商股輪證選擇

 

京健認購證20147,行使價73.93元,22年09月到期,實際槓桿約4.6倍。

里康認購證27989,行使價6.19元,22年11月到期,實際槓桿約2.8倍。

平醫認購證13415,行使價24.05元,22年09月到期,實際槓桿約4.6倍。

 

京東牛證51110,收回價225元,行使價222元,槓桿比率約6.8倍。

京東熊證68130,收回價271.484元,行使價274.414元,槓桿比率約7.8倍。

阿里牛證53144,收回價98元,行使價96元,槓桿比率約12.4倍。

阿里熊證53787,收回價110元,行使價112元,槓桿比率約10.8倍。


...       
更多
06月21日 下午 01:32
恒指升大手資金加港交所好倉,留意購18201/牛54165/熊67984

...       
更多
06月21日 上午 10:46
真係咁淡?金融股反彈、資金即反手……

港股今朝大致靠穩,恒指曾升逾200點至21,400點以上,而帶動大市向好嘅,今日係一啲傳統金融股,不過臨近半年結,大家持倉意欲似乎唔係咁大,金融股反彈,即市見到唔少資金都係反手開淡,莫非真係睇得咁淡?#gif_10#

 

滙豐(0005)今朝向好,早段高位曾升逾4%,重上51元以上。對於銀行股,市場當然最關注聯儲局係咪會繼續加息,同時滙豐喺英國同香港都繼續進行回購,都可能係利好股價因素。至於出現突破嘅內險股,平安(2318)今朝曾破位升逾4%至53.5元,係超過兩個月低位,但觸及100天線好似見到少少阻力,未能順勢挑戰55元水平。#gif_2#

 

金融股受捧,但輪場資金並唔見跟風追貨。事實上平安上星期都曾經急升出現突破,但之後股價升勢唔見有跟進,只係徘徊喺50蚊附近反反覆覆,投資者參考近期股價走勢,難免想趁彈反手開淡。即市睇,滙豐同平安都見有資金反手開淡,而中距離熊證免除引伸影響,較受投資者歡迎。#gif_4#

 

金融股輪證選擇

 

滙豐認購證15838,行使價58.05元,22年10月到期,實際槓桿約11.3倍。

滙豐認沽證14927,行使價43.83元,22年09月到期,實際槓桿約9.2倍。

滙豐牛證59251,收回價48元,行使價47元,槓桿比率約11.9倍。

滙豐熊證55185,收回價53.88元,行使價54.88元,槓桿比率約12.5倍。

 

平安認購證12945,行使價61.88元,22年09月到期,實際槓桿約8.8倍。

平安認沽證16218,行使價37.95元,22年10月到期,實際槓桿約6.4倍。

平安牛證54176,收回價48.88元,行使價48.28元,槓桿比率約11.2倍。

平安熊證53455,收回價55.88元,行使價56.48元,槓桿比率約11.7倍。


...       
更多
06月20日 上午 10:57
急跌科技股有咩消息?盤點京東、阿里、網易跌勢……

恒指今朝再捱沽,但低位其實都只係跌逾200點,暫守20,800點水平;不過個別大型科技股今朝都跌得幾急,電商股同網遊股都有跌得急嘅股份,究竟有咩因素令佢哋跑輸大市?#gif_2#

 

京東(9618):

市場本來充滿期望嘅618電商節啱啱完結咗,下單金額再創新高,但按年只係升逾一成,算係歷年最慢,驚京東告別高增長,今朝股價唔單止再度失守250蚊,低位仲曾急跌近7%,落到243蚊附近。好友都見伺機入場,但驚股價急跌引伸向上,都係以中距離牛證部署為主。#gif_4#

 

京東牛證51110,收回價225元,行使價222元,槓桿比率約7.8倍。

京東熊證68130,收回價271.484元,行使價274.414元,槓桿比率約9.9倍。

京東認購證16137,行使價322.461元,22年09月到期,實際槓桿約5.7倍。

京東認沽證20380,行使價214.648元,22年09月到期,實際槓桿約4.0倍。

 

阿里(9988):

雖然作為電商股,都要睇實佢啲618數據,但市場更關心佢旗下螞蟻嘅消息,本來有外電報道,話螞蟻申請成為金融控股公司,已經獲人行受壓,但之後又有內媒報道人行否認消息。阿里今朝低位曾跌逾4%至100蚊樓下,而近期由於螞蟻消息不斷「彈出彈入」,又係驚引伸波動,所以牛證依然係好友心水,輕微價外Call亦有捧場客。

 

阿里牛證51120,收回價95元,行使價93元,槓桿比率約10.4倍。

阿里熊證53787,收回價110元,行使價112元,槓桿比率約9.6倍。

阿里認購證15016,行使價109.98元,22年11月到期,實際槓桿約3.9倍。

阿里認沽證17811,行使價91.83元,22年12月到期,實際槓桿約2.6倍。

 

網易(9999):

細細個就陪住大家成長嘅《Diablo暗黑破壞神》,新作本來喺23號上線,但而家突然宣布阻期,同美國暴雪一齊開發遊戲嘅網易(9999),今朝曾急跌逾一成,低位落到130蚊邊;不過相對京東同阿里,肯趁急跌入場嘅資金相對無咁多,可能大家都等緊公布延期原因,同埋後續幾時先上線等消息,先夠膽入場部署。

 

網易牛證56463,收回價118元,行使價116元,槓桿比率約5.4倍。

網易認購證28471,行使價178.98元,22年09月到期,實際槓桿約6.2倍。


...       
更多
06月17日 下午 03:18
睇片《窩輪牛熊證投資深造班》投資常錯失時機? 盲目溝貨越跌愈愛?戒掉投資壞習慣,提升防守力

2022年下半年如何在「疫」境中絕地反擊?部份重磅個股大上大落,如何賺取正股波幅帶來的利潤潛力?只要能掌握個股表現,靈活運用窩輪及牛熊證,依然可以搵到入市時機。 除咗用作對沖投資組合,點樣將窩輪牛熊證放入投資組合,從而提高收益? 

 

盲目跟風低位掃貨同分階段買入有乜分別? 黃師傅話無計劃亂溝貨好危險,應如何部署策略避開失誤 (@10:34)?  Ivan 就同大家解說何謂注碼控制及值博率 (@8:28)。止蝕、換馬又要點去做提升防守力 (@12:55) ? 仲有,唔少投資者常忽略時間值,Ivan 即席用瑞信網站「模擬計算機」教您因應當下市況幫自己學識揀 (@19:56) 。

 

瑞信網站為所有瑞信輪證產品嘅報價頁面,新增最新莊家報價、上日莊家最後報價同埋「平均買賣差價」對比,聽聽Ivan拆解 (@41:26) 呢幾項新資訊點幫手揀啱輪證及避開錯買無流通量嘅賣盤。

 

條片有好多有用內容!  係Ivan聯同黃師傅,周四(16號)  晚上舉行嘅窩輪牛熊證投資深造班9 0 分鐘網上授課, 助你下半年揀「正」股, 掌握窩輪及牛熊證策略, 提升下半年獲利機會。立即睇片重溫精彩內容!

 

想每日快人一步睇到最即市市場資金取向?  立即下載「瑞信輪證分析」App,於午飯時間透過推送通知功能或瀏覽「即市訊息」獲知瑞信恒指牛熊半日資金流及比例數據,了解半日市場資金取向。

更多「瑞信輪證分析」功能、應用介紹及免費下載,請按此

 

 

深造班內容包括:

-      教你逆市揀股、掌握輪證部署

-      如何賺取正股波幅帶來的利潤潛力

-      掌握窩輪及牛熊證策略,提升下半年獲利機會

 

日期:2022年6月16日 (星期四)

時間:晚上 8時30分至10時正

主持:朱子昭 及 朱明亮

講者: 

黃瑋傑 – 新城財經台節目主持

何啟聰 – 瑞信香港認股證及牛熊證銷售主管

 

想緊貼我地嘅網上講座同教學,就記得Like埋我地嘅YouTube Channel 啦!去「輪證頻道」留意最新update都得!

 


...       
更多
    輪證小知識
    輪證小知識相關帖文