輪證動態專頁

06月16日 下午 04:39
輪證跳動唔係睇收市價?競價前報價證實了這消息!

睇報價機,正股個價明明郁咗,點解隻輪唔多郁?會唔會你睇緊嘅正股股價變化,根本唔係隻輪應該反映嘅理論股價變化?

 

你知道嗎?輪證4點就會停止買賣,但股份有競價,到4點10分先收市,即係4點同4點10分嘅正股價格可能有唔同,而期指更加到4點半先收市;但輪證收市價反映嘅,係相關資產4點嘅價格。

 

為咗方便大家知道,窩輪牛熊證價格應該反映相關資產實際郁幾多,喺《瑞信輪證網頁》嘅每隻產品報價版面,新增咗上日4時相關資產嘅價格,仲幫你計埋由當時到而家,指數或者正股郁咗幾多。

 

拎到最精準嘅價位,計算正確嘅輪證理論價就更容易,就可減低買貴咗或沽平咗嘅機會啦!

 

相關帖文:

買輪買貴咗?謝絕按盤價,要睇發行商報價!


...       
更多
19小時前 昨日 下午 03:10
即市要換馬,梗係睇即時數據最準確!

近期大市窄幅咗,唔少投資者都通過日買賣牛熊證「爬格仔」,捕捉即市波幅;但窄幅唔代表唔郁,郁起上嚟要揀高低一檔、甚至高低幾檔嘅牛熊證嚟換馬,搵得唔夠快真係好輸蝕。

 

介紹樣新工具畀係:「牛熊證即時排位列表」。有別於平時牛熊證搜尋器嘅延遲報價,佢嘅指數同股價係「真‧即時」數據,仲會按收回價間距,幾檔咁列晒啲產品出嚟,幫你加速搵到想部署同換馬嘅產品。點用?一圖即刻教識你!

 

 


...       
更多
23小時前 昨日 上午 10:50
減持真定假?美團回穩、騰訊回軟……

尋日下午有外電突然報道,騰訊(0700)計劃減持美團(3690)持股,嚇到市場心都離一離。美團應聲急跌,低位跌穿160蚊;而騰訊反而最終輕微收市。隔咗一晚,雖然官方表態係唔回應市場傳聞,不過唔少報道又引述返消息話傳聞不實,兩位主角今朝亦冷靜落嚟。騰訊今朝窄幅偏軟,徘徊300蚊附近;美團就曾升彈逾4%,重上170蚊關口。#gif_4#

 

其實自從騰訊年初通過分派特別息嚟減持京東(9618)之後,市場一直預期騰訊會繼續伺機減持其他投資,所以當報道一出,市場先有咁大反應;不過無論係減持報道、定係澄清報道,都始終未得到官方正式認證,大家消化呢類消息時,可能都要保持戒心。#gif_2#

 

騰訊今日會出業績,今朝好友亦繼續加注,主要考慮中距離牛證以免除績後引伸可能回落嘅風險。至於美團,尋日趁跌入場嘅好倉,今朝唔少都選擇先行沽貨獲利,留意呢啲消息令股價波動咗,窩輪引伸肯定亦會受影響。由於始終未有官方親自闢謠,資金趁彈反手開淡倉,主要考慮中距離熊證以免除引伸影響。#gif_5#

 

騰訊美團輪證焦點

 

騰訊認購證21931,行使價350.97元,22年10月到期,實際槓桿約11.9倍。

騰訊認沽證21393,行使價250.8元,23年01月到期,實際槓桿約5.6倍。

騰訊牛證60369,收回價285.88元,行使價282.88元,槓桿比率約14.6倍。

騰訊熊證63371,收回價315元,行使價318元,槓桿比率約16.2倍。

 

美團認購證22748,行使價188.1元,22年11月到期,實際槓桿約5.9倍。

美團認沽證20437,行使價144.9元,22年12月到期,實際槓桿約4.5倍。

美團牛證50665,收回價151.88元,行使價148.88元,槓桿比率約6.6倍。

美團熊證62317,收回價192元,行使價195元,槓桿比率約7.5倍。


...       
更多
08月16日 上午 10:51
中型科技股績後受壓,會唔會有少少擔心騰訊?

港股延續近期波幅細、成交細嘅格局,就算企業繼續出業績,郁嘅都係隻股本身,對大市波幅幫助唔大。有部分中型科技股出完業績後,今朝即刻急跌,會唔會都令大家有少少擔心騰訊(0700)績後表現呢?#gif_10#

 

騰訊旗下嘅閱文集團(0772),半年純利跌逾78%,今朝低位曾跌逾12%,落到28蚊樓下,係大約5個月低位。微盟集團(2013)中期虧損擴大至逾6億人仔,低位亦曾跌逾11%,低見3.76元,係逾3個月低位。跌得咁急,都見有資金小注流入好倉。#gif_6#

 

至於今個星期嘅業績焦點,自然係騰訊,有咩要留意,可以睇睇《業績後有望恢復回購?騰訊300蚊係危定係機?》。近日騰訊徘徊300蚊附近,好友都密密加倉,主要揀中距離牛去免除績後引伸回落風險。由於市場對騰訊份業績期望唔大,股價亦低位徘徊;若果最後唔係太差,話唔定有機會對股價帶嚟刺激?仲有績後可能有恢復回購憧憬,好友都可能係基於呢啲原因,績前分注吸納騰訊好倉。#gif_2#

 

科技股輪證焦點

 

閱文認購證16014,行使價36.68元,22年10月到期,實際槓桿約6.8倍。

微盟認購證21785,行使價5.67元,23年03月到期,實際槓桿約2.9倍。

 

騰訊認購證21931,行使價350.97元,22年10月到期,實際槓桿約12.4倍。

騰訊認沽證21393,行使價250.8元,23年01月到期,實際槓桿約5.7倍。

騰訊牛證60369,收回價285.88元,行使價282.88元,槓桿比率約15.8倍。

騰訊熊證63371,收回價315元,行使價318元,槓桿比率約15.8倍。


...       
更多
08月15日 上午 10:54
靜市中搵焦點,個別板塊都有郁動!

港股今朝繼續淡靜,恒指高位重上過20,200點,但低位又曾跌逾百點到兩萬點樓下。雖然好淡爭持,但個別板塊都有啲消息同郁動,話唔定都有捕捉波幅嘅機會,不如好快咁幫大家做個速報?#gif_2#

 

多間央企計劃由美國退市

上星期五收市後,中石油(0857)、中石化(0386)、中人壽(2628)同中國鋁業(2600)等,宣布將主動將ADR由美國退市,原因大致係立交易量低、行政成本高,不過分析普遍覺得真正原因係同審計問題有關。#gif_4#

 

呢幾隻股份今朝都普遍受壓,但跌幅又唔算相當大,加上大市都再度回軟,暫時唔多覺市場對呢個消息有咩特別負面反應。今朝呢幾隻退市股,相關輪證亦唔見到有明顯資金流,只有小注資金覺得油價近期回落,或者可以考慮趁跌部署石油股好倉。#gif_7#

 

中油認購證20429,行使價3.88元,23年01月到期,實際槓桿約7.8倍。

中化認購證18422,行使價4.01元,22年12月到期,實際槓桿約11.4倍。

中壽認購證14561,行使價13.4元,23年05月到期,實際槓桿約6.8倍。

中鋁認購證20435,行使價3.69元,24年06月到期,實際槓桿約2.1倍。

 

波羅的海乾貨指數跌逾半成

航運股今朝普遍急跌,有分析話同波羅的海乾貨指數跌逾半成有關,而點解跌得咁急,市場卻翻炒Old News,好似歐盟對俄煤炭進口禁令持續,以及印尼禁出口煤炭等。#gif_6#

 

東方海外(0316)曾重挫逾15%,低見225蚊以下。中遠海控(1919)亦曾跌逾半成,暫守11蚊;不過主力做油品運送同航運服務嘅中遠海能(1138),卻曾逆市升逾6%,逐步逼近6蚊。由於呢幾隻股,得遠海有牛證選擇,而大家又驚板塊郁得驚,要承擔多咗引伸風險,所以趁跌部署航運股嘅,主力都將資金押注喺遠海牛證上。#gif_8#

 

東海認購證17339,行使價288.88元,22年11月到期,實際槓桿約4.1倍。

遠海認購證16082,行使價13.7元,22年10月到期,實際槓桿約7.2倍。

遠海牛證69011,收回價10.38元,行使價9.88元,槓桿比率約7.7倍。

遠能認購證22424,行使價7.18元,23年04月到期,實際槓桿約2.5倍。


...       
更多
08月12日 上午 10:40
中移動績後向好,派息多咗有咩要注意?

近期明顯走強嘅中移動(0941),尋日收市後交出一份好過預期嘅中期業績,兼且增加派息至2.2元。中移動績後向好,高位曾升逾2%至53蚊,係接近四個月高位。#gif_3#

 

心水清嘅朋友,或者都可能留意到,雖然今朝啲中移動Call同牛證都有得升,但梗係覺得好似升少咗少少。無錯,其實呢個都係增加派息嘅影響。中移動舊年中期派息1.63元,今年增加至2.2元,即係加咗0.57元,股份將會喺9月頭除息。當企業派息較預期多,由於股份除息後股價會低咗,如果Call輪同牛證到期日遲過9月頭,產品價格將會受到負面影響,並即刻反映出嚟;但由於今朝股價升幅夠大,所以抵銷完股息因素後,啲好倉產品仲有得升。(詳情睇《派息對窩輪影響》)#gif_1#

 

部署完業績之後,今朝中移動好倉難免有唔少資金獲利,但消化完獲利盤,股價都仲有得升,又重新吸引返啲好友部署中距離牛證。業績之後,短線中移動走勢會唔會繼續強,或者就要視乎北水買盤有幾大啦。#gif_4#

 

中移動輪證選擇

 

中移牛證64962,收回價50.18元,行使價49.58元,槓桿比率約22.9倍。

中移牛證52028,收回價48元,行使價47.4元,槓桿比率約13.5倍。

 

中移認購證15849,行使價55.05元,22年11月到期,實際槓桿約13.3倍。

中移認購證19048,行使價51.88元,22年12月到期,實際槓桿約10.6倍。


...       
更多
08月11日 下午 03:18
業績後有望恢復回購?騰訊300蚊係危定係機?

騰訊(0700)近日回落到300蚊邊,南非大股東早前講明逐步減持,但公司出業績前冇得回購「自救」。嚟緊騰訊就嚟放榜 (8月17號),份成績表雖然重要,但憧憬可以恢復回購或者更加重要!回落到300蚊附近,績前部署有咩要留意? 

 

 

騰訊季績市場觀點:

- 預期次季淨利潤將按年錄倒退

- 疫情封控對廣告收入影響持續

- 績後重啟回購或可抵銷減持沽盤

 

預期績後反彈:

100兌1 高槓桿進取Call 21931

行使價 350.97元 ,22年10月底到期

 

500兌1 長期保守Call 15169

行使價 350.20元 ,23年12月到期

 

 

預期績後受壓: 

100兌1 價外Put 21393

行使價250.80元 ,23年1月底到期

 

助您績前、績後 做好部署 :瑞信業績期專頁


...       
更多
08月11日 上午 11:05
科技股回穩,邊隻走勢較落後?

港股三連跌後,今朝重拾升勢,科技股普遍亦都回穩,好似阿里(9988),高位已經上返90蚊樓上;騰訊(0700)亦曾重返300蚊;不過唔係隻隻科技股都有得升,大型科技股中,京東(9618)近日走弱,低位更曾跌逾1%至216蚊,係少數逆市要偏軟嘅大型科技股。#gif_10#

 

而家距離京東公布業績仲有少少時間,但除咗成個板塊走弱呢個因素外,似乎見唔到有咩針對呢隻股份嘅特別利淡因素;所以股價逆市偏軟,都吸引咗啲好友趁跌入場,主要考慮中距離牛證,免除引伸影響。#gif_2#

 

至於其他科技股中,以騰訊較多資金留意,股價今日上返300蚊附近爭持,好淡友都見有加注部署。嚟緊騰訊下星期放榜,驚引伸喺績後或者會回落,近日開倉資金,多返留意牛熊證,而揀Call嘅,就寧願揀返價外幅度細啲嘅產品,減低持倉風險。#gif_4#

 

科技股輪證選擇

 

京東認購證17385,行使價245元,22年11月到期,實際槓桿約5.6倍。

京東牛證62829,收回價200元,行使價197元,槓桿比率約9.3倍。

 

騰訊認購證21931,行使價350.97元,22年10月到期,實際槓桿約11.6倍。

騰訊認沽證21393,行使價250.8元,23年01月到期,實際槓桿約5.3倍。

騰訊牛證60369,收回價285.88元,行使價282.88元,槓桿比率約15.4倍。

騰訊熊證63371,收回價315元,行使價318元,槓桿比率約15.4倍。


...       
更多
08月10日 上午 10:45
比亞迪跌穿橫行區底部?車股急跌關Tesla事?

港股今朝繼續受壓,而且越跌越多,恒指低位仲落到去19,600點邊緣。新能源車股雖然成日話有國策支持,但今朝反而係跌得最急嘅板塊之一。比亞迪(1211)曾急跌逾半成,下試275蚊關口。中概車股三寶跌幅顯著,蔚來(9866)曾跌逾7%,失守咗150蚊。小鵬(9868)跌近7%,暫守85蚊,但係跌到逾兩個月低位。理想(2015)亦曾挫近7%,低見118蚊水平。#gif_6#

 

車股跌得多,有人話其中一個原因,係喺港股開市前,Tesla創辦人Elon Musk減持咗Tesla持股,套現逾68億。雖然消息理論上同比亞迪或者「蔚小理」應該無咩關係,但始終對大市以及板塊氣氛,都構成咗負面影響。#gif_4#

 

至於幾隻新能源車股,以產品最多嘅比亞迪較多人趁跌注意。近期比亞迪徘徊喺280蚊至300蚊之間上上落落,但今朝受壓之後,已經跌穿咗280蚊嘅橫行區底部,技術走勢其實唔多好;所以資金都唔係剩係趁跌入場博反彈,收回價喺300蚊阻力位附近嘅熊,都見有淡友考慮,或者反映弱市下,缸友都睇得唔太樂觀。#gif_10#

 

新能源車股輪證選擇

 

比迪牛證60048,收回價261元,行使價257元,槓桿比率約12.0倍。

比迪熊證60332,收回價300元,行使價304元,槓桿比率約9.9倍。

比迪認購證17282,行使價329.49元,22年11月到期,實際槓桿約7.4倍。

比迪認沽證18866,行使價221.01元,22年11月到期,實際槓桿約5.4倍。

 

蔚來認購證22410,行使價212.88元,23年02月到期,實際槓桿約3.2倍。

小鵬認購證15855,行使價118.98元,22年11月到期,實際槓桿約4.7倍。

理想牛證64482,收回價114元,行使價110元,槓桿比率約8.2倍。


...       
更多
08月09日 上午 10:50
阿里終回穩!京東卻急跌……

近日成為大市焦點嘅阿里(9988),業績後持續回軟,尋日仲進一步失守咗90蚊。阿里啱啱宣布,聯交所已經確認收到佢喺香港雙重主要上市嘅申請,股價今朝亦有少少起色,雖然90蚊都係得而復失,但總算逆市靠穩。#gif_1#

 

呢邊阿里終於回穩,但同屬電商股嘅京東(9618),今朝卻突然跌逾3%,低位仲失守埋230蚊水平。其實阿里想改為兩地主要上市,市場估其中一個原因,係睇吓有冇機會從此可以容許北水買賣,不過而家發展係點仲未知。京東情況亦相似,同屬可兩地換股嘅第二上市中概股,如果阿里咁做成功,或者其他中概股都會效法,但現階段呢,卻相信會維持觀望多。#gif_2#

 

京東急沽,雖然未見明顯資金流向,不過好倉都見有好友小注考慮,主要留意行使價約300蚊嘅Call。中距離牛都有資金吸納,作免除引伸影響嘅操作。#gif_4#

 

電商股輪證選擇

 

京東認購證20612,行使價300.2元,22年12月到期,實際槓桿約5.9倍。

京東牛證55699,收回價213元,行使價210元,槓桿比率約10.7倍。

京東熊證58151,收回價268元,行使價271元,槓桿比率約5.7倍。

 

阿里認購證22335,行使價95.05元,22年11月到期,實際槓桿約5.3倍。

阿里認沽證18090,行使價85.73元,23年03月到期,實際槓桿約2.6倍。

阿里牛證58906,收回價82.88元,行使價80.88元,槓桿比率約9.4倍。

阿里熊證63387,收回價99元,行使價101元,槓桿比率約7.5倍。


...       
更多
    輪證小知識
    輪證小知識相關帖文