輪證動態專頁

06月07日 下午 05:45
1仙輪係咪最低價?買入1仙輪難道係必勝策略?
近期騰訊走勢回勇,之前嘅「股王」本色,開始有啲返緊嚟!聽人講,窩輪價格最低就係1仙,如果預期騰訊之後有得升,而家買入1仙輪,豈非係必勝策略?少年,如果你真係咁諗,就實在太年輕啦!因為呢個概念,超錯!

點解?
第一,因為你喺報價App上面,就算見到有隻窩輪嘅價值係1仙,實際上可能佢都唔值1仙。只係香港主板交易系統最低嘅顯示價位係1仙,先令你誤以為隻輪仲值1仙。
第二,1仙係隻輪顯著嘅最低價,但如果隻輪實際價格已經低過1仙,輪商開唔到價,而市場買賣盤又無晒,你有機會損失全部本金,所以1仙輪並非跌無可跌!

唔想咁樣,可以點樣?買輪之前唔好輕信報價App嘅按盤價,最好搵部報價機睇睇,究竟隻輪有冇輪商報價。再睇埋隻輪有冇下面張圖嘅3大特徵,就可避免中伏啦!
...       
更多
22小時前 昨日 下午 01:59
科技股震散?美團騰訊觸發穿配股價憂慮……

美團(3690)因為主席王興嘅社交網站貼文,引發魚缸討論,開市無幾耐已經跌穿前排嘅配股價,當堂震散埋其他科技股,仲一度引起市場擔心,早前被大股東配售嘅騰訊(0700),會唔會都跌穿埋配股價,結果擔心成為現實,595蚊配股價亦曾失守;連阿里巴巴(9988)都一樣跌穿埋220蚊。係咪真係咁灰?不妨睇埋下晝會唔會即市收窄返跌幅,畢竟憂慮可能都只係一瞬間,仲要同騰訊阿里無關。#gif_6#

 

只不過,鑑於科技股技術走勢普遍弱,可能要考慮下換馬策略,全線下調所選好倉輪證嘅行使價,減低一旦睇錯方向嘅風險。至於風眼美團(3690),呢招對博反彈既朋友就更重要啦!#gif_8#

 

提多大家一句,一旦科技股彈唔上而再穿位,大家都要考慮要唔要按策略止蝕,又或者反手。唔好一未拗頸,寧願之後再搵過其他機會呢!#gif_10#

 

ATM輪證選擇

 

阿里認購證18082,行使價239.08元,21年08月到期,實際槓桿約8.0倍。

阿里認沽證27146,行使價204.68元,21年07月到期,實際槓桿約8.5倍。

 

騰訊認購證12581,行使價686.38元,21年07月到期,實際槓桿約12.2倍。

騰訊認沽證28676,行使價532.38元,21年07月到期,實際槓桿約11.9倍。

 

美團認購證21317,行使價302.08元,21年07月到期,實際槓桿約8.4倍。

美團認沽證28687,行使價252.68元,21年07月到期,實際槓桿約5.8倍。


...       
更多
22小時前 昨日 下午 01:46
九連跌!美團仲有冇勇者入場博反彈?

科技股捱沽,美團(3690)今日跌勢急劇,低位大跌近一成,低見255蚊,係超過半年嘅低位,而且跌足9個交易日,表現比ATMX其他成員都差。#gif_6#

 

拖累美團急跌嘅原因,市場眾說紛紜,由內地收緊監管、官媒早前批評,到美團CEO喺社交網站寫咗首詩等,都有人解讀;不過投資者比較關注嘅,相信都係九連跌後,而家係咪撈底博反彈機會?#gif_2#

 

輪場上確實有唔少好友,見美團跌得咁深,衝入場撈Call撈牛,取態亦分為兩種。進取好友繼續考慮行使價約350蚊嘅價外Call,價外幅度已經超過30%,持輪風險大,但輪價較低、槓桿較高,相信係博短線技術性反彈為主;較保守嘅,朝早已經下移到落行使價喺300蚊附近嘅Call,價外幅度15%左右,利用價外幾多嚟控制風險。#gif_7#

 

仲有,若果覺得美團可能要些少時間,先消化到今輪沽壓,坐輪要計埋時間值損耗,中線部署可能用牛證比較化算,但要預留一定收回距離,以控制潛在收回風險。

 

美團輪證選擇

 

美團認購證21317,行使價302.08元,21年07月到期,實際槓桿約8.4倍。

美團認沽證28687,行使價252.68元,21年07月到期,實際槓桿約5.8倍。

 

美團牛證60155,收回價250元,行使價247元,槓桿比率約13.7倍。

美團牛證61333,收回價240元,行使價237元,槓桿比率約9.7倍。

美團熊證56759,收回價300元,行使價303元,槓桿比率約5.7倍。


...       
更多
05月07日 上午 10:44
北水回歸究竟買咗乜?

恒指雖然反彈返上28,800點,但整體嚟講都算悶市,上落幅度都唔算好大。尋日北水喺內地放完假之後,終於都回歸港股,或者大家都有好奇心,究竟啲北水買咗乜?#gif_4#

 

即刻去《港股通資金流》睇睇,或者大家都幾估唔到,尋日北水重臨,整體係沽貨而唔係買貨,滬港通錄得資金流出,雖然深港通係有資金流入,但兩市加埋,最終北水都係流出咗成3.7億有多;不過唔係隻隻股份都係沽嘅,而位居兩地資金流入首位嘅股份,係手機股小米集團(1810)!#gif_1#

 

小米董事長雷軍尋日喺社交平台表示,今年首季度歐洲智能手機市場份額,小米首次達到第二,超越咗蘋果。唔知係咪呢單消息帶嚟刺激,小米尋日曾急升逾半成,收市上返50蚊,今朝高位都一度升逾2%。北水帶動加埋公司回購,小米有冇機會繼續回勇呢?#gif_5#

 

小米輪證選擇

 

小米認購證23351,行使價28.55元,21年06月到期,實際槓桿約10.7倍。

小米認沽證24064,行使價21.83元,21年08月到期,實際槓桿約7.2倍。

小米牛證56966,收回價24元,行使價23.6元,槓桿比率約10.9倍。

小米熊證53578,收回價26.88元,行使價27.28元,槓桿比率約14.3倍。


...       
更多
05月06日 上午 12:18
咁多熱門股有輪上市,咁大件事點解冇人講?

焫焫焫焫焫焫著!多隻焫到㷫晒嘅熱門股份,終於有窩輪新登場俾大家揀!

 

嚟自唔同板塊嘅佳麗,包括屬於醫療相關股嘅京東健康 (6618) 同諾誠健華 (9969)、網遊股心動公司 (2400),同埋家電股海爾智家 (6690)及玩具股泡泡瑪特 (9992),都有窩輪上市。究竟邊隻股份最「似燃油炸藥」,有機會喺初夏「引爆著」?

 

心動認購證24381,行使價80.88元,21年12月到期,實際槓桿約1.9倍。

京健認購證24392,行使價150元,21年11月到期,實際槓桿約4.3倍。

諾誠認購證24406,行使價30元,21年11月到期,實際槓桿約2.8倍。

海智認購證24403,行使價38元,21年11月到期,實際槓桿約3.4倍。

泡瑪認購證24407,行使價78.88元,21年11月到期,實際槓桿約2.7倍。

 

PS:焫著咗?唔緊要,大熱天時,見字飲水,最好多啲北水。


...       
更多
05月06日 上午 10:36
北水返嚟啦!大市仲即刻反彈添!

內地放咗咁多日假,A股今日終於都復市,北水亦重回本港,港股呢個星期維持日升日跌走勢,今日喺北水加持下,高位隨即反彈超過300點,重上28,700點水平,當然,同兩萬九關口仲有些少距離嘅。#gif_3#

 

大市回穩,不過投資者似乎仲有戒心,其一係美財長耶倫近期突然講要加息,其二係內地對科技股收緊監管嘅情況仲有待更新,所以今朝大市彈,資金揀淡倉多,參考住兩萬九為阻力,揀熊證都係揀收回價喺兩萬九附近為主。#gif_2#

 

北水回歸,當然亦要睇實北水愛股走勢。Click入《港股通資金流》,睇內地放假前嘅五日北水流入數據,撇除啲大股,原來安踏體育(2020)同藥明生物(2269),近期都有唔少北水關注,安踏今朝隨即彈逾3%,藥明亦一度升逾4%,逼近108蚊關口。唔知北水返嚟,有冇機會帶動呢類愛股繼續向好呢?#gif_1#

 

恒指及北水股輪證選擇

 

恒指牛證61877,收回價28200點,行使價28100點,槓桿比率約75.2倍,兌換比率10000。

恒指熊證54975,收回價29000點,行使價29100點,槓桿比率約42.7倍,兌換比率10000。

 

安踏認購證28960,行使價155.55元,21年07月到期,實際槓桿約6.5倍。

藥明認購證21667,行使價122.88元,21年10月到期,實際槓桿約4.0倍。

藥明牛證65211,收回價98.88元,行使價96.88元,槓桿比率約10.3倍。


...       
更多
05月05日 上午 11:06
百度創新低,BAT三大巨頭都要跌?

美國財政部長耶倫突然口痕,話可能要稍微提高利率,以確保經濟唔會過熱。高估值嘅科技股,一聽到加息即刻冇運行,尋日納指捱沽,嚟到港股,科技股同樣受壓。#gif_10#

 

三大巨頭BAT當中,今日以隻百度(9888)表現最差,低位跌逾3%,創出193.9元的歷史新低。阿里巴巴(9988)跌逾1%,仲守得住220蚊;騰訊(0700)亦跌逾1%,但同樣處於大型橫行區內。#gif_9#

 

百度自從嚟香港第二上市後,股價都係尋底嘅多,加上有耶倫突然出口拖低科技股,短線或者要睇實200蚊作為股價分水嶺。若果短線上得返200蚊,或者反映股價已經見底,屆時不妨小注開Call,但若果200蚊關口形成阻力,始終升唔破,短線弱勢或被確立,再下試更低水平嘅機會,或者相對較大。#gif_2#

 

BAT窩輪選擇

 

百度認購證18120,行使價218元,21年09月到期,實際槓桿約5.1倍。

百度認沽證22162,行使價177元,21年11月到期,實際槓桿約2.6倍。

 

阿里認購證25233,行使價254元,21年07月到期,實際槓桿約10.6倍。

阿里認沽證27146,行使價204.68元,21年07月到期,實際槓桿約8.5倍。

 

騰訊認購證22669,行使價707.5元,21年07月到期,實際槓桿約11.6倍。

騰訊認沽證28676,行使價532.38元,21年07月到期,實際槓桿約12.0倍。


...       
更多
05月05日 上午 10:10
睇片: 策略王x瑞信 《五窮月收集?股輪策略齊分析》網上講座

Ivan 、策略王Joe、美華同你由美國經濟復甦加通脹風險開始去講解科技股走勢(@14:35) 。 三位亦解拆全球「缺芯」真相(@29:55) ,一齊認識高、低端芯片! 人人都閉門造車,除咗芯片之外,其他受惠供應鏈產業又要點揀(22:30) ?  Ivan 仲利用瑞信網站專業工具 -- 業績期專頁教大家輕鬆睇清受惠於政策板塊嘅股份 (@27:11) 。

 

立即睇片重溫!

 

內容包括:

- 科技股利空盡出?談中線科指佈局

- 缺芯車企受壓,芯片競賽誰受惠?

- 外圍疫情再起,行業長期因素改變?

 

日期: 2021年 5 月4日  (星期二)

時間: 中午12時15分 至下午1時正

主持: 策略王Joe Lee、曾美華

嘉賓: 何啟聰 Ivan 瑞信香港認股證及牛熊證銷售主管

 

 

想緊貼我地嘅網上講座同教學,就記得Like埋我地嘅 YouTube Channel 啦!去「輪證頻道」留意最新update都得!


...       
更多
05月04日 下午 03:38
睇片《五窮月大市走勢會否進一步轉差?》網上講座重溫

四月大市悶局,反覆徘徊二萬八至二萬九,嚟緊五月係「利空盡出」下再拾升浪,定十個牛皮九個淡?

多隻科技股高位配股,對資金流有乜影響(@10:18)  ? 而近期備受關注嘅印度疫情,黃師傅點睇對小米(1810)嚟緊嘅走勢 (@21:00)? 輪證策略又可以點應對 (@22:55) ? 仲分析四月明顯轉強嘅生物醫藥股,邊隻最值博 (@42:11)? 

 

等黃師傅同Ivan同你一一分析! 立即睇片重溫精彩內容!

 

網上講座內容: 

-科技股配股潮完未?遇配股輪證策略點處理?

-中資股季績後分析

-醫藥股第二季明顯轉強,帶量採購已被消化?

 

日期:2021年5月3日 (星期一) 

時間:晚上 8時45分至晚上 9時30分



講者:
黃瑋傑 – 新城財經台節目主持
何啟聰 – 瑞信香港認股證及牛熊證銷售主管

 

 想緊貼我地嘅網上講座同教學,就記得Like埋我地嘅Youtube Channel 啦!去「輪證頻道」留意最新update都得!


...       
更多
05月04日 上午 10:58
印度疫情未受控,小米大回小漲?

近期跌幅顯著嘅手機股小米(1810),六連跌之後,今日終於出現反彈,高位曾升逾2%,逼近25蚊水平;不過投資者可能對小米都有些少戒心,畢竟印度疫情仍未受控,情況未見好轉,小米嘅銷售同生產線,究竟會受到幾大影響仍然未知,今日嘅反彈會唔會只係「大回小漲」呢?#gif_4#

 

睇實25蚊作為小米股價嘅分水嶺,若果小米能夠順突破25蚊,或者之前嘅調整可能已經見底,加上公司回購展現效果,屆時或者可以考慮小注博好倉;但若果逼近25蚊而未能成功突破,又或突破咗都企唔穩,或者就反映股價技術上未轉勢,可以諗吓小注開淡倉博佢再跌深啲。#gif_2#

 

至於其他科技股之中,今朝表現較差嘅有隻視頻股嗶哩嗶哩(9626),低位曾跌逾4%,以上星期三高位976.5元計,由高到低已經跌咗超過15%,開始吸引好友入場。百度(9888)今朝再掂到歷史低位200.4元,暫時仲守得住200蚊關口,亦吸引好友小注開倉。#gif_10#

 

科技股輪證選擇

 

小米認購證25295,行使價28.93元,21年08月到期,實際槓桿約6.9倍。

小米認沽證24064,行使價21.83元,21年08月到期,實際槓桿約6.3倍。

小米牛證56967,收回價23元,行使價22.6元,槓桿比率約9.4倍。

小米熊證53578,收回價26.88元,行使價27.28元,槓桿比率約8.7倍。

 

嗶哩認購證23113,行使價939.38元,21年10月到期,實際槓桿約4.2倍。

百度認購證14656,行使價238元,21年09月到期,實際槓桿約5.7倍。


...       
更多
    輪證小知識
    輪證小知識相關帖文