輪證動態專頁

03月19日 下午 05:32
業績期重磅分析! 兩個講座內藏兩個重要心得?!

下星期係重磅業績公布周, 騰訊(0700)、小米(1810)、美團(3690),多隻焦點股出業績。但係外圍市況波動,科技股跌勢未止,業績期可以點樣部署去提高值博率? 如果業績不似預期可以點做自救??業績好嘅股又睇中左,可以用什麼策略應對賺盡利潤?

 

瑞信聯同策略王、新城財經台散戶奇兵2小時多角度拆解業績期, 同你一齊做好準備!  立即睇片足本重溫!

 

想緊貼我地嘅網上講座同教學,就記得Like埋我地瑞信嘅Youtube Channel 啦!去「輪證頻道」留意最新update都得!

 

睇片一: 策略王x瑞信 《債息、業績及疫後經濟誰主後市?》網上講座

 

嚟緊下星期係重磅業績公布周,騰訊、小米、美團,多隻焦點股輪流出業績。但係面對近期債息上升對新經濟嘅影響,散戶要點樣部署業績期,策略先更有效同提高值愽率? 如果業績不似預期可以點做自救?? 而「疫情」對公司業績影響好似壞 點分析?

 

今次Ivan 同策略王社長、紅磡索螺絲同你由債息走勢對新經濟影響開始去講解業績期部署; 同面對近期反復市況,有投資者睇錯市想「溝貨」社長同Ivan就講下佢地點睇! (@37:00)。

 

內容包括:

-債息上升大市波動的輪證策略

-疫情業績期,科技股舊經濟點睇?

-討論短線交易法則

 

日期: 2021年 3月18日 (星期四) 

時間: 下午4時30分至5時30分

主持: 策略王社長(陳承龍)、紅磡索螺絲

嘉賓: 何啟聰 Ivan 瑞信香港認股證及牛熊證銷售主管

 

 

睇片二: 新城財經台x瑞信 《奇兵出擊信心輪證》網上講座

 

瑞信再度聯手散戶奇兵 今次聚焦業績期輪證知識! 傳授業績期部署兵法! 

 

業績期邊啲股份受惠?有咩要注意?短炒業績股,散戶點樣更有效運用資金做部署?想喺業績期,提高輪證勝算;炒短線,搵快錢?

 

今次Ivan先同投資筆記作者徐風同袁嘉麟Trader K兩位奇兵講下業績期點解用輪證,以及點樣用輪證,教你業績期牛熊輪證兵法!

 

Trader K 仲有個投資心得,Ivan都覺得係唔錯嘅分享(@1:01:33),大家不如聽下佢講咩?

 

呢集仲有好多投資心得交流,點解兩位奇兵話開市頭半個鐘唔好入場住?立即重溫奇兵們嘅新世代投資策略同Ivan嘅分析!

 

 

內容包括:
-業績期焦點股股份分析

-業績股做短線,輪證策略點做先可以提高勝算?

-散戶奇兵經驗分享

-即場解答輪證問題

 

日期:2021年3月18日 (星期四)

時間:晚上 8時30分至10時正

主持:朱子昭 及 朱明亮

 

講者:

何啟聰 Ivan瑞信香港認股證及牛熊證銷售主管

袁嘉麟 Trader K  新城電台《散戶奇兵》節目主持

徐風 新城電台《散戶奇兵》節目主持


...       
更多
11月30日 上午 10:41
罕見大刁!滙豐可能派特別息?

究竟港股市場,有幾耐冇出現過涉及資金逾百億美金嘅「大刁」?尋晚「獅王」滙豐(0005)做主角,公布咗一單久違嘅罕見交易。滙豐公布,同意以135億加元,即係折合約101億美金,出售加拿大業務畀加拿大皇家銀行,並預期呢單「大刁」,將會錄得約57億美金嘅除稅前利潤。滙豐今朝向上破位,高位曾升逾3%至47.65元,升至逾兩個月高位。#gif_3#

 

滙豐講明,拎咗舊錢之後,將會積極考慮派發一次性股息,又或者用嚟股份回購,雖然預計分派要到2024年初先會進行,不過股價今朝已經興奮咗先,除咗破位外,仲回補咗9月下旬英鎊急跌時所造成的下跌裂口47.25元,技術上或有機會上試250天線48.2元,甚至50元關口。#gif_1#

 

當然,近期滙豐走勢都唔差,由10月下旬位於40蚊樓下,逐步上到今日47蚊以上,日線圖已形成上升軌。臨近年尾,資金近日轉倉到保守板塊,滙豐都可能係受惠股之一。早段資金都見小注開Call追貨,觀望股價有冇機會跑贏大市。#gif_5#

 

滙豐輪證選擇

 

滙豐認購證24690,行使價55.05元,23年03月到期,實際槓桿約12.7倍。

滙豐認沽證28585,行使價38.95元,23年04月到期,實際槓桿約8.2倍。

滙豐牛證60684,收回價42.88元,行使價41.88元,槓桿比率約9.4倍。

滙豐熊證68332,收回價49.88元,行使價50.88元,槓桿比率約12.4倍。


...       
更多
11月29日 上午 10:55
再出招撐內房,內險內銀都受惠?

內地尋晚再出招撐內房,包括恢復涉房上市公司併購重組,同埋恢復內房再融資。多隻內房股今朝顯著抽升,不過有留意內房股走勢嘅都知,近一年內房經常大上大落,而且有啲仲長時間停牌,唔少輪商有感於難以對沖,呢段時間都唔多願意再發行內房輪,就算肯出,都集中喺財務狀況相對穩健嘅國企內房身上。#gif_4#

 

既然冇得揀,就國企都揀住先啦。中國海外(0688)今朝高位曾升逾7%,高見21蚊樓上。雖然仲敢追內房Call嘅資金有限,不過想參與內房股嘅,呢個名總算有選擇俾大家吧!#gif_1#

 

不過除咗內房股之外,受惠於呢個政策嘅,可能仲有內險內銀。經常受內房債務危機消息影響嘅內險股平安(2318),尋日跌逾4%,今日一彈,高位已經升逾8%,高見45蚊以上,將尋日嘅跌幅全數收復;不過投資者可能驚呢類消息或者只能帶嚟短期刺激,平安好倉見資金獲利,仲見反手流入淡倉,部署上大家都傾向有得食就食咗先。#gif_2#

 

至於被視為涉及較多房貸嘅招行(3968),今朝高位亦曾升逾7%,逐步逼近38蚊水平。招行資金流相對平安淡靜得多,資金小注反手開淡倉,主要考慮中距離熊證,似乎投資者嘅戒心,暫時未見因為內地再出招捧內房而改善。#gif_8#

 

內房內險內銀牛熊證選擇

 

中海認購證23872,行使價23.55元,23年03月到期,實際槓桿約5.7倍。

 

平安認購證23509,行使價51.93元,23年02月到期,實際槓桿約7.7倍。

平安認沽證24316,行使價38.45元,23年02月到期,實際槓桿約6.5倍。

平安牛證60254,收回價40元,行使價39.4元,槓桿比率約7.5倍。

平安熊證63386,收回價49.88元,行使價50.48元,槓桿比率約8.5倍。

 

招行認購證24814,行使價47.05元,23年02月到期,實際槓桿約8.6倍。

招行牛證60260,收回價31.88元,行使價31.48元,槓桿比率約5.9倍。

招行熊證68956,收回價41.88元,行使價42.28元,槓桿比率約7.5倍。


...       
更多
11月28日 上午 10:49
萬七點失而復得,全靠科技股跌少咗?

市況再度走弱,港股今朝受壓,恒指低位曾跌逾700點,直落16,800點邊緣,但之後跌幅卻略見收窄,雖然都仲跌成400幾點,但總算上得返萬七點關口。係咩因素支持大市收窄跌幅?竟然係近期弱勢嘅科技股,集體跌少咗?!#gif_4#

 

近日內地收緊防疫封控,美團(3690)自然首當其衝,今朝低位再跌近6%至130元樓下;不過公司啱啱出季績,第三季經調整後扭虧為盈,股仔價跌幅亦逐步收窄。騰訊(0700)今朝低位都曾跌逾半成,低見260蚊樓下,但之後跌幅亦收窄至不足1%,就嚟上返270蚊關口。阿里(9988)低位曾急跌逾6%,但失守70蚊關口後有買盤吸納,之後跌幅收窄至3%以內。#gif_8#

 

科技股早段跌得急,吸引唔少資金趁跌流入好倉,但隨著板塊跌幅收窄,話唔定有部分好倉會即日選擇食糊先。始終科技股日內波動大,開倉資金都傾向揀中距離牛證,免除引伸影響,但持倉過夜,又驚遇上好似今朝咁嘅裂口急跌,跌穿咗就無仇報,所以揀收回價揀到幾遠,或者都好考大家功力。#gif_2#

 

科技股牛熊證選擇

 

美團牛證62254,收回價121.88元,行使價118.88元,槓桿比率約6.5倍。

美團熊證61470,收回價158元,行使價161元,槓桿比率約6.2倍。

騰訊牛證60245,收回價256.88元,行使價253.88元,槓桿比率約15.4倍。

騰訊熊證61975,收回價290元,行使價293元,槓桿比率約12.5倍。

阿里牛證59742,收回價66元,行使價64元,槓桿比率7.6倍。

阿里熊證62256,收回價80元,行使價82元,槓桿比率約8.4倍。


...       
更多
11月25日 上午 10:59
繼續減持騰訊?Naspers證實了這消息……

近期市況已經唔多好,科技股持續弱勢,估唔到又有壞消息。報道引述Naspers相關公司財報指,呢位騰訊(0700)南非大股東,喺10月至11月中旬期間繼續沽騰訊。騰訊股價即刻受壓,低位曾跌逾4%,失守埋270蚊。#gif_6#

 

雖然市場一早已經知道Naspers會繼續沽貨,但由於9月初至10月中,曾經階段性停止減持,令大家稍為放下戒心,到今日知道原來一早已經恢復沽貨,自然引起投資者一陣驚恐。Naspers沽貨一向都慢慢沽,而騰訊本身亦有持續回購,能唔能夠抵銷到,過去經驗話你知當然未必,不過恐慌過後,會唔會穩定返啲?資金可能有相同睇法,所以今朝趁跌,亦見隨即有錢流入騰訊好倉。#gif_2#

 

另外Naspers早前講明,騰訊派股之後,會考慮沽出美團(3690)持股,美團股價仍未止跌,今朝再曾跌逾4%。當然除咗Naspers沽壓外,內地收緊防疫封控,亦係不利美團嘅原因之一,所以佢喺季績公布前,股價走弱下,資金都係繼續加注淡倉,主要考慮中距離熊證,以慎防績後引伸回落嘅風險。#gif_4#

 

科技股輪證選擇

 

騰訊認購證25371,行使價340元,23年03月到期,實際槓桿約9.1倍。

騰訊認沽證28375,行使價236.6元,23年04月到期,實際槓桿約5.0倍。

騰訊牛證60245,收回價256.88元,行使價253.88元,槓桿比率約14.6倍。

騰訊熊證61975,收回價290元,行使價293元,槓桿比率約12.5倍。

 

美團認購證26436,行使價175.6元,23年03月到期,實際槓桿約5.4倍。

美團認沽證27320,行使價107.9元,23年03月到期,實際槓桿約3.4倍。

美團牛證62254,收回價121.88元,行使價118.88元,槓桿比率約7.1倍。

美團熊證62255,收回價148元,行使價151元,槓桿比率約8.4倍。


...       
更多
11月24日 上午 10:46
季績前冇方向?美團憂額外沽壓?

大型科技股之中,美團(3690)係近期表現較弱勢嘅一隻。雖然市場普遍預期佢第三季份業績唔會太差,但股份突然出現嘅負面消息,卻為股價帶嚟額外沽壓。#gif_4#

 

內地疫情反彈,甚至有地方再進行封城,明顯不利於美團業務,呢個係近期拖累股價嘅因素之一。早前騰訊(0700)話已實物形式分派美團持股後,騰訊南非大股東Naspers表明,考慮會沽出獲分派嘅美團持股。雖然睇返紀錄,口貨要去到出年3月先會到手,不過會唔會有人借定貨沽咗先,到之後有貨先平返呢?呢類情況都實在好難估計,亦因此已率先為美團帶嚟額外沽壓。#gif_6#

 

近期美團表現麻麻,淡倉都持續有資金考慮,主要考慮中距離熊證,以免除績後引伸回落嘅風險。落到140蚊樓下,都有少量資金開好倉,不過都係小注為主,未敢輕言加大注碼。#gif_2#

 

美團輪證選擇

 

美團認購證26436,行使價175.6元,23年03月到期,實際槓桿約5.2倍。

美團認沽證27923,行使價118.08元,23年04月到期,實際槓桿約3.0倍。

美團牛證56286,收回價116.88元,行使價113.88元,槓桿比率約5.4倍。

美團熊證61470,收回價158元,行使價161元,槓桿比率約5.9倍。


...       
更多
11月23日 上午 10:27
保守為上!資金轉投防守股?

內地因應疫情再度收緊封控,打沉咗月初本來大家覺得有望放鬆防控嘅憧憬。港股五連跌,市場氣氛轉淡下,可能去到年底,大家開始唔係太敢博波動幅度較大嘅科技股、車股,防守性較強嘅板塊,好似電訊股、基建股、銀行股,逐漸成為資金轉倉對象。#gif_4#

 

尋日率先受捧嘅電訊股,聯通(0762)單日高位急升逾11%,不過今朝就徘徊喺4蚊附近整固。中移動(0941)表現唔係話差,但明顯升勢落後聯通一大截,尋日升近2%收市後,今朝窄幅靠穩,都見都有資金分注吸納中距離牛證。#gif_1#

 

今日破位嘅有銀行股滙豐(0005),今朝早段成功突破45蚊,升至約兩個月高位。近期大家開始估計聯儲局12月議息,未必再加0.75厘咁多,改為加半厘,不過似乎已經係市場預期之內,消息或者已經反映咗喺股價上。睇返滙豐技術走勢,9月26日受英國減稅方案而急跌嘅下跌裂口頂部係45.4元,如果能夠成功回補裂口,或可寄望挑戰100天線約46蚊、甚至係200天線約48.5元嘅機會。#gif_5#

 

防守股輪證選擇

 

滙豐認購證25481,行使價51.55元,23年03月到期,實際槓桿約10.6倍。

滙豐認沽證26184,行使價33.95元,23年03月到期,實際槓桿約9.0倍。

滙豐牛證60684,收回價42.88元,行使價41.88元,槓桿比率約13.6倍。

滙豐熊證51097,收回價47.5元,行使價48.5元,槓桿比率約11.0倍。

 

中移認購證25306,行使價56.05元,23年02月到期,實際槓桿約15.5倍。

中移牛證59732,收回價47.88元,行使價47.28元,槓桿比率約10.3倍。


...       
更多
11月22日 上午 10:45
封控未鬆,美團難捱?

早幾個星期,市場明明憧憬內地或者會逐步放鬆疫情防控,不過去到月底,大市風向又好似唔同晒。隨著確診人數增加,石家莊已經率先宣布封城5日,市場關注會唔會有更多地區進行靜默管理。封控唔單止未鬆,仲似乎有收緊跡象,主力做外賣仔生意嘅美團(3690)當然難捱,今朝跌幅逐步擴大至逾半成,失守145蚊水平。#gif_6#

 

市場對美團即將公布嘅季績,其實唔算悲觀,但第三季好轉過後,第四季內地疫情反彈,會點樣影響美團營運,投資者似乎仍有待消化。趁跌加倉好友唔多,反而淡倉有資金追沽,主要考慮中距離熊證,以免除績後引伸回落風險。#gif_10#

 

除咗美團,飲食股同啤酒股,都可能受疫情封控影響。海底撈(6862)曾跌逾2%,低見15蚊水平。青啤(0168)曾跌逾1%,低見65.5元水平;華潤啤酒(0291)同樣窄幅偏軟;不過世界盃舉行期間,啤酒股會唔會都有利好憧憬,抵銷封控相關嘅負面影響呢?就要大家再觀察啦。#gif_2#

 

疫情封控相關股份輪證選擇

 

美團認購證25485,行使價184.98元,23年02月到期,實際槓桿約6.5倍。

美團認沽證27923,行使價118.08元,23年04月到期,實際槓桿約2.8倍。

美團牛證57150,收回價126.88元,行使價123.88元,槓桿比率約6.1倍。

美團熊證61470,收回價158元,行使價161元,槓桿比率約9倍。

 

海撈認購證26837,行使價18.2元,23年03月到期,實際槓桿約3.8倍。

青啤認購證24812,行使價88.05元,23年06月到期,實際槓桿約4.1倍。

華啤認購證26663,行使價53.93元,23年06月到期,實際槓桿約4.2倍。


...       
更多
11月21日 上午 10:36
壓軸放榜,快手美團將公布季績!

幾隻大型科技股之後,嚟緊呢個星期,仲有科技股壓軸放榜㗎!近啲嘅有快手(1024),星期二就會出季度業績,近期走勢似乎有少少改善,雖然今朝低位曾急跌逾8%至50蚊關口樓下,但好快又上得返去,之後跌幅逐步收窄到不足3%,技術上或者繼續留意50蚊關口可唔可以重建支持。#gif_2#

 

至於壓軸公布業績嘅,有星期五放榜嘅美團(3690),今朝低位雖然曾跌逾6%,但總叫守得住150蚊。睇返媒體引述券商分析,普遍對第三季表現唔太悲觀,營收預期會按年有得升,經調整後更有望扭虧為盈;不過股價仲有兩大隱憂,第一係第四季內地疫情反彈,會唔會又拖垮美團經營;第二係騰訊(0700)早前宣布實物分派美團持股後,大家都睇緊會唔會對股價構成額外沽壓,呢兩大因素或者都會限制美團表現。#gif_4#

 

美團今朝低位守得住150蚊,吸引好倉資金流入,博反彈嘅,近日都已經下移至行使價喺200蚊樓下嘅Call。如果驚季績後引伸回落,中距離牛或者係另一個免除引伸嘅部署選擇。#gif_8#

 

季績科技股輪證選擇

 

美團認購證25485,行使價184.98元,23年02月到期,實際槓桿約5.9倍。

美團認沽證27923,行使價118.08元,23年04月到期,實際槓桿約2.8倍。

美團牛證57500,收回價136.88元,行使價133.88元,槓桿比率約6.9倍。

美團熊證60235,收回價168元,行使價171元,槓桿比率約8.7倍。

 

快手認購證26919,行使價62.93元,23年05月到期,實際槓桿約3.3倍。

快手牛證58957,收回價40元,行使價37元,槓桿比率約2.9倍。

快手熊證50133,收回價63元,行使價66元,槓桿比率約4.0倍。


...       
更多
11月18日 上午 10:55
回購支持?阿里急升網易急彈!

科技股呢期除咗公布業績,亦公布業績外嘅其他資本計劃。繼騰訊(0700)宣安分派美團(3690)持股後,尋日阿里(9988)同網易(9999)分別公布季績,但市場焦點都似乎唔喺份成績表身上,而係喺佢嘅回購計劃上。#gif_4#

 

阿里公布截至9月底嘅季度業績,非公認會計準則淨利潤約338億元人仔,按年增19%,優於市場預期,同時宣布將股票回購計劃再增加150億美元,即係計埋現有250億美元嘅回購規模,成個回購會達到400億美元,當中已經用咗180億美元。阿里今朝高位升逾6%至83蚊以上,之後保持喺82蚊以上靠穩。#gif_3#

 

至於網易,尋日話同暴雪續約失敗而捱沽,啱啱宣布第三列賬淨利約67億元人仔,按年增超過1倍,同時宣布加碼再推新一輪回購計劃,金額涉50億美元木。網易今朝曾急跌逾8%,之後保持喺110蚊附近靠穩。#gif_1#

 

阿里增回購,但由於升幅大,再追嘅資金真係有限,反而中距離熊有資金反手開淡,以免除績後引伸或者回落嘅風險。至於網易,澄清話同暴雪續唔到約嘅遊戲,過去一年半嘅淨收入同淨利潤貢獻,只係佔集團個位數百分比,尋日諗住食花生觀望嘅缸友,或而有小注入場好倉,可能係博佢負面因素逐步消化,股價或者有逐步回穩嘅機會。#gif_5#

 

增回購科技股輪證選擇

 

阿里認購證25230,行使價88.93元,23年02月到期,實際槓桿約5.1倍。

阿里認沽證23073,行使價74.83元,23年03月到期,實際槓桿約3.5倍。

阿里牛證60703,收回價72元,行使價70元,槓桿比率約6.4倍。

阿里熊證69841,收回價90元,行使價92元,槓桿比率約8.3倍。

網易認購證27102,行使價120.1元,23年09月到期,實際槓桿約2.9倍。


...       
更多
    輪證小知識
    輪證小知識相關帖文