輪證動態專頁

06月16日 下午 04:40
買輪買貴咗?謝絕按盤價,要睇發行商報價!

買賣開窩輪牛熊證嘅你,有冇試過因為冇串流報價,就咁睇按盤價買輪,結果唔單止買貴咗,甚至買咗理論價已經低過1仙嘅產品?點樣可以冇串流報價買輪,依然不失霸氣呢?

 

為咗方便大家知道發行商開緊咩價,避免買咗市場上其他投資者嘅賣盤,又或者極價外或極短期、買賣差價較闊嘅輪證,瑞信已經喺網站,為瑞信嘅所有輪證產品,新增「發行商報價」數據。入到產品報價頁面,就會有最新莊家報價,同埋上日莊家最後報價,等大家可以比較隻輪證嘅真實升幅。

 

此外,仲有埋平均買賣差價對比,比較你睇中嗰隻輪證嘅買賣差價,喺過去幾日係咪好過市場平均買賣差價。唔怕貨比貨,買賣自然更有信心啦! 

 

相關帖文:

輪證跳動唔係睇收市價?競價前報價證實了這消息!


...       
更多
11月25日 上午 10:59
繼續減持騰訊?Naspers證實了這消息……

近期市況已經唔多好,科技股持續弱勢,估唔到又有壞消息。報道引述Naspers相關公司財報指,呢位騰訊(0700)南非大股東,喺10月至11月中旬期間繼續沽騰訊。騰訊股價即刻受壓,低位曾跌逾4%,失守埋270蚊。#gif_6#

 

雖然市場一早已經知道Naspers會繼續沽貨,但由於9月初至10月中,曾經階段性停止減持,令大家稍為放下戒心,到今日知道原來一早已經恢復沽貨,自然引起投資者一陣驚恐。Naspers沽貨一向都慢慢沽,而騰訊本身亦有持續回購,能唔能夠抵銷到,過去經驗話你知當然未必,不過恐慌過後,會唔會穩定返啲?資金可能有相同睇法,所以今朝趁跌,亦見隨即有錢流入騰訊好倉。#gif_2#

 

另外Naspers早前講明,騰訊派股之後,會考慮沽出美團(3690)持股,美團股價仍未止跌,今朝再曾跌逾4%。當然除咗Naspers沽壓外,內地收緊防疫封控,亦係不利美團嘅原因之一,所以佢喺季績公布前,股價走弱下,資金都係繼續加注淡倉,主要考慮中距離熊證,以慎防績後引伸回落嘅風險。#gif_4#

 

科技股輪證選擇

 

騰訊認購證25371,行使價340元,23年03月到期,實際槓桿約9.1倍。

騰訊認沽證28375,行使價236.6元,23年04月到期,實際槓桿約5.0倍。

騰訊牛證60245,收回價256.88元,行使價253.88元,槓桿比率約14.6倍。

騰訊熊證61975,收回價290元,行使價293元,槓桿比率約12.5倍。

 

美團認購證26436,行使價175.6元,23年03月到期,實際槓桿約5.4倍。

美團認沽證27320,行使價107.9元,23年03月到期,實際槓桿約3.4倍。

美團牛證62254,收回價121.88元,行使價118.88元,槓桿比率約7.1倍。

美團熊證62255,收回價148元,行使價151元,槓桿比率約8.4倍。


...       
更多
11月24日 上午 10:46
季績前冇方向?美團憂額外沽壓?

大型科技股之中,美團(3690)係近期表現較弱勢嘅一隻。雖然市場普遍預期佢第三季份業績唔會太差,但股份突然出現嘅負面消息,卻為股價帶嚟額外沽壓。#gif_4#

 

內地疫情反彈,甚至有地方再進行封城,明顯不利於美團業務,呢個係近期拖累股價嘅因素之一。早前騰訊(0700)話已實物形式分派美團持股後,騰訊南非大股東Naspers表明,考慮會沽出獲分派嘅美團持股。雖然睇返紀錄,口貨要去到出年3月先會到手,不過會唔會有人借定貨沽咗先,到之後有貨先平返呢?呢類情況都實在好難估計,亦因此已率先為美團帶嚟額外沽壓。#gif_6#

 

近期美團表現麻麻,淡倉都持續有資金考慮,主要考慮中距離熊證,以免除績後引伸回落嘅風險。落到140蚊樓下,都有少量資金開好倉,不過都係小注為主,未敢輕言加大注碼。#gif_2#

 

美團輪證選擇

 

美團認購證26436,行使價175.6元,23年03月到期,實際槓桿約5.2倍。

美團認沽證27923,行使價118.08元,23年04月到期,實際槓桿約3.0倍。

美團牛證56286,收回價116.88元,行使價113.88元,槓桿比率約5.4倍。

美團熊證61470,收回價158元,行使價161元,槓桿比率約5.9倍。


...       
更多
11月23日 上午 10:27
保守為上!資金轉投防守股?

內地因應疫情再度收緊封控,打沉咗月初本來大家覺得有望放鬆防控嘅憧憬。港股五連跌,市場氣氛轉淡下,可能去到年底,大家開始唔係太敢博波動幅度較大嘅科技股、車股,防守性較強嘅板塊,好似電訊股、基建股、銀行股,逐漸成為資金轉倉對象。#gif_4#

 

尋日率先受捧嘅電訊股,聯通(0762)單日高位急升逾11%,不過今朝就徘徊喺4蚊附近整固。中移動(0941)表現唔係話差,但明顯升勢落後聯通一大截,尋日升近2%收市後,今朝窄幅靠穩,都見都有資金分注吸納中距離牛證。#gif_1#

 

今日破位嘅有銀行股滙豐(0005),今朝早段成功突破45蚊,升至約兩個月高位。近期大家開始估計聯儲局12月議息,未必再加0.75厘咁多,改為加半厘,不過似乎已經係市場預期之內,消息或者已經反映咗喺股價上。睇返滙豐技術走勢,9月26日受英國減稅方案而急跌嘅下跌裂口頂部係45.4元,如果能夠成功回補裂口,或可寄望挑戰100天線約46蚊、甚至係200天線約48.5元嘅機會。#gif_5#

 

防守股輪證選擇

 

滙豐認購證25481,行使價51.55元,23年03月到期,實際槓桿約10.6倍。

滙豐認沽證26184,行使價33.95元,23年03月到期,實際槓桿約9.0倍。

滙豐牛證60684,收回價42.88元,行使價41.88元,槓桿比率約13.6倍。

滙豐熊證51097,收回價47.5元,行使價48.5元,槓桿比率約11.0倍。

 

中移認購證25306,行使價56.05元,23年02月到期,實際槓桿約15.5倍。

中移牛證59732,收回價47.88元,行使價47.28元,槓桿比率約10.3倍。


...       
更多
11月22日 上午 10:45
封控未鬆,美團難捱?

早幾個星期,市場明明憧憬內地或者會逐步放鬆疫情防控,不過去到月底,大市風向又好似唔同晒。隨著確診人數增加,石家莊已經率先宣布封城5日,市場關注會唔會有更多地區進行靜默管理。封控唔單止未鬆,仲似乎有收緊跡象,主力做外賣仔生意嘅美團(3690)當然難捱,今朝跌幅逐步擴大至逾半成,失守145蚊水平。#gif_6#

 

市場對美團即將公布嘅季績,其實唔算悲觀,但第三季好轉過後,第四季內地疫情反彈,會點樣影響美團營運,投資者似乎仍有待消化。趁跌加倉好友唔多,反而淡倉有資金追沽,主要考慮中距離熊證,以免除績後引伸回落風險。#gif_10#

 

除咗美團,飲食股同啤酒股,都可能受疫情封控影響。海底撈(6862)曾跌逾2%,低見15蚊水平。青啤(0168)曾跌逾1%,低見65.5元水平;華潤啤酒(0291)同樣窄幅偏軟;不過世界盃舉行期間,啤酒股會唔會都有利好憧憬,抵銷封控相關嘅負面影響呢?就要大家再觀察啦。#gif_2#

 

疫情封控相關股份輪證選擇

 

美團認購證25485,行使價184.98元,23年02月到期,實際槓桿約6.5倍。

美團認沽證27923,行使價118.08元,23年04月到期,實際槓桿約2.8倍。

美團牛證57150,收回價126.88元,行使價123.88元,槓桿比率約6.1倍。

美團熊證61470,收回價158元,行使價161元,槓桿比率約9倍。

 

海撈認購證26837,行使價18.2元,23年03月到期,實際槓桿約3.8倍。

青啤認購證24812,行使價88.05元,23年06月到期,實際槓桿約4.1倍。

華啤認購證26663,行使價53.93元,23年06月到期,實際槓桿約4.2倍。


...       
更多
11月21日 上午 10:36
壓軸放榜,快手美團將公布季績!

幾隻大型科技股之後,嚟緊呢個星期,仲有科技股壓軸放榜㗎!近啲嘅有快手(1024),星期二就會出季度業績,近期走勢似乎有少少改善,雖然今朝低位曾急跌逾8%至50蚊關口樓下,但好快又上得返去,之後跌幅逐步收窄到不足3%,技術上或者繼續留意50蚊關口可唔可以重建支持。#gif_2#

 

至於壓軸公布業績嘅,有星期五放榜嘅美團(3690),今朝低位雖然曾跌逾6%,但總叫守得住150蚊。睇返媒體引述券商分析,普遍對第三季表現唔太悲觀,營收預期會按年有得升,經調整後更有望扭虧為盈;不過股價仲有兩大隱憂,第一係第四季內地疫情反彈,會唔會又拖垮美團經營;第二係騰訊(0700)早前宣布實物分派美團持股後,大家都睇緊會唔會對股價構成額外沽壓,呢兩大因素或者都會限制美團表現。#gif_4#

 

美團今朝低位守得住150蚊,吸引好倉資金流入,博反彈嘅,近日都已經下移至行使價喺200蚊樓下嘅Call。如果驚季績後引伸回落,中距離牛或者係另一個免除引伸嘅部署選擇。#gif_8#

 

季績科技股輪證選擇

 

美團認購證25485,行使價184.98元,23年02月到期,實際槓桿約5.9倍。

美團認沽證27923,行使價118.08元,23年04月到期,實際槓桿約2.8倍。

美團牛證57500,收回價136.88元,行使價133.88元,槓桿比率約6.9倍。

美團熊證60235,收回價168元,行使價171元,槓桿比率約8.7倍。

 

快手認購證26919,行使價62.93元,23年05月到期,實際槓桿約3.3倍。

快手牛證58957,收回價40元,行使價37元,槓桿比率約2.9倍。

快手熊證50133,收回價63元,行使價66元,槓桿比率約4.0倍。


...       
更多
11月18日 上午 10:55
回購支持?阿里急升網易急彈!

科技股呢期除咗公布業績,亦公布業績外嘅其他資本計劃。繼騰訊(0700)宣安分派美團(3690)持股後,尋日阿里(9988)同網易(9999)分別公布季績,但市場焦點都似乎唔喺份成績表身上,而係喺佢嘅回購計劃上。#gif_4#

 

阿里公布截至9月底嘅季度業績,非公認會計準則淨利潤約338億元人仔,按年增19%,優於市場預期,同時宣布將股票回購計劃再增加150億美元,即係計埋現有250億美元嘅回購規模,成個回購會達到400億美元,當中已經用咗180億美元。阿里今朝高位升逾6%至83蚊以上,之後保持喺82蚊以上靠穩。#gif_3#

 

至於網易,尋日話同暴雪續約失敗而捱沽,啱啱宣布第三列賬淨利約67億元人仔,按年增超過1倍,同時宣布加碼再推新一輪回購計劃,金額涉50億美元木。網易今朝曾急跌逾8%,之後保持喺110蚊附近靠穩。#gif_1#

 

阿里增回購,但由於升幅大,再追嘅資金真係有限,反而中距離熊有資金反手開淡,以免除績後引伸或者回落嘅風險。至於網易,澄清話同暴雪續唔到約嘅遊戲,過去一年半嘅淨收入同淨利潤貢獻,只係佔集團個位數百分比,尋日諗住食花生觀望嘅缸友,或而有小注入場好倉,可能係博佢負面因素逐步消化,股價或者有逐步回穩嘅機會。#gif_5#

 

增回購科技股輪證選擇

 

阿里認購證25230,行使價88.93元,23年02月到期,實際槓桿約5.1倍。

阿里認沽證23073,行使價74.83元,23年03月到期,實際槓桿約3.5倍。

阿里牛證60703,收回價72元,行使價70元,槓桿比率約6.4倍。

阿里熊證69841,收回價90元,行使價92元,槓桿比率約8.3倍。

網易認購證27102,行使價120.1元,23年09月到期,實際槓桿約2.9倍。


...       
更多
11月17日 上午 10:47
騰訊派美團,減持別人利好自己?

市場原本聚焦喺騰訊(0700)份季績,不過當佢公布季績嘅同時,宣布以實物形式分派美團(3690)持股,大家似乎都將焦點集中晒喺減持行動身上,業績亦暫時拋諸腦後。#gif_8#

 

騰訊宣布,以特別中期息嘅形式分派美團,每持10股騰訊可獲派1股美團。騰訊今朝先升後回,高位曾升逾1%至299.4元,但成功突破唔到300蚊就引嚟獲利盤出現,跌幅更逐步擴大至逾4%,暫守280蚊水平。至於美團,低位曾急跌逾6%,暫守150蚊關口。#gif_6#

 

睇返上一次騰訊派京東(9618),京東之後都係急跌,但騰訊就有得升;不過今次卻係兩隻股份雙雙向下。美團捱沽尚算合理,因為派股之後,騰訊嘅南非大股東Naspers將會獲得大額美團股份,而佢上一次一收到京東股份就好快沽晒,市場估計今次情況亦會相若,所以美團亦跌定先;但騰訊呢?如果Naspers沽美團獲得巨額資金作回購,會唔會減慢減持騰訊股份嘅步伐呢?#gif_4#

 

騰訊今朝倒跌,資金傾向開好倉博反彈,中距離牛免除引伸影響,如果驚股份波動過後回歸平靜,驚引伸之後回落,牛熊證不失為好選擇。至於美團雖然急跌,但敢博反彈嘅資金唔夠,更見有投資者趁跌追沽,或者係覺得派股過後,美團或者要一段時間先可以消化晒啲沽盤。#gif_10#

 

騰訊美團輪證選擇

 

騰訊認購證24758,行使價379.08元,23年02月到期,實際槓桿約7.7倍。

騰訊認沽證21393,行使價250.8元,23年01月到期,實際槓桿約6.8倍。

騰訊牛證60245,收回價256.88元,行使價253.88元,槓桿比率約8.3倍。

騰訊熊證50001,收回價305元,行使價308元,槓桿比率約12.4倍。

 

美團認購證25485,行使價184.98元,23年02月到期,實際槓桿約5.5倍。

美團認沽證27923,行使價118.08元,23年04月到期,實際槓桿約2.7倍。

美團牛證57500,收回價136.88元,行使價133.88元,槓桿比率約7.3倍。

美團熊證60235,收回價168元,行使價171元,槓桿比率約8.7倍。


...       
更多
11月16日 上午 10:56
真係無期望?騰訊季績前待挑戰300蚊!

科技股陸續放榜,講真,市場本身對呢季季績本身冇咩期望,好似今日會派成績表嘅騰訊(0700),唔少券商估佢仍未擺脫疫情同欠缺新遊戲版號嘅影響,預期廣告收入仲係會跌,不過近期大市氣氛好轉,氣氛似乎大過業績等基本因素,騰訊由低位接連回升,仲爭少少就上試300蚊!#gif_3#

 

恒指重返萬八點以上,騰訊近幾日已經由250蚊附近,上到280蚊樓上,今朝仲一度升逾3%至296.8元,係約兩個月高位,同300蚊關口只係爭唔夠4蚊。大家都觀望緊若果大市走勢配合,績前會唔會有機會已經成功突破300蚊。#gif_1#

 

不過,由於呢幾日升幅甚大,敢喺騰訊季績前追貨嘅資金唔多,仲有大額資金沽貨獲利,係除恒指好倉外,尋日最多資金流出嘅相關資產。更多嘅係傾向反手作淡倉部署,騰訊淡倉亦係尋日繼恒指淡倉外,最多資金流入嘅相關資產。趁彈開淡,唔知今次缸友嘅部署方向準唔準呢?#gif_4#

 

騰訊輪證選擇

 

騰訊認購證25077,行使價358.2元,23年03月到期,實際槓桿約6.9倍。

騰訊認沽證21393,行使價250.8元,23年01月到期,實際槓桿約6.7倍。

騰訊牛證59741,收回價246.88元,行使價243.88元,槓桿比率約5.7倍。

騰訊熊證69289,收回價310元,行使價313元,槓桿比率約12.9倍。


...       
更多
11月15日 上午 10:50
螞蟻整改新進展?阿里曾急升逾9%!

以為「雙11」過後,電商股要等季績先有郁動?點知突然殺出螞蟻整改有新進展呢單消息,隨即刺激阿里(9988)顯著抽升,今朝高位仲一度升逾9%,逼近78蚊水平。#gif_3#

 

阿里公布,旗下嘅重慶螞蟻消費金融引入新投資者,當中包括舜宇光學(2382),幾個投資者合共引資105億人仔。雖然睇落呢單報道唔係咩石破天驚嘅嘢,不過市場可能太耐冇聽過阿里或者螞蟻整改嘅相關消息,一見到有新進展,加埋市場氣氛好轉,隨即刺激阿里股價急升,爭少少就有望挑戰80蚊關口。#gif_4#

 

即市睇,貼價阿里Call難免有資金趁彈獲利,不過亦見有好友上移至行使價接近90蚊嘅Call,觀望再升多啲嘅機會,而由於股份強勢,夠膽反手開淡嘅資金,暫時只係少數。至於成為螞蟻消金股東嘅舜宇,今朝曾升逾3%至92蚊,但好淡資金流暫時都比較淡靜。#gif_2#

 

阿里及舜宇輪證選擇

 

阿里認購證25230,行使價88.93元,23年02月到期,實際槓桿約5.3倍。

阿里認沽證27922,行使價57.12元,23年06月到期,實際槓桿約2.4倍。

阿里牛證56287,收回價62元,行使價60元,槓桿比率約4.1倍。

阿里熊證50660,收回價85元,行使價87元,槓桿比率約8.5倍。

 

舜光認購證25299,行使價100.1元,23年04月到期,實際槓桿約3.8倍。

舜光牛證58508,收回價75元,行使價71元,槓桿比率約4.2倍。


...       
更多
    輪證小知識
    輪證小知識相關帖文