輪證動態專頁

08月17日 下午 03:10
即市要換馬,梗係睇即時數據最準確!

近期大市窄幅咗,唔少投資者都通過日買賣牛熊證「爬格仔」,捕捉即市波幅;但窄幅唔代表唔郁,郁起上嚟要揀高低一檔、甚至高低幾檔嘅牛熊證嚟換馬,搵得唔夠快真係好輸蝕。

 

介紹樣新工具畀係:「牛熊證即時排位列表」。有別於平時牛熊證搜尋器嘅延遲報價,佢嘅指數同股價係「真‧即時」數據,仲會按收回價間距,幾檔咁列晒啲產品出嚟,幫你加速搵到想部署同換馬嘅產品。點用?一圖即刻教識你!

 

 


...       
更多
59分鐘前 今日 下午 01:11
睇片《反彈後港股見底未?》黃師傅xIvan

內地多個地方放鬆管制利好投資氣氛,多個落後板塊急升,十二月港股開局造好,重返一萬九千點關口。

港股十二月點部署? 輪證投資點配合?  黃師傅點睇科網股走勢? 有冇個別板塊仍有追落後空間?

 

更多詳細市況分析,立即重溫黃師傅同Ivan於5號晚網上直播!

 

網上講座內容:

1./ 恒指反彈,牛一見底定熊反彈?

2./ 科技股減成本穩利潤可憧憬?

3./ 內房有政策舊經濟股估值修復?

 

日期:2022年12月5號 星期一

時間:晚上 8時45分至晚上 9時30分

 

講者:

黃瑋傑 – 新城財經台節目主持 

何啟聰 – 瑞信香港認股證及牛熊證銷售主管

 

 

想緊貼我地嘅網上講座同教學,就記得Like埋我地嘅Youtube Channel 啦!去「輪證頻道」留意最新update都得!


...       
更多
3小時前 今日 上午 11:08
萬九點反覆?好友傾向波幅部署?

港股尋日下午突然急跌逾600點,但今朝又隨即反彈返成400點,重上萬九點關口。過去歷史話俾大家知,臨近年底,12月通常比較靜,雖然市場兩大焦點;內地幾時再放鬆防控,同埋聯儲局係咪減慢加息步伐,都圍繞著大市今個月嘅走勢,不過兩萬點阻力明顯,如果估大市短期內繼續喺萬九點上落,暫時或者都屬合理推演。#gif_2#

 

有見及此,投資者參考住萬九點作為中軸,喺呢個水平附近作波幅部署,係呢兩日主流做法。重上萬九點時,資金反手開淡倉博回套,落返萬九點樓下,就重新流入好倉,因此恒指今朝上返萬九關,資金傾向反手開淡倉多,主要考慮中距離熊證。#gif_4#

 

大股方面,今朝亦以反手開淡倉多,特別係科技股騰訊(0700)同美團(3690)等,反彈幅度較明顯下,資金都傾向開淡倉為主,而且主要考慮中距離熊證,特別係年尾前大市波幅或者收窄,牛熊證免除引伸波幅回落影響,令投資者亦開始煩少樣嘢。#gif_8#

 

指數及藍籌股牛熊證選擇

 

恒指牛證64323,收回價18650點,行使價18550點,槓桿比率約22.0倍,兌換比率10000。

恒指熊證68507,收回價19750點,行使價19850點,槓桿比率約35.8倍,兌換比率12000。

 

騰訊牛證64331,收回價290元,行使價287元,槓桿比率約9.9倍。

騰訊熊證61502,收回價338元,行使價341元,槓桿比率約11.3倍。

美團牛證63880,收回價161.6元,行使價158.6元,槓桿比率約8.2倍。

美團熊證68336,收回價190元,行使價193元,槓桿比率約10.7倍。


...       
更多
12月07日 上午 11:19
港交所又破位?成交真係咁值得憧憬?

近期大家講由低位反彈得多嘅藍籌股,主要都集中喺科技股,不過唔講唔覺,港交所(0388)近期表現一樣標青,今朝早再破位向上,曾升逾2%至338蚊以上,升至超過3個月高位。#gif_3#

 

睇返港交所走勢,10月底、11月初低位幾乎跌到200蚊邊,但只係用咗大約一個月時間,股價已經大幅反彈成百蚊,技術上重上埋200天線之後,下個目標要睇實250天線約348.6元。至於市場關注緊嘅,係隨住大市走勢好轉,大市成交已經多日上返過千億、甚至逾2,000億嘅高位,港交所憧憬可以受惠,股價亦水漲船高。#gif_4#

 

不過有暗湧嘅係,臨近年底,大市成交循例都會縮減,究竟呢個成交回勇嘅憧憬守唔守得住,都好視乎市況發展同氣氛。即市睇,港交所破位下,資金較多傾向作反手部署,主要考慮中距離熊證,以免除大市波幅收窄、窩輪引伸有機會回落嘅風險。#gif_2#

 

港交所輪證選擇

 

港交認購證24422,行使價360.2元,23年03月到期,實際槓桿約6.9倍。

港交認沽證28988,行使價269.8元,23年04月到期,實際槓桿約5.3倍。

 

港交牛證64329,收回價310元,行使價308元,槓桿比率約11.5倍。

港交熊證66545,收回價348元,行使價350元,槓桿比率約19.6倍。

港交熊證65389,收回價358元,行使價360元,槓桿比率約13.1倍。


...       
更多
12月05日 上午 11:05
防疫封控放鬆!美團反而升得少?

內地多地都有放鬆防疫封控嘅措施,港股今朝顯著向好,輕鬆重上咗萬九點關口。講起放鬆封控,如果睇邊隻科技股最受惠,大家應該會諗起外賣仔美團(3690),股價今朝高位亦曾升逾4%,高見176蚊,但之後升幅收窄咗,以升幅計,比ATM另外兩個成員阿里(9988)同騰訊(0700)都少,點解?#gif_4#

 

睇返美團走勢,其實自上星期初起,短時間內已經由130蚊以下嘅低位,升到170蚊以上,可能利好憧憬已經反映咗喺股份上,令佢今日嘅升幅,反而不及其他大型科技股。250天線約178.9元係一個幾明顯嘅技術阻力,短線或者要睇有冇力突破同企穩呢個水平以上。#gif_2#

 

由於短時間累積升幅較大,資金主要都係流出美團好倉獲利,就算夠膽入場,都主要係揀行使價喺200蚊關口附近嘅Call輪為主,唔敢揀到咁大價外幅度。淡倉相對有多啲資金作反手部署,主要揀中距離熊證,以免除引伸方面嘅影響。#gif_1#

 

美團輪證選擇

 

美團認購證25225,行使價205.2元,23年03月到期,實際槓桿約5.0倍。

美團認沽證23463,行使價157.9元,23年02月到期,實際槓桿約4.2倍。

 

美團牛證63464,收回價151.88元,行使價148.88元,槓桿比率約6.1倍。

美團熊證50506,收回價184.88元,行使價187.88元,槓桿比率約11.8倍。

美團熊證68336,收回價190元,行使價193元,槓桿比率約8.6倍。


...       
更多
11月30日 上午 10:41
罕見大刁!滙豐可能派特別息?

究竟港股市場,有幾耐冇出現過涉及資金逾百億美金嘅「大刁」?尋晚「獅王」滙豐(0005)做主角,公布咗一單久違嘅罕見交易。滙豐公布,同意以135億加元,即係折合約101億美金,出售加拿大業務畀加拿大皇家銀行,並預期呢單「大刁」,將會錄得約57億美金嘅除稅前利潤。滙豐今朝向上破位,高位曾升逾3%至47.65元,升至逾兩個月高位。#gif_3#

 

滙豐講明,拎咗舊錢之後,將會積極考慮派發一次性股息,又或者用嚟股份回購,雖然預計分派要到2024年初先會進行,不過股價今朝已經興奮咗先,除咗破位外,仲回補咗9月下旬英鎊急跌時所造成的下跌裂口47.25元,技術上或有機會上試250天線48.2元,甚至50元關口。#gif_1#

 

當然,近期滙豐走勢都唔差,由10月下旬位於40蚊樓下,逐步上到今日47蚊以上,日線圖已形成上升軌。臨近年尾,資金近日轉倉到保守板塊,滙豐都可能係受惠股之一。早段資金都見小注開Call追貨,觀望股價有冇機會跑贏大市。#gif_5#

 

滙豐輪證選擇

 

滙豐認購證24690,行使價55.05元,23年03月到期,實際槓桿約12.7倍。

滙豐認沽證28585,行使價38.95元,23年04月到期,實際槓桿約8.2倍。

滙豐牛證60684,收回價42.88元,行使價41.88元,槓桿比率約9.4倍。

滙豐熊證68332,收回價49.88元,行使價50.88元,槓桿比率約12.4倍。


...       
更多
11月29日 上午 10:55
再出招撐內房,內險內銀都受惠?

內地尋晚再出招撐內房,包括恢復涉房上市公司併購重組,同埋恢復內房再融資。多隻內房股今朝顯著抽升,不過有留意內房股走勢嘅都知,近一年內房經常大上大落,而且有啲仲長時間停牌,唔少輪商有感於難以對沖,呢段時間都唔多願意再發行內房輪,就算肯出,都集中喺財務狀況相對穩健嘅國企內房身上。#gif_4#

 

既然冇得揀,就國企都揀住先啦。中國海外(0688)今朝高位曾升逾7%,高見21蚊樓上。雖然仲敢追內房Call嘅資金有限,不過想參與內房股嘅,呢個名總算有選擇俾大家吧!#gif_1#

 

不過除咗內房股之外,受惠於呢個政策嘅,可能仲有內險內銀。經常受內房債務危機消息影響嘅內險股平安(2318),尋日跌逾4%,今日一彈,高位已經升逾8%,高見45蚊以上,將尋日嘅跌幅全數收復;不過投資者可能驚呢類消息或者只能帶嚟短期刺激,平安好倉見資金獲利,仲見反手流入淡倉,部署上大家都傾向有得食就食咗先。#gif_2#

 

至於被視為涉及較多房貸嘅招行(3968),今朝高位亦曾升逾7%,逐步逼近38蚊水平。招行資金流相對平安淡靜得多,資金小注反手開淡倉,主要考慮中距離熊證,似乎投資者嘅戒心,暫時未見因為內地再出招捧內房而改善。#gif_8#

 

內房內險內銀牛熊證選擇

 

中海認購證23872,行使價23.55元,23年03月到期,實際槓桿約5.7倍。

 

平安認購證23509,行使價51.93元,23年02月到期,實際槓桿約7.7倍。

平安認沽證24316,行使價38.45元,23年02月到期,實際槓桿約6.5倍。

平安牛證60254,收回價40元,行使價39.4元,槓桿比率約7.5倍。

平安熊證63386,收回價49.88元,行使價50.48元,槓桿比率約8.5倍。

 

招行認購證24814,行使價47.05元,23年02月到期,實際槓桿約8.6倍。

招行牛證60260,收回價31.88元,行使價31.48元,槓桿比率約5.9倍。

招行熊證68956,收回價41.88元,行使價42.28元,槓桿比率約7.5倍。


...       
更多
11月28日 上午 10:49
萬七點失而復得,全靠科技股跌少咗?

市況再度走弱,港股今朝受壓,恒指低位曾跌逾700點,直落16,800點邊緣,但之後跌幅卻略見收窄,雖然都仲跌成400幾點,但總算上得返萬七點關口。係咩因素支持大市收窄跌幅?竟然係近期弱勢嘅科技股,集體跌少咗?!#gif_4#

 

近日內地收緊防疫封控,美團(3690)自然首當其衝,今朝低位再跌近6%至130元樓下;不過公司啱啱出季績,第三季經調整後扭虧為盈,股仔價跌幅亦逐步收窄。騰訊(0700)今朝低位都曾跌逾半成,低見260蚊樓下,但之後跌幅亦收窄至不足1%,就嚟上返270蚊關口。阿里(9988)低位曾急跌逾6%,但失守70蚊關口後有買盤吸納,之後跌幅收窄至3%以內。#gif_8#

 

科技股早段跌得急,吸引唔少資金趁跌流入好倉,但隨著板塊跌幅收窄,話唔定有部分好倉會即日選擇食糊先。始終科技股日內波動大,開倉資金都傾向揀中距離牛證,免除引伸影響,但持倉過夜,又驚遇上好似今朝咁嘅裂口急跌,跌穿咗就無仇報,所以揀收回價揀到幾遠,或者都好考大家功力。#gif_2#

 

科技股牛熊證選擇

 

美團牛證62254,收回價121.88元,行使價118.88元,槓桿比率約6.5倍。

美團熊證61470,收回價158元,行使價161元,槓桿比率約6.2倍。

騰訊牛證60245,收回價256.88元,行使價253.88元,槓桿比率約15.4倍。

騰訊熊證61975,收回價290元,行使價293元,槓桿比率約12.5倍。

阿里牛證59742,收回價66元,行使價64元,槓桿比率7.6倍。

阿里熊證62256,收回價80元,行使價82元,槓桿比率約8.4倍。


...       
更多
11月25日 上午 10:59
繼續減持騰訊?Naspers證實了這消息……

近期市況已經唔多好,科技股持續弱勢,估唔到又有壞消息。報道引述Naspers相關公司財報指,呢位騰訊(0700)南非大股東,喺10月至11月中旬期間繼續沽騰訊。騰訊股價即刻受壓,低位曾跌逾4%,失守埋270蚊。#gif_6#

 

雖然市場一早已經知道Naspers會繼續沽貨,但由於9月初至10月中,曾經階段性停止減持,令大家稍為放下戒心,到今日知道原來一早已經恢復沽貨,自然引起投資者一陣驚恐。Naspers沽貨一向都慢慢沽,而騰訊本身亦有持續回購,能唔能夠抵銷到,過去經驗話你知當然未必,不過恐慌過後,會唔會穩定返啲?資金可能有相同睇法,所以今朝趁跌,亦見隨即有錢流入騰訊好倉。#gif_2#

 

另外Naspers早前講明,騰訊派股之後,會考慮沽出美團(3690)持股,美團股價仍未止跌,今朝再曾跌逾4%。當然除咗Naspers沽壓外,內地收緊防疫封控,亦係不利美團嘅原因之一,所以佢喺季績公布前,股價走弱下,資金都係繼續加注淡倉,主要考慮中距離熊證,以慎防績後引伸回落嘅風險。#gif_4#

 

科技股輪證選擇

 

騰訊認購證25371,行使價340元,23年03月到期,實際槓桿約9.1倍。

騰訊認沽證28375,行使價236.6元,23年04月到期,實際槓桿約5.0倍。

騰訊牛證60245,收回價256.88元,行使價253.88元,槓桿比率約14.6倍。

騰訊熊證61975,收回價290元,行使價293元,槓桿比率約12.5倍。

 

美團認購證26436,行使價175.6元,23年03月到期,實際槓桿約5.4倍。

美團認沽證27320,行使價107.9元,23年03月到期,實際槓桿約3.4倍。

美團牛證62254,收回價121.88元,行使價118.88元,槓桿比率約7.1倍。

美團熊證62255,收回價148元,行使價151元,槓桿比率約8.4倍。


...       
更多
11月24日 上午 10:46
季績前冇方向?美團憂額外沽壓?

大型科技股之中,美團(3690)係近期表現較弱勢嘅一隻。雖然市場普遍預期佢第三季份業績唔會太差,但股份突然出現嘅負面消息,卻為股價帶嚟額外沽壓。#gif_4#

 

內地疫情反彈,甚至有地方再進行封城,明顯不利於美團業務,呢個係近期拖累股價嘅因素之一。早前騰訊(0700)話已實物形式分派美團持股後,騰訊南非大股東Naspers表明,考慮會沽出獲分派嘅美團持股。雖然睇返紀錄,口貨要去到出年3月先會到手,不過會唔會有人借定貨沽咗先,到之後有貨先平返呢?呢類情況都實在好難估計,亦因此已率先為美團帶嚟額外沽壓。#gif_6#

 

近期美團表現麻麻,淡倉都持續有資金考慮,主要考慮中距離熊證,以免除績後引伸回落嘅風險。落到140蚊樓下,都有少量資金開好倉,不過都係小注為主,未敢輕言加大注碼。#gif_2#

 

美團輪證選擇

 

美團認購證26436,行使價175.6元,23年03月到期,實際槓桿約5.2倍。

美團認沽證27923,行使價118.08元,23年04月到期,實際槓桿約3.0倍。

美團牛證56286,收回價116.88元,行使價113.88元,槓桿比率約5.4倍。

美團熊證61470,收回價158元,行使價161元,槓桿比率約5.9倍。


...       
更多
    輪證小知識
    輪證小知識相關帖文