01月22日 下午 05:52
輪商專登收埋即市牛熊街貨資訊?

牛熊證街貨係咪能夠預示市場走勢,輪商收埋有用既數據? 最近又成為左一個熱門既議題。#jpg_4#

 

呢個題目已經存在多年,大概係唔少分析覺得場內一定有大戶,而大戶就一定係以散戶為目標。呢啲想法通常會用大升市時,大量熊證被收回,或者係大跌市時,大量牛證被收回作為印證。不過,大家試想想背後概念的漏洞。

 

首先,牛熊街貨重貨區的張數是反映上日數據,開市後很多倉位都可能變動左,即市可以有資金平牛買熊,又或者平熊買牛,所以升市當日用熊證重倉多去解釋殺倉,而忽視阻當日曾經有資金追牛證,其實係數據上既對號入座。

 

為什麼沒有即市牛熊街貨變化數據?

那麼您可能說,我有沒有方法可以得知即市的牛熊街貨變化呢?是否輪商刻意不公佈呢?答呢條問題之先,先解釋一下牛熊證街貨數據是如果編制的。

牛熊證街貨分佈圖,是發行商將市場上所有牛熊證產品每日收市後喺港交所公佈既街貨量數據,按每隻牛熊證既兌換比率,折算番做所需對沖既期指張數。點解要折算呢?係因為12000兌1既牛熊證,沽出後發行商要買賣既期指少過10000兌1;情況好似50兌1同500兌1既個股牛熊證產品一樣。

 

發行商作為流通量提供者,的確可以知道自家發行的牛熊證即時的街貨量變化,想兌番佢做期指好,對番做客戶咩野價入市都可以。問題出喺呢個數,輪商之間不可能在收市前互相通報,所以發行商技術上不能提供一個100%準確度既即市牛熊街貨分佈圖。

 

100%準確度的即市街貨根本不可能

有朋友睇到呢度,可能會話,由於發行商係用指定經紀編號提供流通量,那麼只要用系統紀錄哪些交易是和發行商交易,哪些是其他投資者的交易,不是可以即時計算到嗎?

 

這涉及投資者對交易系統的認知。要知道,投資者理論上無法得知每個發行商的每檔掛牌數量數目,發行商每一檔的買或賣盤,可以是不規則的數目,也有時候是當沽售或買入了一定數量後,發行商不會設定為自動填補交易盤量。因此,當發行商與投資者在同一檔次掛單,除了發行商及當下掛牌的投資者,理論上無人可以得知掛單的數量。如是,技術上靠認流通量提供者的編號去估算,不會得出完全準確的數據。而發行商不可,亦不會公佈一些可能有誤/不準確的數據,更談何將數據予投資者作睇好/淡的根據吧。

 

好了,宜家大家應該明白唔係輪商唔俾,而係輪商無法,亦睇唔到有一個有效方法,可以準確無誤咁提供到即市牛熊證街貨量變化俾投資者,所以長年以來都唔會有呢個數提供。

 

牛熊街貨真的有奇效嗎?

既然即市既數不可靠,咁我地又講番究竟牛熊證街貨有無大家一直以為既「神奇效果」。神奇效果另種錯覺,源於媒體通常很側重去講有幾多隻牛/熊,大概幾多街貨被收回,但少有量化仍舊坐倉,而睇中市既人,累積賺左幾多。然後,坊間又會對號入座咁話,「您睇下?大戶又殺散戶了!」#jpg_6#

 

此外,有糊食左先,輸錢揸住先,基本上係好多人既投資慣性。所以當大市走單邊走勢,好多資金揸熊證過夜,又或者響果一段時間見到多左資金入熊,其實係好正常,但係唔代表響行呢一個單邊前,無投資者早著先機買中方向,但呢個數據從來也被忽視,大概是市場傾向相信陰謀論,而毋視整個升浪中,牛證比例一直維持在六成以上的高水平。

 

產品選擇短時間不足造成數據傾斜

尚有另一點,逢單邊市出現後,以往發行商需要五日時間才可以提供更貼價產品俾投資者(現時縮短至三日)但始終牛證與熊證的面值相差一大截(因為較遠收回距離的牛/熊證的面值,可以是幾倍的比例,產品對散戶的吸引力降低,散戶有機會改為自行買賣期貨也說不定。換句話說,當牛熊證兩邊的產品選擇條款不對等,作出比較本身就會有機會出現偏頗。

 

牛熊證對沖活動佔市場比例大嗎?

撇開其他的雜訊,回歸基本步,究竟收回這些牛熊證,等同發行商要平多少倉,而這平倉對市場的影響情度有多大,才是合理的討論。觀乎每個牛熊證重貨區的對沖合約張數僅約千張,佔大市每日期指的成交比例甚低,說大戶依據這倉位下注,又是否忽視了市場之規模以及參與者之數目呢?

 

為什麼發行商要提供街貨數據?

那麼,既然您說牛熊街貨重貨區對後市升跌無必然關係,為什麼發行商仍要提供這個數據給投資者呢?第一是因為我們希望維持資訊的透明度;第二是這些數據還是側面反映了逆勢資金的積極程度,而投資者可以透過資訊防備風險。

 

試想想,假設投資者不是思想分裂,那麼買熊證的投資者,大概都沽售了不少手上的持貨。但大市依然上衝,正好反映市場買盤動力較大,那看淡者就要較為警覺。可是,這與立即反手是兩回事,因為牛熊證倉位的數據,本身已有著時差、產品選擇不平衡及只佔市場交易一小部份的缺陷。

 

因此,我們選擇了將市場的當日升跌,結合恒指牛熊證倉位,在「恒指牛熊證倉位分析」專頁內,以牛熊證數據配合投資者睇中/錯提示投資者風險,而不鼓勵投資者盲目跟隨街貨走勢主動作反手部署,僅希望投資者善用有關免費數據。#jpg_1#


...       
更多
06月30日 上午 10:43
半年結無方向,持倉過假期要注意啲咩?

2022年話咁快就過咗一半,睇返過去半年,恒指年初曾高見兩萬五以上,但又可以喺好短時間內,落到去萬八點邊緣,之後逐步回穩,上返兩萬二附近,剛剛喺半年高低位嘅中間位。見今日個市冇咩焦點,大家部署上都比較觀望,如果計劃持倉過周末,指數同焦點板塊汽車股,有咩嘢要特別注意?#gif_4#

 

恒指:

持倉過假期最驚嘅就係裂口風險,特別係外圍星期五仲有市,都會擔心如果大幅波動,買咗近價牛熊會唔會放假返嚟一開市就被收回;不過近期大市相對窄幅,去《恒指波幅牛熊選證攻略》睇,10日最大裂口都唔夠300點,當預多少少到500點距離,所以見今朝大部分投資者,都揀緊收回價喺21,500點附近嘅牛,又或者收回價喺22,500點附近嘅熊。#gif_1#

 

恒指牛證56142,收回價21450點,行使價21350點,槓桿比率約32.8倍,兌換比率10000。

恒指牛證55692,收回價21350點,行使價21250點,槓桿比率約30.1倍,兌換比率10000。

恒指熊證68699,收回價22450點,行使價22550點,槓桿比率約32.2倍,兌換比率12000。

恒指熊證50130,收回價22550點,行使價22650點,槓桿比率約28.2倍,兌換比率12000。

 

汽車股:

尋日突然有沽空機構狙擊新能源車股,結果強如比亞迪(1211)都不敵沽壓,捱沽收場。今朝車股跌勢喘定咗,比亞迪高位曾重上320蚊。近期唔少資金都加注比亞迪好倉,如果計劃持倉過假期,買輪驚要蝕多日時間值,買牛又驚太近收回風險高,所以兩害相較取其輕,資金都傾向揀遠些少距離收回嘅牛證,減低收回風險,同時免除時間值同引伸影響。#gif_7#

 

比迪牛證55245,收回價296元,行使價292元,槓桿比率約11.9倍。

比迪熊證50527,收回價340元,行使價344元,槓桿比率約10.9倍。


...       
更多
06月29日 上午 10:42
沽空報告再現,強如比亞迪都受累?

好耐都無聽過嘅沽空報告,又再重出「缸湖」!有報道話,新能源汽車股蔚來(9866)被沽空機構狙擊,雖然目標唔係更多本港投資者留意嘅比亞迪(1211),但同業捱沽,強如比亞迪都難以獨善其身,今朝由歷史高位回落,低位曾跌逾4%至318蚊以下。#gif_6#

 

市場近期憧憬電動車股受國策支持,比亞迪連日受捧,尋日更破頂創出333蚊嘅歷史高位。今朝比亞迪跟隨成個車股板塊回軟,反而吸引唔少好友趁跌入場,可能係覺得沽空報告其實同比亞迪無關,倒不如趁強勢股回軟伺機入場。#gif_4#

 

睇返資金流,尋日比亞迪破頂,資金反手開淡較多,好倉雖然有資金流出,但金額其實唔大,或者反映唔少好友係向上換馬,沽出價位較高的遠價牛、上移至價位低啲嘅近價牛。至於點解開比亞迪倉多數揀牛熊證?產品面值較低、槓桿較高,仲免除引伸影響,莫非呢啲都唔算係優勢?#gif_1#

 

比亞迪輪證選擇

 

比迪牛證56124,收回價306元,行使價302元,槓桿比率約14.3倍。

比迪牛證55245,收回價296元,行使價292元,槓桿比率約9.7倍。

比迪熊證50527,收回價340元,行使價344元,槓桿比率約14.3倍。

比迪熊證50531,收回價350元,行使價354元,槓桿比率約10.2倍。

 

比迪認購證17810,行使價381.88元,22年12月到期,實際槓桿約4.6倍。

比迪認沽證18083,行使價248.88元,22年12月到期,實際槓桿約3.6倍。


...       
更多
06月28日 上午 10:35
「南非頂」阻力大?騰訊今朝繼續跌……

南非大股東Naspers尋日宣布無上限減持騰訊(0700)之後,即日已經由升轉跌,今朝沽壓未止,低位曾跌逾半成至360蚊以下。騰訊捱沽影響市場氣氛,連帶ATM嘅其他科技股成員,今朝都跟隨大市回軟。#gif_6#

 

記得Naspers喺2018年首次減持騰訊,當年每股作價405蚊,從此呢個價位被市場視為「南非頂」;當然2020年年底王2021年初嘅科網股狂潮時,騰訊高見700蚊樓上,大家已經唔記得咗「南非頂」呢個Term,但及後股價輾轉回落返,又再度多返人講「南非頂」。尋日騰訊高位突破400蚊,本來市場都睇實有冇機會突破「南非頂」,但結果南非大股東喺騰訊逼近「南非頂」時,突然宣布沽貨行動,難免會令人覺得「南非頂」短期都會繼續帶嚟阻力。#gif_10#

 

尋日下午即市較多資金趁負面消息追沽,到今朝股價下試360蚊,呢啲淡倉唔少都選擇沽貨「食糊」,並重新開好倉博反彈,短線或者可以留意350蚊阻力至「南非頂」之間,有冇水位可以俾好倉作博反彈部署。#gif_4#

 

騰訊輪證選擇

 

騰訊認購證14932,行使價455.2元,22年09月到期,實際槓桿約9.0倍。

騰訊認沽證21209,行使價310.485元,22年09月到期,實際槓桿約6.9倍。

 

騰訊牛證69849,收回價345元,行使價342元,槓桿比率約17.6倍。

騰訊牛證61628,收回價338.88元,行使價335.88元,槓桿比率約13.3倍。

全場最貼價騰訊熊證55866,收回價375.88元,行使價378.88元,槓桿比率約17.1倍。

騰訊熊證52639,收回價405元,行使價408元,槓桿比率約7.7倍。


...       
更多
06月27日 下午 02:11
事先張揚!南非股東逐步沽騰訊?

三年之後又三年!估唔到未夠三年,一早承諾三年內唔會再沽騰訊(0700)持股嘅南非大股東Naspers,突然「反口」話要離場。Naspers宣布,將會無上限、長期、有序咁出售所持有嘅騰訊股份,以籌集資金用嚟回購股份。消息一出,本來朝早升得好地地嘅騰訊,午後隨即倒跌,今朝高位曾突破400蚊,但午後曾經跌逾2%。#gif_6#

 

Naspers話,每日出售嘅騰訊股份數目,只會佔騰訊每日平均成交量嘅一小部分,唔會超過騰訊每日平均成交量嘅3至5%,仲話騰訊對於佢哋收回「三年唔沽」嘅承諾言表達支持;不過市場似乎唔係咁睇,今朝騰訊向好,資金反手入場開淡倉,到午後壞消息一出,仲多咗資金追沽,可能係覺得大股東沽貨,會係一個中期利淡股價嘅因素。#gif_10#

 

至於之前騰訊以股息形式實物分派嘅京東(9618),Napsers話,由於唔係團核心戰略重點,已經喺市場上有序沽貨,並且上星期五已經沽晒。可能係覺得京東冇潛在沽售壓力,京東午後仲維持住逾半成升幅。#gif_4#

 

騰訊京東輪證選擇

 

騰訊認購證14932,行使價455.2元,22年09月到期,實際槓桿約8.8倍。

騰訊認沽證21209,行使價310.485元,22年09月到期,實際槓桿約7.2倍。

騰訊牛證54956,收回價362.88元,行使價359.88元,槓桿比率約16.2倍。

騰訊熊證52639,收回價405元,行使價408元,槓桿比率約13.8倍。

 

京東認購證16137,行使價322.461元,22年09月到期,實際槓桿約5.7倍。

京東認沽證20380,行使價214.648元,22年09月到期,實際槓桿約4.7倍。

京東牛證51110,收回價225元,行使價222元,槓桿比率約5.7倍。

京東熊證54965,收回價285元,行使價288元,槓桿比率約10.8倍。


...       
更多
06月27日 上午 10:52
港交所破位,北水密密吸?

近期如果講升得急嘅板塊,當然首推汽車股,得到國策同北水嘅支持下,多隻股份都成功破位。睇返截至上星期三嘅5個交易日,最多北水流入嘅5隻股份,有3隻都係汽車股。唔講唔覺,5大北水流入股份之中,原來都有隻大藍籌嘅身影,講緊嘅係今朝強勢破位嘅港交所(0388),5日內流入北水超過9億。#gif_1#

 

港交所今朝高位曾急升逾半成,高見395蚊嘅逾4個月高位,爭5蚊就觸及400蚊關口。消息面上,中證監宣布,將ETF正式納入互聯互通之內;而內地疫情放緩,利好大市氣氛,亦可能係利好港交所嘅原因。#gif_3#

 

上到嚟呢個位,再追貨有少少考驗投資者嘅膽量,所以即市睇,好倉資金普遍趁彈而沽貨獲利,追貨好友只敢小注作向上換馬部署;反而淡倉有較多投資者趁彈作反手部署,但技術上要睇實400蚊阻力能唔能夠成功升穿,如果成功突破,淡友或者要暫避其鋒;但如果始終唔能夠突破大阻力位,或者可以考慮市場資金流,候高加注作反手淡倉部署。#gif_2#

 

港交所輪證選擇

 

港交認購證28531,行使價418.2元,22年09月到期,實際槓桿約9.1倍。

港交認沽證18241,行使價366.46元,22年09月到期,實際槓桿約8.4倍。

港交牛證55466,收回價351.88元,行使價349.88元,槓桿比率約8.6倍。

港交熊證67069,收回價418元,行使價420元,槓桿比率約12.7倍。


...       
更多
06月24日 上午 10:40
狼來了三次,螞蟻消息開始有跟進?

美國國債息率回落,科技股隨即反彈,但唔係隻隻科技股嘅升幅,都有阿里巴巴(9988)今朝升咁多。阿里連續兩日大幅反彈,今朝高位曾升約6%,逼近115蚊水平,亦係ATMX中升幅最大嘅成員,即使之後T同M都曾經倒跌,阿里依然保持升勢,企穩喺110蚊樓上。#gif_3#

 

要睇阿里近期有咩消息,當然要關注喺過去一個月,多次「彈出彈入」嘅螞蟻相關消息。外電多次報道,螞蟻成立金融控股公司,已經獲人行受理,仲有報道講埋獲批之後就會重啟上市程序,不過來回兩次,最後消息都被內媒引述當局消息否認。事不過三,狼來了去到第三次,阿里連日受捧,莫非真係覺得「空穴來風,未必無因」,吸引到買盤跟進?#gif_4#

 

不過可能彈得太急,資金流尋日以反手開阿里淡倉較多,今朝情況都相若。好倉就以換馬為主,遠距離牛證開始有資金獲利,少量好友吸引到去向上換馬。新開倉資金以揀選牛熊證較多,以慎防螞蟻消息令阿里窩輪引伸郁得太勁,帶嚟額外持倉風險。#gif_2#

 

阿里輪證選擇

 

阿里認購證28157,行使價120.1元,22年09月到期,實際槓桿約4.7倍。

阿里認沽證17811,行使價91.83元,22年12月到期,實際槓桿約3.0倍。

阿里牛證55473,收回價105.7元,行使價103.7元,槓桿比率約10.4倍。

阿里熊證64070,收回價120元,行使價122元,槓桿比率約12.6倍。


...       
更多
06月22日 上午 11:05
第三方平台唔俾賣藥?咩股最受影響?

已經有一段時間冇聽聞嘅行業監管新規,今日又有板塊遭殃。有報道話,國家藥監局發布新嘅意見稿,建議新增第三方平台,唔可以直接參與藥品網路銷售活動。大家都知道,上網買藥同睇醫生,喺網購盛行嘅內地非常普及,新規會唔會對電商股構成影響呢?#gif_10#

 

多隻醫療科技股今朝捱沽,京東健康(6618)失守60蚊之後,低位曾急跌逾一成,一直跌到落56蚊邊。阿里健康(0241)失守5蚊關口,低位同樣急挫逾一成。平安好醫生(1833)低位亦跌逾半成,回落到21.5元附近。#gif_6#

 

由於呢類網上睇醫生平台,無論係醫生網上診完症,直接張藥單交俾電商平台執藥、送藥;定係醫生將藥單交俾病人後,再俾佢自由選擇去邊間電商平台配藥,都牽涉到第三平台賣藥,由於未知新規涵蓋幅度有幾大,股價難免受壓。行業前景未明朗下,即市博反彈嘅資金亦有限。#gif_2#

 

除咗醫療科技股,傳統電商都有賣非處方藥物。京東(9618)曾跌逾4%至245蚊;阿里(9988)亦曾跌近3%至103蚊以下。相對醫療科技股,可能由於京東同阿里有牛證揀,可以免除引伸影響,相對有多啲資金願意趁跌入場撈好倉。#gif_4#

 

醫療相關電商股輪證選擇

 

京健認購證20147,行使價73.93元,22年09月到期,實際槓桿約4.6倍。

里康認購證27989,行使價6.19元,22年11月到期,實際槓桿約2.8倍。

平醫認購證13415,行使價24.05元,22年09月到期,實際槓桿約4.6倍。

 

京東牛證51110,收回價225元,行使價222元,槓桿比率約6.8倍。

京東熊證68130,收回價271.484元,行使價274.414元,槓桿比率約7.8倍。

阿里牛證53144,收回價98元,行使價96元,槓桿比率約12.4倍。

阿里熊證53787,收回價110元,行使價112元,槓桿比率約10.8倍。


...       
更多
06月21日 下午 01:32
恒指升大手資金加港交所好倉,留意購18201/牛54165/熊67984

...       
更多
06月21日 上午 10:46
真係咁淡?金融股反彈、資金即反手……

港股今朝大致靠穩,恒指曾升逾200點至21,400點以上,而帶動大市向好嘅,今日係一啲傳統金融股,不過臨近半年結,大家持倉意欲似乎唔係咁大,金融股反彈,即市見到唔少資金都係反手開淡,莫非真係睇得咁淡?#gif_10#

 

滙豐(0005)今朝向好,早段高位曾升逾4%,重上51元以上。對於銀行股,市場當然最關注聯儲局係咪會繼續加息,同時滙豐喺英國同香港都繼續進行回購,都可能係利好股價因素。至於出現突破嘅內險股,平安(2318)今朝曾破位升逾4%至53.5元,係超過兩個月低位,但觸及100天線好似見到少少阻力,未能順勢挑戰55元水平。#gif_2#

 

金融股受捧,但輪場資金並唔見跟風追貨。事實上平安上星期都曾經急升出現突破,但之後股價升勢唔見有跟進,只係徘徊喺50蚊附近反反覆覆,投資者參考近期股價走勢,難免想趁彈反手開淡。即市睇,滙豐同平安都見有資金反手開淡,而中距離熊證免除引伸影響,較受投資者歡迎。#gif_4#

 

金融股輪證選擇

 

滙豐認購證15838,行使價58.05元,22年10月到期,實際槓桿約11.3倍。

滙豐認沽證14927,行使價43.83元,22年09月到期,實際槓桿約9.2倍。

滙豐牛證59251,收回價48元,行使價47元,槓桿比率約11.9倍。

滙豐熊證55185,收回價53.88元,行使價54.88元,槓桿比率約12.5倍。

 

平安認購證12945,行使價61.88元,22年09月到期,實際槓桿約8.8倍。

平安認沽證16218,行使價37.95元,22年10月到期,實際槓桿約6.4倍。

平安牛證54176,收回價48.88元,行使價48.28元,槓桿比率約11.2倍。

平安熊證53455,收回價55.88元,行使價56.48元,槓桿比率約11.7倍。


...       
更多
    輪證小知識
    輪證小知識相關帖文