牛熊證街貨係咪能夠預示市場走勢，輪商收埋有用既數據? 最近又成為左一個熱門既議題。#jpg_4#
呢個題目已經存在多年，大概係唔少分析覺得場內一定有大戶，而大戶就一定係以散戶為目標。呢啲想法通常會用大升市時，大量熊證被收回，或者係大跌市時，大量牛證被收回作為印證。不過，大家試想想背後概念的漏洞。
首先，牛熊街貨重貨區的張數是反映上日數據，開市後很多倉位都可能變動左，即市可以有資金平牛買熊，又或者平熊買牛，所以升市當日用熊證重倉多去解釋殺倉，而忽視阻當日曾經有資金追牛證，其實係數據上既對號入座。
為什麼沒有即市牛熊街貨變化數據？
那麼您可能說，我有沒有方法可以得知即市的牛熊街貨變化呢？是否輪商刻意不公佈呢？答呢條問題之先，先解釋一下牛熊證街貨數據是如果編制的。
牛熊證街貨分佈圖，是發行商將市場上所有牛熊證產品每日收市後喺港交所公佈既街貨量數據，按每隻牛熊證既兌換比率，折算番做所需對沖既期指張數。點解要折算呢？係因為12000兌1既牛熊證，沽出後發行商要買賣既期指少過10000兌1；情況好似50兌1同500兌1既個股牛熊證產品一樣。
發行商作為流通量提供者，的確可以知道自家發行的牛熊證即時的街貨量變化，想兌番佢做期指好，對番做客戶咩野價入市都可以。問題出喺呢個數，輪商之間不可能在收市前互相通報，所以發行商技術上不能提供一個100%準確度既即市牛熊街貨分佈圖。
100%準確度的即市街貨根本不可能
有朋友睇到呢度，可能會話，由於發行商係用指定經紀編號提供流通量，那麼只要用系統紀錄哪些交易是和發行商交易，哪些是其他投資者的交易，不是可以即時計算到嗎？
這涉及投資者對交易系統的認知。要知道，投資者理論上無法得知每個發行商的每檔掛牌數量數目，發行商每一檔的買或賣盤，可以是不規則的數目，也有時候是當沽售或買入了一定數量後，發行商不會設定為自動填補交易盤量。因此，當發行商與投資者在同一檔次掛單，除了發行商及當下掛牌的投資者，理論上無人可以得知掛單的數量。如是，技術上靠認流通量提供者的編號去估算，不會得出完全準確的數據。而發行商不可，亦不會公佈一些可能有誤/不準確的數據，更談何將數據予投資者作睇好/淡的根據吧。
好了，宜家大家應該明白唔係輪商唔俾，而係輪商無法，亦睇唔到有一個有效方法，可以準確無誤咁提供到即市牛熊證街貨量變化俾投資者，所以長年以來都唔會有呢個數提供。
牛熊街貨真的有奇效嗎？
既然即市既數不可靠，咁我地又講番究竟牛熊證街貨有無大家一直以為既「神奇效果」。神奇效果另種錯覺，源於媒體通常很側重去講有幾多隻牛/熊，大概幾多街貨被收回，但少有量化仍舊坐倉，而睇中市既人，累積賺左幾多。然後，坊間又會對號入座咁話，「您睇下？大戶又殺散戶了！」#jpg_6#
此外，有糊食左先，輸錢揸住先，基本上係好多人既投資慣性。所以當大市走單邊走勢，好多資金揸熊證過夜，又或者響果一段時間見到多左資金入熊，其實係好正常，但係唔代表響行呢一個單邊前，無投資者早著先機買中方向，但呢個數據從來也被忽視，大概是市場傾向相信陰謀論，而毋視整個升浪中，牛證比例一直維持在六成以上的高水平。
產品選擇短時間不足造成數據傾斜
尚有另一點，逢單邊市出現後，以往發行商需要五日時間才可以提供更貼價產品俾投資者（現時縮短至三日）但始終牛證與熊證的面值相差一大截（因為較遠收回距離的牛/熊證的面值，可以是幾倍的比例，產品對散戶的吸引力降低，散戶有機會改為自行買賣期貨也說不定。換句話說，當牛熊證兩邊的產品選擇條款不對等，作出比較本身就會有機會出現偏頗。
牛熊證對沖活動佔市場比例大嗎？
撇開其他的雜訊，回歸基本步，究竟收回這些牛熊證，等同發行商要平多少倉，而這平倉對市場的影響情度有多大，才是合理的討論。觀乎每個牛熊證重貨區的對沖合約張數僅約千張，佔大市每日期指的成交比例甚低，說大戶依據這倉位下注，又是否忽視了市場之規模以及參與者之數目呢？
為什麼發行商要提供街貨數據？
那麼，既然您說牛熊街貨重貨區對後市升跌無必然關係，為什麼發行商仍要提供這個數據給投資者呢？第一是因為我們希望維持資訊的透明度；第二是這些數據還是側面反映了逆勢資金的積極程度，而投資者可以透過資訊防備風險。
試想想，假設投資者不是思想分裂，那麼買熊證的投資者，大概都沽售了不少手上的持貨。但大市依然上衝，正好反映市場買盤動力較大，那看淡者就要較為警覺。可是，這與立即反手是兩回事，因為牛熊證倉位的數據，本身已有著時差、產品選擇不平衡及只佔市場交易一小部份的缺陷。
因此，我們選擇了將市場的當日升跌，結合恒指牛熊證倉位，在「恒指牛熊證倉位分析」專頁內，以牛熊證數據配合投資者睇中/錯提示投資者風險，而不鼓勵投資者盲目跟隨街貨走勢主動作反手部署，僅希望投資者善用有關免費數據。#jpg_1#
近日大市表現唔好，科技股當然難以交出表現。尋日先講過，ATM中以騰訊(0700)負面消息較少，起碼唔似電商股同外賣股咁，要面對不斷加劇嘅競爭同補貼問題。咁啱今日騰訊即刻有好消息，旗下遊戲成功獲批版號，不過股價表現就麻麻，低位曾跌逾1%，暫守330蚊，及後跌幅逐步收窄。#gif_4#
騰訊近期跟隨大市走弱，但落到300蚊邊，股價似乎初步得到支持，即使阿里(9988)同美團(3690)再尋底，騰訊暫時喺呢個位置都企得穩。遊戲版號連續n個月獲批，當變成習慣之後，市場似乎對呢個消息反應唔大，嚟緊騰訊就會出業績，或者相對會較吸引投資者注意？#gif_2#
有別於美團同阿里，好友揀Call通常越揀越貼價，某程度反映大市對呢兩隻股睇法較淡，但對於騰訊，好友依然揀緊行使價400蚊以上嘅價外Call，貪佢面值平、槓桿夠高。當然如果保守好友，亦有行使價400蚊樓下嘅冇咁價外Call揀，減低價外幅度。#gif_1#
除咗騰訊，嗶哩嗶哩(9626)都有遊戲獲批版號，今朝高位曾急升逾9%，逼近185蚊，但之後又落返180蚊樓下。好友小注考慮價外Call，觀望股價順勢突破阻力位嘅機會。#gif_3#
網遊股窩輪選擇
騰訊認購證13773，行使價430.2元，23年07月到期，實際槓桿約9.6倍。
騰訊認購證14550，行使價388.5元，23年06月到期，實際槓桿約9.2倍。
騰訊認沽證13917，行使價303.68元，23年07月到期，實際槓桿約5.9倍。
嗶哩認購證26910，行使價264.2元，23年09月到期，實際槓桿約3.3倍。
港股越跌越多，恒指到而家已經跌成500幾點。市場關注緊呢個星期聯儲局議息，會唔會加少啲、甚至唔加，不過科技股依然未見受惠，ATM全面受壓，而剛發布「文心一言」嘅百度(9888)，係少數有得升嘅大型科技股。如果真係想博反彈，弱勢ATM值博啲，抑或高追百度？#gif_4#
先講弱勢ATM，騰訊(0700)同阿里(9988)都各有捧場客，騰訊低位受得住330蚊；但阿里今朝就守唔住80蚊關口喇。近日電商股受補貼同競爭影響，而美團(3690)同樣有競爭憂慮，而且騰訊年初派股，原來嚟緊呢個星期就有貨，會唔會觸發新一輪沽貨潮？都係投資者嘅考慮因素。相對嚟講，騰訊無咁多競爭、補貼呢啲負面消息，值博率會唔會相對較高？#gif_1#
至於百度，由於累積升幅已經夠大，再追貨嘅資金暫時有限，但如果覺得AI概念繼續有追捧，參考2月初高位約166蚊，作為揀Call輪行使價嘅指標，都係好友追貨策略之一。#gif_2#
科技股輪證選擇
騰訊認購證13773，行使價430.2元，23年07月到期，實際槓桿約9.5倍。
騰訊認沽證13917，行使價303.68元，23年07月到期，實際槓桿約5.7倍。
美團認購證14832，行使價140.1元，23年06月到期，實際槓桿約6.0倍。
美團認沽證14669，行使價112.7元，23年08月到期，實際槓桿約3.7倍。
美團牛證56286，收回價116.88元，行使價113.88元，槓桿比率約8.2倍。
阿里認購證26662，行使價86.93元，23年10月到期，實際槓桿約4.2倍。
阿里認沽證28464，行使價66.63元，23年06月到期，實際槓桿約6.2倍。
阿里牛證63468，收回價72元，行使價70元，槓桿比率約8.0倍。
百度認購證26350，行使價160.98元，23年08月到期，實際槓桿約4.4倍。
港股一月造好，二月回調，三月又點睇？中資股相繼公佈業績，會有咩啟示？
瑞信何啟聰Ivan、紅磡索螺絲、仲有新加入嘅 K.Ho，於昨晚（16號）聯手講解業績期後入市策略，分享心水板塊！
兩會過後，有邊啲板塊受惠國策? 索索睇好電訊同基建板塊（＠10:22）。 K.Ho 就提大家操盤以「短」為上，佢又會參考邊啲市場訊號 (@33:55) ？ 投資者想避險又可以點做 (@16:29)?
仲有好多詳細分析，立即睇片重溫!
網上講座內容
- 港股經歷2月回調，3月能否否極泰來？
- 外圍市況會否進一步轉弱？當下市況最新輪證策略
- 三月業績期下半場，中資股壓軸公佈業績，後市點睇？散戶又如何應對？
- 兩位散戶奇兵本少利大輪證策略
主辦：新城財經台
贊助：瑞信認股證牛熊證
日期：2023年3月16日 (星期四)
時間：晚上 8時30分至10時正
主持: 朱子昭 及 朱明亮
講者： 瑞信香港認股證及牛熊證銷售主管 何啟聰 Ivan
K.Ho
紅磡索螺絲
想緊貼我地嘅網上講座同教學，就記得Like埋我地嘅YouTube Channel 啦！去「輪證頻道」留意最新update都得！
市場因應歐美銀行危機而出現嘅恐慌情緒，雖然略見減退，恒指今朝都有升，不過減退唔等如消除，避險情緒高漲下，資金開始搵地方暫時停泊，而走勢相對較穩定嘅中資電訊股，隨即吸引資金考慮。#gif_1#
中移動(0941)今朝破位，高位曾升逾2%，升至65.85元嘅接近4年高位。聯通(0762)高位升幅達半成，高見5.85元水平。中電信(0728)亦曾升逾3%，成功突破4.4元水平。#gif_3#
中移動同中電信早已經揚言，會增加派息比率，喺投資情緒差嘅市況下，有咩好過可以收到穩定嘅股息？所以中資電訊股水漲船高，亦有其受追捧嘅道理。嚟緊中移動就嚟出業績，如果驚引伸水平喺業績前後較波動，或者可以考慮中距離牛證追貨，除咗免除引伸影響，面值較低、槓桿較高，亦係牛證嘅優點。#gif_5#
中資電訊股輪證選擇
中移認購證14676，行使價75元，23年09月到期，實際槓桿約8.2倍。
中移牛證55370，收回價61.5元，行使價60.9元，槓桿比率約18.2倍。
中移牛證54835，收回價58.5元，行使價57.9元，槓桿比率約11.5倍。
中聯認購證14297，行使價5.96元，23年12月到期，實際槓桿約4.2倍。
國信認購證14839，行使價5.19元，23年08月到期，實際槓桿約5.7倍。
市場關注歐美銀行業情況，不過保險股今朝跌幅，似乎比銀行股跌得更多。內險股平安(2318)公布，舊年純利按年跌逾17%，低過市場預期；反映新做保單嘅新業務價值，亦按年跌約24%到288億人仔，都係差過市場預期。平安今朝顯著受壓，低位曾跌逾4%，失守過50蚊關口，係超過兩個月低位。#gif_6#
內地舊年受疫情影響，保單難Sell，應該屬預期之內，只不過平安份業績，比預期再差少少；不過平安都算誠意十足，賺少咗錢，末期息依然維持喺每股1.5元，加埋公司自己派定心丸，話今年首季同全年，預期新業務價值可以實現正增長，資金趁平安捱沽，都見有流入好倉。除咗價外Call，亦見有資金考慮中距離牛證，以免除引伸影響。#gif_2#
至於友邦保險(1299)，今朝跌幅更高達半成，低位落到75蚊邊緣，係超過3個月低位。市場關注下星期聯儲局就息口嘅最終決定，或者會對債券市場帶嚟明顯影響；但隨著市場開始消化對歐美銀行業嘅憂慮，即市都見有好友考慮友邦好倉，同樣以中距離牛證為主，以免除引伸影響。#gif_4#
保險股輪證選擇
平安認購證14776，行使價63.23元，23年06月到期，實際槓桿約10.3倍。
平安認沽證28987，行使價36.45元，23年05月到期，實際槓桿約8.9倍。
平安牛證63475，收回價46元，行使價45.4元，槓桿比率約10.8倍。
友邦認購證21681，行使價95.05元，23年12月到期，實際槓桿約6.5倍。
友邦認沽證23965，行使價67.95元，23年12月到期，實際槓桿約4.3倍。
友邦牛證59734，收回價68元，行使價67.4元，槓桿比率約8.6倍。
市場對銀行業憂慮減低，港股今朝大反彈！科技股升幅比金融股更大，當中有主題嘅百度(9888)，更加升幅最大嘅其中一隻科技股。#gif_1#
百度研發嘅AI技術文心一言，將會喺聽日發布，投資者今朝憧憬定先，高位曾升近7%，逼近138蚊水平，唔單止收復晒尋日嘅跌幅，高位仲重上50天線。雖然市場對ChatGPT嘅熱潮已經減退咗唔少，不過文心一言發布在即，依然見到有資金先行部署，追貨資金參考一個月高位約155蚊，作為揀百度Call行使價嘅參考。#gif_3#
至於其他科技股，今朝亦見受追捧。市場關注下星期嘅聯儲局議息，可能會因應近日銀行業危機，而決定唔加息住，甚至有券商估會減息，可能增加返科技股吸引力。騰訊(0700)今朝重上350蚊，高位升逾3%。阿里(9988)升逾4%，但暫受制於85蚊水平。美團(3690)亦見反彈，但上到130蚊之後，又好似開始有阻力出現。#gif_4#
科技股之中，資金對騰訊嘅興趣相對較大。雖然唔加息住理論上利好成個科技股板塊，不過阿里面臨同業巨額補貼競爭，美團又驚有新競爭對手入場，似乎只有騰訊相對較少負面消息。好友揀騰訊Call亦比較進取，主要揀行使價喺430蚊或以上嘅價外Call，貪呢類產品面值低啲、槓桿亦高啲。#gif_5#
金融股及金礦股輪證選擇
百度認購證26350，行使價160.98元，23年08月到期，實際槓桿約4.6倍。
騰訊認購證13773，行使價430.2元，23年07月到期，實際槓桿約8.5倍。
騰訊認沽證13917，行使價303.68元，23年07月到期，實際槓桿約6.2倍。
阿里認購證26662，行使價86.93元，23年10月到期，實際槓桿約3.9倍。
阿里認沽證28464，行使價66.63元，23年06月到期，實際槓桿約4.8倍。
阿里牛證63468，收回價72元，行使價70元，槓桿比率約6.0倍。
美團認購證14782，行使價150.1元，23年09月到期，實際槓桿約4.3倍。
美團認沽證14669，行使價112.7元，23年08月到期，實際槓桿約3.6倍。
美團牛證56286，收回價116.88元，行使價113.88元，槓桿比率約7.8倍。
美國接連有銀行業倒閉之後，加深咗市場嘅恐慌情緒。隔晚外圍銀行股急跌，返到嚟香港，國際金融股亦見受壓。宣布收購矽谷銀行英國分行嘅滙豐(0005)，今朝曾跌逾半成，下試約兩個月低位。友邦保險(1299)相對冇咁關事，低位都曾跌逾4%，暫守81蚊水平。#gif_6#
有報道話，滙豐計劃向啱啱收購嘅矽谷銀行英國分行，注資20億英磅，雖然券商對收購反映唔覺負面，但始終銀行業成個板塊跌，滙豐都難以獨善其身。另一個關注點，係聯儲局嘅加息步伐，會唔會因為今次危機而暫緩，起碼喺下星期議息時唔加住，亦可能係影響銀行股同保險股嘅因素。#gif_2#
即市睇，滙豐捱沽，隨即吸引好友入場撈Call，而追沽資金相對有限。留意銀行業出現呢啲負面消息之後，板塊嘅波動性增加，令相關引伸水平有所提升，而家入場要諗埋引伸之後回落嘅機會。友邦好倉亦見有資金吸納，主要考慮相對貼價少少嘅產品。#gif_4#
市場避險情緒增加，資金流入金市，金價向上，推升金礦股。紫金礦業（2899）曾飆逾半成，但衝上13蚊後有啲獲利盤出現。招金礦業（1818）曾漲逾7%至9.85元，係超過兩年高位，之後徘徊喺9.5元整固。山東黃金（1787）曾升逾半成，但之後回返落15蚊樓下。資金趁金礦股升幅收窄之後，都有小注入場，或者係預期避險資金或會再推升金價。#gif_1#
金融股及金礦股輪證選擇
滙豐認購證13686，行使價63.98元，23年07月到期，實際槓桿約13.9倍。
滙豐認沽證13687，行使價49.95元，23年07月到期，實際槓桿約7.5倍。
友邦認購證21676，行使價90.05元，23年06月到期，實際槓桿約10.8倍。
友邦認沽證23965，行使價67.95元，23年12月到期，實際槓桿約5.2倍。
友邦牛證63473，收回價75元，行使價74.4元，槓桿比率約11.5倍。
紫金認購證14479，行使價14.9元，23年08月到期，實際槓桿約5.2倍。
招金認購證14400，行使價11.13元，23年07月到期，實際槓桿約4.8倍。
東金認購證14301，行使價15.88元，23年12月到期，實際槓桿約3.0倍。
市場氣氛因為美國監管機構，向銀行業提出嘅額外存款保障而喘穩，恒指今朝升幅逐步擴大至逾300點，不過投資者嘅情緒依然虛怯。通常避險情緒升溫，資金都會轉投走勢較穩定嘅傳統藍籌，不過今朝中移動(0941)同滙豐(0005)兩隻最傳統嘅藍籌，走勢卻明顯有分別。#gif_4#
近日憧憬6G國策嘅中移動，話舊年全年嘅派息率將會進一步提升，今年以現金分派嘅利潤比率，將會達70%以上。喺風險增加嘅市況下，有咩消息好過增加派息？中移動股價今朝自然水漲船高，高位升近4%至64.45元，再度逼近65蛟關口。#gif_3#
中移動高企，但資金繼續針對強勢股追貨，由於價外Call輪價隨住股價高企而增加，資金近日傾向轉投牛證，貪佢面值低啲，而且槓桿亦相對吸引。#gif_1#
至於滙豐，由於市場最新關注嘅風險因素，正正就係銀行業，而有報道話，滙豐研究成為矽谷銀行英國分行嘅白武士，可能會出手收購。滙豐今朝逆市向下，跌幅大約1%左右，暫守55蚊水平。資金都有趁跌入場部署好倉，但注碼上相對保守，可能都係等睇定啲先再再作下一步行動。#gif_10#
中移動及滙豐輪證選擇
中移認購證13857，行使價66.03元，23年09月到期，實際槓桿約8.9倍。
中移牛證55370，收回價61.5元，行使價60.9元，槓桿比率約22.9倍。
中移牛證54835，收回價58.5元，行使價57.9元，槓桿比率約13.4倍。
滙豐認購證13686，行使價63.98元，23年07月到期，實際槓桿約13.8倍。
滙豐認沽證13687，行使價49.95元，23年07月到期，實際槓桿約9.2倍。
外圍急跌，港股今朝難免受壓，恒指曾重挫逾500點，低位失守19,500點水平。跌得多嘅有京東系股份，京東(9618)出完業績後插水，低位曾挫近12%，失守160元水平，亦係超過逾四個月低位水平。京東物流(2618)同樣捱沽，低位急跌逾7%，失守13蚊，係超過3個月低位。#gif_6#
京東份業績，講差又講唔上好差，第四季收入達2,900億人仔以上，列帳純利達30億以上，而舊年同期係輸錢。驚喜嘅係，京東仲首次宣布派末期息，每股派0.31美元；不過市場聚焦似乎唔係只係睇佢盤數，而係關注佢個百億補貼大計，市場既驚成本增加，又怕競爭加劇，可能係京東急跌嘅原因。#gif_10#
京東突然宣布派息，如果Call輪同牛證嘅到期日包括咗除息日，對呢啲產品嘅價格係會受到負面影響，詳情可以睇《派息對窩輪影響》；不過由於今日京東跌得急，窩輪引伸有所上升，就算計埋派息影響，大部分Call輪價格嘅跌幅都比理論跌幅少；但需要留意如果而家入場，你係以較高引伸水平買輪，若之後跌勢喘穩，引伸回落，或者會對窩輪價格構成負面影響。如果想趁跌入場，中距離牛證免除引伸影響，係今朝唔少好友嘅「撈底」選擇。#gif_2#
京東系及電商股輪證選擇
京東認購證14298，行使價208.2元，23年08月到期，實際槓桿約5.1倍。
京東牛證54658，收回價140元，行使價137元，槓桿比率約6.6倍。
京物認購證14249，行使價18.02元，23年08月到期，實際槓桿約5.2倍。
阿里認購證26662，行使價86.93元，23年10月到期，實際槓桿約3.8倍。
阿里認沽證28464，行使價66.63元，23年06月到期，實際槓桿約5.1倍。
阿里牛證63468，收回價72元，行使價70元，槓桿比率約6.6倍。
